ബൈബി​ളും കൗമാ​ര​പ്രായ ധാർമ്മി​ക​ത​യും

“കൗമാ​ര​പ്രാ​യ​ക്കാർ ലൈം​ഗി​കത സംബന്ധിച്ച സന്ദേശ​ങ്ങ​ളോ​ടുള്ള തങ്ങളുടെ ഇടപഴകൽ സംബന്ധിച്ച്‌ സാധ്യ​ത​യ​നു​സ​രിച്ച്‌ ഏററവും മോശ​മായ മണ്ഡലത്തെ അവകാ​ശ​പ്പെ​ടു​ത്തി​യി​രി​ക്കു​ന്ന​താ​യി തോന്നു​ന്നു: ചലച്ചി​ത്ര​ങ്ങ​ളും സംഗീ​ത​പ​രി​പാ​ടി​ക​ളും റേഡി​യോ​യും ടെലി​വി​ഷ​നും ലൈം​ഗി​കത സുഖസ​മൃ​ദ്ധ​വും പുളക​പ്ര​ദ​വും ഉൻമേ​ഷ​ദാ​യ​ക​വു​മാ​ണെന്ന്‌ അവരോട്‌ പറയുന്നു . . . എന്നിട്ടും, അതേസ​മയം തന്നെ, നല്ല പെൺകു​ട്ടി​കൾ ഇല്ല എന്നു പറയണം എന്ന സന്ദേശ​വും ചെറു​പ്പ​ക്കാർക്ക്‌ ലഭിക്കു​ന്നു.”—ദി അലൻ ഗുട്ട്‌മാ​ച്ചർ ഇൻസ്‌റ​റി​റ​റ്യൂട്ട്‌.

ഇന്നത്തെ യുവാക്കൾ ധാർമ്മി​ക​മായ ഒരു അനിശ്ചി​ത​ത്വ​ത്തി​ന്റെ നാളു​ക​ളിൽ വളർന്നി​രി​ക്കു​ന്നു. എന്നിരു​ന്നാ​ലും ബൈബിൾ ലൈം​ഗിക ധാർമ്മി​കത സംബന്ധിച്ച്‌ വ്യക്തവും അസന്നി​ഗ്‌ദ്ധ​വു​മായ മാർഗ്ഗ​നിർദ്ദേശം പ്രദാനം ചെയ്‌തി​രി​ക്കു​ന്നു. ലൈം​ഗി​ക​വി​ദ്യാ​ഭ്യാ​സ​പ​രി​പാ​ടി​കൾ ഗർഭധാ​ര​ണത്തെ ഒഴിവാ​ക്കു​ന്ന​തിൽ ശ്രദ്ധ കേന്ദ്രീ​ക​രി​ക്കാൻ ചായ്‌വു​കാ​ണി​ക്കു​മ്പോൾ ബൈബിൾ വിവാ​ഹ​ത്തി​നു മുമ്പുള്ള ലൈം​ഗിക ബന്ധംത​ന്നെ​യാണ്‌ ഒഴിവാ​ക്കേണ്ട സംഗതി​യെന്ന്‌ കാണി​ക്കു​ന്നു. “യഥാർത്ഥ​ത്തിൽ ദുർവൃ​ത്തി​യി​ലോ [വിവാ​ഹ​ത്തി​നു​മു​മ്പുള്ള ലൈം​ഗിക ബന്ധം ഉൾപ്പെടെ] അശുദ്ധി​യി​ലൊ ക്രമര​ഹി​ത​മായ ലൈം​ഗിക ബന്ധത്തി​ലൊ ഏർപ്പെ​ടുന്ന യാതൊ​രു​ത്ത​നും . . . ദൈവ​ത്തി​ന്റെ രാജ്യ​ത്തിൽ യാതൊ​ന്നും അവകാ​ശ​മാ​ക്കാൻ കഴിയു​ക​യില്ല” എന്ന്‌ ബൈബിൾ പറയുന്നു. (എഫേസ്യർ 5:5, ദി ജറുശ​ലേം ബൈബിൾ) വ്യക്തമാ​യും ലൈം​ഗിക ബന്ധങ്ങൾ വിവാ​ഹ​ത്തിൽ ഒതുക്കി​നിർത്തണം.

അതു​കൊണ്ട്‌ കൗമാ​ര​പ്രായ ഗർഭധാ​ര​ണ​പ്ര​ശ്‌ന​ത്തി​നുള്ള പരിഹാ​രം യുവാ​ക്കളെ ഗർഭനി​രോ​ധ​ന​മാർഗ്ഗം പഠിപ്പി​ക്കലല്ല, പകരം അവർക്ക്‌ ധാർമ്മി​ക​വും ആത്മീയ​വു​മായ മർഗ്ഗനിർദ്ദേശം കൊടു​ക്ക​ലാണ്‌. ബൈബിൾ ഈ മാർഗ്ഗ​നിർദ്ദേശം കൊടു​ക്കു​ന്ന​തി​നുള്ള ഉത്തരവാ​ദി​ത്വം ആരു​ടേ​താ​ണെന്ന്‌ വ്യക്തമാ​ക്കു​ന്നു: “പിതാ​ക്കൻമാ​രേ, നിങ്ങളു​ടെ കുട്ടി​കളെ പ്രകോ​പി​പ്പി​ക്കാ​തെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും അവരെ വളർത്തി​ക്കൊ​ണ്ടു​വ​രിക.”—എഫേസ്യർ 6:4.

