നിങ്ങൾ പാപത്തെ എങ്ങനെ വീക്ഷി​ക്കു​ന്നു?

“അവൾ എന്തു​കൊ​ണ്ടാ​ണു പ്രാർത്ഥ​ന​യിൽ നിരന്തരം ഞങ്ങളുടെ പാപങ്ങൾക്കു​വേണ്ടി ക്ഷമ ചോദി​ക്കു​ന്നത്‌?” എന്നു യഹോ​വ​യു​ടെ സാക്ഷി​ക​ളി​ലൊ​രാ​ളോ​ടൊ​പ്പം ബൈബിൾ പഠിച്ചു​കൊ​ണ്ടി​രുന്ന ഒരു വീട്ടു​കാ​രി പരാതി​പ്പെട്ടു. “ഞാൻ ഒരു കുററ​വാ​ളി ആയിരി​ക്കു​ന്ന​തു​പോ​ലെ അതു തോന്നി​പ്പി​ക്കു​ന്നു.” ഈ സ്‌ത്രീ​യെ​പ്പോ​ലെ, ഇന്ന്‌ അനേകർ ശിക്ഷാർഹ​മായ ഒരു കുററം​ചെ​യ്‌തി​ട്ടി​ല്ലെ​ങ്കിൽ അവരുടെ പാപം സംബന്ധി​ച്ചു ബോധ​വാൻമാ​രല്ല.

യഹൂദ-ക്രിസ്‌തീയ മതങ്ങളിൽ പഠിപ്പി​ക്കു​ന്ന​തു​പോ​ലെ, അവകാ​ശ​പ്പെ​ടു​ത്തിയ പാപം സംബന്ധിച്ച്‌ ആളുകൾക്കു പരമ്പരാ​ഗ​ത​മായ ധാരണ​യി​ല്ലാത്ത പൗരസ്‌ത്യ​ദേ​ശ​ങ്ങ​ളിൽ ഇതു വിശേ​ഷാൽ സത്യമാണ്‌. (ഉല്‌പത്തി 3:1-5, 16-19; റോമർ 5:12) ഉദാഹ​ര​ണ​ത്തിന്‌, ഷിന്റോ​മ​ത​ക്കാർ, പാപം കടലാ​സോ ചണമോ അഗ്രത്തി​ലുള്ള, പുരോ​ഹി​തന്റെ അംശവ​ടി​യു​ടെ ഒരു ചുഴറ​റ​ലി​നാൽ എളുപ്പ​ത്തിൽ തുടച്ചു​നീ​ക്കാ​വുന്ന അഴുക്കാ​യി​രി​ക്കു​ന്ന​താ​യി വിചാ​രി​ക്കു​ന്നു. ഈ പ്രക്രി​യ​യിൽ, ചെയ്‌തി​ട്ടുള്ള കുററം സംബന്ധിച്ച്‌ അനുതാ​പം ആവശ്യ​പ്പെ​ടു​ന്നില്ല. എന്തു​കൊണ്ട്‌? “ദുഷ്ട​പ്ര​വർത്ത​ന​ങ്ങളെ മാത്രമല്ല അനിയ​ന്ത്രി​ത​മായ പ്രകൃ​തി​വി​പ​ത്തു​ക​ളെ​യും ററ്‌സു​മീ [പാപം] എന്നു വിളി​ച്ചി​രി​ക്കുന്ന”തായി കൊ​ഡോൻഷാ എൻ​സൈ​ക്ലോ​പീ​ഡിയ ഓഫ്‌ ജപ്പാൻ വിശദീ​ക​രി​ക്കു​ന്നു. മനുഷ്യ​രു​ടെ ഉത്തരവാ​ദി​ത്വ​ത്തിൽപ്പെ​ടാത്ത പ്രകൃ​തി​വി​പ​ത്തു​കളെ, ററ്‌സു​മീ​യെ, ശുദ്ധീ​കരണ ചടങ്ങുകൾ ഉൻമൂ​ലനം ചെയ്യുന്ന പാപങ്ങ​ളെന്നു പരിഗ​ണി​ക്കു​ന്നു.

