‘അവർ പുനരു​ത്ഥാ​ന​ത്തിൽ എഴു​ന്നേ​റ​റു​വ​രും എന്നു ഞങ്ങളറി​യു​ന്നു’

സർവശ​ക്ത​നായ ദൈവം മനുഷ്യ​നു ജീവൻ നൽകി. മരിച്ചു​പോയ ആളുകൾക്ക്‌ അതു പുന:സ്ഥിതീ​ക​രി​ച്ചു കൊടു​ക്കാ​നും അവനു കഴിയും. ജീവ​നെ​യും മരണ​ത്തെ​യും കുറിച്ച്‌ ഏററവും ആശ്രയ​യോ​ഗ്യ​മായ വിവര​ങ്ങ​ളു​ടെ സരണി​യും അവനിൽ നിന്നു നമുക്കു ലഭിച്ചി​ട്ടുണ്ട്‌: ബൈബി​ളാ​യി രൂപം പ്രാപി​ച്ചി​രി​ക്കുന്ന എബ്രായ തിരു​വെ​ഴു​ത്തു​ക​ളും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​മാ​കുന്ന രണ്ട്‌ ഭാഗങ്ങൾ. മരിച്ച​വ​രിൽ മിക്കവ​രും മടങ്ങി വരു​മെ​ന്നും അവർക്കു മടങ്ങി​വ​രാ​നാ​കു​മെ​ന്നു​മുള്ള വസ്‌തു​നി​ഷ്‌ഠ​മായ സന്ദേശം അതില​ട​ങ്ങി​യി​ട്ടുണ്ട്‌.—യോഹ​ന്നാൻ 5:28, 29.

ദൃഷ്ടാ​ന്ത​ത്തിന്‌, യേശു​ക്രി​സ്‌തു​വിന്‌ സുപരി​ചി​ത​നാ​യി​രുന്ന ബഥനി​യി​ലെ ലാസറി​നെ സംബന്ധി​ച്ചുള്ള ചരിത്ര വൃത്താന്തം പരിചി​ന്തി​ക്കുക. ലാസർ രോഗാ​തു​ര​നാ​യി​രു​ന്നു, അനന്തരം അവൻ മരിക്ക​യും ചെയ്‌തു. അതേ തുടർന്ന്‌ യേശു ലാസറി​ന്റെ സഹോ​ദ​രി​യായ മാർത്ത​യോ​ടി​ങ്ങനെ പറഞ്ഞു: “നിന്റെ [മരിച്ചു​പോയ] സഹോ​ദരൻ ഉയർത്തെ​ഴു​ന്നേൽക്കും.” അവളി​ങ്ങനെ മറുപടി പറഞ്ഞു: “അവസാ​ന​നാ​ളിൽ അവൻ പുനരു​ത്ഥാ​ന​ത്തിൽ എഴു​ന്നേ​ററു വരും എന്നു ഞാനറി​യു​ന്നു.” (യോഹ​ന്നാൻ 11:23, 24) ഉവ്വ്‌. അവൾ അതറി​ഞ്ഞി​രു​ന്നു. ആശ്രയ​യോ​ഗ്യ​മായ വിവര​ങ്ങ​ളു​ടെ അടിസ്ഥാ​ന​ത്തിൽ “അവസാന നാളിൽ” തന്റെ പ്രിയ​സ​ഹോ​ദ​ര​നായ ലാസർ മടങ്ങി​വ​രും എന്ന കാര്യ​ത്തിൽ അവൾക്കു സംശയി​ക്കാ​നി​ട​യി​ല്ലാ​യി​രു​ന്നു.

യോഹ​ന്നാൻ 11-ാം അദ്ധ്യാ​യ​ത്തി​ലെ ചരി​ത്ര​വൃ​ത്താ​ന്ത​ത്തി​ലു​ട​നീ​ളം വായി​ക്കു​മ്പോൾ അന്നു സംഭവിച്ച കാര്യ​ങ്ങ​ളു​ടെ വിശദാം​ശങ്ങൾ നിങ്ങൾ കണ്ടെത്തും. ലാസർ മരിച്ചു നാലു ദിവസം പിന്നി​ട്ടെ​ങ്കി​ലും യേശു ആ മനുഷ്യ​നെ ജീവനി​ലേ​ക്കു​യർപ്പി​ച്ചു. “അവസാന നാളു​ക​ളിൽ” മരിച്ച​യാ​ളു​കളെ മടക്കി​കൊ​ണ്ടു​വ​രു​മെ​ന്നുള്ള തന്റെ വാഗ്‌ദ​ത്തങ്ങൾ ദൈവ​ത്തി​നു നിവർത്തി​ക്കാൻ സാധി​ക്കു​മെ​ന്നു​ള്ള​തി​നു തെളി​വാ​യി​രു​ന്നു ആ പുനരു​ത്ഥാ​നം. പക്ഷേ മാർത്ത ലാസറി​നെ വീണ്ടും എവിടെ കാണാ​നാണ്‌ പ്രതീ​ക്ഷി​ച്ചത്‌? വരാനി​രി​ക്കുന്ന പുനരു​ത്ഥാ​നം എവിടെ സംഭവി​ക്കു​മെ​ന്നാണ്‌ മററു വിശ്വ​സ്‌ത​രായ യഹൂദൻമാർ കരുതി​യത്‌?