ഒരു സർവെ​യിൽ, യുവാ​ക്ക​ളോട്‌ “തങ്ങളുടെ മാതാ​പി​താ​ക്കളെ ലൈം​ഗിക വിവര​ങ്ങ​ളു​ടെ ഉറവി​ടങ്ങൾ എന്ന നിലയിൽ മോശം മുതൽ വളരെ തൃപ്‌തി​കരം വരെയുള്ള തോതിൽ വിലയി​രു​ത്താൻ ആവശ്യ​പ്പെട്ടു. തങ്ങളുടെ മാതാ​ക്ക​ളെ​സം​ബ​ന്ധിച്ച്‌ കൗമാ​ര​പ്രാ​യ​ക്കാ​രു​ടെ വിലയി​രു​ത്തൽ അധിക​വും തൃപ്‌തി​ക​ര​ത്തി​നു താഴെ​യാ​യി​രു​ന്നു. പിതാ​ക്കളെ സംബന്ധിച്ച വിലയി​രു​ത്തൽ വളരെ മോശ​മാ​യി​രു​ന്നു.” അപ്പോൾ, മാതാ​പി​താ​ക്കൾ തങ്ങളുടെ കുട്ടി​കൾക്ക്‌ ലൈം​ഗിക കാര്യങ്ങൾ സംബന്ധിച്ച്‌ മാർഗ്ഗ​നിർദ്ദേ​ശങ്ങൾ കൊടു​ക്കാൻ പ്രതീ​ക്ഷി​ക്കു​ന്നത്‌ യാഥാർത്ഥ്യ​മാ​യി​രി​ക്കു​മോ?

യുവാ​ക്കൾക്ക്‌ ധാർമ്മിക മാർഗ്ഗ​നിർദ്ദേശം കൊടു​ക്കു​ന്നു

സദൃശ​വാ​ക്യ​ങ്ങൾ 4:1-4 വരെ ശലോ​മോൻ രാജാവ്‌ യുവാ​ക്കളെ ഇപ്രകാ​രം പ്രോൽസാ​ഹി​പ്പി​ക്കു​ന്നു: “മക്കളേ, ഒരു പിതാ​വി​ന്റെ ശിക്ഷണ​ത്തിന്‌ ശ്രദ്ധ​കൊ​ടു​ക്കുക . . . എന്തു​കൊ​ണ്ടെ​ന്നാൽ ഞാൻ എന്റെ പിതാ​വിന്‌ ഒരു യഥാർത്ഥ മകൻ എന്ന്‌ തെളി​യി​ക്ക​പ്പെട്ടു, എന്റെ അമ്മയുടെ മുമ്പിൽ പ്രിയ​നും ഏകനും​തന്നെ. അവൻ എന്നെ പ്രബോ​ധി​പ്പി​ക്കു​ക​യും ഇങ്ങനെ പറയു​ക​യും ചെയ്യും: ‘നിന്റെ ഹൃദയം എന്റെ വാക്കു​കളെ മുറുകെ പിടി​ക്കട്ടെ.’” ശലോ​മോന്‌ സ്വകാ​ര്യ​മായ കാര്യ​ങ്ങൾപോ​ലും തന്റെ പിതാ​വി​നോ​ടൊത്ത്‌ ചർച്ച​ചെ​യ്യാൻ സാധി​ച്ചി​രു​ന്നു എന്ന്‌ വ്യക്തമാണ്‌; ശലോ​മോൻതന്നെ തുടർന്ന്‌ ലൈം​ഗി​ക​ദുർമ്മാർഗ്ഗത്തെ വളരെ തുറന്ന്‌ ചർച്ച ചെയ്യുന്നു.—സദൃശ​വാ​ക്യ​ങ്ങൾ 5:1-19.

