രാജ്യപ്രഘോഷകർ റിപ്പോർട്ടു ചെയ്യുന്നു
സമ്മേളിതരെ അഭിനന്ദിച്ചു
“നൻമ ചെയ്യുന്നതിൽ തുടരുക, എന്നാൽ നിങ്ങൾക്കതിൽ നിന്നു പുകഴ്ച ലഭിക്കും” എന്നു അപ്പോസ്തലനായ പൗലോസ് റോമർ 13:3-ൽ പറഞ്ഞു. ബ്രസീലിലെ കഴിഞ്ഞ വർഷം “രാജ്യവർദ്ധന” സമ്മേളനങ്ങളിൽ ഇതു സത്യമായി തെളിഞ്ഞു.
ഉദാഹരണത്തിന്, ജൊ ഒ പെസോവായിലെ കൺവെൻഷനുശേഷം കൺവെൻഷൻ കമ്മിററിയോട് ക്ലബ് ഡയറക്ടർ പറഞ്ഞു: “സമ്മേളനം വിശിഷ്ടമായ വിധത്തിൽ നടത്തപ്പെട്ടതിനും നിങ്ങളുടെയും നിങ്ങളുടെ കുട്ടികളുടെയും നല്ല പെരുമാററത്തിനും ഞാൻ നിങ്ങളെ അഭിനന്ദിക്കുന്നു. മററു യാതൊരു മതസ്ഥാപനവും അപ്രകാരമുള്ള നല്ല നടത്ത പ്രകടിപ്പിക്കുന്നില്ല. ഞങ്ങൾ നിങ്ങൾക്കു വാടകക്ക് തരുമ്പോൾ ഞങ്ങൾക്കുയാതൊരു തൊന്തരവുമില്ല. ഞങ്ങളുടെ സൗകര്യങ്ങൾ നിങ്ങൾ എന്നെങ്കിലും ഉപയോഗിക്കാനാഗ്രഹിക്കുമ്പോൾ ക്ലബു വാതിലുകൾ എപ്പോഴും തുറക്കപ്പെട്ടിരിക്കും.”
മററനേകരിൽനിന്നും ഇതേ പ്രകാരമുള്ള അഭിപ്രായങ്ങൾ കേൾക്കപ്പെട്ടു.
◻ “വലിയ ജനകൂട്ടങ്ങളുമായി ഞാൻ അനേക വർഷങ്ങൾ വേല ചെയ്തിട്ടുണ്ട്, എന്നാൽ നിങ്ങളാണ് ഏററം നല്ല സംഘടിതരും, വൃത്തിയുള്ളവരും, അങ്ങേയററം സഹകരിക്കുന്നവരും.”—റയോഡിജനിറോയിലെ മറകനാസിനോ സ്റേറഡിയം അഡ്മിനിസ്ട്രേറ്റർ.
◻ “നിങ്ങളുടെ സംരംഭവുമായി എനിക്കു യഥാർത്ഥത്തിൽ നല്ല ധാരണയുണ്ട്. യേശുക്രിസ്തു ഇപ്പോൾ വരികയായിരുന്നെങ്കിൽ, അവൻ അംഗീകരിക്കുന്ന മതം നിങ്ങളുടേതായിരിക്കുമെന്നു ഞാൻ വിശ്വസിക്കുന്നു”—റയോഡിജനീറോയിലെ സമ്മേളനങ്ങളിലൊന്നിലെ ഡ്യൂട്ടിയിലുണ്ടായിരുന്ന ഒരു ഫയർമാൻ.
◻ “നിങ്ങൾ ഞങ്ങളെ [പോലീസുകാരെ] അല്പം പോലും ശല്യപ്പെടുത്തുന്നില്ല. നിങ്ങളേപ്പോലെ എല്ലാവരും ആയിരുന്നെങ്കിൽ എന്നു ഞാൻ ആഗ്രഹിക്കുന്നു. അതു അത്ഭുതകരമായിരിക്കും. ഞാൻ എന്റെ വിസിൽ ഊതുമ്പോൾ, യാതൊരു ന്യായവാദവും കൂടാതെ അനുസരിക്കപ്പെടുമെന്ന് എനിക്കറിയാം.”—കൂരിററീബാ കൺവെൻഷനിൽ നിയമിക്കപ്പെട്ടിരുന്ന ഒരു ട്രാഫിക് പോലീസുകാരൻ.
◻ “നിങ്ങളുടെ ക്രമത്തിനും അത്ഭുതമാർന്ന സ്വാത്മപ്രചോദിത ശിക്ഷണത്തിനും വേണ്ടി നിങ്ങളെ അഭിനന്ദിക്കുന്നതിനു ഈ സമയം വിനിയോഗിക്കുന്നതിനു ഞങ്ങൾ ആഗ്രഹിക്കയും ഭാവി സന്ദർഭങ്ങളിൽ നിങ്ങൾക്കു ഞങ്ങൾ എല്ലാ വിജയങ്ങളും ആശംസിക്കയും ചെയ്യുന്നു. ഭാവിയിൽ ഈ പെർഫെക്ചർ [മുനിസിപ്പാലിററി] നിങ്ങളുടെ ആവശ്യത്തിനു എപ്പോഴും ലഭ്യമായിരിക്കും.”—സാന്റോ ആൻട്രേയിലെ മേയറുടെ ഓഫീസിൽ നിന്നു കൺവെൻഷൻ ഓവർസീയർക്കു ലഭിച്ച ഒരു കത്ത്.
