“പാവന​ര​ഹ​സ്യ​ത്തി​ലെ ദൈവ​ജ്ഞാ​നം”

1, 2. ഏതു ‘പാവന​ര​ഹ​സ്യ​ത്തിൽ’ നമുക്കു താത്‌പ​ര്യം ഉണ്ടായി​രി​ക്കണം, എന്തു​കൊണ്ട്‌?

രഹസ്യങ്ങൾ! അവ നമ്മിൽ കൗതു​ക​മു​ണർത്തു​ക​യും നമ്മെ ആകർഷി​ക്കു​ക​യും അമ്പരപ്പി​ക്കു​ക​യും ചെയ്യുന്നു. അതു​കൊ​ണ്ടു​തന്നെ അവയെ രഹസ്യ​മാ​യി സൂക്ഷി​ക്കുക മനുഷ്യർക്കു മിക്ക​പ്പോ​ഴും പ്രയാ​സ​മാണ്‌. എന്നിരു​ന്നാ​ലും, “കാര്യം രഹസ്യ​മാ​യി സൂക്ഷി​ക്കു​ന്നതു ദൈവ​ത്തി​നു മഹത്ത്വം” എന്നു ബൈബിൾ പറയുന്നു. (സുഭാ​ഷി​തങ്ങൾ 25:2) അതെ, പരമാ​ധീശ ഭരണാ​ധി​കാ​രി​യും സ്രഷ്ടാ​വു​മായ യഹോവ ചില കാര്യങ്ങൾ, അവ വെളി​പ്പെ​ടു​ത്താ​നുള്ള തക്കസമ​യം​വരെ, മനുഷ്യ​വർഗ​ത്തി​നു രഹസ്യ​മാ​ക്കി വെക്കുന്നു. അത്‌ ഉചിത​മാണ്‌.

² എന്നിരു​ന്നാ​ലും, യഹോവ തന്റെ വചനത്തിൽ വെളി​പ്പെ​ടു​ത്തി​യി​രി​ക്കുന്ന, ആകർഷ​ക​വും അമ്പരി​പ്പി​ക്കു​ന്ന​തു​മായ ഒരു രഹസ്യ​മുണ്ട്‌. അത്‌ “ദൈ​വേ​ഷ്ട​ത്തെ​ക്കു​റി​ച്ചുള്ള പാവന​ര​ഹ​സ്യം” എന്നു വിളി​ക്ക​പ്പെ​ടു​ന്നു. (എഫെസ്യർ 1:9) അതി​നെ​ക്കു​റി​ച്ചുള്ള പഠനം നമ്മുടെ ജിജ്ഞാ​സയെ തൃപ്‌തി​പ്പെ​ടു​ത്തുക മാത്രമല്ല, നമ്മെ രക്ഷയി​ലേക്കു നയിക്കു​ക​യും ചെയ്യുന്നു. കൂടാതെ, യഹോ​വ​യു​ടെ അളവറ്റ ജ്ഞാനത്തി​ലേക്ക്‌ ഒന്നെത്തി​നോ​ക്കാ​നുള്ള അവസര​വും അതു പ്രദാനം ചെയ്യുന്നു.

ക്രമാ​നു​ഗ​ത​മാ​യി വെളി​പ്പെ​ടു​ത്തു​ന്നു

3, 4. ഉൽപത്തി 3:15-ൽ രേഖ​പ്പെ​ടു​ത്തി​യി​രി​ക്കുന്ന പ്രവചനം പ്രത്യാശ നൽകു​ന്നത്‌ എങ്ങനെ, ഏതു മർമം അഥവാ “പാവന​ര​ഹ​സ്യം” അതിൽ ഉൾപ്പെ​ട്ടി​രി​ക്കു​ന്നു?

³ ആദാമും ഹവ്വയും പാപം ചെയ്‌ത​പ്പോൾ, പൂർണ​ത​യുള്ള മനുഷ്യർ പാർക്കുന്ന ഒരു ഭൗമിക പറുദീസ സ്ഥാപി​ക്കാ​നുള്ള യഹോ​വ​യു​ടെ ഉദ്ദേശ്യം പാളി​പ്പോ​യ​താ​യി കാണ​പ്പെ​ട്ടി​രി​ക്കാം. എന്നാൽ യഹോവ സത്വരം പ്രശ്‌നം കൈകാ​ര്യം ചെയ്‌തു. യഹോവ പറഞ്ഞു: “ഞാൻ നിനക്കും (സർപ്പത്തി​നും) സ്‌ത്രീ​ക്കും തമ്മിലും നിന്റെ സന്തതി​ക്കും അവളുടെ സന്തതി​ക്കും തമ്മിലും ശത്രുത ഉണ്ടാക്കും. അവൻ നിന്റെ തല തകർക്കും; നീ അവന്റെ ഉപ്പൂറ്റി ചതയ്‌ക്കും.”—ഉൽപത്തി 3:15.

⁴ ഇവ അമ്പരപ്പി​ക്കുന്ന, നിഗൂഢ വചനങ്ങ​ളാ​യി​രു​ന്നു. ഈ സ്‌ത്രീ ആരായി​രു​ന്നു? സർപ്പം ആരായി​രു​ന്നു? സർപ്പത്തി​ന്റെ തല തകർക്കുന്ന “സന്തതി” ആരായി​രു​ന്നു? ആദാമി​നും ഹവ്വയ്‌ക്കും ഒരു ഊഹം നടത്താനേ കഴിയു​മാ​യി​രു​ന്നു​ള്ളൂ. എന്നിരു​ന്നാ​ലും, ആ അവിശ്വസ്‌ത ജോടി​യു​ടെ ഓരോ വിശ്വസ്‌ത സന്തതി​ക്കും ദൈവ​ത്തി​ന്റെ ആ വചനങ്ങൾ പ്രത്യാശ നൽകി. നീതി വിജയി​ക്കു​ക​യും യഹോ​വ​യു​ടെ ഉദ്ദേശ്യം സഫലമാ​കു​ക​യും ചെയ്യു​മാ​യി​രു​ന്നു. എന്നാൽ എങ്ങനെ? അത്‌ ഒരു മർമമാ​യി​രു​ന്നു! ബൈബിൾ അതിനെ “പാവന​ര​ഹ​സ്യ​ത്തി​ലെ ദൈവ​ജ്ഞാ​നം, മറഞ്ഞി​രി​ക്കുന്ന ജ്ഞാനം” എന്നു വിളി​ക്കു​ന്നു.—1 കൊരി​ന്ത്യർ 2:7.

5. യഹോവ തന്റെ രഹസ്യം പടിപ​ടി​യാ​യി വെളി​പ്പെ​ടു​ത്തി​യ​തി​ന്റെ കാരണം ദൃഷ്ടാന്തം സഹിതം വിശദ​മാ​ക്കുക.

