കുട്ടി​കൾക്ക്‌ കുട്ടികൾ ഉണ്ടാകു​മ്പോൾ

“എനിക്ക്‌ അയാൾ ഒരു യക്ഷിക്ക​ഥ​യി​ലെ എന്തോ പോലെ തോന്നി” എന്ന്‌ ഒരു യുവതി കൈ​പ്പോ​ടെ ഓർമ്മി​ക്കു​ന്നു—നമുക്ക​വളെ ഷാരോൻ എന്നു വിളി​ക്കാം. “അയാൾ എപ്പോ​ഴും എന്നെ സ്‌നേ​ഹി​ക്കു​ന്നു​വെ​ന്നും അയാളു​ടെ ഒരു ഗേൾ​ഫ്രെണ്ട്‌ എന്നെങ്കി​ലും ഗർഭി​ണി​യാ​കു​ന്നെ​ങ്കിൽ അയാൾ അവളെ ഒരിക്ക​ലും ഉപേക്ഷി​ക്ക​യില്ല എന്നും പറഞ്ഞു​കൊ​ണ്ടി​രു​ന്നു.”

ഷാരോൻ അപ്പെൻഡി​സൈ​റ​റിസ്‌ ആണെന്ന്‌ കരുതി​യത്‌ പരി​ശോ​ധി​പ്പി​ക്കു​ന്ന​തിന്‌ അവൾ ഒരു ദിവസം തന്റെ ഡോക്‌ടറെ സന്ദർശി​ച്ചു; അവൾ മൂന്നു മാസം ഗർഭി​ണി​യാ​ണെന്ന്‌ തിരി​ച്ച​റി​ഞ്ഞു. “പെട്ടെന്ന്‌ ഞാൻ എന്റെ ബോയ്‌​ഫ്രെ​ണ്ടി​നെ വിളിച്ചു,” ഷാരോൻ ഓർമ്മി​ക്കു​ന്നു. അയാളു​ടെ പ്രതി​ക​രണം എന്തായി​രു​ന്നു? “നീ ഒരു ഗർഭച്‌ഛി​ദ്രം നടത്തേ​ണ്ടി​യി​രി​ക്കു​ന്നു! കേവലം അതിനെ പുറം​ത​ള്ളുക!” യക്ഷിക്കഥ ഒരു പേടി​സ്വ​പ്‌ന​മാ​യി​ത്തീർന്നി​രു​ന്നു.

ഐക്യ​നാ​ടു​ക​ളിൽമാ​ത്രം ഏകദേശം പത്തുലക്ഷം കുമാ​രി​മാർ ഓരോ വർഷവും ഗർഭി​ണി​ക​ളാ​യി​ത്തീ​രു​ന്നു. ഐക്യ​നാ​ടു​കൾക്ക്‌ വ്യവസാ​യ​വൽക്കൃത നാടു​ക​ളിൽ വെച്ച്‌ ഏററവും കൂടിയ കൗമാ​ര​പ്രായ ഗർഭധാ​രണ നിരക്കി​ന്റെ അനാശാ​സ്യ സവി​ശേ​ഷ​ത​യുണ്ട്‌—ഈ അടുത്ത വർഷങ്ങ​ളിൽ നിരക്ക്‌ വർദ്ധിച്ച ഏക രാജ്യം. എന്നിരു​ന്നാ​ലും ദി അലൻ ഗുട്ട്‌മാ​ക്കർ ഇൻസ്‌റ​റി​റ​റ്യൂ​ട്ടി​ന്റെ ഒരു 37 വർഷ പഠനം അവിവാ​ഹി​ത​രായ കൗമാ​ര​പ്രാ​യ​ക്കാ​രു​ടെ ഗർഭം ഒരു ആഗോള പ്രശ്‌ന​മാ​ണെന്ന്‌ വെളി​പ്പെ​ടു​ത്തു​ന്നു.

