ആശ്രയം പ്രകട​മാ​ക്കുന്ന യഹോ​വ​യു​ടെ സഹപ്ര​വർത്ത​കർ

“ഭൗമിക മനുഷ്യാ, നല്ലതെ​ന്തെന്ന്‌ അവൻ നിന്നോ​ടു പറഞ്ഞി​രി​ക്കു​ന്നു. നീതി നടത്താ​നും ദയയെ സ്‌നേ​ഹി​ക്കാ​നും നിന്റെ ദൈവ​ത്തോ​ടു​കൂ​ടെ നടക്കു​ന്ന​തിൽ എളിയ​വ​നാ​യി​രി​ക്കാ​നു​മ​ല്ലാ​തെ എന്താണ്‌ യഹോവ നിന്നിൽ നിന്ന്‌ തിരിച്ചു ചോദി​ക്കു​ന്നത്‌?“—മീഖാ 6:8.

1. ഏതു തിരു​വെ​ഴു​ത്ത​ടി​സ്ഥാ​ന​ത്തിൽ യഹോ​വ​യു​ടെ ഇന്നത്തെ സകല ദാസൻമാർക്കും അവന്റെ “സഹപ്ര​വർത്തകർ” എന്നു വിളി​ക്ക​പ്പെ​ടാൻ കഴിയും?

ക്രിസ്‌തീയ അപ്പോ​സ്‌ത​ല​നായ യോഹ​ന്നാൻ ഇങ്ങനെ എഴുതി: “നാം ദൈവ​മക്കൾ എന്നു വിളി​ക്ക​പ്പെ​ടാൻ പിതാവ്‌ ഏതുതരം സ്‌നേ​ഹ​മാണ്‌ നമുക്ക്‌ നൽകി​യി​രി​ക്കു​ന്നത്‌; നാം അങ്ങനെ​യു​ള്ളവർ ആകുന്നു.” (1 യോഹ​ന്നാൻ 3:1) അപ്പോ​സ്‌ത​ല​നായ പൗലോസ്‌ തന്നെയും തന്റെ കൂട്ടാ​ളി​യാ​യി​രുന്ന അപ്പല്ലോ​സി​നെ​യും കുറിച്ച്‌ “ഞങ്ങൾ ദൈവ​ത്തി​ന്റെ സഹപ്ര​വർത്ത​ക​രാ​കു​ന്നു” എന്നു പറയു​ക​യു​ണ്ടാ​യി. (1 കൊരി​ന്ത്യർ 3:9) ഈ രണ്ടു പ്രസ്‌താ​വ​ന​ക​ളും യേശു​ക്രി​സ്‌തു​വി​ന്റെ അഭിഷി​ക്താ​നു​ഗാ​മി​ക​ളാ​ലും അവരെ സംബന്ധി​ച്ചും ചെയ്യ​പ്പെ​ട്ട​വ​യാണ്‌. എന്നാൽ തത്വത്തിൽ അവ സകല സത്യ​ദൈ​വ​ദാ​സൻമാർക്കും ബാധക​മാ​കു​ന്നു. തന്നിമി​ത്തം, ‘നാം യഹോ​വ​യു​ടെ സഹപ്ര​വർത്ത​ക​രാ​യി​രി​ക്ക​ത്ത​ക്ക​വണ്ണം പിതാവ്‌ ഏതുതരം സ്‌നേഹം നമുക്കു നൽകി​യി​രി​ക്കു​ന്നു’ എന്ന്‌ അവ പരാവർത്തനം ചെയ്യാൻ കഴിയും.

2. യഹോ​വ​യു​ടെ ദാസൻമാർക്ക്‌ അവന്റെ സഹപ്ര​വർത്ത​ക​രാ​യി​രി​ക്കു​ന്നത്‌ സാദ്ധ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

² ദുർബ്ബ​ല​രും അപൂർണ്ണ​രു​മായ മനുഷ്യർക്ക്‌ ശക്തിയി​ലും ജ്ഞാനത്തി​ലും അതിര​റ​റ​വ​നും നീതി​യിൽ പൂർണ്ണ​നും സ്‌നേ​ഹ​ത്തി​ന്റെ മൂർത്തീ​ക​ര​ണ​വു​മായ മഹാ​സ്ര​ഷ്ടാ​വി​ന്റെ സഹപ്ര​വർത്ത​ക​രാ​യി​രി​ക്കുക സാദ്ധ്യ​മാ​കു​ന്ന​തെ​ങ്ങനെ? നമ്മുടെ ആദ്യമാ​താ​പി​താ​ക്കൾ സ്രഷ്ടാ​വി​ന്റെ​യും അവന്റെ സഹപ്ര​വർത്ത​ക​നാ​യി​രുന്ന വചനത്തി​ന്റെ​യും അഥവാ ലോ​ഗോ​സി​ന്റെ​യും പ്രതി​ച്ഛാ​യ​യി​ലും സാദൃ​ശ്യ​ത്തി​ലും സൃഷ്ടി​ക്ക​പ്പെ​ട്ട​തു​കൊണ്ട്‌ ഇതു സാദ്ധ്യ​മാണ്‌. (ഉല്‌പത്തി 1:26, 27; യോഹ​ന്നാൽ 1:1) അങ്ങനെ നമ്മുടെ ആദ്യമാ​താ​പി​താ​ക്കൾക്ക്‌ ജ്ഞാനത്തി​ന്റെ​യും നീതി​യു​ടെ​യും ശക്തിയു​ടെ​യും സ്‌നേ​ഹ​ത്തി​ന്റെ​യും ഒരു അളവു കൊടു​ക്ക​പ്പെട്ടു. അതു​കൊ​ണ്ടാണ്‌ യഹോ​വക്ക്‌ തന്റെ പ്രവാ​ചകൻ മുഖാ​ന്തരം തന്റെ ഭൗമിക ദാസൻമാ​രെ​ക്കു​റിച്ച്‌ ഇങ്ങനെ പറയാൻ കഴിഞ്ഞത്‌: “ഭൗമിക മനുഷ്യാ, നല്ലതെ​ന്തെന്ന്‌ അവൻ നിന്നോ​ടു പറഞ്ഞി​രി​ക്കു​ന്നു. നീതി നടത്താ​നും ദയയെ സ്‌നേ​ഹി​ക്കാ​നും നിന്റെ ദൈവ​ത്തോ​ടു​കൂ​ടെ നടക്കു​ന്ന​തിൽ എളിയ​വ​നാ​യി​രി​ക്കാ​നു​മ​ല്ലാ​തെ എന്താണ്‌ യഹോവ നിന്നിൽ നിന്നു തിരിച്ചു ചോദി​ക്കു​ന്നത്‌?”—മീഖാ 6:8.

3. മീഖാ 6:8-ൽ സൂചി​പ്പി​ക്ക​പ്പെ​ട്ടി​രി​ക്കു​ന്ന​തെ​ന്താണ്‌, ഒരു വ്യക്തിക്ക്‌ യഹോ​വ​യു​ടെ സഹപ്ര​വർത്ത​ക​രി​ലൊ​രാ​ളാ​യി​രി​ക്കാൻ കഴിയു​ന്ന​തി​നു മുമ്പ്‌ അയാളിൽനിന്ന്‌ ആവശ്യ​പ്പെ​ട്ടി​രി​ക്കു​ന്ന​തെന്ത്‌?