⁵ ‘രഹസ്യങ്ങൾ വെളി​പ്പെ​ടു​ത്തു​ന്നവൻ’ എന്ന നിലയിൽ യഹോവ ഒടുവിൽ ഈ രഹസ്യ​ത്തി​ന്റെ നിവൃത്തി സംബന്ധിച്ച പ്രസക്ത വിശദാം​ശങ്ങൾ വെളി​പ്പെ​ടു​ത്തു​മാ​യി​രു​ന്നു. (ദാനി​യേൽ 2:28) എന്നാൽ ക്രമേണ, പടിപ​ടി​യാ​യി​ട്ടാ​യി​രി​ക്കും യഹോവ അതു ചെയ്യുക. ദൃഷ്ടാ​ന്ത​ത്തിന്‌, ഒരു കൊച്ചു​കു​ട്ടി തന്റെ പിതാ​വി​നോട്‌ “പപ്പാ, ഞാൻ എങ്ങനെ​യാണ്‌ ഉണ്ടായത്‌?” എന്നു ചോദി​ക്കു​ന്നു​വെന്നു കരുതുക. സ്‌നേ​ഹ​മുള്ള ഒരു പിതാവ്‌ ഏതു വിധത്തി​ലാ​യി​രി​ക്കും മറുപടി നൽകുക? ആ കുട്ടിക്ക്‌ ഗ്രഹി​ക്കാ​വു​ന്നി​ട​ത്തോ​ളം വിവര​ങ്ങളേ ജ്ഞാനി​യായ ഒരു പിതാവു നൽകു​ക​യു​ള്ളൂ. അവനു പ്രായ​മേറി വരു​മ്പോൾ പിതാവ്‌ അവനോ​ടു കൂടുതൽ കാര്യങ്ങൾ പറയും. സമാന​മായ വിധത്തിൽ, തന്റെ ഹിത​ത്തെ​യും ഉദ്ദേശ്യ​ത്തെ​യും സംബന്ധിച്ച വെളി​പ്പെ​ടു​ത്ത​ലു​കൾ സ്വീക​രി​ക്കാൻ തന്റെ ജനം എപ്പോൾ സജ്ജരാ​കും എന്ന്‌ യഹോ​വ​യ്‌ക്ക്‌ അറിയാം.—സുഭാ​ഷി​തങ്ങൾ 4:18; ദാനി​യേൽ 12:4.

6. (എ) ഒരു ഉടമ്പടി അല്ലെങ്കിൽ കരാർ ഏത്‌ ഉദ്ദേശ്യ​ത്തിന്‌ ഉതകുന്നു? (ബി) യഹോവ മനുഷ്യ​രു​മാ​യി ഉടമ്പടി​ക​ളിൽ ഏർപ്പെ​ടു​ന്നതു ശ്രദ്ധേ​യ​മാ​യി​രി​ക്കു​ന്നത്‌ എന്തു​കൊണ്ട്‌?

⁶ യഹോവ അത്തരം വെളി​പ്പെ​ടു​ത്ത​ലു​കൾ നടത്തി​യത്‌ എങ്ങനെ​യാണ്‌? വളരെ​യ​ധി​കം കാര്യങ്ങൾ വെളി​പ്പെ​ടു​ത്തു​ന്ന​തിന്‌ യഹോവ ഉടമ്പടി​ക​ളു​ടെ അഥവാ കരാറു​ക​ളു​ടെ ഒരു പരമ്പര​തന്നെ ഉപയോ​ഗി​ച്ചു. നിങ്ങൾ എപ്പോ​ഴെ​ങ്കി​ലും ഒരു കരാറിൽ ഒപ്പിട്ടി​രി​ക്കാൻ സാധ്യ​ത​യുണ്ട്‌—ഒരുപക്ഷേ ഒരു വീടു വാങ്ങു​ന്ന​തി​നോ​ടോ പണം കടം വാങ്ങു​ന്ന​തി​നോ​ടോ കടം കൊടു​ക്കു​ന്ന​തി​നോ​ടോ ഉള്ള ബന്ധത്തിൽ. അത്തര​മൊ​രു കരാർ, സമ്മതിച്ച വ്യവസ്ഥകൾ പാലി​ക്ക​പ്പെ​ടും എന്നതിന്‌ നിയമ​പ​ര​മായ ഒരു ഉറപ്പു നൽകുന്നു. എന്നാൽ യഹോ​വ​യ്‌ക്ക്‌ മനുഷ്യ​രു​മാ​യി ഔപചാ​രിക ഉടമ്പടി​കൾ അഥവാ കരാറു​കൾ ചെയ്യേ​ണ്ട​തി​ന്റെ ആവശ്യ​മെന്ത്‌? തീർച്ച​യാ​യും, യഹോ​വ​യു​ടെ വചനം യഹോ​വ​യു​ടെ വാഗ്‌ദാ​ന​ങ്ങ​ളു​ടെ മതിയായ ഉറപ്പാണ്‌. എന്നിരു​ന്നാ​ലും, പല സന്ദർഭ​ങ്ങ​ളി​ലും ദൈവം ദയാപൂർവം നിയമ​പ​ര​മായ കരാറു​കൾകൊണ്ട്‌ തന്റെ വചനത്തി​നു പിൻബലം കൊടു​ത്തി​രി​ക്കു​ന്നു. ഉരുക്കു​പോ​ലെ ഉറപ്പേ​റിയ ഈ ഉടമ്പടി​കൾ യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വ​സി​ക്കു​ന്ന​തിന്‌ അപൂർണ മനുഷ്യ​രായ നമുക്കു കുറെ​ക്കൂ​ടെ ഈടുറ്റ അടിസ്ഥാ​നം നൽകുന്നു.—എബ്രായർ 6:16-18.

അബ്രാ​ഹാ​മു​മാ​യുള്ള ഉടമ്പടി

7, 8. (എ) യഹോവ അബ്രാ​ഹാ​മു​മാ​യി ഏത്‌ ഉടമ്പടി ചെയ്‌തു, അത്‌ പാവന​ര​ഹ​സ്യ​ത്തി​ന്മേൽ എന്തു വെളിച്ചം വീശി? (ബി) വാഗ്‌ദത്ത സന്തതി​യി​ലേ​ക്കുള്ള വംശാ​വലി യഹോവ പടിപ​ടി​യാ​യി ഒരുക്കി​യത്‌ എങ്ങനെ?

