കഥകൾ പരി​ശോ​ധി​ക്കൽ

മാലാ​ഖ​മാ​രെ കണ്ടതാ​യുള്ള ആധുനി​ക​കാല കഥക​ളോട്‌ ആളുകൾ പ്രതി​ക​രി​ക്കു​ന്നതു പല വിധങ്ങ​ളി​ലാണ്‌. അതു വിശ്വ​സി​ക്കുന്ന ഒരു കൂട്ടം ആളുക​ളുണ്ട്‌. അത്തരം വളരെ​യ​ധി​കം കഥകൾ ഉള്ളതു​കൊ​ണ്ടും അവ വളരെ പ്രചാരം സിദ്ധി​ച്ചി​രി​ക്കു​ന്ന​തു​കൊ​ണ്ടും അവ സത്യമാ​യി​രി​ക്കണം എന്ന്‌ അവർ വാദി​ക്കു​ന്നു. മറ്റൊരു കൂട്ടർ സന്ദേഹ​വാ​ദി​കൾ ആണ്‌. അത്തരം അവകാ​ശ​വാ​ദ​ങ്ങൾക്കു സുവ്യ​ക്ത​മായ തെളി​വു​ക​ളി​ല്ലെന്ന്‌ അവർ ചൂണ്ടി​ക്കാ​ട്ടു​ന്നു. ഒരു സംഗതി പരക്കെ വിശ്വ​സി​ക്ക​പ്പെ​ടു​ന്നു എന്നുള്ള​തു​കൊണ്ട്‌ അതു സത്യമാ​യി​ക്കൊ​ള്ള​ണ​മെ​ന്നില്ല എന്നാണ്‌ അവരുടെ വാദം. ആളുകൾ മത്സ്യക​ന്യ​ക​മാ​രി​ലും മറ്റും വിശ്വ​സി​ച്ചി​രുന്ന ഒരു കാലം ഉണ്ടായി​രു​ന്ന​ല്ലോ. ഇനി, രണ്ടിലും പെടാത്ത നിഷ്‌പക്ഷ നിലപാ​ടു പുലർത്തുന്ന ഒരു വിഭാ​ഗ​മുണ്ട്‌. മാലാ​ഖ​മാർ—വിരുദ്ധ വീക്ഷണങ്ങൾ എന്ന ഇംഗ്ലീഷ്‌ പുസ്‌തകം ഈ നിഷ്‌പക്ഷ നിലപാ​ടി​നെ കുറിച്ച്‌ ഇങ്ങനെ പറയുന്നു: “മാലാ​ഖ​മാ​രെ കണ്ടിട്ടു​ള്ള​താ​യി പലരും അവകാ​ശ​പ്പെ​ടു​ന്നു. അതിനുള്ള തെളി​വു​ക​ളൊ​ന്നും നിരത്താ​നാ​വില്ല; വിശ്വാ​സ​മാണ്‌ അതിന്‌ ആധാരം. ഇനി ഈ അവകാ​ശ​വാ​ദം തെറ്റാ​ണെന്നു തെളി​യി​ക്കാൻ സന്ദേഹ​വാ​ദി​കൾക്കും കഴിയില്ല, അധിക​മാ​രും അതി​നൊ​ട്ടു ശ്രമി​ക്കാ​റു​മില്ല.”

ആത്മമണ്ഡ​ലത്തെ സംബന്ധിച്ച വിവര​ങ്ങ​ളു​ടെ ആശ്രയ​യോ​ഗ്യ​മായ ഉറവിടം ബൈബിൾ ആണെന്നു പലരും സമ്മതി​ക്കു​ന്നു.a മാലാ​ഖ​മാ​രെ പറ്റിയുള്ള ആധുനിക കഥകളെ അപഗ്ര​ഥി​ക്കു​ന്ന​തിൽ അതിനു നമ്മെ സഹായി​ക്കാൻ കഴിയും. ഒരുപക്ഷേ നിങ്ങൾക്ക്‌ അറിയാ​വു​ന്നതു പോലെ, മാലാ​ഖ​മാർ അഥവാ ദൈവ​ദൂ​ത​ന്മാർ യഥാർഥ​ത്തിൽ അസ്‌തി​ത്വ​ത്തി​ലു​ള്ളവർ ആണെന്നും അവർ ശക്തിയും മഹത്ത്വ​വു​മുള്ള ആത്മ ജീവി​ക​ളാ​ണെ​ന്നും ബൈബിൾ നമ്മോടു പറയുന്നു. ദൈവ​ദൂ​ത​ന്മാർ സന്ദേശങ്ങൾ എത്തിച്ചു​കൊ​ടു​ക്കു​ന്ന​തും ദൈവ​ദാ​സ​ന്മാ​രെ ആപത്തിൽനി​ന്നു രക്ഷപ്പെ​ടു​ത്തു​ന്ന​തും സംബന്ധിച്ച വിവര​ണങ്ങൾ ബൈബി​ളി​ലുണ്ട്‌.—സങ്കീർത്തനം 104:1, 4; ലൂക്കൊസ്‌ 1:26-33; പ്രവൃ​ത്തി​കൾ 12:6-11.