³ “. . . അല്ലാതെ എന്താണ്‌ യഹോവ നിന്നിൽ നിന്ന്‌ തിരിച്ചു ചോദി​ക്കു​ന്നത്‌?” എന്ന വാക്കുകൾ നാം വായി​ക്കു​മ്പോൾ മുൻപ​റ​ഞ്ഞത്‌ ദൈവ​ത്തോ​ടും സഹമനു​ഷ്യ​നോ​ടു​മുള്ള ‘ഭൗമിക മനുഷ്യ​ന്റെ’ ഉത്തരവാ​ദി​ത്തത്തെ വളരെ നന്നായി സംഗ്ര​ഹി​ക്കു​ന്നു​വെ​ന്നാണ്‌ സൂചന​യെന്നു തോന്നു​ന്നു. ഇത്‌ യഥാർത്ഥ​ത്തിൽ എത്ര​ത്തോ​ളം അങ്ങനെ​ത​ന്നെ​യാ​ണെന്ന്‌ നമ്മുടെ ചർച്ച തുടരു​മ്പോൾ സ്‌പഷ്ട​മാ​കും. തീർച്ച​യാ​യും ഏതൊ​രാൾക്കും യഹോ​വ​യോ​ടു​കൂ​ടെ നടക്കാ​വു​ന്നതല്ല. ആ പദവി ‘ഏർപ്പാടു ചെയ്‌തിട്ട്‌ അവനെ കണ്ടുമു​ട്ടു​ന്ന​വർക്കാ​യി’ സംവരണം ചെയ്യ​പ്പെ​ട്ടി​രി​ക്കു​ക​യാണ്‌, എന്നു തന്നെ പറയട്ടെ. (ആമോസ്‌ 3:3) അതെങ്ങനെ? യഹോ​വക്ക്‌ സമ്പൂർണ്ണ​മായ ഒരു സമർപ്പണം ചെയ്യു​ക​യും മുൻലേ​ഖ​ന​ത്തിൽ സൂചി​പ്പി​ച്ച​തു​പോ​ലെ ജലസ്‌നാ​ന​ത്താൽ അതിനെ ലക്ഷ്യ​പ്പെ​ടു​ത്തു​ക​യും ചെയ്യു​ന്ന​തി​നാൽതന്നെ. അതു​കൊണ്ട്‌, ഈ വ്യക്തി​കൾക്ക്‌ മീഖാ 6:8 എന്ത്‌ അർത്ഥമാ​ക്കു​ന്നു?

‘നീതി നടത്തുക’

4. അടിസ്ഥാ​ന​പ​ര​മാ​യി, “നീതി​ന​ട​ത്തുക” എന്നതിന്റെ അർത്ഥ​മെന്ത്‌?

⁴ ആദ്യമാ​യി, “നീതി നടത്തുക” എന്ന വ്യവസ്ഥ​യുണ്ട്‌. യഹോ​വ​യാം ദൈവ​ത്തി​ന്റെ സഹപ്ര​വർത്ത​ക​രെന്ന നിലയിൽ നമുക്ക്‌ ഒരു നല്ല മനഃസാ​ക്ഷി ഉണ്ടായി​രി​ക്കണം. “നീതി നടത്തുക” എന്നതിന്റെ അടിസ്ഥാന അർത്ഥം ശരിയാ​യതു ചെയ്യുക, ദൈവം നമ്മോട്‌ ആവശ്യ​പ്പെ​ടു​ന്നതു ചെയ്യുക എന്നാണ്‌. അതിന്റെ അർത്ഥം നാം നമ്മുടെ കടപ്പാ​ടു​കൾ നിറ​വേ​റ​റണം എന്നാണ്‌, മുഖ്യ​മാ​യത്‌ യഹോ​വക്ക്‌ അനന്യ​മായ ഭക്തി​കൊ​ടു​ക്കു​ന്ന​തു​തന്നെ. (നാഹും 1:2) അവൻ കിടമ​ത്സരം പൊറു​ക്കു​ന്നില്ല. നമുക്ക്‌ കേവലം രണ്ട്‌ യജമാ​നൻമാ​രെ സേവി​ക്കാൻ കഴിയു​ക​യില്ല.—1 കൊരി​ന്ത്യർ 10:22; മത്തായി 6:24.

5. താൻ നീതിയെ സ്‌നേ​ഹി​ച്ചു​വെ​ന്നും ദുഷ്ടതയെ വെറു​ത്തു​വെ​ന്നും യേശു​ക്രി​സ്‌തു പ്രകട​മാ​ക്കി​യ​തെ​ങ്ങനെ?

⁵ തന്നെയു​മല്ല, “നീതി നടത്തുന്ന”തിന്‌ നാം യേശു​ക്രി​സ്‌തു ചെയ്‌ത​തു​പോ​ലെ നീതിയെ സ്‌നേ​ഹി​ക്കു​ക​യും ദുഷ്ടതയെ വെറു​ക്കു​ക​യും വേണം. അവന്റെ നീതി​സ്‌നേഹം നിമിത്തം അവൻ “നിഷ്‌ക്ക​ള​ങ്ക​നും നിർമ്മ​ല​നും പാപി​ക​ളിൽനിന്ന്‌ വേർപെ​ട്ട​വ​നു​മാ​യി” നില​കൊ​ണ്ടു. (സങ്കീർത്തനം 45:7; എബ്രായർ 7:26) യേശു ദുഷ്ടതയെ ദ്വേഷി​ച്ച​തു​കൊണ്ട്‌ അവൻ കപടഭ​ക്ത​രും അത്യാ​ഗ്ര​ഹി​ക​ളു​മാ​യി​രുന്ന തന്റെ നാളിലെ മതനേ​താ​ക്കൻമാ​രെ ശാസി​ച്ചത്‌ നീതി​പൂർവ്വ​ക​മായ രോഷ​ത്തോ​ടെ​യാ​യി​രു​ന്നു.—മത്തായി 23:13-36; യോഹ​ന്നാൻ 8:44.

6. വിലക്ക​പ്പെ​ട്ടി​രി​ക്കു​ന്നത്‌ ചീത്തയാ​യ​തു​കൊണ്ട്‌ നാം അതൊ​ഴി​വാ​ക്ക​ണ​മെ​ന്നുള്ള ഒരു മാനസിക സമ്മത​ത്തെ​ക്കാ​ള​ധി​കം നമുക്കാ​വ​ശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

⁶ യേശു​വി​ന്റെ ദൃഷ്ടാ​ന്ത​ത്തിൽനിന്ന്‌ കാണാൻ കഴിയു​ന്ന​തു​പോ​ലെ നീതിയെ സ്‌നേ​ഹി​ക്കു​ന്ന​തു​മാ​ത്രം പോരാ. നാം വഷളത്വ​ത്തെ വെറു​ക്കണം—അതെ, കഠിന​മാ​യി ദ്വേഷി​ക്കു​ക​യും അതി​നോ​ടു വിപ്ര​തി​പത്തി പ്രകട​മാ​ക്കു​ക​യും വേണം. നമ്മുടെ ചായ്‌വു​കൾ നമ്മുടെ ബാല്യം മുതൽ ചീത്തയാ​ക​യാ​ലും നമ്മുടെ ഹൃദയങ്ങൾ വഞ്ചനയും ചതിയും നിറഞ്ഞ​താ​ക​യാ​ലും വഷളത്വം വിലക്ക​പ്പെ​ട്ടി​രി​ക്കു​ക​യാ​ണെ​ന്നുള്ള ഒരു മാനസിക സമ്മത​ത്തെ​ക്കാ​ള​ധി​കം നമുക്കാ​വ​ശ്യ​മാണ്‌. (ഉല്‌പത്തി 8:21; യിരെ​മ്യാവ്‌ 17:9) നാം പാപ​പ്ര​വ​ണ​ത​ക​ളെ​യും പ്രലോ​ഭ​ന​ങ്ങ​ളെ​യും ശക്തമായി എതിർക്കാ​ത്ത​പക്ഷം നാം അവയുടെ വിലോ​ഭ​ന​ങ്ങൾക്ക്‌ അടി​പ്പെ​ടും. പെയോ​രി​ലെ ബാലിന്റെ അസാൻമാർഗ്ഗിക ആരാധ​ന​യിൽ ഒത്തു​ചേർന്ന ഇണകളെ ഒരു കുന്തം​കൊണ്ട്‌ കുത്തി​ത്തു​ള​ച്ച​പ്പോൾ ഫിനെ​ഹാസ്‌ പ്രകട​മാ​ക്കിയ, വഷളത്ത​ത്തോ​ടുള്ള അതേ ശക്തമായ വെറുപ്പ്‌ നമുക്കു​ണ്ടാ​യി​രി​ക്കണം.—സംഖ്യാ​പു​സ്‌തകം 25:5-8.

7. ദുഷ്ടരായ ആരെയും തന്റെ സഹപ്ര​വർത്ത​ക​രാ​യി യഹോവ ഉപയോ​ഗി​ക്കു​ന്നി​ല്ലെ​ന്നു​ള്ള​തിന്‌ നമുക്ക്‌ എന്തു സാക്ഷ്യ​മുണ്ട്‌?

