ലോക​മ​ഹ​ച്ഛ​ക്തി​ക​ളിൽ അവസാ​ന​ത്തേത്‌

ഏതാണ്ട്‌ 1,900 വർഷം മുമ്പ്‌ വെളി​പ്പാട്‌ എന്ന ബൈബിൾ പുസ്‌തകം എഴുത​പ്പെ​ട്ട​പ്പോൾ അഞ്ച്‌ “രാജാ​ക്കൻമാർ” അഥവാ ലോക​ശ​ക്തി​കൾ വരുക​യും പോകു​ക​യും ചെയ്‌ത​താ​യി അതു പറയു​ക​യു​ണ്ടാ​യി. അവ ഈജി​പ്‌ററ്‌, അസീറി​യാ, ബാബി​ലോൻ, മേദോ​പേർഷ്യാ, ഗ്രീസ്‌ എന്നിവ​യാ​യി​രു​ന്നു. ആറാമത്തെ റോമാ അപ്പോ​ഴും ‘ഉണ്ടായി​രു​ന്നു’, എന്നാൽ ഏഴാമ​ത്തേത്‌ അപ്പോ​ഴും വന്നിരു​ന്നില്ല. (വെളി​പ്പാട്‌ 17:10) ആ ഏഴാം ലോക​ശക്തി ഏതായി​രു​ന്നു? അത്‌ എങ്ങനെ ആസ്‌തി​ക്യ​ത്തി​ലേക്കു വന്നു? അതിനെ തുടർന്നു​വ​രു​ന്ന​തെ​ന്താ​യി​രി​ക്കും? ഈ പ്രധാന ചോദ്യ​ങ്ങൾക്കുള്ള ഉത്തരങ്ങ​ളാ​യി​രി​ക്കും ഈ ലേഖന​ത്തി​ന്റെ വിഷയം.

കഴിഞ്ഞ 2,500 വർഷത്തെ ലോക​ച​രി​ത്ര​ത്തി​ന്റെ പ്രമുഖ രേഖാ​രൂ​പം ലോകം അറിഞ്ഞി​ട്ടു​ള്ള​തിൽവെച്ച്‌ ഏററം വിപു​ല​മാ​യി വിതരണം ചെയ്യ​പ്പെ​ട്ടി​ട്ടുള്ള പുസ്‌ത​ക​ത്തിൽ മുന്നമേ പ്രദാനം ചെയ്‌തി​രു​ന്നു. എന്നിട്ടും ആ പുസ്‌ത​ക​മായ ബൈബി​ളി​ന്റെ ഒരു പ്രതി​യുള്ള ആളുക​ളിൽ താരത​മ്യേന ചുരുക്കം ചിലർക്കേ അതിൽ അടങ്ങി​യി​രി​ക്കുന്ന അതിശ​യി​പ്പി​ക്കുന്ന വിവര​ങ്ങളെ സംബന്ധിച്ച്‌ എന്തെങ്കി​ലും ഗ്രാഹ്യ​മു​ള്ളു.

ദൃഷ്ടാ​ന്ത​ത്തിന്‌, യേശു​ക്രി​സ്‌തു​വി​ന്റെ ജനനത്തിന്‌ 500-ൽ പരം വർഷം​മുമ്പ്‌ പ്രവാ​ച​ക​നായ ദാനി​യേൽ ഒരു ദിവ്യ​നി​ശ്വസ്‌ത ദർശനം രേഖ​പ്പെ​ടു​ത്തി, അതിൽ തന്റെ കാലം മുതലുള്ള വൻ ലോക​ശ​ക്തി​കൾ ബലിഷ്‌ഠ കാട്ടു​മൃ​ഗ​ങ്ങ​ളാൽ പ്രതി​നി​ധാ​നം ചെയ്യ​പ്പെ​ട്ടി​രു​ന്നു. ഓരോ കാട്ടു​മൃ​ഗ​ത്തി​നും അതിനാൽ പ്രതി​നി​ധീ​ക​രി​ക്ക​പ്പെട്ട ലോക​ശ​ക്തി​യു​ടെ സ്വഭാ​വങ്ങൾ ഉണ്ടായി​രു​ന്നു. ശക്തമായ റോമാ​സാ​മ്രാ​ജ്യ​ത്തെ “ഭയാന​ക​വും ഭീകര​വും അസാധാ​രണ ശക്തിയു​ള്ള​തും” ആയ ഒരു വലിയ മൃഗമാ​യി വർണ്ണി​ച്ചി​രി​ക്കു​ന്നു. “അത്‌ അതിനു മുമ്പുള്ള എല്ലാ കാട്ടു​മൃ​ഗ​ങ്ങ​ളി​ലും വെച്ച്‌ വ്യത്യ​സ്‌ത​മാ​യി​രു​ന്നു​വെ​ന്നും അതിന്‌ പത്തു​കൊ​മ്പു​ണ്ടാ​യി​രു​ന്നു” എന്നും ദാനി​യേൽ പറഞ്ഞു.—ദാനി​യേൽ 7:2-7.