‘തിരി​ച്ചു​വ​ര​വി​ല്ലാത്ത ദേശം’

മനു​ഷ്യ​ന്റെ സ്വാഭാ​വിക വാസസ്ഥ​ല​മാ​യി ദൈവം തെര​ഞ്ഞെ​ടു​ത്തത്‌ ഭൂമി​യെ​യാണ്‌. സങ്കീർത്ത​ന​ക്കാ​രൻ പിൻവ​രുന്ന വാക്കു​ക​ളിൽ ഇതു പ്രകടി​പ്പി​ക്കു​ന്നു: “സ്വർഗ്ഗ​ങ്ങളെ സംബന്ധി​ച്ചോ സ്വർഗ്ഗങ്ങൾ യഹോ​വ​ക്കു​ള്ള​താ​കു​ന്നു. പക്ഷേ ഭൂമിയെ അവൻ മനുഷ്യ​പു​ത്രൻമാർക്കു നൽകി​യി​രി​ക്കു​ന്നു.” (സങ്കീർത്തനം 115:16) ആദാമും ഹവ്വയും ദൈവ​ത്തോ​ടു വിശ്വ​സ്‌ത​രാ​യി നില​കൊ​ണ്ടി​രു​ന്നു​വെ​ങ്കിൽ അവർക്ക്‌ ഭൂമി​യി​ല​ല്ലാ​തെ മറെറ​വി​ടെ​യെ​ങ്കി​ലും നിത്യ​ജീ​വൻ അനുഭ​വി​ക്കാൻ കഴിയു​മാ​യി​രു​ന്നെന്ന്‌ സൂചി​പ്പി​ക്കുന്ന യാതൊ​ന്നും തിരു​വെ​ഴു​ത്തു​ക​ളി​ലില്ല. ദൈവ​ത്തോ​ടുള്ള അനുസ​ര​ണ​ക്കേ​ടി​ന്റെ ഗതിയി​ലേക്ക്‌ തങ്ങൾ നിപതി​ക്കു​ന്ന​തി​നു​മുമ്പ്‌ അവർ ആസ്വദി​ച്ചു​പോ​ന്നി​രുന്ന, ഇവിടെ ഭൂമി​യിൽ തന്നെയുള്ള പറുദീ​സ​യിൽ ആയിരു​ന്നി​ല്ലേ “ജീവന്റെ വൃക്ഷം”? (ഉൽപ്പത്തി 2:9; 3:22) ദൈവ​ത്തിൽ നിന്ന്‌ ഇതിനു വിരു​ദ്ധ​മാ​യി മററു വിവരങ്ങൾ ഇല്ലാതി​രി​ക്കെ, ഏദൻ തോട്ട​ത്തി​നു വെളി​യിൽ ജനിച്ചു വളർന്ന അവന്റെ വിശ്വസ്‌ത ദാസൻമാർ (ആദാമി​ന്റെ ദൈവ​ഭ​യ​മുള്ള മകനായ ഹാബേൽ തുടങ്ങി​യു​ള്ളവർ) പുനരു​ത്ഥാ​നത്തെ, മനുഷ്യർക്കു​വേ​ണ്ടി​യു​ള്ള​താ​യി അവർ അറിഞ്ഞി​രുന്ന ഒരേ ഒരു ഭവനമായ ഭൂമി​യു​മാ​യി അവശ്യം ബന്ധപ്പെ​ടു​ത്തി​യി​രി​ക്കണം.

‘ഒന്നു നിൽക്കുക’ എന്നു പറഞ്ഞു​കൊണ്ട്‌ ബൈബിൾ പരിചി​ത​രായ ചിലർ ഇങ്ങനെ തടസ്സവാ​ദ​മു​ന്ന​യി​ച്ചേ​ക്കാം, ‘ഇയ്യോ​ബി​ന്റെ പുസ്‌തകം 16-ാം അദ്ധ്യായം 22-ാം വാക്യ​ത്തിൽ താൻ “തിരി​ച്ചു​വ​രി​ക​യി​ല്ലാത്ത പാതയി​ലൂ​ടെ പൊയ്‌പോ​കു”മെന്ന്‌ ഇയ്യോബ്‌ പറഞ്ഞില്ലേ? കൂടാതെ ഇയ്യോബ്‌ 7:9ൽ അവൻ ഇങ്ങനെ സൂചി​പ്പി​ക്ക​യും ചെയ്‌തു: “ഷീയോ​ളി​ലേക്ക്‌ [ശവക്കു​ഴി​യി​ലേക്ക്‌] പോകു​ന്ന​യാൾ എഴു​ന്നേ​റ​റു​വ​രി​ക​യില്ല.” പത്താം വാക്യ​ത്തിൽ ഇയ്യോബ്‌ ഇങ്ങനെ​യും കൂട്ടി​ച്ചേർത്തു: “അവൻ തന്റെ ഭവനത്തി​ലേക്ക്‌ ഒരിക്ക​ലും മടങ്ങി​വ​രി​ക​യില്ല, അവന്റെ ഇടം ഒരിക്ക​ലും ഇനിമേൽ അവനെ സ്വീക​രി​ക്ക​യു​മില്ല.”’