⁷ യഹോവ ദുഷ്ടരായ ഏതെങ്കി​ലും വ്യക്തി​കളെ തന്റെ സഹപ്ര​വർത്ത​ക​രാ​യി ആഗ്രഹി​ക്കു​ന്നില്ല, ഉപയോ​ഗി​ക്കു​ന്നു​മില്ല. ഇത്‌ സങ്കീർത്തനം 50:16-18-ൽ വ്യക്തമാ​ക്ക​പ്പെ​ട്ടി​രി​ക്കു​ന്നു, അവിടെ നാം ഇങ്ങനെ വായി​ക്കു​ന്നു: “എന്നാൽ ദുഷ്ട​നോ​ടു ദൈവം ഇങ്ങനെ പറയേ​ണ്ടി​വ​രും: ‘എന്റെ ചട്ടങ്ങളെ വിവരി​ക്കാ​നും നിന്റെ വായിൽ എന്റെ ഉടമ്പടി വഹിക്കാ​നും നിനക്ക്‌ എന്തവകാ​ശ​മാ​ണു​ള്ളത്‌? എന്തിന്‌, നീ—നീ ശിക്ഷണത്തെ വെറു​ത്തി​രി​ക്കു​ന്നു, നീ എന്റെ വാക്കു​കളെ നിന്റെ പിമ്പിൽ തള്ളിക്ക​ള​ഞ്ഞു​കൊ​ണ്ടി​രി​ക്കു​ന്നു. നീ ഒരു കള്ളനെ കണ്ടപ്പോ​ഴൊ​ക്കെ, നിനക്ക്‌ അവനോട്‌ ഇഷ്ടം​പോ​ലു​മാ​യി​രു​ന്നു; നിന്റെ പങ്കാളി​ത്തം വ്യഭി​ചാ​രി​ക​ളോ​ടാ​യി​രു​ന്നു.’”

8. ദുഷ്‌പ്ര​വൃ​ത്തിക്ക്‌ അടി​പ്പെ​ടു​ന്ന​തി​നാൽ നമുക്കു വരുത്തി​ക്കൂ​ട്ടാൻ കഴിയുന്ന നിന്ദക്ക്‌ ഏതു സംഭവം അടിവ​ര​യി​ടു​ന്നു?

⁸ നാം ദൈവ​രാ​ജ്യ​സു​വാർത്ത പ്രസം​ഗി​ച്ചു​കൊണ്ട്‌ യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി​രു​ന്നേ​ക്കാം. എന്നാൽ ആത്മനി​യ​ന്ത്രണം പാലി​ക്കാൻ നാം വളരെ ശ്രദ്ധ ചെലു​ത്തു​ന്നി​ല്ലെ​ങ്കിൽ ജഡിക ദൗർബ്ബ​ല്യ​ങ്ങൾ നിമിത്തം നാം ലംഘനം ചെയ്യു​ക​യും യഹോ​വ​യു​ടെ നാമത്തിൻമേൽ നിന്ദവ​രു​ത്തു​ക​യും ചെയ്‌തേ​ക്കാം. അങ്ങനെ, ഏതാനും വർഷങ്ങൾക്കു മുമ്പ്‌, ഒരു അവിശ്വാ​സി​യായ ഭർത്താ​വു​ണ്ടാ​യി​രുന്ന ഒരു ആത്മീയ സഹോ​ദ​രി​യു​മാ​യി ഒരു മൂപ്പൻ വ്യഭി​ചാ​രം ചെയ്‌തു. മുൻമൂ​പ്പന്റെ പുറത്താ​ക്കൽ പ്രഖ്യാ​പി​ക്ക​പ്പെട്ട സായാ​ഹ്ന​ത്തിൽ കോപാ​കു​ല​നായ ഭർത്താവ്‌ ഒരു തോക്കു​മാ​യി രാജ്യ​ഹാ​ളി​ലേക്ക്‌ നടന്നു ചെല്ലു​ക​യും കുററ​ക്കാ​രായ രണ്ടു​പേ​രു​ടെ​യും നേരെ നിറ​യൊ​ഴി​ക്കു​ക​യും ചെയ്‌തു. അവരിൽ ആരും കൊല്ല​പ്പെ​ട്ടില്ല. എന്നാൽ അടുത്ത ദിവസം ഇത്‌ ഐക്യ​നാ​ടു​ക​ളി​ലെ ഏററവും വലിയ വർത്തമാ​ന​പ്പ​ത്ര​ത്തി​ന്റെ മുൻപേ​ജി​ലെ വാർത്ത​യാ​യി​രു​ന്നു! സത്യമാ​യി ദുഷ്‌പ്ര​വൃ​ത്തി നിന്ദവ​രു​ത്തി​ക്കൂ​ട്ടു​ന്നു.—സദൃശ​വാ​ക്യ​ങ്ങൾ 6:32.

9. സദൃശ​വാ​ക്യ​ങ്ങൾ 4:23 അനുസ​രിച്ച്‌ നാം എന്തിനെ കാത്തു​സൂ​ക്ഷി​ക്കണം, എന്തു​കൊണ്ട്‌?

⁹ തന്നിമി​ത്തം ഉചിത​മാ​യി നാം ഇങ്ങനെ ബുദ്ധി​യു​പ​ദേ​ശി​ക്ക​പ്പെ​ട്ടി​രി​ക്കു​ന്നു: “സൂക്ഷി​ക്കേണ്ട മറെറ​ല്ലാ​റ​റി​നെ​ക്കാ​ളു​മ​ധി​ക​മാ​യി നിന്റെ ഹൃദയത്തെ കാത്തു​സൂ​ക്ഷി​ക്കുക, എന്തെന്നാൽ ജീവന്റെ ഉറവുകൾ അതിൽനി​ന്നാ​കു​ന്നു.” (സദൃശ​വാ​ക്യ​ങ്ങൾ 4:23) അതെ, നാം നമ്മുടെ ആലങ്കാ​രി​ക​ഹൃ​ദ​യങ്ങൾ വ്യാപ​രി​ക്കാൻ അനുവ​ദി​ക്കു​ന്നതു സംബന്ധിച്ച്‌ നമുക്കു​തന്നെ ശിക്ഷണം കൊടു​ക്കേ​ണ്ട​താണ്‌. റെറലി​വി​ഷ​നും മാസി​ക​ക​ളും മററു മാദ്ധ്യ​മ​രൂ​പ​ങ്ങ​ളും അശ്ലീല​മുൾപ്പെടെ അശുദ്ധ​കാ​ര്യ​ങ്ങ​ളെ​യാണ്‌ അധിക​മ​ധി​കം വിശേ​ഷി​പ്പി​ക്കു​ന്നത്‌. അതു​കൊണ്ട്‌ നാം വായി​ക്കു​ന്ന​തും ശ്രദ്ധി​ക്കു​ന്ന​തും കാണു​ന്ന​തും സംബന്ധിച്ച്‌ വളരെ സൂക്ഷ്‌മ​ത​യു​ള്ള​വ​രാ​യി​രി​ക്കണം. വ്യക്തി​പ​ര​മായ ചിന്താ​നി​യ​ന്ത്രണം വളരെ പ്രധാ​ന​മാണ്‌! ഉദാഹ​ര​ണ​ത്തിന്‌, നമ്മുടെ മനസ്സിൽ ലൈം​ഗി​ക​മായ വിചിത്ര സങ്കൽപ്പ​ങ്ങൾക്കു രൂപം കൊടു​ക്കു​ന്ന​തിൽനിന്ന്‌ ഉല്ലാസം തേടുക എളുപ്പ​മാ​യി​രി​ക്കാം. അവ യഥാർത്ഥ​ജീ​വി​ത​ത്തിൽ പ്രവർത്ത​ന​പ​ഥ​ത്തി​ലാ​ക്കാൻ ശ്രമി​ക്കു​ന്ന​തി​നെ​ക്കു​റിച്ച്‌ നാം ചിന്തി​ക്കു​ക​യി​ല്ലാത്ത കാര്യ​ങ്ങ​ളാ​യി​രി​ക്കാം. (മത്തായി 5:28) എന്നാൽ മിക്ക​പ്പോ​ഴും അത്തരം ചിന്ത ദുഷ്‌പ്ര​വൃ​ത്തി​ക​ളിൽ കലാശി​ക്കു​ന്നു. അങ്ങനെ​യുള്ള കാര്യ​ങ്ങ​ളിൽ മാനസി​ക​മാ​യി വ്യാപ​രി​ക്കു​ന്ന​തി​നു പകരം നമുക്ക്‌ പരിശു​ദ്ധാ​ത്മാ​വി​ന്റെ ഫലമായ ആത്മനി​യ​ന്ത്രണം പ്രകട​മാ​ക്കു​ക​യും ഫിലി​പ്യർ 4:8-ൽ പട്ടിക​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളിൽ വ്യാപ​രി​ക്കു​ക​യും ചെയ്യാം.—ഗലാത്യർ 5:22, 23.