‘ചെറിയ കൊമ്പ്‌’

കാല​ക്ര​മ​ത്തിൽ, റോമാ സാമ്രാ​ജ്യം ബ്രിട്ടീഷ്‌ ദ്വീപു​കൾ മുതൽ യൂറോ​പ്പി​ന്റെ മിക്ക ഭാഗങ്ങ​ളും മെഡി​റ​റ​റേ​നി​യനു ചുററു​മുള്ള എല്ലാ ഭാഗങ്ങ​ളും ബാബി​ലോ​ന​പ്പു​റം പേർഷ്യൻ ഉൾക്കടൽവ​രെ​യും വ്യാപി​ച്ചു​കി​ട​ക്കുന്ന ഒരു പ്രദേശം ഉൾക്കൊ​ള്ള​ത്ത​ക്ക​വണ്ണം വളർന്നു. ഈ ശക്തമായ രാഷ്‌ട്രം ഒടുവിൽ അനേകം രാജ്യ​ങ്ങ​ളാ​യി—ദാനി​യേൽ കണ്ട “പത്തു കൊമ്പു”കളായി— ഛിന്നഭി​ന്ന​മാ​യി.a പിന്നീട്‌ ദാനി​യേൽ, “അവയുടെ ഇടയിൽ മറെറാ​രു ചെറിയ കൊമ്പ്‌ ഉണ്ടാകു​ക​യും ആദ്യത്തെ കൊമ്പു​ക​ളിൽ മൂന്നെണ്ണം അതിന്റെ മുമ്പിൽനിന്ന്‌ പറിച്ചു​മാ​റ​റ​പ്പെ​ടു​ക​യും ചെയ്‌തത്‌” കണ്ടു. (ദാനി​യേൽ 7:8) അത്‌ എന്തർത്ഥ​മാ​ക്കി?

ദാനി​യേ​ലി​നോട്‌ ഇപ്രകാ​രം പറയ​പ്പെട്ടു: “ഈ രാജ്യത്തു [റോമാ] നിന്നുള്ള പത്തു കൊമ്പു​ക​ളോ എഴു​ന്നേൽപ്പാ​നി​രി​ക്കുന്ന പത്തു രാജാ​ക്കൻമാ​രാ​കു​ന്നു; അവരു​ടെ​ശേഷം മറെറാ​രു​ത്തൻ [‘ചെറി​യ​കൊമ്പ്‌’] എഴു​ന്നേൽക്കും, അവൻ ആദ്യ​ത്തേ​വ​യിൽനി​ന്നു വ്യത്യ​സ്‌ത​നാ​യി മൂന്നു രാജാ​ക്കൻമാ​രെ ലജ്ജിപ്പി​ക്കും.” (ദാനി​യേൽ 7:24) ‘ചെറിയ കൊമ്പും’ അവൻ ലജ്ജിപ്പി​ക്കുന്ന മൂന്നു രാജാ​ക്കൻമാ​രും ആരായി​രു​ന്നു?

റോമാ​സാ​മ്രാ​ജ്യ​ത്തി​ന്റെ വടക്കു​പ​ടി​ഞ്ഞാ​റേ മൂലയിൽ സ്ഥിതി​ചെ​യ്‌തി​രുന്ന ഒരു ദ്വീപ്‌ ലോക​കാ​ര്യ​ങ്ങ​ളു​ടെ അരികു​പ​ററി വളരെ​ക്കാ​ലം സ്ഥിതി​ചെ​യ്‌തി​രു​ന്നു. ഒരു ചരി​ത്ര​കാ​രൻ വിശദീ​ക​രി​ച്ച​തു​പോ​ലെ: “പതിനാ​റാം നൂററാ​ണ്ടിൽ ഇംഗ്ലണ്ട്‌ ഒരു രണ്ടാം കിട ശക്തിയാ​യി​രു​ന്നു. അതിന്റെ സമ്പത്ത്‌ നെതർലാൻഡ്‌സി​നോ​ടു താരത​മ്യ​പ്പെ​ടു​ത്തു​മ്പോൾ നിസ്സാ​ര​മാ​യി​രു​ന്നു. അതിന്റെ ജനസംഖ്യ ഫ്രാൻസി​ന്റേ​തി​നെ​ക്കാൾ വളരെ കുറവാ​യി​രു​ന്നു. അതിന്റെ സൈനി​ക​ശക്തി (നാവി​ക​ശക്തി ഉൾപ്പെടെ) സ്‌പെ​യി​നി​ന്റേ​തി​നെ​ക്കാൾ താണതാ​യി​രു​ന്നു.” എന്നാൽ ഇംഗ്ലണ്ട്‌ കുറെ പ്രാധാ​ന്യ​മർഹി​ക്കുന്ന ഒരു നാവി​ക​ശ​ക്തി​യാ​യി വികസി​ച്ചു, അതിന്റെ കടൽക്കൊ​ള്ള​ക്കാ​രും സ്വകാര്യ ഉടമയി​ലുള്ള യുദ്ധക്ക​പ്പ​ലു​ക​ളും സ്‌പെ​യി​നി​ന്റെ കോള​നി​ക​ളെ​യും നിറയെ ചരക്കു കയററിയ നിക്ഷേ​പ​ക​പ്പ​ലു​ക​ളെ​യും കടന്നാ​ക്ര​മി​ക്കാൻ തുടങ്ങി.

