യേശു​വി​ന്റെ ജീവി​ത​വും ശുശ്രൂ​ഷ​യും

കഫർന്ന​ഹൂ​മിൽ കൂടുതൽ അത്ഭുതങ്ങൾ

യേശു തന്റെ ആദ്യത്തെ നാല്‌ ശിഷ്യൻമാ​രായ പത്രോ​സി​നെ​യും അന്ത്രെ​യോ​സി​നെ​യും യാക്കോ​ബി​നെ​യും യോഹ​ന്നാ​നെ​യും വിളി​ച്ച​ശേഷം അവർ എല്ലാവ​രും ശബത്തു​നാ​ളിൽ കഫർന്ന​ഹൂ​മി​ലെ ഒരു തദ്ദേശ സിന്ന​ഗോ​ഗി​ലേക്ക്‌ പോകു​ന്നു. അവിടെ യേശു ഉപദേ​ശി​ക്കാൻ തുടങ്ങു​ന്നു. ജനം സ്‌തബ്ധ​രാ​കു​ന്നു. എന്തു​കൊ​ണ്ടെ​ന്നാൽ അവൻ ശാസ്‌ത്രി​മാ​രെ​പ്പോ​ലെയല്ല മറിച്ച്‌ അധികാ​ര​മു​ള്ള​വ​നാ​യി​ട്ടാണ്‌ അവരെ ഉപദേ​ശി​ക്കു​ന്നത്‌.

ഈ ശബത്തു ദിവസം ഭൂതം ബാധിച്ച ഒരു മനുഷ്യൻ അവി​ടെ​യുണ്ട്‌. അല്‌പ​സ​മയം കഴിഞ്ഞ്‌, അവൻ വലിയ​സ്വ​ര​ത്തിൽ വിളി​ച്ചു​പ​റ​യു​ന്നു: “നസറാ​യ​നായ യേശുവേ, ഞങ്ങൾക്കും നിനക്കും തമ്മിൽ എന്ത്‌? നീ ഞങ്ങളെ നശിപ്പി​പ്പാൻ വന്നുവോ? നീ ആരെന്ന്‌ ഞാൻ അറിയു​ന്നു. ദൈവ​ത്തി​ന്റെ പരിശു​ദ്ധൻതന്നെ.”

ആ മനുഷ്യ​നെ നിയ​ന്ത്രി​ക്കുന്ന ഭൂതം വാസ്‌ത​വ​ത്തിൽ സാത്താന്റെ ഒരു ദൂതനാണ്‌. ഭൂതത്തെ ശാസി​ച്ചു​കൊണ്ട്‌ യേശു പറയുന്നു: “മിണ്ടരുത്‌, അവനെ വിട്ടു​പോ!”

അതിങ്കൽ ഭൂതം ആ മനുഷ്യ​നെ സിരോ​ക്ഷോ​ഭ​ത്തി​ലാ​ഴ്‌ത്തു​ക​യും ഉറക്കെ നിലവി​ളി​ക്കു​ക​യും ചെയ്യുന്നു. എന്നാൽ ആ മനുഷ്യ​നെ ദ്രോ​ഹി​ക്കാ​തെ അത്‌ വിട്ടു​പോ​കു​ന്നു. എല്ലാവ​രും ഒന്നും മനസ്സി​ലാ​കാ​തെ ആശ്ചര്യ​പ്പെ​ടു​ന്നു! “ഇതെന്ത്‌?” അവർ ചോദി​ക്കു​ന്നു. “അവൻ അധികാ​ര​ത്തോ​ടെ അശുദ്ധാ​ത്മാ​ക്ക​ളോ​ടു​പോ​ലും കല്‌പ്പി​ക്കു​ന്നു, അവർ അവനെ അനുസ​രി​ക്കു​ക​യും ചെയ്യുന്നു.” ഇത്‌ സംബന്ധിച്ച വാർത്ത സമീപ പ്രദേ​ശ​ത്തെ​ല്ലാം പരക്കുന്നു.

