ശക്തി നഷ്ടപ്പെ​ട്ട​പ്പോ​ഴും ധൈര്യം കാണിച്ചു

ശിം​ശോൻ ഇപ്പോൾ ബുദ്ധി​മു​ട്ടേ​റിയ ഒരു സാഹച​ര്യ​ത്തി​ലാണ്‌. അദ്ദേഹം തന്റെ ശക്തിയു​ടെ രഹസ്യം വെളി​പ്പെ​ടു​ത്തി​യ​തി​ലൂ​ടെ വലി​യൊ​രു മണ്ടത്തരം കാണിച്ചു. അതു​കൊണ്ട്‌ ഫെലി​സ്‌ത്യർ അദ്ദേഹത്തെ പിടിച്ച്‌ കണ്ണുകൾ ചൂഴ്‌ന്നെ​ടു​ത്തു, എന്നിട്ട്‌ ബന്ധിച്ച്‌ തടവറ​യി​ലാ​ക്കി അടിമ​പ്പണി ചെയ്യി​പ്പി​ച്ചു. ഇപ്പോൾ ശിം​ശോന്‌ ഒന്നും കാണാൻ കഴിയു​ന്നില്ല. എങ്കിലും അദ്ദേഹ​ത്തെ​യും ദൈവ​മായ യഹോ​വ​യെ​യും ഫെലി​സ്‌ത്യർ പരിഹ​സി​ക്കു​ന്നതു കേൾക്കാം. ഇതെല്ലാം സംഭവി​ച്ചതു തന്റെ തെറ്റു​കൊ​ണ്ടാ​ണെന്നു ശിം​ശോന്‌ അറിയാ​മാ​യി​രു​ന്നു. എപ്പോ​ഴും നല്ല ധൈര്യ​ത്തോ​ടെ പ്രവർത്തി​ച്ചി​രുന്ന ഒരാളാ​യി​രു​ന്നു ശിം​ശോൻ. എന്നാൽ ശക്തി നഷ്ടപ്പെട്ട ഈ സാഹച​ര്യ​ത്തി​ലും അദ്ദേഹം ധൈര്യം കാണി​ക്കു​മാ​യി​രു​ന്നോ?

20 വർഷ​ത്തോ​ളം ശിം​ശോൻ ഇസ്രാ​യേ​ലിൽ ന്യായാ​ധി​പ​നാ​യി​രു​ന്നു. എന്നാൽ അദ്ദേഹം മറ്റു ന്യായാ​ധി​പ​ന്മാ​രെ​പ്പോ​ലെ​യാ​യി​രു​ന്നില്ല. ന്യായാ​ധി​പ​ന്മാ​രായ ബാരാ​ക്കും ഗിദെ​യോ​നും യിഫ്‌താ​ഹും ഒക്കെ ദൈവ​ത്തി​ന്റെ ശത്രു​ക്കൾക്കെ​തി​രെ പോരാ​ടി​യി​രു​ന്നത്‌ ഒരു സൈന്യ​ത്തെ ഉപയോ​ഗി​ച്ചാണ്‌. എന്നാൽ ശിം​ശോൻ ഒറ്റയ്‌ക്കാ​ണു പോരാ​ടി​യത്‌. യഹോ​വ​യു​ടെ സഹായ​ത്താൽ അദ്ദേഹം അനേകം ഫെലി​സ്‌ത്യ​രെ കൊന്നു​ക​ളഞ്ഞു. എങ്ങനെ?