മൂന്നു കൊമ്പു​കൾ

സ്‌പെ​യി​നി​ലെ രാജാ​വാ​യി​രുന്ന ഫിലിപ്പ്‌ രണ്ടാമൻ 1588-ൽ ഇംഗ്ലീഷ്‌ പീഡകർക്കെ​തി​രെ സ്‌പാ​നീഷ്‌ നാവി​ക​സൈ​ന്യ​ത്തെ അയച്ചു. 24,000ൽപരം പടയാ​ളി​കളെ കയററിയ ഈ 130 പടക്കപ്പ​ലു​കൾ വിപരീത കാററി​നും ഘോര​മായ അററ്‌ലാൻറിക്ക്‌ കൊടു​ങ്കാ​റ​റി​നും ഇരയാ​കാൻ മാത്ര​മാ​യി​രു​ന്നു ഇംഗ്ലീ​ഷ്‌ചാ​ന​ലി​ലൂ​ടെ സാവകാ​ശം യാത്ര​ചെ​യ്‌തത്‌. മോഡേൺ യൂറോപ്പ ററു 1870-ൽ ചരി​ത്ര​കാ​ര​നായ കാൾട്ടൻ ഹേയസ്‌ ഈ സംഭവം “സ്‌പെ​യി​നിൽനിന്ന്‌ ഇംഗ്ലണ്ടി​ലേ​ക്കുള്ള നാവി​ക​മേ​ധാ​വി​ത്വ​ത്തി​ന്റെ നിർണ്ണാ​യക മാററത്തെ കുറിച്ചു” എന്ന്‌ എഴുതു​ന്നു.

പതി​നേ​ഴാം നൂററാ​ണ്ടിൽ ഡച്ചുകാർ ലോക​ത്തി​ലെ ഏററം വലിയ കച്ചവട​ക്ക​പ്പൽവ്യൂ​ഹ​ത്തി​ന്റെ ഉടമക​ളാ​യി വളർന്നു. അവരുടെ കപ്പലുകൾ കടലു​ക​ളിൽ മേധാ​വി​ത്വം പുലർത്തി, അവർ പരക്കെ​യുള്ള ഗവൺമെൻറു​കൾക്ക്‌ തങ്ങളുടെ ലാഭം കടം കൊടു​ക്കു​ക​യും​ചെ​യ്‌തു. എന്നാൽ ഇംഗ്ലണ്ട്‌ അവളുടെ വളർന്നു​വന്ന വിദേശ കോള​നി​ക​ളെ​ക്കൊണ്ട്‌ ഇവി​ടെ​യും മുൻപ​ന്തി​യി​ലേക്കു വന്നു.