ദുഷ്ടരായ ദൂതന്മാ​രും ഉണ്ടെന്നു ബൈബിൾ സൂചി​പ്പി​ക്കു​ന്നു. ഈ ആത്മ ജീവികൾ മനുഷ്യ​രെ വഞ്ചിക്കു​ക​യും വഴി​തെ​റ്റി​ക്കു​ക​യും ദൈവ​ത്തിൽനിന്ന്‌ അകറ്റി​ക്ക​ള​യു​ക​യും ചെയ്യുന്നു. (2 കൊരി​ന്ത്യർ 11:14) ബൈബിൾ ഇപ്രകാ​രം മുന്നറി​യി​പ്പു തരുന്നതു നല്ല കാരണ​ത്തോ​ടെ​യാണ്‌: “ഏതു ആത്മാവി​നെ​യും വിശ്വ​സി​ക്കാ​തെ ആത്മാക്കൾ ദൈവ​ത്തിൽനി​ന്നു​ള്ള​വ​യോ എന്നു ശോധന ചെയ്‌വിൻ.” (1 യോഹ​ന്നാൻ 4:1) ഉദാഹ​ര​ണ​ത്തിന്‌, പ്രവാ​ച​ക​നാ​യി ചമയുന്ന ഒരു വ്യക്തി ദൈവ​വ​ച​നത്തെ അടിസ്ഥാ​ന​മാ​ക്കി നടത്തുന്ന പ്രവച​നങ്ങൾ ദൈവ​വ​ച​ന​വു​മാ​യി ചേർച്ച​യി​ലാ​ണോ എന്ന്‌ നാം ബുദ്ധി​പൂർവം ഒത്തു​നോ​ക്കും. മാലാ​ഖ​മാ​രു​ടെ പ്രത്യ​ക്ഷ​പ്പെ​ട​ലി​നെ കുറി​ച്ചുള്ള വിവര​ണ​ങ്ങ​ളെ​യും സമാന​മായ ഒരു പരി​ശോ​ധ​ന​യ്‌ക്കു നാം വിധേ​യ​മാ​ക്കേ​ണ്ട​തുണ്ട്‌. മാലാ​ഖ​മാ​രെ കണ്ടതാ​യുള്ള ആധുനിക കഥകൾ, തിരു​വെ​ഴു​ത്തു​ക​ളിൽ രേഖ​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളോട്‌ എത്രമാ​ത്രം യോജി​പ്പി​ലാണ്‌?

പലരും വിശ്വ​സി​ക്കുന്ന തരത്തി​ലു​ള്ള​വരല്ല ദൈവ​ദൂ​ത​ന്മാർ

ആദ്യം​തന്നെ, മാലാ​ഖ​മാ​രെ സംബന്ധി​ച്ചുള്ള രണ്ടു തെറ്റി​ദ്ധാ​ര​ണകൾ തിരു​ത്തി​ക്കൊ​ള്ളട്ടെ. പരക്കെ​യുള്ള വിശ്വാ​സ​ത്തി​നു വിരു​ദ്ധ​മാ​യി, മാലാ​ഖ​മാർ തങ്ങളുടെ ജീവിതം ആരംഭി​ച്ചത്‌ മനുഷ്യ​രെന്ന നിലയി​ലല്ല. ദൈവം ഭൂമി​യിൽ ജീവൻ സൃഷ്ടി​ക്കു​ന്ന​തി​നും വളരെ മുമ്പേ അവർ സ്വർഗ​ത്തിൽ ഉണ്ടായി​രു​ന്നു. ദൈവം ‘ഭൂമിക്കു അടിസ്ഥാ​ന​മി​ട്ട​പ്പോൾ ദൈവ​പു​ത്ര​ന്മാ​രെ​ല്ലാം സന്തോ​ഷി​ച്ചാർത്തു’ എന്നു ബൈബിൾ പറയുന്നു.—ഇയ്യോബ്‌ 38:4-7.

മാലാ​ഖ​മാർ അനുവാ​ദാ​ത്മക സ്വഭാ​വ​ക്കാ​രും ഏതു ദുഷ്‌പ്ര​വൃ​ത്തി​യും വകവെച്ചു കൊടു​ക്കു​ന്ന​വ​രും ആണെന്നാണ്‌ ആധുനിക കാലത്തുള്ള മറ്റൊരു തെറ്റി​ദ്ധാ​രണ. എന്നാൽ, വിശ്വ​സ്‌ത​രായ മാലാ​ഖ​മാർ ദൈവ​ത്തി​ന്റെ നീതി​നി​ഷ്‌ഠ​മായ നിലവാ​രങ്ങൾ ഉയർത്തി​പ്പി​ടി​ക്കു​ക​യും അവന്റെ മാർഗ​നിർദേശം അനുസ​രി​ച്ചു പ്രവർത്തി​ക്കു​ക​യും ചെയ്യുന്നു. അവർ ദൈവത്തെ സേവി​ക്കു​ന്നു, മനുഷ്യ​രെ അല്ല.—സങ്കീർത്തനം 103:20.

