രാജാ​വി​നു തിരുത്തൽ കൊടു​ത്തു

‘ഇത്രയും നല്ലൊരു മനുഷ്യന്‌ എങ്ങനെ​യാണ്‌ ഇതു​പോ​ലെ മോശ​മായ കാര്യങ്ങൾ ചെയ്യാൻ പറ്റുന്നത്‌?’ തന്റെ കൂട്ടു​കാ​ര​നായ ദാവീദ്‌ രാജാ​വി​ന്റെ കൊട്ടാ​ര​ത്തി​ലേക്കു നടക്കു​മ്പോൾ നാഥാൻ പ്രവാ​ചകൻ മിക്കവാ​റും അങ്ങനെ ചിന്തി​ച്ചു​കാ​ണും. ദാവീ​ദി​നു കിട്ടാൻപോ​കുന്ന വലി​യൊ​രു ബഹുമ​തി​യെ​ക്കു​റിച്ച്‌ അദ്ദേഹ​ത്തോ​ടു പറയാൻ കുറച്ച്‌ കാലം മുമ്പ്‌ യഹോവ നാഥാ​നോ​ടു പറഞ്ഞി​രു​ന്നു, അതായത്‌, ദാവീ​ദി​ന്റെ കുടും​ബ​ത്തിൽനി​ന്നാ​യി​രി​ക്കും മിശിഹ വരുന്ന​തെന്ന കാര്യം. (2 ശമു. 7:4, 12, 13) എന്നാൽ ഇപ്പോൾ ദാവീദ്‌ വലിയ തെറ്റു​ക​ളാ​ണു ചെയ്‌തു​കൂ​ട്ടി​യി​രി​ക്കു​ന്നത്‌. അദ്ദേഹ​ത്തി​നു വേണ്ട തിരുത്തൽ കൊടു​ക്കാൻ യഹോവ നാഥാ​നോട്‌ ആവശ്യ​പ്പെട്ടു.

ദാവീദ്‌ അതൊക്കെ രഹസ്യ​മാ​യി​ട്ടാ​ണു ചെയ്‌ത​തെ​ങ്കി​ലും യഹോവ എല്ലാം കാണു​ന്നു​ണ്ടാ​യി​രു​ന്നു. എന്താണു സംഭവി​ച്ച​തെന്ന്‌ യഹോവ നാഥാ​നോ​ടു പറഞ്ഞു. ഒരു ദിവസം വൈകു​ന്നേരം ദാവീദ്‌ കൊട്ടാ​ര​ത്തി​ന്റെ മട്ടുപ്പാ​വി​ലൂ​ടെ അങ്ങോ​ട്ടു​മി​ങ്ങോ​ട്ടും നടക്കു​മ്പോൾ ഒരു സ്‌ത്രീ കുളി​ക്കു​ന്നതു കണ്ടു. അവൾ ‘അതീവ​സു​ന്ദ​രി​യാ​ണെന്നു’ കണ്ട്‌ ദാവീദ്‌ ആളയച്ച്‌ ആ സ്‌ത്രീ​യെ വരുത്തി. ഹിത്യ​നായ ഊരി​യാവ്‌ എന്ന തന്റെ വിശ്വ​സ്‌ത​പ​ട​യാ​ളി​യു​ടെ ഭാര്യ ബത്ത്‌-ശേബയാണ്‌ അതെന്ന്‌ അറിഞ്ഞി​ട്ടും ദാവീദ്‌ ആ സ്‌ത്രീ​യു​മാ​യി വ്യഭി​ചാ​രം ചെയ്‌തു. പിന്നീട്‌ താൻ ഗർഭി​ണി​യാ​യെന്ന കാര്യം ബത്ത്‌-ശേബ ദാവീ​ദി​നെ അറിയി​ച്ചു. അപ്പോൾ താൻ ചെയ്‌ത തെറ്റു മറച്ചു​വെ​ക്കാൻ ദാവീദ്‌ ശ്രമിച്ചു. ദാവീദ്‌ ആളയച്ച്‌ ഊരി​യാ​വി​നെ യുദ്ധസ്ഥ​ല​ത്തു​നിന്ന്‌ വരുത്തി​യിട്ട്‌ വീട്ടിൽ പോയി ഭാര്യ​യോ​ടൊ​പ്പം കഴിയാൻ നിർബ​ന്ധി​ച്ചു. (1 ശമുവേൽ 21:5 താരത​മ്യം ചെയ്യുക.) പക്ഷേ തന്റെ ജോലി​യോട്‌ ആത്മാർഥ​ത​യു​ണ്ടാ​യി​രുന്ന അദ്ദേഹം അതിനു തയ്യാറാ​യില്ല. അതു​കൊണ്ട്‌ ഊരി​യാവ്‌ യുദ്ധത്തിൽ മരി​ക്കേ​ണ്ട​തിന്‌, പൊരിഞ്ഞ പോരാ​ട്ടം നടക്കു​ന്നി​ടത്ത്‌ മുൻനി​ര​യി​ലാ​യി അദ്ദേഹത്തെ നിറു​ത്താൻ ദാവീദ്‌ തന്റെ സൈന്യാ​ധി​പ​നോട്‌ ആവശ്യ​പ്പെട്ടു. ആ ദുഷ്ടപ​ദ്ധതി വിജയി​ച്ചു. ഊരി​യാവ്‌ മരിച്ച​ശേഷം ദാവീദ്‌ ബത്ത്‌-ശേബയെ തന്റെ ഭാര്യ​യാ​ക്കി.