അങ്ങനെ​യി​രി​ക്കെ, 18-ാം നൂററാ​ണ്ടിൽ വടക്കെ അമേരി​ക്ക​യും ഇൻഡ്യ​യും പോലെ വളരെ അകന്നു​കി​ടന്ന സ്ഥലങ്ങളിൽ ബ്രിട്ടീ​ഷു​കാ​രും ഫ്രഞ്ചു​കാ​രും പൊരു​തി, ഇത്‌ 1763-ൽ പാരീസ്‌ ഉടമ്പടി​യി​ലേക്കു നയിച്ചു. ഈ ഉടമ്പടി​യെ സംബന്ധിച്ച്‌, അത്‌ ഒരു വിട്ടു​വീ​ഴ്‌ച​പോ​ലെ കാണ​പ്പെ​ടു​ന്നു​വെ​ങ്കി​ലും “യൂറോ​പ്പി​നു​മ​പ്പു​റത്തെ ലോക​ത്തിൽ മേധാ​വി​ത്വം പുലർത്തിയ യൂറോ​പ്യൻ ശക്തിയെന്ന ബ്രിട്ടന്റെ പുതിയ സ്ഥാനത്തെ അത്‌ യഥാർത്ഥ​മാ​യി അംഗീ​ക​രി​ച്ചു”വെന്ന്‌ സാമ്രാ​ജ്യ​താ​രം—ഒരു ലോക​ശ​ക്തി​യെന്ന നിലയി​ലുള്ള ബ്രിട്ട​നെ​ക്കു​റി​ച്ചുള്ള പഠനം എന്ന തന്റെ പുസ്‌ത​ക​ത്തിൽ വില്യം ബി. വിൽക്കോ​ക്ക്‌സ്‌ എഴുതു​ക​യു​ണ്ടാ​യി.

“സ്‌പെ​യിൻകാ​രും ഡച്ചുകാ​രും ഫ്രഞ്ചു​കാ​രു​മാ​യുള്ള രണ്ടു നൂററാ​ണ്ടി​ലെ യുദ്ധത്തി​നു​ശേഷം 1763-ൽ ഗ്രേറ​റ്‌ബ്രി​ട്ടൻ ലോക​ത്തി​ലെ വാണി​ജ്യ​പ​ര​വും കോള​നി​പ​ര​വു​മാ​യി മുൻപ​ന്തി​യി​ലുള്ള ശക്തിയാ​യി ഉരുത്തി​രി​ഞ്ഞു”വെന്ന്‌ പറഞ്ഞു​കൊണ്ട്‌ മററു ചരി​ത്ര​കാ​രൻമാർ യോജി​ക്കു​ന്നു. (1870 വരെയുള്ള ആധുനിക യൂറോപ്പ) “1763-ൽ ബ്രിട്ടീഷ്‌ സാമ്രാ​ജ്യം പുനരു​ജ്ജീ​വി​പ്പി​ക്ക​പ്പെ​ട്ട​തും വിപു​ലീ​ക​രി​ക്ക​പ്പെ​ട്ട​തു​മായ റോമാ​യെ​പ്പോ​ലെ ലോക​ത്തിൻമേൽ ഇരിപ്പു​റ​പ്പി​ച്ചു.” “ബ്രിട്ടൻ മദ്ധ്യനൂ​റ​റാ​ണ്ടി​ലെ യുദ്ധങ്ങളെ തുടർന്ന്‌ ലോക​ത്തി​ലെ ഏററവും വലുതും ഏററവും ശക്തവും—ഏററവും പൂർണ്ണ​മാ​യി വെറു​ക്ക​പ്പെ​ടു​ന്ന​തു​മായ—ശക്തിയാ​യി പുറത്തു​വന്നു.” (ജയിംസ്‌ എൽ. സ്‌റേ​റാ​ക്ക്‌സ്‌ബ​റി​യാൽ വിരചി​ത​മായ നേവി​യും സാമ്രാ​ജ്യ​വും) അതെ, ഈ ‘ചെറിയ കൊമ്പ്‌’ ബൈബിൾ ചരി​ത്ര​ത്തി​ലെ ഏഴാം ലോക​ശ​ക്തി​യാ​യി വളർന്നു കഴിഞ്ഞി​രു​ന്നു.

ബ്രിട്ടീ​ഷു​കാർ നൈൽ നദി വരെയും സാംബസി നദിക്ക്‌ അക്കരയി​ലേ​ക്കും മുന്നേറി. അവർ അപ്പർ ബർമ്മയി​ലേ​ക്കും വടക്കൻ ബോർണി​യോ​യി​ലേ​ക്കും പസഫിക്ക്‌ ദ്വീപു​ക​ളി​ലേ​ക്കും നീങ്ങി. മാത്ര​വു​മല്ല, അവർ കാനഡാ​യേ​യും ആസ്‌​ത്രേ​ലി​യാ​യേ​യും ന്യൂസീ​ലൻഡി​നേ​യും വടക്കെ അമേരി​ക്ക​യു​ടെ കിഴക്കൻ തീര​പ്ര​ദേ​ശ​ത്തെ​യും കോള​നി​ക​ളാ​ക്കി. “റോമൻ സാമ്രാ​ജ്യം സ്വയം​പ​ര്യാ​പ്‌ത​മാ​യി​രു​ന്നു, ബ്രിട്ടീഷ്‌ സാമ്രാ​ജ്യ​ത്തെ​ക്കു​റിച്ച്‌ ഭൂമി​യി​ലു​ട​നീ​ളം പ്രക്ഷേ​പണം ചെയ്യ​പ്പെട്ടു” എന്ന്‌ പാകസ ബ്രിട്ടാ​നി​ക്കാ​യിൽ ജയിംസ്‌ മോറിസ്‌ എഴുതു​ന്നു. അത്‌ ഭൂതല​ത്തി​ന്റെ ഏതാണ്ട്‌ നാലി​ലൊ​ന്നും അതിലെ ജനസം​ഖ്യ​യു​ടെ നാലി​ലൊ​ന്നിൽ കൂടു​ത​ലും ഉൾക്കൊ​ള്ളുന്ന, മനുഷ്യ​വർഗ്ഗ​ച​രി​ത്ര​ത്തി​ലെ ഏററവും വലിയ സാമ്രാ​ജ്യ​മാ​യി​ത്തീർന്നു. അതിന്റെ ഭരണ​പ്ര​ദേ​ശത്ത്‌ സൂര്യൻ ഒരിക്ക​ലും അസ്‌ത​മി​ച്ചില്ല എന്നു പറയ​പ്പെട്ടു.