ഇത്‌ ഏതു പാപവും, മനഃപൂർവ്വം ചെയ്യുന്ന ദുഷ്ട​പ്ര​വൃ​ത്തി​കൾപോ​ലും, (നിയമാ​നു​സൃ​ത​മാ​യി ശിക്ഷി​ക്ക​പ്പെ​ടാ​വുന്ന കുററങ്ങൾ ഒഴികെ) ശുദ്ധീ​കരണ ചടങ്ങു​ക​ളി​ലൂ​ടെ മായി​ച്ചു​ക​ള​യാ​മെന്ന ചിന്തയി​ലേക്കു നയിച്ചു. “ജപ്പാനി​ലെ രാഷ്‌ട്രീ​യ​ശു​ദ്ധീ​ക​ര​ണ​ത്തി​ന്റെ ചടങ്ങ്‌” എന്ന തലക്കെ​ട്ടിൻകീ​ഴിൽ ദി ന്യൂ​യോർക്ക്‌ ടൈംസ്‌ അത്തര​മൊ​രു വീക്ഷണത്തെ പരാമർശി​ക്കു​ക​യും അപവാ​ദ​ത്തിൽ ഉൾപ്പെ​ട്ടി​ട്ടുള്ള ജപ്പാനി​ലെ രാഷ്‌ട്രീ​യ​ക്കാ​രെ സമ്മതി​ദാ​യകർ വീണ്ടും തെര​ഞ്ഞെ​ടു​ക്കു​മ്പോൾ തങ്ങൾ “ശുദ്ധി​യു​ള്ള​വ​രാ​ണെന്നു” അവർ പരിഗ​ണി​ക്കു​ന്നു​വെന്നു വിശദീ​ക​രി​ക്കു​ക​യും ചെയ്‌തു. അതിനാൽ യഥാർത്ഥ​ത്തി​ലുള്ള തിരുത്തൽ വരുത്തി​യി​ട്ടില്ല. സമാന​മായ അപവാ​ദങ്ങൾ വീണ്ടും ഉണ്ടാ​യേ​ക്കും.

പുനർജ്ജൻമ​ത്തി​ലും കർമ്മഫ​ല​സി​ദ്ധാ​ന്ത​ത്തി​ലും വിശ്വ​സി​ക്കുന്ന ബുദ്ധമ​ത​ക്കാർക്കു വ്യത്യ​സ്‌ത​മായ ഒരു കാഴ്‌ച​പ്പാ​ടാ​ണു​ള്ളത്‌. “കർമ്മ സിദ്ധാന്തം അനുസ​രി​ച്ചു” ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക വിശദീ​ക​രി​ക്കു​ന്നു, “നല്ല നടത്ത ഹൃദ്യ​വും സന്തോ​ഷ​ക​ര​വു​മായ ഫലങ്ങൾ കൈവ​രു​ത്തു​ക​യും സമാന​മായ പ്രവൃ​ത്തി​കൾ ചെയ്യാ​നുള്ള ഒരു പ്രവണത ഉളവാ​ക്കു​ക​യും ചെയ്യു​മ്പോൾ മോശ​മായ പ്രവൃ​ത്തി​കൾ ദുഷ്‌ഫലം കൈവ​രു​ത്തു​ക​യും ആവർത്തി​ച്ചു ദുഷ്‌പ്ര​വൃ​ത്തി​കൾ ചെയ്യാ​നുള്ള ഒരു പ്രവണത ഉളവാ​ക്കു​ക​യും ചെയ്യുന്നു.” മററു വാക്കു​ക​ളിൽ, പാപപൂർണ്ണ​മായ നടത്ത മോശ​മായ ഫലം ഉല്‌പാ​ദി​പ്പി​ക്കു​ന്നു. കർമ്മഫ​ല​ത്തെ​ക്കു​റി​ച്ചുള്ള പഠിപ്പി​ക്കൽ പുനർജ്ജൻമ പഠിപ്പി​ക്ക​ലി​നോ​ടു അടുത്തു ബന്ധപ്പെ​ട്ടി​രി​ക്കു​ന്നു. ചില കർമ്മങ്ങൾ, ഏതു ജീവി​ത​ത്തിൽ പ്രവൃ​ത്തി​ചെ​യ്‌തു​വോ ആ ജീവി​ത​ത്തി​നു​ശേഷം അനേക​വർഷങ്ങൾ കഴിഞ്ഞുള്ള ഭാവി ജീവി​ത​ത്തിൽ ഫലങ്ങൾ ഉളവാ​ക്കു​മെന്നു പറയു​ന്നു​ണ്ട​ല്ലോ.

