നിങ്ങൾ ദൈവീക ദയ പ്രകട​മാ​ക്കു​ന്നു​വോ

ആരെങ്കി​ലും നിങ്ങ​ളോ​ടു് ദയയു​ള്ള​വ​നാ​യി​രുന്ന ഒടുവി​ലത്തെ സന്ദർഭം നിങ്ങൾക്കു് ഓർമ്മി​ക്കാൻ കഴിയു​മോ? തീർച്ച​യാ​യും നാമേ​വ​രും ദയയുള്ള ഒരു വ്യക്തി​യു​ടെ സഹായ​വും സഹാനു​ഭൂ​തി​യും മൃദു​ല​ത​യും വിലമ​തി​ക്കു​ന്നു.

അല്‌പ​മാ​യി​ട്ടേ ഉള്ളെങ്കി​ലും, ദയ ഇന്നത്തെ ലോക​ത്തിൽ അജ്ഞാതമല്ല. വില്‌പ​ന​ക്കാർ തങ്ങളുടെ ഇടപാ​ടു​കാ​രോ​ടു് അതു പ്രകട​മാ​ക്കാൻ നിർദ്ദേ​ശി​ക്ക​പ്പെ​ടു​ന്നു. വ്യാപാ​രി​കൾ തങ്ങളുടെ ഇടപാ​ടു​കാ​രെ കൈകാ​ര്യം ചെയ്യു​ന്ന​തിൽ അതിന്റെ മൂല്യം തിരി​ച്ച​റി​യു​ന്നു. പലപ്പോ​ഴും ദയ പ്രകട​മാ​ക്കു​ന്ന​തു് ഗൂഢമായ ആന്തരങ്ങ​ളോ​ടെ​യാ​ണെ​ന്നു​ള്ള​തു് സത്യം തന്നെ. എങ്കിലും യഥാർഥ​ത്തി​ലുള്ള മനുഷ്യ​ദയ സ്ഥിതി​ചെ​യ്യു​ന്നു​ണ്ടു്. അങ്ങനെ വിദൂ​ര​ത്തിൽ താമസി​ക്കുന്ന ഒരു ദമ്പതികൾ ഒരു ഹൃ​ദ്രോഗ ബാധ​യെ​ത്തു​ടർന്നു് അശക്തനാ​യി കാര്യ​മാ​യി ഒന്നും ചെയ്യാൻ കഴിയാ​തായ ഭർത്താ​വി​ന്റെ പിതാ​വി​നെ സന്ദർശി​ച്ച​പ്പോൾ, അയല്‌ക്കാർ ചില അത്യാ​വശ്യ ജോലി​കൾ ചെയ്‌തി​രു​ന്ന​താ​യി കണ്ടെത്തി​യ​തിൽ അവർ എത്ര ഉന്മേഷ​ഭ​രി​ത​യാ​യി​രു​ന്നു!

മനുഷ്യ ദയയുടെ ചില ശ്രദ്ധേ​യ​മായ ദൃഷ്ടാ​ന്തങ്ങൾ ബൈബി​ളി​ലു​ണ്ടു്. കപ്പലിൽ റോമി​ലേ​ക്കുള്ള യാത്രാ​മ​ദ്ധ്യേ അപ്പോ​സ്‌ത​ല​നായ പൗലോ​സി​നെ കാവൽ ചെയ്‌തി​രുന്ന സൈന്യാ​ധി​പ​നാ​യി​രുന്ന ജൂലി​യസ്‌ സീദോ​നിൽ സുഹൃ​ത്തു​ക്കളെ സന്ദർശി​ക്കാ​നും സൽക്കാരം ആസ്വദി​ക്കാ​നും തന്റെ തടവു​പു​ള്ളി​യെ അനുവ​ദി​ച്ചു. അതേ, ജൂലി​യസ്‌ “പൗലോ​സി​നോ​ടു് മാനുഷ ദയ കാണിച്ചു.” (പ്രവൃ​ത്തി​കൾ 27:3) തുടർന്നു് അധികം വൈകാ​തെ, ഒരു കപ്പൽച്ചേതം സംഭവി​ച്ച​പ്പോൾ മാൾട്ട​യി​ലെ ആളുകൾ 276 യാത്ര​ക്കാ​രോ​ടും കപ്പൽ ജോലി​ക്കാ​രോ​ടും എല്ലാം“അസാധാ​രണ മനുഷ്യ ദയ” പ്രകട​മാ​ക്കി. “ദ്വീപി​ലെ പ്രമാ​ണി​യായ” പുബ്ലി​യസ്‌ പ്രത്യേ​കി​ച്ചും അതിഥി പ്രിയ​നാ​യി​രു​ന്നു.—പ്രവൃ​ത്തി​കൾ 28:1-10

