പ്രായ​മു​ള്ള​വ​രു​ടെ താൽപ്പ​ര്യ​ങ്ങ​ളിൽ ശ്രദ്ധിക്കൽ

“നിങ്ങളു​ടെ സ്വന്തം കാര്യ​ങ്ങ​ളിൽ മാത്രം വ്യക്തി​പ​ര​മായ താൽപ്പ​ര്യ​ത്തോ​ടെയല്ല, പിന്നെ​യോ മററു​ള്ള​വ​രു​ടേ​തി​ലും വ്യക്തി​പ​ര​മായ താൽപ്പ​ര്യ​ത്തോ​ടെ ശ്രദ്ധി​ച്ചു​കൊണ്ട്‌.”—ഫിലി​പ്യർ 2:4.

1, 2. (എ)ഒന്നാം നൂററാ​ണ്ടി​ലെ ഭരണസം​ഘം പ്രായ​മു​ള്ള​വ​രു​ടെ ആവശ്യ​ങ്ങ​ളിൽ താൽപ്പ​ര്യം പ്രകട​മാ​ക്കി​യ​തെ​ങ്ങനെ? (ബി) പ്രസം​ഗ​വേല അവഗണി​ക്ക​പ്പെ​ട്ടി​ല്ലെ​ന്നു​ള്ള​തിന്‌ എന്തു തെളി​വുണ്ട്‌?

ക്രി.വ. 33-ലെ പെന്തെ​ക്കൊ​സ്‌തി​നു​ശേഷം താമസി​യാ​തെ, ക്രിസ്‌തീ​യ​സ​ഭ​യിൽ “എബ്രായ സംസാ​രി​ക്കുന്ന യഹൂദൻമാർക്കെ​തി​രെ ഗ്രീക്ക്‌ സംസാ​രി​ക്കുന്ന യഹൂദൻമാ​രു​ടെ ഭാഗത്ത്‌ ഒരു പിറു​പി​റുപ്പ്‌ ഉയർന്നു​വന്നു, എന്തു​കൊ​ണ്ടെ​ന്നാൽ അവരുടെ വിധവ​മാർ അനുദിന [ദരി​ദ്രർക്കുള്ള ഭക്ത്യ] വിതര​ണ​ത്തിൽ അവഗണി​ക്ക​പ്പെ​ടു​ക​യാ​യി​രു​ന്നു.” ഈ വിധവ​മാ​രിൽ പലരും പ്രായ​മു​ള്ള​വ​രും സ്വയം ഉപജീ​വനം തേടാൻ അപ്രാ​പ്‌ത​രു​മാ​യി​രു​ന്നു​വെ​ന്ന​തി​നു സംശയ​മില്ല. ഏതായാ​ലും, അപ്പോ​സ്‌ത​ലൻമാർതന്നെ ഇടപെ​ട്ടു​കൊണ്ട്‌ പറഞ്ഞു: “ഞങ്ങൾ ഈ അവശ്യ​കാ​ര്യ​ത്തി​നു നിയമി​ക്കേ​ണ്ട​തിന്‌ ആത്മാവും ജ്ഞാനവും നിറഞ്ഞ, സാക്ഷ്യ​മുള്ള ഏഴു പുരു​ഷൻമാ​രെ നിങ്ങൾതന്നെ നിങ്ങളു​ടെ ഇടയിൽനിന്ന്‌ തെരയു​വിൻ.”—പ്രവൃ​ത്തി​കൾ 6:1-3.

² ഇങ്ങനെ ആദിമ ക്രിസ്‌ത്യാ​നി​കൾ ദരി​ദ്ര​രു​ടെ പരിപാ​ല​നത്തെ “അവശ്യ​കാ​ര്യ”മായി​ട്ടാണ്‌ വീക്ഷി​ച്ചത്‌. വർഷങ്ങൾക്കു​ശേഷം ശിഷ്യ​നായ യാക്കോബ്‌ ഇങ്ങനെ എഴുതി: “നമ്മുടെ ദൈവ​വും പിതാ​വു​മാ​യ​വന്റെ നിലപാ​ടിൽ ശുദ്ധവും നിർമ്മ​ല​വു​മായ ആരാധ​നാ​രീ​തി ഇതാണ്‌: അനാഥ​രെ​യും വിധവ​മാ​രെ​യും അവരുടെ ക്ലേശത്തിൽ പരിപാ​ലി​ക്കുക.” (യാക്കോബ്‌ 1:27) അപ്പോൾ സർവ്വ​പ്ര​ധാ​ന​മായ പ്രസം​ഗ​വേല അവഗണി​ക്ക​പ്പെ​ട്ടു​വെന്ന്‌ ഇതർത്ഥ​മാ​ക്കി​യോ? ഇല്ല, എന്തു​കൊ​ണ്ടെ​ന്നാൽ വിധവ​മാർക്കു​വേ​ണ്ടി​യുള്ള ദുരി​താ​ശ്വാ​സ​വേല ഉചിത​മാ​യി സംഘടി​പ്പി​ക്ക​പ്പെ​ട്ട​ശേഷം “ദൈവ​വ​ചനം വളർന്നു​കൊ​ണ്ടേ​യി​രു​ന്നു, യെരു​ശ​ലേ​മിൽ ശിഷ്യൻമാ​രു​ടെ എണ്ണം വളരെ​യ​ധി​കം പെരു​കി​ക്കൊ​ണ്ടി​രു​ന്നു”വെന്ന്‌ പ്രവൃ​ത്തി​ക​ളി​ലെ വിവരണം പറയുന്നു.—പ്രവൃ​ത്തി​കൾ 6:7.

3. ഫിലി​പ്യർ 2:4-ൽ എന്തു പ്രോ​ത്സാ​ഹനം നൽക​പ്പെ​ട്ടി​രി​ക്കു​ന്നു, ഇത്‌ ഇന്ന്‌ വിശേ​ഷാൽ ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌?

³ ഇന്നു നാം “ഇടപെ​ടാൻ പ്രയാ​സ​മായ ദുർഘട സമയങ്ങളെ” അഭിമു​ഖീ​ക​രി​ക്കു​ന്നു. (2 തിമൊ​ഥെ​യോസ്‌ 3:1) കുടും​ബ​ജീ​വി​ത​ത്തി​ന്റെ​യും ലൗകിക ജോലി​യു​ടെ​യും ആവശ്യ​ങ്ങ​ളിൽ ശ്രദ്ധി​ക്കു​മ്പോൾ പ്രായ​മു​ള്ള​വ​രു​ടെ ആവശ്യ​ങ്ങ​ളിൽ താൽപ്പ​ര്യ​മെ​ടു​ക്കാൻ നമുക്ക്‌ അധികം ഊർജ്ജ​മോ ആഗ്രഹ​മോ അവശേ​ഷി​ക്കു​ക​യി​ല്ലാ​യി​രി​ക്കാം. അപ്പോൾ ഉചിത​മാ​യി​ത്തന്നെ “[നമ്മുടെ] സ്വന്തം കാര്യ​ങ്ങ​ളിൽ മാത്രം വ്യക്തി​പ​ര​മായ താൽപ്പ​ര്യ​ത്തോ​ടെയല്ല മററു​ള്ള​വ​രു​ടേ​തി​ലും വ്യക്തി​പ​ര​മായ താല്‌പ​ര്യ​ത്തോ​ടെ ശ്രദ്ധി​ക്കാൻ” ഫിലി​പ്യർ 2:4 നമ്മെ പ്രോ​ത്സാ​ഹി​പ്പി​ക്കു​ന്നു. സന്തുലി​ത​വും പ്രാ​യോ​ഗി​ക​വു​മായ ഒരു വിധത്തിൽ ഇത്‌ എങ്ങനെ ചെയ്യാൻ കഴിയും?

വിധവ​മാർക്കു ബഹുമാ​നം കൊടു​ക്കൽ

4. (എ) ഒന്നാം നൂററാ​ണ്ടി​ലെ സഭ വിധവ​മാ​രെ എന്തു​കൊണ്ട്‌, എങ്ങനെ, “ബഹുമാ​നി​ച്ചു”? (ബി) അങ്ങനെ​യുള്ള ഏർപ്പാ​ടു​കൾ എല്ലായ്‌പ്പോ​ഴും ആവശ്യ​മാ​യി​രു​ന്നോ?

