യഹോ​വ​യും യേശു​വും നിങ്ങ​ളോട്‌ കാണിച്ച സ്‌നേ​ഹ​ത്തിന്‌ നന്ദിയു​ള്ള​വ​രാ​യി​രി​ക്കുക

നിങ്ങൾ ഒരിക്ക​ലും മറക്കാത്ത ഒരു വലിയ കാര്യം ഒരു സുഹൃ​ത്തോ മറ്റാ​രെ​ങ്കി​ലു​മോ നിങ്ങൾക്കു​വേണ്ടി ചെയ്‌തു​ത​ന്നി​ട്ടു​ണ്ടോ? അതി​നെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്തു തോന്നും? നിങ്ങൾക്ക്‌ ഒരുപാട്‌ സന്തോഷം തോന്നി​ല്ലേ? അതിന്‌ തിരിച്ച്‌ നന്ദി കാണി​ക്കാ​നും നിങ്ങൾക്കു തോന്നും. നമ്മളോട്‌ ഏറ്റവും വലിയ സ്‌നേ​ഹ​പ്ര​വൃ​ത്തി കാണി​ച്ചത്‌ യഹോ​വ​യും യേശു​വും ആണ്‌, മോച​ന​വില എന്ന സമ്മാനം തന്നു​കൊണ്ട്‌! അതിനു നമുക്ക്‌ എങ്ങനെ നന്ദി കാണി​ക്കാം?

1. ദൈവ​ത്തോ​ടും ക്രിസ്‌തു​വി​നോ​ടും നന്ദി കാണി​ക്കാ​വുന്ന ഒരു വിധം ഏതാണ്‌?

‘യേശു​വിൽ വിശ്വ​സി​ക്കുന്ന എല്ലാവർക്കും’ എന്നേക്കും ജീവി​ക്കാൻ കഴിയു​മെന്ന്‌ ബൈബിൾ ഉറപ്പു​ത​രു​ന്നു. (യോഹ​ന്നാൻ 3:16) യേശു​വിൽ വിശ്വ​സി​ക്കുക എന്നാൽ എന്താണ്‌? യേശു നമുക്കു​വേണ്ടി മരി​ച്ചെന്നു ബോധ്യ​മു​ണ്ടാ​യാൽ മാത്രം പോരാ. അതോ​ടൊ​പ്പം നമ്മുടെ സംസാരം, നമ്മൾ ജീവി​ത​ത്തിൽ എടുക്കുന്ന തീരു​മാ​നങ്ങൾ, ചെയ്യുന്ന കാര്യങ്ങൾ ഇവയെ​ല്ലാം ആ ബോധ്യ​ത്തി​നു ചേർച്ച​യി​ലാ​യി​രി​ക്കു​ക​യും വേണം. (യാക്കോബ്‌ 2:17) അങ്ങനെ, വിശ്വാ​സം പ്രവൃ​ത്തി​യിൽ കാണി​ക്കു​മ്പോൾ നമ്മൾ യേശു​വി​നോ​ടും യഹോ​വ​യോ​ടും ഉള്ള സ്‌നേ​ഹ​ബന്ധം ശക്തമാ​ക്കു​ക​യാണ്‌.—യോഹ​ന്നാൻ 14:21 വായി​ക്കുക.

2. യഹോ​വ​യോ​ടും യേശു​വി​നോ​ടും നന്ദി കാണി​ക്കാ​നുള്ള ഒരു പ്രത്യേക അവസരം ഏതാണ്‌?

യേശു​വി​ന്റെ ബലിമ​ര​ണ​ത്തോട്‌ വിലമ​തിപ്പ്‌ കാണി​ക്കാ​നുള്ള മറ്റൊരു വിധം നോക്കാം. മരിക്കു​ന്ന​തി​ന്റെ തലേരാ​ത്രി തന്റെ ശിഷ്യ​ന്മാ​രു​മൊത്ത്‌ യേശു ഒരു പ്രത്യേക ആചരണം ഏർപ്പെ​ടു​ത്തി. ബൈബിൾ അതിനെ “കർത്താ​വി​ന്റെ അത്താഴം” എന്നാണ്‌ വിളി​ക്കു​ന്നത്‌. ‘ക്രിസ്‌തു​വി​ന്റെ മരണത്തി​ന്റെ ഓർമ’ എന്നും ഇത്‌ അറിയ​പ്പെ​ടു​ന്നു. (1 കൊരി​ന്ത്യർ 11:20) യേശു തങ്ങൾക്കു​വേണ്ടി ജീവൻ നൽകി​യെന്ന കാര്യം അപ്പോ​സ്‌ത​ല​ന്മാ​രും പിന്നീട്‌ വരാനി​രുന്ന ക്രിസ്‌ത്യാ​നി​ക​ളും ഓർക്കാൻ വേണ്ടി​യാണ്‌ യേശു ഇങ്ങനെ​യൊ​രു ആചരണം ഏർപ്പെ​ടു​ത്തി​യത്‌. യേശു ഇങ്ങനെ കല്‌പി​ച്ചു: “എന്റെ ഓർമ​യ്‌ക്കു​വേണ്ടി ഇതു തുടർന്നും ചെയ്യുക.” (ലൂക്കോസ്‌ 22:19) ക്രിസ്‌തു​വി​ന്റെ മരണത്തി​ന്റെ ഓർമ ആചരി​ക്കാൻ കൂടി​വ​രു​മ്പോൾ നിങ്ങൾ യഹോ​വ​യും യേശു​വും കാണിച്ച ആ വലിയ സ്‌നേ​ഹ​ത്തി​നു നന്ദി കാണി​ക്കു​ക​യാണ്‌.