ഈ പഠിപ്പി​ക്കൽ ഇതിന്റെ വിശ്വാ​സി​കളെ എങ്ങനെ​യാ​ണു ബാധി​ക്കു​ന്നത്‌? കർമ്മഫ​ല​ത്തിൽ ആത്മാർത്ഥ​മാ​യി വിശ്വ​സിച്ച ബുദ്ധമ​ത​ക്കാ​രി​യായ ഒരു സ്‌ത്രീ പറഞ്ഞു: “ജൻമനാ​യു​ള്ള​തും എന്നാൽ ഞാൻ അറിയാ​ഞ്ഞ​തു​മായ എന്തി​നെ​ങ്കി​ലും​വേണ്ടി കഷ്ടം അനുഭ​വി​ക്കു​ന്ന​തിൽ അർത്ഥമി​ല്ലെന്നു ഞാൻ വിചാ​രി​ച്ചു. അത്‌ എന്റെ വിധി​യാ​യി ഞാൻ സ്വീക​രി​ക്കേ​ണ്ടി​യി​രു​ന്നു. മന്ത്രങ്ങൾ ജപിക്കു​ന്ന​തും ഒരു നല്ല ജീവിതം നയിക്കാൻ കഠിന​മാ​യി ശ്രമി​ക്കു​ന്ന​തും എന്റെ പ്രശ്‌നങ്ങൾ പരിഹ​രി​ച്ചില്ല. ഞാൻ ദുഷ്‌പ്ര​കൃ​ത​ക്കാ​രി​യും അസംതൃ​പ്‌ത​യും എല്ലായ്‌പോ​ഴും പരാതി​പ്പെ​ടു​ന്ന​വ​ളും ആയിത്തീർന്നു.” ദുഷ്‌പെ​രു​മാ​റ​റ​ത്തി​ന്റെ ഫലങ്ങ​ളെ​ക്കു​റി​ച്ചുള്ള ബുദ്ധമ​ത​പ​ഠി​പ്പി​ക്കൽ അവളിൽ വിലയി​ല്ലാ​യ്‌മ​യു​ടെ ഒരു തോന്ന​ലു​ള​വാ​ക്കി.

മറെറാ​രു പൗരസ്‌ത്യ​മ​ത​മായ കൺഫ്യു​ഷ്യ​നി​സം മനുഷ്യ​തിൻമ​യോ​ടു വ്യത്യ​സ്‌ത​മായ ഒരു രീതി​യിൽ ഇടപെ​ടാൻ പഠിപ്പി​ച്ചു. മഹാൻമാ​രായ മൂന്നു കൺഫ്യു​ഷ്യൻ തത്ത്വശാ​സ്‌ത്ര​ജ്ഞൻമാ​രി​ലൊ​രാ​ളായ ഷുൻഡ്‌സൂ പറയു​ന്ന​ത​നു​സ​രി​ച്ചു മനുഷ്യ​പ്ര​കൃ​തി തിൻമ​യും സ്വാർത്ഥ​പ്ര​വ​ണ​ത​യു​ള്ള​താണ്‌. പാപ​പ്ര​വ​ണ​ത​ക​ളുള്ള മനുഷ്യ​രു​ടെ​യി​ട​യിൽ സാമൂ​ഹി​ക​ക്രമം നിലനിർത്താൻ ഔചി​ത്യ​ത്തെ​യും മര്യാ​ദ​യെ​യും കാര്യ​ങ്ങ​ളു​ടെ ക്രമ​ത്തെ​യും അർത്ഥമാ​ക്കുന്ന ലീയുടെ പ്രാധാ​ന്യം അദ്ദേഹം ഊന്നി​പ്പ​റഞ്ഞു. മറെറാ​രു കൺഫ്യു​ഷ്യൻ തത്ത്വശാ​സ്‌ത്ര​ജ്ഞ​നായ മെംഗ്‌-ട്‌സു മനുഷ​പ്ര​കൃ​തം സംബന്ധി​ച്ചു വിപരീ​ത​മായ ഒരു വീക്ഷണം പ്രകടി​പ്പി​ക്കു​ന്നെ​ങ്കി​ലും സാമൂ​ഹിക തിൻമ​ക​ളു​ടെ അസ്‌തി​ത്വ​ത്തെ തിരി​ച്ച​റി​യു​ക​യും മനുഷ്യ​പ്ര​കൃ​തം നല്ലതാ​ണെ​ന്നുള്ള വിശ്വാ​സ​ത്തോ​ടെ, പരിഹാ​ര​ത്തി​നു​വേണ്ടി സ്വയം മെച്ച​പ്പെ​ടു​ന്ന​തിൽ ആശ്രയി​ക്ക​യും ചെയ്‌തു. ഏതുവി​ധ​ത്തി​ലാ​യാ​ലും കൺഫ്യു​ഷ്യൻ തത്ത്വശാ​സ്‌ത്ര​ജ്ഞൻമാർ ലോക​ത്തി​ലെ പാപത്തി​നെ​തി​രെ പോരാ​ടു​ന്ന​തിൽ വിദ്യാ​ഭ്യാ​സ​ത്തി​ന്റെ​യും പരിശീ​ല​ന​ത്തി​ന്റെ​യും പ്രാധാ​ന്യം പഠിപ്പി​ച്ചു. അവരുടെ പഠിപ്പി​ക്കൽ ലീയുടെ ആവശ്യം സമ്മതി​ക്കു​ന്നു​വെ​ങ്കി​ലും പാപവും ദുഷ്ടത​യും സംബന്ധി​ച്ചുള്ള അവരുടെ ധാരണ വളരെ അവ്യക്ത​മാണ്‌.—സങ്കീർത്തനം 14:3; 51:5.