ബൈബിൾ പറയുന്നു: “ദാവീദ്‌ ചെയ്‌തത്‌ യഹോ​വ​യ്‌ക്ക്‌ ഒട്ടും ഇഷ്ടമാ​യില്ല.” അതു​കൊണ്ട്‌ ആ തെറ്റി​നെ​ക്കു​റിച്ച്‌ അദ്ദേഹ​ത്തോ​ടു പറയാൻ യഹോവ നാഥാ​നോട്‌ ആവശ്യ​പ്പെട്ടു. അതു പറയു​മ്പോൾ ദാവീദ്‌ എന്തു ചെയ്യു​മെന്ന്‌ ഓർത്ത്‌ നാഥാനു പേടി തോന്നി​ക്കാ​ണും. കാരണം ഊരി​യാ​വി​നെ കൊല്ലാൻ മടിക്കാത്ത ദാവീദ്‌, തെറ്റു ചൂണ്ടി​ക്കാ​ണിച്ച്‌ അതു തിരു​ത്താൻ ആവശ്യ​പ്പെ​ടുന്ന തന്നോ​ടും അതുതന്നെ ചെയ്യു​മോ എന്നു നാഥാൻ ചിന്തി​ച്ചി​രി​ക്കാം. ദാവീദ്‌ ചെയ്‌ത കാര്യം എത്ര മോശ​മാ​ണെന്ന്‌ അദ്ദേഹ​ത്തി​നു മനസ്സി​ലാ​ക്കി​ക്കൊ​ടു​ക്കാൻ നാഥാൻ ആഗ്രഹി​ച്ചു. പ്രവാ​ചകൻ എന്തായാ​ലും അതെക്കു​റിച്ച്‌ പ്രാർഥി​ച്ചി​ട്ടു​മുണ്ട്‌. ദാവീ​ദി​നോ​ടു പറയാൻ പറ്റിയ ഒരു ദൃഷ്ടാ​ന്ത​വും കണ്ടുപി​ടിച്ച്‌ നാഥാൻ അദ്ദേഹ​ത്തി​ന്റെ അടു​ത്തെത്തി.