“ദയയെ സ്‌നേ​ഹി​ക്കുക”

10, 11. (എ) വിശ്വ​സ്‌ത​ത​യും ഭക്തിയും തമ്മിൽ എന്തു വ്യത്യാ​സം കൽപ്പി​ക്കാൻ കഴിയും? (ബി) ദൈവ​പു​ത്രൻ വിശ്വ​സ്‌ത​ത​യും ഭക്തിയും പ്രകട​മാ​ക്കി​യ​തെ​ങ്ങനെ?

¹⁰ നാം “ദയയെ സ്‌നേ​ഹി​ക്കണ”മെന്നു​ള്ള​താണ്‌ മീഖാ 6:8-ൽ പറഞ്ഞി​രി​ക്കുന്ന രണ്ടാമത്തെ വ്യവസ്ഥ. ദ ന്യൂ ഇംഗ്ലീഷ്‌ ബൈബി​ളിൽ ഇവിടെ വായി​ക്ക​പ്പെ​ടു​ന്നത്‌ “ഭക്തിയെ സ്‌നേ​ഹി​ക്കുക” എന്നാണ്‌. പുതിയ ലോക ഭാഷാ​ന്തരം സംശോ​ധക ബൈബി​ളി​ന്റെ ഒരു അടിക്കു​റിപ്പ്‌ ദയ എന്നു വിവർത്തനം ചെയ്‌തി​രി​ക്കുന്ന കെസദ്‌ എന്ന എബ്രായ പദത്തെ “സ്‌നേ​ഹദയ” എന്നോ “ഭക്തിപു​ര​സ്സ​ര​മായ സ്‌നേഹം” എന്നോ കൂടെ വിവർത്തനം ചെയ്യാൻ കഴിയു​മെന്നു പ്രകട​മാ​ക്കു​ന്നു. ശബ്ദകോശ നിർമ്മാ​താ​ക്കൾ പറയു​ന്ന​ത​നു​സ​രിച്ച്‌ “ഭക്തിപു​ര​സ്സ​ര​മെ​ന്നത്‌ ഉപേക്ഷി​ക്കു​ന്ന​തി​നോ തള്ളിപ്പ​റ​യു​ന്ന​തി​നോ ഉള്ള ഏതു പ്രലോ​ഭ​ന​ത്തോ​ടു​മുള്ള ഉറച്ച ചെറു​ത്തു​നിൽപ്പി​നെ സൂചി​പ്പി​ക്കു​ന്നു.” “വമ്പിച്ച പ്രാതി​കൂ​ല്യ​ങ്ങൾക്കെ​തി​രെ​പോ​ലും ഒരു വ്യക്തി​യോ​ടോ കാര്യ​ത്തോ​ടോ പററി​നി​ന്നു പോരാ​ടാൻ ആഗ്രഹി​ക്കുക എന്ന ആശയം വിശ്വ​സ്‌തം എന്നതി​നോ​ടു കൂട്ടു​ന്ന​താണ്‌ ഭക്തിപു​ര​സ്സരം.” രസാവ​ഹ​മാ​യി, ആ വാക്കു​ക​ളു​ടെ ഉപയോ​ഗ​ത്തിൽ അല്‌പ​മായ വ്യത്യാ​സ​വും നാം തിരു​വെ​ഴു​ത്തു​ക​ളിൽ കാണുന്നു. ദൃഷ്ടാ​ന്ത​ത്തിന്‌, “ഭക്തി” എന്ന പദം നിർജ്ജീ​വ​വ​സ്‌തു​ക്കൾക്ക്‌ ഒരിക്ക​ലും ഉപയോ​ഗി​ക്ക​പ്പെ​ട്ടി​ട്ടില്ല. എന്നാൽ “വിശ്വ​സ്‌തം” എന്ന പദം അങ്ങനെ ആവർത്തിച്ച്‌ ഉപയോ​ഗി​ക്കു​ന്നുണ്ട്‌. അങ്ങനെ, ചന്ദ്രൻ “ആകാശ​ങ്ങ​ളി​ലെ ഒരു വിശ്വസ്‌ത സാക്ഷി” എന്നു വിളി​ക്ക​പ്പെ​ട്ടി​രി​ക്കു​ന്നു. (സങ്കീർത്തനം 89:37) കൂടാതെ, ദൈവ​വ​ച​നങ്ങൾ വിശ്വ​സ്‌ത​മാ​ണെന്ന്‌, അതായത്‌, ആശ്രയ​യോ​ഗ്യ​മാ​ണെന്ന്‌, പറയ​പ്പെ​ട്ടി​രി​ക്കു​ന്നു.a (വെളി​പ്പാട്‌ 21:5; 22:6) എന്നിരു​ന്നാ​ലും ഭക്തി യഹോ​വ​യാം ദൈവ​ത്തി​നും അവന്റെ അംഗീ​കൃത ദാസൻമാർക്കും മാത്ര​മു​ള്ള​താ​യി പറയ​പ്പെ​ടു​ന്നു. അതിൻപ്ര​കാ​രം, യഹോ​വയെ സംബന്ധിച്ച്‌ “ഭക്തിയുള്ള ഒരുവ​നോട്‌ നീ ഭക്തി​യോ​ടെ പെരു​മാ​റും” എന്നു നാം വായി​ക്കു​ന്നു.—2 ശമുവേൽ 22:26.

¹¹ ദൈവ​പു​ത്രൻ സ്വർഗ്ഗ​ത്തിൽ യഹോ​വ​യോട്‌ വിശ്വ​സ്‌ത​നും ഭക്തിയു​ള്ള​വ​നും ആയിരു​ന്നു. ഭൂമി​യിൽ മനുഷ്യ​നായ യേശു​ക്രി​സ്‌തു എന്ന നിലയിൽ അവൻ പരി​ശോ​ധ​ന​കൾക്കു വിധേ​യ​നാ​യി. അവൻ ഒരു മനുഷ്യ​നെന്ന നിലയിൽ വിശ്വ​സ്‌ത​നും ഭക്തിയു​ള്ള​വ​നു​മാ​ണെന്ന്‌ തന്റെ അനുസ​ര​ണ​ത്താൽ തെളി​യി​ച്ചു. ഇത്‌ എബ്രായർ 5:7-9-നാൽ സൂചി​പ്പി​ക്ക​പ്പെ​ടു​ന്നു. അവിടെ നാം ഇങ്ങനെ വായി​ക്കു​ന്നു: “ക്രിസ്‌തു തന്റെ ജഡിക നാളു​ക​ളിൽ തന്നെ മരണത്തിൽനി​ന്നു രക്ഷിക്കാൻ കഴിവു​ണ്ടാ​യി​രു​ന്ന​വ​നോട്‌ ശക്തമായ മുറവി​ളി​ക​ളോ​ടും കണ്ണുനീ​രോ​ടും കൂടെ അഭ്യർത്ഥ​ന​ക​ളും അപേക്ഷ​ക​ളും നടത്തു​ക​യും അവന്റെ ദൈവിക ഭക്തിനി​മി​ത്തം അനുകൂ​ല​മാ​യി ഉത്തരം കിട്ടു​ക​യും ചെയ്‌തു. അവൻ ഒരു പുത്ര​നാ​യി​രു​ന്നി​ട്ടും അവൻ അനുഭ​വിച്ച കാര്യ​ങ്ങ​ളിൽനിന്ന്‌ അവൻ അനുസ​രണം പഠിച്ചു; അവൻ പൂർണ്ണ​നാ​ക്ക​പ്പെ​ട്ട​ശേഷം തന്നെ അനുസ​രി​ക്കുന്ന ഏവർക്കും അവൻ നിത്യ​ര​ക്ഷക്ക്‌ ഉത്തരവാ​ദി​യാ​യി​ത്തീർന്നു.”

ഭക്തിയു​ടെ പരി​ശോ​ധ​ന​കൾ

12. ചില സമയങ്ങ​ളിൽ നമ്മുടെ ഭക്തിയെ എന്തു പരീക്ഷി​ച്ചേ​ക്കാം, ചിലർ അങ്ങനെ​യുള്ള പരീക്ഷ​ക​ളോട്‌ എങ്ങനെ പ്രതി​ക​രി​ച്ചി​രി​ക്കു​ന്നു?