⁴ ആദിമ ക്രിസ്‌ത്യാ​നി​കൾ സഭയിലെ പ്രായ​മുള്ള വിധവ​മാ​രെ എങ്ങനെ പരിപാ​ലി​ച്ചു​വെന്ന്‌ പൗലോസ്‌ 1 തിമൊ​ഥെ​യോസ്‌ 5-ാം അദ്ധ്യാ​യ​ത്തിൽ പ്രകട​മാ​ക്കു​ന്നു. “യഥാർത്ഥ​ത്തിൽ വിധവ​മാ​രാ​യ​വരെ ബഹുമാ​നി​ക്കുക” എന്ന്‌ അവൻ തിമൊ​ഥെ​യോ​സി​നെ ശക്തമായി ഉപദേ​ശി​ച്ചു. (1 തിമൊ 5: വാക്യം 3) പ്രായ​മുള്ള വിധവ​മാർ നിരന്തര സാമ്പത്തിക സഹായ​ത്തി​ന്റെ രൂപത്തിൽ ബഹുമാ​നം സ്വീക​രി​ക്കാൻ വിശേ​ഷാൽ യോഗ്യ​രാ​യി വേർതി​രി​ക്ക​പ്പെട്ടു. അങ്ങനെ​യു​ള്ളവർ സകല ദൃശ്യ ഉപജീ​വ​ന​മാർഗ്ഗ​ത്തിൽനി​ന്നും വിച്‌ഛേ​ദി​ക്ക​പ്പെ​ട്ടി​രു​ന്നു. അവർക്ക്‌ ‘ദൈവ​ത്തിൽ പ്രത്യാ​ശ​വെ​ക്കാ​നും രാവും പകലും അഭ്യർത്ഥ​ന​ക​ളി​ലും പ്രാർത്ഥ​ന​ക​ളി​ലും ഉററി​രി​ക്കാ​നും’ മാത്രമേ കഴിയു​മാ​യി​രു​ന്നു​ള്ളു. (വാക്യം 5) ഉപജീ​വ​ന​ത്തി​നാ​യുള്ള അവരുടെ പ്രാർത്ഥ​ന​കൾക്ക്‌ എങ്ങനെ ഉത്തരം ലഭിച്ചു? സഭ മുഖാ​ന്തരം ഒരു സംഘടി​ത​മായ രീതി​യിൽ അർഹത​യുള്ള വിധവ​മാർക്ക്‌ ഒരു എളിയ ഉപജീ​വനം പ്രദാനം ചെയ്യ​പ്പെട്ടു. തീർച്ച​യാ​യും ഒരു വിധവക്ക്‌ സാമ്പത്തിക വകകൾ ഉണ്ടായി​രു​ന്നെ​ങ്കിൽ, അല്ലെങ്കിൽ അവരെ പോറ​റാൻ പ്രാപ്‌തി​യുള്ള ബന്ധുക്കൾ ഉണ്ടായി​രു​ന്നെ​ങ്കിൽ അങ്ങനെ​യുള്ള സഭാപ​ര​മായ കരുത​ലു​കൾ ആവശ്യ​മി​ല്ലാ​യി​രു​ന്നു.—വാക്യങ്ങൾ 4,16.

5. (എ) ചില വിധവ​മാർ ‘ഇന്ദ്രിയ സംതൃ​പ്‌തി​യു​ടെ പിന്നാലെ പോയി​രി​ക്കാ’വുന്ന​തെ​ങ്ങനെ? (ബി) അങ്ങനെ​യു​ള്ള​വരെ സഹായി​ക്കാൻ സഭക്കു കടപ്പാ​ടു​ണ്ടാ​യി​രു​ന്നോ?

⁵ “എന്നാൽ ഇന്ദ്രിയ സംതൃ​പ്‌തി തേടുന്ന [വിധവ] ജീവി​ച്ചി​രി​ക്കു​ന്നു​വെ​ങ്കി​ലും [ആത്മീയ​മാ​യി] മരിച്ച​വ​ളാണ്‌” എന്ന്‌ പൗലോസ്‌ മുന്നറി​യി​പ്പു കൊടു​ത്തു. (വാക്യം 6) രാജ്യ​വ​രി​മദ്ധ്യ ഭാഷാ​ന്തരം അക്ഷരീ​യ​മാ​യി വിവർത്തനം ചെയ്യു​ന്ന​തു​പോ​ലെ ചിലർ എങ്ങനെ “വിഷയാ​സ​ക്ത​രാ​യി വർത്തിച്ചു”വെന്ന്‌ പൗലോസ്‌ വിശദീ​ക​രി​ക്കു​ന്നില്ല. ചിലർ തങ്ങളുടെ ലൈം​ഗിക ആവേശ​ങ്ങ​ളോട്‌ ഒരു പോരാ​ട്ടം നടത്തു​ക​യാ​യി​രു​ന്നി​രി​ക്കാം. (വാക്യം 11) എന്നിരു​ന്നാ​ലും ലിഡ്ഡലി​ന്റെ​യും സ്‌കോ​ട്ടി​ന്റെ​യും ഗ്രീക്ക്‌ ഇംഗ്ലീഷ്‌ ലക്‌സി​ക്കൻ അനുസ​രിച്ച്‌ “വിഷയാ​സ​ക്ത​രാ​യി വർത്തി”ക്കുന്നതിൽ ‘ആയാസ​ര​ഹി​ത​മാ​യോ അമിത​സു​ഖാ​സ​ക്തി​യി​ലോ’ ജീവി​ക്കു​ന്ന​തും ഉൾപ്പെ​ട്ടി​രു​ന്നി​രി​ക്കാം. ഒരുപക്ഷേ, അന്നു സഭ തങ്ങൾക്കു ആർഭാ​ട​പൂർവ്വ​ക​വും അമിത​സ്വ​യാ​സ​ക്ത​വു​മായ ഒരു ജീവി​ത​ത്തി​നു സാമ്പത്തിക സഹായം നൽകി​ക്കൊണ്ട്‌ തങ്ങളെ സമ്പന്നരാ​ക്ക​ണ​മെന്ന്‌ ചിലർ ആഗ്രഹി​ച്ചു. വാസ്‌ത​വ​മെ​ന്താ​യി​രു​ന്നാ​ലും, സഭയിൽനി​ന്നുള്ള പിന്തുണ ലഭിക്കു​ന്ന​തിന്‌ അങ്ങനെ​യു​ള്ളവർ അയോ​ഗ്യ​രാ​യി​രു​ന്നു​വെന്ന്‌ പൗലോസ്‌ സൂചി​പ്പി​ക്കു​ന്നു.

6, 7. അടിക്കു​റിപ്പ്‌ (എ) “പട്ടിക” എന്തി​ന്റേ​താ​യി​രു​ന്നു? (ബി) 60 വയസ്സിൽ താണവർ സഹായം ലഭിക്കാൻ അയോ​ഗ്യ​രാ​യി​രു​ന്ന​തെ​ന്തു​കൊണ്ട്‌? (സി) പൗലോസ്‌ ഒരു പ്രതി​കൂല “ന്യായ​വി​ധി” ലഭിക്കാ​തി​രി​ക്കാൻ യുവ വിധവ​കളെ സഹായി​ച്ച​തെ​ങ്ങനെ?

⁶ അനന്തരം പൗലോസ്‌ ഇങ്ങനെ പറഞ്ഞു: “അറുപതു വയസ്സിൽ കുറയാത്ത ഒരു വിധവയെ [സാമ്പത്തിക സഹായം ലഭി​ക്കേ​ണ്ട​വ​രു​ടെ] പട്ടിക​യിൽ ഉൾപ്പെ​ടു​ത്തുക.” പൗലോ​സി​ന്റെ നാളിൽ 60 വയസ്സു കഴിഞ്ഞ ഒരു സ്‌ത്രീ സ്വയം പോറ​റാൻ അപ്രാ​പ്‌ത​യും പുനർവി​വാ​ഹം ചെയ്യാ​നി​ട​യി​ല്ലാ​ത്ത​വ​ളു​മാ​യി വീക്ഷി​ക്ക​പ്പെ​ട്ടി​രു​ന്നു.a “മറിച്ച്‌, ഇളയവി​ധ​വ​മാ​രെ [പട്ടിക​യിൽ ചേർക്കു​ന്ന​തിൽനിന്ന്‌] ഒഴിവാ​ക്കുക, എന്തു​കൊ​ണ്ടെ​ന്നാൽ അവരുടെ ലൈം​ഗിക ആവേശങ്ങൾ അവർക്കും ക്രിസ്‌തു​വി​നും ഇടയ്‌ക്കു​വ​രു​മ്പോൾ, അവർ ആദ്യവി​ശ്വാ​സ പ്രകട​നത്തെ തള്ളിയി​രി​ക്കു​ന്ന​തു​കൊണ്ട്‌ ന്യായ​വി​ധി​യി​ലാ​യി വിവാഹം ചെയ്യാ​നാ​ഗ്ര​ഹി​ക്കു​ന്നു.”—വാക്യങ്ങൾ 9, 11, 12.