ഇതായി​രു​ന്നു നാഥാൻ പറഞ്ഞ ദൃഷ്ടാന്തം: ഒരു നഗരത്തിൽ രണ്ടു പുരു​ഷ​ന്മാ​രു​ണ്ടാ​യി​രു​ന്നു. ഒരാൾ ഒരുപാട്‌ ആടുമാ​ടു​ക​ളുള്ള ഒരു ധനവാൻ, മറ്റേ ആളോ ഒരു ദരി​ദ്ര​നും. ആ ദരി​ദ്രന്‌ ഒരു ചെമ്മരി​യാ​ട്ടിൻകു​ട്ടി മാത്രമേ ഉണ്ടായി​രു​ന്നു​ള്ളൂ. അയാൾ അതിനെ സ്വന്തം മകളെ​പ്പോ​ലെ ഓമനി​ച്ചാ​ണു വളർത്തി​യി​രു​ന്നത്‌. അങ്ങനെ​യി​രി​ക്കെ ധനവാന്റെ വീട്ടി​ലേക്ക്‌ അപ്രതീ​ക്ഷി​ത​മാ​യി ഒരു അതിഥി വന്നു. അയാൾക്കു ഭക്ഷണം കൊടു​ക്കാൻ ഒരു ആടിനെ വേണം. എന്നാൽ ആ ധനവാൻ സ്വന്തം ആടുമാ​ടു​ക​ളിൽനിന്ന്‌ ഒന്നിനെ കൊല്ലാ​തെ “ആ ദരി​ദ്രന്റെ ആട്ടിൻകു​ട്ടി​യെ” കൊന്ന്‌ ഭക്ഷണം പാകം​ചെ​യ്‌ത്‌ അതിഥി​ക്കു വിളമ്പി. നാഥാൻ പറഞ്ഞതു കേട്ട​പ്പോൾ ദാവീ​ദിന്‌ ആ ധനവാ​നോ​ടു നല്ല ദേഷ്യം തോന്നി. അദ്ദേഹം പറഞ്ഞു: “യഹോ​വ​യാ​ണെ, ഇതു ചെയ്‌തവൻ മരിക്കണം!” ആ ധനവാൻ ഒട്ടും “കരുണ​യി​ല്ലാ​തെ” പ്രവർത്തി​ച്ച​തു​കൊ​ണ്ടാ​ണു ദാവീ​ദിന്‌ അത്രയ്‌ക്കു ദേഷ്യം തോന്നി​യത്‌.

വളരെ നല്ലൊരു ദൃഷ്ടാ​ന്ത​മാ​ണു നാഥാൻ പറഞ്ഞത്‌. ദാവീ​ദും മുമ്പ്‌ ഒരു ആട്ടിട​യ​നാ​യി​രു​ന്നു. മാത്രമല്ല അനീതി അദ്ദേഹം അങ്ങേയറ്റം വെറു​ക്കു​ക​യും ചെയ്‌തി​രു​ന്നു. അതു​കൊണ്ട്‌ നാഥാൻ ധൈര്യ​ത്തോ​ടെ “ആ മനുഷ്യൻ താങ്കളാണ്‌!” എന്നു പറഞ്ഞ​പ്പോൾ ദാവീദ്‌ ശരിക്കും ഞെട്ടി​പ്പോ​യി​ട്ടു​ണ്ടാ​കും. ദാവീദ്‌ ചെയ്‌ത മോശ​മായ കാര്യ​ങ്ങ​ളെ​ല്ലാം നാഥാൻ എടുത്തു​പ​റഞ്ഞു. അതെല്ലാം യഹോവ കണ്ടിരു​ന്നു. അതിന്റെ പേരിൽ ദാവീ​ദി​നു നേരി​ടാൻപോ​കുന്ന ഭവിഷ്യ​ത്തു​ക​ളെ​ക്കു​റിച്ച്‌ യഹോവ അറിയിച്ച കാര്യം നാഥാൻ ദാവീ​ദി​നോ​ടു പറഞ്ഞു. അതനു​സ​രിച്ച്‌ ദാവീ​ദി​ന്റെ കുടും​ബ​ത്തി​നു വർഷങ്ങ​ളോ​ളം അക്രമ​വും ദുരന്ത​വും നേരി​ടു​മാ​യി​രു​ന്നു. അതു കേട്ട​പ്പോൾ ദാവീദ്‌ എന്തു ചെയ്‌തു?

