അദ്ദേഹം തന്റെ ഹൃദയാ​ഭി​ലാ​ഷം തിരി​ച്ച​റി​ഞ്ഞു

മിശി​ഹൈ​ക​രാ​ജ്യം മുഴു​ഭൂ​മി​യു​ടെ​യും​മേൽ സമ്പൂർണാ​ധി​പ​ത്യം നടത്തു​ന്നതു കാണു​ക​യെ​ന്നതു നിങ്ങളു​ടെ ഹൃദയാ​ഭി​ലാ​ഷ​മാ​ണോ? അങ്ങനെ​യെ​ങ്കിൽ ആ സ്വർഗീയ രാജ്യ​ത്തിൻ കീഴിൽ വാഗ്‌ദത്തം ചെയ്‌തി​ട്ടുള്ള ഭൗമിക അനു​ഗ്ര​ഹ​ങ്ങൾക്കു​വേണ്ടി നിങ്ങൾ അതിയാ​യി കാംക്ഷി​ക്കു​ക​യും അവയ്‌ക്കു​വേണ്ടി പ്രാർഥി​ക്കു​ക​യും ചെയ്യു​ന്നു​ണ്ടാ​വും. അങ്ങനെ​യാ​ണെ​ങ്കിൽ ക്ഷമ കാട്ടുക, കാരണം ‘ഇച്ഛാനി​വൃ​ത്തി ജീവവൃ​ക്ഷം’ ആകുന്നു.—സദൃശ​വാ​ക്യ​ങ്ങൾ 13:12; യാക്കോബ്‌ 5:7, 8.

ഏതാണ്ട്‌ 2,000 വർഷങ്ങൾക്കു മുമ്പ്‌ യരുശ​ലേ​മിൽ ശിമെ​യോൻ എന്നു പേരുള്ള “നീതി​മാ​നും ഭയഭക്തി​യു​ള്ള​വ​നു​മായ” ഒരു മനുഷ്യൻ ജീവി​ച്ചി​രു​ന്നു. മിശി​ഹൈക പ്രവച​ന​ങ്ങ​ളിൽ അദ്ദേഹ​ത്തി​നു വിശ്വാ​സ​മു​ണ്ടാ​യി​രു​ന്നു, “ഇസ്രാ​യേ​ലി​ന്റെ ആശ്വാ​സ​ത്തി​നു​വേണ്ടി അദ്ദേഹം കാത്തി​രി​ക്കു​ക​യാ​യി​രു​ന്നു.”—ലൂക്കോസ്‌ 2:25, NW.

മിശി​ഹൈക പ്രവച​നങ്ങൾ പ്രത്യാ​ശ​യേ​കു​ന്നു

പാപപൂർണ​രും മർത്ത്യ​രു​മായ മനുഷ്യ​വർഗ​ത്തി​നു പ്രത്യാ​ശ​യേ​കിയ ആദ്യത്തെ മിശി​ഹൈക പ്രവച​ന​ത്തി​നു യഹോവ ഉത്തരവാ​ദി​യാ​യി​രു​ന്നു. തന്റെ “സ്‌ത്രീ”യുടെ അഥവാ തന്റെ സാർവ​ത്രിക സ്ഥാപന​ത്തി​ന്റെ വരാനി​രി​ക്കുന്ന സന്തതി​യെ​ക്കു​റി​ച്ചു ദൈവം മുൻകൂ​ട്ടി​പ്പ​റഞ്ഞു.—ഉല്‌പത്തി 3:15.

അബ്രഹാ​മി​ന്റെ സന്തതി​യാ​യി തിരി​ച്ച​റി​യി​ക്ക​പ്പെട്ട ആ ഒരുവന്റെ വരവി​നെ​ക്കു​റി​ച്ചു യാക്കോബ്‌ മുൻകൂ​ട്ടി​പ്പ​റഞ്ഞു. (ഉല്‌പത്തി 22:17, 18; 49:10) മിശി​ഹൈക രാജ്യ​ത്തി​ന്റെ മാഹാ​ത്മ്യ​ങ്ങളെ സങ്കീർത്ത​ന​ങ്ങ​ളിൽ സ്‌തു​തി​ച്ചി​രി​ക്കു​ന്നു. (സങ്കീർത്ത​നങ്ങൾ 72:1-20) സന്തതി ഒരു കന്യക​യിൽനി​ന്നു ജനിക്കു​മെന്നു യശയ്യാ മുൻകൂ​ട്ടി​പ്പ​റഞ്ഞു. സന്തതി ജനിക്കു​ന്നതു ബേത്‌ല​ഹേ​മി​ലാ​യി​രി​ക്കു​മെന്നു മീഖാ പ്രവചി​ച്ചു. (യെശയ്യാ​വു 7:14; മീഖാ 5:2) ഇവ അനേകം മിശി​ഹൈക പ്രവച​ന​ങ്ങ​ളിൽ ചിലതു മാത്ര​മാണ്‌.