ദൈവ​ത്തി​ന്റെ പ്രതി​ഛാ​യ​യിൽ സൃഷ്ടി​ക്ക​പ്പെട്ട എല്ലാ മനുഷ്യർക്കും യഹോ​വ​യു​ടെ വ്യക്തി​ത്വ​ത്തി​ന്റെ ഒരളവു് പ്രതി​ഫ​ലി​പ്പി​ക്കാൻ കഴിയു​മെ​ന്നു് അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി​യ​പ്പോൾ സൂചി​പ്പി​ച്ചി​രു​ന്നു:“ ന്യായ​പ്ര​മാ​ണ​മി​ല്ലാത്ത ജനതക​ളി​ലെ ആളുകൾ പ്രകൃ​ത്യാ ന്യായ​പ്ര​മാ​ണ​ത്തി​ലെ കാര്യങ്ങൾ ചെയ്യു​മ്പോ​ഴൊ​ക്കെ​യും ന്യായ​പ്ര​മാ​ണ​മി​ല്ലെ​ങ്കി​ലും ഈ ആളുകൾ തങ്ങൾക്കു​തന്നെ ഒരു ന്യായ​പ്ര​മാ​ണ​മാ​കു​ന്നു. അവർ തങ്ങളുടെ ഹൃദയ​ങ്ങ​ളിൽ ന്യായ​പ്ര​മാ​ണ​ത്തി​ന്റെ സാരം എഴുത​പ്പെ​ട്ടി​രി​ക്കു​ന്ന​താ​യി പ്രകട​മാ​ക്കു​ന്ന​വർത​ന്നെ​യാ​ണു്. (റോമർ 2:14, 15; ഉല്‌പത്തി 1:26) അതു​കൊണ്ട്‌ കുറെ ദയ മനുഷ്യ​വർഗ്ഗ​ത്തി​ന്റെ സഹജമാ​യി​ട്ടു​ണ്ടു്. എങ്കിലും സത്യ​ക്രി​സ്‌ത്യാ​നി​കൾ വ്യത്യ​സ്‌ത​മാ​യി ഒരു ദൈവീ​കദയ പ്രകട​മാ​ക്കു​മെന്നു നമുക്കു് ന്യായ​മാ​യും പ്രതീ​ക്ഷി​ക്കാം. അത്തരം ദയയുടെ സ്വഭാവം എന്താണു്? നമുക്കു അവന്റെ ആത്മാവി​ന്റെ ഈ ഫലം പ്രകട​മാ​ക്കു​ന്ന​തിൽ അവനെ എങ്ങനെ അനുക​രി​ക്കാൻ കഴിയും?—ഗലാത്യർ 5:22

യഹോ​വ​യു​ടെ സ്‌നേ​ഹ​ദയ

ബൈബിൾ യഹോ​വ​യു​ടെ സ്‌നേ​ഹ​ദ​യയെ ആവർത്തി​ച്ചു സ്‌തു​തി​ച്ചു പറയുന്നു.‘ജനങ്ങളേ നിങ്ങൾ യാഹിനെ സ്‌തു​തി​പ്പിൻ! യഹോ​വക്കു നന്ദി നൽകു​വിൻ എന്തെന്നാൽ അവൻ നല്ലവന​ല്ലോ; എന്തെന്നാൽ അവന്റെ സ്‌നേ​ഹദയ അനിശ്ചി​ത​കാ​ല​ത്തേ​ക്കു​ള്ള​താ​കു​ന്നു,” എന്നു് സങ്കീർത്ത​ന​ക്കാ​രൻ പറഞ്ഞു. (സങ്കീർത്തനം 106:1; 107:1) എബ്രായ തിരു​വെ​ഴു​ത്തു​ക​ളിൽ സ്‌നേ​ഹദയ എന്നതിനു ഉപയോ​ഗി​ച്ചി​രി​ക്കുന്ന പദം, ഉദ്ദേശ്യം സാക്ഷാ​ത്‌ക്ക​രി​ക്ക​പ്പെ​ടു​ന്ന​തു​വരെ സ്‌നേ​ഹ​പൂർവ്വം അതി​നെ​ത്തന്നെ ഒരു വസ്‌തു​വി​നോട്‌ സംബന്ധി​പ്പി​ക്കുന്ന ഒരു ഗുണത്തെ പരാമർശി​ക്കു​ന്നു. അങ്ങനെ ദൈവം മനുഷ്യ​വർഗ്ഗ​ത്തോ​ടുള്ള അവന്റെ സ്‌നേ​ഹ​ത്തിൽനി​ന്നു മനുഷ്യ​വർഗ്ഗ​ത്തി​ന്റെ രക്ഷയെ ലാക്കാക്കി സ്‌നേ​ഹദയ പ്രകട​മാ​ക്കി​യി​രി​ക്കു​ന്നു. അല്ലെങ്കിൽ മനുഷ്യ വർഗ്ഗം ദീർഘ​കാ​ലം മുമ്പേ തന്നെ നശിച്ചു​പോ​കു​മാ​യി​രു​ന്നു. ദുഷ്‌പ്ര​വൃ​ത്തി സഹിക്കാ​തെ, നമ്മുടെ ആദ്യ മാതാ​പി​താ​ക്ക​ളായ ആദാമി​നേ​യും ഹവ്വയേ​യും ദൈവം ഏദൻ തോട്ട​ത്തിൽ നിന്നു പുറത്താ​ക്കി. എങ്കിലും അവൻ സ്‌നേ​ഹദയ പ്രകട​മാ​ക്കി, അവർക്ക്‌ വസ്‌ത്രം നൽകി​ക്കൊ​ണ്ടും മക്കളെ ജനിപ്പി​ക്കാൻ അവരെ അനുവ​ദി​ച്ചു​കൊ​ണ്ടും അവരുടെ മത്സര പ്രവൃ​ത്തി​കൾ ഗണ്യമാ​ക്കാ​തെ ഒരു ഗണ്യമായ കാല​ത്തേ​ക്കു് ജീവി​ക്കാൻ അവരെ അനുവ​ദി​ച്ചു​കൊ​ണ്ടും തന്നെ.—ഉല്‌പത്തി 3:21-4:2; 5:4, 5.