ദൂതന്മാർ നമ്മുടെ ആത്മീയ ക്ഷേമത്തിൽ തത്‌പരർ

മാലാ​ഖ​മാ​രെ സംബന്ധിച്ച ആധുനിക പുസ്‌ത​ക​ങ്ങ​ളിൽ, അവർ മനുഷ്യ​രെ രക്ഷപ്പെ​ടു​ത്തി​യി​ട്ടുള്ള ധാരാളം വിവര​ണങ്ങൾ കാണാം. വളരെ​യ​ധി​കം പ്രതികൾ വിറ്റഴി​ക്ക​പ്പെ​ടുന്ന ഒരു പുസ്‌ത​ക​ത്തിൽ, കത്തി​യെ​രി​യുന്ന ഒരു വീട്ടിൽനിന്ന്‌ ഒരു കൊച്ചു പെൺകു​ട്ടി​യെ അദൃശ്യ​മായ കരങ്ങൾ രക്ഷപ്പെ​ടു​ത്തി​യ​തി​നെ കുറിച്ചു പറയുന്നു. മറ്റൊരു പുസ്‌ത​ക​ത്തിൽ, കാറിൽ യാത്ര ചെയ്യു​ക​യാ​യി​രുന്ന രണ്ട്‌ കോ​ളെജ്‌ വിദ്യാർഥി​ക​ളു​ടെ കഥ വിവരി​ക്കു​ന്നു. അവർ ഒരു ഹിമവാ​ത​ത്തിൽ അകപ്പെട്ടു. എന്നാൽ പെട്ടെന്ന്‌ എവി​ടെ​നി​ന്നോ ഒരു ട്രക്ക്‌ പ്രത്യ​ക്ഷ​പ്പെട്ട്‌ അവരുടെ കാർ സുരക്ഷിത സ്ഥാന​ത്തേക്കു വലിച്ചു​കൊ​ണ്ടു പോയ​ത്രേ! കാൻസർ ബാധിച്ച ആൻ എന്നൊരു പെൺകു​ട്ടി​യു​ടെ കഥയാണ്‌ മറ്റൊന്ന്‌. ശസ്‌ത്ര​ക്രി​യ​യ്‌ക്കു വിധേ​യ​യാ​കു​ന്ന​തി​നു മൂന്നു ദിവസം മുമ്പ്‌ നല്ല പൊക്ക​മുള്ള ഒരു അപരി​ചി​തൻ അവളുടെ വാതിൽക്കൽ പ്രത്യ​ക്ഷ​പ്പെ​ടു​ന്നു. തോമസ്‌ എന്ന പേരിൽ സ്വയം പരിച​യ​പ്പെ​ടു​ത്തിയ അയാൾ, താൻ ദൈവ​ത്താൽ അയയ്‌ക്ക​പ്പെ​ട്ട​വ​നാ​ണെന്നു പറയുന്നു. തോമസ്‌ അയാളു​ടെ കൈ നീട്ടുന്നു. ചൂടുള്ള ധവള​പ്ര​കാ​ശം തന്റെ ശരീര​ത്തി​ലൂ​ടെ കടന്നു​പോ​കു​ന്ന​താ​യി ആനിനു തോന്നു​ന്നു. ശസ്‌ത്ര​ക്രി​യ​യ്‌ക്കാ​യി അവളെ പ്രവേ​ശി​പ്പി​ച്ച​പ്പോൾ ഡോക്ടർമാർ അമ്പരക്കു​ന്നു. അവളുടെ കാൻസർ അപ്രത്യ​ക്ഷ​മാ​യി​രി​ക്കു​ന്നു!

ഈ കഥകൾ പ്രസക്ത​മായ ഒരു ചോദ്യം ഉയർത്തു​ന്നു: എല്ലാവർക്കും ഓരോ കാവൽമാ​ലാഖ വീതം ഉണ്ടെങ്കിൽ, ചിലർ രക്ഷപ്പെ​ടു​ക​യും അതേസ​മയം അനേകർ അപകട​ത്തിൽ പെടു​ക​യും ചെയ്യു​ന്നത്‌ എന്തു​കൊണ്ട്‌? ദശലക്ഷ​ക്ക​ണ​ക്കിന്‌ ആളുകൾ രോഗം, യുദ്ധം, ക്ഷാമം, പ്രകൃതി വിപത്തു​കൾ എന്നിവ​യു​ടെ ഫലമായി മരണമ​ട​ഞ്ഞി​ട്ടുണ്ട്‌. പലരും സഹായ​ത്തി​നാ​യി ആത്മാർഥ​മാ​യി പ്രാർഥി​ച്ചി​ട്ടുണ്ട്‌ എന്നതു തീർച്ച​യാണ്‌. ഒരു കാവൽമാ​ലാഖ എന്തു​കൊണ്ട്‌ അവരെ രക്ഷപ്പെ​ടു​ത്തി​യില്ല?