ഒരിക്കൽ ശിം​ശോ​ന്റെ മാതാ​പി​താ​ക്കൾക്ക്‌ ഒരു ദൈവ​ദൂ​തൻ പ്രത്യ​ക്ഷ​പ്പെട്ട്‌, അവർക്ക്‌ ഒരു മകൻ ജനിക്കു​മെ​ന്നും അവൻ ജീവി​ത​കാ​ലം മുഴുവൻ ഒരു നാസീ​രാ​യി ജീവി​ക്കാ​നാണ്‌ യഹോവ ആഗ്രഹി​ക്കു​ന്ന​തെ​ന്നും പറഞ്ഞു. അതു​കൊണ്ട്‌ ശിം​ശോൻ മുടി മുറി​ക്ക​രു​താ​യി​രു​ന്നു. നാസീർവ്ര​ത​ക്കാർക്കുള്ള നിബന്ധ​നകൾ അനുസ​രി​ച്ചി​രുന്ന കാല​ത്തെ​ല്ലാം യഹോവ ശിം​ശോന്‌ അസാധാ​ര​ണ​മായ ശക്തി നൽകി. ഒരു ദിവസം ശിം​ശോൻ തന്റെ നേരെ വന്ന സിംഹത്തെ ആയുധ​മൊ​ന്നു​മി​ല്ലാ​തെ വെറും​കൈ​കൊണ്ട്‌ രണ്ടായി വലിച്ചു​കീ​റി. ഇസ്രാ​യേൽ ജനത്തെ അടിച്ച​മർത്തി​യി​രുന്ന ഫെലി​സ്‌ത്യർക്കെ​തി​രെ പോരാ​ടാ​നും ശിം​ശോൻ യഹോവ നൽകിയ ശക്തി ഉപയോ​ഗി​ച്ചു.

ശിം​ശോൻ കുറെ ഫെലി​സ്‌ത്യ​രെ കൊന്ന​തി​നു മറ്റു ഫെലി​സ്‌ത്യർ തങ്ങളോ​ടു പ്രതി​കാ​രം ചെയ്യു​മോ എന്ന്‌ ഇസ്രാ​യേ​ല്യർ ഭയപ്പെട്ടു. അതു​കൊണ്ട്‌ അവർ ശിം​ശോ​നെ കയറു​കൊണ്ട്‌ ബന്ധിച്ച്‌ ഫെലി​സ്‌ത്യർക്കു കൈമാ​റി. എന്നാൽ ശിം​ശോൻ ആ കയർ നൂലു​പോ​ലെ പൊട്ടി​ച്ചു​ക​ളഞ്ഞു. എന്നിട്ട്‌ ഒരു കഴുത​യു​ടെ പച്ചത്താ​ടി​യെ​ല്ലു​കൊണ്ട്‌ 1,000 ഫെലി​സ്‌ത്യ​രെ കൊന്നു. പിന്നീട്‌ ശിം​ശോൻ ഗസ്സയി​ലാ​യി​രു​ന്ന​പ്പോൾ ശത്രുക്കൾ രാത്രി മുഴുവൻ നഗരക​വാ​ട​ത്തിൽ പതിയി​രു​ന്നു. നേരം പുലരു​മ്പോൾ ശിം​ശോ​നെ കൊല്ലാ​നാ​യി​രു​ന്നു അവരുടെ പദ്ധതി. എന്നാൽ ശിം​ശോൻ അർധരാ​ത്രി​യിൽത്തന്നെ എഴു​ന്നേറ്റ്‌ നഗരക​വാ​ട​ത്തി​ന്റെ കൂറ്റൻ വാതി​ലു​ക​ളും ഇരുവ​ശ​ത്തു​മുള്ള തൂണു​ക​ളും ഓടാമ്പൽ സഹിതം പറി​ച്ചെ​ടു​ത്തു. എന്നിട്ട്‌ അതും തോളി​ലേറ്റി ഏതാണ്ട്‌ 60 കിലോ​മീ​റ്റർ അകലെ, ഹെ​ബ്രോന്‌ അടുത്തുള്ള മലയുടെ മുകളി​ലേക്കു പോയി.

തന്നെ പരാജ​യ​പ്പെ​ടു​ത്താ​നാ​കി​ല്ലെന്നു ശിം​ശോൻ വീണ്ടും​വീ​ണ്ടും തെളി​യി​ച്ചു. ദാഗോ​നെ​പ്പോ​ലുള്ള ഫെലി​സ്‌ത്യ​രു​ടെ ദൈവ​ങ്ങൾക്ക്‌ യഹോ​വ​യു​ടെ വിശ്വ​സ്‌ത​ദാ​സർക്കെ​തി​രെ പ്രവർത്തി​ക്കാ​നുള്ള ശക്തിയി​ല്ലെന്നു ശിം​ശോൻ കാണി​ച്ചു​കൊ​ടു​ത്തു. എന്നാൽ, ശിം​ശോ​നെ പരാജ​യ​പ്പെ​ടു​ത്താൻ ഫെലി​സ്‌ത്യർ ദലീല എന്ന സ്‌ത്രീ​യെ ഉപയോ​ഗി​ച്ചു.

