കുററ​കൃ​ത്യ​ത്തി​ന്റെ അവസാനം ഇപ്പോൾ അടുത്തി​രി​ക്കു​ന്നു!

കുററ​വാ​ളി​ക​ളാ​രെ​ന്നും അവരുടെ ആന്തരങ്ങ​ളെ​ന്തെ​ന്നും വെളി​പ്പെ​ടു​ത്തുന്ന സൂചനകൾ പരി​ശോ​ധി​ച്ചു​കൊണ്ട്‌ കുററ​കൃ​ത്യ​ങ്ങൾക്കു പരിഹാ​ര​മു​ണ്ടാ​ക്കാൻ കുററാ​ന്വേ​ഷ​ണ​വി​ദ​ഗ്‌ദ്ധർ ശ്രമി​ക്കു​ന്നു. കുററാ​ന്വേ​ഷ​കന്റെ രീതി​ക​ളും വൈദ​ഗ്‌ദ്ധ്യ​ങ്ങ​ളും ലോക​വ്യാ​പ​ക​മാ​യി ജനപ്രീ​തി​യുള്ള നോവ​ലു​ക​ളു​ടെ വിഷയ​മാണ്‌. കുററ​പ്പു​ള്ളി​യെ കണ്ടെത്തു​ന്ന​തിൽ കുററാ​ന്വേ​ഷകൻ ഒടുവിൽ വിജയി​ച്ചേ​ക്കാ​മെ​ങ്കി​ലും പൊതു​വേ അയാളു​ടെ ജോലി തുടങ്ങു​ന്നത്‌ സംഭവ​ത്തി​നു ശേഷമാണ്‌, കുററ​കൃ​ത്യം നടന്ന ശേഷമാണ്‌.

കുററ​കൃ​ത്യ​ത്തി​ന്റെ വ്യാപ​ന​ത്തിൽനി​ന്നു കാണാൻക​ഴി​യു​ന്ന​തു​പോ​ലെ, പിടി​ക്ക​പ്പെ​ടുന്ന ഓരോ കുററ​വാ​ളി​ക്കും പകരം മററ​നേകർ കുററ​കൃ​ത്യ​ത്തി​ലേക്കു തിരി​യു​ന്നു. അതു​കൊണ്ട്‌ കുററ​കൃ​ത്യ​ങ്ങൾക്ക്‌ അറുതി​വ​രു​ത്താൻ ചെയ്യ​പ്പെ​ട്ടു​ക​ഴിഞ്ഞ ആ കുററ​ങ്ങൾക്കു പരിഹാ​രം കണ്ടെത്തു​ന്ന​തി​ല​ധി​കം ചെയ്യേ​ണ്ട​യാ​വ​ശ്യ​മുണ്ട്‌. കുററ​പ്പു​ള്ളി​ക​ളാ​കു​ന്ന​തിൽനിന്ന്‌ ആളുകളെ എന്തു തടയും?

കുററ​കൃ​ത്യ​ങ്ങൾ ധാർമ്മി​ക​ത​യോ​ടു ബന്ധപ്പെ​ട്ടി​രി​ക്കു​ന്നു. കൊല​പാ​തകം, ബലാൽസം​ഗം, മററ്‌ അക്രമാ​സ​ക്ത​പ്ര​വൃ​ത്തി​കൾ എന്നിവ കുററ​കൃ​ത്യ​ങ്ങ​ളാ​ണെന്ന്‌ അംഗീ​ക​രി​ക്കു​ന്ന​തിൽ നമുക്ക്‌ പ്രയാ​സ​മില്ല. എന്നാൽ ഒരു നികു​തി​റി​ട്ടേൺ പൂരി​പ്പി​ക്കു​മ്പോൾ വഞ്ചന കാണി​ക്കു​ന്ന​തു​സം​ബ​ന്ധി​ച്ചെന്ത്‌? അങ്ങനെ​യുള്ള ഒരു പ്രവർത്ത​ന​വും കുററ​ക​ര​മാണ്‌, എന്തു​കൊ​ണ്ടെ​ന്നാൽ അത്‌ സത്യസ​ന്ധ​ത​യു​ടെ ധാർമ്മി​ക​പ്ര​മാ​ണ​ങ്ങൾക്കു വിരു​ദ്ധ​മാണ്‌. കുററ​കൃ​ത്യ​ത്തി​നു പൂർണ്ണ​മാ​യി അറുതി​വ​രു​ത്തു​ന്ന​തിന്‌ മൗലി​ക​ധാർമ്മി​ക​തക്കു വിരു​ദ്ധ​മായ സകല പ്രവർത്ത​ന​ങ്ങ​ളെ​യും തുടച്ചു​നീ​ക്കേ​ണ്ടി​യി​രി​ക്കു​ന്നു.