യഹോ​വ​യു​ടെ സാക്ഷി​ക​ളു​ടെ​യി​ട​യിൽ അനേകം കുടും​ബങ്ങൾ തങ്ങളുടെ മക്കളു​മാ​യി സമാന​മായ തുറന്ന സംഭാ​ഷണം നടത്തുന്നു—വലിയ വിജയ​ത്തോ​ടെ! അവർ തങ്ങളുടെ മക്കളോട്‌ ലൈം​ഗിക ബന്ധങ്ങൾ സംബന്ധിച്ച്‌ കേവലം “അരുത്‌!” എന്ന്‌ പറയു​ന്ന​തി​ല​ധി​കം ചെയ്യുന്നു. ക്രമര​ഹി​ത​മായ ലൈം​ഗിക ബന്ധത്തെ ഒഴിവാ​ക്കു​ന്ന​തിന്‌ തങ്ങളുടെ കുട്ടി​കൾക്ക്‌ ശരിയായ ന്യായങ്ങൾ പറഞ്ഞു​കൊ​ടു​ക്കു​ന്ന​തിന്‌ ബൈബിൾ അവരെ സഹായി​ക്കു​ന്നു. ശലോ​മോ​ന്റെ വാക്കുകൾ വീണ്ടും പരിചി​ന്തി​ക്കുക. സദൃശ​വാ​ക്യ​ങ്ങൾ 5:3, 4-ൽ അവൻ യുവാ​ക്കളെ വ്യഭി​ചാ​രി​ണി​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നത്‌ ഒഴിവാ​ക്കാൻ പ്രോ​ത്സാ​ഹി​പ്പി​ക്കു​ന്നു. “മധു​കോ​ശം​പോ​ലെ ഒരു അപരി​ചി​ത​യു​ടെ [വ്യഭി​ചാ​രി​ണി] അധരങ്ങൾ തേൻ പൊഴി​ക്കു​ന്നു, അവളുടെ അണ്ണാക്ക്‌ എണ്ണയെ​ക്കാൾ മൃദു​വു​മാ​കു​ന്നു.” അതെ, ദുർന്ന​ട​ത്ത​യു​ടെ സാധ്യത വളരെ വശ്യമാ​യി തോന്നി​യേ​ക്കാം. എന്നിരു​ന്നാ​ലും ശലോ​മോൻ ഇപ്രകാ​രം മുന്നറി​യി​പ്പു നൽകുന്നു: “അവളിൽനി​ന്നുള്ള അനന്തര​ഫലം കാഞ്ഞി​രം​പോ​ലെ കൈപ്പു​ള്ള​താണ്‌; അത്‌ ഒരു ഇരുവാ​യ്‌ത​ല​യുള്ള വാൾപോ​ലെ മൂർച്ച​യു​ള്ള​താണ്‌.”

ശലോ​മോ​നെ​പ്പോ​ലെ മാതാ​പി​താ​ക്കൾക്ക്‌ ലൈം​ഗിക ബന്ധങ്ങളു​ടെ അനന്തര​ഫ​ലങ്ങൾ സംബന്ധിച്ച്‌ തങ്ങളുടെ കുട്ടി​ക​ളു​മാ​യി ന്യായ​വാ​ദം ചെയ്യാൻ കഴിയും. ഒരു കുഴഞ്ഞ മനസ്സാക്ഷി, ആഗ്രഹി​ക്കാത്ത ഗർഭധാ​ര​ണങ്ങൾ, എയ്‌ഡ്‌സ്‌ പോ​ലെ​യുള്ള ലൈം​ഗി​ക​മാ​യി പകർത്ത​പ്പെ​ടുന്ന രോഗങ്ങൾ—ഇവയാണ്‌ ഏതാനും നിമി​ഷ​ങ്ങ​ളി​ലെ വശ്യമായ ഉല്ലാസ​ത്തി​ന്റെ കയ്‌പ്പേ​റിയ തിരി​ച്ച​ടി​കൾ. കൂടു​ത​ലാ​യി ശലോ​മോൻ യുവാ​ക്കളെ ഇപ്രകാ​രം ഉദ്‌ബോ​ധി​പ്പി​ക്കു​ന്നു: “[നിങ്ങളു​ടെ] അന്തസ്സ്‌ മററു​ള്ള​വർക്ക്‌ കൊടു​ക്ക​രുത്‌.” (സദൃശ​വാ​ക്യ​ങ്ങൾ 5:9) ഒരു യുവാവ്‌ അല്ലെങ്കിൽ യുവതി വിവാ​ഹ​ത്തിന്‌ താൽപ്പ​ര്യ​മി​ല്ലാത്ത ആർക്കെ​ങ്കി​ലും തന്നെത്തന്നെ കൊടു​ക്കു​ന്ന​തിൽ ആത്മാഭി​മാ​ന​ത്തി​ന്റെ ഒരു കുറവ്‌ ഇല്ലേ? ഒരുവന്റെ സ്വന്തമൊ അല്ലെങ്കിൽ മററാ​രു​ടെ​യെ​ങ്കി​ലു​മൊ സ്വാർത്ഥ​പൂർവ​ക​മായ ലൈം​ഗി​കാ​വേ​ശങ്ങൾ തൃപ്‌തി​പ്പെ​ടു​ത്തു​ന്ന​തി​നു​വേ​ണ്ടി​യുള്ള വെറും ഉപാധി​യാ​യി സേവി​ക്കു​ന്നത്‌ അവമാ​ന​മല്ലേ? മാതാ​പി​താ​ക്കൾക്ക്‌ ഈ വസ്‌തു​തകൾ വിലമ​തി​ക്കാൻ തങ്ങളുടെ കുട്ടി​കളെ സഹായി​ക്കാൻ കഴിയും.