¹² യഹോ​വ​യാം ദൈവ​ത്തോ​ടുള്ള ഭക്തി നമ്മുടെ സഹക്രി​സ്‌ത്യാ​നി​ക​ളായ ഭൂമി​യി​ലെ അവന്റെ ദാസൻമാ​രോ​ടും നാം ഭക്തിയു​ള്ള​വ​രാ​യി​രി​ക്ക​ണ​മെ​ന്നാ​വ​ശ്യ​പ്പെ​ടു​ന്നു. “താൻ കണ്ടിട്ടുള്ള സഹോ​ദ​രനെ സ്‌നേ​ഹി​ക്കാ​ത്ത​വന്‌ താൻ കണ്ടിട്ടി​ല്ലാത്ത ദൈവത്തെ സ്‌നേ​ഹി​ക്കാൻ കഴിയു​ന്നതല്ല” എന്ന്‌ നമ്മെ ഓർമ്മി​പ്പി​ക്കു​മ്പോൾ അപ്പോ​സ്‌ത​ല​നായ യോഹ​ന്നാൻ ഇതു വ്യക്തമാ​ക്കു​ന്നു. (1 യോഹ​ന്നാൻ 4:20) മററു​ള്ള​വ​രു​ടെ അപൂർണ്ണ​തകൾ ഈ കാര്യ​ത്തിൽ നമ്മുടെ ഭക്തിയെ പരീക്ഷി​ച്ചേ​ക്കാം. ഉദാഹ​ര​ണ​ത്തിന്‌, തങ്ങൾക്ക്‌ ഇടർച്ച​യു​ണ്ടാ​യ​പ്പോൾ ചിലർ ക്രിസ്‌തീയ യോഗ​ങ്ങ​ളിൽനിന്ന്‌ അകന്നു​നി​ന്നു​കൊണ്ട്‌ യഹോ​വ​യു​ടെ സ്ഥാപന​ത്തോ​ടുള്ള തങ്ങളുടെ ഭക്തി സംബന്ധിച്ച്‌ ഒരു ദൗർബ്ബ​ല്യം പ്രകട​മാ​ക്കി​യി​രി​ക്കു​ന്നു. നമ്മുടെ സഹോ​ദ​രൻമാ​രോ​ടുള്ള നമ്മുടെ കൂറിന്റെ അഥവാ ഭക്തിയു​ടെ മറെറാ​രു പരീക്ഷ സംജാ​ത​മാ​കു​ന്നത്‌ നേതൃ​ത്വ​മെ​ടു​ക്കു​ന്ന​തിന്‌ യഹോവ ഉപയോ​ഗി​ച്ചു​കൊ​ണ്ടി​രി​ക്കു​ന്ന​വർക്ക്‌ ന്യായ​വി​ധി​യിൽ തെററു പററു​മ്പോ​ഴാണ്‌. ചിലർ ചില​പ്പോ​ഴൊ​ക്കെ നീരസ​പ്പെ​ടാ​നും യഹോ​വ​യു​ടെ ദൃശ്യ​സ്ഥാ​പ​ന​ത്തിൽനിന്ന്‌ നിസ്സഹ​വ​സി​ക്കാ​നും ഒരു ഒഴിക​ഴി​വാ​യി അങ്ങനെ​യുള്ള തെററു​കളെ ഉപയോ​ഗി​ച്ചി​ട്ടുണ്ട്‌. എന്നാൽ അവരുടെ പ്രവർത്ത​ന​ഗതി ന്യായീ​ക​രി​ക്ക​പ്പെ​ടു​ന്നു​ണ്ടോ? യാതൊ​രു പ്രകാ​ര​ത്തി​ലും ഇല്ല!

13. യഹോ​വ​യു​ടെ സ്ഥാപന​ത്തിൽനിന്ന്‌ വേർപെ​ടു​ന്ന​തിന്‌ ന്യായീ​ക​ര​ണ​മി​ല്ലാ​ത്ത​തെ​ന്തു​കൊണ്ട്‌, അങ്ങനെ​യുള്ള അഭക്തർക്ക്‌ എന്തു ഗത്യന്ത​ര​മാ​ണു​ള്ളത്‌?

¹³ ദൈവ​സ്ഥാ​പ​നത്തെ ഉപേക്ഷി​ക്കു​ന്ന​തിൽ അങ്ങനെ​യു​ള്ളവർ ന്യായീ​ക​രി​ക്ക​പ്പെ​ടാ​ത്ത​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അവന്റെ വചനം നമുക്ക്‌ ഇങ്ങനെ ഉറപ്പു നൽകുന്നു: “സമൃദ്ധ​മായ സമാധാ​നം [യഹോ​വ​യു​ടെ] നിയമത്തെ പ്രിയ​പ്പെ​ടു​ന്ന​വർക്ക്‌ ഉള്ളതാണ്‌, അവർക്ക്‌ ഇടർച്ചക്ക്‌ കാരണ​മില്ല.” (സങ്കീർത്തനം 119:165) മാത്ര​വു​മല്ല, “സ്‌നേഹം ബഹുപാ​പ​ങ്ങളെ മറയ്‌ക്കു​ന്ന​തു​കൊണ്ട്‌ അന്യോ​ന്യം ഉററ സ്‌നേ​ഹ​മു​ണ്ടാ​യി​രി​ക്കാൻ” നമ്മോടു കൽപ്പി​ക്ക​പ്പെ​ട്ടി​രി​ക്കു​ന്നു. (1 പത്രോസ്‌ 4:8; സദൃശ​വാ​ക്യ​ങ്ങൾ 10:12) കൂടാതെ, ഒരു വ്യക്തി യഹോ​വ​യു​ടെ ജനത്തിൽനിന്ന്‌ വേർപെ​ടു​ന്നു​വെ​ന്നി​രി​ക്കട്ടെ. അയാൾക്ക്‌ എവിടെ പോകാൻ കഴിയും? യേശു​വി​ന്റെ അപ്പോ​സ്‌ത​ലൻമാ​രും തന്നെ വിട്ടു​പോ​കാ​നാ​ഗ്ര​ഹി​ക്കു​ന്നു​വോ​യെന്ന്‌ അവൻ അവരോട്‌ ചോദി​ച്ച​പ്പോൾ അവരെ അഭിമു​ഖീ​ക​രിച്ച അതേ പ്രശ്‌നം അയാ​ളെ​യും അഭിമു​ഖീ​ക​രി​ക്കു​ക​യി​ല്ലേ? “കർത്താവേ, ഞങ്ങൾ ആരുടെ അടുക്കൽപോ​കും? നിനക്ക്‌ നിത്യ​ജീ​വന്റെ മൊഴി​കൾ ഉണ്ട്‌” എന്ന്‌ അപ്പോ​സ്‌ത​ല​നായ പത്രോസ്‌ ശരിയാ​യി മറുപടി പറഞ്ഞു. (യോഹ​ന്നാൻ 6:68) വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​നി​ലേ​ക്കോ സാത്താന്റെ രാഷ്‌ട്രീയ കാട്ടു​മൃ​ഗ​ത്തി​ന്റെ പിടി​യി​ലേ​ക്കോ അല്ലാതെ മറെറാ​രി​ട​ത്തും പോകാ​നില്ല. (വെളി​പ്പാട്‌ 13:1;18:1-5) യഹോ​വ​യു​ടെ ദൃശ്യ​സ്ഥാ​പ​നത്തെ വിട്ട ഭക്തി​കെ​ട്ടവർ, ഏറെയും ദൈവത്തെ അപമാ​നി​ക്കുന്ന “മഹാബാ​ബി​ലോ​നു”മായി പൊതു​ല​ക്ഷ്യം വെച്ചു പ്രവർത്തി​ക്കു​ക​യാണ്‌.

“നിന്റെ ദൈവ​ത്തോ​ടു​കൂ​ടെ നടക്കു​ന്ന​തിൽ എളിയ​വ​നാ​യി​രി​ക്കുക”

14, 15. (എ) മോഡ​സ്‌ററ്‌ എന്ന ഇംഗ്ലീഷ്‌ പദത്തിന്‌ (എളിയ) എന്തർത്ഥ​ങ്ങ​ളുണ്ട്‌? (ബി) “എളിയ” (മോഡ​സ്‌ററ്‌) എന്നതിന്റെ ഏതർത്ഥ​ത്തി​ലാണ്‌ നമുക്ക്‌ ഇവിടെ താൽപ്പ​ര്യ​മു​ള്ളത്‌, ഏതു കാരണ​ങ്ങ​ളാൽ? (സി) ക്രിസ്‌ത്യാ​നി​കൾ ‘തങ്ങളുടെ പ്രാപ്‌തി​കളെ അഥവാ മൂല്യത്തെ മിതമാ​യി വിലയി​രു​ത്തേണ്ട’തെന്തു​കൊണ്ട്‌?