⁷ “പട്ടിക”യിൽ ഇളയ വിധവ​മാ​രെ​യും ഉൾപ്പെ​ടു​ത്തി​യി​രു​ന്നെ​ങ്കിൽ ചിലർ ഏകാകി​ക​ളാ​യി നില​കൊ​ള്ളാ​നുള്ള തങ്ങളുടെ ഉദ്ദേശ്യം തിടു​ക്ക​ത്തിൽ പ്രഖ്യാ​പി​ച്ചേനെ. കാലം കടന്നു​പോ​യ​തോ​ടെ അവർക്കു തങ്ങളുടെ ലൈം​ഗിക ആവേശങ്ങൾ നിയ​ന്ത്രി​ക്കു​ന്ന​തിൽ പ്രയാ​സ​മ​നു​ഭ​വ​പ്പെട്ട്‌ പുനർവി​വാ​ഹം ചെയ്യാ​നാ​ഗ്ര​ഹി​ച്ചി​രു​ന്നി​രി​ക്കാം, ഏകാകി​ക​ളാ​യി നില​കൊ​ള്ളാ​നുള്ള ‘തങ്ങളുടെ ആദ്യവി​ശ്വാ​സ​പ്ര​കടന’ത്തെ തള്ളി അവർ വിവാഹം ചെയ്യാ​നാ​ഗ്ര​ഹി​ച്ചു. (സഭാ​പ്ര​സം​ഗി 5:2-6 താരത​മ്യ​പ്പെ​ടു​ത്തുക.) “ഇളയ വിധവ​മാർ വിവാഹം കഴിച്ച്‌ മക്കളെ പ്രസവി​ക്കാൻ ഞാൻ ആഗ്രഹി​ക്കു​ന്നു”വെന്ന്‌ കൂടു​ത​ലാ​യി പ്രഖ്യാ​പി​ച്ചു​കൊണ്ട്‌ പൗലോസ്‌ അങ്ങനെ​യുള്ള പ്രശ്‌നങ്ങൾ ഒഴിവാ​ക്കി.—വാക്യം 14.

8. (എ)പൗലോ​സി​ന്റെ മാർഗ്ഗ​രേ​ഖകൾ സഭയെ സംരക്ഷി​ച്ച​തെ​ങ്ങനെ? (ബി) ഞെരു​ക്ക​മു​ണ്ടാ​യി​രുന്ന യുവ വിധവ​മാ​രെ​യോ പ്രായ​മുള്ള പുരു​ഷൻമാ​രേ​യോ കൂടെ പരിപാ​ലി​ച്ചി​രു​ന്നോ?

⁸ അപ്പോ​സ്‌തലൻ ക്രിസ്‌തീയ സൽപ്ര​വൃ​ത്തി​ക​ളു​ടെ നീണ്ട രേഖക​ളു​ള്ള​വർക്കാ​യും പട്ടിക പരിമി​ത​പ്പെ​ടു​ത്തി. (വാക്യം 10) സഭ അങ്ങനെ മടിയർക്കോ അത്യാ​ഗ്ര​ഹി​കൾക്കോ ഉള്ള ഒരു “ക്തേമരാ​ഷ്‌ട്രം” ആയിരു​ന്നില്ല. (2 തെസ്സ​ലോ​നീ​ക്യർ 3:10, 11) എന്നാൽ പ്രായ​മുള്ള പുരു​ഷൻമാ​രെ അല്ലെങ്കിൽ ഇളയ വിധവ​മാ​രെ സംബന്ധി​ച്ചെന്ത്‌? അങ്ങനെ​യു​ള്ളവർ ഞെരു​ക്ക​ത്തി​ലാ​യാൽ, സഭ വ്യക്തി​പ​ര​മായ അടിസ്ഥാ​ന​ത്തിൽ അവരെ പരിപാ​ലി​ക്കു​മാ​യി​രു​ന്നു​വെ​ന്ന​തി​നു സംശയ​മില്ല.—1 യോഹ​ന്നാൻ 3:17, 18 താരത​മ്യ​പ്പെ​ടു​ത്തുക.

9. (എ) ഇന്നത്തെ പ്രായ​മു​ള്ള​വ​രു​ടെ സംരക്ഷ​ണ​ത്തി​നു​വേ​ണ്ടി​യുള്ള ക്രമീ​ക​ര​ണങ്ങൾ ഒന്നാം നൂററാ​ണ്ടി​ലേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) വിധവ​മാ​രെ സംബന്ധിച്ച 1 തിമൊ​ഥെ​യോസ്‌ 5-ാം അദ്ധ്യാ​യ​ത്തി​ലെ പൗലോ​സി​ന്റെ ചർച്ച ഇന്ന്‌ എന്തു വിലമ​തി​ക്കാൻ നമ്മെ സഹായി​ക്കു​ന്നു?

⁹ അങ്ങനെ​യുള്ള ക്രമീ​ക​ര​ണങ്ങൾ ഒന്നാം നൂററാ​ണ്ടി​ലെ സഭകളു​ടെ ആവശ്യ​ങ്ങൾക്കു തികച്ചും പര്യാ​പ്‌ത​മാ​യി​രു​ന്നി​രി​ക്കാ​നി​ട​യുണ്ട്‌. എന്നാൽ ദ എക്‌സ്‌പോ​സി​റേ​റ​ഴ്‌സ്‌ ബൈബിൾ കമൻററ പ്രസ്‌താ​വി​ക്കുന്ന പ്രകാരം “ഇന്ന്‌ ഇൻഷു​റൻസ്‌ ആദായ​വും സാമൂഹ്യ സുരക്ഷി​ത​ത്വ​വും ഉദ്യോ​ഗാ​വ​സ​ര​ങ്ങ​ളു​മു​ള്ള​തി​നാൽ സാഹച​ര്യം വളരെ വത്യസ്‌ത​മാണ്‌.” മാററം ഭവിച്ച സാമൂ​ഹ്യ​വും സാമ്പത്തി​ക​വു​മായ ചിത്ര​ത്തി​ന്റെ ഫലമായി സഭകൾ പ്രായ​മുള്ള ഗുണ​ഭോ​ക്താ​ക്ക​ളു​ടെ പട്ടികകൾ സൂക്ഷി​ക്കേ​ണ്ട​യാ​വ​ശ്യം അപൂർവ്വ​മാ​യേ ഉണ്ടാകു​ന്നു​ള്ളു. എന്നിരു​ന്നാ​ലും, തിമൊ​ഥെ​യോ​സി​നോ​ടുള്ള പൗലോ​സി​ന്റെ വാക്കുകൾ ഈ കാര്യങ്ങൾ വിലമ​തി​ക്കാൻ നമ്മെ സഹായി​ക്കു​ന്നു. (1) പ്രായ​മു​ള്ള​വ​രു​ടെ പ്രശ്‌നങ്ങൾ മുഴു​സ​ഭ​യ്‌ക്കും താൽപ്പ​ര്യ​മു​ള്ള​വ​യാണ്‌, വിശേ​ഷി​ച്ചു മൂപ്പൻമാർക്ക്‌. (2) പ്രായ​മു​ള്ള​വ​രു​ടെ പരിപാ​ലനം ഉചിത​മാ​യി ക്രമീ​ക​രി​ക്കേ​ണ്ട​താണ്‌. (3) അങ്ങനെ​യുള്ള പരിപാ​ലനം യഥാർത്ഥ​ത്തിൽ ആവശ്യ​മു​ള്ള​വർക്കാ​യി പരിമി​ത​പ്പെ​ടു​ത്തി​യി​രി​ക്കു​ന്നു.

മൂപ്പൻമാ​രെ​ന്ന​നി​ല​യിൽ അവരുടെ താൽപ്പ​ര്യ​ങ്ങ​ളിൽ ശ്രദ്ധിക്കൽ

10. മൂപ്പൻമാർക്ക്‌ പ്രായ​മു​ള്ള​വ​രിൽ താൽപ്പ​ര്യം പ്രകട​മാ​ക്കു​ന്ന​തിൽ ഇന്ന്‌ നേതൃ​ത്വ​മെ​ടു​ക്കാൻ എങ്ങനെ കഴിയും?