അപ്പോ​ഴും മിശിഹാ വന്നില്ല!

ഭൂതകാ​ല​ത്തെ​ക്കു​റി​ച്ചു ചിന്തി​ക്കുക, പൊ.യു. ഒന്നാം നൂററാണ്ട്‌ അടുത്തു​വ​രു​ന്ന​താ​യി സങ്കൽപ്പി​ക്കുക. ദൈവ​ത്തി​ന്റെ ആദ്യത്തെ മിശി​ഹൈക പ്രവച​ന​ത്തിന്‌ ഇപ്പോൾ 4,000 വർഷം പഴക്കമാ​യി. യഹൂദൻമാർ യഹോ​വ​യു​ടെ ആലയത്തി​ന്റെ തകർക്ക​ലും തങ്ങളുടെ പിതൃ​ദേ​ശ​ത്തി​ന്റെ ശൂന്യ​മാ​ക്ക​ലും ബാബി​ലോ​നി​ലെ 70-വർഷ പ്രവാ​സ​വും 500-ലധികം വർഷം വിജാ​തീയ ഭരണാ​ധി​കാ​രി​കൾക്ക​ധീ​ന​മായ ജീവി​ത​വും അനുഭ​വി​ച്ചു​ക​ഴി​ഞ്ഞി​രി​ക്കു​ന്നു. എന്നിട്ടും മിശിഹാ എത്തിയി​ട്ടില്ല!

ദൈവ​ഭ​യ​മു​ണ്ടാ​യി​രുന്ന യഹൂദൻമാർ മിശി​ഹാ​യു​ടെ വരവി​നു​വേണ്ടി എത്രമാ​ത്രം ആഗ്രഹി​ച്ചു! ആ മിശി​ഹാ​യിൽനിന്ന്‌ അവരി​ലേ​ക്കും സകല ജനതക​ളി​ലേ​ക്കും അനു​ഗ്ര​ഹങ്ങൾ പ്രവഹി​ക്കു​മാ​യി​രു​ന്നു.

ഭയഭക്തി​യുള്ള ഒരു മനുഷ്യൻ

മിശി​ഹാ​യു​ടെ വരവി​നു​വേണ്ടി ആകാം​ക്ഷ​യോ​ടെ കാത്തി​രി​ക്കു​ക​യും പ്രാർഥി​ക്കു​ക​യും ചെയ്യുന്ന ഭയഭക്തി​യുള്ള യഹൂദൻമാ​രിൽ ഒരാളാ​ണു ശിമെ​യോൻ. യഹൂദ്യ​യു​ടെ തലസ്ഥാ​ന​ന​ഗ​രി​യിൽ താമസി​ക്കുന്ന വിശ്വ​സ്‌ത​നും വൃദ്ധനു​മായ ഒരു യഹോ​വ​യു​ടെ ദാസനാണ്‌ അദ്ദേഹം. പ്രത്യേ​ക​മായ എന്തോ ഒന്നു ശിമെ​യോ​നു സംഭവി​ച്ചി​രി​ക്കു​ന്നു.