കുററ​കൃ​ത്യ​ത്തി​ന്റെ കാരണം മാത്രമല്ല, അതു നീക്കം​ചെ​യ്യ​പ്പെ​ടുന്ന വിധവും പ്രദീ​പ്‌ത​മാ​ക്കുന്ന മൂന്നു ബൈബിൾ ദൃഷ്ടാ​ന്തങ്ങൾ പരിഗ​ണി​ക്കുക.

ദൈവി​ക​ഭയം അസൂയക്കു വിരുദ്ധം

സങ്കീർത്ത​ന​ക്കാ​ര​നായ ആസാഫി​ന്റെ വാക്കുകൾ ദയവായി കുറി​ക്കൊ​ള്ളുക: “ഞാൻ ദുഷ്ടജ​ന​ങ്ങ​ളു​ടെ സമാധാ​നം​തന്നെ കാണു​മ്പോൾ, ഞാൻ വമ്പുപ​റ​യു​ന്ന​വ​രിൽ അസൂയാ​ലു​വാ​യി.” (സങ്കീർത്തനം 73:3) അതെ, ഒരു കുററ​വാ​ളി​യു​ടെ ഐശ്വ​ര്യ​ത്തി​ലും ജീവി​ത​രീ​തി​യി​ലു​മുള്ള അസൂയ നിയമ​വി​രുദ്ധ നടപടി​കൾ സ്വീക​രി​ക്കാൻ അനേകരെ പ്രലോ​ഭി​പ്പി​ക്കു​ന്നു. ടെലി​വി​ഷ​നി​ലെ​യും പ്രസ്സി​ലെ​യും കുററ​കൃ​ത്യ​ത്തി​ന്റെ വശീക​രണം തിൻമ​യോ​ടുള്ള വിദ്വേ​ഷത്തെ ഉത്തേജി​പ്പി​ക്കു​ന്ന​തി​നു​പ​കരം അതിനെ കൂടുതൽ സ്വീകാ​ര്യ​മാ​ക്കു​ക​യാണ്‌.

എന്നിരു​ന്നാ​ലും, സദൃശ​വാ​ക്യ​ങ്ങ​ളു​ടെ നിശ്വസ്‌ത എഴുത്തു​കാ​രൻ ഇങ്ങനെ ഉദ്‌ബോ​ധി​പ്പി​ക്കു​ന്നു: “നിന്റെ ഹൃദയം പാപി​ക​ളോട്‌ അസൂയ​പ്പെ​ടാ​തി​രി​ക്കട്ടെ, എന്നാൽ ദിവസം​മു​ഴു​വൻ യഹോ​വ​യോ​ടുള്ള ഭയത്തിൽ ഇരിക്കുക.” ഒരു വ്യക്തി​യു​ടെ ആന്തരവും ആഗ്രഹ​വും​ത​ന്നെ​യാണ്‌ പ്രശ്‌ന​ത്തി​ന്റെ അടിയിൽ സ്ഥിതി​ചെ​യ്യു​ന്നത്‌. അവയെ നീക്കം​ചെ​യ്യാ​നുള്ള ഏററം ഫലകര​മായ മാർഗ്ഗം യഹോ​വ​യാം ദൈവത്തെ അപ്രീ​തി​പ്പെ​ടു​ത്തു​ന്ന​തി​ലുള്ള ഒരു ദൈവി​ക​ഭയം പരിപു​ഷ്ടി​പ്പെ​ടു​ത്തു​ക​യാണ്‌. “അപ്പോൾ, ഒരു ഭാവി ഉണ്ടായി​രി​ക്കും, നിന്റെ സ്വന്തം പ്രത്യാശ ഛേദി​ക്ക​പ്പെ​ടു​ക​യില്ല.”—സദൃശ​വാ​ക്യ​ങ്ങൾ 23:17, 18.