ഒരു ദ്വിശക്തി

വെളി​പാ​ടു​പു​സ്‌ത​ക​ത്തിൽ ഈ ഏഴാം ലോക​ശക്തി “ഒരു കുഞ്ഞാ​ടി​നെ​പ്പോ​ലെ രണ്ടു കൊമ്പു​ക​ളുള്ള”തായും വർണ്ണി​ക്ക​പ്പെ​ട്ടി​രു​ന്നു. (വെളി​പ്പാട്‌ 13:11) രണ്ടു കൊമ്പ്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ പൊതു​ഭാ​ഷ​യി​ലും തത്വങ്ങ​ളി​ലും നയങ്ങളി​ലും ഒത്തു​ചേർന്നി​രുന്ന ബ്രിട്ടീഷ്‌ സാമ്രാ​ജ്യ​വും പുതിയ അമേരി​ക്കൻ ജനതയും പെട്ടെ​ന്നു​തന്നെ ഒരുമി​ച്ചു പ്രവർത്തി​ക്കാ​നി​രി​ക്ക​യാ​യി​രു​ന്നു. അവർ അനേകം വശങ്ങളിൽ ഇംഗ്ലീഷ്‌ സംസാ​രി​ക്കുന്ന ഒരു ദ്വി​ലോ​ക​ശ​ക്തി​യാ​യി​ത്തീർന്നു.

ഐക്യ​നാ​ടു​കൾ പത്തൊൻപ​താം നൂററാ​ണ്ടിൽ “ബ്രിട്ടീഷ്‌ കപ്പൽ സമൂഹ​ത്താൽ യൂറോ​പ്പിൽനിന്ന്‌ സംരക്ഷി​ക്ക​പ്പെ​ട്ടി​രു​ന്നു” എന്ന്‌ സാമ്രാ​ജ്യ താരത്തിൽ വില്യം ബി. വിൽക്കോ​ക്ക്‌സ്‌ ചൂണ്ടി​ക്കാ​ണി​ക്കു​ന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “ഒരു നൂററാ​ണ്ടു​കാ​ലം ആഭ്യന്തര യുദ്ധത്തി​ലൊ​ഴിച്ച്‌, മറെറല്ലാ ലോക​ശ​ക്തി​ക്കു​മുള്ള സൈന്യ​മൊ നാവിക ശക്തിയൊ ഇല്ലാതെ ഒരു മഹച്ഛക്തി​യാ​യി വളരാൻ ഐക്യ​നാ​ടു​കൾ സ്വത​ന്ത്ര​മാ​യി​രു​ന്നു.” “യൂറോ​പ്യൻ ശക്തികൾക്കെ​തി​രെ റോയൽ നേവി​യു​ടെ സംരക്ഷ​ണ​മു​ണ്ടാ​യി​രു​ന്ന​തു​കൊണ്ട്‌ അമേരി​ക്കക്ക്‌ ഒററ​പ്പെട്ടു നിൽക്കാൻ കഴിഞ്ഞി​രു​ന്നു.” പിന്നീട്‌ ഐക്യ​നാ​ടു​ക​ളും ഒരു വലിയ സൈനിക ശക്തിയാ​യി​ത്തീർന്നു.