¹⁴ “എളിയ” എന്നതിന്റെ ഇംഗ്ലീഷ്‌ വാക്കായ മോഡ​സ്‌ററ്‌ എന്നതിന്‌ പല അർത്ഥങ്ങ​ളുണ്ട്‌. അതിന്‌ “പരിമി​ത​മായ വലിപ്പ​മോ തുകയോ വ്യാപ്‌തി​യോ” ഉള്ളതിനെ, നാട്യ​മി​ല്ലാ​ത്ത​തി​നെ, പരാമർശി​ക്കാൻ കഴിയും. അല്ലെങ്കിൽ അതിന്‌ “വേഷത്തി​ന്റെ​യോ പെരു​മാ​റ​റ​ത്തി​ന്റെ​യോ ഔചി​ത്യ​ങ്ങൾ പാലി​ക്കുന്ന” വിനയ​മെന്ന അർത്ഥമു​ണ്ടാ​യി​രി​ക്കാൻ കഴിയും. (1 തിമൊ​ഥെ​യോസ്‌ 2:9) ഇനി നമുക്ക്‌ വിശേ​ഷാൽ താത്‌പ​ര്യ​മുള്ള “എളിയ” എന്നതിന്റെ അർത്ഥമുണ്ട്‌, അതായത്‌ ഒരുവന്റെ പരിമി​തി​ക​ളെ​ക്കു​റിച്ച്‌ ബോധ​വാ​നാ​യി​രി​ക്കുന്ന അല്ലെങ്കിൽ “ഒരുവന്റെ പ്രാപ്‌തി​ക​ളെ​യോ മൂല്യ​ത്തെ​യോ കുറിച്ച്‌ മിതമായ വിലയി​രു​ത്തൽ നടത്തുന്ന” എന്ന അർത്ഥം. മുഖ്യ​മാ​യി യഹോ​വ​യാം ദൈവ​ത്തി​ലേക്ക്‌ ശ്രദ്ധതി​രി​ക്കു​ന്ന​തി​നു പകരം നമ്മി​ലേ​ക്കു​തന്നെ ശ്രദ്ധ ആകർഷി​ച്ചു​കൊണ്ട്‌ നമ്മേക്കു​റി​ച്ചു​തന്നെ വളരെ ഉയർന്ന അഭി​പ്രാ​യം പുലർത്തു​ന്നു​വെ​ങ്കിൽ, നമുക്ക്‌ ഒരിക്ക​ലും യഹോ​വ​യു​ടെ സഹപ്ര​വർത്ത​ക​രി​ലൊ​രാ​ളാ​യി​രി​ക്കാൻ കഴിക​യില്ല.

¹⁵ മീഖാ 6:8-ൽ “എളിയ” എന്നു വിവർത്തനം ചെയ്‌തി​രി​ക്കുന്ന എബ്രാ​യ​പ​ദ​ത്തിന്‌ നാം കൊടു​ക്കേണ്ട പ്രത്യ​ക്ഷ​മായ അർത്ഥം നമ്മുടെ ‘പ്രാപ്‌തി​ക​ളെ​യോ മൂല്യ​ത്തെ​യോ കുറിച്ചു മിതമായ വിലയി​രു​ത്തൽ നടത്തുന്ന’ എന്നാണ്‌. എബ്രായ തിരു​വെ​ഴു​ത്തു​ക​ളിൽ ഈ പദം വരുന്ന വേറെ ഏക സ്ഥലത്ത്‌ അത്‌ ഉപയോ​ഗി​ച്ചി​രി​ക്കുന്ന വിധത്തിൽ നിന്ന്‌ ഇതു തെളി​യു​ന്നു. സദൃശ​വാ​ക്യ​ങ്ങൾ 11:2-ൽ ലൈം​ഗിക അശുദ്ധി​യു​ടെ എതിരാ​യി​ട്ടല്ല, പിന്നെ​യോ തന്നേക്കു​റി​ച്ചു​തന്നെ വളരെ ഉയർന്ന ഭാവത്തിൽ കലാശി​ക്കുന്ന ധിക്കാ​ര​ത്തി​ന്റെ എതിരാ​യി​ട്ടാണ്‌ അത്‌ ഉപയോ​ഗി​ച്ചി​രി​ക്കു​ന്നത്‌. അവിടെ നാം ഇങ്ങനെ വായി​ക്കു​ന്നു. “ധിക്കാരം വന്നിരി​ക്കു​ന്നു​വോ? അപ്പോൾ അപമാനം വരും; എന്നാൽ ജ്ഞാനമു​ള്ളത്‌ എളിയ​വർക്കാണ്‌.” എളിമ യഹോ​വാ​ഭ​യ​ത്തോട്‌ ഒത്തു​പോ​കു​ന്നു, അത്‌ ജ്ഞാന​ത്തോ​ടും ബന്ധപ്പെ​ട്ടി​രി​ക്കു​ന്നു. (സങ്കീർത്തനം 111:10) ഒരു എളിയ ആളിന്‌ യഹോ​വാ​ഭ​യ​മുണ്ട്‌, എന്തു​കൊ​ണ്ടെ​ന്നാൽ തനിക്കും ദൈവ​ത്തി​നും തമ്മിൽ, യഹോ​വ​യു​ടെ നീതി​ക്കും ശക്തിക്കും തന്റെ സ്വന്തം അപൂർണ്ണ​ത​ക്കും ദൗർബ്ബ​ല്യ​ത്തി​നും തമ്മിൽ, എത്ര വലിയ വ്യത്യാ​സ​മു​ണ്ടെന്ന്‌ അയാൾ തിരി​ച്ച​റി​യു​ന്നു. തന്നിമി​ത്തം, എളിയ ആൾ ഭയത്തോ​ടും വിറയ​ലോ​ടും കൂടെ തന്റെ രക്ഷക്കായി പ്രവർത്തി​ക്കു​ന്നു.—ഫിലി​പ്യർ 2:12.

16. ക്രിസ്‌ത്യാ​നി​കൾ എളിയ​വ​രാ​യി​രി​ക്ക​ണ​മെന്നു പ്രകട​മാ​ക്കുന്ന ചില തിരു​വെ​ഴു​ത്തു​ക​ളേവ?

¹⁶ യഹോ​വ​യു​ടെ സഹപ്ര​വർത്തകർ എളിയ​വ​രാ​യി​രി​ക്കു​ന്ന​തിന്‌ ഒട്ടേറേ കാരണ​ങ്ങ​ളുണ്ട്‌. നമുക്കുള്ള ജ്ഞാനമോ, നമുക്കു ലഭിച്ചി​ട്ടുള്ള ശാരീ​രി​ക​ബ​ല​മോ , നമുക്കു കൈവ​ശ​മു​ണ്ടാ​യി​രി​ക്കാ​വുന്ന ഭൗതി​ക​സ്വ​ത്തോ എന്തായി​രു​ന്നാ​ലും നമുക്ക്‌ വീമ്പി​ള​ക്കു​ന്ന​തിന്‌ കാരണ​ങ്ങ​ളില്ല. (യിരെ​മ്യാവ്‌ 9:23) എന്തു​കൊ​ണ്ടില്ല? 1 കൊരി​ന്ത്യർ 4:7-ൽ പ്രസ്‌താ​വി​ച്ചി​രി​ക്കുന്ന തത്വം നിമിത്തം. “നിങ്ങളെ മറെറാ​രു​വ​നിൽ നിന്ന്‌ വ്യത്യ​സ്‌ത​നാ​ക്കു​ന്നത്‌ ആരാണ്‌? തീർച്ച​യാ​യും, നിങ്ങൾ സ്വീക​രി​ക്കാത്ത എന്താണ്‌ നിങ്ങൾക്കു​ള്ളത്‌? ഇപ്പോൾ, തീർച്ച​യാ​യും നിങ്ങൾ അതു സ്വീക​രി​ച്ചു​വെ​ങ്കിൽ, നിങ്ങൾ അതു സ്വീക​രി​ച്ചി​ല്ലെ​ന്നുള്ള മട്ടിൽ നിങ്ങൾ വീമ്പി​ള​ക്കു​ന്ന​തെന്ത്‌?” നമ്മുടെ ശുശ്രൂ​ഷ​യു​ടെ ഫലം നിമി​ത്ത​വും നമുക്ക്‌ വീമ്പി​ള​ക്കു​ന്ന​തി​നു യാതൊ​രു കാരണ​വു​മില്ല. എന്തു​കൊ​ണ്ടെ​ന്നാൽ നാം 1 കൊരി​ന്ത്യർ 3:6, 7-ൽ എന്താണു വായി​ക്കു​ന്നത്‌? അവിടെ പൗലോസ്‌ ഇങ്ങനെ പറഞ്ഞു: “ഞാൻ നട്ടു, അപ്പല്ലോസ്‌ നനച്ചു, എന്നാൽ ദൈവം വളർത്തി​ക്കൊ​ണ്ടി​രു​ന്നു; തന്നിമി​ത്തം നടുന്നവൻ ഏതുമില്ല, നനയ്‌ക്കു​ന്ന​വ​നും ഏതുമില്ല, എന്നാൽ വളർത്തുന്ന ദൈവ​മ​ത്രെ.” ലൂക്കോസ്‌ 17:10-ലെ യേശു​വി​ന്റെ വാക്കു​ക​ളും നമ്മെ എളിയ​വ​രാ​യി​രി​ക്കാൻ സഹായി​ക്കേ​ണ്ട​താണ്‌. എന്തു​കൊ​ണ്ടെ​ന്നാൽ അവൻ ഇങ്ങനെ പറഞ്ഞു: “നിങ്ങൾ നിങ്ങൾക്ക്‌ നിയോ​ഗി​ക്ക​പ്പെട്ട സകല കാര്യ​ങ്ങ​ളും ചെയ്‌ത​ശേഷം ‘ഞങ്ങൾ ഒന്നിനും കൊള്ളാത്ത അടിമകൾ, ഞങ്ങൾ ചെയ്‌തി​ട്ടു​ള്ളത്‌ ഞങ്ങൾ ചെയ്യേ​ണ്ട​തു​ത​ന്നെ​യാണ്‌’ എന്ന്‌ പറയു​വിൻ.”