വിശ്വാ​സം അത്യാ​ഗ്ര​ഹ​ത്തി​നു വിരുദ്ധം

ക്രി.വ. 33ലെ വസന്തത്തിൽ യേശു യരീ​ഹോ​പ​ട്ട​ണ​ത്തി​ലൂ​ടെ സഞ്ചരി​ക്കു​ക​യാ​യി​രു​ന്നു. അത്‌ സഖായി​യു​ടെ സ്വന്ത പട്ടണമാ​യി​രു​ന്നു, അവനെ സുവി​ശേഷ എഴുത്തു​കാ​ര​നായ ലൂക്കോസ്‌ ഒരു “മുഖ്യ നികു​തി​പി​രി​വു​കാ​രൻ” എന്നു വർണ്ണി​ക്കു​ന്നു, അയാൾ “ധനിക”നായി​രു​ന്നു​വെന്നു കൂട്ടി​ച്ചേർക്കു​ക​യും ചെയ്യുന്നു. യരീ​ഹോ​യി​ക്കു ചുററു​മു​ണ്ടാ​യി​രുന്ന ഫലഭൂ​യി​ഷ്‌ഠ​മായ പ്രദേശം നികു​തി​പി​രി​വി​നുള്ള ഒരു മുഖ്യ​സ്ഥ​ല​മാ​യി​രു​ന്നു. സഖായി​യു​ടെ സ്വന്തം വാക്കുകൾ സൂചി​പ്പി​ച്ച​തു​പോ​ലെ, മുഖ്യ നികു​തി​പി​രി​വു​കാ​ര​നാ​യുള്ള അയാളു​ടെ പ്രവർത്തനം പിടി​ച്ചു​പ​റി​ന​ട​ത്താ​നുള്ള അവസരം അയാൾക്കു നൽകി. എന്നാൽ സഖായി ഒരു കുററ​പ്പു​ള്ളി​യാ​യി തുടർന്നില്ല.—ലൂക്കോസ്‌ 19:1-8.

സഖായി യേശു​വി​നു ചുററും കൂടിയ ജനക്കൂ​ട്ട​ത്തി​ന്റെ മുമ്പി​ലോ​ടി. അയാളു​ടെ പൊക്ക​ക്കു​റ​വു​നി​മി​ത്തം ഒരു അത്തി-മൽബറി​വൃ​ക്ഷ​ത്തിൽ കയറി ഒരു ഉയർന്ന സ്ഥാനത്തി​രി​ക്കാൻ അയാൾ ശ്രമിച്ചു. യേശു സഖായി​യെ ശ്രദ്ധി​ക്കു​ക​യും ഇറങ്ങി​വ​രാൻ പറയു​ക​യും​ചെ​യ്‌തു. എന്തു​കൊ​ണ്ടെ​ന്നാൽ യരീ​ഹോ​യി​ലാ​യി​രി​ക്കു​മ്പോൾ അവൻ അയാ​ളോ​ടു​കൂ​ടെ പാർക്കാ​നാ​ഗ്ര​ഹി​ച്ചു. പിന്നീട്‌, സഖായി​യു​ടെ വാക്കുകൾ മാററം​ഭ​വിച്ച ഒരു മനോ​ഭാ​വത്തെ പ്രഖ്യാ​പ​നം​ചെ​യ്‌തു: “എന്റെ സ്വത്തു​ക്ക​ളിൽ . . . പകുതി ഞാൻ ദരി​ദ്രർക്കു കൊടു​ക്കു​ക​യാണ്‌, വ്യാജ​കു​റ​റാ​രോ​പ​ണ​ത്താൽ ഞാൻ ആരിൽനി​ന്നും പിടി​ച്ചു​പ​റി​ച്ചി​ട്ടു​ള്ളത്‌ ഞാൻ നാലു​മ​ടങ്ങു തിരികെ കൊടു​ക്കു​ക​യാണ്‌.” പിടി​ച്ചു​പ​റിച്ച പണത്തു​കകൾ തിരി​കെ​കൊ​ടു​ക്കു​ന്ന​തിന്‌ വലിയ ചെലവു വരും. ഇതു ചെയ്യാ​മെന്നു വാക്കു​കൊ​ടു​ത്തു​കൊണ്ട്‌ സഖായി യേശു​വി​ലുള്ള തന്റെ വിശ്വാ​സം പ്രഖ്യാ​പി​ച്ചു. അതെ, അയാളു​ടെ മാററം​ഭ​വിച്ച മനോ​ഭാ​വം ഒരു സ്‌പർശ​നീ​യ​മായ ഫലം കൈവ​രു​ത്തി, നിയമ​വി​രു​ദ്ധ​മാ​യി എടുത്തി​രു​ന്ന​തും അതിന്റെ വിലയു​ടെ മൂന്നി​ര​ട്ടി​യും അയാൾ തിരികെ കൊടു​ക്കു​ന്നു, അങ്ങനെ നാലു​മ​ട​ങ്ങായ നഷ്ടപരി​ഹാ​രം​ചെയ്യൽ. അങ്ങനെ സഖായി താൻ ചെയ്‌തി​രുന്ന തെററു തിരു​ത്തു​ക​യും തന്റെ മാററം​ഭ​വിച്ച ജീവി​ത​രീ​തി​യു​ടെ ആത്മാർത്ഥത തെളി​യി​ച്ചു​കൊണ്ട്‌ പിന്നെ​യും മുന്നോ​ട്ടു​പോ​കു​ക​യും ചെയ്‌തു.—2 കൊരി​ന്ത്യർ 7:11.