ഈ ചോദ്യ​ത്തിന്‌ ഉത്തരം കണ്ടെത്താൻ ബൈബിൾ സഹായി​ക്കു​ന്നു. ദൈവം മുഖപ​ക്ഷ​മു​ള്ള​വനല്ല എന്ന്‌ അതു ചൂണ്ടി​ക്കാ​ട്ടു​ന്നു. (പ്രവൃ​ത്തി​കൾ 10:34) കൂടാതെ, ദൈവ​ത്തി​ന്റെ വിശ്വസ്‌ത ദൂതന്മാർ നമ്മുടെ ഭൗതിക ക്ഷേമത്തിൽ തത്‌പ​ര​രാ​ണെ​ങ്കി​ലും, നമ്മുടെ ആത്മീയ ക്ഷേമത്തി​ലാണ്‌ അവർക്കു കൂടുതൽ താത്‌പ​ര്യം. അപ്പൊ​സ്‌ത​ല​നായ പൗലൊസ്‌ ചോദ്യ​രൂ​പ​ത്തിൽ ഇതു സൂചി​പ്പി​ക്കു​ക​യു​ണ്ടാ​യി: “[ദൂതന്മാർ] ഒക്കെയും രക്ഷ പ്രാപി​പ്പാ​നു​ള്ള​വ​രു​ടെ ശുശ്രൂ​ഷെക്കു അയക്ക​പ്പെ​ടുന്ന സേവകാ​ത്മാ​ക്ക​ള​ല്ല​യോ?” (എബ്രായർ 1:14) ഭൗതിക സഹായം താത്‌കാ​ലിക പ്രയോ​ജ​ന​ങ്ങളേ കൈവ​രു​ത്തു​ക​യു​ള്ളൂ. എന്നാൽ ആത്മീയ സഹായം നിത്യ​മായ പ്രയോ​ജ​നങ്ങൾ കൈവ​രു​ത്തും.

മാലാ​ഖ​മാ​രെ സംബന്ധിച്ച പല കഥകളും കേട്ടാൽത്തന്നെ ചിരി വരും. മാലാ​ഖ​മാർ ക്ഷീണി​ത​യായ അമ്മയെ കിടക്ക​വി​രി മാറ്റാൻ സഹായി​ച്ച​താ​യും ഷോപ്പി​ങ്ങി​നി​ട​യിൽ തീപ്പെട്ടി വാങ്ങാൻ ഒരാളെ ഓർമി​പ്പി​ച്ച​താ​യും ഡ്രൈ​വർമാ​രെ വാഹനം പാർക്കു ചെയ്യാ​നുള്ള ഇടം കണ്ടെത്താൻ സഹായി​ച്ച​താ​യും ഒക്കെയുള്ള കഥകളുണ്ട്‌. സ്‌കോ​ട്ട്‌ലൻഡിൽ നിന്നുള്ള ഒരു യുവതി ചിരി​ച്ചു​കൊണ്ട്‌ പറയുന്നു: “കഴിഞ്ഞ മൂന്നാ​ഴ്‌ച​ക്കാ​ലം സെന്റ്‌ മേരീസ്‌ തെരു​വി​ലെ, പാർക്കിങ്‌ നിരോ​ധിത മേഖല​യി​ലാ​ണു ഞാൻ എന്റെ കാർ നിറു​ത്തി​യി​ട്ടി​രു​ന്നത്‌. സ്‌നേ​ഹ​വും അനുക​മ്പ​യും കൊണ്ട്‌ എന്റെ കാർ പൊതി​യാൻ ഞാൻ എന്റെ മാലാ​ഖ​യോട്‌ ആവശ്യ​പ്പെട്ടു. ഗതാഗത ഉദ്യോ​ഗസ്ഥർ ആരെങ്കി​ലും കണ്ടാൽത്തന്നെ അവരുടെ ഉള്ളിൽ സ്‌നേഹം നിറഞ്ഞു തുളു​മ്പും എന്നതു​കൊണ്ട്‌ അവർ എന്നെ വെറുതെ വിടും. ഈ ട്രാഫിക്‌ നിയമ​ലം​ഘ​ന​ത്തിന്‌ എനിക്ക്‌ ഇതുവ​രെ​യും ശിക്ഷ​യൊ​ന്നും കിട്ടി​യി​ട്ടില്ല.” ആധുനി​ക​നാ​ളിൽ കാവൽമാ​ലാ​ഖയെ ചിലർ മുതിർന്ന​വ​രു​ടെ തലതൊ​ട്ട​മ്മ​യോ സാന്താ​ക്ലോ​സോ ആയി കരുതു​ന്ന​തിൽ അത്ഭുത​പ്പെ​ടാ​നില്ല.

വിശ്വ​സ്‌ത​രായ ദൈവ​ദൂ​ത​ന്മാർ ദൈവ​വ​ച​ന​ത്തിന്‌ എതിരല്ല

ആത്മമണ്ഡ​ല​ത്തിൽ നിന്നു​ള്ള​താ​ണെന്നു കരുത​പ്പെ​ടുന്ന മൊഴി​ക​ളും ഉപദേ​ശ​ങ്ങ​ളു​മാണ്‌ മാലാ​ഖ​മാ​രെ കുറി​ച്ചുള്ള പുസ്‌ത​ക​ങ്ങ​ളിൽ നിറയെ. ഉദാഹ​ര​ണ​ത്തിന്‌, യു.എസ്‌.എ.-യിലെ കൊള​റാ​ഡോ​യി​ലുള്ള ഒരു സ്‌ത്രീക്ക്‌ പ്രധാന മാലാ​ഖ​യായ മീഖാ​യേൽ നൽകിയ പഠിപ്പി​ക്ക​ലു​കൾ അടങ്ങിയ ഒരു പുസ്‌തകം ഉണ്ടെന്നു പറയ​പ്പെ​ടു​ന്നു. മീഖാ​യേ​ലി​ന്റെ “മൊഴിക”ളിൽ ഒന്ന്‌ ഇതാണ്‌: “എല്ലാ പാതക​ളും ദൈവ​ത്തി​ലേക്കു നയിക്കു​ന്നു. എല്ലാ വിശ്വാ​സ​ങ്ങ​ളും വെളി​ച്ചത്തെ കുറി​ച്ചുള്ള എല്ലാ സത്യങ്ങ​ളും ദൈവ​ത്തി​ലേക്കു നയിക്കു​ന്നു.” ഇതിനു വിരു​ദ്ധ​മാ​യി, മതപര​മായ അർഥത്തിൽ രണ്ടു പാതകളേ ഉള്ളൂ​വെ​ന്നും അവയിൽ ഒന്നിനു മാത്രമേ ദൈവാം​ഗീ​കാ​രം ഉള്ളൂ എന്നും ആ പാത മാത്ര​മാണ്‌ നിത്യ​ജീ​വ​നി​ലേക്കു നയിക്കു​ന്നത്‌ എന്നും യേശു പറഞ്ഞു. ദൈവ​ത്തി​ന്റെ അപ്രീതി കൈവ​രു​ത്തുന്ന മറ്റേ പാത നിത്യ നാശത്തി​ലേ​ക്കാണ്‌ നയിക്കു​ന്നത്‌. (മത്തായി 7:13, 14) മേൽപ്പറഞ്ഞ ഈ രണ്ടു പ്രസ്‌താ​വ​ന​ക​ളും ഒരേ സമയം സത്യമാ​യി​രി​ക്കു​ക​യി​ല്ലെന്നു വ്യക്തം.