ശിം​ശോൻ ദലീല​യു​മാ​യി സ്‌നേ​ഹ​ത്തി​ലാ​യി​രു​ന്നെ​ങ്കി​ലും അവൾ അദ്ദേഹത്തെ ചതിച്ചു. ഫെലി​സ്‌ത്യർ പണം നൽകാ​മെന്നു പറഞ്ഞ​പ്പോൾ അതു മോഹിച്ച്‌ ശിം​ശോ​ന്റെ ശക്തിയു​ടെ രഹസ്യം ചോർത്തി​ക്കൊ​ടു​ക്കാ​മെന്നു ദലീല സമ്മതിച്ചു. രഹസ്യം അറിയാൻ ദലീല ദിവസ​വും ശിം​ശോ​നെ ശല്യ​പ്പെ​ടു​ത്തി​ക്കൊ​ണ്ടി​രു​ന്നു. സഹി​കെട്ട്‌ ശിം​ശോൻ അവസാനം ആ രഹസ്യം വെളി​പ്പെ​ടു​ത്തി. തന്റെ മുടി മുറി​ച്ചാൽ ശക്തി നഷ്ടപ്പെട്ട്‌ താൻ ഒരു സാധാ​ര​ണ​മ​നു​ഷ്യ​നെ​പ്പോ​ലെ​യാ​കു​മെന്നു ശിം​ശോൻ പറഞ്ഞു. പിന്നെ, ശിം​ശോൻ ഉറങ്ങു​ന്ന​തു​വരെ ദലീല കാത്തി​രു​ന്നു. എന്നിട്ട്‌ ഒരാളെ വിളിച്ച്‌ ശിം​ശോ​ന്റെ മുടി മുറി​പ്പി​ച്ചു. അതോടെ “യഹോവ” ശിം​ശോ​നെ ‘വിട്ടു​പോ​യി.’ അദ്ദേഹ​ത്തി​ന്റെ ശക്തി നഷ്ടപ്പെട്ടു. പെട്ടെ​ന്നു​തന്നെ ഫെലി​സ്‌ത്യർ വന്ന്‌ ശിം​ശോ​നെ കീഴ്‌പെ​ടു​ത്തി, കണ്ണുകൾ ചൂഴ്‌ന്നെ​ടു​ത്തു.

പിന്നെ ഫെലി​സ്‌ത്യർ ശിം​ശോ​നെ​ക്കൊണ്ട്‌ പണി​യെ​ടു​പ്പി​ക്കാൻതു​ടങ്ങി. ഭാരമുള്ള കല്ല്‌ ഉപയോ​ഗിച്ച്‌ ധാന്യം പൊടി​ക്കുന്ന കഠിന​മായ ഒരു ജോലി​യാ​യി​രു​ന്നു അത്‌. മുമ്പ്‌ അവരെ ഉപദ്ര​വി​ച്ചി​രുന്ന ശത്രു ഇതാ, ഇപ്പോൾ അവരുടെ അടിമ​യാ​യി​രി​ക്കു​ന്നു! അവർ സന്തോ​ഷം​കൊണ്ട്‌ മതിമ​റന്നു. ശിം​ശോ​നെ പിടി​ക്കാൻ സഹായി​ച്ച​തിന്‌ അവരുടെ ദൈവ​മായ ദാഗോ​നെ സ്‌തു​തി​ക്കാ​നാ​യി ഒരു ഉത്സവം നടത്താൻ അവർ തീരു​മാ​നി​ച്ചു. അങ്ങനെ ആ ദിവസം വന്നെത്തി. ആയിര​ക്ക​ണ​ക്കിന്‌ ആളുകൾ ആ വലിയ ക്ഷേത്ര​ത്തിൽ തടിച്ചു​കൂ​ടി. കൂടാതെ, ഏകദേശം 3,000 ഫെലി​സ്‌ത്യർ കെട്ടി​ട​ത്തി​ന്റെ മുകളി​ലു​മു​ണ്ടാ​യി​രു​ന്നു. തങ്ങളെ രസിപ്പി​ക്കാ​നാ​യി ശിം​ശോ​നെ കൊണ്ടു​വ​രാൻ ഫെലി​സ്‌ത്യർ തീരു​മാ​നി​ച്ചു. അവർ തടവറ​യിൽനിന്ന്‌ ശിം​ശോ​നെ കൊണ്ടു​വന്ന്‌ കെട്ടി​ടത്തെ താങ്ങി​നി​റു​ത്തുന്ന വലിയ രണ്ടു തൂണു​കൾക്കി​ട​യിൽ നിറുത്തി. അപ്പോ​ഴേ​ക്കും ശിം​ശോ​ന്റെ തലയിൽ മുടി വളർന്നി​രു​ന്നു.