ശലോ​മോൻ അസാൻമാർഗ്ഗി​യു​മാ​യുള്ള ഇടപാ​ടു​കളെ സംബന്ധിച്ച്‌ കൂടു​ത​ലായ ഉപദേശം നൽകി: “നിന്റെ വഴിയെ അവളിൽ നിന്ന്‌ അകററുക, അവളുടെ വീടിന്റെ വാതി​ലി​നോട്‌ അടുക്ക​യു​മ​രുത്‌.” (സദൃശ​വാ​ക്യ​ങ്ങൾ 5:8) അതു​പോ​ലെ മാതാ​പി​താ​ക്കൾക്ക്‌ അനുര​ഞ്‌ജന സാഹച​ര്യ​ങ്ങളെ ഒഴിവാ​ക്കു​ന്ന​തി​നുള്ള പ്രാ​യോ​ഗിക ഉപദേശം കൊടു​ക്കാൻ കഴിയും. അവർക്ക്‌ തത്വഹീ​ന​രായ വ്യക്തി​ക​ളു​മാ​യി ഡേററിം​ഗി​ലേർപ്പെ​ടാ​തി​രി​ക്കാൻ പ്രോൽസാ​ഹി​പ്പി​ക്കാൻ കഴിയും. അവർ കോർട്ട്‌ഷിപ്പ്‌ നടത്താൻ യോഗ്യ​ത​പ്രാ​പി​ക്കുന്ന ഘട്ടത്തിൽ എത്തു​മ്പോൾ അവരെ പാപപൂർണ്ണ​മായ നടത്ത ഒഴിവാ​ക്കു​ന്ന​തിന്‌ പ്രാ​യോ​ഗിക പടികൾ എടുക്കാൻ പ്രോൽസാ​ഹി​പ്പി​ക്കാൻ കഴിയും. ദൃഷ്ടാ​ന്ത​ത്തിന്‌, കോർട്ടിം​ഗി​ലേർപ്പെ​ടുന്ന ഇണകൾക്ക്‌ ഡേററിംഗ്‌ സമയങ്ങ​ളി​ലെ​ല്ലാം ആരെങ്കി​ലും തങ്ങളോ​ടൊത്ത്‌ ഉണ്ടായി​രി​ക്കു​ന്ന​തിന്‌ ക്രമീ​ക​രണം ചെയ്യാൻ കഴിയും. പഴഞ്ചൻ രീതി​യോ? ഒരുപക്ഷേ. എന്നാൽ, “നിന്റെ മാംസ​വും ദേഹവും ക്ഷയിച്ചിട്ട്‌ നീ ഭാവി​യിൽ നെടു​വീർപ്പി​ട്ടു​കൊണ്ട്‌: ‘ഞാൻ ശിക്ഷണത്തെ എത്ര​ത്തോ​ളം വെറുത്തു . . . ഞാൻ എന്റെ പ്രബോ​ധ​ക​രു​ടെ വാക്കിനു ശ്രദ്ധ കൊടു​ത്തില്ല’ എന്നു പറയാൻ ഇടയാ​കുന്ന”തിനേ​ക്കാൾ, ന്യായ​മായ മുൻക​രു​ത​ലു​കൾ കൈ​ക്കൊ​ള്ളു​ന്ന​താണ്‌ നല്ലത്‌.—സദൃശ​വാ​ക്യ​ങ്ങൾ 5:11-13.