വിവാ​ഹ​വും ധാർമി​ക​ത​യും സംബന്ധിച്ച്‌ “പുതിയ ആത്മീയത”യിലെ “മാലാ​ഖമാ”രുടെ നിലപാട്‌ എന്താണ്‌? ഒരു പുസ്‌ത​ക​ത്തിൽ റോസാൻ എന്ന ഒരു സ്‌ത്രീ​യു​ടെ അനുഭവം വിവരി​ക്കു​ന്നു. അവളുടെ “മാലാഖ” അവളോട്‌ ഇങ്ങനെ പറഞ്ഞു​വ​ത്രേ: “നിനക്കു സംസാ​രി​ക്കാൻ ഇഷ്‌ടം​പോ​ലെ ആളുക​ളുണ്ട്‌. ഇങ്ങനെ [ഭർത്താ​വി​നോ​ടൊ​പ്പം] നീ ജീവിതം തുട​രേ​ണ്ട​തില്ല. നീ അയാ​ളെ​യും അയാൾ നിന്നെ​യും സ്‌നേ​ഹി​ക്കു​ന്നു​ണ്ടെ​ന്നതു ശരിതന്നെ. പക്ഷേ ഇപ്പോൾ ആ ബന്ധം വേർപെ​ടു​ത്താൻ സമയമാ​യി​രി​ക്കു​ന്നു.” അവൾ വിവാ​ഹ​മോ​ചനം നേടി. എന്നാൽ, ശരിയായ കാരണം കൂടാതെ നടത്തുന്ന വിവാ​ഹ​മോ​ച​നത്തെ ദൈവം വെറു​ക്കു​ന്നു​വെന്നു ബൈബിൾ പറയുന്നു. (മലാഖി 2:16) മാലാ​ഖ​മാർ ആനന്ദപൂർവം തങ്ങളെ നോക്കി​ക്കാ​ണു​മെ​ന്നും ഒരു പ്രത്യേക ദീപ്‌തി​കൊണ്ട്‌ തങ്ങളെ വലയം ചെയ്യു​മെ​ന്നും വിശ്വ​സി​ച്ചു​കൊണ്ട്‌ ഒരു പുരു​ഷ​നും സ്‌ത്രീ​യും വ്യഭി​ചാ​ര​ത്തിൽ ഏർപ്പെട്ടു. എന്നാൽ “വ്യഭി​ചാ​രം ചെയ്യരു​തു” എന്നാണു ബൈബിൾ പറയു​ന്നത്‌.—പുറപ്പാ​ടു 20:14.

എന്നാൽ ഈ ആധുനി​ക​കാല സന്ദേശങ്ങൾ ബൈബിൾ പുതു​ക്ക​പ്പെ​ട്ടു​വെന്ന്‌ അർഥമാ​ക്കു​ന്നു​ണ്ടോ? ഇല്ല, ദൈവ​വ​ച​ന​ത്തി​നു മാറ്റം സംഭവി​ക്കു​ന്നില്ല. അപ്പൊ​സ്‌ത​ല​നായ പൗലൊസ്‌ ഒന്നാം നൂറ്റാ​ണ്ടി​ലെ ചിലർക്ക്‌ ഇങ്ങനെ എഴുതി: “ക്രിസ്‌തു​വി​ന്റെ കൃപയാൽ നിങ്ങളെ വിളി​ച്ച​വനെ വിട്ടു നിങ്ങൾ ഇത്ര വേഗത്തിൽ വേറൊ​രു സുവി​ശേ​ഷ​ത്തി​ലേക്കു മറിയു​ന്ന​തു​കൊ​ണ്ടു ഞാൻ ആശ്ചര്യ​പ്പെ​ടു​ന്നു. അതു വേറൊ​രു സുവി​ശേഷം എന്നല്ല, ചിലർ നിങ്ങളെ കലക്കി ക്രിസ്‌തു​വി​ന്റെ സുവി​ശേഷം മറിച്ചു​ക​ള​വാൻ ഇച്ഛിക്കു​ന്നു എന്നത്രേ. എന്നാൽ ഞങ്ങൾ നിങ്ങ​ളോ​ടു അറിയി​ച്ച​തി​ന്നു വിപരീ​ത​മാ​യി ഞങ്ങൾ ആകട്ടെ സ്വർഗ്ഗ​ത്തിൽനി​ന്നു ഒരു ദൂതനാ​കട്ടെ നിങ്ങ​ളോ​ടു സുവി​ശേഷം അറിയി​ച്ചാൽ അവൻ ശപിക്ക​പ്പെ​ട്ടവൻ.”—ഗലാത്യർ 1:6-8.