പാപി​ക​ളാ​യ ആദാമി​ന്റെ സന്തതി​ക​ളോ​ടു് യഹോവ അനേകം വിധങ്ങ​ളിൽ സ്‌നേ​ഹദയ പ്രകട​മാ​ക്കി​യി​രു​ന്നു. ദുഷ്ടാ​ന്ത​മാ​യി, ദൈവം “നന്മ ചെയ്‌ക​യും ആകാശ​ത്തു​നി​ന്നു മഴയും ഫലപു​ഷ്ടി​യുള്ള കാലങ്ങ​ളും നിങ്ങൾക്കു് തരിക​യും ആഹാര​വും സന്തോ​ഷ​വും നൽകി നിങ്ങളു​ടെ ഹൃദയ​ങ്ങളെ നിറക്കു​ക​യും ചെയ്‌തു പോന്ന​തി​നാൽ അവൻ തീർച്ച​യാ​യും തന്നെക്കു​റിച്ച്‌ സാക്ഷ്യം തരാതി​രു​ന്നി​ട്ടില്ല.,” എന്നു് വ്യാജ​മതം അനുഷ്ടി​ച്ചി​രുന്ന ലുസ്‌ത്ര​യി​ലെ ആളുക​ളോട്‌ അപ്പോ​സ്‌ത​ല​നായ പൗലോ​സി​നു പറയാൻ കഴിഞ്ഞു. (പ്രവൃ​ത്തി​കൾ 14:16, 17) അവരുടെ ആരാധന ഒരു വ്യാജ ദൈവ​ത്തി​ലേക്കു ആയിരു​ന്നെ​ങ്കി​ലും യഹോവ ദയാപു​ര​സ്സരം ഒരു ഭൗതിക വിധി​ത്തിൽ അവർക്കു​വേണ്ടി സമൃദ്ധ​മാ​യി കരുതി.

എന്നിരു​ന്നാ​ലും അപ്പോ​ഴും ജനിച്ചി​ട്ടി​ല്ലാത്ത ആദാമി​ന്റെ സന്തതി​ക​ളോട്‌ ദൈവം പ്രകട​മാ​ക്കിയ സ്‌നേ​ഹദയ വളരെ വലുതാ​യി​രു​ന്നു. വാഗ്‌ദത്ത സന്തതി​യി​ലൂ​ടെ യഹോവ മനുഷ്യ​ന്റെ പാപത്തിൽ നിന്നും മരണത്തിൽനി​ന്നു​മുള്ള മോച​ന​ത്തി​ന്റെ പ്രതീക്ഷ പ്രദാനം ചെയ്‌തു (ഉല്‌പത്തി 3:15; റോമർ 5:12) മനുഷ്യ​വർഗ്ഗ​ച​രി​ത്രം ദൈവത്തെ നിന്ദി​ക്കു​ന്ന​താ​യി​രു​ന്നി​ട്ടും ദൈവം മനുഷ്യ​വർഗ്ഗത്തെ ഉപേക്ഷി​ച്ചില്ല. എന്തിനു്, അവൻ തന്റെ പ്രിയ​പ്പെട്ട ഏകജാത പുത്രനെ അവർക്കു​വേണ്ടി ഒരു മറുവി​ല​യാ​കേ​ണ്ട​തി​നു വിട്ടു​കൊ​ടു​ത്തു! (യോഹ​ന്നാൻ 3:16) അനർഹ​ദ​യ​യു​ടെ കൂടു​ത​ലായ ഒരു പ്രകട​ന​മെന്ന നിലയിൽ നിർമ്മ​ല​താ​പാ​ല​ക​രായ ചില മനുഷ്യർ അനുസ​ര​ണ​മുള്ള മനുഷ്യ​വർഗ്ഗത്തെ അനു​ഗ്ര​ഹി​ക്കുന്ന സ്വർഗ്ഗീയ രാജ്യ​ത്തിൽ ക്രിസ്‌തു​വേ​ശു​വി​നോ​ടൊ​ത്തു് കൂട്ടു​ഭ​ര​ണാ​ധി​കാ​രി​ക​ളാ​യി​രി​ക്കാ​നും ദൈവം ക്രമീ​ക​രണം ചെയ്‌തി​രി​ക്കു​ന്നു.—റോമർ 5:8, 15-17; 8:16,17; വെളി​പ്പാ​ടു 14:1-4.