രണ്ടാം ലോക​മ​ഹാ​യു​ദ്ധ​ത്തി​ന്റെ വേലി​യേ​ററം വടക്കൻ യൂറോ​പ്പിൽ മാററ​ത്തി​നു വിധേ​യ​മായ 1944 ജൂൺ 6-ാം തീയതി ബ്രിട്ട​ന്റെ​യും അമേരി​ക്ക​യു​ടെ​യും സംയുക്ത പ്രവർത്ത​ന​ത്തി​ന്റെ ഒരു പ്രമുഖ ദൃഷ്ടാന്തം അരങ്ങേറി. അന്ന്‌ ബ്രിട്ടീ​ഷു​കാ​രും അമേരി​ക്ക​ക്കാ​രും മററു സഖ്യ കക്ഷിക​ളും ഉൾപ്പെ​ടുന്ന 1,56,000 വരുന്ന സൈന്യ​ങ്ങൾ യൂറോപ്പ്‌ ഭൂഖണ്ഡത്തെ ആക്രമി​ച്ചു. ഈ സംയുക്ത സൈന്യം ഒരു യു. എസ്സ്‌. ജനറലി​ന്റെ പരമോ​ന്നത സൈന്യാ​ധി​പ​ത്യ​ത്തിൻ കീഴി​ലും ഒരു ബ്രിട്ടീഷ്‌ ഫീൽഡ്‌ മാർഷ​ലി​ന്റെ പ്രവർത്ത​ന​പ​ര​മായ മേധാ​വി​ത്വ​ത്തിൻ കീഴി​ലു​മാ​യി​രു​ന്നു—അവർ യഥാ​ക്രമം ഐസൻഹോ​വ​റും മോണ്ട്‌ഗോ​മ​റി​യു​മാ​യി​രു​ന്നു. മാത്ര​വു​മല്ല, ജപ്പാനു​മാ​യുള്ള യുദ്ധത്തെ അവസാ​നി​പ്പിച്ച ആററം​ബോം​ബു​കൾ ബ്രിട്ടീ​ഷു​കാ​രും അമേരി​ക്ക​ക്കാ​രു​മായ ശാസ്‌ത്ര​ജ്ഞൻമാ​രു​ടെ സംയു​ക്ത​ശ്ര​മ​ഫ​ല​മാ​യി നിർമ്മി​ക്ക​പ്പെ​ട്ട​വ​യാ​യി​രു​ന്നു.

ആയിര​ത്തി​ത്തൊ​ള്ളാ​യി​രത്തി എൺപത്തി​യാറ്‌ മെയ്‌ 5-ലെ ലോസ ആഞ്ചലിസ റൈറംസ ചൂണ്ടി​ക്കാ​ട്ടി​യ​തു​പോ​ലെ “രഹസ്യാ​ന്വേ​ഷ​ണ​വും ആണവ സാങ്കേ​തി​ക​ശാ​സ്‌ത്ര​വും പോലെ സംവേ​ദി​യായ മണ്ഡലങ്ങ​ളിൽ” ബ്രിട്ട​നും അമേരി​ക്ക​യും സമാധാന കാലത്തു​പോ​ലും സഹകരി​ച്ചു പ്രവർത്തി​ച്ചി​ട്ടുണ്ട്‌. പിന്നീട്‌ കാനഡാ​യും ആസ്‌​ത്രേ​ലി​യാ​യും ന്യൂസീ​ലൻഡും ചേരവെ അവർ രഹസ്യ വിവര​ങ്ങ​ളു​ടെ ശേഖര​ണ​ത്തി​ന്റെ ഉത്തരവാ​ദി​ത്വ​മുള്ള പ്രദേ​ശ​ങ്ങ​ളാ​യി ഭൂഗോ​ളത്തെ വിഭജി​ക്കു​ക​യും അതിര​ഹസ്യ വിവരം​പോ​ലും പങ്കു​വെ​ക്കാ​മെന്നു സമ്മതി​ക്കു​ക​യും ചെയ്‌തു.” ഈ ബന്ധം “എല്ലായ്‌പ്പോ​ഴും സുഗമ​മാ​യി​രു​ന്നി​ട്ടി​ല്ലെ”ങ്കിലും അതിന്റെ പ്രകോ​പ​ന​ങ്ങൾക്കു​പരി അതിന്റെ അടുപ്പം സംബന്ധിച്ച്‌ കൂടുതൽ ശ്രദ്ധേ​യ​മാ​യി​രു​ന്നു” അത്‌ എന്ന്‌ ഈ പത്രം പറയു​ക​യു​ണ്ടാ​യി.