◻ “ഞങ്ങളുടെ ഹോട്ടൽ മുറികൾ ഉപയോഗിച്ച മററുള്ളവരുടെയും നിങ്ങളുടെയും പെരുമാററത്തിൽ ഒരു വലിയ അന്തരം ഉണ്ടായിരുന്നു. നിങ്ങളുടെ ആളുകൾ എല്ലാ ഉപകരണങ്ങളും വൃത്തിയായും ക്രമമായും സൂക്ഷിക്കയും അവരുടെ നടത്ത മററുള്ളവരോട് കുററമററ ബഹുമാനം കാണിക്കയും ചെയ്തു.”—നോവോ ഹാംബർഗ്ഗിലെ ഒരു ഹോട്ടൽ മാനേജർ.
◻ “നിങ്ങൾക്ക് നല്ല ശമ്പളം കിട്ടേണ്ടതാണ്.”—സൊറോക്കാബായിലെ കൺവെൻഷനിൽ റൊട്ടി സപ്ലൈ ചെയ്തുകൊണ്ടിരുന്ന ഒരു ബെയ്ക്കറി ഉടമസ്ഥൻ, സഹോദരങ്ങൾ അവിടെ എത്രകഠിനമായി അദ്ധ്വാനിക്കുന്നു എന്നു കണ്ടതിനു ശേഷം. അവരെല്ലാവരും ശമ്പളമില്ലത്ത സ്വമേധയാ വേലക്കാരാണെന്ന് അയാൾ മനസ്സിലാക്കിയപ്പോൾ, അയാളുടെ ബെയ്ക്കറിയിലെക്കു തിരിച്ചു പോകുകയും സഹോദരങ്ങളുടെ ശുഷ്ക്കാന്തിയും അർപ്പണബോധവും നിരീക്ഷിക്കുന്നതിന് അയാളുടെ മുഴുജോലിക്കാരുടെ കൂട്ടത്തെയും സ്റേറഡിയത്തിലേക്കു കൂട്ടിക്കൊണ്ടു വരികയും ചെയ്തു!
ബ്രസീലിലെ സമ്മേളനങ്ങൾ വാർത്താമദ്ധ്യമങ്ങളുടെ ശ്രദ്ധയിലേക്കുപോലും വന്നു. ട്രിബ്യൂണാ ഡാബാഹിയാ ഈ റിപ്പോർട്ടു നല്കി: “കൈയ്യിൽ ബൈബിളുമായി മനുഷ്യ അക്രമത്തിനും വഞ്ചനക്കും ഒരു വിശദീകരണത്തിനുവേണ്ടി അതിന്റെ വാക്യങ്ങളിൽ നോക്കിക്കൊണ്ട്, സാക്ഷികൾ രാഷ്ട്രീയ കാര്യങ്ങൾ ചർച്ച ചെയ്യുകയില്ല, സാമൂഹ്യനടപടികളിൽ ഇടപെടുകയില്ല, നേരിട്ടുള്ള തിരഞ്ഞെടുപ്പുകളേപ്പററി യാതൊരറിവുമില്ല. ഭരണാധിപൻ ആരായിരുന്നാലും അവൻ ഒരിക്കലും സമനിലയുള്ളവനായിരിക്കയില്ല, കാരണം ലോകത്തെ പൂർണ്ണമായി ഭരിക്കാൻ കഴിയുന്നവൻ ദൈവം മാത്രമേയുള്ളു എന്ന യാഥാർത്ഥ്യമാണ് ഇതിനുള്ള നീതികരണം . . . അവരുടെ വിശ്വാസത്തിന്റെ അടിസ്ഥാനം ഒരു പുതിയലോകം വരുന്നതിലാണ്. അക്ഷീണമായ ബൈബിൾ പഠനത്താലും ദുഃശീലങ്ങളെ ഒരു നിർമ്മല ഹൃദയമായി മാററുന്നതിനാലും മാത്രമേ അതു പ്രാപിക്കാൻ കഴികയുള്ളു.”
തീർച്ചയായും, യഹോവയുടെ സാക്ഷികൾ പൂർണ്ണരാണെന്നു യാതൊരവകാശവാദവും ചെയ്യുന്നില്ല, എന്നാൽ ദൈവരാജ്യം ഒരു പരിപൂർണ്ണ നൂതനക്രമം കൈവരുത്തുമെന്നു വിശ്വസിക്കുന്നു. എന്നിരുന്നാലും, അവർ 1 പത്രോസ് 2:12-ലെ ബൈബിൾ ബുദ്ധിയുപദേശം ബാധകമാക്കാൻ പരിശ്രമിച്ചു: “ജനതകളുടെയിടയിൽ നിങ്ങളുടെ നടത്ത കുററമററതായി പിരക്ഷിക്കുക . . . അവർ ദൃക്സാക്ഷികളായ നിങ്ങളുടെ സൽപ്രവൃത്തികളുടെ ഒരു ഫലമായി അവർ ദൈവത്തെ മഹത്വപ്പെടുത്തും.” (w85 11/1)
[29-ാം പേജിലെ ചിത്രം]
ക്രിസ്തീയ നടത്ത ദൈവത്തെ മഹത്വീകരിക്കുന്നു.