ദൈവിക ദയ പ്രകട​മാ​ക്കൽ

അപൂർണ മനുഷ്യർക്കു് ദൈവിക ദയ പ്രകട​മാ​ക്കാൻ കഴിയു​ന്ന​തെ​ങ്ങനെ? കൊള്ളാം, അത്തരം ദയ പ്രാ​യോ​ഗി​ക​മാ​ക്കാൻ നമ്മെ സഹായി​ക്കുന്ന മാർഗ്ഗ​രേ​ഖ​ക​ളും ഒരു മാതൃ​ക​യും യേശു പ്രദാനം ചെയ്‌തു. (പത്രോസ്‌ 2:21; മത്തായി 11:28-30) ദൃഷ്ടാ​ന്ത​ത്തി​നു നാം നമ്മുടെ ശത്രു​ക്ക​ളോ​ടു​പോ​ലും ദയയു​ള്ള​വ​രാ​യി​രി​ക്ക​ണ​മെ​ന്നു് അവൻ സൂചി​പ്പി​ച്ചു. യേശു ഇപ്രകാ​രം പറഞ്ഞു: “നിങ്ങളു​ടെ ശത്രു​ക്കളെ സ്‌നേ​ഹി​ക്കു​ക​യും നന്മ ചെയ്യു​ക​യും ഒന്നിനും പകരം ഇച്ഛിക്കാ​തെ പലിശ​കൂ​ടാ​തെ കടം കൊടു​ക്ക​ക​യും ചെയ്യു​ന്ന​തിൽ തുടരു​വിൻ നിങ്ങളു​ടെ പ്രതി​ഫലം വലുതാ​യി​രി​ക്കും, നിങ്ങൾ അത്യു​ന്ന​തന്റെ പുത്ര​ന്മാ​രാ​യി​രി​ക്കും കാരണം അവൻ നന്ദി​കെ​ട്ട​വ​രോ​ടും ദുഷ്ടന്മാ​രോ​ടും ദയാലു​വാ​കു​ന്നു” (ലൂക്കോസ്‌ 6:35) നാം ദൈവിക ദയയാ​കുന്ന ശ്രേഷ്‌ഠ ഗുണം പ്രകട​മാ​ക്കു​മെ​ങ്കിൽ, നാം കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടും ക്രിസ്‌തീയ സഹോ​ദ​ര​ങ്ങ​ളോ​ടും മാത്രമല്ല നന്ദി​കെ​ട്ട​വ​രോ​ടും നമ്മോടു ശത്രുത പ്രകട​മാ​ക്കി​യി​ട്ടു​ള്ള​വ​രോ​ടും ദയയു​ള്ള​വ​രാ​യി​രി​ക്കും. ഇതു ചെയ്യു​ന്നതു അവരെ ശല്യ​പ്പെ​ടു​ത്തു​ന്ന​തി​നല്ല. പിന്നെ​യോ അവരെ സഹായി​ക്കു​ന്ന​തി​നും അവരിലെ നന്മ വെളി​ച്ചത്തു കൊണ്ടു​വ​രു​ന്ന​തി​നും ആണു്.—ഗലാത്യർ 6:10; റോമർ 12:20, 21.