തൂണു​ക​ളിൽ തൊട്ടിട്ട്‌ ശിം​ശോൻ, മുമ്പു​ണ്ടാ​യി​രുന്ന ശക്തി തനിക്കു വീണ്ടും നൽകാൻ യഹോ​വ​യോട്‌ അപേക്ഷി​ച്ചു. തന്റെ തെറ്റി​നെ​ക്കു​റിച്ച്‌ ഓർത്ത്‌ ശിം​ശോ​നു പശ്ചാത്താ​പം തോന്നു​ന്നു​ണ്ടാ​യി​രു​ന്നു. അദ്ദേഹം ഇങ്ങനെ പ്രാർഥി​ച്ചു: “ദയവായി ഈ ഒരു പ്രാവ​ശ്യം​കൂ​ടി എന്നെ ഓർക്കേ​ണമേ. ദൈവമേ, . . . എനിക്കു ശക്തി നൽകേ​ണമേ.” എന്നിട്ട്‌ “ഞാൻ ഫെലി​സ്‌ത്യ​രോ​ടു​കൂ​ടി മരിക്കട്ടെ!” എന്ന്‌ ഉറക്കെ വിളി​ച്ചു​പ​റഞ്ഞു. തന്റെ സർവശ​ക്തി​യു​മെ​ടുത്ത്‌ ആ വലിയ തൂണുകൾ തള്ളാൻ ശ്രമി​ക്കുന്ന ശിം​ശോ​നെ ഒന്നു ഭാവന​യിൽ കാണുക. ആ തൂണുകൾ പതിയെ ഇളകാൻതു​ടങ്ങി, ഫെലി​സ്‌ത്യർക്കു ശിം​ശോ​നെ തടയാൻ കഴിയു​ന്ന​തി​നു മുമ്പു​തന്നെ തൂണുകൾ നിലം​പൊ​ത്തി. ക്ഷേത്രം തകർന്ന​ടി​ഞ്ഞു! അങ്ങനെ ശിം​ശോൻ തന്റെ അസാധാ​ര​ണ​ശക്തി അവസാ​ന​മാ​യി ഉപയോ​ഗി​ച്ചു. ഇതിലൂ​ടെ ശിം​ശോൻ താൻ മുമ്പ്‌ കൊന്ന​തി​നെ​ക്കാൾ കൂടുതൽ ശത്രു​ക്കളെ ഒറ്റയടി​ക്കു കൊന്നു.

നൂറ്റാ​ണ്ടു​കൾക്കു ശേഷം അപ്പോ​സ്‌ത​ല​നായ പൗലോസ്‌ ശക്തമായ വിശ്വാ​സ​മു​ള്ള​വ​രു​ടെ പട്ടിക​യിൽ ശിം​ശോ​ന്റെ പേരും ഉൾപ്പെ​ടു​ത്തി. ‘ബലഹീ​ന​രാ​യി​രു​ന്ന​പ്പോൾ ശക്തി നേടി​യ​വ​രെ​ക്കു​റിച്ച്‌’ പൗലോസ്‌ എഴുതി​യ​പ്പോൾ, ഉറപ്പാ​യും ധൈര്യ​ശാ​ലി​യായ ഈ ന്യായാ​ധി​പന്റെ പേരും പൗലോ​സി​ന്റെ മനസ്സി​ലു​ണ്ടാ​യി​രു​ന്നി​രി​ക്കാം.—എബ്രാ. 11:32-34.

