യഹോ​വ​യ്‌ക്കു​വേണ്ടി സംസാ​രിച്ച ഒരു ബാലൻ

ഒരർഥ​ത്തിൽ ശമുവേൽ യിഫ്‌താ​ഹി​ന്റെ മകളെ​യും ശിം​ശോ​നെ​യും പോലെ ആയിരു​ന്നെന്നു പറയാം. മൂന്നു പേരു​ടെ​യും കാര്യ​ത്തിൽ പൊതു​വായ ഒന്നുണ്ടാ​യി​രു​ന്നു: അവരുടെ മാതാ​പി​താ​ക്കൾ യഹോ​വയെ അനുസ​രി​ച്ചു; അതു മക്കളുടെ ജീവി​ത​ത്തിൽ വലിയ സ്വാധീ​നം​ചെ​ലു​ത്തി. യിഫ്‌താ​ഹി​ന്റെ മകളെ​പ്പോ​ലെ ശമു​വേ​ലും യഹോ​വ​യ്‌ക്കുള്ള പ്രത്യേ​ക​സേ​വ​ന​ത്തി​നാ​യി തന്നെത്തന്നെ വിട്ടു​കൊ​ടു​ത്തു. (1 ശമു. 2:11) ഇനി, ശിം​ശോ​നെ​പ്പോ​ലെ ശമുവേൽ ജീവി​ത​കാ​ലം മുഴുവൻ ഒരു നാസീ​രാ​യി​രു​ന്നു. (ന്യായാ. 13:7) ഈ രണ്ടു പേരെ​യും​പോ​ലെ ശമു​വേ​ലി​നും നല്ല ധൈര്യം ആവശ്യ​മാ​യി​രു​ന്നു.

ശമു​വേ​ലി​ന്റെ മുലകു​ടി നിറു​ത്തിയ ഉടനെ ഹന്ന, താൻ യഹോ​വ​യ്‌ക്കു വാക്കു കൊടു​ത്ത​തു​പോ​ലെ ശീലോ​യി​ലെ വിശു​ദ്ധ​കൂ​ടാ​ര​ത്തിൽ സേവി​ക്കു​ന്ന​തിന്‌ അവനെ കൊണ്ടു​വന്നു. ആ സമയത്ത്‌ ശമു​വേ​ലിന്‌ ഒരുപക്ഷേ മൂന്നു വയസ്സോ അതിൽ അൽപ്പം കൂടു​ത​ലോ പ്രായമേ ഉണ്ടായി​രു​ന്നു​ള്ളൂ. ഹന്ന വർഷത്തിൽ ഒരിക്കൽ പുതിയ ഉടുപ്പു​മാ​യി മകനെ കാണാൻ പോകു​മാ​യി​രു​ന്നു. ശമുവേൽ വിശു​ദ്ധ​കൂ​ടാ​ര​ത്തിൽ മഹാപു​രോ​ഹി​ത​നായ ഏലി​യോ​ടൊ​പ്പം താമസി​ച്ചു. ഏലിക്ക്‌ അപ്പോൾ നല്ല പ്രായ​മു​ണ്ടാ​യി​രു​ന്നു. ഒരുപക്ഷേ വിശു​ദ്ധ​കൂ​ടാ​ര​ത്തിൽ സേവി​ച്ചി​രുന്ന ചില സ്‌ത്രീ​കൾ കുഞ്ഞു​ശ​മു​വേ​ലി​നു വേണ്ട സഹായ​മൊ​ക്കെ ചെയ്‌തു​കൊ​ടു​ത്തു കാണും.