യഹോ​വയെ ഭയപ്പെ​ടാൻ യുവാ​ക്കളെ സഹായി​ക്കു​ക

ചില കണക്കുകൾ അനുസ​രിച്ച്‌ ഐക്യ​നാ​ടു​ക​ളിൽ മാത്രം ലൈം​ഗി​ക​മാ​യി പ്രവർത്ത​ന​നി​ര​ത​രായ 1 കോടി 20 ലക്ഷത്തിൽപരം യുവാക്കൾ ഉണ്ട്‌. എയ്‌ഡ്‌സ്‌ എന്ന സാം​ക്ര​മി​ക​രോ​ഗം പോലും ഈ അധാർമ്മിക വേലി​യേ​റ​റത്തെ തടയു​ന്ന​തിൽ വളരെ കുറച്ചു​മാ​ത്രമേ സഹായി​ച്ചി​ട്ടു​ള്ളു. എന്നിരു​ന്നാ​ലും, യഹോ​വ​യു​ടെ സാക്ഷികൾ എയ്‌ഡ്‌സി​ന്റെ​യൊ ഗർഭധാ​ര​ണ​ത്തി​ന്റെ​യൊ ഭയത്തെ​ക്കാൾ വളരെ​യ​ധി​കം സ്വാധീ​ന​മുള്ള ഒന്ന്‌ തങ്ങളുടെ കുട്ടി​ക​ളു​ടെ മനസ്സിൽ കടത്തി​വി​ടു​ന്ന​തിന്‌ ശ്രമി​ക്കു​ന്നു: യഹോ​വ​യാം ദൈവ​ത്തെ​ക്കു​റി​ച്ചുള്ള ഒരു ആരോ​ഗ്യ​ക​ര​മായ ഭയം. ശലോ​മോൻ സദൃശ​വാ​ക്യ​ങ്ങൾ 5:21-ൽ യുവാ​ക്കളെ ഇപ്രകാ​രം ഓർമ്മി​പ്പി​ക്കു​ന്നു: “എന്തു​കൊ​ണ്ടെ​ന്നാൽ മനുഷ്യ​രു​ടെ വഴികൾ യഹോ​വ​യു​ടെ കൺമു​മ്പിൽ ഉണ്ട്‌, അവന്റെ പാതക​ളെ​യെ​ല്ലാം അവൻ നോക്കു​ക​യും ചെയ്യുന്നു.” യഹോ​വ​യു​ടെ സാക്ഷി​ക​ളി​ലൊ​രു​വ​നും നാലു കുട്ടി​ക​ളു​ടെ പിതാ​വു​മായ ജോൺ ഈ ബുദ്ധി​യു​പ​ദേശം തരുന്നു: ‘കുട്ടി​കൾക്ക്‌ സഹായ​ക​മാ​യി​ട്ടു​ള്ളത്‌ യഹോ​വ​യോട്‌ ഒരു സ്‌നേ​ഹ​പൂർവ​ക​മായ ഭയം ഉണ്ടായി​രിക്ക എന്നതാണ്‌. നമ്മുടെ സ്വാർത്ഥ​പൂർവ​ക​മായ പ്രവർത്ത​ന​ങ്ങ​ളാൽ യഹോ​വയെ ദുഃഖി​പ്പി​ക്കാൻ കഴിയും എന്ന്‌ കുട്ടി​കളെ അറിയി​ക്കു​ന്ന​തിന്‌ ഭയപ്പെ​ട​രുത്‌.’—സദൃശ​വാ​ക്യ​ങ്ങൾ 27:11 താരത​മ്യ​പ്പെ​ടു​ത്തുക.

തീർച്ച​യാ​യും ദൈവിക ഭയം അധാർമ്മി​ക​തക്ക്‌ ഒരു ഫലപ്ര​ദ​മായ തടസ്സമാ​യി​രി​ക്കു​ന്ന​തിന്‌ ദൈവം ഒരു യുവാ​വിന്‌ വളരെ യഥാർത്ഥ​മാ​യി​രി​ക്കണം. (എബ്രായർ 11:27 താരത​മ്യ​പ്പെ​ടു​ത്തുക.) മാതാ​പി​താ​ക്കൾക്ക്‌ ഒരു ക്രമമായ ബൈബിൾ അദ്ധ്യയ​ന​ത്തി​ലൂ​ടെ​യും ദൈനം​ദിന പ്രാർത്ഥ​ന​യി​ലൂ​ടെ​യും ഒരു യഥാർത്ഥ ജീവി​താ​നു​ഭ​വ​ത്തി​ലൂ​ടെ​യും ദൈവ​വു​മാ​യി ഒരു യഥാർത്ഥ ബന്ധം നട്ടുവ​ളർത്താൻ തങ്ങളുടെ കുട്ടി​കളെ സഹായി​ക്കാൻ കഴിയും. ഒരു യുവാവ്‌, ദൈവം തനിക്കു​വേണ്ടി കരുതു​ന്നു​ണ്ടെന്ന്‌ വിലമ​തി​ക്കാൻ തുടങ്ങു​മ്പോൾ അവനെ അപ്രീ​തി​പ്പെ​ടു​ത്തുന്ന നടത്തയെ ഒഴിവാ​ക്കാൻ അയാൾ പ്രേരി​ത​നാ​കും.—1 പത്രോസ്‌ 5:7.

രസാവ​ഹ​മാ​യി, ദൈവ​വു​മാ​യുള്ള ഒരു യുവാ​വി​ന്റെ ബന്ധത്തിന്‌ മിക്ക​പ്പോ​ഴും മററു യുവാ​ക്കൾക്ക്‌ നിറ​വേ​റാ​തെ​പോ​കുന്ന ചില ആവശ്യങ്ങൾ നിറ​വേ​റ​റു​ന്ന​തി​നു സഹായി​ക്കാ​നും കഴിയും. ദൃഷ്‌ടാ​ന്ത​ത്തിന്‌, ക്രമര​ഹി​ത​മായ ലൈം​ഗി​കത പൊതു​വെ ഒരു യുവാ​വി​ന്റെ അശക്തി​യു​ടെ​യൊ ആത്‌മാ​ഭി​മാ​ന​ത്തി​ന്റെ​യൊ വികാ​ര​ത്തോട്‌ പൊരു​തു​ന്ന​തി​നുള്ള ഒരു മാർഗ്ഗ​മാ​ണെന്ന്‌ വിദഗ്‌ദ്ധർ അവകാ​ശ​പ്പെ​ടു​ന്നു. എന്നാൽ യഹോ​വ​യോട്‌ സൗഹൃ​ദ​മു​ള്ള​വർക്ക്‌ അത്തരം വികാ​രങ്ങൾ ബാധി​ക്ക​യില്ല! അത്തരം ഒരു യുവാ​വിന്‌ ഇപ്രകാ​രം പറയാൻ കഴിയും: “ദൈവം എന്റെ സഹായ​ക​നാ​കു​ന്നു; യഹോവ എന്റെ ദേഹിയെ പിൻതാ​ങ്ങു​ന്ന​വ​രു​ടെ കൂട്ടത്തി​ലുണ്ട്‌.”—സങ്കീർത്തനം 54:4.