ആഴത്തിൽ പഠിക്കാൻ

3. പ്രവൃ​ത്തി​ക​ളി​ലൂ​ടെ നന്ദി കാണി​ക്കു​ക

നിങ്ങൾ വെള്ളത്തിൽ മുങ്ങി​ത്താ​ഴു​ക​യാ​ണെന്നു വിചാ​രി​ക്കുക. അപ്പോൾ ഒരാൾ നിങ്ങളെ രക്ഷിക്കു​ന്നു. നിങ്ങൾ ആ വ്യക്തിയെ എന്നെങ്കി​ലും മറക്കു​മോ? ആ വ്യക്തി​യോട്‌ നന്ദി കാണി​ക്കാ​നാ​യി നിങ്ങളാ​ലാ​കു​ന്ന​തെ​ല്ലാം ചെയ്യില്ലേ?

ജീവന്‌ നമ്മൾ യഹോ​വ​യോട്‌ കടപ്പെ​ട്ടി​രി​ക്കു​ന്നു. 1 യോഹ​ന്നാൻ 4:8-10 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• യേശു നമുക്കു​വേണ്ടി മരിച്ചത്‌ ഒരു വലിയ സ്‌നേ​ഹ​പ്ര​വൃ​ത്തി​യാ​യി നിങ്ങൾ കാണു​ന്നത്‌ എന്തു​കൊണ്ട്‌?

• യഹോ​വ​യും യേശു​വും നിങ്ങൾക്കു​വേണ്ടി ചെയ്‌ത കാര്യ​ങ്ങ​ളെ​ക്കു​റിച്ച്‌ ഓർക്കു​മ്പോൾ നിങ്ങൾക്ക്‌ എന്താണ്‌ തോന്നു​ന്നത്‌?

യഹോ​വ​യും യേശു​വും ചെയ്‌ത കാര്യ​ങ്ങൾക്ക്‌ നമുക്ക്‌ എങ്ങനെ നന്ദി കാണി​ക്കാം? 2 കൊരി​ന്ത്യർ 5:15; 1 യോഹ​ന്നാൻ 4:11; 5:3 എന്നീ വാക്യങ്ങൾ വായി​ക്കുക. ഓരോ വാക്യ​വും വായി​ച്ച​തി​നു ശേഷം ഈ ചോദ്യം ചർച്ച ചെയ്യുക:

• ഈ വാക്യം അനുസ​രിച്ച്‌ നമുക്ക്‌ എങ്ങനെ നന്ദി കാണി​ക്കാം?

4. യേശു​വി​നെ അനുക​രി​ക്കു​ക

നന്ദി കാണി​ക്കാ​നുള്ള മറ്റൊരു വിധം യേശു​വി​ന്റെ മാതൃക അനുക​രി​ക്കു​ന്ന​താണ്‌. 1 പത്രോസ്‌ 2:21 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• നിങ്ങൾക്ക്‌ എങ്ങനെ യേശു​വി​ന്റെ കാലടി​കൾക്ക്‌ തൊട്ടു​പി​ന്നാ​ലെ ചെല്ലാൻ കഴിയും?

5. ക്രിസ്‌തു​വി​ന്റെ മരണത്തി​ന്റെ ഓർമ ആചരി​ക്കു​ക

യേശു ഏർപ്പെ​ടു​ത്തിയ ‘കർത്താ​വി​ന്റെ അത്താഴം’ എന്ന ആചരണ​ത്തിൽ ഉൾപ്പെ​ടുന്ന കാര്യങ്ങൾ മനസ്സി​ലാ​ക്കാൻ ലൂക്കോസ്‌ 22:14, 19, 20 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ‘കർത്താ​വി​ന്റെ അത്താഴം’ എന്ന ആചരണ​ത്തിൽ എന്തൊക്കെ ഉൾപ്പെ​ടു​ന്നു?

• അപ്പവും വീഞ്ഞും എന്തി​നെ​യാണ്‌ സൂചി​പ്പി​ക്കു​ന്നത്‌?—19, 20 വാക്യങ്ങൾ കാണുക.