ബ്രിട്ടീഷ്‌ കോള​നി​ക​ളിൽ മിക്കതും സ്വാത​ന്ത്ര്യം പ്രാപി​ക്കു​ക​യും രാഷ്‌ട്ര​ങ്ങ​ളു​ടെ കോമൺവെൽത്തിൽ ചേരു​ക​യും ചെയ്‌തി​രി​ക്കു​ന്നു. സാമ്രാ​ജ്യം പൊയ്‌പ്പോ​യി​രി​ക്കാ​മെ​ങ്കി​ലും ആംഗ്ലോ-അമേരി​ക്കൻ ലോക​ശക്തി നിലനിൽക്കു​ന്നുണ്ട്‌. എന്നാൽ മുൻലോ​ക​ശ​ക്തി​കൾ പ്രാബ​ല്യ​ത്തി​ലി​രുന്ന അനേകം നൂററാ​ണ്ടു​ക​ളോ​ടു താരത​മ്യ​പ്പെ​ടു​ത്തു​മ്പോൾ അത്‌ “അല്‌പ​കാല”ത്തേക്കു മാത്രമേ സ്ഥിതി​ചെ​യ്യു​ക​യു​ള്ളു.—വെളി​പ്പാട്‌ 17: 10.

പുതിയ ലോക​വ്യാ​പക ഭരണാ​ധി​പ​ത്യം

വൻലോ​ക​ശ​ക്തി​ക​ളെ​ക്കു​റി​ച്ചുള്ള ദാനി​യേ​ലി​ന്റെ പ്രവചനം ലോക​ഭ​ര​ണ​ത്തി​ന്റെ 2,500 വർഷങ്ങ​ളിൽ—ക്രി.മു. 500 മുതൽ നമ്മുടെ നാളിലെ ഏഴാം ലോക​ശക്തി വരെയും—സത്യ​മെന്നു തെളി​ഞ്ഞി​രി​ക്കു​ന്നു. അങ്ങനെ, ആ പ്രവച​ന​ത്തി​ന്റെ ശേഷിച്ച ഭാഗത്തി​ലും നമുക്കു വിശ്വാ​സ​മു​ണ്ടാ​യി​രി​ക്കാൻ കഴിയും. അതു കൂടു​ത​ലായ ലോക​ശ​ക്തി​ക​ളെ​ക്കു​റി​ച്ചു പറയു​ന്നി​ല്ലെ​ന്നു​ള്ള​താണ്‌ അതിശ​യി​പ്പി​ക്കുന്ന വസ്‌തുത! ഏഴെണ്ണം മാത്രമേ ഉണ്ടായി​രി​ക്കു​ക​യു​ള്ളു​വെന്ന്‌ വെളി​പ്പാ​ടും സൂചി​പ്പി​ച്ചു.* അപ്പോൾ അടുത്ത​താ​യി എന്തു സംഭവി​ക്കും?

ഈ ലോക​ശ​ക്തി​ക​ളെ​ക്കു​റി​ച്ചു പറയുന്ന ദാനി​യേൽ 7-ാം അദ്ധ്യായം അതിലും അതിശ​യ​ക​ര​മായ ചിലതു തുടർന്നു വർണ്ണി​ക്കു​ന്നു—ഭൂമി ഭരിക്ക​പ്പെ​ടുന്ന വിധത്തി​ലെ ഒരു വമ്പിച്ച മാററ​ത്തെ​ക്കു​റി​ച്ചു​തന്നെ! പരാജ​യ​പ്പെ​ടുന്ന മാനു​ഷ​ഭ​ര​ണാ​ധി​പ​ത്യ​ങ്ങൾ അവസാ​നി​ക്കണം, പകരം നീതി​യുള്ള സ്വർഗ്ഗീ​യ​ഭ​രണം വരണം.

ദാനി​യേ​ലി​ന്റെ ദർശനം “ദിവസ​ങ്ങ​ളിൽ പുരാ​ത​ന​നായ” യഹോ​വ​യാം ദൈവ​ത്തി​ന്റെ മഹനീ​യ​മായ സ്വർഗ്ഗീ​യ​സിം​ഹാ​സനം കാണാൻ അവനെ അനുവ​ദി​ച്ചു. പുനരു​ത്ഥാ​നം പ്രാപിച്ച യേശു​ക്രി​സ്‌തു ആകുന്ന “മനുഷ്യ​പു​ത്ര​നെ​പ്പോ​ലെ​യുള്ള ഒരുവൻ” ദൈവ​മു​മ്പാ​കെ വരുത്ത​പ്പെട്ടു.b “ജനങ്ങളും ദേശീ​യ​സം​ഘ​ങ്ങ​ളും ഭാഷക​ളു​മെ​ല്ലാം അവനെ​ത്തന്നെ സേവി​ക്കേ​ണ്ട​തിന്‌ അവന്‌ ആധിപ​ത്യ​വും പ്രതാ​പ​വും രാജ്യ​വും കൊടു​ക്ക​പ്പെട്ടു. അവന്റെ ഭരണാ​ധി​പ​ത്യം അനിശ്ചി​ത​മാ​യി നിലനിൽക്കുന്ന ഒരു ഭരണാ​ധി​പ​ത്യ​വും അവന്റെ രാജ്യം [പരാജ​യ​പ്പെ​ടുന്ന മാനുഷ രാജ്യ​ങ്ങ​ളിൽനി​ന്നു വ്യത്യ​സ്‌ത​മാ​യി] നശിപ്പി​ക്ക​പ്പെ​ടു​ക​യി​ല്ലാ​ത്ത​തു​മാ​കു​ന്നു.”—ദാനി​യേൽ 7:9, 10, 13, 14.