എന്നാൽ വിശു​ദ്ധ​കൂ​ടാ​ര​ത്തിൽ ആളുകൾ മോശ​മായ പല കാര്യ​ങ്ങ​ളും ചെയ്യു​ന്നു​ണ്ടാ​യി​രു​ന്നു. ഒരു പരിധി​വരെ ഏലിയും അതിൽ കുറ്റക്കാ​ര​നാ​യി​രു​ന്നു. അദ്ദേഹ​ത്തി​ന്റെ രണ്ടു മക്കളായ ഹൊഫ്‌നി​യും ഫിനെ​ഹാ​സും ദുഷ്ടന്മാ​രാ​യി​രു​ന്നു. യഹോ​വ​യു​ടെ വിശു​ദ്ധ​ഭ​വ​ന​ത്തിൽ സേവി​ച്ചി​രുന്ന ചില സ്‌ത്രീ​ക​ളു​മാ​യി അവർ അധാർമി​ക​പ്ര​വൃ​ത്തി​കൾ ചെയ്‌തി​രു​ന്നു. ഇനി, യഹോ​വ​യ്‌ക്ക്‌ അർപ്പി​ച്ചി​രുന്ന ബലിക​ളോ​ടും അവർ അനാദ​രവ്‌ കാണിച്ചു. സാധ്യ​ത​യ​നു​സ​രിച്ച്‌ ആളുകൾ ബലി അർപ്പി​ക്കാ​നുള്ള മൃഗങ്ങ​ളെ​യും​കൊണ്ട്‌ വിശു​ദ്ധ​കൂ​ടാ​ര​ത്തിൽ വരു​മ്പോൾ അവയുടെ ഏറ്റവും നല്ല ഭാഗം യഹോ​വ​യ്‌ക്ക്‌ അർപ്പി​ക്കു​ന്ന​തി​നു പകരം അതു കൈക്ക​ലാ​ക്കാൻ ഹൊഫ്‌നി​യും ഫിനെ​ഹാ​സും പരിചാ​ര​ക​രോട്‌ ആവശ്യ​പ്പെ​ട്ടി​രു​ന്നു. മക്കൾ ഇങ്ങനെ​യൊ​ക്കെ ചെയ്യു​ന്നു​ണ്ടെന്ന്‌ ഏലിക്ക്‌ അറിയാ​മാ​യി​രു​ന്നു. എന്നിട്ടും അദ്ദേഹം അവരെ ചെറു​താ​യി​ട്ടു തിരു​ത്തി​യതേ ഉള്ളൂ. അവർ അതു കാര്യ​മാ​യെ​ടു​ത്തു​മില്ല. ഇത്ര​യെ​ല്ലാം മോശ​മായ കാര്യങ്ങൾ അവിടെ നടന്നി​രു​ന്നെ​ങ്കി​ലും ശമുവേൽ യഹോ​വ​യു​ടെ​യും ജനത്തി​ന്റെ​യും പ്രീതി​യിൽ വളർന്നു​വന്നു. ശീലോ​യി​ലെ പ്രശ്‌ന​ങ്ങ​ളെ​ല്ലാം പരിഹ​രി​ക്കാ​നുള്ള യഹോ​വ​യു​ടെ സമയം വന്നപ്പോൾ അതെക്കു​റി​ച്ചുള്ള സന്ദേശം അറിയി​ക്കാൻ യഹോവ തിര​ഞ്ഞെ​ടു​ത്തതു ബാലനായ ശമു​വേ​ലി​നെ​യാണ്‌.

ഒരു രാത്രി ആരോ വിളി​ക്കുന്ന ശബ്ദം കേട്ട്‌ ശമുവേൽ ഉറക്കമു​ണർന്നു. യഹോവ ശമു​വേ​ലി​നെ വിളി​ച്ച​താ​യി​രു​ന്നു. എന്നാൽ ശമുവേൽ വിചാ​രി​ച്ചത്‌ ഏലിയാ​ണു തന്നെ വിളി​ക്കു​ന്ന​തെ​ന്നാണ്‌. വൃദ്ധനായ ഏലിക്ക്‌ അപ്പോൾ കാഴ്‌ച മങ്ങിയി​രു​ന്നു. ശമുവേൽ ഓടി​ച്ചെന്ന്‌ മഹാപു​രോ​ഹി​ത​നോട്‌, തന്നെ വിളി​ച്ചത്‌ എന്തിനാ​ണെന്നു ചോദി​ച്ചു. എന്നാൽ അദ്ദേഹം ശമു​വേ​ലി​നെ വിളി​ച്ചി​ല്ലാ​യി​രു​ന്നു. അതു​കൊണ്ട്‌ പോയി കിടന്നു​കൊ​ള്ളാൻ ഏലി പറഞ്ഞു. രണ്ടു പ്രാവ​ശ്യം​കൂ​ടെ അങ്ങനെ​തന്നെ സംഭവി​ച്ചു. എന്നാൽ മൂന്നാം തവണ ഏലിക്കു മനസ്സി​ലാ​യി, യഹോ​വ​യാ​ണു ശമു​വേ​ലി​നെ വിളി​ക്കു​ന്ന​തെന്ന്‌. അതു​കൊണ്ട്‌ പോയി കിടന്നു​കൊ​ള്ളാൻ അദ്ദേഹം വീണ്ടും പറഞ്ഞു. ഇനി വിളി​ച്ചാൽ, “യഹോവേ, പറഞ്ഞാ​ലും. അങ്ങയുടെ ഈ ദാസൻ ശ്രദ്ധി​ക്കു​ന്നുണ്ട്‌” എന്നു പറയാ​നും ഏലി ശമു​വേ​ലി​നോട്‌ ആവശ്യ​പ്പെട്ടു. ഏലി പറഞ്ഞതു​പോ​ലെ​തന്നെ ശമുവേൽ ചെയ്‌തു.