“എല്ലാ മാലാ​ഖ​മാ​രെ​യും വിളി​ച്ച​പേ​ക്ഷി​ക്കൽ”

ജീവി​ത​ത്തിൽ നേരി​ടുന്ന പ്രശ്‌ന​ങ്ങ​ളും അപകട​ങ്ങ​ളും തരണം ചെയ്യാൻ നാം മാലാ​ഖ​മാ​രെ വിളി​ച്ച​പേ​ക്ഷി​ക്കേ​ണ്ട​തു​ണ്ടോ? പല പുസ്‌ത​ക​ങ്ങ​ളു​ടെ​യും ശീർഷ​കം​തന്നെ അതാണ്‌. രണ്ട്‌ ഉദാഹ​ര​ണങ്ങൾ ഇതാ: നിങ്ങളു​ടെ മാലാ​ഖ​മാ​രോ​ടു ചോദി​ക്കുക (ഇംഗ്ലീഷ്‌) എന്ന പുസ്‌തകം ‘തങ്ങളുടെ നഷ്‌ട​പ്പെട്ട സ്വത്വം തിരി​ച്ചെ​ടു​ക്കാ​നും ലക്ഷ്യത്തിൽ എത്തി​ച്ചേ​രാ​നു​മാ​യി മാലാ​ഖ​മാ​രു​ടെ സഹായം തേടാൻ കഴിയു​ന്നത്‌ എങ്ങനെ​യെന്ന്‌’ വായന​ക്കാർക്കു കാട്ടി​ക്കൊ​ടു​ക്കു​ന്ന​താ​യി പറയ​പ്പെ​ടു​ന്നു. സകല മാലാ​ഖ​മാ​രോ​ടും അപേക്ഷി​ക്കൽ: ഒരു മാലാ​ഖയെ നിങ്ങളു​ടെ ജീവി​ത​ത്തി​ലേക്കു ക്ഷണിക്കാ​നുള്ള 57 വഴികൾ എന്ന പേരിൽ മറ്റൊരു പുസ്‌ത​ക​വും ഉണ്ട്‌.

എന്നാൽ, മാലാ​ഖ​മാ​രെ വിളി​ച്ച​പേ​ക്ഷി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നില്ല. മാതൃകാ പ്രാർഥ​ന​യിൽ യേശു ഇതു വ്യക്തമാ​ക്കി. അവൻ പറഞ്ഞു: “നിങ്ങൾ ഈവണ്ണം പ്രാർത്ഥി​പ്പിൻ: സ്വർഗ്ഗ​സ്ഥ​നായ ഞങ്ങളുടെ പിതാവേ, . . .” (മത്തായി 6:9) സമാന​മാ​യി അപ്പൊ​സ്‌ത​ല​നായ പൗലൊസ്‌ എഴുതി: “എല്ലാറ​റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയിക്ക.” (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.)—ഫിലി​പ്പി​യർ 4:6.

മാലാ​ഖ​മാ​രു​ടെ നാമത്തിൽ

“പുതിയ ആത്മീയത” മാലാ​ഖ​മാ​രു​ടെ പേരുകൾ മനസ്സി​ലാ​ക്കു​ന്ന​തി​നു വലിയ പ്രാധാ​ന്യം കൽപ്പി​ക്കു​ന്നു. പ്രചാ​ര​മേ​റിയ പുസ്‌ത​കങ്ങൾ ആയിര​ക്ക​ണ​ക്കി​നു മാലാ​ഖ​മാ​രു​ടെ പേരുകൾ നൽകുന്നു. എന്തിനു വേണ്ടി? വെറും കൗതു​ക​ത്തി​നു വേണ്ടിയല്ല; ആവശ്യ​മു​ള്ള​പ്പോ​ഴൊ​ക്കെ അവരെ വിളി​ച്ചു​വ​രു​ത്താൻ. ഇതു മന്ത്രവാ​ദ​വു​മാ​യി അടുത്തു ബന്ധപ്പെ​ട്ടി​രി​ക്കു​ന്നു. ആരാധനാ കർമങ്ങ​ളോ​ടും മാന്ത്രിക വസ്‌തു​ക്ക​ളോ​ടും സഹായ അപേക്ഷ​യോ​ടു​മൊ​പ്പം “‘ശക്തിയുള്ള പേരുകൾ’ അല്ലെങ്കിൽ ചില പ്രത്യേക ആത്മാക്ക​ളു​ടെ പേരുകൾ ഉപയോ​ഗി​ക്കു​മ്പോൾ ഭൗതിക മണ്ഡലത്തി​നും ആത്മമണ്ഡ​ല​ത്തി​നും ഇടയ്‌ക്കുള്ള വാതിൽ തുറക്കാൻ പ്രാപ്‌ത​മായ ശക്തമായ കമ്പനങ്ങൾ ഉണ്ടാകു​ന്നു, അങ്ങനെ . . . ആത്മ വ്യക്തി​ക​ളു​മാ​യി ആശയവി​നി​മയം നടത്താൻ . . . മാന്ത്രി​കനു കഴിയു​ന്നു” എന്ന്‌ മാലാഖാ എൻ​സൈ​ക്ലോ​പീ​ഡിയ പറയുന്നു. എന്നാൽ, “മന്ത്രവാ​ദം ചെയ്യരുത്‌” എന്ന്‌ ബൈബിൾ വ്യക്തമാ​യി പറയുന്നു.—ലേവ്യ​പു​സ്‌തകം 19:26, ഓശാന ബൈബിൾ.