അതു​കൊണ്ട്‌ ചില പണ്ഡിതൻമാർ അവകാ​ശ​പ്പെ​ടു​ന്ന​തു​പോ​ലെ ആ വാക്യ​ങ്ങ​ളും സമാന​മായ പ്രസ്‌താ​വ​ന​ക​ളും മരണത്തെ ‘തിരി​ച്ചു​വ​ര​വി​ല്ലാത്ത ദേശം’ ആയി ഇയ്യോബ്‌ വീക്ഷിച്ചു എന്ന്‌ കാണി​ക്കു​ന്നി​ല്ലേ? ഭാവി പുനരു​ത്ഥാ​ന​ത്തിൽ ഇയ്യോബ്‌ വിശ്വ​സി​ച്ചി​രു​ന്നില്ല എന്ന്‌ ഈ പ്രസ്‌താ​വ​നകൾ അർത്ഥമാ​ക്കു​ന്നു​ണ്ടോ? ഉത്തരത്തി​നു​വേണ്ടി നാം ഈ വാക്കു​കളെ അതിന്റെ പശ്ചാത്ത​ല​ത്തോ​ടൊത്ത്‌ പരിഗ​ണി​ക്കേ​ണ്ട​താണ്‌. കൂടാതെ ഈ വിഷയം സംബന്ധിച്ച്‌ ഇയ്യോബ്‌ പ്രകടി​പ്പിച്ച മററാ​ശ​യ​ങ്ങ​ളു​മാ​യി ഇവയെ താരത​മ്യം ചെയ്യു​ക​യും വേണം.

ഇയ്യോ​ബി​നു തന്റെ യാതന​ക​ളു​ടെ കാരണം അറിയി​ല്ലാ​യി​രു​ന്നു. തന്റെ കഷ്ടങ്ങൾക്ക്‌ യഹോ​വ​യാ​ണു​ത്ത​ര​വാ​ദി എന്ന്‌ കുറേ​ക്കാ​ലം അവൻ തെററി​ദ്ധ​രി​ച്ചു പോയി. (ഇയ്യോബ്‌ 6:4; 7:17-20; 16:11-13) ഭഗ്നാശ​നാ​യി​ത്തീർന്ന അവൻ തന്റെ ഉടനെ​യുള്ള ആശ്വാ​സ​ത്തി​ന്റെ ഇടമായി കണ്ടത്‌ ശവക്കുഴി മാത്ര​മാണ്‌. (ഇയ്യോബ്‌ 7:21; 17:1; 3:11-13 താരത​മ്യം ചെയ്യുക.) അവിടെ അവന്റെ സമകാ​ലീ​നൻമാ​രു​ടെ നിലപാ​ടിൽ നിന്നു നോക്കി​യാൽ അവനെ കാണാൻ കഴിയു​ക​യില്ല. അവൻ തന്റെ ഭവനത്തി​ലേക്കു മടങ്ങു​ക​യില്ല. കൂടുതൽ സ്വീകാ​രം ലഭിക്കു​ക​യില്ല ദൈവ​ത്തി​ന്റെ നിയമിത കാലത്തി​നു മുമ്പേ മടങ്ങി​വ​രു​ക​യോ മടങ്ങി​വ​രാൻ ആശിക്കാൻ കഴിയു​ക​യോ ഇല്ല. ദൈവ​ത്തി​ന്റെ ഇടപെടൽ ഇല്ലാതെ വിട​പ്പെ​ട്ടാൽ ഇയ്യോ​ബും ആദാമി​ന്റെ സന്തതി​യിൽപെട്ട മററു​ള്ള​വ​രും മരിച്ച​വ​രിൽ നിന്ന്‌ ഉയർത്തെ​ഴു​ന്നേൽക്കാൻ അശക്തരാ​യി ശേഷി​ക്കു​മാ​യി​രു​ന്നു.a—ഇയ്യോബ്‌ 7:9, 10; 10:21; 14:12.