അദ്ദേഹം പറഞ്ഞു: “ഞാൻ യഹോ​വ​യോ​ടു പാപം ചെയ്‌തു​പോ​യി.” തന്റെ തെറ്റി​നെ​ക്കു​റിച്ച്‌ ദാവീദ്‌ ആത്മാർഥ​മാ​യി പശ്ചാത്ത​പി​ച്ചു. അപ്പോൾ നാഥാൻ പറഞ്ഞു: “യഹോവ അങ്ങയുടെ പാപം ക്ഷമിക്കു​ന്നു. അങ്ങു മരിക്കില്ല.” യഹോ​വ​യു​ടെ കരുണ​യെ​ക്കു​റി​ച്ചുള്ള ആ സന്ദേശം അറിയി​ക്കാൻ നാഥാനു ശരിക്കും സന്തോഷം തോന്നി​ക്കാ​ണും. എന്നാൽ ബത്ത്‌-ശേബയു​മാ​യി ചെയ്‌ത ആ പാപത്തി​ന്റെ ഫലമായി ദാവീ​ദിന്‌ ഒരുപാ​ടു കഷ്ടങ്ങൾ സഹി​ക്കേ​ണ്ടി​വന്നു. അവിഹി​ത​ബ​ന്ധ​ത്തിൽ ജനിച്ച മകൻ മരിച്ചു. കൂടാതെ വർഷങ്ങ​ളോ​ളം ദാവീ​ദി​ന്റെ കുടും​ബ​ത്തിന്‌ അക്രമ​വും അവിശ്വ​സ്‌ത​ത​യും വഞ്ചനയും പോലുള്ള പ്രശ്‌ന​ങ്ങ​ളും നേരി​ടേ​ണ്ടി​വന്നു.

ഇങ്ങനെ​യൊ​ക്കെ സംഭവി​ച്ചെ​ങ്കി​ലും ദാവീദ്‌ യഹോ​വ​യോ​ടു വിശ്വ​സ്‌ത​നാ​യി തുടർന്നു. മാനസാ​ന്ത​ര​പ്പെ​ടുന്ന പാപി​ക​ളോട്‌ യഹോവ എങ്ങനെ​യാ​ണു ക്ഷമിക്കു​ന്നത്‌ എന്നതി​നെ​ക്കു​റി​ച്ചുള്ള മനോ​ഹ​ര​മായ സങ്കീർത്ത​ന​ങ്ങ​ളും അദ്ദേഹം എഴുതി. (സങ്കീർത്തനം 32-ഉം 51-ഉം) രാജാവ്‌ യഹോ​വ​യു​മാ​യുള്ള തന്റെ സ്‌നേ​ഹ​ബന്ധം വീണ്ടെ​ടു​ത്തു. മാത്രമല്ല നാഥാൻ പ്രവാ​ചകൻ നൽകിയ ഉപദേ​ശ​മ​നു​സ​രിച്ച്‌ അദ്ദേഹം തുടർന്ന്‌ ജീവി​ക്കു​ക​യും ചെയ്‌തു. യഹോ​വ​യു​ടെ ഒരു വിശ്വ​സ്‌ത​ദാ​സ​നാ​യി​ട്ടാ​ണു ദാവീദ്‌ മരിച്ചത്‌. (1 രാജാ. 9:4) ഗുരു​ത​ര​മായ തെറ്റുകൾ ചെയ്‌ത ആ രാജാ​വി​നു വേണ്ട ഉപദേശം നൽകാൻ ധൈര്യം കാണി​ച്ച​തിൽ നാഥാന്‌ എത്ര സന്തോഷം തോന്നി​ക്കാ​ണും!

ബൈബിൾവി​വ​രണം വായി​ക്കുക:

• 2 ശമുവേൽ 11:1–12:18

ചർച്ച ചെയ്യാൻ:

നാഥാൻ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. നാഥാൻ ഒരു ബൈബി​ളെ​ഴു​ത്തു​കാ​രൻ ആയിരു​ന്നെ​ങ്കി​ലും അദ്ദേഹ​ത്തി​ന്റെ മാതാ​പി​താ​ക്ക​ളെ​ക്കു​റി​ച്ചോ അദ്ദേഹ​ത്തി​ന്റെ​തന്നെ ജീവി​ത​ത്തെ​ക്കു​റി​ച്ചോ നമുക്ക്‌ ഒന്നും അറിയില്ല. അദ്ദേഹം എങ്ങനെ​യുള്ള ഒരാളാ​യി​രു​ന്നി​രി​ക്കാം എന്നാണ്‌ അതു കാണി​ക്കു​ന്നത്‌? (w12 2/15 പേ. 25 ഖ. 2-3)