ആളുകൾ സ്വത്തു​ക്ക​ളെ​ക്കാൾ പ്രധാനം

കുററ​മാ​രോ​പി​ക്ക​പ്പെട്ട യേശു​ക്രി​സ്‌തു​വി​നെ​സം​ബ​ന്ധിച്ച്‌ “ഞാൻ ഈ മനുഷ്യ​നിൽ കുററം കാണു​ന്നില്ല” എന്ന്‌ റോമൻ ഗവർണ​റാ​യി​രുന്ന പീലാ​ത്തോസ്‌ പറയു​ക​യു​ണ്ടാ​യി. (ലൂക്കോസ്‌ 23:4) സ്വത്തുക്കൾ സമ്പാദി​ക്കാൻ കുററ​ക​ര​മായ നടത്തയെ ആശ്രയി​ക്കു​ന്ന​തി​നു പകരം തന്റെ ഭൗമി​ക​ശു​ശ്രൂ​ഷ​യി​ലു​ട​നീ​ളം യേശു ജനത്തിൽ സ്‌നേ​ഹ​പൂർവ​ക​മായ ഒരു താത്‌പ​ര്യം പ്രകട​മാ​ക്കി. “ജനക്കൂ​ട്ടത്തെ കണ്ടപ്പോൾ അവന്‌ അനുക​മ്പ​തോ​ന്നി, എന്തു​കൊ​ണ്ടെ​ന്നാൽ അവർ ഒരു ഇടയനി​ല്ലാത്ത ആടുക​ളെ​പ്പോ​ലെ അപഹരി​ക്ക​പ്പെ​ടു​ക​യും ചിതറി​ക്ക​പ്പെ​ടു​ക​യും ചെയ്‌തി​രു​ന്നു. അപ്പോൾ അവൻ തന്റെ ശിഷ്യൻമാ​രോട്‌: ‘അതെ, കൊയ്‌തു വലുതാണ്‌, എന്നാൽ വേലക്കാർ ചുരു​ക്ക​മാണ്‌. അതു​കൊണ്ട്‌, തന്റെ കൊയ്‌ത്തി​നു വേലക്കാ​രെ അയക്കാൻ കൊയ്‌തി​ന്റെ യജമാ​ന​നോ​ടു യാചി​ക്കുക’ എന്നു പറഞ്ഞു.” (മത്തായി 9:36-38) യേശു ആളുകളെ സ്വത്തു​ക്കൾക്കു​പ​രി​യാ​യി കരുതി​യെന്നു വ്യക്തമാണ്‌, തന്റെ സ്വന്തം സുഖത്തി​നും താത്‌പ​ര്യ​ങ്ങൾക്കും ഉപരി​യാ​യി​ത്തന്നെ. പ്രബോ​ധ​ന​ത്തി​നും സഹായ​ത്തി​നും​വേണ്ടി തന്നെ അന്വേ​ഷി​ച്ചു​ക​ണ്ടു​പി​ടിച്ച ജനക്കൂ​ട്ട​ങ്ങ​ളോ​ടും ശിഷ്യൻമാ​രോ​ടു​മുള്ള കരുത​ലിൽ തന്നേത്തന്നെ ചെലവി​ടാ​നുള്ള തന്റെ സന്നദ്ധത​യിൽനിന്ന്‌ ഇതു കാണാ​വു​ന്ന​താണ്‌. (മത്തായി 8:20; 14:13-16) ഇതിൽ യേശു നമുക്കു പിന്തു​ട​രാൻ ഒരു മാതൃക വെക്കു​ക​യു​ണ്ടാ​യി.—1 പത്രോസ്‌ 2:21.