പുനരു​ത്ഥാ​ന​ത്തി​ലുള്ള വിശ്വാ​സം

താൻ അനുഭവിച്ചുകൊണ്ടിരുന്നതെന്തായിരുന്നുവെന്നുള്ളതു സംബന്ധിച്ച ഇയ്യോ​ബി​ന്റെ അനിശ്ചി​ത​ത്വ​ത്തെ​യും തന്റെ സമീപ ഭാവിയെ സംബന്ധി​ച്ചുള്ള അവന്റെ നിരാശ നിറഞ്ഞ അഭി​പ്രായ പ്രകട​ന​ങ്ങ​ളെ​യും അവൻ പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്നില്ല എന്നതിനു നിദാ​ന​മാ​യി നാം മനസ്സി​ലാ​ക്കേ​ണ്ട​തില്ല. അവൻ തീർച്ച​യാ​യും ഒരു പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്നു എന്ന്‌ ഇയ്യോബ്‌ 14:13-15ൽ നിന്ന്‌ വ്യക്തമാണ്‌. ആ ഭാഗത്ത്‌ ഇയ്യോബ്‌ ‘ഷിയോ​ളിൽ മറക്ക​പ്പെ​ടുന്ന’തിന്‌ ആഗ്രഹി​ക്കു​ന്നതു സംബന്ധി​ച്ചും അനന്തരം ദൈവ​ത്താൽ ‘ഓർമ്മി​ക്ക​പ്പെ​ടു​ന്നതു’ സംബന്ധി​ച്ചും സംസാ​രി​ച്ചു. കൂടാതെ ഇയ്യോബ്‌ 19:25-27 വിശ്വാ​സി​യും നിർമ്മ​ല​നു​മായ ഈ മനുഷ്യൻ തനി​ക്കൊ​രു “വീണ്ടെ​ടു​പ്പു​കാ​രനു”ള്ളതായും പിന്നീ​ടൊ​രു സമയത്ത്‌ ‘ദൈവത്തെ കാണു​ന്ന​തി​നെ’ക്കുറി​ച്ചും സംസാ​രി​ച്ചു. ഉവ്വ്‌, ഇയ്യോബ്‌ ഒരു പുനരു​ത്ഥാ​ന​ത്തിൽ വിശ്വ​സി​ച്ചു. മനുഷ്യ​നെ ഉയർപ്പി​ക്കാ​നുള്ള ദൈവ​ത്തി​ന്റെ പ്രാപ്‌തി സംബന്ധിച്ച്‌, മുമ്പ്‌ അബ്രഹാം ബോദ്ധ്യ​മു​ള്ള​വ​നാ​യി തീർന്ന​തു​പോ​ലെ, ദൈവ​ത്തിന്‌ തന്നെ ജീവനി​ലേ​ക്കു​യർപ്പി​ക്കാൻ കഴിയു​മെ​ന്നും അവൻ അങ്ങനെ ചെയ്യു​മെ​ന്നും ഇയ്യോബ്‌ വിശ്വ​സി​ച്ചു.—എബ്രായർ 11:10, 16, 19, 35.

നമ്മുടെ ഈ ആധുനിക നാളു​കൾവ​രേക്ക്‌ ഈ ഭൂമി​യി​ലെ ജീവനി​ലേ​ക്കുള്ള ഒരു ഭാവി പുനരു​ത്ഥാ​ന​ത്തിൽ യഹൂദൻമാർ വിശ്വ​സി​ച്ചു പോന്നി​രി​ക്കു​ന്നു. ദി എൻ​സൈ​ക്ലോ​പീ​ഡി​യാ ജൂദാ​യിക്ക (1971) ഇങ്ങനെ പ്രസ്‌താ​വി​ക്കു​ന്നു: “അന്തിമ​മാ​യി മരിച്ചവർ അവരുടെ ശരീര​ങ്ങ​ളോ​ടു​കൂ​ടെ പുനരു​ത്ഥ​രി​ക്ക​പ്പെ​ടു​മെ​ന്നും വീണ്ടും ഭൂമി​യിൽ ജീവി​ക്കു​മെ​ന്നു​മുള്ള വിശ്വാ​സം യഹൂദ​മ​ത​ത്തി​ന്റെ ഒരു പ്രമുഖ ഉപദേ​ശ​പാ​ഠ​മാണ്‌.” എൻ​സൈ​ക്ലോ​പീ​ഡി​യാ ഇങ്ങനെ തുടരു​ന്നു: “ഭക്തരായ യഹൂദൻമാർ തങ്ങളെ ശവസം​സ്‌ക്കാ​ര​ത്തി​ന​ണി​യി​ക്കുന്ന വസ്‌ത്ര​ങ്ങ​ളെ​ക്കു​റി​ച്ചും തങ്ങളുടെ സർവ്വ അവയവ​ങ്ങ​ളോ​ടു​മൊ​പ്പം അടക്കം ചെയ്യ​പ്പെ​ടു​ന്ന​തി​നെ​ക്കു​റി​ച്ചും ഇസ്രാ​യേൽ ദേശത്തു​തന്നെ തങ്ങളെ മറവു​ചെ​യ്യ​പ്പെ​ടു​ന്ന​തി​നെ​ക്കു​റി​ച്ചും പ്രായേണ ചിന്തയു​ള്ള​വ​രാ​യി​രി​ക്ക​ത്ത​ക്ക​വണ്ണം ഈ ആശയത്തെ അത്യന്തം ഗൗരവ​പൂർവ്വ​ക​മാ​യും അക്ഷരാർത്ഥ​ത്തി​ലു​മാണ്‌ അവർ കൈ​ക്കൊ​ണ്ടി​രി​ക്കു​ന്നത്‌.”

രസാവ​ഹ​മാ​യി, പുനരു​ത്ഥാ​ന​ത്തി​ങ്കൽ ദൈവം, ജീർണ്ണിച്ച മനുഷ്യ​ശ​രീ​ര​ങ്ങളെ പുന:സംയോ​ജി​പ്പി​ക്കും എന്ന്‌ ബൈബിൾ പറയു​ന്നില്ല. പണ്ടേ മരിച്ചു പോയ​വ​രു​ടെ സൂക്ഷ്‌മ​ശ​രീ​ര​ക​ണങ്ങൾ അന്നുമു​തൽക്കേ തന്നെ ഭൂമി​യിൽ എങ്ങും വ്യാപിച്ച്‌ പിന്നീട്‌ സസ്യങ്ങ​ളി​ലും ജന്തുക്ക​ളി​ലും പലപ്പോ​ഴും കടന്നു​കൂ​ടി​യി​രി​ക്കാം—ഉവ്വ്‌, അതിനു​ശേഷം മരിച്ചു​പോ​യി​ട്ടുള്ള മററു മനുഷ്യ​രി​ലേക്കു പോലും അവ വ്യാപി​ച്ചി​രി​ക്കാം. പുനരു​ത്ഥാ​ന​ത്തി​ങ്കൽ ഉയർത്ത​പ്പെ​ടുന്ന ഒന്നിൽ കൂടുതൽ ആളുകൾക്കു​വേണ്ടി ഒരേ തൻമാ​ത്രകൾ ഉപയോ​ഗി​ക്കാൻ സാദ്ധ്യമല്ല എന്നുള്ളത്‌ സ്‌പഷ്ട​മാണ്‌. പകരം, ദൈവം മനുഷ്യ​രെ അനു​യോ​ജ്യ​മായ ശരീര​ങ്ങ​ളോ​ടെ, തനിക്കു ബോധി​ക്കു​ന്ന​തു​പോ​ലെ, അവയവ​ങ്ങ​ളൊ​ന്നും നഷ്ടമാ​കാ​തെ, മരണത്തി​നു​മുമ്പ്‌ ഏററ മററു ക്ഷതങ്ങൾ ഒന്നുമി​ല്ലാ​തെ ജീവനി​ലേക്കു കൊണ്ടു​വ​രും.—1 കൊരി​ന്ത്യർ 15:35-38 താരത​മ്യം ചെയ്യുക.