⁷ പറുദീ​സ​യിൽനിന്ന്‌ മനുഷ്യൻ പുറത്താ​ക്ക​പ്പെട്ട്‌ രണ്ടായി​ര​ത്തിൽപ്പരം വർഷത്തി​നു ശേഷം യഹോവ തന്റെ വിശ്വസ്‌ത ദാസനായ അബ്രാ​ഹാ​മി​നോട്‌ ഇങ്ങനെ പറഞ്ഞു: ‘ഞാൻ നിന്റെ സന്തതിയെ ആകാശ​ത്തി​ലെ നക്ഷത്ര​ങ്ങൾപോ​ലെ വർധി​പ്പി​ക്കും; നീ എന്റെ വാക്കു കേട്ടനു​സ​രി​ച്ച​തു​കൊണ്ട്‌ നിന്റെ സന്തതി​യി​ലൂ​ടെ ഭൂമി​യി​ലെ സകല ജനതക​ളും അനു​ഗ്രഹം നേടും.’ (ഉൽപത്തി 22:17, 18) ഇത്‌ ഒരു വാഗ്‌ദാ​ന​ത്തി​ലും കവിഞ്ഞ​താ​യി​രു​ന്നു; യഹോവ നിയമ​പ​ര​മായ ഒരു ഉടമ്പടി​യെന്ന നിലയിൽ അതിനെ രൂപ​പ്പെ​ടു​ത്തു​ക​യും തന്റെ അലംഘ​നീ​യ​മായ ആണയാൽ അതിനു പിൻബലം കൊടു​ക്കു​ക​യും ചെയ്‌തു. (ഉൽപത്തി 17:1, 2; എബ്രായർ 6:13-15) പരമാ​ധി​കാ​രി​യാം കർത്താവ്‌ മനുഷ്യ​വർഗത്തെ അനു​ഗ്ര​ഹി​ക്കാൻ ഒരു കരാർ ചെയ്‌തു എന്നത്‌ എത്ര ശ്രദ്ധേ​യ​മാണ്‌!

⁸ വാഗ്‌ദത്ത സന്തതി ഒരു മനുഷ്യ​നാ​യി വരു​മെന്ന്‌ അബ്രാ​ഹാ​മ്യ ഉടമ്പടി വെളി​പ്പെ​ടു​ത്തി, കാരണം അവൻ അബ്രാ​ഹാ​മി​ന്റെ ഒരു സന്തതി ആയിരി​ക്കു​മാ​യി​രു​ന്നു. എന്നാൽ അവൻ ആരായി​രി​ക്കും? അബ്രാ​ഹാ​മി​ന്റെ പുത്ര​നായ യിസ്‌ഹാക്ക്‌ സന്തതി​യു​ടെ ഒരു പൂർവി​ക​നാ​യി​രി​ക്കു​മെന്ന്‌ യഹോവ കാല​ക്ര​മ​ത്തിൽ വെളി​പ്പെ​ടു​ത്തി. യിസ്‌ഹാ​ക്കി​ന്റെ രണ്ടു പുത്ര​ന്മാ​രിൽ യാക്കോബ്‌ തിര​ഞ്ഞെ​ടു​ക്ക​പ്പെട്ടു. (ഉൽപത്തി 21:12; 28:13, 14) പിന്നീട്‌, യാക്കോബ്‌ തന്റെ 12 പുത്ര​ന്മാ​രിൽ ഒരുവനെ സംബന്ധിച്ച്‌ ഈ പ്രാവ​ച​നിക വാക്കുകൾ ഉച്ചരിച്ചു: “ശീലോ (“ഇത്‌ ആർക്ക്‌ അവകാ​ശ​പ്പെ​ട്ട​തോ അവൻ,” അടിക്കു​റിപ്പ്‌) വരുന്ന​തു​വരെ ചെങ്കോൽ യഹൂദ​യിൽനി​ന്നും അധികാ​ര​ദണ്ഡ്‌ അവന്റെ പാദങ്ങൾക്കി​ട​യിൽനി​ന്നും നീങ്ങി​പ്പോ​കില്ല. ജനങ്ങളു​ടെ അനുസ​രണം അവനോ​ടാ​കും.” (ഉൽപത്തി 49:10) അങ്ങനെ, സന്തതി യഹൂദ​യിൽനിന്ന്‌ ഉത്ഭവി​ക്കുന്ന ഒരു രാജാവ്‌ ആയിരി​ക്കു​മെന്ന്‌ വെളി​പ്പെ​ടു​ത്ത​പ്പെട്ടു!

ഇസ്രാ​യേ​ലു​മാ​യുള്ള ഉടമ്പടി

9, 10. (എ) യഹോവ ഇസ്രാ​യേൽ ജനതയു​മാ​യി ഏത്‌ ഉടമ്പടി ചെയ്‌തു, ആ ഉടമ്പടി ഏതു സംരക്ഷണം നൽകി? (ബി) മനുഷ്യ​വർഗ​ത്തിന്‌ ഒരു മോച​ന​വില ആവശ്യ​മാ​ണെന്ന്‌ മോശ​യു​ടെ നിയമം പ്രകട​മാ​ക്കി​യത്‌ എങ്ങനെ?

⁹ ബി.സി. 1513-ൽ യഹോവ പാവന​ര​ഹ​സ്യ​ത്തെ സംബന്ധിച്ച കൂടു​ത​ലായ വെളി​പ്പെ​ടു​ത്ത​ലു​കൾക്കു വഴി​യൊ​രു​ക്കിയ ഒരു ക്രമീ​ക​രണം ചെയ്‌തു. അബ്രാ​ഹാ​മി​ന്റെ സന്തതി​ക​ളായ, ഇസ്രാ​യേൽ ജനതയു​മാ​യി യഹോവ ഒരു ഉടമ്പടി ചെയ്‌തു. ഈ മോ​ശൈക ഉടമ്പടി ഇപ്പോൾ പ്രാബ​ല്യ​ത്തി​ലി​ല്ലെ​ങ്കി​ലും അത്‌ വാഗ്‌ദത്ത സന്തതിയെ ഉളവാ​ക്കാ​നുള്ള യഹോ​വ​യു​ടെ ഉദ്ദേശ്യ​ത്തി​ന്റെ ഒരു അവിഭാ​ജ്യ ഘടകമാ​യി​രു​ന്നു. എങ്ങനെ? മൂന്നു വിധങ്ങൾ പരിചി​ന്തി​ക്കുക. ഒന്നാമ​താ​യി, മോശ​യു​ടെ നിയമം ഒരു സംരക്ഷക ചുവർപോ​ലെ​യാ​യി​രു​ന്നു. (എഫെസ്യർ 2:14) അതിലെ നീതി​നി​ഷ്‌ഠ​മായ നിയമങ്ങൾ ജൂതന്മാർക്കും ജനതക​ളിൽപ്പെ​ട്ട​വർക്കും ഇടയ്‌ക്ക്‌ ഒരു മതിൽക്കെ​ട്ടു​പോ​ലെ വർത്തിച്ചു. അങ്ങനെ മോശ​യു​ടെ നിയമം വാഗ്‌ദത്ത സന്തതി​യു​ടെ വംശാ​വ​ലി​യെ സംരക്ഷി​ക്കാൻ സഹായ​ക​മാ​യി. ഏറെയും അത്തരം സംരക്ഷ​ണ​ത്തി​ന്റെ ഫലമായി, യഹൂദാ​ഗോ​ത്ര​ത്തിൽ മിശിഹ ജനിക്കു​ന്ന​തി​നുള്ള ദൈവ​ത്തി​ന്റെ തക്കസമയം വന്നെത്തു​ന്ന​തു​വരെ ഇസ്രാ​യേൽ ജനത സ്ഥിതി​ചെ​യ്‌തു.