മറ്റുള്ളവർ നമ്മോ​ടു് എങ്ങനെ പെരു​മാ​റു​ന്നു​വോ അതു​പോ​ലെ​തന്നെ അവരോ​ടും പെരു​മാ​റു​ന്ന​തി​നാ​ണു് നമ്മുടെ മാനുഷ ചായ്‌വു എന്നതു​കൊണ്ട്‌ നാം യഹോ​വ​യു​ടെ ഉദ്‌ബോ​ധനം ഓർത്തി​രി​ക്കു​ന്ന​തു് നന്നായി​രി​ക്കും:“ യാഗത്തിൽ അല്ല സ്‌നേ​ഹ​ദ​യ​യിൽ ഞാൻ പ്രസാ​ദി​ക്കു​ന്നു.” (ഹോശയ 6:6) അങ്ങനെ യഹോ​വ​യു​ടെ പ്രീതി​യു​ണ്ടാ​യി​രി​ക്കാൻ നാം ആഗ്രഹി​ക്കു​ന്നെ​ങ്കിൽ മറ്റുള്ള​വ​രോ​ടുള്ള നമ്മുടെ എല്ലാ ഇടപെ​ട​ലു​ക​ളി​ലും ദൈവി​കദയ അഥവാ സ്‌നേ​ഹദയ പ്രകട​മാ​ക്കു​ന്ന​തി​നു നാം കഠിന​യ​ത്‌നം ചെയ്യണം. (മീഖാ 6:8 താരത​മ്യ​പ്പെ​ടു​ത്തുക) എന്നാൽ ഈ ദൈവിക ഗുണം പ്രകട​മാ​ക്കു​ന്ന​തി​നു നാം ഒരു പ്രത്യേക വിധത്തിൽ യഹോ​വയെ അനുക​രി​ക്കേണ്ട ആവശ്യ​മു​ണ്ടു്. അതെന്താ​ണു്? കൊള്ളാം, നമ്മെ അവരു​മാ​യി ഒരു നല്ല നിലയിൽ ആക്കിത്തീർക്കു​ന്ന​തി​നു് അവൻ ദയാപു​ര​സ്സരം ആദ്യപ​ടി​കൾ സ്വീക​രി​ച്ച​തു​പോ​ലെ മറ്റുള്ള​വ​രു​മാ​യി ബൈബിൾ സത്യങ്ങൾ പങ്കു വക്കുന്ന​തി​നു് നാം മുൻക​യ്യെ​ടു​ക്കണം. ആദ്യം അധി​ക്ഷേ​പി​ക്ക​പ്പെ​ടു​ന്ന​ങ്കിൽപ്പോ​ലും ദൈവ​രാ​ജ്യ​ത്തി​ന്റെ സുവാർത്ത അവരുടെ ഹൃദയ​ങ്ങ​ളിൽ എത്തിക്കു​ന്ന​തി​നു് ആവർത്തി​ച്ചു് ശ്രമി​ച്ചു​കൊ​ണ്ടു് നാം അപ്പോ​ഴും സ്‌നേ​ഹദയ പ്രകട​മാ​ക്കണം. ദൈവിക ദയയുടെ ഈ പ്രകടനം മറ്റുള്ള​വരെ ജീവന്റെ മാർഗ്ഗ​ത്തിൽ ആയിത്തീ​രാൻ സഹായി​ക്കു​മ്പോൾ അതു എത്ര നന്നായി​രി​ക്കും!—മത്തായി 7:13, 14.

അതു എങ്ങനെ നട്ടുവ​ളർത്താം

ബൈബി​ളിൽ വെളി​പ്പെ​ടു​ത്തി​യി​രി​ക്കുന്ന അവന്റെ ചിന്തകൾ പഠിച്ചു് അതിനു ചേർച്ച​യാ​യി പ്രവർത്തി​ക്കു​ന്ന​തി​നാൽ മാത്രമേ ദൈവിക ദയ നട്ടുവ​ളർത്താൻ കഴിയു​ക​യു​ള്ളൂ. അതെ, നാം ആദ്യം തന്നെ സത്യത്തി​ന്റെ സൂക്ഷ്‌മ പരിജ്ഞാ​നം നേടണം. പൗലോസ്‌ കൊ​ലോ​സ്യ​യി​ലെ ക്രിസ്‌ത്യാ​നി​കളെ പ്രശം​സി​ക്കു​ക​യും “അവർ സത്യത്തിൽ ദൈവ​ത്തി​ന്റെ അനർഹദയ കേൾക്കു​ക​യും സൂക്ഷ്‌മാ​യി അറിയു​ക​യും ചെയ്‌ത നാൾ മുതൽ” സത്യം ഫലം കായ്‌ച്ചി​രി​ക്കു​ന്നു​വെ​ന്നു് സമ്മതി​ക്കു​ക​യും ചെയ്‌തു. (കൊ​ലോ​സ്യർ 1:5, 6) എങ്കിലും, കൂടു​ത​ലായ പുരോ​ഗതി നേടാൻ കഴിയാത്ത ഒരളവു​വരെ ഒരു ക്രിസ്‌ത്യാ​നി​യും എത്തുന്നില്ല. അതു​കൊ​ണ്ടു് നാം ഓരോ​രു​ത്ത​രും “അനർഹ​ദ​യ​യി​ലും നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു​വി​ന്റെ പരിജ്ഞാ​ന​ത്തി​ലും വളർന്നു​കൊ​ണ്ടി​രി​ക്കണം.”—2 പത്രോസ്‌ 3:18.

ദയ ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ ഗുണങ്ങ​ളിൽ ഒന്നായ​തു​കൊണ്ട്‌ ആ ആത്മാവി​ന്റെ സ്വാധീ​ന​ത്തി​നു കീഴ്‌പ്പെ​ടുന്ന ക്രിസ്‌ത്യാ​നി​കകൾ ദയയു​ള്ളവർ ആയിരി​ക്കും. വാസ്‌ത​വ​ത്തിൽ, പൗലോസ്‌ ദൈവിക വിശു​ദ്ധി​യെ ദയയോ​ടു് സംയോ​ജി​പ്പി​ക്കു​ന്നു, ഇപ്രകാ​രം പറഞ്ഞു​കൊണ്ട്‌: “വിശു​ദ്ധ​രും പ്രിയ​രു​മായ ദൈവ​ത്തി​ന്റെ തെരെ​ഞ്ഞെ​ടു​ക്ക​പ്പെ​ട്ട​വ​രെന്ന നിലയിൽ സഹാനു​ഭൂ​തി​യു​ടെ മൃദുല വാത്സല്യ​ങ്ങ​ളും ദയയും ധരിപ്പിൻ.” (കൊ​ലോ​സ്യർ 3:12) അതു​കൊ​ണ്ടു് ദൈവിക ദയ പ്രകട​മാ​ക്കു​ന്ന​തി​നു നമുക്കു ദൈവ​ത്തി​ന്റെ പരിശു​ദ്ധാ​ത്മാ​വു​ണ്ടാ​യി​രി​ക്കണം.