ഈ പുനരു​ത്ഥാ​നം പ്രാപി​ച്ചു​വ​രു​ന്ന​യാ​ളു​കളെ ജീവനി​ലേക്കു മടങ്ങി​വ​രുന്ന അവരുടെ സ്‌നേ​ഹി​ത​രും ബന്ധുക്ക​ളും തിരി​ച്ച​റി​യു​മോ? അത്‌ യുക്തി​സ​ഹ​മാണ്‌. കാരണം, ഉയർത്തെ​ഴു​ന്നേൽപ്പി​ക്ക​പ്പെ​ടു​ന്ന​വരെ നമുക്കും നമ്മെ അവർക്കും തിരി​ച്ച​റി​യാൻ കഴിഞ്ഞി​ല്ലെ​ങ്കിൽ നമ്മുടെ മരിച്ചു​പോയ പ്രിയ​പ്പെ​ട്ടവർ വാസ്‌ത​വ​മാ​യി മടങ്ങി​വന്നു എന്ന്‌ നാം എങ്ങനെ അറിയും? ലാസ്സറി​ന്റെ ശരീരം ജീർണ്ണി​ച്ചു​കൊ​ണ്ടി​രി​ക്ക​യാ​യി​രു​ന്നെ​ങ്കി​ലും യേശു അവനു പുനരു​ത്ഥാ​നം നൽകി​യ​ശേഷം അവന്റെ ബന്ധുമി​ത്രാ​ദി​ക​ളും പരിച​യ​ക്കാ​രും അവനെ തിരി​ച്ച​റി​ഞ്ഞു. ഇപ്രകാ​രം യഹോ​വ​യാം ദൈവം ഭൂമി​യി​ലെ ജീവനി​ലേ​ക്കുള്ള പുനരു​ത്ഥാ​ന​ത്തിൽ നാം അന്യോ​ന്യം കാണു​ന്ന​തി​നും പരസ്‌പരം അറിയു​ന്ന​തി​നും സ്‌നേ​ഹ​പൂർവ്വം ഇടയാ​ക്കും എന്ന്‌ നമുക്കും പ്രതീ​ക്ഷി​ക്കാം.

ചുരുക്കം പേർക്ക്‌ ഒരു സ്വർഗ്ഗീയ പ്രത്യാശ

നാം കുറി​ക്കൊ​ണ്ടു കഴിഞ്ഞ​തു​പോ​ലെ ഭൂമി​യാണ്‌ മനുഷ്യ​വർഗ്ഗ​ത്തി​ന്റെ ദൈവദത്ത ഭവനം. എന്നാൽ മനുഷ്യ​വർഗ്ഗ​ത്തി​ന്റെ ഇടയിൽ നിന്ന്‌ തെര​ഞ്ഞെ​ടു​ക്ക​പ്പെട്ട ഒരു സംഖ്യ അക്ഷയവും അമർത്യ​വു​മായ സ്വർഗ്ഗ​ങ്ങ​ളി​ലെ ആത്മജീ​വ​നി​ലേക്ക്‌ ഉയർപ്പി​ക്ക​പ്പെ​ടാ​നി​രി​ക്കു​ന്നു എന്ന പ്രത്യാ​ശ​യി​ലേക്ക്‌ യേശു​ക്രി​സ്‌തു പക്ഷേ വെളിച്ചം വീശി. (2 തിമൊ​ഥെ​യോസ്‌ 1:10) “പുതി​യ​തും ജീവനു​ള്ള​തു​മായ” സ്വർഗ്ഗീയ ജീവി​ത​ത്തി​ലേ​ക്കുള്ള “വഴി” യേശു ഉൽഘാ​ടനം ചെയ്‌ത്‌ കുറേ​ക്കാ​ല​ത്തേക്ക്‌ ആ പ്രത്യാ​ശ​യിൽ പങ്കുപ​റ​റാൻ എല്ലാ ക്രിസ്‌ത്യാ​നി​ക​ളും ക്ഷണിക്ക​പ്പെ​ട്ടി​രു​ന്നു. (എബ്രായർ 9:24; 10:19, 20) ആ പ്രതി​ഫലം ഒടുവിൽ എത്രപേർ പ്രാപി​ക്കും? ‘സംഭവി​പ്പാ​നു​ള്ളത്‌ തന്റെ അടിമ​കളെ അറിയി​ക്കാൻ ദൈവം യേശു​വി​നു നൽകിയ’ നിശ്വസ്‌ത ‘വെളി​പ്പാട്‌’ “ഭൂമി​യിൽ നിന്നു വിലക്കു​വാ​ങ്ങ​പ്പെ​ട്ട​വ​രു​ടെ” എണ്ണം 1,44,000 ആയി കാണി​ക്കു​ന്നു.—വെളി​പ്പാട്‌ 1:1; 7:4-8; 14:1, 3.