ഇന്ന്‌ ആളുകൾക്ക്‌ ആ മാതൃക പിന്തു​ട​രു​ന്നത്‌, സഹമനു​ഷ്യ​രെ ഭൗതി​ക​വ​സ്‌തു​ക്ക​ളെ​ക്കാൾ വില​യേ​റി​യ​വ​രാ​യി കരുതു​ന്നത്‌ സാദ്ധ്യ​മായ കാര്യ​മാ​ണോ? ഉവ്വ്‌ എന്നു നമുക്ക്‌ ഉത്തരം​പ​റ​യാൻ കഴിയും. ഇപ്പോൾ മൂന്നര ദശലക്ഷ​ത്തി​ല​ധി​കം വരുന്ന യഹോ​വ​യു​ടെ സാക്ഷി​കളെ പരിഗ​ണി​ക്കുക. അവർ ക്രിസ്‌തു​വി​ന്റെ മനസ്സു​ള്ള​വ​രാ​യി​രി​ക്കാ​നും അതു പ്രാ​യോ​ഗി​ക​മാ​യി പ്രകട​മാ​ക്കാ​നും ശ്രമി​ക്കു​ന്നു. അവർ മററ​നേ​കരെ കുററ​കൃ​ത്യ​ത്തി​ലേക്കു നയിക്കുന്ന ദുഷ്ട​മോ​ഹങ്ങൾ തങ്ങളുടെ ഹൃദയ​ങ്ങ​ളിൽനി​ന്നു നീക്കം​ചെ​യ്യാൻ നിരന്തരം ശ്രമി​ക്കു​ക​യാണ്‌. സാക്ഷി​ക​ളാ​കു​ന്ന​തി​നു​മുമ്പ്‌ അവർ ബൈബിൾ പഠിക്കു​ക​യും ദൈവ​സ്‌നേഹം വളർത്തു​ക​യും ചെയ്‌തു​കൊ​ണ്ടി​രി​ക്കവേ ഇതു അവരിൽ ചിലരെ സ്‌പർശി​ച്ചു; ഇത്‌ തങ്ങൾ മുമ്പു ചെയ്‌തി​രുന്ന കുററ​കൃ​ത്യ​ങ്ങൾക്ക്‌ നഷ്ടപരി​ഹാ​രം​ചെ​യ്യാൻ അവരിൽ അനേകരെ പ്രേരി​പ്പി​ച്ചു. അല്ല, അങ്ങനെ​യു​ള്ളവർ ഇതു ചെയ്‌തതു പ്രസി​ദ്ധി​ക്കു​വേ​ണ്ടി​യാ​യി​രു​ന്നില്ല, പിന്നെ​യോ യഹോ​വ​യാം ദൈവ​വു​മാ​യി സമാധാ​ന​ബന്ധം ഉണ്ടായി​രി​ക്കാ​നും അങ്ങനെ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ലൂ​ടെ പ്രകട​മാ​ക്ക​പ്പെട്ട അവന്റെ അനർഹ​ദ​യ​യിൽനി​ന്നു പ്രയോ​ജ​ന​മ​നു​ഭ​വി​ക്കാ​നു​മാണ്‌.—1 കൊരി​ന്ത്യർ 2:16; 6:11; 2 കൊരി​ന്ത്യർ 5:18-20.

അങ്ങനെ​യു​ള്ള ക്രിസ്‌ത്യാ​നി​കൾ തങ്ങളുടെ അയൽക്കാ​രോ​ടുള്ള സ്‌നേ​ഹ​ത്താൽ മററു കുടും​ബ​ങ്ങളെ സന്ദർശി​ക്കാ​നും അങ്ങനെ​യു​ള്ള​വർക്ക്‌ ദൈവ​രാ​ജ്യ​ത്തിൻകീ​ഴിൽ പരദീ​സാ​യ​വ​സ്ഥ​ക​ളി​ലെ ജീവനു​വേണ്ടി നോക്കി​പ്പാർത്തി​രി​ക്കാൻ എങ്ങനെ കഴിയു​മെന്ന്‌ വിശദീ​ക​രി​ക്കാ​നും സമയ​മെ​ടു​ക്കു​ന്നു. ഓരോ വാരത്തി​ലും യഹോ​വ​യു​ടെ സാക്ഷികൾ തങ്ങളുടെ രാജ്യ​ഹാ​ളു​ക​ളിൽ ക്രമമായ യോഗങ്ങൾ നടത്തുന്നു. സ്വയം ഏററു​പറഞ്ഞ ഒരു കള്ളൻ യോഗങ്ങൾ എങ്ങനെ​യാ​ണെന്നു കാണാൻ ഹാജരാ​കു​ന്ന​തി​നുള്ള ക്ഷണം സ്വീക​രി​ച്ചു. അയാൾ ഇങ്ങനെ പ്രസ്‌താ​വി​ക്കു​ന്നു: “ചുരു​ക്കി​പ്പ​റ​ഞ്ഞാൽ എനിക്ക്‌ വലിയ അതിശ​യം​തോ​ന്നി. ഞാൻ പ്രതീ​ക്ഷി​ച്ച​തു​പോ​ലെ അത്‌ അശേഷ​വും വിരസ​മാ​യി​രു​ന്നില്ല. വളരെ​യ​ധി​കം പ്രകട​മാ​യി​രുന്ന സ്‌നേ​ഹ​വും ഊഷ്‌മ​ള​ത​യും യഥാർത്ഥ​മാ​യി​രു​ന്നു. യഹോ​വ​യു​ടെ സാക്ഷി​കൾക്കെ​ല്ലാ​മു​ണ്ടെന്നു തോന്നിയ വിലമ​തിപ്പ്‌ മുന്തി​യ​താ​യി​രു​ന്നു.” അയാൾക്ക്‌ വളരെ മതിപ്പു​തോ​ന്നി​യ​തു​കൊണ്ട്‌ അയാൾ സഹവാസം തുടർന്നു. ഇത്‌ അയാൾ മെച്ച​പ്പെ​ടു​ന്ന​തി​നു സഹായി​ച്ചു. നിങ്ങൾ കുററ​കൃ​ത്യ​ങ്ങ​ളിൽ ഉൾപ്പെ​ട്ടി​രി​ക്കു​ന്നു​വെ​ങ്കി​ലും ഇല്ലെങ്കി​ലും ദൈവ​ദാ​സൻമാ​രു​മാ​യി നിങ്ങൾ സഹവസി​ക്കു​മ്പോൾ സ്വത്തു​ക്ക​ളെ​ക്കാ​ളു​പ​രി​യാ​യി ആളുക​ളി​ലുള്ള യഥാർത്ഥ​മായ താത്‌പ​ര്യം നിങ്ങൾ കണ്ടെത്തും.—മത്തായി 22:39.