¹⁰ ഇക്കാലത്തു മേൽവി​ചാ​ര​കൻമാർ പ്രായ​മേ​റി​യ​വ​രിൽ താൽപ്പ​ര്യം പ്രകട​മാ​ക്കു​ന്ന​തിൽ നേതൃ​ത്വ​മെ​ടു​ക്കു​ന്ന​തെ​ങ്ങനെ? കാലാ​കാ​ല​ങ്ങ​ളിൽ മൂപ്പൻമാർക്ക്‌ തങ്ങളുടെ യോഗ​ങ്ങ​ളു​ടെ അജൻഡാ​യിൽ പ്രായ​മു​ള്ള​വ​രു​ടെ ആവശ്യങ്ങൾ വിശേ​ഷാൽ ഉൾപ്പെ​ടു​ത്താ​വു​ന്ന​താണ്‌. പ്രത്യേക സഹായം ആവശ്യ​മാ​യി​രി​ക്കു​മ്പോൾ, അതു കൊടു​ക്കാൻ അവർക്ക്‌ ക്രമീ​ക​രി​ക്കാ​വു​ന്ന​താണ്‌. അവർ വ്യക്തി​പ​ര​മാ​യി പരിപാ​ലി​ക്കേ​ണ്ട​തി​ല്ലാ​യി​രി​ക്കാം—സഭയിൽ സഹായി​ക്കാൻ കഴിവുള്ള യുവാക്കൾ ഉൾപ്പെടെ മിക്ക​പ്പോ​ഴും മനസ്സൊ​രു​ക്ക​മുള്ള അനേകർ ഉണ്ട്‌. എന്നിരു​ന്നാ​ലും, ഒരു വ്യക്തിക്ക്‌ കൊടു​ക്ക​പ്പെ​ടുന്ന പരിപാ​ല​നത്തെ ഏകോ​പി​പ്പി​ക്കു​ന്ന​തിന്‌ ഒരുപക്ഷേ ഒരു സഹോ​ദ​രനെ നിയോ​ഗി​ച്ചു​കൊണ്ട്‌ അവർക്ക്‌ അങ്ങനെ​യുള്ള പരിപാ​ല​ന​ത്തി​ന്റെ മേൽനോ​ട്ടം വഹിക്കാ​വു​ന്ന​താണ്‌.

11. മൂപ്പൻമാർക്ക്‌ പ്രായ​മു​ള്ള​വ​രു​ടെ ആവശ്യങ്ങൾ പരിചി​ത​മാ​ക്കാൻ എങ്ങനെ കഴിയും?

¹¹ ശലോ​മോൻ ഇങ്ങനെ ബുദ്ധി​യു​പ​ദേ​ശി​ച്ചു: “നീ നിന്റെ ആട്ടിൻകൂ​ട്ട​ത്തി​ന്റെ അവസ്ഥ സുനി​ശ്ചി​ത​മാ​യി അറി​യേ​ണ്ട​താണ്‌.” (സദൃശ​വാ​ക്യ​ങ്ങൾ 27:23) “അവരുടെ ആവശ്യ​ങ്ങൾക്ക​നു​സൃ​ത​മാ​യി . . . പങ്കു​വെ​ക്കാൻ” ഏററവും നന്നായി എന്തു ചെയ്യാ​മെന്ന്‌ നിശ്ചയി​ക്കാൻ മേൽവി​ചാ​ര​കൻമാർക്ക്‌ പ്രായ​മു​ള്ള​വരെ വ്യക്തി​പ​ര​മാ​യി സന്ദർശി​ക്കാൻ കഴിയും.” (റോമർ 12:13) ഒരു സഞ്ചാര​മേൽവി​ചാ​രകൻ ഈ വിധത്തിൽ പ്രസ്‌താ​വി​ച്ചു: “ചില പ്രായ​മു​ള്ളവർ വളരെ സ്വത​ന്ത്ര​മ​ന​സ്‌ക്ക​രാണ്‌, അവരോട്‌ എന്തു ചെയ്യണ​മെന്ന്‌ ചോദി​ക്കു​ന്ന​തു​കൊ​ണ്ടു പ്രയോ​ജ​ന​മില്ല. എന്തു ചെയ്യേ​ണ്ട​തു​ണ്ടെന്ന്‌ മനസ്സി​ലാ​ക്കി അതു ചെയ്യു​ന്ന​താണ്‌ ഏററവും നല്ലത്‌!” ജപ്പാനിൽ 80 വയസ്സുള്ള ഒരു സഹോ​ദ​രിക്ക്‌ വളരെ ശ്രദ്ധ ആവശ്യ​മാ​ണെന്ന്‌ ചില മേൽവി​ചാ​ര​കൻമാർ കണ്ടെത്തി. അവർ ഇങ്ങനെ റിപ്പോർട്ടു ചെയ്യുന്നു: “ദിവസം രണ്ടു പ്രാവ​ശ്യം, രാവി​ലെ​യും രാത്രി​ക്കും, സന്ദർശ​ന​ത്താ​ലോ ടെലി​ഫോ​ണി​ലൂ​ടെ​യോ അവരു​മാ​യി ആരെങ്കി​ലും സമ്പർക്കം പുലർത്തു​ന്ന​തിൽ ഞങ്ങൾ ശ്രദ്ധി​ക്കു​ന്നു.”—മത്തായി 25:36 താരത​മ്യ​പ്പെ​ടു​ത്തുക.

12. (എ) പ്രായ​മു​ള്ള​വർക്ക്‌ സഭാമീ​റ​റിം​ഗു​ക​ളു​ടെ പ്രയോ​ജനം കിട്ടു​ന്ന​തിൽ ശ്രദ്ധി​ക്കു​ന്ന​തിന്‌ മൂപ്പൻമാർക്ക്‌ എങ്ങനെ കഴിയും? (ബി) സൊ​സൈ​ററി ഉല്‌പാ​ദി​പ്പി​ച്ചി​ട്ടുള്ള റേറപ്പു​കളെ എങ്ങനെ നന്നായി ഉപയോ​ഗി​ക്കാം?

¹² പ്രായ​മു​ള്ള​വർക്ക്‌ സഭാമീ​റ​റിം​ഗു​ക​ളു​ടെ പ്രയോ​ജനം കിട്ടു​ന്ന​തി​ലും മേൽവി​ചാ​ര​കൻമാർ തൽപ്പര​രാണ്‌. (എബ്രായർ 10:24, 25) ചിലർക്ക്‌ വാഹന​സൗ​ക​ര്യം ആവശ്യ​മാ​ണോ? ചിലർ കേൾവി​ക്കു​റ​വു​നി​മി​ത്തം കേവലം “കേൾക്കു​ന്ന​തി​നും അർത്ഥം ഗ്രഹി​ക്കു​ന്ന​തി​നും” അപ്രാ​പ്‌ത​രാ​യി​രി​ക്കു​ക​യാ​ണോ? (മത്തായി 15:10) ഒരുപക്ഷേ, അവർക്ക്‌ ശ്രവണ​സ​ഹാ​യി പ്രദാനം ചെയ്യു​ന്നത്‌ പ്രാ​യോ​ഗി​ക​മാ​യി​രി​ക്കാം. അതു​പോ​ലെ​തന്നെ, ഇപ്പോൾ നിരവധി സഭകൾക്ക്‌, വീട്ടി​ലി​രു​ന്നു ശ്രദ്ധി​ക്കാൻ കഴിയു​ന്ന​വി​ധം ദുർബ്ബ​ലർക്കാ​യി ടെലി​ഫോൺ ലൈൻ വഴി യോഗങ്ങൾ എത്തിച്ചു​കൊ​ടു​ക്കു​ന്ന​രീ​തി​യുണ്ട്‌. മററു ചിലർ ഹാജരാ​കാൻ കഴിയാ​ത്ത​വി​ധം രോഗി​ക​ളാ​യ​വർക്കു​വേണ്ടി യോഗങ്ങൾ റേറപ്പിൽ റെക്കോർഡ്‌ ചെയ്യുന്നു—ചില കേസു​ക​ളിൽ അവർക്കു​വേണ്ടി റേറപ്പ്‌ റെക്കോർഡു​കൾ വാങ്ങുന്നു. റേറപ്പു​ക​ളെ​ക്കു​റി​ച്ചു സംസാ​രി​ച്ചു​കൊണ്ട്‌ ജർമ്മനി​യി​ലെ ഒരു മൂപ്പൻ ഇങ്ങനെ പ്രസ്‌താ​വി​ച്ചു: “ടെലി​വി​ഷന്റെ മുമ്പി​ലി​രുന്ന്‌ ആത്മീയ​മാ​യി പുഷ്ടി​പ്പെ​ടു​ത്തു​ന്ന​തെന്ന്‌ അശേഷം പറയാൻ കഴിയാത്ത പരിപാ​ടി​കൾ കാണുക മാത്രം ചെയ്യുന്ന പല പ്രായ​മു​ള്ള​വ​രെ​യും ഞാൻ സന്ദർശി​ച്ചു.” പകരം രാജ്യ​കീർത്ത​ന​ങ്ങ​ളോ ബൈബിൾ വായന​യോ അടങ്ങി​യി​രി​ക്കുന്ന, സൊ​സൈ​റ​റി​യു​ടെ റേറപ്പു​കൾ ശ്രദ്ധി​ക്കാൻ അവരെ എന്തു​കൊ​ണ്ടു പ്രോ​ത്സാ​ഹി​പ്പി​ച്ചു​കൂ​ടാ?