അഡോ​ള​സെൻസ്‌ എന്ന ആനുകാ​ലി​ക​ത്തിൽ ഗവേഷ​ക​രായ ബ്ലാക്കും ഡിബ്ലാ​സി​യും ഇപ്രകാ​രം എഴുതി: “ഗർഭി​ണി​ക​ളാ​യി​ത്തീ​രുന്ന സ്‌കൂൾപ്രാ​യ​ക്കാ​രായ പെൺകു​ട്ടി​കൾ എല്ലാ സാമൂഹ്യ സാമ്പത്തിക വർഗ്ഗങ്ങ​ളിൽനി​ന്നും പബ്ലിക്ക്‌ പ്രൈ​വ​ററ്‌ സ്‌കൂ​ളു​ക​ളിൽനി​ന്നും വരുന്നു. എല്ലാ വർഗ്ഗക്കാ​രും, എല്ലാ വിശ്വാ​സ​ത്തിൽപെ​ട്ട​വ​രും, രാജ്യ​ത്തി​ന്റെ എല്ലാ ഭാഗത്തു​നി​ന്നു​മു​ള്ള​വ​രും, നഗരത്തിൽനി​ന്നും ഗ്രാമ​ത്തിൽനി​ന്നും ഉള്ളവരും പ്രതി​നി​ധാ​നം​ചെ​യ്യ​പ്പെ​ടു​ന്നു.” ദരി​ദ്ര​മൊ ന്യൂന​പ​ക്ഷ​മൊ ആയ കുടും​ബ​ങ്ങ​ളിൽനി​ന്നുള്ള പെൺകു​ട്ടി​ക​ളിൽ ജനനനി​രക്ക്‌ കൂടി​യി​രി​ക്കു​ന്ന​തി​ന്റെ കാരണം സംബന്ധിച്ച്‌ ജേർണൽ ഓഫ്‌ മാരി​യേജ്‌ ആൻഡ്‌ ദി ഫാമിലി ഇപ്രകാ​രം പറയുന്നു: “വെള്ളക്കാ​രും ഉയർന്ന സാ[മൂഹ്യ] സാ[മ്പത്തിക] പ[ദവി]യുള്ളവ​രു​മായ പെൺകു​ട്ടി​കൾ കൂടുതൽ ഗർഭച്‌ഛി​ദ്രം നടത്തുന്നു.”

ഐക്യ​നാ​ടു​ക​ളിൽ നിയമ​പ​ര​മായ എല്ലാ ഗർഭച്‌ഛി​ദ്ര​ങ്ങ​ളി​ലും മൂന്നി​ലൊന്ന്‌ 20 വയസ്സിൽ താഴെ​യുള്ള സ്‌ത്രീ​ക​ളാണ്‌ നടത്തു​ന്നത്‌. ധാർമ്മി​ക​മായ പരിഗ​ണ​നകൾ കൂടാ​തെ​തന്നെ, ഒരു ഗർഭച്ഛി​ദ്രം ചെയ്യണ​മെന്ന്‌ തീരു​മാ​നി​ക്കു​ന്നത്‌ ജീവി​ത​ത്തിൽ മിക്ക​പ്പോ​ഴും പ്രയാ​സ​ക​ര​മാണ്‌. “എന്നെ വിശ്വ​സി​ക്കൂ,” കേവലം ഒരു കൗമാ​ര​പ്രാ​യ​ക്കാ​രി​യാ​യി​രു​ന്ന​പ്പോൾ ഒരു ഗർഭച്ഛി​ദ്രം നടത്തിയ ഒരു സ്‌ത്രീ ഓർമ്മി​ക്കു​ന്നു, “ഞാൻ ഒരു കൊല​പാ​ത​ക​ത്തിന്‌ കാരണ​ക്കാ​രി​യാ​യി​രു​ന്നു എന്നുള്ള അറിവ്‌ എന്നെ അലട്ടുന്നു, ഞാൻ എത്ര ദുഃഖി​ത​യാ​ണെന്ന്‌ ഇര ഒരിക്ക​ലും അറിയു​ക​യില്ല.”

പരിഹാ​ര​ങ്ങൾക്കു​വേണ്ടി അന്വേ​ഷി​ക്കു​ന്നു

സാമൂഹ്യ ദുഷ്‌കീർത്തി, അസ്ഥിര​മായ വിവാ​ഹങ്ങൾ, ദാരി​ദ്ര്യം മുതലാ​യ​വ​യാണ്‌ കൗമാ​ര​പ്രായ ഗർഭത്തി​ന്റെ സാധാ​ര​ണ​യായ പരിണ​ത​ഫ​ലങ്ങൾ. ഈ കാര്യം പ്രബോ​ധ​ക​രു​ടെ​യും ഡോക്ടർമാ​രു​ടെ​യും രാഷ്‌ട്രീ​യ​പ്ര​വർത്ത​ക​രു​ടെ​യും മാതാ​പി​താ​ക്ക​ളു​ടെ​യും ശ്രദ്ധാ​കേ​ന്ദ്ര​മാ​യി​ത്തീർന്നി​രി​ക്കു​ന്ന​തിൽ അതിശ​യ​മില്ല. ചിലർ യുവാ​ക്കൾക്ക്‌ ഗർഭനി​രോ​ധന ഉപകര​ണ​ങ്ങ​ളും ഗർഭച്ഛി​ദ്ര സേവന​ങ്ങ​ളും എളുപ്പ​ത്തിൽ ലഭ്യമാ​ക്ക​ണ​മെ​ന്നു​പോ​ലും ആവശ്യ​പ്പെ​ട്ടു​കൊണ്ട്‌ ലൈം​ഗി​ക​വി​ദ്യാ​ഭ്യാ​സ പരിപാ​ടി​കൾക്ക്‌ ആഹ്വാനം ചെയ്യുന്നു.