¹⁰ രണ്ടാമ​താ​യി, മനുഷ്യ​വർഗ​ത്തിന്‌ ഒരു മോച​ന​വില ആവശ്യ​മാ​ണെന്നു മോശ​യു​ടെ നിയമം വളരെ വ്യക്തമാ​യി പ്രകട​മാ​ക്കി. തികവുറ്റ ആ നിയമം, അതി​നോ​ടു പൂർണ​മാ​യി പറ്റിനിൽക്കാൻ പാപി​ക​ളായ മനുഷ്യ​വർഗം അപ്രാ​പ്‌ത​രാ​ണെന്നു വ്യക്തമാ​ക്കി. അങ്ങനെ അത്‌ “വാഗ്‌ദാ​നം കിട്ടിയ സന്തതി വരുന്ന​തു​വരെ ലംഘനങ്ങൾ വെളി​പ്പെ​ടാൻ” ഉപകരി​ച്ചു. (ഗലാത്യർ 3:19) മോശ​യു​ടെ നിയമം മൃഗബ​ലി​കൾ മുഖേന പാപങ്ങൾക്കു താത്‌കാ​ലിക പരിഹാ​രം നൽകി. എന്നാൽ പൗലോസ്‌ എഴുതി​യ​തു​പോ​ലെ, “കാളക​ളു​ടെ​യും കോലാ​ടു​ക​ളു​ടെ​യും രക്തത്തിനു പാപങ്ങളെ ഇല്ലാതാ​ക്കാ​നാ​കില്ല” എന്നതി​നാൽ ആ യാഗങ്ങൾ, മോച​ന​വി​ല​യാ​യി ക്രിസ്‌തു അർപ്പിച്ച യാഗത്തെ മുൻനി​ഴ​ലാ​ക്കുക മാത്രമേ ചെയ്‌തു​ള്ളൂ. (എബ്രായർ 10:1-4) അങ്ങനെ വിശ്വ​സ്‌ത​രായ ജൂതന്മാ​രെ സംബന്ധി​ച്ചി​ട​ത്തോ​ളം ആ ഉടമ്പടി ‘ക്രിസ്‌തു​വി​ലേക്കു നയിക്കുന്ന രക്ഷാകർത്താവ്‌’ ആയിത്തീർന്നു.—ഗലാത്യർ 3:24.

11. നിയമ​യു​ട​മ്പടി ഇസ്രാ​യേ​ലിന്‌ ഏതു മഹത്തായ പ്രത്യാശ നൽകി, എന്നാൽ ഒരു ജനതയെന്ന നിലയിൽ അവർ അതു നഷ്ടമാ​ക്കി​യത്‌ എങ്ങനെ?

¹¹ മൂന്നാ​മ​താ​യി, ആ ഉടമ്പടി ഇസ്രാ​യേൽ ജനതയ്‌ക്ക്‌ മഹത്തായ ഒരു പ്രത്യാശ നൽകി. ഉടമ്പടി​യോ​ടു വിശ്വ​സ്‌ത​രാ​യി​രു​ന്നാൽ അവർ “രാജ-പുരോ​ഹി​ത​ന്മാ​രും വിശു​ദ്ധ​ജ​ന​ത​യും” ആയിത്തീ​രു​മെന്നു യഹോവ അവരോ​ടു പറഞ്ഞു. (പുറപ്പാട്‌ 19:5, 6) കാലാ​ന്ത​ര​ത്തിൽ ജഡിക ഇസ്രാ​യേ​ല്യ​രിൽനിന്ന്‌ സ്വർഗീയ പുരോ​ഹിത രാജത്വ​ത്തി​ലെ ആദ്യ അംഗങ്ങൾ തിര​ഞ്ഞെ​ടു​ക്ക​പ്പെട്ടു. എന്നിരു​ന്നാ​ലും, ഇസ്രാ​യേൽ ഒരു ജനതയെന്ന നിലയിൽ നിയമ​യു​ട​മ്പ​ടി​യോ​ടു മത്സരി​ക്കു​ക​യും മിശി​ഹൈക സന്തതിയെ തള്ളിക്ക​ള​യു​ക​യും ആ പ്രത്യാശ നഷ്ടപ്പെ​ടു​ത്തു​ക​യും ചെയ്‌തു. അപ്പോൾ പുരോ​ഹിത രാജത്വ​ത്തി​ലെ അംഗസം​ഖ്യ തികയ്‌ക്കു​ന്നത്‌ ആരായി​രി​ക്കും? ആ അനുഗൃ​ഹീത ജനത വാഗ്‌ദത്ത സന്തതി​യോ​ടു ബന്ധപ്പെ​ട്ടി​രി​ക്കു​ന്നത്‌ എങ്ങനെ? പാവന​ര​ഹ​സ്യ​ത്തി​ന്റെ ആ വശങ്ങൾ ദൈവ​ത്തി​ന്റെ തക്കസമ​യത്ത്‌ വെളി​പ്പെ​ടു​മാ​യി​രു​ന്നു.

ദാവീ​ദിക രാജ്യ ഉടമ്പടി

12. യഹോവ ദാവീ​ദു​മാ​യി എന്ത്‌ ഉടമ്പടി ചെയ്‌തു, അത്‌ ദൈവ​ത്തി​ന്റെ പാവന​ര​ഹ​സ്യ​ത്തി​ലേക്ക്‌ എന്ത്‌ വെളിച്ചം വീശി?

¹² ബി.സി. 11-ാം നൂറ്റാ​ണ്ടിൽ മറ്റൊരു ഉടമ്പടി ചെയ്‌ത​പ്പോൾ, യഹോവ പാവന​ര​ഹ​സ്യ​ത്തി​ന്മേൽ കൂടു​ത​ലായ വെളിച്ചം വീശി. വിശ്വ​സ്‌ത​നായ ദാവീദ്‌ രാജാ​വി​നോട്‌ യഹോവ ഇങ്ങനെ വാഗ്‌ദാ​നം ചെയ്‌തു: ‘നിന്റെ കാലം കഴിഞ്ഞ്‌ ഞാൻ നിന്റെ സന്തതിയെ എഴു​ന്നേൽപ്പി​ക്കും. അവന്റെ രാജ്യാ​ധി​കാ​രം ഞാൻ സുസ്ഥി​ര​മാ​ക്കും. അവന്റെ രാജ്യാ​ധി​കാ​ര​ത്തി​ന്റെ സിംഹാ​സനം ഞാൻ ഒരിക്ക​ലും ഇളകി​പ്പോ​കാത്ത വിധം സുസ്ഥി​ര​മാ​യി സ്ഥാപി​ക്കും.’ (2 ശമുവേൽ 7:12, 13; സങ്കീർത്തനം 89:3) അങ്ങനെ, വാഗ്‌ദത്ത സന്തതി​യു​ടെ വംശാ​വലി ദാവീ​ദി​ന്റെ ഗൃഹത്തി​ലാ​യി ഒതുങ്ങി. എന്നാൽ ഒരു സാധാരണ മനുഷ്യന്‌ എന്നേക്കും ഭരിക്കാൻ കഴിയു​മോ? (സങ്കീർത്തനം 89:20, 29, 34-36) അങ്ങനെ​യുള്ള ഒരു മാനുഷ രാജാ​വിന്‌ മനുഷ്യ​വർഗത്തെ പാപത്തിൽനി​ന്നും മരണത്തിൽനി​ന്നും വിടു​വി​ക്കാൻ കഴിയു​മോ?