ലൈം​ഗി​ക​ത​യും വിവാ​ഹ​വും സംബന്ധിച്ച ഒരു സമനി​ല​യോ​ടു​കൂ​ടിയ വീക്ഷണം

തീർച്ച​യാ​യും മാതാ​പി​താ​ക്കൾ തങ്ങളുടെ കുട്ടികൾ ലൈം​ഗിക ബന്ധങ്ങൾ സംബന്ധിച്ച്‌ ഒരു ലജ്ജാഭി​ന​യ​പ​ര​മൊ നിഷേ​ധാ​ത്മ​ക​മൊ ആയ വീക്ഷണം വികസി​പ്പി​ക്ക​ണ​മെന്ന്‌ ആഗ്രഹി​ക്കു​ന്നില്ല. ബൈബിൾ ദുർവൃ​ത്തി​യെ കുററം​വി​ധി​ക്കു​മ്പോൾ, അത്‌ ഗാഢ ലൈം​ഗി​ക​സൗ​ഹൃ​ദങ്ങൾ വളരെ മനോ​ഹ​ര​മാ​യി​രി​ക്കാൻ കഴിയു​മെ​ന്നും കാണി​ക്കു​ന്നു—വിവാ​ഹ​ത്തി​ന്റെ ചട്ടക്കൂ​ട്ടിൽ. കാവ്യാ​ത്മക ഭാഷ ഉപയോ​ഗി​ച്ചു​കൊണ്ട്‌, ശലോ​മോൻ തുടരു​ന്നു: “നിന്റെ നീരു​റവ്‌ അനു​ഗ്ര​ഹി​ക്ക​പ്പെ​ട്ട​താ​യി​രി​ക്കട്ടെ, നിന്റെ യൗവന​ത്തി​ലെ ഭാര്യ​യോ​ടു​കൂ​ടെ സന്തോ​ഷി​ക്കുക . . . അവളു​ടെ​തന്നെ സ്‌തനങ്ങൾ എപ്പോ​ഴും നിന്നെ ആവേശ​ഭ​രി​ത​നാ​ക്കട്ടെ. അവളുടെ പ്രേമ​ത്തിൽ നീ എപ്പോ​ഴും ആനന്ദനിർവൃ​തി​കൊ​ള്ളുക.”—സദൃശ​വാ​ക്യ​ങ്ങൾ 5:18, 19.

വിവാ​ഹ​ബ​ന്ധ​ത്തെ സംബന്ധിച്ച ഈ ഉന്നതവീ​ക്ഷണം പരിഗ​ണി​ക്കു​മ്പോൾ മാതാ​പി​താ​ക്കൾ സ്വകാ​ര്യ​കാ​ര്യ​ങ്ങൾ ചർച്ച​ചെ​യ്യു​ന്നത്‌ മോശ​മാ​ണെന്ന്‌ ചിന്തി​ക്കു​ന്ന​തിന്‌ കാരണ​മില്ല. (നേരത്തെ പരാമർശിച്ച) ജോൺ പറയുന്നു: “ഞങ്ങൾ അവരു​മാ​യി എപ്പോ​ഴും സത്യസ​ന്ധ​മാ​യി സംസാ​രി​ക്കു​ന്നു, അതു​കൊണ്ട്‌ ലൈം​ഗിക വിഷയം രഹസ്യമല്ല. ഇത്‌ ഭാര്യാ​ഭർത്താ​ക്കൻമാർ ഉചിത​മായ സമയത്ത്‌ ആസ്വദി​ക്കു​ന്ന​തിന്‌ സ്രഷ്ടാ​വായ യഹോ​വ​യിൽനി​ന്നുള്ള ഒരു ദാനമാ​ണെന്ന്‌ ഞങ്ങൾ എപ്പോ​ഴും പ്രദീ​പ്‌ത​മാ​ക്കു​ന്നു.” രണ്ടു കൗമാ​ര​പ്രാ​യ​ക്കാ​രായ ആൺകു​ട്ടി​ക​ളുള്ള മറെറാ​രു പിതാവ്‌ ഇപ്രകാ​രം പറയുന്നു: “അവരുടെ ചെറു​പ്രാ​യം മുതൽ ഞങ്ങൾ അവരു​മാ​യി ലൈം​ഗി​ക​വി​ഷയം തുറന്ന്‌ ചർച്ച ചെയ്‌തി​രു​ന്നു. ഞങ്ങൾ അവരെ പ്രേമ​വും ലൈം​ഗി​ക​ത​യും സംബന്ധിച്ച്‌ ഒരു ബഹുമാ​ന്യ​വും ശ്രേഷ്‌ഠ​വു​മായ വീക്ഷണം പഠിപ്പി​ക്കു​ന്ന​തിന്‌ ശ്രമി​ച്ചി​രി​ക്കു​ന്നു. ഞങ്ങൾ ഒരു തുടർച്ച​യായ സംഭാ​ഷണം നടത്തുന്നു.” അർത്ഥവ​ത്താ​യി, അവരുടെ കുട്ടികൾ ചാരി​ത്ര​ശു​ദ്ധി​യു​ള്ള​വ​രാ​യി നിലനി​ന്നി​രി​ക്കു​ന്നു.