എന്നിരു​ന്നാ​ലും, ചില യുവാ​ക്കൾക്ക്‌ ലൈം​ഗി​ക​വി​ദ്യാ​ഭ്യാ​സ​ത്തിന്‌ തൃപ്‌തി​വ​രു​ത്താൻ കഴിയാത്ത വൈകാ​രിക ആവശ്യ​ങ്ങ​ളാണ്‌ ഉള്ളത്‌. ദൃഷ്‌ടാ​ന്ത​ത്തിന്‌, ചില യുവതി​കൾ യഥാർത്ഥ​ത്തിൽ ഗർഭി​ണി​ക​ളാ​കാൻ ആഗ്രഹി​ക്കു​ന്നു! ഒരു ചെറു​പ്പ​ക്കാ​രി പറഞ്ഞതു​പോ​ലെ: “ഞാൻ എന്റെ മാതാ​പി​താ​ക്ക​ളു​ടെ ശ്രദ്ധ പിടി​ച്ചു​പ​റ​റാൻവേണ്ടി ഞാൻ കുഴപ്പ​ത്തിൽ ചാടാൻ ശ്രമിച്ചു. ഞാൻ ഇതിനെ [കുട്ടിയെ] എന്റേതാ​യി​രി​ക്കാൻ കഴിയുന്ന ഒന്നായി സങ്കൽപ്പി​ച്ചു—അതിനെ ആരും എടുത്തു​കൊ​ണ്ടു​പോ​ക​യില്ല, എനിക്ക്‌ എന്റെ സ്വന്തമായ ഒരു ചെറിയ അംശം അവശേ​ഷി​ക്കും, അത്‌ എനിക്ക്‌ ജീവി​ക്കു​ന്ന​തി​നുള്ള ഒരു കാരണം പ്രദാനം ചെയ്യു​ക​യും ചെയ്യും.”

അതിലു​പ​രി, ലൈം​ഗിക വിദ്യാ​ഭ്യാ​സ പരിപാ​ടി​കൾ യുവാ​ക്കൾക്ക്‌ ധാർമ്മിക മാർഗ്ഗ​നിർദ്ദേ​ശങ്ങൾ കൊടു​ക്കു​ക​യില്ല. അത്തരം പരിപാ​ടി​കൾ സാധാ​ര​ണ​മായ സ്വീഡൻ, നെതർലാൻഡ്‌സ്‌ മുതലായ ദേശങ്ങ​ളിൽ കൗമാ​ര​പ്രായ ഗർഭധാ​ര​ണങ്ങൾ കുറഞ്ഞി​രി​ക്കേ​ണ്ട​താണ്‌, എന്നാൽ ക്രമര​ഹിത ലൈം​ഗി​ക​വേ​ഴ്‌ചകൾ കുതി​ച്ചു​ക​യ​റു​ക​യാണ്‌. ഗർഭധാ​ര​ണ​ങ്ങൾക്ക്‌ ഉപരി​യാ​യി ക്രമര​ഹിത ലൈം​ഗിക വേഴ്‌ച വൈകാ​രി​ക​വും ധാർമ്മി​ക​വും ആത്മീയ​വു​മായ, ഗുരു​ത​ര​മായ നഷ്ടങ്ങൾക്ക്‌ ഇടയാ​ക്കു​ന്നി​ല്ലേ? അങ്ങനെ​യെ​ങ്കിൽ, ഗർഭനി​രോ​ധ​നോ​പ​ക​ര​ണ​ങ്ങ​ളെയല്ല, ചാരി​ത്ര്യ​ത്തെ പ്രോ​ത്സാ​ഹി​പ്പി​ക്കു​ന്ന​തിന്‌ സാരവ​ത്തായ കാരണ​മി​ല്ലേ? അതിന്‌ മറുപ​ടി​ക്കാ​യി ഈ സംഗതി​സം​ബ​ന്ധിച്ച്‌ നിലവി​ലുള്ള ഏററവും പഴക്കമുള്ള പുസ്‌ത​ക​ത്തിന്‌—ബൈബി​ളിന്‌—എന്തു പറയാ​നു​ണ്ടെന്ന്‌ നമുക്ക്‌ നോക്കാം. (w88 4/15)

[26-ാം പേജിലെ ആകർഷ​ക​വാ​ക്യം]

“ഗർഭി​ണി​ക​ളാ​യി​ത്തീ​രുന്ന സ്‌കൂൾപ്രാ​യ​ത്തി​ലുള്ള കുട്ടികൾ എല്ലാ സാമൂഹ്യ സാമ്പത്തിക വർഗ്ഗങ്ങ​ളിൽനി​ന്നും പൊതു, സ്വകാര്യ സ്‌കൂ​ളു​ക​ളിൽനി​ന്നും വരുന്നു. എല്ലാ വർഗ്ഗങ്ങ​ളും എല്ലാ വിശ്വാ​സ​ങ്ങ​ളും രാജ്യ​ത്തി​ലെ നാഗരി​ക​വും ഗ്രാമീ​ണ​വു​മായ എല്ലാ ഭാഗങ്ങ​ളും പ്രതി​നി​ധീ​ക​രി​ക്ക​പ്പെ​ടു​ന്നു.”—അഡോ​ള​സെൻസ്‌ എന്ന ആനുകാ​ലി​കം.