താരത​മ്യേ​ന ഇത്ര ചെറിയ ഒരു സംഖ്യ ആളുകളെ സ്വർഗ്ഗ​ത്തി​ലെ ജീവനു​വേണ്ടി “ഭൂമി​യിൽ നിന്നു വിലക്കു വാങ്ങി​യി​രി​ക്കുന്ന”ത്‌ എന്തു​കൊണ്ട്‌? ഈ സംഖ്യാ​പ​രി​മി​തി​ക്കുള്ള കാരണം ഇതേ വെളി​പ്പാ​ടു പുസ്‌തകം തന്നെ നമുക്കു നൽകുന്നു. 20-ാം അദ്ധ്യായം 5, 6 വാക്യ​ങ്ങ​ളിൽ നാം ഇങ്ങനെ വായി​ക്കു​ന്നു: “ഇതത്രേ ഒന്നാം പുനരു​ത്ഥാ​നം. ഒന്നാം പുനരു​ത്ഥാ​ന​ത്തിൽ പങ്കുള്ള ഏവനും സന്തുഷ്ട​നും വിശു​ദ്ധ​നും ആകുന്നു; ഇവരു​ടെ​മേൽ രണ്ടാം മരണത്തി​ന​ധി​കാ​രം ഇല്ല. പിന്നെ​യോ അവർ ദൈവ​ത്തി​നും ക്രിസ്‌തു​വി​നും പുരോ​ഹി​തൻമാ​രാ​യി ആയിരം ആണ്ടേക്ക്‌ അവനോ​ടു​കൂ​ടെ രാജാ​ക്കൻമാ​രാ​യി വാഴും.”—വെളി​പ്പാട്‌ 5:9, 10 കൂടെ കാണുക.

രാജാ​വി​ന്റെ ഭൗമിക പ്രജകൾ

എല്ലാ മനുഷ്യ​രും രാജാ​ക്കൻമാ​രും പുരോ​ഹി​തൻമാ​രു​മാ​യി വാഴു​ക​യില്ല എന്നുള്ളത്‌ വളരെ സ്‌പഷ്ട​മാണ്‌. കാരണം, എല്ലാവ​രും രാജാ​ക്കൻമാ​രാ​ണെ​ങ്കിൽ അവർ ആരുടെ മേലാ​യി​രി​ക്കും “വാഴുക”? മറിച്ച്‌, ഈ വിശേ​ഷാൽ തെര​ഞ്ഞെ​ടു​ക്ക​പ്പെട്ട ഗണം യേശു​ക്രി​സ്‌തു​വി​ന്റെ വിശ്വസ്‌ത അപ്പോ​സ്‌ത​ലൻമാ​രു​ടെ ചുററു​മാ​യി സംഘടി​പ്പി​ക്ക​പ്പെട്ട്‌, വെളി​പ്പാട്‌ ഏഴാം അദ്ധ്യായം ഒൻപതു​മു​തൽ പതി​നേ​ഴു​വ​രെ​യുള്ള വാക്യ​ങ്ങ​ളിൽ വർണ്ണി​ച്ചി​രി​ക്കുന്ന “മഹാപു​രു​ഷാര”വും മററു​ള്ള​വ​രും അധിവ​സി​ക്കുന്ന ഭൂമി​യു​ടെ​മേൽ ഭരിക്കും. ഇവരിൽ ദശലക്ഷങ്ങൾ ഇന്ന്‌ സകല അനീതി​യും ഭൂമി​യിൽ നിന്നു തുടച്ചു നീക്കാ​നി​രി​ക്കു​ന്ന​തും സത്വരം സമീപി​ക്കു​ന്ന​തു​മായ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തിലേക്കു ഉററു നോക്കു​ന്നു. ദൈവ​ത്തി​ന്റെ അനർഹ​ദ​യ​യാൽ അവർ ഒരിക്ക​ലും മരിക്കാ​തെ ആ മഹോ​പ​ദ്ര​വത്തെ അതിജീ​വി​ക്കും.—വെളി. 16:14; 21:14; സദൃശ​വാ​ക്യ​ങ്ങൾ 2:21, 22.