13, 14. (എ) സങ്കീർത്തനം 110 അനുസ​രിച്ച്‌ യഹോവ തന്റെ അഭിഷിക്ത രാജാ​വി​നോട്‌ എന്തു വാഗ്‌ദാ​നം ചെയ്യുന്നു? (ബി) വരാനി​രി​ക്കുന്ന സന്തതി​യെ​ക്കു​റിച്ച്‌ കൂടു​ത​ലായ ഏതു വെളി​പ്പെ​ടു​ത്ത​ലു​കൾ യഹോ​വ​യു​ടെ പ്രവാ​ച​ക​ന്മാ​രി​ലൂ​ടെ നൽക​പ്പെട്ടു?

¹³ ദൈവ​പ്ര​ചോ​ദി​ത​നാ​യി ദാവീദ്‌ എഴുതി: “യഹോവ എന്റെ കർത്താ​വി​നോ​ടു പറഞ്ഞു: ‘ഞാൻ നിന്റെ ശത്രു​ക്കളെ നിന്റെ പാദപീ​ഠ​മാ​ക്കു​ന്ന​തു​വരെ എന്റെ വലതു​വ​ശത്ത്‌ ഇരിക്കുക.’ ‘നീ എന്നെന്നും മൽക്കീ​സേ​ദെ​ക്കി​നെ​പ്പോ​ലുള്ള പുരോ​ഹി​തൻ!’ എന്ന്‌ യഹോവ ആണയി​ട്ടി​രി​ക്കു​ന്നു; ദൈവം മനസ്സു മാറ്റില്ല.” (സങ്കീർത്തനം 110:1, 4) ദാവീ​ദി​ന്റെ വാക്കുകൾ വാഗ്‌ദത്ത സന്തതി​യു​ടെ അഥവാ മിശി​ഹ​യു​ടെ കാര്യ​ത്തിൽ നിവൃ​ത്തി​യേറി. (പ്രവൃ​ത്തി​കൾ 2:34ബി-36) ഈ രാജാവ്‌ യരുശ​ലേ​മിൽനി​ന്നല്ല, പിന്നെ​യോ സ്വർഗ​ത്തിൽ യഹോ​വ​യു​ടെ “വലതു​വ​ശത്ത്‌” നിന്നു ഭരിക്കും. അത്‌ അവന്‌ ഇസ്രാ​യേൽ ദേശത്ത്‌ മാത്രമല്ല, മുഴു​ഭൂ​മി​മേ​ലും അധികാ​രം കൊടു​ക്കും. (സങ്കീർത്തനം 2:6-8) ഇവിടെ കൂടു​ത​ലാ​യി ചിലതു വെളി​പ്പെട്ടു. മിശിഹ “മൽക്കീ​സേ​ദെ​ക്കി​നെ​പ്പോ​ലുള്ള പുരോ​ഹി​തൻ” ആയിരി​ക്കു​മെന്ന്‌ യഹോവ ആണയി​ട്ടി​രി​ക്കു​ന്നതു ശ്രദ്ധി​ക്കുക. അബ്രാ​ഹാ​മി​ന്റെ നാളിൽ ഒരു രാജ-പുരോ​ഹി​തൻ ആയി സേവിച്ച മൽക്കീ​സേ​ദെ​ക്കി​നെ​പ്പോ​ലെ വരാനി​രി​ക്കുന്ന സന്തതിക്ക്‌ രാജാ​വും പുരോ​ഹി​ത​നും ആയിരി​ക്കാ​നുള്ള നിയമനം ലഭിക്കു​ന്നത്‌ ദൈവ​ത്തിൽനിന്ന്‌ നേരി​ട്ടാ​യി​രി​ക്കും!—ഉൽപത്തി 14:17-20.

¹⁴ വർഷങ്ങ​ളി​ലു​ട​നീ​ളം തന്റെ പാവന​ര​ഹ​സ്യ​ത്തെ​ക്കു​റിച്ച്‌ കൂടു​ത​ലായ വെളി​പ്പെ​ടു​ത്ത​ലു​കൾ നടത്താൻ യഹോവ തന്റെ പ്രവാ​ച​ക​ന്മാ​രെ ഉപയോ​ഗി​ച്ചു. ദൃഷ്ടാ​ന്ത​ത്തിന്‌, സന്തതി ബലിമ​രണം വരിക്കു​മെന്ന്‌ യശയ്യ വെളി​പ്പെ​ടു​ത്തി. (യശയ്യ 53:3-12) മിശി​ഹ​യു​ടെ ജനനസ്ഥലം മീഖ മുൻകൂ​ട്ടി​പ്പ​റഞ്ഞു. (മീഖ 5:2) സന്തതി​യു​ടെ പ്രത്യ​ക്ഷ​ത​യു​ടെ​യും മരണത്തി​ന്റെ​യും കൃത്യ​സ​മ​യം​പോ​ലും ദാനി​യേൽ പ്രവചി​ച്ചു.—ദാനി​യേൽ 9:24-27.

പാവന​ര​ഹ​സ്യം വെളി​പ്പെ​ടു​ന്നു!

15, 16. (എ) യഹോ​വ​യു​ടെ പുത്രൻ ഒരു ‘സ്‌ത്രീ​യിൽനിന്ന്‌ ജനിച്ചത്‌’ എങ്ങനെ? (ബി) യേശു മാനുഷ മാതാ​പി​താ​ക്ക​ളിൽനിന്ന്‌ എന്ത്‌ അവകാ​ശ​പ്പെ​ടു​ത്തി, യേശു വാഗ്‌ദത്ത സന്തതി​യാ​യി വന്നെത്തി​യത്‌ എപ്പോൾ?