യുവാ​ക്കളെ “രക്ഷക്ക്‌ ജ്ഞാനി​ക​ളാ​ക്കി” ത്തീർക്കുക

“ദുഷ്‌ട​മ​നു​ഷ്യ​രും വഞ്ചകൻമാ​രും വഷളത്വ​ത്തിൽനിന്ന്‌ കൂടുതൽ വഷളത്വ​ത്തി​ലേക്ക്‌ മുതിർന്നു​വ​രും,” എന്ന്‌ അപ്പോ​സ്‌ത​ല​നായ പൗലോസ്‌ മുൻകൂ​ട്ടി​പ്പ​റഞ്ഞു. (2 തിമൊ​ഥെ​യോസ്‌ 3:13) അങ്ങനെ ധാർമ്മിക നിലവാ​രങ്ങൾ തുടർച്ച​യാ​യി അധഃപ​തി​ച്ചു​കൊ​ണ്ടി​രി​ക്കും. കൗമാ​ര​പ്രായ ലൈം​ഗിക വൈകൃ​ത​വും ഗർഭധാ​ര​ണ​വും സമൂഹ​ത്തി​ന്റെ ബാധയാ​യി തുടരും.

ദൈവ​ഭ​ക്തി​യു​ള്ള മാതാ​പി​താ​ക്കൾ തങ്ങളുടെ മക്കളെ “രക്ഷക്കു ജ്ഞാനി​യാ​ക്കു”വാൻ ബൈബി​ളി​ലേക്കു തിരി​യും. (2 തിമൊ​ഥെ​യോസ്‌ 3:15) നിങ്ങൾക്കു​തന്നെ ബൈബി​ളിൽ നിന്നുള്ള പ്രബോ​ധ​നങ്ങൾ ആവശ്യ​മാ​ണെന്ന്‌ തിരി​ച്ച​റി​യു​ന്നു​വെ​ങ്കിൽ, ഈ മാസി​ക​യു​ടെ പ്രസാ​ധ​കർക്ക്‌ എഴുതി​ക്കൊണ്ട്‌ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടു​ന്ന​തിന്‌ മടികാ​ണി​ക്ക​രുത്‌. അവർ നിങ്ങൾക്ക്‌ അത്തരം വിവരങ്ങൾ സൗജന്യ​മാ​യി ലഭ്യമാ​ക്കു​ന്ന​തിന്‌ ക്രമീ​ക​രണം ചെയ്യാൻ സന്തോ​ഷ​മു​ള്ള​വ​രാ​യി​രി​ക്കും. യഹോ​വ​യു​ടെ സാക്ഷി​കൾക്ക്‌, നങ്ങളു​ടെ യൗവനം—അതു പരമാ​വധി ആസ്വദിക്കുകa എന്ന പുസ്‌തകം പോലുള്ള പ്രസി​ദ്ധീ​ക​ര​ണങ്ങൾ നിങ്ങൾക്ക്‌ പ്രദാനം ചെയ്യു​ന്ന​തി​നും കഴിയും. ഇതിൽ, ആയിര​ക്ക​ണ​ക്കിന്‌ യുവാ​ക്കളെ ലോക​ത്തി​ന്റെ അധാർമ്മിക കെണി​ക​ളിൽ നിന്ന്‌ രക്ഷിക്കു​ന്ന​തിന്‌ സഹായിച്ച തിരു​വെ​ഴു​ത്തു​വി​വ​രങ്ങൾ അടങ്ങി​യി​രി​ക്കു​ന്നു.