എന്നാൽ നമുക്കു യഹോ​വ​യു​ടെ ആത്മാവു് ലഭിക്കു​ന്ന​തെ​ങ്ങനെ? അതിനു​വേണ്ടി അപേക്ഷി​ക്കു​ന്ന​തി​നാൽ—ആവർത്തിച്ച്‌ അപേക്ഷി​ക്കു​ന്ന​തി​നാൽ. നാം യഹോ​വ​യോ​ടു് ഈ അമൂല്യ​മായ ഈ ദാനത്തി​നു​വേണ്ടി താഴ്‌മ​യോ​ടെ അപേക്ഷി​ക്കു​ന്നെ​ങ്കിൽ നമ്മുടെ ഹൃദയം​ഗ​മ​മായ അപേക്ഷ​ക്കു് ഉത്തരം ലഭിക്കു​മെ​ന്നു് യേശു പ്രകട​മാ​ക്കി. “ചോദി​ച്ചു​കൊ​ണ്ടി​രി”ക്കേണ്ടതി​ന്റേ​യും അന്വേ​ഷി​ച്ചു​കൊ​ണ്ടി​രി”ക്കേണ്ടതി​ന്റേ​യും ആവശ്യം സൂചി​പ്പിച്ച ശേഷം യേശു ഇപ്രകാ​രം പറഞ്ഞു: “അതു​കൊണ്ട്‌ നിങ്ങൾ ദുഷ്ടരാ​ണെ​ങ്കി​ലും നിങ്ങളു​ടെ മക്കൾക്കു് നല്ല ദാനങ്ങളെ കൊടു​ക്കാൻ അറിയു​ന്ന​വെ​ങ്കിൽ സ്വർഗ്ഗ​സ്ഥ​നായ പിതാ​വു് തന്നോ​ടു് യാചി​ക്കു​ന്ന​വർക്കു് പരിശു​ദ്ധാ​ത്മാ​വി​നെ എത്രയ​ധി​കം കൊടു​ക്കും.” (ലൂക്കോസ്‌ 11:9-13) വാസ്‌ത​വ​ത്തിൽ യഹോ​വ​യു​ടെ ആത്മാവി​നു വേണ്ടി അപേക്ഷി​ക്കു​ന്ന​തി​നാ​ലും കൂടു​ത​ലാ​യി ദയ പ്രകട​മാ​ക്കു​ന്ന​തി​നുള്ള അവന്റെ സഹായ​ത്തി​നു​വേണ്ടി സ്‌പഷ്ട​മാ​യി യാചി​ക്കു​ന്ന​തി​നാ​ലും നമുക്കു അനുകൂ​ല​മായ ഒരു ഉത്തരം ലഭിക്കു​മെ​ന്നു് ഉറപ്പു നൽകി​യി​രി​ക്കു​ന്നു. (1 യോഹ​ന്നാൻ 5:14,15) തീർച്ച​യാ​യും, നമ്മുടെ പ്രവർത്ത​നങ്ങൾ ദൈവ​ത്തി​ന്റെ ആത്മാവി​നു​വേ​ണ്ടി​യുള്ള നമ്മുടെ അപേക്ഷ​യോ​ടു് പൊരു​ത്ത​ത്തി​ലാ​യി​രി​ക്കേണ്ട ആവശ്യ​മു​ണ്ടു്.