¹⁵ സന്തതി യഥാർഥ​ത്തിൽ പ്രത്യ​ക്ഷ​പ്പെ​ടു​ന്ന​തു​വരെ ഈ പ്രവച​നങ്ങൾ എങ്ങനെ നിവൃ​ത്തി​യേ​റും എന്നത്‌ ഒരു മർമമാ​യി തുടർന്നു. ഗലാത്യർ 4:4 പറയുന്നു: ‘കാലം തികഞ്ഞ​പ്പോൾ ദൈവം സ്വന്തം പുത്രനെ അയച്ചു. ആ പുത്രൻ സ്‌ത്രീ​യിൽനിന്ന്‌ ജനിച്ചു.’ ബി.സി. 2-ാം ആണ്ടിൽ മറിയ എന്നു പേരുള്ള ഒരു ജൂതക​ന്യ​ക​യോട്‌ ഒരു ദൂതൻ പറഞ്ഞു: “നീ ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ക്കും. നീ അവന്‌ യേശു എന്നു പേരി​ടണം. അവൻ മഹാനാ​കും. അത്യു​ന്ന​തന്റെ മകൻ എന്നു വിളി​ക്ക​പ്പെ​ടും. ദൈവ​മായ യഹോവ അവന്‌, പിതാ​വായ ദാവീ​ദി​ന്റെ സിംഹാ​സനം കൊടു​ക്കും. . . . പരിശു​ദ്ധാ​ത്മാവ്‌ നിന്റെ മേൽ വരും. അത്യു​ന്ന​തന്റെ ശക്തി നിന്റെ മേൽ നിഴലി​ടും. അക്കാര​ണ​ത്താൽ, ജനിക്കാ​നി​രി​ക്കു​ന്നവൻ വിശു​ദ്ധ​നെന്ന്‌, ദൈവ​ത്തി​ന്റെ മകനെന്ന്‌, വിളി​ക്ക​പ്പെ​ടും.”—ലൂക്കോസ്‌ 1:31, 32, 35.

¹⁶ പിന്നീട്‌, യഹോവ തന്റെ പുത്രന്റെ ജീവനെ സ്വർഗ​ത്തിൽനിന്ന്‌ മറിയ​യു​ടെ ഗർഭപാ​ത്ര​ത്തി​ലേക്കു മാറ്റി. തന്നിമി​ത്തം യേശു ഒരു സ്‌ത്രീ​യിൽനിന്ന്‌ ജനിച്ചു. മറിയ ഒരു അപൂർണ സ്‌ത്രീ ആയിരു​ന്നു. എന്നിട്ടും യേശു അവളിൽനിന്ന്‌ അപൂർണത അവകാ​ശ​പ്പെ​ടു​ത്തി​യില്ല, എന്തു​കൊ​ണ്ടെ​ന്നാൽ യേശു “ദൈവ​പു​ത്രൻ” ആയിരു​ന്നു. എന്നാൽ അതോ​ടൊ​പ്പം, ദാവീ​ദി​ന്റെ പിൻഗാ​മി​കൾ എന്ന നിലയിൽ യേശു​വി​ന്റെ മാനുഷ മാതാ​പി​താ​ക്കൾ ദാവീ​ദി​ന്റെ ഒരു പിന്തു​ടർച്ച​ക്കാ​രന്റെ സ്വാഭാ​വി​ക​വും നിയമ​പ​ര​വു​മായ അവകാ​ശങ്ങൾ യേശു​വി​നു കൈമാ​റി. (പ്രവൃ​ത്തി​കൾ 13:22, 23) എ.ഡി. 29-ൽ യേശു​വി​ന്റെ സ്‌നാ​ന​സ​മ​യത്ത്‌ യഹോവ യേശു​വി​നെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യു​ക​യും “ഇവൻ എന്റെ പ്രിയ​പു​ത്രൻ” എന്നു പറയു​ക​യും ചെയ്‌തു. (മത്തായി 3:16, 17) അങ്ങനെ സന്തതി പ്രത്യ​ക്ഷ​നാ​യി! (ഗലാത്യർ 3:16) പാവന​ര​ഹ​സ്യ​ത്തെ​ക്കു​റിച്ച്‌ കൂടുതൽ വെളി​പ്പെ​ടു​ത്താ​നുള്ള സമയമാ​യി​രു​ന്നു അത്‌.—2 തിമൊ​ഥെ​യൊസ്‌ 1:10.

17. ഉൽപത്തി 3:15-ന്റെ അർഥത്തി​ന്മേൽ വെളിച്ചം ചൊരി​യ​പ്പെ​ട്ടത്‌ എങ്ങനെ?

¹⁷ യേശു തന്റെ ശുശ്രൂ​ഷ​ക്കാ​ലത്ത്‌ ഉൽപത്തി 3:15-ലെ സർപ്പത്തെ സാത്താ​നാ​യും സർപ്പത്തി​ന്റെ സന്തതിയെ സാത്താന്റെ അനുഗാ​മി​ക​ളാ​യും തിരി​ച്ച​റി​യി​ച്ചു. (മത്തായി 23:33; യോഹ​ന്നാൻ 8:44) പിന്നീട്‌, ഇവരെ​ല്ലാം എന്നേക്കു​മാ​യി എങ്ങനെ തകർക്ക​പ്പെ​ടും എന്നു വെളി​പ്പെ​ടു​ത്ത​പ്പെട്ടു. (വെളി​പാട്‌ 20:1-3, 10, 15) സ്‌ത്രീ, ‘മീതെ​യുള്ള യരുശ​ലേം’ അല്ലെങ്കിൽ ദൈവ​ത്തി​ന്റെ ഭാര്യ, അതായത്‌ ആത്മസൃ​ഷ്ടി​കൾ അടങ്ങിയ യഹോ​വ​യു​ടെ സംഘട​ന​യു​ടെ സ്വർഗീ​യ​ഭാ​ഗം, ആണെന്നു തിരി​ച്ച​റി​യി​ക്ക​പ്പെട്ടു.a—ഗലാത്യർ 4:26; വെളി​പാട്‌ 12:1-6.

പുതിയ ഉടമ്പടി

18. ‘പുതിയ ഉടമ്പടി​യു​ടെ’ ഉദ്ദേശ്യം എന്ത്‌?

¹⁸ ഒരുപക്ഷേ ഏറ്റവും ശ്രദ്ധേ​യ​മായ വെളി​പ്പെ​ടു​ത്തൽ ഉണ്ടായത്‌ യേശു​വി​ന്റെ മരണത്തി​ന്റെ തലേ രാത്രി​യിൽ ആയിരു​ന്നു, തന്റെ വിശ്വസ്‌ത ശിഷ്യ​ന്മാ​രോട്‌ ‘പുതിയ ഉടമ്പടി​യെ’ കുറിച്ച്‌ യേശു പറഞ്ഞ സമയത്ത്‌. (ലൂക്കോസ്‌ 22:20) അതിന്റെ മുൻനി​ഴ​ലായ നിയമ​യു​ട​മ്പ​ടി​യെ​പ്പോ​ലെ ഈ പുതിയ ഉടമ്പടി ഒരു ‘രാജകീയ പുരോ​ഹി​ത​സം​ഘത്തെ’ ഉളവാ​ക്ക​ണ​മാ​യി​രു​ന്നു. (പുറപ്പാട്‌ 19:6; 1 പത്രോസ്‌ 2:9) എന്നിരു​ന്നാ​ലും, ഈ ഉടമ്പടി ഒരു ജഡിക ജനതയെ അല്ല, പിന്നെ​യോ ഒരു ആത്മീയ ജനതയെ, ‘ദൈവ​ത്തി​ന്റെ ഇസ്രാ​യേ​ലി​നെ’ സ്ഥാപി​ക്കു​മാ​യി​രു​ന്നു. അത്‌ പൂർണ​മാ​യും ക്രിസ്‌തു​വി​ന്റെ വിശ്വസ്‌ത അഭിഷിക്ത അനുഗാ​മി​കൾ ചേർന്നു രൂപം​കൊ​ള്ളു​ന്നത്‌ ആയിരി​ക്കു​മാ​യി​രു​ന്നു. (ഗലാത്യർ 6:16) പുതിയ ഉടമ്പടി​യി​ലെ ഈ കക്ഷികൾ മനുഷ്യ​വർഗത്തെ അനു​ഗ്ര​ഹി​ക്കു​ന്ന​തിൽ യേശു​വി​നോ​ടു കൂടെ പ്രവർത്തി​ക്കും!