കുററ​കൃ​ത്യ​ങ്ങൾ—ഇപ്പോൾത്തന്നെ നീക്കം​ചെ​യ്യ​പ്പെ​ട്ടി​രി​ക്കു​ന്നു​വോ?

ആളുകൾ മേലാൽ കുററ​പ്പു​ള്ളി​ക​ളെ​പ്പോ​ലെ വർത്തി​ക്കു​ന്നി​ല്ലെ​ങ്കിൽ അവർ പൂർണ്ണ​രാ​ണെന്ന്‌ അതിനർത്ഥ​മു​ണ്ടോ? അശേഷ​മില്ല! മറെറ​ല്ലാ​വ​രെ​യും​പോ​ലെ യഹോ​വ​യു​ടെ സാക്ഷികൾ നമ്മുടെ ആദ്യമാ​നു​ഷ​പി​താ​വായ ആദാമിൽനിന്ന്‌ അവകാ​ശ​പ്പെ​ടു​ത്തിയ പാപം അനുഭ​വി​ക്കു​ന്നുണ്ട്‌. (റോമർ 5:12; 1 യോഹ​ന്നാൻ 1:8) എന്നാൽ അവർ ഇപ്പോൾ ലോക​വ്യാ​പ​ക​മായ അവരുടെ പ്രസംഗ, പഠിപ്പി​ക്കൽ വേലയിൽ പ്രതി​ഫ​ലി​ക്കു​ന്ന​തു​പോ​ലെ ദൈവ​സേ​വ​ന​ത്തിൽ ഒററ​ക്കെ​ട്ടാണ്‌. ഇത്‌ യെശയ്യാ​യു​ടെ പ്രവച​ന​നി​വൃ​ത്തിക്ക്‌ ശക്തമായ സാക്ഷ്യം വഹിക്കു​ന്നു: “നാളു​ക​ളു​ടെ അന്തിമ​ഭാ​ഗത്ത്‌ യഹോ​വ​യു​ടെ ആലയമുള്ള പർവതം പർവത​ശി​ഖ​ര​ങ്ങൾക്കു​മീ​തെ ഉറപ്പായി സ്ഥാപി​ത​മാ​യി​ത്തീ​രും, . . . സകല ജനതക​ളും അതി​ലേക്കു ഒഴുകി​വ​രേ​ണ്ട​താണ്‌.” (യെശയ്യാവ്‌ 2:2) തീർച്ച​യാ​യും, ദശലക്ഷങ്ങൾ യഹോ​വ​യു​ടെ ഉന്നതമാ​ക്ക​പ്പെട്ട ആരാധ​ന​യി​ലേക്ക്‌ ഒഴുകി​വ​രു​ക​യും അവന്റെ വഴിക​ളി​ലുള്ള പ്രബോ​ധനം തേടു​ക​യും ചെയ്യുന്നു. നിങ്ങൾക്ക്‌ കുററ​കൃ​ത്യ​ങ്ങൾ ഒഴിവാ​ക്കുന്ന ആളുക​ളോട്‌ സഹവസി​ക്കു​ന്ന​തി​നാൽ പ്രയോ​ജ​ന​മ​നു​ഭ​വി​ക്കുന്ന ഒരാളാ​യി​രി​ക്കാൻ കഴിയും.