13. രാജ്യ​ഘോ​ഷ​ക​രെ​ന്ന​നി​ല​യിൽ പ്രവർത്ത​ന​നി​ര​ത​രാ​യി​രി​ക്കാൻ പ്രായ​മു​ള്ള​വരെ എങ്ങനെ സഹായി​ക്കാൻ കഴിയും?

¹³ സഭയിലെ പ്രായ​മുള്ള ചില അംഗങ്ങൾ പ്രസം​ഗ​ക​രെ​ന്ന​നി​ല​യിൽ ക്രമമി​ല്ലാ​ത്ത​വ​രോ നിഷ്‌ക്രി​യ​രോ ആയിത്തീർന്നി​ട്ടുണ്ട്‌. പ്രായം “രാജ്യ​ത്തി​ന്റെ സുവാർത്ത” ഘോഷി​ക്കു​ന്ന​തിൽ നിന്ന്‌ ഒരുവനെ അവശ്യം തടയു​ന്നില്ല. (മത്തായി 24:14) ചിലർ നിങ്ങ​ളോ​ടൊത്ത്‌ വയൽസേ​വ​ന​ത്തിൽ ഏർപ്പെ​ടാ​നുള്ള ഒരു ലളിത​മായ ക്ഷണത്തോ​ടു പ്രതി​ക​രി​ച്ചേ​ക്കാം. ഒരുപക്ഷേ, അവരു​മാ​യി വയൽസേ​വ​നാ​നു​ഭ​വങ്ങൾ പങ്കു​വെ​ക്കു​ന്ന​തി​നാൽ നിങ്ങൾക്ക്‌ പ്രസം​ഗ​ത്തോ​ടുള്ള അവരുടെ പ്രിയത്തെ പുനർജ്ജ്വ​ലി​പ്പി​ക്കാൻ കഴിയും. കോവ​ണി​പ്പ​ടി​കൾ കയറി​പ്പോ​കു​ന്നത്‌ അവർക്കു പ്രശ്‌ന​മാ​ണെ​ങ്കിൽ ലിഫ്‌റ​റു​കൾ ഉള്ള ബഹുശാ​ലാ ഭവനങ്ങ​ളോ പടിക​ളി​ല്ലാത്ത നിവാ​സ​കേ​ന്ദ്ര​ങ്ങ​ളോ അവർ പ്രവർത്തി​ക്കു​ന്ന​തിന്‌ ക്രമീ​ക​രണം ചെയ്യുക. ചില പ്രസാ​ധ​കർക്ക്‌ പ്രായ​മു​ള്ള​വരെ ബൈബി​ള​ദ്ധ്യ​യ​ന​ങ്ങൾക്ക്‌ കൂട്ടത്തിൽ കൊണ്ടു​പോ​കാ​വു​ന്ന​താണ്‌—അല്ലെങ്കിൽ പ്രായ​മു​ള്ള​യാ​ളു​ടെ വീട്ടിൽ വച്ച്‌ അദ്ധ്യയനം നടത്താ​വു​ന്ന​താണ്‌.

14. -ഉം ചതുര​വും. (എ) ഒരു പ്രായ​മുള്ള സഹോ​ദ​ര​നോ സഹോ​ദ​രി​യോ സാമ്പത്തിക ഞെരു​ക്ക​ത്തി​ലാ​യി​ത്തീ​രു​ന്നു​വെ​ങ്കിൽ മൂപ്പൻമാർക്ക്‌ എന്തു ചെയ്യാൻ കഴിയും? (ബി) ചില സഭകൾ പ്രായ​മുള്ള പ്രസാ​ധ​ക​രു​ടെ ആവശ്യങ്ങൾ നിർവ്വ​ഹി​ച്ചി​രി​ക്കു​ന്ന​തെ​ങ്ങനെ?

¹⁴ ‘പണം ഒരു സംരക്ഷ​ണ​മാണ്‌.’ (സഭാ​പ്ര​സം​ഗി 7:12) എന്നിരു​ന്നാ​ലും, പ്രായ​മുള്ള അനേകം സഹോ​ദ​രീ​സ​ഹോ​ദ​രൻമാർ കടുത്ത സാമ്പത്തിക പ്രയാ​സ​ത്തി​ലാണ്‌, അവരെ സഹായി​ക്കാൻ മനസ്സുള്ള ബന്ധുക്ക​ളില്ല. സഭയിലെ വ്യക്തികൾ ആവശ്യ​ത്തെ​ക്കു​റിച്ച്‌ അറിവു കൊടു​ക്ക​പ്പെ​ടു​മ്പോൾ സാധാ​ര​ണ​യാ​യി സഹായി​ക്കാൻ സന്തോ​ഷ​മു​ള്ള​വ​രാണ്‌. (യാക്കോബ്‌ 2:15-17) ലഭ്യമായ ഗവൺമെൻറ്‌ സേവന​ങ്ങ​ളോ സാമൂഹ്യ സേവന​ങ്ങ​ളോ ഇൻഷൂ​റൻസ്‌ പോളി​സി​ക​ളോ പെൻഷ​നു​ക​ളോ മറേറാ ഉണ്ടോ​യെന്ന്‌ മൂപ്പൻമാർക്ക്‌ നോക്കാ​വു​ന്ന​താണ്‌. എന്നിരു​ന്നാ​ലും, ചില രാജ്യ​ങ്ങ​ളിൽ അങ്ങനെ​യുള്ള സേവനങ്ങൾ ലഭിക്കുക പ്രയാ​സ​മാണ്‌. 1 തിമൊ​ഥെ​യോസ്‌ 5-ലെ മാതൃക പിന്തു​ട​രു​ക​യും സഭ മൊത്ത​ത്തിൽ ദുരി​താ​ശ്വാ​സം പ്രദാനം ചെയ്യു​ന്ന​തിന്‌ ക്രമീ​ക​രി​ക്കു​ക​യു​മ​ല്ലാ​തെ ഗത്യന്ത​ര​മി​ല്ലാ​യി​രി​ക്കാം. (നമ്മുടെ ശുശ്രൂഷ നിർവ്വ​ഹി​ക്കാൻ സംഘടി​തർ പേജ്‌ 127-129 കാണുക.)

നൈജീറിയായിലെ പ്രസാ​ധകർ 82 വയസ്സുള്ള ഒരു നിരന്തര പയനി​യ​റെ​യും ഭാര്യ​യെ​യും സാമ്പത്തിക ദാനങ്ങൾ കൊടു​ത്തു ക്രമമാ​യി സഹായി​ച്ചു​പോ​ന്നു. അവർ താമസി​ച്ചി​രുന്ന വീടു പൊളി​ച്ചു മാററാൻ ഗവൺമെൻറ്‌ തീരു​മാ​നി​ച്ച​ശേഷം മററു താമസ​സൗ​ക​ര്യ​ങ്ങൾ ക്രമീ​ക​രി​ക്കാൻ കഴിയു​ന്ന​തു​വരെ രാജ്യ​ഹോ​ളി​നോ​ടു ചേർന്ന ഒരു മുറി​യി​ലേക്ക്‌ മാറി​പ്പാർക്കാൻ സഭ അവരെ ക്ഷണിച്ചു.

ബ്രസീലിൽ, പ്രായ​മുള്ള ഒരു ദമ്പതി​കളെ ശുശ്രൂ​ഷി​ക്കു​ന്ന​തിന്‌ സഭ ഒരു നേഴ്‌സി​നെ കൂലിക്കു നിർത്തി. അതേസ​മയം, വീടു വൃത്തി​യാ​ക്കു​ന്ന​തി​നും, ഭക്ഷണം തയ്യാറാ​ക്കു​ന്ന​തി​നും മററു ശാരീ​രി​കാ​വ​ശ്യ​ങ്ങ​ളിൽ ശ്രദ്ധി​ക്കു​ന്ന​തി​നു​മാ​യി ഒരു സഹോ​ദരി നിയോ​ഗി​ക്ക​പ്പെട്ടു. സഭ ഓരോ മാസവും അവർക്കു​വേണ്ടി ഫണ്ട്‌ കരുതു​ന്നു.

15. (എ) സഭക്കു കൊടു​ക്കാൻ കഴിയുന്ന സഹായ​ത്തിന്‌ പരിമി​തി​കൾ ഉണ്ടോ? (ബി) അമിത​മായ ആവശ്യങ്ങൾ ഉന്നയി​ക്കുന്ന ചിലർക്ക്‌ ലൂക്കോസ്‌ 11:34-ലെ ബുദ്ധി​യു​പ​ദേശം ഉചിത​മാ​യി​രു​ന്നേ​ക്കാ​വു​ന്ന​തെ​ങ്ങനെ?