19. (എ) ഒരു ‘രാജകീയ പുരോ​ഹി​ത​സം​ഘത്തെ’ ഉളവാ​ക്കു​ന്ന​തിൽ പുതിയ ഉടമ്പടി വിജയി​ക്കു​ന്നത്‌ എന്തു​കൊണ്ട്‌? (ബി) അഭിഷിക്ത ക്രിസ്‌ത്യാ​നി​കൾ ഒരു “പുതിയ സൃഷ്ടി” എന്നു വിളി​ക്ക​പ്പെ​ടു​ന്നത്‌ എന്തു​കൊണ്ട്‌, എത്രപേർ ക്രിസ്‌തു​വി​നോ​ടു​കൂ​ടെ സ്വർഗ​ത്തിൽ സേവി​ക്കും?

¹⁹ എന്നാൽ മനുഷ്യ​വർഗത്തെ അനു​ഗ്ര​ഹി​ക്കാൻ ഒരു ‘രാജകീയ പുരോ​ഹി​ത​സം​ഘത്തെ’ ഉളവാ​ക്കു​ന്ന​തിൽ പുതിയ ഉടമ്പടി വിജയി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ ക്രിസ്‌തു​വി​ന്റെ ശിഷ്യരെ പാപി​ക​ളാ​യി കുറ്റം​വി​ധി​ക്കു​ന്ന​തി​നു പകരം അത്‌ ക്രിസ്‌തു​വി​ന്റെ ബലി മുഖാ​ന്തരം അവരുടെ പാപങ്ങ​ളു​ടെ മോചനം സാധ്യ​മാ​ക്കു​ന്നു. (യിരെമ്യ 31:31-34) യഹോ​വ​യു​ടെ മുമ്പാകെ അവർക്കു ശുദ്ധമായ ഒരു നില ലഭിക്കു​മ്പോൾ യഹോവ അവരെ തന്റെ സ്വർഗീയ കുടും​ബ​ത്തി​ലേക്കു ദത്തെടു​ക്കു​ക​യും പരിശു​ദ്ധാ​ത്മാ​വു​കൊണ്ട്‌ അഭി​ഷേകം ചെയ്യു​ക​യും ചെയ്യുന്നു. (റോമർ 8:15-17; 2 കൊരി​ന്ത്യർ 1:21) അങ്ങനെ അവർ ‘സ്വർഗ​ത്തിൽ കരുതി​വെ​ച്ചി​രി​ക്കുന്ന’ ‘ജീവനുള്ള ഒരു പ്രത്യാ​ശ​യി​ലേക്കു പുതു​ജ​നനം’ പ്രാപി​ക്കു​ന്നു. (1 പത്രോസ്‌ 1:3-5) അത്തരം ഒരു ഉയർന്ന പദവി മനുഷ്യ​രെ സംബന്ധി​ച്ചി​ട​ത്തോ​ളം തികച്ചും പുതി​യ​താ​ക​യാൽ ആത്മജനനം പ്രാപിച്ച അഭിഷിക്ത ക്രിസ്‌ത്യാ​നി​കൾ ഒരു “പുതിയ സൃഷ്ടി” എന്നു വിളി​ക്ക​പ്പെ​ടു​ന്നു. (2 കൊരി​ന്ത്യർ 5:17) കാലാ​ന്ത​ര​ത്തിൽ, വീണ്ടെ​ടു​ക്ക​പ്പെ​ടുന്ന മനുഷ്യ​വർഗത്തെ സ്വർഗ​ത്തിൽനിന്ന്‌ ഭരിക്കു​ന്ന​തിൽ 1,44,000 പേർ പങ്കുപ​റ്റു​മെന്നു ബൈബിൾ വെളി​പ്പെ​ടു​ത്തു​ന്നു.—വെളി​പാട്‌ 5:9, 10; 14:1-4.

20. (എ) എ.ഡി. 36-ൽ പാവന​ര​ഹ​സ്യം സംബന്ധിച്ച്‌ എന്തു വെളി​പ്പെ​ടു​ത്തൽ ഉണ്ടായി? (ബി) അബ്രാ​ഹാ​മി​നോ​ടു വാഗ്‌ദാ​നം ചെയ്‌ത അനു​ഗ്ര​ഹങ്ങൾ ആർ ആസ്വദി​ക്കും?

²⁰ യേശു​വി​നോ​ടൊ​പ്പം ഈ അഭിഷി​ക്തർ “അബ്രാ​ഹാ​മി​ന്റെ സന്തതി” ആയിത്തീ​രു​ന്നു.b (ഗലാത്യർ 3:29) ആദ്യമാ​യി തിര​ഞ്ഞെ​ടു​ക്ക​പ്പെ​ട്ടവർ ജഡിക ജൂതന്മാർ ആയിരു​ന്നു. എ.ഡി. 36-ൽ പാവന​ര​ഹ​സ്യ​ത്തി​ന്റെ മറ്റൊരു വശം വെളി​പ്പെ​ടു​ത്ത​പ്പെട്ടു: ജനതക​ളിൽപ്പെ​ട്ടവർ അല്ലെങ്കിൽ ജൂതര​ല്ലാ​ത്ത​വർകൂ​ടെ സ്വർഗീയ പ്രത്യാ​ശ​യിൽ പങ്കുപ​റ്റും. (റോമർ 9:6-8; 11:25, 26; എഫെസ്യർ 3:5, 6) അഭിഷിക്ത ക്രിസ്‌ത്യാ​നി​കൾ മാത്രമേ അബ്രാ​ഹാ​മി​നോ​ടു വാഗ്‌ദാ​നം ചെയ്‌ത അനു​ഗ്ര​ഹങ്ങൾ ആസ്വദി​ക്കു​ക​യു​ള്ളോ? അല്ല, കാരണം യേശു​വി​ന്റെ ബലി മുഴു ലോക​ത്തി​നും പ്രയോ​ജനം ചെയ്യുന്നു. (1 യോഹ​ന്നാൻ 2:2) കാല​ക്ര​മ​ത്തിൽ, എണ്ണമി​ല്ലാത്ത ഒരു “മഹാപു​രു​ഷാ​രം” സാത്താന്റെ വ്യവസ്ഥി​തി​യെ അതിജീ​വി​ക്കും എന്നു യഹോവ വെളി​പ്പെ​ടു​ത്തി. (വെളി​പാട്‌ 7:9, 14) പറുദീ​സ​യിൽ എന്നേക്കും ജീവി​ക്കാ​നുള്ള പ്രത്യാ​ശ​യോ​ടെ അനേകർ പുനരു​ത്ഥാ​നം പ്രാപി​ക്കും.—ലൂക്കോസ്‌ 23:43; യോഹ​ന്നാൻ 5:28, 29; വെളി​പാട്‌ 20:11-15; 21:3-5.