17. എളിയ​വ​രാ​യി​രി​ക്കു​ന്നത്‌ യഥാർത്ഥ​മാ​യി ജ്ഞാനമാർഗ്ഗ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁷ യഥാർത്ഥ​ത്തിൽ എളിയ​വ​രാ​യി​രി​ക്കു​ന്ന​താണ്‌ ജ്ഞാനമാർഗ്ഗം. എളിമ എവിടെ സേവി​ക്കാൻ നമുക്കു പദവി ലഭിച്ചാ​ലും സംതൃ​പ്‌ത​രാ​യി​രി​ക്കാൻ നമ്മെ പ്രാപ്‌ത​രാ​ക്കു​ന്നു. നാം എളിയ​വ​രാ​ണെ​ങ്കിൽ നാം അതി​മോ​ഹ​ത്തോ​ടെ തിളങ്ങാൻ ശ്രമി​ക്കു​ക​യില്ല, പിന്നെ​യോ “ഒരു ചെറി​യവൻ” ആയി നടക്കു​ന്ന​തിൽ നാം തൃപ്‌ത​രാ​യി​രി​ക്കും. (ലൂക്കോസ്‌ 9:48) കൂടാതെ, നമുക്ക്‌ സങ്കീർത്ത​ന​ക്കാ​രന്റെ മനോ​ഭാ​വ​വും ഉണ്ടായി​രി​ക്കും, അവൻ ഇങ്ങനെ പ്രഖ്യാ​പി​ക്കു​ന്നു: “നിന്റെ പ്രാകാ​ര​ങ്ങ​ളി​ലെ ഒരു ദിവസം മറെറ​വി​ടെ​യെ​ങ്കി​ലു​മുള്ള ഒരു ആയിര​ത്തെ​ക്കാൾ മെച്ചമാണ്‌. ദുഷ്ടത​യു​ടെ കൂടാ​ര​ങ്ങ​ളിൽ ചുററി​ന​ട​ക്കാ​തെ എന്റെ ദൈവ​ത്തി​ന്റെ ആലയത്തിൻ കവാട​ത്തി​ങ്കൽ നിൽക്കു​ന്ന​തി​നെ ഞാൻ തെര​ഞ്ഞെ​ടു​ത്തി​രി​ക്കു​ന്നു.” (സങ്കീർത്തനം 84:10) തന്നെയു​മല്ല, നാം എളിയ​വ​രാ​ണെ​ങ്കിൽ, നാം മററു​ള്ള​വരെ ബഹുമാ​നി​ക്കു​ന്ന​തിൽ മുന്നി​ട്ടു​നിൽക്കു​ന്ന​തിന്‌ നമ്മെ പ്രേരി​പ്പി​ക്കുന്ന സ്‌നേഹം നമുക്കു​ണ്ടാ​യി​രി​ക്കും.—റോമർ 12:10.

യുവാ​ക്കൾക്ക്‌ യോഗ്യ​മായ എളിമ

18. (എ) യുവാ​ക്കൾക്ക്‌ എളിമ വിശേ​ഷാൽ യോഗ്യ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ആധുനി​ക​യു​വാ​ക്കൾ ഉൾപ്പെ​ടുന്ന ഏതു രേഖ എളിമ​യു​ടെ ആവശ്യത്തെ തെളി​യി​ക്കു​ന്നു?

¹⁸ ക്രിസ്‌തീയ യുവാക്കൾ എളിമ​യാ​കുന്ന വസ്‌ത്രം​കൊണ്ട്‌ അണി​ഞ്ഞൊ​രു​ങ്ങു​ന്നത്‌ വിശേ​ഷാൽ ഉചിത​മാണ്‌. എലീഹൂ അവർക്കു​വേണ്ടി എത്ര വിശി​ഷ്ട​മായ ദൃഷ്ടാന്തം വെച്ചു! അവന്‌ ശരിയായ ഉത്തരങ്ങൾ ഉണ്ടായി​രു​ന്നി​ട്ടും പ്രായ​മേ​റി​യവർ സംസാ​രി​ച്ചു​തീ​രു​ന്ന​തു​വരെ സാദരം കാത്തി​രി​ക്കാൻ അവൻ സന്നദ്ധനാ​യി​രു​ന്നു. (ഇയ്യോബ്‌ 32:6, 7) മിക്ക​പ്പോ​ഴും, യുവാക്കൾ ആത്മ​ധൈ​ര്യ​മു​ള്ള​വ​രാ​യി​രി​ക്കാൻ , തങ്ങളുടെ പരിമി​തി​ക​ളെ​ക്കു​റിച്ച്‌ ബോധ​മി​ല്ലാ​ത്ത​വ​രാ​യി​രി​ക്കാൻ പ്രവണത കാട്ടുന്നു. അവർക്ക്‌ ശരീര​ബ​ല​മു​ള്ള​തു​കൊ​ണ്ടും കുറെ അറിവു സമ്പാദി​ച്ചി​ട്ടു​ള്ള​തു​കൊ​ണ്ടും അവർ തങ്ങളെ​ക്കാൾ പ്രായ​മു​ള്ള​വരെ തുച്ഛീ​ക​രി​ക്കാൻ പ്രവണത കാട്ടി​യേ​ക്കാം. എന്നാൽ അറിവ്‌ ജ്ഞാനത്തി​ന്റെ പര്യാ​യമല്ല, ജ്ഞാനം അറിവി​ന്റെ ബാധക​മാ​ക്ക​ലാണ്‌. ഐക്യ​നാ​ടു​ക​ളിൽ ആധുനിക യുവാക്കൾ സൃഷ്ടി​ക്കുന്ന സങ്കടക​ര​മായ രേഖ ദൃഷ്ടാ​ന്ത​മാണ്‌. അവിടെ വലിയ കുററ​കൃ​ത്യ​ങ്ങളെ പ്രതി​യുള്ള അറസ്‌റ​റു​ക​ളു​ടെ 63 ശതമാ​ന​ത്തിൽ ഉൾപ്പെ​ട്ടി​രി​ക്കു​ന്നത്‌ 24 വയസ്സു​വ​രെ​യുള്ള യുവാ​ക്ക​ളാണ്‌. അറസ്‌റ​റു​ക​ളു​ടെ 30 ശതമാനം 18 വയസ്സിൽ താന്നവ​രു​ടേ​താണ്‌. “15-24 വരെ വയസ്സുള്ള അമേരി​ക്ക​ക്കാ​രു​ടെ ഇടയിലെ മരണത്തി​ന്റെ മുഖ്യ​കാ​രണം മദ്യപി​ച്ചു​കൊ​ണ്ടോ മയക്കു​മ​രു​ന്നി​ന്റെ ദൗർബ്ബ​ല്യ​ത്തോ​ടെ​യോ ഉള്ള ഡ്രൈ​വിംഗ്‌ ആണ്‌” എന്നും റിപ്പോർട്ട്‌ ചെയ്യ​പ്പെ​ടു​ന്നു. ആ രാജ്യത്ത്‌ “കൗമാ​ര​പ്രാ​യ​ക്കാ​രു​ടെ അധിക​മ​ധി​കം വിവാ​ഹങ്ങൾ വിവാ​ഹ​മോ​ച​ന​ത്തിൽ കലാശി​ക്കു​ന്നു.” അതേസ​മയം “മണവാ​ള​നും മണവാ​ട്ടി​യും വിവാ​ഹ​വേ​ദി​യി​ലേക്കു പോകു​മ്പോൾ അവർക്കു പിമ്പിൽ ജ്ഞാനത്തി​ന്റെ കുറേ​ക്കൂ​ടെ വർഷങ്ങൾ ഉണ്ടെങ്കിൽ ദാമ്പത്യ​ബ​ന്ധങ്ങൾ നീണ്ടു​നിൽക്കാൻ കൂടുതൽ സാദ്ധ്യ​ത​യു​ണ്ടെ”ന്ന്‌ റിപ്പോർട്ടു ചെയ്യ​പ്പെ​ടു​ന്നു.

