യൂറോ​പ്യൻ ആരോ​ഗ്യ​വും സുരക്ഷ​യും

ബ്രിട്ടനിലെ ഉണരുക! ലേഖകൻ

വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റി​യു​ടെ ലോകാ​സ്ഥാ​ന​ത്തും 109 ബ്രാഞ്ച്‌ ഓഫീ​സു​ക​ളി​ലു​മാ​യി 16,000-ത്തിലധി​കം സ്‌ത്രീ​പു​രു​ഷ​ന്മാർ ജോലി ചെയ്യുന്നു. ഈ സ്വമേ​ധയാ സേവക​രിൽ ചിലർ അച്ചടി​ശാ​ല​ക​ളി​ലും വർക്ക്‌ഷാ​പ്പു​ക​ളി​ലും ജോലി ചെയ്യു​മ്പോൾ മറ്റു ചിലർ യന്ത്രങ്ങ​ളു​ടെ പരിപാ​ലന ചുമതല വഹിക്കു​ന്നു. നിയമ​നങ്ങൾ എന്തുതന്നെ ആയിരു​ന്നാ​ലും അവർ ഓരോ​രു​ത്ത​രും ജീവനും ആരോ​ഗ്യ​ത്തി​നും സംരക്ഷണം ഉറപ്പു​വ​രു​ത്തുന്ന നല്ല ജോലി​ശീ​ലങ്ങൾ ഉള്ളവരാണ്‌.

1997-ലെ യൂറോ​പ്യൻ സുരക്ഷാ-ആരോഗ്യ വാരത്തെ തുടർന്ന്‌ 1998-ൽ, ബ്രിട്ടൻ ബ്രാഞ്ച്‌ ലണ്ടനിലെ മിൽ ഹില്ലി​ലുള്ള അതിന്റെ ഫാക്ടറി​യിൽ പുലർത്തുന്ന ഉയർന്ന നിലവാ​ര​ത്തിന്‌ പരസ്യ​മായ അംഗീ​കാ​രം ലഭിച്ചു. “യൂറോ​പ്യൻ സുരക്ഷാ-ആരോഗ്യ വാരം—1997-ലെ അവാർഡ്‌ ജേതാവ്‌” എന്ന്‌ ആലേഖനം ചെയ്‌ത ഒരു പളുങ്കു പാത്രം സൊ​സൈ​റ്റി​ക്കു സമ്മാനി​ക്ക​പ്പെട്ടു. മഹത്തായ ഈ അവാർഡ്‌ ലഭിക്കു​ന്ന​തി​ലേക്കു നയിച്ചത്‌ എന്താണ്‌?

1994-ൽ വാച്ച്‌ ടവർ സൊ​സൈറ്റി, ജോലി ചെയ്യു​മ്പോൾ പുറത്തി​നു​ണ്ടാ​കുന്ന തകരാ​റു​കൾ എങ്ങനെ കുറയ്‌ക്കാം എന്നതിനെ കുറി​ച്ചുള്ള വിശദ​മായ ഒരു അപഗ്രഥന റിപ്പോർട്ട്‌ ഹെൽത്ത്‌ ആൻഡ്‌ സേഫ്‌റ്റി എക്‌സി​ക്യൂ​ട്ടീ​വിന്‌ (എച്ച്‌എസ്‌ഇ) സമർപ്പി​ക്കു​ക​യു​ണ്ടാ​യി. അതിന്റെ ഫലമായി സൊ​സൈ​റ്റിക്ക്‌ ഒരു എച്ച്‌എസ്‌ഇ സർട്ടി​ഫി​ക്കറ്റ്‌ ലഭിച്ചു. പിന്നീട്‌ 1996-ൽ സൊ​സൈ​റ്റി​യോട്‌ ആരോ​ഗ്യ​ത്തി​നും സുരക്ഷ​യ്‌ക്കും വേണ്ടി അതു കൈ​ക്കൊ​ള്ളുന്ന നടപടി​കളെ കുറിച്ച്‌ ഒരു ചെറിയ റിപ്പോർട്ടു തയ്യാറാ​ക്കാൻ ആവശ്യ​പ്പെട്ടു. അതേ തുടർന്ന്‌, ആരോഗ്യ-സുരക്ഷാ രംഗത്തെ “വിലപ്പെട്ട സംഭാ​വ​ന​കൾക്കാ​യി വാച്ച്‌ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റിക്ക്‌” ഒരു സർട്ടി​ഫി​ക്കറ്റ്‌ ലഭിച്ചു.