   നിങ്ങളുടെ ഉത്തരം

2. 2. ഊരി​യാവ്‌ ഒരു ഹിത്യ​നാ​യി​രു​ന്നു. അദ്ദേഹം എങ്ങനെ​യാ​ണു ദാവീ​ദി​ന്റെ സൈന്യ​ത്തി​ന്റെ ഭാഗമാ​യത്‌? (w24.04 പേ. 31)

   നിങ്ങളുടെ ഉത്തരം

3. 3. ദാവീ​ദി​ന്റെ കുടും​ബ​ത്തി​നു നേരി​ടാൻപോ​കുന്ന പ്രശ്‌ന​ങ്ങ​ളെ​ക്കു​റിച്ച്‌ നാഥാൻ പ്രവചി​ച്ചു. അതെല്ലാം എങ്ങനെ​യാ​ണു നിറ​വേ​റി​യത്‌? (it “ദാവീദ്‌” ഖ. 29-wcgr)

   നിങ്ങളുടെ ഉത്തരം

4. 4. ദാവീ​ദി​ന്റെ ഭരണത്തി​ന്റെ അവസാ​ന​വർഷ​ങ്ങ​ളിൽ നാഥാൻ എങ്ങനെ​യാ​ണു ധൈര്യ​ത്തോ​ടെ പ്രവർത്തി​ച്ചത്‌? (w12 2/15 പേ. 25 ഖ. 1) A

   നിങ്ങളുടെ ഉത്തരം

   

നമുക്കുള്ള പാഠങ്ങൾ

• ഗുരു​ത​ര​മായ തെറ്റു ചെയ്യുന്ന ഒരു സുഹൃ​ത്തി​നെ എങ്ങനെ സഹായി​ക്കാം എന്നതി​നെ​ക്കു​റിച്ച്‌ നാഥാ​നിൽനിന്ന്‌ നമുക്ക്‌ എന്തു പഠിക്കാം?

  നിങ്ങളുടെ ഉത്തരം

• ഒരാളു​ടെ ഹൃദയത്തെ തൊടുന്ന രീതി​യിൽ കാര്യങ്ങൾ അവതരി​പ്പി​ക്കാൻ നമുക്ക്‌ എങ്ങനെ നാഥാന്റെ മാതൃക അനുക​രി​ക്കാം? B

  നിങ്ങളുടെ ഉത്തരം

  

• നാഥാന്റെ ധൈര്യം മറ്റ്‌ ഏതെല്ലാം വിധങ്ങ​ളിൽ നിങ്ങൾക്ക്‌ അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• പുനരു​ത്ഥാ​ന​പ്പെ​ട്ടു​വ​രുന്ന നാഥാ​നോട്‌ എന്തു ചോദി​ക്കാ​നാ​ണു ഞാൻ ആഗ്രഹി​ക്കു​ന്നത്‌?

  നിങ്ങളുടെ ഉത്തരം

കൂടുതൽ അറിയാൻ

ദാവീദ്‌ ചെയ്‌ത കാര്യങ്ങൾ, അദ്ദേഹ​ത്തെ​യും കുടും​ബ​ത്തെ​യും കൂട്ടു​കാ​രെ​യും ദൈവ​മായ യഹോ​വ​യെ​യും സങ്കട​പ്പെ​ടു​ത്തി​യത്‌ എങ്ങനെ?

ഓർക്കുക: സ്‌നേഹം സ്വാർഥ​ത​യോ​ടെ തൻകാ​ര്യം നോക്കു​ന്നില്ല (1:14)

നാഥാൻ നൽകിയ ഉപദേശം വളരെ ഫലപ്ര​ദ​മാ​യി​രു​ന്നത്‌ എന്തു​കൊ​ണ്ടെന്നു കാണുക.

“തിരുത്തൽ ലഭിക്കു​മ്പോൾ താഴ്‌മ​യോ​ടെ സ്വീക​രി​ക്കുക” (വെബ്‌​സൈ​റ്റി​ലെ “ബൈബിൾപ​ഠനം രസകര​മാ​ക്കാം.”)