പാശ്ചാ​ത്യ​ലോ​കത്തു പാപത്തി​ന്റെ മങ്ങലേ​റ​റു​കൊ​ണ്ടി​രി​ക്കുന്ന സങ്കല്‌പ​നം

പാശ്ചാ​ത്യ​ദേ​ശ​ങ്ങ​ളിൽ പാപം സംബന്ധി​ച്ചുള്ള വീക്ഷണങ്ങൾ പരമ്പരാ​ഗ​ത​മാ​യി വ്യക്തമാ​യി​രു​ന്നി​ട്ടുണ്ട്‌. പാപം നിലനിൽക്കു​ന്നു​വെ​ന്നും അത്‌ ഉപേക്ഷി​ക്കേ​ണ്ട​താ​ണെ​ന്നും മിക്കയാ​ളു​ക​ളും സമ്മതി​ച്ചി​ട്ടുണ്ട്‌. എന്നിരു​ന്നാ​ലും, പാപ​ത്തോ​ടുള്ള പാശ്ചാ​ത്യ​മ​നോ​ഭാ​വം മാറി​ക്കൊ​ണ്ടി​രി​ക്കു​ന്നു. മനഃസാ​ക്ഷി​യു​ടെ ശബ്ദത്തെ ഒഴിവാ​ക്കേണ്ട ഒന്നായ “കുററ​ബോധ”മെന്നു മുദ്ര​യ​ടി​ച്ചു​കൊണ്ട്‌ അനേക​രും പാപം സംബന്ധിച്ച എല്ലാ ബോധ​ത്തെ​യും തള്ളിക്ക​ള​യു​ന്നു. പീയുസ്‌ XII-ാമൻ പാപ്പാ നാല്‌പ​തി​ല​ധി​കം വർഷം മുമ്പ്‌ ഇങ്ങനെ വിലപി​ച്ചു: “പാപത്തെ സംബന്ധിച്ച എല്ലാ ബോധ​വും നഷ്ടപ്പെ​ട്ടി​രി​ക്കു​ന്നു​വെ​ന്ന​താണ്‌ ഈ നൂററാ​ണ്ടി​ന്റെ പാപം.” കത്തോ​ലി​ക്കാ വാരി​ക​യായ ലാ പേലറ​നിൽ പ്രസി​ദ്ധീ​ക​രിച്ച ഒരു സർവ്വേ അനുസ​രിച്ച്‌, അധിക​പ​ങ്കും റോമൻ കത്തോ​ലി​ക്ക​രാ​ണെന്ന്‌ അവകാ​ശ​പ്പെ​ടുന്ന ഫ്രാൻസി​ലെ ജനസം​ഖ്യ​യു​ടെ വിസ്‌മ​യാ​വ​ഹ​മായ 90 ശതമാനം മേലാൽ പാപത്തിൽ വിശ്വ​സി​ക്കു​ന്നില്ല.

തീർച്ച​യാ​യും, കിഴക്കും പടിഞ്ഞാ​റും, മിക്കവ​രും ഇപ്പോൾ പാപത്തി​ന്റെ ഒരു തിരി​ച്ച​റി​വി​നാൽ അലോ​സ​ര​പ്പെ​ടാ​തെ സുഖാ​വ​ഹ​മായ ആത്മസം​തൃ​പ്‌തി​യോ​ടെ ജീവി​ക്കു​ന്ന​താ​യി കാണുന്നു. എന്നിരു​ന്നാ​ലും, പാപം അസ്‌തി​ത്വ​ത്തിൽ ഇല്ലാ​യെന്ന്‌ ഇത്‌ അർത്ഥമാ​ക്കു​ന്നു​ണ്ടോ? നമുക്കു സുരക്ഷി​ത​മാ​യി അതിനെ അവഗണി​ക്കാൻ കഴിയു​മോ? പാപം എന്നെങ്കി​ലും അപ്രത്യ​ക്ഷ​മാ​കു​മോ?