നാലാം തവണ യഹോവ വീണ്ടും, “ശമു​വേലേ! ശമു​വേലേ!” എന്നു വിളിച്ചു. അപ്പോൾ ശമുവേൽ, ‘പറഞ്ഞാ​ലും, അങ്ങയുടെ ദാസൻ ശ്രദ്ധി​ക്കു​ന്നുണ്ട്‌’ എന്നു പറഞ്ഞു. യഹോവ ശമു​വേ​ലി​നോ​ടു ശീലോ​യി​ലെ പ്രശ്‌ന​ങ്ങ​ളൊ​ക്കെ താൻ പരിഹ​രി​ക്കാൻ പോകു​ക​യാ​ണെ​ന്നും മക്കളെ വേണ്ട രീതി​യിൽ ശാസി​ക്കാ​ത്ത​തു​കൊണ്ട്‌ ഏലിയെ ശിക്ഷി​ക്കു​മെ​ന്നും പറഞ്ഞു. ഏലിയു​ടെ മക്കളെ​യും അദ്ദേഹ​ത്തി​ന്റെ ഭവനത്തെ മുഴു​വ​നും യഹോവ ന്യായം വിധി​ച്ചി​രി​ക്കു​ന്നു എന്ന കാര്യം ശമുവേൽ ഏലിയെ അറിയി​ക്ക​ണ​മാ​യി​രു​ന്നു.

ശമുവേൽ രാവി​ലെ​വരെ കിട​ന്നെ​ങ്കി​ലും ഉറങ്ങാൻ കഴിഞ്ഞോ എന്നൊ​ന്നും ബൈബിൾ പറയു​ന്നില്ല. നേരം പുലർന്ന​പ്പോൾ വിശു​ദ്ധ​കൂ​ടാ​ര​ത്തി​ന്റെ മുറ്റ​ത്തേ​ക്കുള്ള വാതി​ലു​കൾ തുറക്കാൻ ശമുവേൽ എഴു​ന്നേറ്റു. സ്വാഭാ​വി​ക​മാ​യും “ദിവ്യ​ദർശ​ന​ത്തെ​ക്കു​റിച്ച്‌ ഏലി​യോ​ടു പറയാൻ ശമു​വേ​ലി​നു പേടി” തോന്നി​യി​ട്ടു​ണ്ടാ​കും. അത്‌ ഏലിക്കും മനസ്സി​ലാ​യി​ക്കാ​ണും. അതു​കൊണ്ട്‌ ഏലി ശമു​വേ​ലി​നെ അടുത്ത്‌ വിളിച്ച്‌ ദൈവം എന്താണു പറഞ്ഞ​തെന്നു ചോദി​ച്ചു. “ദയവായി എന്നോട്‌ ഒന്നും ഒളിക്ക​രുത്‌” എന്നും പറഞ്ഞു.