¹⁵ ഒന്നാം നൂററാ​ണ്ടി​ലേ​തു​പോ​ലെ, അങ്ങനെ​യുള്ള കരുത​ലു​കൾ യഥാർത്ഥ​ത്തിൽ അവ ആവശ്യ​മു​ള്ള​വ​രും യോഗ്യ​ത​യു​ള്ള​വ​രു​മാ​യ​വർക്കു​വേ​ണ്ടി​യാണ്‌. അതിർകടന്ന അപേക്ഷകൾ സാധി​ക്കാ​നോ ശ്രദ്ധയ്‌ക്കു​വേ​ണ്ടി​യുള്ള അന്യാ​യ​മായ ആവശ്യങ്ങൾ നിറ​വേ​റ​റാ​നോ മേൽവി​ചാ​ര​കൻമാർക്കു കടപ്പാ​ടില്ല. പ്രായ​മു​ള്ള​വ​രും ഒരു ‘ലഘുവായ കണ്ണ്‌’ ഉള്ളവരാ​യി​രി​ക്കണം.—ലൂക്കോസ്‌ 11:34.

വ്യക്തി​ക​ളെ​ന്ന​നി​ല​യിൽ അവരുടെ താൽപ്പ​ര്യ​ങ്ങ​ളിൽ ശ്രദ്ധി​ക്കു​ക

16, 17. (എ) മൂപ്പൻമാർക്ക്‌ പുറമേ മററു​ള്ള​വ​രും പ്രായ​മു​ള്ള​വ​രിൽ താൽപ്പ​ര്യം പ്രകട​മാ​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) തിരക്കുള്ള പ്രസാ​ധ​കർക്ക്‌ പ്രായ​മു​ള്ള​വർക്കു​വേണ്ടി ‘സമയം വിലയ്‌ക്കു വാങ്ങാൻ’ എങ്ങനെ കഴിയും?

¹⁶ കുറേ കാലം മുമ്പ്‌ ഒരു പ്രായ​മുള്ള സ്‌ത്രീ ആശുപ​ത്രി​യിൽ പ്രവേ​ശി​പ്പി​ക്ക​പ്പെട്ടു. വികല​പോ​ഷ​ണ​മാ​യി​രു​ന്നു രോഗ​കാ​രണം. “സഭയിൽ കൂടുതൽ പേർ അവരിൽ വ്യക്തി​പ​ര​മായ താൽപ്പ​ര്യം പ്രകട​മാ​ക്കി​യി​രു​ന്നെ​ങ്കിൽ ഇത്‌ ഒരുപക്ഷേ സംഭവി​ക്കു​ക​യി​ല്ലാ​യി​രു​ന്നു”വെന്ന്‌ ഒരു മൂപ്പൻ എഴുതി. അതെ, പ്രായ​മു​ള്ള​വ​രിൽ താൽപ്പ​ര്യം പ്രകട​മാ​ക്കേ​ണ്ടത്‌ മൂപ്പൻമാർ മാത്രമല്ല. “നാം അന്യോ​ന്യ​മുള്ള അവയവ​ങ്ങ​ളാ​കു​ന്നു”വെന്ന്‌ പൗലോസ്‌ പറഞ്ഞു.—എഫേസ്യർ 4:25.

¹⁷ നിങ്ങളിൽ ചിലർ ഇപ്പോൾത്തന്നെ വ്യക്തി​പ​ര​മായ ഉത്തരവാ​ദി​ത്ത​ഭാ​ര​മു​ള്ള​വ​രാ​ണെ​ന്നു​ള്ള​തി​നു സംശയ​മില്ല. എന്നാൽ ‘നിങ്ങളു​ടെ സ്വന്തം കാര്യ​ങ്ങ​ളിൽ മാത്രം വ്യക്തി​പ​ര​മായ താൽപ്പ​ര്യ​ത്തോ​ടെ’ ശ്രദ്ധി​ക്കു​കയല്ല വേണ്ടത്‌. (ഫിലി​പ്യർ 2:4) ഉചിത​മായ വ്യക്തി​പ​ര​മായ ക്രമീ​ക​ര​ണ​ത്തോ​ടെ നിങ്ങൾക്കു മിക്ക​പ്പോ​ഴും ‘സമയം വിലക്കു​വാ​ങ്ങാൻ’ കഴിയും. (എഫേസ്യർ 5:16) ദൃഷ്ടാ​ന്ത​മാ​യി, വയൽസേ​വ​ന​ത്തി​നു​ശേഷം നിങ്ങൾക്ക്‌ ഒരു പ്രായ​മു​ള്ള​യാ​ളെ സന്ദർശി​ക്കാൻ കഴിയു​മോ? ചിലർക്ക്‌ വാരദി​വ​സങ്ങൾ വിശേ​ഷാൽ ഏകാന്ത ഘട്ടങ്ങളാണ്‌. യുവ പ്രായ​ക്കാർക്കും പ്രായ​മു​ള്ള​വരെ സന്ദർശി​ക്കു​ന്ന​തി​ലും അവർക്കു​വേണ്ടി വീട്ടു​ജോ​ലി​കൾ ചെയ്‌തു​കൊ​ടു​ക്കു​ന്ന​തി​ലും ഉൾപ്പെ​ടാൻ കഴിയും. ഒരു യുവാ​വി​നാൽ സഹായി​ക്ക​പ്പെട്ട ഒരു സഹോ​ദരി ഇങ്ങനെ പ്രാർത്ഥി​ച്ചു: “യുവാ​വായ ജോൺ സഹോ​ദ​ര​നു​വേണ്ടി നന്ദി. പയ്യൻ എത്ര നല്ല ആളാണ്‌.”

18. (എ) ചില​പ്പോൾ പ്രായ​മുള്ള ഒരാളു​മാ​യുള്ള സംഭാ​ഷണം വിഷമ​മാ​യി​രി​ക്കാ​വു​ന്ന​തെ​ന്തു​കൊണ്ട്‌? (ബി) പ്രായ​മേ​റിയ ഒരാളു​മാ​യുള്ള സന്ദർശ​നത്തെ അഥവാ സംഭാ​ഷ​ണത്തെ ഒരുവന്‌ എങ്ങനെ പരസ്‌പരം പരിപു​ഷ്ടി​പ്പെ​ടു​ത്തു​ന്ന​താ​ക്കാൻ കഴിയും?

¹⁸ യോഗ​ങ്ങ​ളിൽ നിങ്ങൾ പ്രായ​മു​ള്ള​വർക്ക്‌ ഒരു ഉദാസീ​ന​മായ അഭിവാ​ദ​ന​മാ​ണോ കൊടു​ക്കു​ന്നത്‌? കേൾവി​ക്കു​റ​വോ സംസാ​രി​ക്കാൻ പ്രയാ​സ​മോ ഉള്ള ഒരാ​ളോട്‌ സംഭാ​ഷണം എളുപ്പ​മ​ല്ലാ​യി​രി​ക്കാ​മെന്നു സമ്മതി​ക്കു​ന്നു. ആരോ​ഗ്യ​ക്കു​റവു അതിന്റെ പ്രയാസം വരുത്തി​ക്കൂ​ട്ടു​ന്ന​തി​നാൽ എല്ലാ പ്രായ​മു​ള്ള​വർക്കും ഉല്ലാസ​പ്ര​ദ​മായ സ്വഭാ​വ​ങ്ങ​ളില്ല. എന്നിരു​ന്നാ​ലും “ക്ഷമയു​ള്ളവൻ മെച്ചമാണ്‌.” (സഭാ​പ്ര​സം​ഗി 7:8) അല്‌പം ശ്രമത്താൽ, ഒരു യഥാർത്ഥ “പ്രോ​ത്സാ​ഹന കൈമാ​ററം” പിന്തു​ട​രാൻ കഴിയും. (റോമർ 1:12) ഒരു വയൽസേവന അനുഭവം പറയാൻ ശ്രമി​ക്കുക. വീക്ഷാ​ഗോ​പു​ര​ത്തി​ലോ ഉണരുക!യിലോ നിങ്ങൾ വായിച്ച ഒരു പോയിൻറ്‌ പങ്കു​വെ​ക്കുക. അല്ലെങ്കിൽ, കുറേ​ക്കൂ​ടെ മെച്ചമാ​യി ശ്രദ്ധി​ക്കുക. (ഇയ്യോബ്‌ 32:7 താരത​മ്യ​പ്പെ​ടു​ത്തുക.) നിങ്ങൾ അനുവ​ദി​ക്കു​ന്നു​വെ​ങ്കിൽ പങ്കു​വെ​ക്കാൻ പ്രായ​മു​ള്ള​വർക്ക്‌ ധാരാളം കാര്യ​ങ്ങ​ളുണ്ട്‌. ഒരു മൂപ്പൻ ഇങ്ങനെ സമ്മതിച്ചു: “ആ പ്രായ​മുള്ള സഹോ​ദ​രനെ സന്ദർശി​ച്ചത്‌ എനിക്ക്‌ വളരെ ഗുണം ചെയ്‌തു.”