19. യുവാക്കൾ ഏതു തിരു​വെ​ഴു​ത്തു ബുദ്ധി​യു​പ​ദേ​ശത്തെ കാര്യ​മാ​യി എടുക്കു​ന്നത്‌ നന്നാണ്‌?

¹⁹ അപ്പോൾ, ദൈവ​വ​ച​ന​ത്തി​ലെ ബുദ്ധി​യു​പ​ദേശം എത്ര ജ്ഞാനപൂർവ്വകം! ഉചിത​മാ​യി അത്‌ തങ്ങളുടെ മാതാ​പി​താ​ക്കളെ ബഹുമാ​നി​ക്കാ​നും സകലത്തി​ലും അവരെ അനുസ​രി​ക്കാ​നും യുവാ​ക്കളെ ഉദ്‌ബോ​ധി​പ്പി​ക്കു​ന്നു. (എഫേസ്യർ 6:1-3; കൊ​ലോ​സ്യർ 3:20) വിശേ​ഷിച്ച്‌ യുവാക്കൾ ഈ ജ്ഞാനപൂർവ്വ​ക​മായ ഉപദേശം കാര്യ​മാ​യി എടു​ക്കേ​ണ്ട​താണ്‌. “നിന്റെ മുഴു​ഹൃ​ദ​യ​ത്തോ​ടെ യഹോ​വ​യിൽ ആശ്രയി​ക്കുക, നിന്റെ സ്വന്ത വിവേ​ക​ത്തിൽ ഊന്നരുത്‌. നിന്റെ എല്ലാ വഴിക​ളി​ലും അവനെ പരിഗ​ണി​ക്കുക, അവൻതന്നെ നിന്റെ പാതകളെ നേരെ​യാ​ക്കും.”—സദൃശ​വാ​ക്യ​ങ്ങൾ 3:5, 6.

20. സമർപ്പി​ത​രും സ്‌നാ​ന​മേ​റ​റ​വ​രു​മായ എല്ലാവർക്കും, മീഖാ 6:8 അനുസ​രി​ക്കു​ന്നു​വെ​ങ്കിൽ, എന്തു പ്രതി​ഫ​ലങ്ങൾ പ്രതീ​ക്ഷി​ക്കാം?

²⁰ സമർപ്പ​ണ​വും ജലസ്‌നാ​ന​വും മുഖേന യഹോ​വ​യി​ലുള്ള ആശ്രയം പ്രകട​മാ​ക്കി​യ​ശേഷം നാം ‘നീതി നടത്തു​ക​യും ഭക്തിപു​ര​സ്സ​ര​മായ സ്‌നേഹം പ്രകട​മാ​ക്കു​ക​യും നമ്മുടെ ദൈവ​ത്തോ​ടു​കൂ​ടെ നടക്കു​ന്ന​തിൽ എളിമ​യു​ള്ള​വ​രാ​യി​രി​ക്കു​ക​യും ചെയ്യുന്നു’വെങ്കിൽ നമു​ക്കെ​ല്ലാം എന്തു പ്രതി​ഫലം പ്രതീ​ക്ഷി​ക്കാം? എല്ലാറ​റി​ലും വച്ച്‌ അതി​പ്ര​ധാ​ന​മാ​യി, യഹോ​വ​യു​ടെ വ്യവസ്ഥകൾ പാലി​ക്കു​ന്ന​തി​നാൽ നമുക്ക്‌ അവന്റെ അംഗീ​കാ​രം ലഭിക്കും, അങ്ങനെ അവന്റെ വലുതും ഭയജന​ക​വു​മായ നാമത്തി​ന്റെ വിശു​ദ്ധീ​ക​ര​ണ​ത്തിൽ പങ്കുപ​റ​റു​ന്ന​തി​നാൽ അവന്റെ ഹൃദയത്തെ സന്തോ​ഷി​പ്പി​ക്കു​ക​യും ചെയ്യും. (സദൃശ​വാ​ക്യ​ങ്ങൾ 27:11) മാത്ര​വു​മല്ല, “ദൈവി​ക​ഭക്തി ഇപ്പോ​ഴത്തെ ജീവ​ന്റെ​യും വരാനു​ള്ള​തി​ന്റെ​യും വാഗ്‌ദ​ത്ത​മു​ള്ള​താ​ക​യാൽ അത്‌ സകലത്തി​നും പ്രയോ​ജ​ന​ക​ര​മാ​കു​ന്നു”വെന്ന തത്വത്തി​ന്റെ സത്യം നാം നമ്മുടെ സ്വന്ത ജീവി​ത​ത്തിൽ സാക്ഷാ​ത്‌ക​രി​ക്കും.—1 തിമൊ​ഥെ​യോസ്‌ 4:8. (w88 3/15)

[അടിക്കു​റി​പ്പു​കൾ]

നിങ്ങളുടെ ഉത്തരങ്ങൾ എന്താണ്‌?

◻ മീഖാ 6:8-ന്‌ ചേർച്ച​യാ​യി “നീതി നടത്താൻ” എന്താണാ​വ​ശ്യ​മാ​യി​രി​ക്കു​ന്നത്‌?

◻ യഹോ​വ​യോ​ടുള്ള ഭക്തിക്ക്‌ സഹക്രി​സ്‌ത്യാ​നി​ക​ളോ​ടുള്ള നമ്മുടെ ബന്ധവു​മാ​യി എന്തു ബന്ധമാ​ണു​ള്ളത്‌?

◻ നാം ‘ദൈവ​ത്തോ​ടു​കൂ​ടെ നടക്കുന്ന’തിൽ എളിമ​യു​ള്ള​വ​രാ​യി​രി​ക്കേ​ണ്ട​തെ​ന്തു​കൊണ്ട്‌?

◻ വിശേ​ഷാൽ യുവാ​ക്കൾക്ക്‌ എളിമ യോഗ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

[24-ാം പേജിലെ ചിത്രം]

നിങ്ങൾ വായി​ക്കു​ന്ന​തും ശ്രദ്ധി​ക്കു​ന്ന​തും കാണു​ന്ന​തും സംബന്ധിച്ച്‌ സൂക്ഷ്‌മത പാലി​ക്കു​ന്ന​തി​നാൽ നിങ്ങൾ നിങ്ങളു​ടെ ഹൃദയത്തെ കാത്തു​സൂ​ക്ഷി​ക്കു​ന്നു​വോ?

[25-ാം പേജിലെ ചിത്രം]

യേശുവിന്‌ “നിത്യ​ജീ​വന്റെ മൊഴി​കൾ” ഉണ്ടായി​രു​ന്ന​തു​കൊണ്ട്‌ മറെറ​ങ്ങും പോകാ​നി​ല്ലെന്ന്‌ പത്രോസ്‌ അറിഞ്ഞി​രു​ന്നു. നിങ്ങൾ യഹോ​വ​യു​ടെ സ്ഥാപന​ത്തോ​ടു ഭക്തിയു​ള്ള​വ​രാ​യി നില​കൊ​ള്ളാൻ അത്രയും ദൃഢനി​ശ്ച​യ​മു​ള്ള​വ​രോ?