സാധ്യ​ത​യ​നു​സ​രിച്ച്‌ ശമു​വേ​ലിന്‌ അത്‌ ഒട്ടും എളുപ്പ​മാ​യി​രു​ന്നില്ല. സ്വന്തം മുത്തച്ഛ​നോട്‌ എന്നപോ​ലുള്ള ഒരു ബഹുമാ​നം ശമു​വേ​ലിന്‌ ഏലി​യോ​ടു​ണ്ടാ​യി​രു​ന്നോ? അത്‌ എന്തുത​ന്നെ​യാ​യാ​ലും ഇസ്രാ​യേ​ലി​ലെ മഹാപു​രോ​ഹി​ത​നെന്ന നിലയിൽ ശമുവേൽ ഏലിയെ ബഹുമാ​നി​ച്ചി​രു​ന്നു. എന്നിട്ടും “ശമുവേൽ ഒന്നും മറച്ചു​വെ​ക്കാ​തെ എല്ലാം ഏലി​യോ​ടു പറഞ്ഞു.” ഒരു വലിയ ദുരന്തം തനിക്കു നേരി​ടാൻ പോകു​ക​യാ​ണെന്ന്‌ ഏലിക്ക്‌ അപ്പോൾ മനസ്സി​ലാ​യി. അപ്പോ​ഴെ​ങ്കി​ലും മക്കളെ തിരു​ത്താൻ അദ്ദേഹം തയ്യാറാ​യോ? അങ്ങനെ ചെയ്‌തെ​ന്ന​തിന്‌ ഒരു തെളി​വു​മില്ല.

ഇത്തരത്തിൽ ധൈര്യം കാണി​ച്ച​തിന്‌ യഹോവ ശമു​വേ​ലി​നെ സമൃദ്ധ​മാ​യി അനു​ഗ്ര​ഹി​ച്ചു. ‘യഹോവ ശമു​വേ​ലി​ന്റെ​കൂ​ടെ​യു​ണ്ടാ​യി​രു​ന്നു’ എന്നാണു ബൈബി​ളിൽ വായി​ക്കു​ന്നത്‌. അതു മാത്രമല്ല യഹോവ ശമു​വേ​ലി​ലൂ​ടെ ജനത്തോ​ടു സംസാ​രി​ക്കാ​നും തുടങ്ങി. ‘ശമു​വേ​ലി​ന്റെ ഒരു വാക്കു​പോ​ലും നിറ​വേ​റാ​തെ​പോ​യ​തു​മില്ല.’ ഏലി​യെ​യും മക്കളെ​യും കുറിച്ച്‌ ശമുവേൽ മുൻകൂ​ട്ടി​പ്പ​റ​ഞ്ഞ​തെ​ല്ലാം അങ്ങനെ​തന്നെ സംഭവി​ച്ചു. തുടർന്ന്‌ വർഷങ്ങ​ളോ​ളം ഇസ്രാ​യേൽ ജനതയെ നയിക്കാ​നും അവർക്കു വേണ്ട ഉപദേ​ശങ്ങൾ നൽകാ​നും യഹോവ ശമു​വേ​ലി​നെ​യാണ്‌ ഉപയോ​ഗി​ച്ചത്‌. ശമുവേൽ യഹോ​വ​യു​ടെ ഒരു പ്രവാ​ച​ക​നും ന്യായാ​ധി​പ​നും ആയി വർഷങ്ങ​ളോ​ളം വിശ്വ​സ്‌ത​മാ​യി പ്രവർത്തി​ച്ചു. ദൈവ​ത്തി​ന്റെ സഹായ​ത്താൽ കുട്ടി​ക്കാ​ല​ത്തു​തന്നെ ധൈര്യം കാണി​ക്കാൻ പഠിച്ച ശമുവേൽ തന്റെ ജീവി​ത​കാ​ല​ത്തെ​ല്ലാം ധൈര്യ​ത്തോ​ടെ യഹോ​വയെ സേവിച്ചു.

ബൈബിൾവി​വ​രണം വായി​ക്കുക:

• 1 ശമുവേൽ 1:9-11, 24-28; 2:12-36; 3:1-21; 25:1

• എബ്രായർ 11:32

ചർച്ച ചെയ്യാൻ:

ശമുവേൽ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. യഹോ​വ​യു​ടെ വിശു​ദ്ധ​കൂ​ടാ​രം സ്ഥിതി​ചെ​യ്‌തി​രുന്ന ശീലോ​യെ​ക്കു​റിച്ച്‌ വിവരി​ക്കുക. (w93 2/1 പേ. 8-9) A

   നിങ്ങളുടെ ഉത്തരം

   