19. (എ) പ്രായ​മു​ള്ള​വ​രി​ലുള്ള നമ്മുടെ താൽപ്പ​ര്യം ആരി​ലേക്കു വ്യാപി​ക്കു​ന്നു? (ബി) പ്രായ​മുള്ള ആളുകളെ പരിപാ​ലി​ക്കുന്ന കുടും​ബ​ങ്ങളെ നമുക്കു സഹായി​ക്കാൻ കഴിയുന്ന ചില മാർഗ്ഗ​ങ്ങ​ളേവ?

¹⁹ പ്രായ​മു​ള്ള​വ​രോ​ടുള്ള നിങ്ങളു​ടെ താൽപ്പ​ര്യം അവരെ പരിപാ​ലി​ക്കുന്ന കുടും​ബ​ങ്ങ​ളി​ലേ​ക്കും വ്യാപി​ക്കേ​ണ്ട​തല്ലേ? വാർദ്ധ​ക്യ​ത്തി​ലേക്കു നീങ്ങി​ക്കൊ​ണ്ടി​രുന്ന മാതാ​പി​താ​ക്കളെ പരിപാ​ലി​ച്ചു​കൊ​ണ്ടി​രുന്ന ഒരു ദമ്പതികൾ ഇങ്ങനെ റിപ്പോർട്ടു ചെയ്‌തു: “ഞങ്ങളെ പ്രോ​ത്സാ​ഹി​പ്പി​ക്കു​ന്ന​തി​നു പകരം സഭയിലെ ചിലർ തികച്ചും വിമർശി​ക്കു​ന്ന​വ​രാ​യി​ത്തീർന്നു. ‘നിങ്ങൾ യോഗങ്ങൾ മുടക്കി​ക്കൊ​ണ്ടി​രു​ന്നാൽ, നിങ്ങൾ ആത്മീയ​രോ​ഗി​ക​ളാ​യി​ത്തീ​രും!’ എന്ന്‌ ഒരു സഹോ​ദരി പറഞ്ഞു. എന്നാൽ കൂടുതൽ യോഗ​ങ്ങൾക്കു ഹാജരാ​കാൻ ഞങ്ങളെ സഹായി​ക്കു​ന്ന​തിന്‌ എന്തെങ്കി​ലും ചെയ്യാൻ അവൾക്കു മനസ്സി​ല്ലാ​യി​രു​ന്നു.” നിങ്ങൾക്ക്‌ എന്നെങ്കി​ലും സഹായം ആവശ്യ​മു​ണ്ടെ​ങ്കിൽ എന്നെ അറിയി​ക്കുക എന്നുള്ള അവ്യക്ത​മായ വാഗ്‌ദാ​ന​വും തുല്യ​മാ​യി നിരു​ത്സാ​ഹ​ക​ര​മാണ്‌. ഇവ മിക്ക​പ്പോ​ഴും “തണുപ്പ​ക​ററി നന്നായി ആഹാരം കഴിക്കുക” എന്നു പറയു​ന്ന​തി​ല​ധി​കം മിക്ക​പ്പോ​ഴും പ്രയോ​ജ​ന​ക​രമല്ല. (യാക്കോബ്‌ 2:16) നിങ്ങളു​ടെ താൽപ്പ​ര്യം പ്രവർത്ത​ന​മാ​യി മാറാൻ അനുവ​ദി​ക്കു​ന്നത്‌ എത്രയോ മെച്ചമാണ്‌! ഒരു ദമ്പതികൾ ഇങ്ങനെ റിപ്പോർട്ടു ചെയ്യുന്നു: “സ്‌നേ​ഹി​തർ ഏററവും നല്ലവരും സഹായ മനസ്ഥി​തി​യു​ള്ള​വ​രു​മാ​യി​രു​ന്നു! ചിലർ അമ്മയെ രണ്ടു ദിവസം പരിപാ​ലി​ക്കു​ക​യും ഞങ്ങൾക്ക്‌ അങ്ങനെ ചില​പ്പോ​ഴൊ​ക്കെ ഒഴിവു നൽകു​ക​യും ചെയ്യും. മററു ചിലർ അമ്മയെ ബൈബി​ള​ദ്ധ്യ​യ​ന​ങ്ങൾക്കു കൊണ്ടു​പോ​കു​ന്നു. മററു​ള്ളവർ അമ്മയുടെ ക്ഷേമ​ത്തെ​ക്കു​റി​ച്ചു അന്വേ​ഷി​ക്കു​മ്പോൾ അത്‌ ഞങ്ങൾക്ക്‌ യഥാർത്ഥ​മാ​യി പ്രോ​ത്സാ​ഹനം നൽകുന്നു.”

20, 21. തങ്ങൾക്കു ശുശ്രൂഷ ചെയ്യു​ന്ന​വരെ സഹായി​ക്കാൻ പ്രായ​മു​ള്ള​വർക്ക്‌ എന്തു​ചെ​യ്യാൻ കഴിയും?

²⁰ നമ്മുടെ പ്രായ​മു​ള്ള​വ​രിൽ അധികം​പേ​രും നന്നായി പരിപാ​ലി​ക്ക​പ്പെ​ടു​ന്നുണ്ട്‌. എന്നിരു​ന്നാ​ലും, അങ്ങനെ​യുള്ള വേല നെടു​വീർപ്പോ​ടെയല്ല, സന്തോ​ഷ​ത്തോ​ടെ നിർവ്വ​ഹി​ക്കാൻ പ്രായ​മുള്ള സാക്ഷി​കൾക്കു​തന്നെ എന്തു ചെയ്യാൻ കഴിയും? (എബ്രായർ 13:17) താരത​മ്യ​പ്പെ​ടു​ത്തുക.) നിങ്ങളു​ടെ പരിപാ​ല​ന​ത്തി​നു​വേണ്ടി മൂപ്പൻമാർ ചെയ്യുന്ന ക്രമീ​ക​ര​ണ​ങ്ങ​ളോ​ടു സഹകരി​ക്കുക. എന്തു ദയാ​പ്ര​വൃ​ത്തി​കൾ ചെയ്യ​പ്പെ​ട്ടാ​ലും നന്ദിയും വിലമ​തി​പ്പും പ്രകട​മാ​ക്കുക. അമിത​മാ​യി ആവശ്യങ്ങൾ ഉന്നയി​ക്കു​ന്ന​വ​രും അമിത​മാ​യി വിമർശി​ക്കു​ന്ന​വ​രു​മാ​യി​രി​ക്ക​രുത്‌. വാർദ്ധ​ക്യ​ത്തി​ന്റെ നൊമ്പ​ര​ങ്ങ​ളും വേദന​ക​ളും തികച്ചും യഥാർത്ഥ​മാ​ണെ​ങ്കി​ലും പ്രസന്ന​വും ക്രിയാ​ത്മ​ക​വു​മായ ഒരു മനോ​ഭാ​വം പ്രകട​മാ​ക്കാൻ ശ്രമി​ക്കുക.—സദൃശ​വാ​ക്യ​ങ്ങൾ 15:13.

²¹ ‘സഹോ​ദ​രൻമാർ അതിശ​യ​ക​ര​മാം വിധം നല്ലവരാണ്‌. അവരെ കൂടാതെ ഞാൻ എന്തു ചെയ്യും എന്ന്‌ എനിക്ക​റി​യാൻ പാടില്ല’ എന്ന്‌ അനേകം പ്രായ​മു​ള്ളവർ പറയു​ന്നതു കേട്ടി​ട്ടുണ്ട്‌. എന്നിരു​ന്നാ​ലും, പ്രായ​മു​ള്ള​വരെ പരിപാ​ലി​ക്കാ​നുള്ള മുഖ്യ ഉത്തരവാ​ദി​ത്തം അവരുടെ മക്കളു​ടെ​മേ​ലാണ്‌ സ്ഥിതി ചെയ്യു​ന്നത്‌. ഇതിൽ എന്തുൾപ്പെ​ടു​ന്നു, ഈ വെല്ലു​വി​ളി​യെ ഏററവും നന്നായി എങ്ങനെ നേരി​ടാൻ കഴിയും? (w87 6/1)

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ഒന്നാം നൂററാ​ണ്ടിൽ പ്രായ​മുള്ള വിധവ​മാർക്കു​വേണ്ടി എന്തു കരുത​ലു​കൾ ചെയ്‌തി​രു​ന്നു?