രണ്ടു വിശ്വസ്‌ത ദൂതന്മാ​രു​ടെ പേരുകൾ മാത്രമേ ബൈബിൾ വെളി​പ്പെ​ടു​ത്തു​ന്നു​ള്ളൂ, മീഖാ​യേ​ലും ഗബ്രീ​യേ​ലും. (ദാനീ​യേൽ 12:1; ലൂക്കൊസ്‌ 1:26) ഈ പേരുകൾ വെളി​പ്പെ​ടു​ത്തുക വഴി, മാലാ​ഖ​മാർ വ്യതി​രിക്ത ആത്മ വ്യക്തി​ക​ളാ​ണെന്നു ബൈബിൾ കാട്ടി​ത്ത​രു​ന്നു. എന്തു​കൊണ്ട്‌ ബൈബിൾ കൂടുതൽ മാലാ​ഖ​മാ​രു​ടെ പേരുകൾ നൽകു​ന്നില്ല? സാധ്യ​ത​യ​നു​സ​രിച്ച്‌, ഉചിത​മ​ല്ലാത്ത ആദരവു നൽകി​ക്കൊണ്ട്‌ ആളുകൾ മാലാ​ഖ​മാ​രെ ഉയർത്തു​ന്നതു തടയാൻ—മാലാ​ഖ​മാർതന്നെ അതിന്‌ ആഗ്രഹി​ക്കു​ന്നില്ല. അതു​കൊ​ണ്ടാണ്‌ പേരു വെളി​പ്പെ​ടു​ത്താൻ യാക്കോബ്‌ ഒരു ദൈവ​ദൂ​തനെ നിർബ​ന്ധി​ച്ച​പ്പോൾ അവൻ അതു ചെയ്യാൻ വിസമ്മ​തി​ച്ചത്‌. (ഉല്‌പത്തി 32:29) പിന്നീട്‌, യോശു​വ​യ്‌ക്ക്‌ പ്രത്യ​ക്ഷ​പ്പെട്ട ദൈവ​ദൂ​തൻ സ്വന്തം പേരു പറഞ്ഞു​കൊ​ണ്ടല്ല മറിച്ച്‌, “യഹോ​വ​യു​ടെ സൈന്യ​ത്തി​ന്റെ അധിപതി” എന്നു പറഞ്ഞു​കൊ​ണ്ടാണ്‌ സ്വയം തിരി​ച്ച​റി​യി​ച്ചത്‌. (യോശുവ 5:14) സമാന​മാ​യി, ശിം​ശോ​ന്റെ പിതാവ്‌ ഒരു ദൈവ​ദൂ​ത​നോട്‌ അവന്റെ പേരു ചോദി​ച്ച​പ്പോൾ അവൻ അവരോ​ടു പറഞ്ഞത്‌ ഇങ്ങനെ​യാണ്‌: “എന്റെ പേർ ചോദി​ക്കു​ന്നതു എന്തു? അതു അതിശ​യ​മു​ള്ളതു.” (ന്യായാ​ധി​പ​ന്മാർ 13:17, 18) നാം, ദൈവത്തെ മഹത്ത്വ​പ്പെ​ടു​ത്താ​നും അവനെ വിളി​ച്ച​പേ​ക്ഷി​ക്കാ​നു​മാ​ണു ദൈവ​ത്തി​ന്റെ വിശ്വസ്‌ത ദൂതന്മാർ ആഗ്രഹി​ക്കു​ന്നത്‌, അല്ലാതെ അവരെയല്ല.

[അടിക്കു​റിപ്പ്‌]

[6-ാം പേജിലെ ആകർഷ​ക​വാ​ക്യം]

“ദൈവ​ത്തി​ന്റെ നിയമങ്ങൾ കൂച്ചു​വി​ല​ങ്ങാ​ണെന്നു തോന്നു​ന്ന​വരെ സംബന്ധി​ച്ചി​ട​ത്തോ​ളം . . . അനുക​മ്പ​യുള്ള, കുറ്റം വിധി​ക്കു​ക​യി​ല്ലാത്ത . . . [നവയുഗ] മാലാ​ഖ​മാർ വലിയ ആശ്വാ​സ​മാണ്‌. മാത്രമല്ല, ആസ്‌പി​രിൻ പോലെ അവർ എല്ലാവർക്കും ലഭ്യരാണ്‌.”—ടൈം മാസിക.