‘പക്ഷേ എന്റെ പ്രിയ​പ്പെ​ട്ട​വ​രെ​പ്പോ​ലെ​യുള്ള മരിച്ചു​പോയ ആളുകളെ സംബന്ധി​ച്ചെന്ത്‌?’ എന്ന്‌ നിങ്ങൾ ചോദി​ച്ചേ​ക്കാം. യേശു തന്നെ മററു​ള്ള​വ​രെ​ക്കു​റിച്ച്‌, ‘അവർ മരിച്ചു എങ്കിലും ജീവനി​ലേക്കു വരും’ എന്ന്‌ മാർത്ത​യോ​ടു പറഞ്ഞി​രു​ന്നു. (യോഹ. 11:25) അതൊരു ഭൗമിക പുനരു​ത്ഥാ​ന​ത്തി​ലാ​യി​രി​ക്കും സംഭവി​ക്കുക. തന്റെ 1,44,000 സഹരാ​ജാ​ക്കൻമാ​രോ​ടും പുരോ​ഹി​തൻമാ​രോ​ടു​മൊ​പ്പ​മുള്ള ക്രിസ്‌തു​വി​ന്റെ സ്വർഗ്ഗീയ വാഴ്‌ച​ക്കാ​ലത്ത്‌ ദൈവം സ്വീകാ​ര​പൂർവ്വം തന്റെ ഓർമ്മ​യിൽ കരുതുന്ന ദശലക്ഷ​ക്ക​ണ​ക്കി​നു മരിച്ച​യാ​ളു​കൾ ഉയർത്തെ​ഴു​ന്നേൽപ്പി​ക്ക​പ്പെ​ടു​ക​യും യഹോ​വ​യു​ടെ സത്യാ​രാ​ധ​ന​യെ​ക്കു​റിച്ച്‌ പഠിക്കു​ന്ന​തിന്‌ അവർക്ക്‌ വേണ്ടു​വോ​ളം അവസരം നൽക​പ്പെ​ടു​ക​യും ചെയ്യും. വിശ്വ​സ്‌ത​രെ​ങ്കിൽ ഭൂവ്യാ​പ​ക​മായ ഒരു പറുദീ​സ​യി​ലെ നിത്യ​ജീ​വൻ എന്ന പ്രതി​ഫലം അവർ പ്രാപി​ക്കും. തന്റെ സഹോ​ദ​ര​നായ ലാസർ ജീവനി​ലേ​ക്കു​യർത്തെ​ഴു​ന്നേൽക്കും എന്ന്‌ മാർത്ത യേശു​വി​നോ​ടു യോജി​ച്ചു പറഞ്ഞ​പ്പോൾ അവൾ പരാമർശിച്ച “അവസാന നാളിലാ”യിരി​ക്കും അതു സംഭവി​ക്കുക.—യോഹ​ന്നാൻ 5:28, 29; 11:24; ലൂക്കോസ്‌ 23:43.

ഉറപ്പു​ക​ളി​ല​ധി​ഷ്‌ഠി​ത​മായ ഒരു പ്രത്യാശ

ബൈബി​ളിൽ രേഖ​പ്പെ​ടു​ത്ത​പ്പെ​ട്ടി​രി​ക്കുന്ന പുനരു​ത്ഥാ​നങ്ങൾ വിശുദ്ധ തിരു​വെ​ഴു​ത്തു​കൾ മുന്നോ​ട്ടു വയ്‌ക്കുന്ന പുനരു​ത്ഥാന പ്രത്യാ​ശക്ക്‌ സാധുത നൽകുന്ന മുൻചി​ത്ര​ങ്ങ​ളും ഉറപ്പു​ക​ളു​മാണ്‌. ഈ രേഖ ഭൂമി​യിൽ ക്രിസ്‌തീയ കാലങ്ങൾക്കു മുമ്പ്‌, പ്രവാ​ച​കൻമാ​രായ ഏലിയാ​വും എലീശാ​യും ദൈവ​പു​ത്ര​നും (ലാസറി​ന്റേ​തുൾപ്പെടെ) അപ്പോ​സ്‌ത​ലൻമാ​രായ പത്രോ​സും പൗലോ​സും പ്രത്യേ​കിച്ച്‌ തന്റെ പുത്രനെ പുനരു​ത്ഥാ​നം ചെയ്‌ക​വഴി യഹോ​വ​യാം ദൈവ​വും നടത്തിയ പുനരു​ത്ഥാ​ന​ങ്ങ​ളെ​ക്കു​റിച്ച്‌ പറയുന്നു. നിങ്ങൾക്ക്‌ ഈ വിവര​ണങ്ങൾ നിങ്ങളു​ടെ ബൈബി​ളിൽ പിൻവ​രുന്ന ഭാഗങ്ങ​ളിൽ വായി​ക്കാം: 1 രാജാ​ക്കൻമാർ 17:17-24; 2 രാജാ​ക്കൻമാർ 4:32-37; മത്തായി 28:1-10; ലൂക്കോസ്‌ 7:11-17; 8:40-56; യോഹ​ന്നാൻ 11:38-44; പ്രവൃ​ത്തി​കൾ 9:36-42; 10:38-42; 20:7-12.b

ഇത്ര ശക്തമായ രേഖാ പിൻബ​ല​മുള്ള പുനരു​ത്ഥാന പ്രത്യാ​ശ​യു​ടെ അടിസ്ഥാ​ന​ത്തിൽ അഥേന​ക്കാർക്ക്‌ പിൻവ​രുന്ന ഉറപ്പു നൽകാൻ പൗലോ​സി​നു കഴിഞ്ഞു: “ദൈവം. . .താൻ നിയമിച്ച ഒരു പുരുഷൻ മുഖേന നിവസിത ഭൂമിയെ നീതി​യിൽ വിധി​ക്കു​ന്ന​തിന്‌ ഒരു ദിവസത്തെ മാററി​വ​ച്ചി​രി​ക്കു​ന്നു, അവനെ മരിച്ച​വ​രു​ടെ ഇടയിൽനിന്ന്‌ ഉയർത്തെ​ഴു​ന്നേൽപ്പി​ച്ചു​കൊണ്ട്‌ എല്ലാ മനുഷ്യർക്കും അവൻ ഒരുറപ്പു നൽകി​യും ഇരിക്കു​ന്നു.”—പ്രവൃ​ത്തി​കൾ 17:30, 31.