ഈ ഗുണം നട്ടുവ​ളർത്തു​ന്ന​തി​ലുള്ള മറ്റൊരു സഹായം നമുക്കു ചുറ്റു​പാ​ടും നിരീ​ക്ഷി​ക്കാൻ കഴിയുന്ന യഹോ​വ​യു​ടെ ദയാ​പ്ര​വർത്തി​ക​ളേ​ക്കു​റി​ച്ചുള്ള ധ്യാനി​ക്ക​ലാ​ണു്. ദൈവത്തേ സംബന്ധിച്ച്‌ സങ്കീർത്ത​ന​ക്കാ​രൻ ഇങ്ങനെ പറഞ്ഞു: “ഞാൻ തീർച്ച​യാ​യും എന്റെ സകല പ്രവർത്ത​ന​ത്തെ​ക്കു​റി​ച്ചും ധ്യാനി​ക്കും, നിന്റെ ഇടപെ​ട​ലു​ക​ളിൽ ഞാൻ താല്‌പ​ര്യം വെക്കും.” (സങ്കീർത്തനം 72:12) നാം അനുദിന ജീവി​ത​ത്തിൽ ദൈവിക ഗുണങ്ങൾ ശ്രദ്ധി​ക്കു​ക​യും പ്രതി​ഫ​ലി​പ്പി​ക്കു​ക​യും ചെയ്യു​ന്ന​തു് നന്നായി​രി​ക്കും. സൃഷ്ടി​യു​ടെ സൗന്ദര്യം, ഭക്ഷണത്തി​ന്റേ​യും പാനീ​യ​ത്തി​ന്റേ​യും രുചികൾ, നമ്മുടെ സുഖത്തി​നും ആനന്ദത്തി​നും ആവശ്യ​മുള്ള വസ്‌തു​ക്കൾ, കുട്ടികൾ കൈവ​രു​ത്തുന്ന സന്തോഷം—മൃഗങ്ങ​ളു​ടെ വികൃ​തി​കൾ പോലും—ഇവയെ​ല്ലാം മനുഷ്യ​വർഗ്ഗ​ത്തോ​ടുള്ള ദൈവ​ത്തി​ന്റെ ദയയുടെ തെളി​വു് നൽകുന്നു. അതെ, മനോ​ഹ​ര​മായ ഒരു സൂര്യാ​സ്‌ത​മ​യ​മോ വർണ്ണോ​ജ്ജ്വ​ല​മായ ഒരു മഴവി​ല്ലോ ഒരു നല്ല ഭക്ഷണമോ നിധി​സ​മാ​ന​മായ ഒരു സുഹൃ​ദ്‌ബ​ന്ധ​മോ നമ്മുടെ ആസ്വാ​ദ​ന​ത്തി​നാ​യി ദൈവം ദയാപു​ര​സ്സരം അനേകം കാര്യങ്ങൾ ചെയ്യു​ന്ന​താ​യി നമ്മെ ഓർമ്മ​പ്പെ​ടു​ത്തും. സത്യമാ​യും അവന്റെ അദൃശ്യ​ഗു​ണങ്ങൾ [ദയ ഉൾപ്പെടെ] ലോക​സൃ​ഷ്ടി​മു​തൽ വ്യക്തമാ​യി കാണ​പ്പെ​ടു​ന്നു​ണ്ടു്. എന്തു​കൊ​ണ്ടെ​ന്നാൽ അവ നിർമ്മി​ക്ക​പ്പെട്ടവ മുഖേന ഗ്രഹി​ക്ക​പ്പെ​ടന്നു.” (റോമർ 1:20) നാം യഥാർത്ഥ​ത്തിൽ നമ്മുടെ ദയയുള്ള മഹാ​ദൈ​വത്തെ അനുക​രി​ക്കാൻ ആഗ്രഹി​ക്കു​ന്നെ​ങ്കിൽ അത്തരം കാര്യങ്ങൾ ധ്യാനി​ക്കു​ന്നതു മർമ്മ പ്രധാ​ന​മാ​ണു്.

അതു ഒരു ലക്ഷ്യമാ​ക്കി​ത്തീർക്കുക

ദൈവീക ദയ വികസി​പ്പി​ച്ചെ​ടു​ക്കു​ന്നതു നമ്മുടെ ലക്ഷ്യമാ​ക്കി​ത്തീർക്കു​ന്ന​തു് തികച്ചും മൂല്യ​വ​ത്താ​ണു്. ദയ പ്രകട​മാ​ക്കു​ന്നി​ട​ത്തു് വ്യക്തി​പ​ര​വും കുടും​ബ​പ​ര​വു​മായ ബന്ധങ്ങൾ അഭിവൃ​ദ്ധി​പ്പെ​ടും. ദയ ആളുകളെ രാജ്യ​ദൂ​തി​ലേക്കു ആകർഷി​ക്കു​ക​യും ചെയ്യുന്നു. യഹോ​വ​യു​ടെ സാക്ഷികൾ ശുശ്രൂ​ഷ​യിൽ ദയ പ്രകട​മാ​ക്കി​യതു നിമിത്തം അനേകം സംശയാ​ലു​ക്കൾ സത്യം പരി​ശോ​ധി​ക്കാൻ പ്രേരി​പ്പി​ക്ക​പ്പെ​ട്ടി​ട്ടു​ണ്ടു്. അതെ, മറ്റു പ്രകാ​ര​ത്തിൽ ശത്രുക്കൾ ആയിരി​ക്കു​മാ​യി​രു​ന്ന​വ​രിൽനി​ന്നു് ദയ നിമിത്തം നന്മ കൈവ​ന്നി​രി​ക്കു​ന്നു.