ദൈവം തന്റെ പരിശു​ദ്ധാ​ത്മാ​വി​നെ ശിമെ​യോ​ന്റെ​മേൽ ആക്കി​വെച്ച്‌ ഒരു വെളി​പാ​ടു നൽകി അദ്ദേഹ​ത്തി​നു പ്രതി​ഫലം കൊടു​ത്തി​രി​ക്കു​ന്നു. മിശിഹാ ആകാൻ പോകു​ന്ന​വനെ കാണു​ന്ന​തു​വരെ ശിമെ​യോൻ മരണം കാണു​ക​യില്ല. എന്നാൽ ദിവസ​ങ്ങ​ളും മാസങ്ങ​ളും കടന്നു​പോ​കു​ന്നു. ശിമെ​യോ​നു പ്രായ​മേ​റി​വ​രി​ക​യാണ്‌, അധിക​കാ​ലം ജീവി​ച്ചി​രി​ക്കു​മെന്നു വലിയ പ്രതീ​ക്ഷ​യില്ല. അദ്ദേഹ​ത്തോ​ടുള്ള ദൈവ​ത്തി​ന്റെ വാഗ്‌ദത്തം നിവൃ​ത്തി​യാ​കു​മോ?

ഒരു ദിവസം (പൊ.യു.മു. 2-ൽ) ഒരു യുവദ​മ്പ​തി​കൾ ബേത്‌ല​ഹേ​മിൽനിന്ന്‌ ഒരു ശിശു​വി​നെ​യും​കൊണ്ട്‌ ആലയത്തിൽ എത്തുന്നു. ദീർഘ​കാ​ല​മാ​യി കാത്തി​രുന്ന ദിവസം ഇതാ​ണെന്നു പരിശു​ദ്ധാ​ത്മാ​വു ശിമെ​യോ​നു വെളി​പ്പെ​ടു​ത്തി​ക്കൊ​ടു​ക്കു​ന്നു. അദ്ദേഹം ആലയത്തി​ലേക്കു പോകു​ന്നു, പ്രവാ​ച​കൻമാർ എഴുതി​യി​രു​ന്ന​വനെ അവി​ടെ​വച്ച്‌ അദ്ദേഹം കാണും. തന്റെ വൃദ്ധശ​രീ​ര​ത്തിന്‌ ആകുന്നി​ട​ത്തോ​ളം വേഗത്തിൽ നടന്നു​ചെന്ന അദ്ദേഹം യോ​സേ​ഫി​നെ​യും മറിയ​യെ​യും കുട്ടി​യെ​യും കാണുന്നു.

എത്ര സന്തോ​ഷ​ത്തോ​ടെ​യാ​ണു ശിമെ​യോൻ പൈത​ലായ യേശു​വി​നെ തന്റെ കരങ്ങളി​ലെ​ടു​ക്കു​ന്നത്‌! ഇവൻ വാഗ്‌ദത്തം ചെയ്യപ്പെട്ട മിശിഹാ—“യഹോ​വ​യു​ടെ ക്രിസ്‌തു”—ആയിത്തീ​രും. യേശു തന്റെ ഭൗമിക ദൗത്യം നിർവ​ഹി​ക്കു​ന്നതു കാണാൻ വളരെ​യ​ധി​കം പ്രായം​ചെന്ന ശിമെ​യോ​നു പ്രതീ​ക്ഷി​ക്കാ​നാ​വില്ല. എന്നാൽ അവിടു​ത്തെ ഒരു ശിശു​വാ​യി കാണു​ന്നത്‌ അത്ഭുത​ക​ര​മാണ്‌. മിശി​ഹൈക പ്രവച​നങ്ങൾ നിവൃ​ത്തി​യേ​റി​ത്തു​ട​ങ്ങി​യി​രി​ക്കു​ന്നു. ശിമെ​യോൻ എത്ര സന്തുഷ്ട​നാണ്‌! ഇനി അദ്ദേഹം പുനരു​ത്ഥാ​നം​വരെ മരണത്തിൽ നിദ്ര​കൊ​ള്ളു​ന്നതു സംതൃ​പ്‌തി​യോ​ടെ​യാ​യി​രി​ക്കും.—ലൂക്കോസ്‌ 2:25-28, NW.