കുററ​കൃ​ത്യ നിർമ്മാർജ്ജനം—സാദ്ധ്യ​ത​കൾ

നമ്മുടെ നാളിലെ വർദ്ധി​ത​മായ കുററ​കൃ​ത്യ​ങ്ങൾ യഥാർത്ഥ​ത്തിൽ കുററ​കൃ​ത്യ​ത്തി​നു പ്രേരി​പ്പി​ക്കുന്ന സകലരും ഉൾപ്പെടെ എല്ലാ ദുഷ്‌ടൻമാ​രെ​യും നീക്കം​ചെ​യ്യു​ന്ന​തി​നുള്ള ദിവ്യ ഇടപെ​ട​ലി​ന്റെ സാമീ​പ്യ​ത്തി​ന്റെ നാന്ദി​യാണ്‌. “എന്തു​കൊ​ണ്ടെ​ന്നാൽ ദുഷ്‌പ്ര​വൃ​ത്തി​ക്കാർതന്നെ ഛേദി​ക്ക​പ്പെ​ടും . . . അല്‌പ​കാ​ല​വും​കൂ​ടെ കഴിഞ്ഞാൽ ദുഷ്‌ടൻ മേലാൽ ഉണ്ടായി​രി​ക്ക​യില്ല; നീ തീർച്ച​യാ​യും അവന്റെ സ്ഥലത്തിനു ശ്രദ്ധ​കൊ​ടു​ക്കും, അവൻ ഉണ്ടായി​രി​ക്ക​യില്ല.” (സങ്കീർത്തനം 37:9, 10) തീർച്ച​യാ​യും കുററ​കൃ​ത്യ​ത്തി​ന്റെ അവസാനം അടുത്തി​രി​ക്കു​ക​യാണ്‌, എന്തു​കൊ​ണ്ടെ​ന്നാൽ ആദ്യകു​റ​റ​പ്പു​ള്ളി​യായ പിശാ​ചായ സാത്താൻ ബന്ധിക്ക​പ്പെ​ടു​ക​യും അഗാധ​ത്തി​ലാ​ക്ക​പ്പെ​ടു​ക​യും ചെയ്യുന്ന സമയ​ത്തോട്‌ നാം അടുക്കു​ക​യാണ്‌. (വെളി​പ്പാട്‌ 20:1-3) കുററ​കൃ​ത്യ​ത്തോ​ടുള്ള ഭയവും അതിന്റെ ഇരകള​നു​ഭ​വി​ക്കുന്ന വേദന​യും കഴിഞ്ഞ​കാല സംഗതി​ക​ളാ​യി​ത്തീ​രു​മെ​ന്ന​റി​യു​ന്നത്‌ എത്ര പുളക​പ്ര​ദ​മാ​യി​രി​ക്കും!

എന്നിരു​ന്നാ​ലും, പുനരു​ത്ഥാ​ന​ത്തിൽ ഭൂമി​യി​ലേക്കു മടങ്ങി​വ​രുന്ന ദശലക്ഷ​ക്ക​ണ​ക്കി​നാ​ളു​കളെ സംബന്ധി​ച്ചെന്ത്‌? (പ്രവൃ​ത്തി​കൾ 24:15) അവർ മരണത്തി​നു മുമ്പു​ണ്ടാ​യി​രുന്ന അതേ വ്യക്തി​ത്വ​ത്തി​ലും വഴിക​ളി​ലും തുടരു​ന്നു​വെ​ങ്കിൽ അവർ കുററ​കൃ​ത്യ​ത്തി​ന്റെ ഒരു പുതിയ അലയടി​ക്കു തുടക്ക​മി​ടു​ക​യി​ല്ലേ? ആ ഭയത്തിന്റെ ആവശ്യ​മില്ല. യേശു “നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും” എന്നു പറഞ്ഞു​കൊണ്ട്‌ ഒരു കള്ളന്‌ പുനരു​ത്ഥാ​നം വാഗ്‌ദാ​നം​ചെ​യ്‌തു. (ലൂക്കോസ്‌ 23:43) പുനരു​ത്ഥാ​നം​പ്രാ​പി​ക്കു​ന്നവർ മാററം​വ​രു​ത്തേ​ണ്ടി​വ​രു​മെന്ന്‌ ഇതു തീർച്ച​യാ​യും സൂചി​പ്പി​ക്കു​ന്നു; അല്ലെങ്കിൽ പുതിയ ലോകം ഒരു പറുദീ​സാ ആയിരി​ക്കു​ക​യില്ല.