ദൈവ​ത്തി​ന്റെ ജ്ഞാനവും പാവന​ര​ഹ​സ്യ​വും

21, 22. യഹോ​വ​യു​ടെ പാവന​ര​ഹ​സ്യം യഹോ​വ​യു​ടെ ജ്ഞാനം പ്രകട​മാ​ക്കു​ന്നത്‌ ഏതു വിധങ്ങ​ളിൽ?

²¹ പാവന​ര​ഹ​സ്യം ‘ദൈവ​ത്തി​ന്റെ ബഹുമു​ഖ​ജ്ഞാ​ന​ത്തി​ന്റെ’ ഒരു മുന്തിയ പ്രകട​ന​മാണ്‌. (എഫെസ്യർ 3:8-10) ഈ രഹസ്യം രൂപ​പ്പെ​ടു​ത്തു​ന്ന​തി​ലും അതു​പോ​ലെ ക്രമേണ അതു വെളി​പ്പെ​ടു​ത്തു​ന്ന​തി​ലും യഹോവ എത്ര വലിയ ജ്ഞാനമാ​ണു പ്രകട​മാ​ക്കി​യത്‌! ജ്ഞാനപൂർവം യഹോവ മനുഷ്യ​രു​ടെ പരിമി​തി​കൾ കണക്കി​ലെ​ടു​ത്തു, തങ്ങളുടെ യഥാർഥ ഹൃദയാ​വസ്ഥ വെളി​പ്പെ​ടു​ത്താൻ യഹോവ അവരെ അനുവ​ദി​ച്ചു.—സങ്കീർത്തനം 103:14.

²² യേശു​വി​നെ രാജാ​വാ​യി തിര​ഞ്ഞെ​ടു​ത്ത​തി​ലും യഹോവ കിടയറ്റ ജ്ഞാനം പ്രകട​മാ​ക്കി. യഹോ​വ​യു​ടെ പുത്രൻ അഖിലാ​ണ്ഡ​ത്തി​ലെ മറ്റ്‌ ഏതൊരു സൃഷ്ടി​യെ​ക്കാ​ളും വിശ്വാ​സ​യോ​ഗ്യ​നാണ്‌. ജഡരക്ത​ങ്ങ​ളോ​ടു കൂടിയ ഒരു മനുഷ്യ​നാ​യി ജീവി​ച്ച​തി​നാൽ യേശു​വിന്‌ അനേകം യാതനകൾ അനുഭ​വി​ക്കേ​ണ്ടി​വന്നു. മനുഷ്യ​രു​ടെ പ്രശ്‌നങ്ങൾ യേശു​വി​നു പൂർണ​മാ​യി ഗ്രഹി​ക്കാ​നാ​കും. (എബ്രായർ 5:7-9) യേശു​വി​ന്റെ സഹഭര​ണാ​ധി​കാ​രി​കളെ സംബന്ധി​ച്ചെന്ത്‌? നൂറ്റാ​ണ്ടു​ക​ളിൽ ഉടനീളം എല്ലാ വർഗങ്ങ​ളി​ലും ഭാഷക​ളി​ലും പശ്ചാത്ത​ല​ങ്ങ​ളി​ലും നിന്നുള്ള സ്‌ത്രീ​പു​രു​ഷ​ന്മാർ അഭിഷി​ക്ത​രു​ടെ നിരയി​ലേക്കു വന്നിരി​ക്കു​ന്നു. അവർ അനുഭ​വി​ക്കു​ക​യും തരണം ചെയ്യു​ക​യും ചെയ്യാത്ത പ്രശ്‌നങ്ങൾ ഇല്ലെന്നു​തന്നെ പറയാം. (എഫെസ്യർ 4:22-24) കരുണാ​സ​മ്പ​ന്ന​രായ ഈ രാജ-പുരോ​ഹി​ത​ന്മാ​രു​ടെ ഭരണത്തിൻകീ​ഴിൽ ജീവി​ക്കു​ന്നത്‌ എത്ര ഉല്ലാസ​ക​ര​മാ​യി​രി​ക്കും!

23. യഹോ​വ​യു​ടെ പാവന​ര​ഹ​സ്യ​ത്തോ​ടുള്ള ബന്ധത്തിൽ ക്രിസ്‌ത്യാ​നി​കൾക്ക്‌ എന്തു പദവി​യുണ്ട്‌?

²³ അപ്പോ​സ്‌ത​ല​നായ പൗലോസ്‌ എഴുതി: “ഈ പാവന​ര​ഹ​സ്യം, കഴിഞ്ഞു​പോയ വ്യവസ്ഥി​തി​കൾക്കും തലമു​റ​കൾക്കും മറഞ്ഞി​രു​ന്നെ​ങ്കി​ലും ഇപ്പോൾ അതു ദൈവ​ത്തി​ന്റെ വിശു​ദ്ധർക്കു വെളി​പ്പെ​ടു​ത്തി​ക്കി​ട്ടി​യി​രി​ക്കു​ന്നു.” (കൊ​ലോ​സ്യർ 1:26) അതെ, യഹോ​വ​യു​ടെ അഭിഷി​ക്തർ ഈ പാവന​ര​ഹ​സ്യ​ത്തെ​ക്കു​റിച്ച്‌ വളരെ​യ​ധി​കം മനസ്സി​ലാ​ക്കി​യി​രി​ക്കു​ന്നു, അങ്ങനെ​യുള്ള പരിജ്ഞാ​നം അവർ ദശലക്ഷ​ങ്ങ​ളു​മാ​യി പങ്കു​വെ​ക്കു​ക​യും ചെയ്‌തി​രി​ക്കു​ന്നു. നമു​ക്കെ​ല്ലാം എത്ര വലിയ പദവി​യാ​ണു​ള്ളത്‌! യഹോവ ‘തന്റെ ഇഷ്ടത്തെ​ക്കു​റി​ച്ചുള്ള പാവന​ര​ഹ​സ്യം നമുക്കു വെളി​പ്പെ​ടു​ത്തി​ത്ത​ന്നി​രി​ക്കു​ന്നു.’ (എഫെസ്യർ 1:9) മഹത്തായ ഈ രഹസ്യം മറ്റുള്ള​വ​രു​മാ​യി പങ്കു​വെ​ച്ചു​കൊണ്ട്‌ ദൈവ​മായ യഹോ​വ​യു​ടെ അളവറ്റ ജ്ഞാനത്തി​ലേക്ക്‌ ഉറ്റു​നോ​ക്കാൻ നമുക്ക്‌ അവരെ സഹായി​ക്കാം!