◻ മേൽവി​ചാ​ര​കൻമാർക്ക്‌ സഭയിലെ പ്രായ​മു​ള്ള​വ​രു​ടെ പരിപാ​ല​നത്തെ എങ്ങനെ ക്രമീ​ക​രി​ക്കാൻ കഴിയും?

◻ സഭയിലെ വ്യക്തി​കൾക്ക്‌ പ്രായ​മുള്ള സഹോ​ദ​രീ​സ​ഹോ​ദ​രൻമാ​രിൽ എങ്ങനെ താൽപ്പ​ര്യം പ്രകട​മാ​ക്കാൻ കഴിയും?

◻ തങ്ങളെ ശുശ്രൂ​ഷി​ക്കു​ന്ന​വരെ സഹായി​ക്കാൻ പ്രായ​മു​ള്ള​വർക്ക്‌ എങ്ങനെ കഴിയും?

[13-ാം പേജിലെ ചതുരം]

പ്രായമുള്ളവരെ സഹായി​ക്കൽ—ചിലർ ചെയ്യു​ന്നത്‌

ബ്രസീ​ലി​ലെ ഒരു സഭ അവരുടെ രാജ്യ​ഹോ​ളി​ന​ടു​ത്തു താമസി​ക്കുന്ന ഒരു സഹോ​ദ​രന്റെ ശാരീ​രി​കാ​വ​ശ്യ​ങ്ങ​ളിൽ ശ്രദ്ധി​ക്കു​ന്ന​തിന്‌ ഒരു സൗകര്യ​പ്ര​ദ​മായ മാർഗ്ഗം കണ്ടെത്തി: ഹാൾ വൃത്തി​യാ​ക്കാൻ നിയോ​ഗി​ക്ക​പ്പെ​ടുന്ന പുസ്‌ത​കാ​ദ്ധ്യ​യ​ന​കൂ​ട്ടം അയാളു​ടെ വീടും വൃത്തി​യാ​ക്കു​ന്നു.

അവിടത്തെ മറെറാ​രു സഭ ദിവ്യാ​ധി​പത്യ സ്‌കൂ​ളിൽ സജീവ​മാ​യി തുടരാൻ ഒരു ദുർബ്ബല സഹോ​ദ​രനെ സഹായി​ക്കാൻ ഒരു ലളിത​മാർഗ്ഗം കണ്ടെത്തി. ഒരു പ്രസംഗം ചെയ്യാ​നുള്ള അയാളു​ടെ തവണ വരു​മ്പോൾ രണ്ടോ മൂന്നോ സഹോ​ദ​രൻമാ​രോ​ടു​കൂ​ടെ ആ സഹോ​ദ​രനെ സന്ദർശി​ക്കാൻ ഒരു സഹോ​ദരൻ നിയോ​ഗി​ക്ക​പ്പെ​ടു​ന്നു. പ്രാർത്ഥ​ന​യോ​ടെ ഒരു ചെറിയ മീററിംഗ്‌ തുടങ്ങു​ന്നു, ആ സഹോ​ദരൻ തന്റെ പ്രസം​ഗ​നി​യോ​ഗം നിറ​വേ​റ​റു​ന്നു. ആവശ്യ​മായ ബുദ്ധി​യു​പ​ദേശം കൊടു​ക്കു​ന്നു. ഈ സന്ദർശനം എത്ര പ്രോ​ത്സാ​ഹ​ന​മാ​യി​രി​ക്കു​ന്നു!

സഞ്ചാര​മേൽവി​ചാ​ര​കൻമാർ നേതൃ​ത്വ​മെ​ടു​ക്കു​ന്ന​തിൽ നല്ല ദൃഷ്ടാന്തം വെച്ചി​രി​ക്കു​ന്നു. ഒരു സഭയിൽ ഒരു ചക്രക്ക​സേ​ര​യിൽ കഴിയുന്ന ഒരു പ്രായ​മുള്ള സഹോ​ദരൻ വളരെ ശുണ്‌ഠി​യാ​യി​ത്തീ​രു​ക​യും തന്നിമി​ത്തം സന്ദർശനം അപൂർവ്വ​മാ​യി​ത്തീ​രു​ക​യും ചെയ്‌തു. എന്നിരു​ന്നാ​ലും, ഒരു സഞ്ചാര​മേൽവി​ചാ​രകൻ ആ സഹോ​ദ​രനെ സ്വകാ​ര്യ​മാ​യി തന്റെ സൈഡ്‌ള്‌ പ്രസംഗം കാണി​ക്കാൻ ഏർപ്പാടു ചെയ്‌തു. പ്രായ​മുള്ള സഹോ​ദരൻ കണ്ട കാഴ്‌ച​യിൽ കണ്ണുനീർ പൊഴി​ക്കാൻ പ്രേരി​ത​നാ​യി മേൽവി​ചാ​രകൻ പറയുന്നു: “അല്‌പം ശ്രദ്ധക്കും സ്‌നേ​ഹ​ത്തി​നും ഇങ്ങനെ​യുള്ള ഫലങ്ങൾ ഉളവാ​ക്കാൻ കഴിഞ്ഞ​തിൽ എനിക്ക്‌ അതിയായ പ്രതി​ഫലം കിട്ടി​യ​തു​പോ​ലെ തോന്നി.”

നൈജീ​രി​യാ​യി​ലെ ചില മൂപ്പൻമാർ ഒരു വൃദ്ധസ​ഹോ​ദ​ര​നു​വേണ്ടി ഇടയസ​ന്ദർശനം നടത്തു​ക​യും അയാൾക്കു ഗുരു​ത​ര​മായ രോഗ​മു​ണ്ടെന്നു കണ്ടെത്തു​ക​യും ചെയ്‌തു. അയാളെ പെട്ടെ​ന്നു​തന്നെ ആശുപ​ത്രി​യിൽ കൊണ്ടു​പോ​യി. ആ വൃദ്ധ സഹോ​ദ​രന്‌ വിപു​ല​മായ ചികിത്സ ആവശ്യ​മാ​ണെന്നു കണ്ടെത്തി. എന്നാൽ ചെലവു വഹിക്കാൻ ആ സഹോ​ദ​രനു കഴിവി​ല്ലാ​യി​രു​ന്നു. അയാളു​ടെ ആവശ്യ​ത്തെ​ക്കു​റി​ച്ചു സഭയെ അറിയി​ച്ച​പ്പോൾ അയാളു​ടെ ചികി​ത്സാ​ചെ​ല​വിന്‌ വേണ്ടത്ര പണവു​മാ​യി പ്രസാ​ധകർ എത്തി. രണ്ടു മൂപ്പൻമാർ മാറി​മാ​റി അയാളെ ആശുപ​ത്രി​യി​ലേ​ക്കും തിരി​ച്ചും കാറിൽ കൊണ്ടു​പോ​കും. ഇതിന്‌ അവർ ജോലി​യിൽനിന്ന്‌ സമയം എടു​ക്കേ​ണ്ടി​വന്നു. ഈ സഹോ​ദരൻ രോഗ​വി​മു​ക്ത​നാ​കു​ന്ന​തും ഏതാണ്ടു നാലു​വർഷം കഴിഞ്ഞു മരിക്കു​ന്ന​തു​വരെ സഹായ പയനി​യ​റിംഗ്‌ നടത്തു​ന്ന​തും കാണു​ന്ന​തി​ലുള്ള സന്തോഷം അവർക്കു ലഭിച്ചു.

ഫിലി​പ്യൻസിൽ ഒരു പ്രായ​മുള്ള സ്‌ത്രീക്ക്‌ കുടും​ബ​മി​ല്ലാ​യി​രു​ന്നു. സഭ അവരുടെ മൂന്നു വർഷത്തെ രോഗ​കാ​ലത്ത്‌ അവരെ പരിപാ​ലി​ക്കു​ന്ന​തി​നുള്ള ക്രമീ​ക​ര​ണങ്ങൾ ചെയ്‌തു. അവർ താമസി​ക്കു​ന്ന​തിന്‌ ഒരു ചെറിയ സ്ഥലം അവർക്ക്‌ ഒരുക്കി​ക്കൊ​ടു​ക്കു​ക​യും ഓരോ ദിവസ​വും ഭക്ഷണം എത്തിച്ചു​കൊ​ടു​ക്കു​ക​യും അവരുടെ ശുചി​ത്വ​പാ​ല​ന​ത്തിൽ ശ്രദ്ധി​ക്കു​ക​യും ചെയ്‌തു.

[12-ാം പേജിലെ ചിത്രം]

സഭയിലെ നമ്മുടെ പ്രായ​മു​ള്ള​വരെ ബഹുമാ​നി​ക്കു​ന്ന​തിൽ എല്ലാവർക്കും പങ്കുണ്ടാ​യി​രി​ക്കാൻ കഴിയും