‘കർത്താ​വി​ന്റെ അത്താഴം’ എല്ലാ വർഷവും തന്റെ അനുഗാ​മി​കൾ ആചരി​ക്ക​ണ​മെന്ന്‌ യേശു പറഞ്ഞു. അത്‌ ആചരി​ക്കേ​ണ്ടത്‌ യേശു മരിച്ച ദിവസ​മാ​യി​രു​ന്നു. അതേ മാതൃക പിന്തു​ടർന്നു​കൊണ്ട്‌, യഹോ​വ​യു​ടെ സാക്ഷികൾ യേശു​വി​ന്റെ മരണത്തി​ന്റെ ഓർമ ആചരി​ക്കു​ന്ന​തി​നു​വേണ്ടി വർഷത്തിൽ ഒരിക്കൽ കൂടി​വ​രു​ന്നു. ഈ പ്രധാ​ന​പ്പെട്ട ആചരണ​ത്തെ​ക്കു​റിച്ച്‌ കൂടുതൽ അറിയാൻ, വീഡി​യോ കാണുക. അതിനു ശേഷം ഈ ചോദ്യം ചർച്ച ചെയ്യുക:

വീഡി​യോ: യേശു​വി​ന്റെ മരണം ഓർമി​ക്കുക (1:41)

• ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആചരി​ക്കു​ന്നത്‌ എങ്ങനെ​യാണ്‌?

അപ്പവും വീഞ്ഞും ചിഹ്നങ്ങ​ളാണ്‌. അപ്പം പ്രതി​നി​ധാ​നം ചെയ്യു​ന്നത്‌ യേശു നമുക്കു​വേണ്ടി അർപ്പിച്ച പൂർണ​ത​യുള്ള ശരീര​ത്തെ​യാണ്‌, വീഞ്ഞ്‌ യേശു​വി​ന്റെ രക്തത്തെ​യും

ചുരു​ക്ക​ത്തിൽ

യേശു​വിൽ വിശ്വ​സി​ച്ചു​കൊ​ണ്ടും യേശു​വി​ന്റെ മരണത്തി​ന്റെ ഓർമ ആചരി​ച്ചു​കൊ​ണ്ടും നമുക്കു​വേണ്ടി യേശു ചെയ്‌ത സ്‌നേ​ഹ​പ്ര​വൃ​ത്തി​ക്കു നന്ദി കാണി​ക്കാൻ കഴിയും.

ഓർക്കുന്നുണ്ടോ?

• യേശു​വിൽ വിശ്വ​സി​ക്കുക എന്നാൽ എന്താണ്‌ അർഥം?

• യഹോ​വ​യും യേശു​വും നിങ്ങൾക്കു​വേണ്ടി ചെയ്‌ത കാര്യ​ങ്ങൾക്കു നിങ്ങൾ എങ്ങനെ നന്ദി കാണി​ക്കും?

• ക്രിസ്‌തു​വി​ന്റെ മരണത്തി​ന്റെ ഓർമ ആചരി​ക്കു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

കൂടുതൽ മനസ്സി​ലാ​ക്കാൻ

ക്രിസ്‌തു നമുക്കു​വേണ്ടി മരിച്ചു എന്ന അറിവ്‌ നമ്മളെ എന്തു ചെയ്യാൻ പ്രേരി​പ്പി​ക്കണം?

യഹോവയെ മഹത്ത്വ​പ്പെ​ടു​ത്താൻ യേശു തന്റെ ശരീരം ഉപയോ​ഗി​ച്ചു (9:28)

വിശ്വാസം എന്താ​ണെ​ന്നും അത്‌ പ്രവൃ​ത്തി​യിൽ എങ്ങനെ കാണി​ക്കാം എന്നതി​നെ​ക്കു​റി​ച്ചും മനസ്സി​ലാ​ക്കുക.

“യഹോ​വ​യു​ടെ വാഗ്‌ദാ​ന​ങ്ങ​ളി​ലുള്ള നിങ്ങളു​ടെ വിശ്വാ​സം പ്രകട​മാ​ക്കുക” (വീക്ഷാ​ഗോ​പു​രം 2016 ഒക്ടോബർ)

“എനിക്ക്‌ ശുദ്ധമായ, അർഥവ​ത്തായ, പുതി​യൊ​രു ജീവിതം കിട്ടി” എന്ന ജീവി​ത​ക​ഥ​യിൽ യേശു​വി​ന്റെ മരണ​ത്തെ​ക്കു​റിച്ച്‌ കൂടു​ത​ലാ​യി പഠിച്ച ഒരു സ്‌ത്രീ​യു​ടെ അനുഭവം കാണാം.

“ബൈബിൾ ജീവി​ത​ത്തിന്‌ മാറ്റം വരുത്തു​ന്നു” (വെബ്‌​സൈ​റ്റി​ലെ ലേഖനം)

യേശുവിന്റെ മരണത്തി​ന്റെ ഓർമ ആചരി​ക്കു​മ്പോൾ ചിലർ മാത്രം അപ്പവീ​ഞ്ഞു​കൾ കഴിക്കു​ന്നത്‌ എന്തു​കൊണ്ട്‌?

“യഹോ​വ​യു​ടെ സാക്ഷികൾ മറ്റ്‌ മതങ്ങളിൽനിന്ന്‌ വ്യത്യ​സ്‌ത​മാ​യി കർത്താ​വി​ന്റെ അത്താഴം ആചരി​ക്കു​ന്നത്‌ എന്തു​കൊണ്ട്‌?” (വെബ്‌​സൈ​റ്റി​ലെ ലേഖനം)