പ്രശ്‌ന​ങ്ങൾ സൃഷ്‌ടി​ക്കാ​തെ സമുദാ​യ​ത്തിൽ പാർപ്പു​റ​പ്പി​ക്കാൻ കഴിയു​ന്ന​തി​നു​മുമ്പ്‌ കടുത്ത കുററ​പ്പു​ള്ളി​കൾക്കു​പോ​ലും പുനര​ധി​വാ​സം ആവശ്യ​മാ​യി​രി​ക്കു​ന്ന​തു​പോ​ലെ, ദൈവ​രാ​ജ്യ​ത്തിൻകീ​ഴി​ലെ വിപു​ല​മായ ഒരു വിദ്യാ​ഭ്യാ​സ​പ​രി​പാ​ടി നിയമ​മ​നു​സ​രി​ക്കു​ന്ന​വ​രാ​യി​രി​ക്കാൻ പ്രജകളെ സഹായി​ക്കും. (യെശയ്യാവ്‌ 65:21-23) ഭരണസ്ഥാ​ന​ങ്ങ​ളി​ലു​ള്ളത്‌ നീതി​യുള്ള ഭരണാ​ധി​കാ​രി​ക​ളാ​യി​രി​ക്കും, തെററു​ചെ​യ്യു​ന്ന​തിൽ നിർബ​ന്ധം​പി​ടി​ക്കുന്ന ആരും ജീവനിൽനിന്ന്‌ നീക്ക​പ്പെ​ടും. (യെശയ്യാവ്‌ 32:1; 65:20) അതു​കൊണ്ട്‌ ഒടുവിൽ കുററ​കൃ​ത്യം അവസാ​നി​ക്കു​മെന്നു വിശ്വ​സി​ക്കാൻ ധാരാളം കാരണ​ങ്ങ​ളുണ്ട്‌.

കുററ​കൃ​ത്യം സ്വഭാ​വ​മാ​ക്കി​യി​രി​ക്കുന്ന ഒരു ലോക​ത്തി​ലാണ്‌ നാം ഇപ്പോ​ഴും ജീവി​ക്കു​ന്ന​തെ​ങ്കി​ലും നിങ്ങൾക്ക്‌ ആത്മ​ധൈ​ര്യ​ത്തോ​ടെ യഹോ​വ​യി​ലുള്ള വിശ്വാ​സത്തെ പ്രതി​ഫ​ലി​പ്പി​ക്കാ​വു​ന്ന​താണ്‌, അവനാണ്‌ തന്റെ വിശ്വ​സ്‌ത​ദാ​സൻമാർക്ക്‌ പറുദീ​സ​യി​ലെ പൂർണ്ണ​ത​യുള്ള ജീവന്റെ പ്രതി​ഫലം വാഗ്‌ദാ​നം​ചെ​യ്യു​ന്നത്‌. യഹോ​വ​യു​ടെ സാക്ഷികൾ വാഗ്‌ദാ​നം​ചെ​യ്യുന്ന സൗജന്യ​ബൈ​ബി​ള​ദ്ധ്യ​യ​ന​ക്ര​മീ​ക​ര​ണ​ത്തിൽനി​ന്നു പ്രയോ​ജ​ന​മ​നു​ഭ​വി​ക്കു​ന്ന​തി​നാൽ ഇപ്പോൾ അങ്ങനെ ചെയ്യുക. (യോഹ​ന്നാൻ 17:3) നിങ്ങൾ അടുത്ത പ്രാവ​ശ്യം അവരെ കാണു​മ്പോൾ കൂടുതൽ വിശദാം​ശങ്ങൾ ചോദി​ക്ക​രു​തോ? അല്ലെങ്കിൽ നിങ്ങൾക്ക്‌ ഈ മാസി​ക​യു​ടെ 2-ാംപേ​ജിൽ കൊടു​ത്തി​രി​ക്കുന്ന നിങ്ങ​ളോട്‌ ഏററം അടുത്തുള്ള വിലാ​സ​ത്തിൽ എഴുതാ​വു​ന്ന​താണ്‌. അത്‌ ശ്രമത്തി​നു​തക്ക മൂല്യ​മു​ള്ള​താണ്‌, എന്തു​കൊ​ണ്ടെ​ന്നാൽ അക്രമ​ത്തി​ന്റെ അവസാനം ഇപ്പോൾ അടുത്തി​രി​ക്കു​ന്നു! (w89 8/15)

[5-ാം പേജിലെ ചിത്രം]

സഖായിയുടെ വിശ്വാ​സം അയാൾ പിടി​ച്ചു​പ​റി​ച്ചി​രു​ന്നതു മടക്കി​ക്കൊ​ടു​ക്കാൻ അയാളെ പ്രേരി​പ്പി​ച്ചു

[7-ാം പേജിലെ ചിത്രം]

ഒരു വിദ്യാ​ഭ്യാ​സ​പ​രി​പാ​ടി നിയമ​മ​നു​സ​രി​ക്കു​ന്ന​വ​രാ​യി​രി​ക്കാൻ ദൈവ​രാ​ജ്യ​ത്തി​ന്റെ പ്രജകളെ പഠിപ്പി​ക്കും