ശിമെ​യോ​ന്റെ പ്രാവ​ച​നിക വാക്കുകൾ

യഹോ​വക്കു സ്‌തു​തി​യേ​റ​റി​ക്കൊ​ണ്ടു ശിമെ​യോൻ തന്റെ ശബ്ദം ഉയർത്തവേ അദ്ദേഹം ഇങ്ങനെ പറയു​ന്ന​താ​യി നാം കേൾക്കു​ന്നു: “ഇപ്പോൾ നാഥാ തിരു​വ​ച​നം​പോ​ലെ നീ അടിയനെ സമാധാ​ന​ത്തോ​ടെ വിട്ടയ​ക്കു​ന്നു. ജാതി​കൾക്കു വെളി​പ്പെ​ടു​വാ​നുള്ള പ്രകാ​ശ​വും നിന്റെ ജനമായ യിസ്രാ​യേ​ലി​ന്റെ മഹത്വ​വു​മാ​യി നീ സകല ജാതി​ക​ളു​ടെ​യും മുമ്പിൽ ഒരുക്കി​യി​രി​ക്കുന്ന നിന്റെ രക്ഷയെ എന്റെ കണ്ണു കണ്ടുവ​ല്ലോ.” യേശു​വി​ന്റെ വളർത്തു​പി​താ​വായ യോ​സേ​ഫും അദ്ദേഹ​ത്തി​ന്റെ ഭാര്യ മറിയ​യും ഈ വാക്കു​ക​ളെ​ക്കു​റിച്ച്‌ അതിശയം പ്രകട​മാ​ക്കു​ന്നു.—ലൂക്കൊസ്‌ 2:29-33.

താൻ യോ​സേ​ഫി​നെ​യും മറിയ​യെ​യും അനു​ഗ്ര​ഹി​ക്കു​മ്പോൾ ശിമെ​യോ​ന്റെ മുഖം ശോഭ​ന​മാണ്‌, സാധ്യ​ത​യ​നു​സ​രിച്ച്‌ ആ ശിശു​വി​നെ പ്രതി​യുള്ള അവരുടെ ഉത്തരവാ​ദി​ത്വ​ങ്ങൾ നിറ​വേ​റ​റു​ന്ന​തിൽ യഹോ​വ​യു​ടെ അനു​ഗ്രഹം അദ്ദേഹം ആശംസി​ക്കു​ക​യാണ്‌. അനന്തരം ആ വൃദ്ധമ​മ​നു​ഷ്യ​ന്റെ മുഖം ഗൗരവ​പൂർണ​മാ​കു​ന്നു. തന്റെ അഭി​പ്രാ​യങ്ങൾ മറിയ​യു​ടെ നേർക്കു മാത്രം തിരി​ച്ചു​കൊണ്ട്‌ അദ്ദേഹം ഇപ്രകാ​രം കൂട്ടി​ച്ചേർക്കു​ന്നു: “അനേക​ഹൃ​ദ​യ​ങ്ങ​ളി​ലെ വിചാരം വെളി​പ്പെ​ടേ​ണ്ട​തി​ന്നു ഇവനെ യിസ്രാ​യേ​ലിൽ പലരു​ടെ​യും വീഴ്‌ചെ​ക്കും എഴു​ന്നേ​ല്‌പി​ന്നും മറുത്തു​പ​റ​യുന്ന അടയാ​ള​ത്തി​ന്നു​മാ​യി വെച്ചി​രി​ക്കു​ന്നു. നിന്റെ സ്വന്ത​പ്രാ​ണ​നിൽകൂ​ടി​യും ഒരു വാൾ കടക്കും.”—ലൂക്കൊസ്‌ 2:34, 35.