[5-ാം പേജിലെ ചതുരം]

മാലാ​ഖ​മാ​രെ​യും ഭൗമേതര ജീവി​ക​ളെ​യും “കണ്ടതാ”യുള്ള ആധുനിക കഥകൾ

തങ്ങൾ മാലാ​ഖ​മാ​രെ കണ്ടിട്ടു​ണ്ടെ​ന്നും അവരു​മാ​യി സംസാ​രി​ച്ചി​ട്ടു​ണ്ടെ​ന്നും പലരും അവകാ​ശ​പ്പെ​ടു​ന്നു. ഭൗമേതര ജീവി​ക​ളു​മാ​യി തങ്ങൾ ബന്ധം പുലർത്തി​യി​ട്ടു​ള്ള​താ​യി മറ്റു ചിലർ അവകാ​ശ​പ്പെ​ടു​ന്നു. മാലാ​ഖ​മാർ—വംശനാ​ശം സംഭവി​ക്കുന്ന വർഗങ്ങൾ (ഇംഗ്ലീഷ്‌) എന്ന പുസ്‌തകം ഈ വിവര​ണങ്ങൾ തമ്മിലുള്ള സാമ്യം നൽകുന്നു. രണ്ടിനും പൊതു​വായ ഒരു വിശദീ​ക​രണം തന്നെ ആയിരി​ക്കു​മെന്ന്‌ അത്‌ അവകാ​ശ​പ്പെ​ടു​ന്നു.b ആ പുസ്‌ത​ക​ത്തിൽ നൽകി​യി​രി​ക്കുന്ന ചില സമാന​ത​ക​ളു​ടെ സംക്ഷി​പ്‌ത​മാണ്‌ താഴെ കൊടു​ത്തി​രി​ക്കു​ന്നത്‌.

1. മാലാ​ഖ​മാ​രും ഭൗമേതര ജീവി​ക​ളും അന്യ​ലോ​ക​ത്തു​നി​ന്നു വരുന്ന​വ​രാണ്‌.

2. ഇരുകൂ​ട്ട​രും ആത്മീയ​മാ​യോ സാങ്കേ​തി​ക​മാ​യോ മുന്തിയ ജീവരൂ​പ​ങ്ങ​ളാണ്‌.

3. ഇവരിൽ സൗഹൃദം കാട്ടുന്ന വിഭാ​ഗ​ത്തിൽ പെട്ടവർ കാഴ്‌ച​യ്‌ക്ക്‌ അതീവ യൗവന​കാ​ന്തി ഉള്ളവരും ദയയും അനുക​മ്പ​യും നിറഞ്ഞ​വ​രു​മാണ്‌.

4. ഇരുകൂ​ട്ടർക്കും ഭാഷ ഒരു പ്രശ്‌നമല്ല, കേൾവി​ക്കാ​രനു മനസ്സി​ലാ​കുന്ന ഭാഷയിൽ അവർക്കു വ്യക്തമാ​യി സംസാ​രി​ക്കാ​നാ​കും.

5. ഇരുകൂ​ട്ട​രും പറക്കൽ വിദഗ്‌ധ​രാണ്‌.

6. ഉജ്ജ്വല​മായ പ്രകാ​ശ​ത്തി​ന്റെ അകമ്പടി​യോ​ടെ​യാണ്‌ മാലാ​ഖ​മാ​രും ഭൗമേതര ജീവി​ക​ളും പ്രത്യ​ക്ഷ​പ്പെ​ടു​ന്നത്‌.

7. പൂർണ​മാ​യി വസ്‌ത്ര​ധാ​രണം ചെയ്‌ത രീതി​യിൽ—സാധാ​ര​ണ​മാ​യി അങ്കിക​ളോ ഇറുകിയ കുപ്പാ​യ​ങ്ങ​ളോ ധരിച്ചാണ്‌—ആണ്‌ അവർ പ്രത്യ​ക്ഷ​പ്പെ​ടു​ന്നത്‌. വെള്ളയോ നീലയോ ആണ്‌ ഇഷ്ടവർണങ്ങൾ.

8. ഇരുകൂ​ട്ടർക്കും മനുഷ്യ​രു​ടെ അതേ പൊക്ക​മാണ്‌.

9. ഇരുകൂ​ട്ട​രും മനുഷ്യ​വർഗ​ത്തി​ന്റെ​യും മൊത്ത​ത്തിൽ ഭൗമ​ഗ്ര​ഹ​ത്തി​ന്റെ​യും ദുരവ​സ്ഥ​യിൽ ഉത്‌ക​ണ്‌ഠാ​കു​ല​രാണ്‌.

10. ഭൗമേതര ജീവി​ക​ളെ​യും മാലാ​ഖ​മാ​രെ​യും കണ്ടിട്ടു​ണ്ടെന്ന അവകാ​ശ​വാ​ദ​ങ്ങൾക്കു തെളി​വാ​യി അവരെ കണ്ടതായി പറയ​പ്പെ​ടുന്ന വ്യക്തി​യു​ടെ സാക്ഷ്യം മാത്ര​മേ​യു​ള്ളൂ.

[അടിക്കു​റിപ്പ്‌]

[7-ാം പേജിലെ ചിത്രം]

ദൈവദൂതന്മാർ മനുഷ്യർക്കു പ്രത്യ​ക്ഷ​പ്പെ​ട്ട​തി​നെ കുറി​ച്ചുള്ള യഥാർഥ വിവര​ണങ്ങൾ ബൈബി​ളി​ലുണ്ട്‌