വീടു​തോ​റു​മുള്ള ശുശ്രൂ​ഷ​യിൽ ഒരു യുവസാ​ക്ഷി തന്നെ അധി​ക്ഷേ​പിച്ച ഒരു സ്‌ത്രീ​യെ കണ്ടുമു​ട്ടി. സ്‌ത്രീ രോഗി​യാ​യി​രു​ന്നു് എന്നു മനസ്സി​ലാ​ക്കി അവൾക്കു് എന്തെങ്കി​ലും സഹയം ആവശ്യ​മു​ണ്ടോ​യെ​ന്നു് ആ സഹോ​ദരി ചോദി​ച്ചു. ആ സ്‌ത്രീ ഏതു സഹായ​വും നിരസി​ച്ചു. രണ്ട്‌ ആഴചകൾക്കു​ശേഷം ആ സ്‌ത്രീ​യെ വീണ്ടും കാണു​ന്ന​തി​നു ആ യുവസ​ഹോ​ദരി പോയി. തങ്ങൾ കണ്ടുമു​ട്ടി​യ​തു​കൊ​ണ്ടു് ഭക്ഷണസാ​ധ​ന​ങ്ങ​ളോ മറ്റോ അവൾ വാങ്ങി​ത്ത​രേ​ണ്ട​തു​ണ്ടോ​യെന്നു അവൾ ചോദി​ച്ചു. ആ സ്‌ത്രീ​ക്കു് വീട്ടിൽ ഭക്ഷണസാ​ധ​നങ്ങൾ ലഭിക്കാ​തി​രു​ന്ന​തു​കൊ​ണ്ടു് ആവശ്യ​മുള്ള സാധനങ്ങൾ വാങ്ങാൻ സ്റ്റോറിൽ പോകാ​മെ​ന്നു് സഹോ​ദരി നിർബ​ന്ധ​പൂർവ്വം പറഞ്ഞു. അതിനു​ശേഷം ആ സ്‌ത്രീ വീട്ടു​വാ​തിൽക്കൽ വരുന്ന സാക്ഷി​ക​ളോ​ടു് കുറേ​ക്കു​ടെ സൗഹാർദ്ദ​മാ​യി​രു​ന്നു—ഇതെല്ലാം ആ സഹോ​ദരി ദൈവിക ദയ പ്രകട​മാ​ക്കി​യതു നിമിത്തം തന്നെ. അത്യന്തം അഭികാ​മ്യ​മായ ഈ ഗുണത്തി​നു ആകർഷ​ശ​ക്തി​യു​ണ്ടു്.

ആദ്യമാ​യി രാജ്യ​ഹോ​ളിൽ പോയ ശേഷം ഒരു യുവ കോള​ജു് ബിരു​ദ​ധാ​രി​യു​ടെ നിരീ​ക്ഷ​ണങ്ങൾ ഇതു തെളി​യി​ക്കു​ന്ന​താ​ണു്. ഹോളിൽ, താഴന്ന പശ്ചാത്ത​ല​ങ്ങ​ളിൽ നിന്നുള്ള തങ്ങളോ​ടും തങ്ങളുടെ സംസാ​ര​ത്തോ​ടും ഈ സ്‌ത്രീ എങ്ങനെ പ്രതി​ക​രി​ക്കു​മെ​ന്നതു സംബന്ധി​ച്ചു് ഉൽക്കണ്‌ഠ​യു​ള്ള​വ​രാ​യി​രു​ന്നു. എന്നാൽ വിദ്യാ​സ​മ്പ​ന്ന​യായ സ്‌ത്രീ അവരുടെ ദൗർബ്ബ​ല്യ​ങ്ങൾ ഓർക്കു​ന്നില്ല. പിന്നെ​യോ എല്ലാവ​രും തന്നോടു വളരെ ദയയു​ള്ള​വ​രാ​യി​രു​ന്നു എന്നതു​മാ​ത്ര​മാ​ണു് അവൾ ഓർക്കു​ന്ന​തു്. അവർ തന്നിൽ പ്രകട​മാ​ക്കിയ യഥാർത്ഥ താല്‌പ​ര്യ​ത്തിൽ അവൾക്കു മതിപ്പു തോന്നു​ക​യും ചെയ്‌തു. അവരുടെ മാതൃ​ക​യാൽ പ്രചോ​ദി​ത​മാ​യി അവൾ തന്റെ ജീവൻ ദൈവ​ത്തി​നു സമർപ്പി​ച്ചു. പെട്ടന്നു​തന്നെ അവൾ ഒരു നിരന്തര പയനിയർ എന്ന നിലയിൽ മറ്റുള്ള​വ​രിൽ നിസ്വാർത്ഥ താല്‌പ​ര്യം പ്രകട​മാ​ക്കി​ത്തു​ടങ്ങി, പിൽക്കാ​ല​ത്തു് ഒരു ബഥേൽ കുടും​ബാം​ഗ​മാ​വു​ക​യും ചെയ്‌തു.

സത്യമാ​യും ദൈവീ​കദയ അത്യന്തം അഭികാ​മ്യ​മായ ഒരു ഗുണമാ​ണു്. അതു നമ്മുടെ എല്ലാ ഇടപെ​ട​ലു​ക​ളി​ലും പ്രകട​മാ​ക്കി​യി​രി​ക്കേണ്ട ഒന്നാണു്. നിങ്ങൾ അതു പ്രകട​മാ​ക്കു​ന്നു​വോ?