എന്നിരു​ന്നാ​ലും, ഒരു നിയമ​വി​രുദ്ധ ഗർഭത്തി​ന്റെ ദുരന്തം അനുഭ​വി​ച്ചു​ക​ഴിഞ്ഞ പെൺകു​ട്ടി​കളെ സംബന്ധി​ച്ചെന്ത്‌? അത്തരം സാഹച​ര്യ​ങ്ങൾ അശേഷം ആശയറ​റ​വയല്ല. തന്റെ നടത്തയു​ടെ ഗതിയിൽ യഥാർത്ഥ​ത്തിൽ ദുഃഖി​ക്കുന്ന ഒരാ​ളോട്‌ ദൈവം ‘ഒരു വിപു​ല​മായ തോതിൽ ക്ഷമിക്കു​ന്നു.’ (യെശയ്യാവ്‌ 55:7) ഒരു ഏകാകി​യായ മാതാ​വാ​യി​രി​ക്കു​ന്നത്‌ എളുപ്പ​മ​ല്ലെ​ങ്കി​ലും, ബൈബിൾത​ത്വ​ങ്ങൾ ബാധക​മാ​ക്കി​ക്കൊണ്ട്‌ ഇത്‌ ഒരു വിജയ​മാ​ക്കി​ത്തീർക്കാൻ കഴിയും. ഒരു ക്രിസ്‌ത്യാ​നി​യാ​യി​ത്തീ​രു​ന്ന​തി​നു മുമ്പ്‌ വിവാഹം കൂടാതെ മൂന്ന്‌ കുട്ടി​ക​ളു​ണ്ടാ​യി​രുന്ന ഒരു യുവതി ചെയ്‌തത്‌ അതുത​ന്നെ​യാണ്‌. അവൾ തന്റെ കുടും​ബ​ത്തിൽ ദൈവ​ത്തി​ന്റെ വചനം ബാധക​മാ​ക്കു​ന്ന​തിന്‌ കഠിന​ശ്രമം ചെയ്യുന്നു. അവൾ യഹോ​വ​യു​ടെ സാക്ഷി​ക​ളു​ടെ ഒരു സഭയു​മാ​യി അടുത്ത സമ്പർക്കം പുലർത്തി​ക്കൊണ്ട്‌ വളരെ ആശ്വാ​സ​വും പിന്തു​ണ​യും നേടി. അവൾ പറയുന്നു: “വളരെ​യ​ധി​കം ക്ഷമിക്കുന്ന ഒരു ദൈവത്തെ സേവി​ക്കു​ന്ന​തും വളരെ​യ​ധി​കം ഗ്രാഹ്യ​മുള്ള സഹോ​ദ​രീ​സ​ഹോ​ദ​രൻമാർ ഉണ്ടായി​രി​ക്കു​ന്ന​തും നിശ്ചയ​മാ​യും അത്ഭുത​ക​ര​മാണ്‌. എന്റെ ജീവി​ത​ത്തിൽ ആദ്യമാ​യി എനിക്ക്‌ ആത്മീയ​വും ശാരീ​രി​ക​വു​മാ​യി ശുദ്ധി​യും വെടി​പ്പു​മു​ള്ള​താ​യി അനുഭ​വ​പ്പെട്ടു.”

തീർച്ച​യാ​യും, ഒന്നാമത്‌ വിവാ​ഹ​ത്തി​നു മുമ്പുള്ള ലൈം​ഗിക ബന്ധം ഒഴിവാ​ക്കു​ന്ന​താണ്‌ ഏററവും മെച്ചം. സന്തോ​ഷ​ക​ര​മാ​യി, ഇന്ന്‌ ആയിര​ക്ക​ണ​ക്കി​നു യുവാക്കൾ ബൈബി​ളി​ന്റെ കാലാ​തീ​ത​മായ ഉപദേശം പിൻപ​റ​റു​ന്നതു നിമിത്തം അങ്ങനെ ചെയ്യുന്നു. (w88 4/15)

[അടിക്കു​റി​പ്പു​കൾ]

[29-ാം പേജിലെ ആകർഷ​ക​വാ​ക്യം]

യഹോവയുടെ സാക്ഷികൾ തങ്ങളുടെ കുട്ടി​ക​ളിൽ എയ്‌ഡ്‌സി​ന്റെ​യൊ ഗർഭധാ​ര​ണ​ത്തി​ന്റെ​യൊ ഭയത്തെ​ക്കാൾ ഉപരി​യായ ഒന്ന്‌ പ്രവേ​ശി​പ്പി​ക്കാൻ പരി​ശ്ര​മി​ക്കു​ന്നു: യഹോ​വ​യാം ദൈവ​ത്തോ​ടുള്ള ഒരു ആരോ​ഗ്യ​ക​ര​മായ ഭയം

[29-ാം പേജിലെ ആകർഷ​ക​വാ​ക്യം]

ചില കണക്കുകൾ അനുസ​രിച്ച്‌ ഐക്യ​നാ​ടു​ക​ളിൽമാ​ത്രം ലൈം​ഗി​ക​മാ​യി പ്രവർത്ത​ന​നി​ര​ത​രായ 1 കോടി 20 ലക്ഷത്തിൽ പരം ചെറു​പ്പ​ക്കാർ ഉണ്ട്‌

[28-ാം പേജിലെ ചിത്രം]

ലൈംഗിക കാര്യ​ങ്ങളെ സംബന്ധിച്ച്‌ മാതാ​പി​താ​ക്കൾക്ക്‌ തങ്ങളുടെ കുട്ടി​ക​ളു​മാ​യി ക്രമമാ​യി സംഭാ​ഷ​ണ​ത്തി​ലേർപ്പെ​ടാൻ കഴിയും

[30-ാം പേജിലെ ചിത്രം]

ക്രിസ്‌തീയ യുവാക്കൾ ദൈവ​വു​മാ​യുള്ള തങ്ങളുടെ ബന്ധത്തെ നശിപ്പി​ക്കാൻ കഴിയുന്ന നടത്തയെ ഒഴിവാ​ക്കും