സിന്ന​ഗോ​ഗിൽനിന്ന്‌ യേശു​വും അവന്റെ ശിഷ്യൻമാ​രും ശിമോ​ന്റെ അല്ലെങ്കിൽ പത്രോ​സി​ന്റെ വീട്ടി​ലേക്ക്‌ പോകു​ന്നു. അവിടെ പത്രോ​സി​ന്റെ അമ്മാവി​യമ്മ വലിയ പനിപി​ടിച്ച്‌ കിടപ്പി​ലാണ്‌. ‘ദയവായി അവളെ സഹായി​ക്കു!’ എന്ന്‌ അവർ അപേക്ഷി​ക്കു​ന്നു. അതിങ്കൽ യേശു അടുത്തു​ചെന്ന്‌ അവളെ കൈക്കു​പി​ടിച്ച്‌ എഴു​ന്നേൽപ്പി​ക്കു​ന്നു. അപ്പോൾത്തന്നെ പനി അവളെ വിട്ടു​മാ​റു​ക​യും അവർക്കു​വേണ്ടി അവൾ ആഹാരം തയ്യാറാ​ക്കി​ത്തു​ട​ങ്ങു​ക​യും ചെയ്യുന്നു!

പിന്നീട്‌, സൂര്യൻ അസ്‌ത​മി​ച്ച​ശേഷം, എല്ലായി​ട​ത്തു​നി​ന്നു​മുള്ള ആളുകൾ തങ്ങളുടെ ദീനക്കാ​രെ പത്രോ​സി​ന്റെ വീട്ടി​ലേക്ക്‌ കൊണ്ടു​വ​ന്നു​തു​ട​ങ്ങു​ന്നു. പെട്ടെ​ന്നു​തന്നെ ആ പട്ടണത്തി​ലു​ള്ള​വ​രെ​ല്ലാ​വ​രും പത്രോ​സി​ന്റെ വീട്ടു​വാ​തിൽക്കൽ തടിച്ചു​കൂ​ടു​ന്നു! യേശു അവരുടെ രോഗം ഗണ്യമാ​ക്കാ​തെ, അവരുടെ സകലവിധ ദീനക്കാ​രെ​യും സൗഖ്യ​മാ​ക്കു​ന്നു. അവൻ ഭൂതബാ​ധി​ത​രെ​പ്പോ​ലും വിമു​ക്ത​രാ​ക്കു​ന്നു. ഭൂതങ്ങൾ പുറത്തു​വ​രു​മ്പോൾ ഇപ്രകാ​രം നിലവി​ളി​ക്കു​ന്നു: “നീ ദൈവ​പു​ത്ര​നാ​കു​ന്നു.” എന്നാൽ യേശു അവരെ ശാസി​ക്കു​ക​യും സംസാ​രി​ക്കാൻ അനുവ​ദി​ക്കാ​തി​രി​ക്കു​ക​യും ചെയ്യുന്നു. കാരണം അവൻ ക്രിസ്‌തു​വാ​ണെന്ന്‌ അവർക്ക​റി​യാം. മർക്കോസ്‌ 1:21-34; ലൂക്കോസ്‌ 4:31-41; മത്തായി 8:14-17.

◆ യേശു തന്റെ നാല്‌ ശിഷ്യൻമാ​രെ വിളി​ച്ച​ശേഷം ശബത്തു​ദി​വസം സിന്ന​ഗോ​ഗിൽവച്ച്‌ എന്തു സംഭവി​ക്കു​ന്നു?

◆ സിന്ന​ഗോ​ഗിൽനിന്ന്‌ യേശു എവി​ടേ​യ്‌ക്ക്‌ പോകു​ന്നു, അവിടെ അവൻ ഏത്‌ അത്ഭുതം പ്രവർത്തി​ക്കു​ന്നു?

◆ പിന്നീട്‌ അതേ സായാ​ഹ്ന​ത്തിൽ എന്ത്‌ സംഭവി​ക്കു​ന്നു? (w86 3/15)

[9-ാം പേജ്‌ നിറ​യെ​യുള്ള ചിത്രം]