മറിയ​യോ​ടുള്ള ശിമെ​യോ​ന്റെ പ്രസ്‌താ​വന

മറിയക്ക്‌ എങ്ങനെ അനുഭ​വ​പ്പെ​ട്ടു​വെന്നു സങ്കൽപ്പി​ക്കുക. ശിമെ​യോൻ എന്താണ്‌ അർഥമാ​ക്കി​യത്‌? ചിലർ ക്രിസ്‌തു​വി​നെ സ്വീക​രി​ക്കു​ക​യും അങ്ങനെ തങ്ങളുടെ വീഴ്‌ച​ഭ​വിച്ച അവസ്ഥയിൽനിന്ന്‌ അപ്പോൾത്തന്നെ ഉയർത്ത​പ്പെ​ടു​ക​യും ചെയ്യും. എന്നിരു​ന്നാ​ലും, മററു ചിലർ അവിടു​ത്തെ തള്ളിക്ക​ള​യു​ക​യും അവിടു​ത്തെ​ച്ചൊ​ല്ലി ഇടറി​വീ​ഴു​ക​യും ചെയ്യും. മുൻകൂ​ട്ടി​പ്പ​റ​യ​പ്പെ​ട്ട​തു​പോ​ലെ അനേകം യഹൂദൻമാർക്ക്‌ യേശു ഒരു ഇടർച്ച​ക്ക​ല്ലാ​യി ഭവിച്ചു. (യെശയ്യാ​വു 8:14; 28:16) വ്യക്തി​ക​ളായ ഇസ്രാ​യേ​ല്യർ ആദ്യം അവിശ്വാ​സ​ത്താൽ വീണു​പോ​കു​ക​യും പിന്നീട്‌ യേശു​വി​നെ സ്വീക​രി​ക്കു​ക​വഴി എഴു​ന്നേൽക്കു​ക​യും ചെയ്യു​മെന്നല്ല ശിമെ​യോ​ന്റെ വാക്കു​ക​ളു​ടെ അർഥം. പിന്നെ​യോ, വ്യക്തികൾ ഓരോ​രു​ത്ത​രും ഭിന്നവി​ധ​ങ്ങ​ളി​ലാ​യി​രി​ക്കും അവിടു​ത്തോട്‌ പ്രതി​ക​രി​ക്കുക. ഈ പ്രതി​ക​ര​ണങ്ങൾ പലരു​ടെ​യും ഹൃദയ​ങ്ങ​ളി​ലെ ന്യായ​വാ​ദ​ങ്ങളെ അനാവ​രണം ചെയ്യു​ക​യും തങ്ങൾക്കു നൻമയോ തിൻമ​യോ ആയി ഭവിക്കുന്ന ദൈവ​ന്യാ​യ​വി​ധി​യി​ലേക്ക്‌ ആളുകളെ നയിക്കു​ക​യും ചെയ്യുന്നു. അവിശ്വാ​സി​കളെ സംബന്ധി​ച്ചി​ട​ത്തോ​ളം അവിടുന്ന്‌ ഒരു അടയാളം അഥവാ ഒരു വിദ്വേ​ഷ​ല​ക്ഷ്യം ആയിരി​ക്കും. യേശു​വിൽ വിശ്വാ​സം വയ്‌ക്കു​ന്ന​തു​വഴി, അതി​ക്ര​മ​ങ്ങ​ളാ​ലും പാപങ്ങ​ളാ​ലും മരിച്ച അവസ്ഥയിൽനി​ന്നു മററു​ള്ളവർ ഉയർത്ത​പ്പെ​ടു​ക​യും ദൈവ​മു​മ്പാ​കെ നീതി​പൂർവ​ക​മായ ഒരു നില ആസ്വദി​ക്കാ​നി​ട​യാ​യി​ത്തീ​രു​ക​യും ചെയ്യും. മിശി​ഹാ​യോ​ടുള്ള അവരുടെ നടപടി​കൾ അവരുടെ ഹൃദയ​ങ്ങ​ളിൽ എന്താണ്‌ ഉള്ളതെന്നു പ്രകട​മാ​ക്കും.

“നിന്റെ സ്വന്ത​പ്രാ​ണ​നിൽകൂ​ടി​യും ഒരു വാൾ കടക്കും” എന്ന ശിമെ​യോ​ന്റെ വാക്കുകൾ സംബന്ധി​ച്ചെന്ത്‌? മറിയ​യു​ടെ ശരീര​ത്തു​കൂ​ടി ഒരു അക്ഷരീയ വാൾ കടന്നു​പോ​യ​താ​യി യാതൊ​രു തിരു​വെ​ഴു​ത്തു​സൂ​ച​ന​യു​മില്ല. എന്നാൽ, ഭൂരി​പ​ക്ഷ​മാ​ളു​കൾ യേശു​വി​നെ തള്ളിക്ക​ള​ഞ്ഞത്‌ അവളെ വ്യാകു​ല​പ്പെ​ടു​ത്തു​മാ​യി​രു​ന്നു. യേശു​വി​നെ സ്‌തം​ഭ​ത്തിൽ തറയ്‌ക്കു​ന്നതു കണ്ടുനിൽക്കു​ന്നതു മറിയക്ക്‌ എത്ര വേദനാ​ക​ര​മാ​യി​രു​ന്നു! ഇത്‌ അവളി​ലൂ​ടെ ഒരു വാൾ കടന്നു​പോ​കു​ന്ന​തു​പോ​ലെ ആയിരു​ന്നു.