അടുത്ത വർഷം, അതായത്‌ 1997-ൽ, എച്ച്‌എസ്‌ഇ അതിന്റെ യൂറോ​പ്യൻ ആരോഗ്യ-സുരക്ഷാ പ്രചാ​ര​ണ​പ​രി​പാ​ടി​യിൽ പങ്കു​ചേ​രാൻ വാച്ച്‌ ടവറിനെ ക്ഷണിച്ചു. പ്രതി​ക​ര​ണ​മെന്ന നിലയിൽ, ഒരു മരപ്പണി​ശാ​ല​യിൽ ഉപയോ​ഗി​ക്കുന്ന ഓരോ യന്ത്രോ​പ​ക​ര​ണ​വും പൊടി നീക്കം ചെയ്യു​ന്ന​തി​നുള്ള ഒരു മുഖ്യ സംവി​ധാ​ന​ത്തോ​ടു ഘടിപ്പി​ച്ചു​കൊണ്ട്‌ 90 ശതമാനം പൊടി​യും 100 ശതമാനം മരക്കണി​ക​ക​ളും നീക്കം​ചെ​യ്യാൻ കഴിയു​മെന്ന്‌ കാണി​ച്ചു​കൊ​ണ്ടുള്ള വിശദ​മായ ഒരു പ്രബന്ധം സൊ​സൈറ്റി സമർപ്പി​ച്ചു. 250 പൗണ്ടിൽ (16,000 രൂപ) താഴെ മാത്രം ചെലവു വരുന്ന ഈ സജ്ജീക​ര​ണ​ങ്ങ​ളു​ടെ ചിത്ര​ങ്ങ​ളും മറ്റും പ്രബന്ധ​ത്തിൽ ഉൾപ്പെ​ടു​ത്തി​യി​രു​ന്നു.

അങ്ങനെ, മറ്റ്‌ 29 അവാർഡു ജേതാ​ക്ക​ളോ​ടൊ​പ്പം യൂറോ​പ്യൻ കമ്മീഷ​ന്റെ​യും ബ്രിട്ടീഷ്‌ ഗവൺമെ​ന്റി​ന്റെ​യും പ്രതി​നി​ധി​ക​ളെ​യും ആരോഗ്യ-സുരക്ഷാ കമ്മീഷൻ ചെയർമാ​നെ​യും കാണാ​നുള്ള ക്ഷണം സൊ​സൈ​റ്റി​ക്കു ലഭിച്ചു. ആലേഖനം ചെയ്‌ത പാത്രം സമ്മാനി​ക്കവെ ആരോഗ്യ-സുരക്ഷാ കമ്മീഷൻ ചെയർമാൻ പറഞ്ഞു: “വാച്ച്‌ ടവർ, നിങ്ങൾ തീർച്ച​യാ​യും അഭിന​ന്ദനം അർഹി​ക്കു​ന്നു!”

[31-ാം പേജിലെ ചിത്രങ്ങൾ]

വാച്ച്‌ ടവറിന്‌ അതിന്റെ ഉയർന്ന ആരോഗ്യ-സുരക്ഷാ നിലവാ​ര​ങ്ങൾക്ക്‌ ലഭിച്ചി​ട്ടുള്ള അവാർഡു​കൾ