ബൈബിൾവി​വ​രണം വായി​ക്കുക:

• ന്യായാ​ധി​പ​ന്മാർ 13:1–16:31

ചർച്ച ചെയ്യാൻ:

ശിം​ശോൻ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. ശവശരീ​ര​ങ്ങ​ളിൽ സ്‌പർശി​ച്ചി​ട്ടും ഒരു നാസീ​രാ​യി തുടരാൻ ശിം​ശോ​നു കഴിഞ്ഞത്‌ എങ്ങനെ? (w05 1/15 പേ. 30 ഖ. 1–പേ. 31 ഖ. 1)

   നിങ്ങളുടെ ഉത്തരം

2. 2. പരിശു​ദ്ധാ​ത്മാ​വി​ന്റെ സഹായ​ത്താ​ലാ​ണു ശിം​ശോൻ ഗസ്സയിൽനിന്ന്‌ ഹെ​ബ്രോ​നി​ലേക്കു വാതി​ലു​ക​ളും തൂണു​ക​ളും ചുമന്നു​കൊണ്ട്‌ പോയ​തെന്നു നമുക്ക്‌ എങ്ങനെ അറിയാം? (w04 10/15 പേ. 15 ഖ. 7-8) A

   നിങ്ങളുടെ ഉത്തരം

   

3. 3. ദലീല ഒരു ഇസ്രാ​യേ​ല്യ​സ്‌ത്രീ ആയിരി​ക്കാ​മെന്നു പറയു​ന്നത്‌ എന്തു​കൊണ്ട്‌? (w05 3/15 പേ. 28 ഖ. 3)

   നിങ്ങളുടെ ഉത്തരം

4. 4. “(തന്റെ) കണ്ണുക​ളിൽ ഒന്നിനു​വേണ്ടി” മാത്രം പ്രതി​കാ​രം ചെയ്യാൻ ശിം​ശോൻ പ്രാർഥി​ച്ചത്‌ എന്തു​കൊണ്ട്‌? (ന്യായാ. 16:28; it “ശിം​ശോൻ” ഖ. 10-wcgr)

   നിങ്ങളുടെ ഉത്തരം

നമുക്കുള്ള പാഠങ്ങൾ

• സമ്മർദം നേരി​ട്ട​പ്പോൾ ശിം​ശോൻ ദലീല​യോ​ടു തന്റെ രഹസ്യം മുഴുവൻ വെളി​പ്പെ​ടു​ത്തി. മൂപ്പന്മാർക്കും ഭാര്യ​മാർക്കും ഇതിൽനിന്ന്‌ എന്തു പഠിക്കാം? B

  നിങ്ങളുടെ ഉത്തരം

  

• ശിം​ശോൻ ഗുരു​ത​ര​മായ തെറ്റു ചെയ്‌തു. എങ്കിലും യഹോവ അദ്ദേഹത്തെ വലി​യൊ​രു വിധത്തിൽ ഉപയോ​ഗി​ച്ചു. ഇന്ന്‌ ഒരു ക്രിസ്‌ത്യാ​നി​ക്കു തെറ്റുകൾ പറ്റിയാ​ലും മടുത്തു​പി​ന്മാ​റാ​തി​രി​ക്കാൻ ശിം​ശോ​ന്റെ മാതൃക എങ്ങനെ സഹായി​ക്കും?

  നിങ്ങളുടെ ഉത്തരം

• നിങ്ങൾക്ക്‌ എങ്ങനെ ശിം​ശോ​ന്റെ ധൈര്യം അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• പുനരു​ത്ഥാ​ന​പ്പെ​ട്ടു​വ​രുന്ന ശിം​ശോ​നോട്‌ എന്തു ചോദി​ക്കാ​നാ​ണു ഞാൻ ആഗ്രഹി​ക്കു​ന്നത്‌?

  നിങ്ങളുടെ ഉത്തരം

കൂടുതൽ അറിയാൻ

ശിംശോനെ ​ചരി​ത്ര​ത്തി​ലെ അതിശ​ക്ത​ന്മാ​രിൽ ഒരാളാ​ക്കി​യത്‌ എന്താ​ണെന്നു മക്കളെ പഠിപ്പി​ക്കുക.

“പരിശു​ദ്ധാ​ത്മാവ്‌ ശിം​ശോ​നെ ശക്തി​പ്പെ​ടു​ത്തു​ന്നു” (ijwis ലേഖനം 14)

ശിംശോന്റെ കഥയിൽനിന്ന്‌ മറ്റ്‌ എന്തെല്ലാം പാഠങ്ങൾ പഠിക്കാ​നാ​കും?

“ശിം​ശോ​നെ​പ്പോ​ലെ യഹോ​വ​യിൽ ആശ്രയി​ക്കുക” (w23.09 പേ. 2-7)