ശിമെ​യോൻ മിശി​ഹൈക പ്രവച​നങ്ങൾ ബാധക​മാ​ക്കു​ന്നു

മിശി​ഹൈക പ്രവച​നങ്ങൾ യേശു​വി​നു ബാധക​മാ​ക്കാൻ ദൈവാ​ത്മാ​വു ശിമെ​യോ​നെ പ്രേരി​പ്പി​ച്ചി​രു​ന്നു. സമാധാ​ന​ത്തോ​ടെ അഥവാ പ്രശാ​ന്ത​ത​യോ​ടെ ശിമെ​യോ​നു മരിക്കാൻ കഴിയു​മാ​യി​രു​ന്നു. കാരണം ‘സകല ജനതകൾക്കും​വേണ്ടി ദൈവം ഒരുക്കി​യി​രി​ക്കുന്ന രക്ഷ അദ്ദേഹ​ത്തി​ന്റെ കണ്ണുകൾ കണ്ടു. അതു വിജാ​തീ​യർക്കു വെളി​പാ​ടി​ന്റെ പ്രകാ​ശ​വും അവിടു​ത്തെ ജനമായ ഇസ്രാ​യേ​ലി​ന്റെ മഹിമ​യും ആണ്‌.’ (ലൂക്കാ 2:30-32, പി.ഒ.സി. ബൈബിൾ) യശയ്യാ​യു​ടെ പ്രാവ​ച​നിക വാക്കു​കൾക്ക്‌ ഇത്‌ എത്ര നന്നായി ബാധക​മാ​യി!

ആ പ്രവാ​ചകൻ ഇങ്ങനെ മുൻകൂ​ട്ടി​പ്പ​റഞ്ഞു: “യഹോ​വ​യു​ടെ മഹത്വം വെളി​പ്പെ​ടും, സകലജ​ഡ​വും ഒരു​പോ​ലെ അതിനെ കാണും.” “ഭൂമി​യു​ടെ വിദൂ​ര​ഭാ​ഗ​ത്തോ​ളം എന്റെ രക്ഷ വരേണ്ട​തി​നു ജനതക​ളു​ടെ ഒരു വെളി​ച്ച​മാ​യി ഞാൻ [യഹോവ] നിന്നെ [മിശി​ഹാ​യെ] നൽകി​യി​രി​ക്കു​ന്നു.” (യശയ്യാ 40:5; 42:6, NW; 49:6; 52:10) അപ്പോൾ മുതൽ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളും യഥാർഥ വസ്‌തു​ത​ക​ളും മിശിഹാ, ജനതക​ളു​ടെ യഥാർഥ വെളിച്ചം, ആത്മീയ അന്ധകാ​ര​ത്തി​ന്റെ മറ നീക്കി ആളുകളെ രക്ഷയി​ലേക്കു കൊണ്ടു​വ​രുന്ന ഒരുവ​നായ യേശു​ക്രി​സ്‌തു​വാ​ണെന്നു സ്ഥിരീ​ക​രി​ച്ചി​ട്ടുണ്ട്‌.

വൃദ്ധനായ ശിമെ​യോ​നെ സംബന്ധി​ച്ചു തിരു​വെ​ഴു​ത്തു​കൾ കൂടു​ത​ലാ​യൊ​ന്നും പറയു​ന്നില്ല. ലഭ്യമായ തെളി​വ​നു​സ​രി​ച്ചു ക്രിസ്‌തു സ്വർഗീയ ജീവനി​ലേ​ക്കുള്ള വഴി തുറക്കു​ന്ന​തി​നു മുമ്പ്‌ അദ്ദേഹം മരിച്ചു. അതു​കൊണ്ട്‌, ഏറെ താമസി​യാ​തെ ശിമെ​യോൻ ഭൂമി​യി​ലെ ജീവനി​ലേക്കു പുനരു​ത്ഥാ​നം ചെയ്യ​പ്പെ​ടും. ദൈവ​ത്തി​ന്റെ മിശി​ഹൈക രാജ്യ​ത്തിൻ കീഴിൽ അദ്ദേഹ​ത്തിന്‌—നിങ്ങൾക്കും—എന്തൊരു സന്തോഷം അനുഭ​വി​ക്കാൻ കഴിയും!