ഇതേ ലോക​ശ​ക്തി​ക​ളെ​ക്കു​റി​ച്ചുള്ള ഒരു മുൻ പ്രവചനം ഇങ്ങനെ പറഞ്ഞി​രു​ന്നു: “ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. . . . അത്‌ ഈ [മാനുഷ] രാജ്യ​ങ്ങ​ളെ​യെ​ല്ലാം തകർക്കു​ക​യും അവസാ​നി​പ്പി​ക്കു​ക​യും ചെയ്യും . . . സ്വപ്‌നം വിശ്വ​സ​നീ​യ​വും അതിന്റെ വ്യാഖ്യാ​നം ആശ്രയ​യോ​ഗ്യ​വു​മാ​കു​ന്നു.”—ദാനി​യേൽ 2:44, 45.

ഈ ദൈവ​ത്താ​ലുള്ള രാജ്യ​ഗ​വൺമെൻറ്‌ യേശു നമ്മെ പ്രാർത്ഥി​ക്കാൻ പഠിപ്പി​ച്ച​തു​ത​ന്നെ​യാണ്‌. അവൻ ഇങ്ങനെ പറഞ്ഞു: “അപ്പോൾ നിങ്ങൾ ഈ വിധത്തിൽ പ്രാർത്ഥി​ക്കണം: ‘സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ട​ണമേ. നിന്റെ രാജ്യം വരേണമേ. നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ.’”—മത്തായി 6:9, 10.

ആ ഗവൺമെൻറിൻകീ​ഴിൽ ഭൂമി​യി​ലെ നിവാ​സി​കൾ എത്ര സന്തുഷ്ട​രാ​യി​രി​ക്കും! അതു മനുഷ്യ​ചൂ​ഷ​ണ​ത്തിൽനിന്ന്‌ ദിവ്യ​നീ​തി​യി​ലേ​ക്കും മനുഷ്യ​രു​ടെ അപൂർണ്ണ​പ്ര​വർത്ത​ന​വി​ധ​ത്തിൽനിന്ന്‌ ദൈവ​ത്തി​ന്റെ പരമോ​ന്നത നിലവാ​ര​ങ്ങ​ളി​ലേ​ക്കു​മുള്ള ഒരു മാററ​മാ​യി​രി​ക്കും. രാജ്യ​ത്തി​ന്റെ പ്രവർത്ത​ന​ത്തെ​ക്കു​റിച്ച്‌ ബൈബിൾ പറയു​ന്ന​തെ​ന്തെ​ന്നു​ള്ള​താ​യി​രി​ക്കും ഈ പരമ്പര​യി​ലെ ഭാവി​ലേ​ഖ​ന​ത്തി​ന്റെ വിഷയം. (w88 5⁄15)

[അടിക്കു​റി​പ്പു​കൾ]

“മനുഷ്യ​പു​ത്രൻ” എന്ന പദപ്ര​യോ​ഗം സുവി​ശേ​ഷ​വി​വ​ര​ണ​ങ്ങ​ളിൽ 80 പ്രാവ​ശ്യ​ത്തോ​ളം കാണു​ന്നുണ്ട്‌, ഓരോ പ്രാവ​ശ്യ​വും അത്‌ യേശു​ക്രി​സ്‌തു​വി​നെ​യാണ്‌ പരാമർശി​ക്കു​ന്നത്‌.—മത്തായി 26:63, 64 കാണുക.

[32-ാം പേജിലെ ചിത്രം]

ജൂൺ6, 1944ൽ നടന്ന സഖ്യക​ക്ഷി​ക​ളു​ടെ യൂറോ​പ്പാ​ക്ര​മണം ആംഗ്ലോ-അമേരി​ക്കൻ സഹകര​ണ​ത്തി​ന്റെ ഒരു പ്രമുഖ ദൃഷ്‌ടാ​ന്ത​മാ​യി​രു​ന്നു

[കടപ്പാട്‌]

U.S. Coast Guard photo