അതെ, പുനരു​ത്ഥാന പ്രത്യാ​ശ​യു​ടെ സാധു​ത​ക്കുള്ള ആത്യന്തി​ക​മായ ഉറപ്പ്‌ യേശു​വി​ന്റെ പുനരു​ത്ഥാ​നം ആണ്‌. അതു​കൊണ്ട്‌ യഹോ​വ​യാം ദൈവ​ത്തി​ന്റെ ശക്തിയി​ലും സ്‌നേ​ഹ​ത്തി​ലും സമ്പൂർണ്ണ​മാ​യി ആശ്രയി​ക്കു​ന്ന​തിന്‌ നമുക്കും ഒരു ദൃഢമായ അടിസ്ഥാ​നം ഉണ്ട്‌. മാർത്ത​ക്കു​ണ്ടാ​യി​രുന്ന ഈ ബോദ്ധ്യം നമുക്കും പ്രകടി​പ്പി​ക്കാം: ‘അവസാന നാളിലെ പുനരു​ത്ഥാ​ന​ത്തി​ങ്കൽ മരിച്ചവർ ഉയർത്തെ​ഴു​ന്നേൽക്കും എന്ന്‌ ഞങ്ങൾ അറിയു​ന്നു!’

മാഴ്‌സ്‌ കുന്നിലെ പൗലോ​സി​ന്റെ ശ്രോ​താ​ക്കൾ മരിച്ച​വ​രു​ടെ പുനരു​ത്ഥാ​നം സംബന്ധിച്ച അവന്റെ സാക്ഷ്യം കേട്ടതി​നെ തുടർന്ന്‌ അവർ മൂന്ന്‌ പക്ഷമായി ഭിന്നിച്ചു: “ചിലർ പരിഹ​സി​ക്കാൻ തുടങ്ങി. മററു​ചി​ലർ ഇങ്ങനെ പറഞ്ഞു: ‘ഞങ്ങൾ ഇതിനെ സംബന്ധിച്ച്‌ മറെറാ​രു സമയത്ത്‌ നിന്നിൽ നിന്നു കേൾക്കാം‘ . . . പക്ഷേ ചില മനുഷ്യർ അവനോട്‌ ചേർന്ന്‌ വിശ്വാ​സി​ക​ളാ​യി​ത്തീർന്നു.”—പ്രവൃ​ത്തി​കൾ 17:32-34.

പുനരു​ത്ഥാ​ന പ്രത്യാ​ശ​യോ​ടുള്ള നിങ്ങളു​ടെ പ്രതി​ക​രണം എങ്ങനെ​യാണ്‌? ദശലക്ഷ​ങ്ങളെ, അല്ല, ശതകോ​ടി​ക​ളെ​പ്പോ​ലും മരിച്ച​വ​രിൽ നിന്ന്‌ പുനരു​ത്ഥാ​നം ചെയ്യി​ക്കു​മെന്ന യഹോ​വ​യു​ടെ വാഗ്‌ദാ​നം അവൻ നിറ​വേ​റ​റും. നിങ്ങൾക്ക്‌ അവരെ വീണ്ടും കാണു​ന്ന​തി​നും നിങ്ങളെ അവർക്കു കാണു​ന്ന​തി​നും തക്കവണ്ണം നിങ്ങൾ അവിടെ ഉണ്ടായി​രി​ക്കു​മോ എന്നത്‌ നിങ്ങൾ എന്തു​ചെ​യ്യു​ന്നു എന്നതി​നെ​യാണ്‌ ഒരു വലിയ അളവിൽ ആശ്രയി​ച്ചി​രി​ക്കു​ന്നത്‌. നിത്യ​ജീ​വൻ പ്രാപി​ക്കു​ന്ന​തി​നുള്ള ദൈവ​ത്തി​ന്റെ വ്യവസ്ഥകൾ അറിയു​ന്ന​തി​നും അതിനു ചേർച്ച​യിൽ ജീവി​ക്കു​ന്ന​തി​നും നിങ്ങൾ ഒരുക്ക​മാ​ണോ? മരിച്ച​വ​രു​ടെ പ്രത്യാശ സംബന്ധി​ച്ചും ഈ വ്യവസ്ഥി​തി​യു​ടെ അന്ത്യത്തെ അതിജീ​വി​ക്കാൻ നിങ്ങൾക്കെ​ങ്ങനെ സാധി​ക്കും എന്നതിനെ സംബന്ധി​ച്ചും കൂടുതൽ വിവരങ്ങൾ നൽകു​ന്ന​തിന്‌ യഹോ​വ​യു​ടെ സാക്ഷി​കൾക്ക്‌ വളരെ സന്തോഷം ഉണ്ട്‌.—യോഹ​ന്നാൻ 17:3. (w89 6/15)

[അടിക്കു​റി​പ്പു​കൾ]