   Todd Bolen/BiblePlaces.com

2. 2. വിശു​ദ്ധ​കൂ​ടാ​ര​ത്തിൽ ശമു​വേ​ലി​ന്റെ ജീവിതം എങ്ങനെ​യു​ള്ള​താ​യി​രു​ന്നു? (ia പേ. 70-71 ഖ. 9-13) B

   നിങ്ങളുടെ ഉത്തരം

   

3. 3. ശമുവേൽ “യഹോ​വയെ അടുത്ത്‌ അറിഞ്ഞി​രു​ന്നില്ല” എന്നു പറഞ്ഞി​രി​ക്കു​ന്ന​തി​ന്റെ അർഥം എന്താണ്‌? (1 ശമു. 3:7; w02 12/15 പേ. 8 ഖ. 5-6)

   നിങ്ങളുടെ ഉത്തരം

4. 4. ഏലിയു​ടെ കുടും​ബ​ത്തെ​ക്കു​റി​ച്ചുള്ള പ്രവചനം എങ്ങനെ​യാ​ണു നിറ​വേ​റി​യത്‌? (it “ഏലി, 1” ഖ. 5-7-wcgr)

   നിങ്ങളുടെ ഉത്തരം

നമുക്കുള്ള പാഠങ്ങൾ

• ശമു​വേ​ലിൽനിന്ന്‌ കുട്ടി​കൾക്ക്‌ എങ്ങനെ പിൻവ​രുന്ന കാര്യ​ങ്ങ​ളെ​ക്കു​റിച്ച്‌ പഠിക്കാം. . .

  • അനുസ​രണം കാണി​ക്കു​ന്ന​തി​നെ​ക്കു​റിച്ച്‌? (1 ശമു. 3:5)

    നിങ്ങളുടെ ഉത്തരം

  • മര്യാ​ദ​യും ആദരവും കാണി​ക്കു​ന്ന​തി​നെ​ക്കു​റിച്ച്‌? (1 ശമു. 3:6-10)

    നിങ്ങളുടെ ഉത്തരം

  • ആശ്രയ​യോ​ഗ്യർ ആയിരി​ക്കു​ന്ന​തി​നെ​ക്കു​റിച്ച്‌? (1 ശമു. 3:15) C

    നിങ്ങളുടെ ഉത്തരം

    

• ചെറു​പ്രാ​യ​ത്തി​ലുള്ള ഒരാൾക്ക്‌ എപ്പോൾ ധൈര്യ​ത്തോ​ടെ സംസാ​രി​ക്കേ​ണ്ടി​വ​ന്നേ​ക്കാം? ഇക്കാര്യ​ത്തിൽ ശമു​വേ​ലി​ന്റെ മാതൃക എങ്ങനെ സഹായി​ക്കും?

  നിങ്ങളുടെ ഉത്തരം

• ശമു​വേ​ലി​ന്റെ ധൈര്യം മറ്റ്‌ ഏതെല്ലാം വിധങ്ങ​ളിൽ നിങ്ങൾക്ക്‌ അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• പുനരു​ത്ഥാ​ന​പ്പെ​ട്ടു​വ​രുന്ന ശമു​വേ​ലി​നോട്‌ എന്തു ചോദി​ക്കാ​നാ​ണു ഞാൻ ആഗ്രഹി​ക്കു​ന്നത്‌?

  നിങ്ങളുടെ ഉത്തരം

കൂടുതൽ അറിയാൻ

കുട്ടികൾക്കും മുതിർന്ന​വർക്കും ശരിയാ​യതു ചെയ്യാ​നുള്ള ധൈര്യം എപ്പോൾ ആവശ്യ​മാ​യി​വ​ന്നേ​ക്കാം?

അവരിൽനിന്ന്‌ പഠിക്കുക—ശമുവേൽ (4:53)

ചുറ്റുമുള്ളവർ ദൈവ​ത്തോട്‌ അനുസ​ര​ണ​ക്കേടു കാണി​ച്ച​പ്പോ​ഴും ശമുവേൽ ശരിയാ​യതു ചെയ്‌തു.

“യഹോ​വയെ സേവി​ക്കാൻ ശമുവേൽ തീരു​മാ​നി​ക്കു​ന്നു” (ijwis ലേഖനം 15)