ബ്രിട്ട​നിൽ മതങ്ങൾ ക്ഷയിക്കു​ന്നു

ബ്രിട്ടനിലെ ഉണരുക! ലേഖകൻ

ഓരോ ആഴ്‌ച​യും 1,500 ബ്രിട്ടീ​ഷു​കാർ വീതം മുഖ്യ​ധാ​രാ സഭകൾ ഉപേക്ഷി​ച്ചു പോകു​ന്ന​താ​യി ലണ്ടനിലെ ദ സൺഡേ ടൈംസ്‌ റിപ്പോർട്ടു ചെയ്‌തു. 1980 മുതലുള്ള കാലയ​ള​വിൽ റോമൻ കത്തോ​ലി​ക്കാ സഭയ്‌ക്ക്‌ 6,00,000 അംഗങ്ങളെ നഷ്ടമാ​യി​ട്ടുണ്ട്‌. ആഴ്‌ച​യിൽ 600 അംഗങ്ങളെ വീതം നഷ്ടപ്പെ​ട്ടു​കൊ​ണ്ടി​രി​ക്കുന്ന ചർച്ച്‌ ഓഫ്‌ ഇംഗ്ലണ്ടിൽ ഇപ്പോൾ പത്തു ലക്ഷത്തിൽ താഴെ വിശ്വാ​സി​കളേ ഉള്ളൂ, അതായത്‌ 50 വർഷം മുമ്പു​ണ്ടാ​യി​രു​ന്ന​തി​ന്റെ പകുതി​യിൽ താഴെ. സ്‌ത്രീ​കൾക്കു വൈദി​ക​പട്ടം നൽകാൻ 1992-ൽ പൊതു സുന്നഹ​ദോസ്‌ തീരു​മാ​നി​ച്ച​തി​നെ തുടർന്ന്‌ ഏതാണ്ട്‌ 500 പുരോ​ഹി​ത​ന്മാർ ചർച്ച്‌ ഓഫ്‌ ഇംഗ്ലണ്ട്‌ വിട്ടു​പോ​യി.

സഭകൾ വിട്ടു പോരു​മ്പോൾ ആരും തങ്ങളെ തടയു​ക​യോ പോന്ന​ശേഷം, സഹായി​ക്കാൻ എന്തു ചെയ്യാൻ കഴിയും എന്നു മനസ്സി​ലാ​ക്കു​ന്ന​തിന്‌ തങ്ങളു​മാ​യി ബന്ധപ്പെ​ടു​ക​യോ ചെയ്യാ​ഞ്ഞ​തിൽ പലരും രോഷാ​കു​ല​രും നിരാ​ശ​രു​മാ​ണെന്നു ദ ടൈംസ്‌ റിപ്പോർട്ടു ചെയ്‌തു. “സഭ അതിന്റെ അംഗങ്ങ​ളു​ടെ ജീവി​തത്തെ സ്വാധീ​നി​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു” എന്നും പത്രം അഭി​പ്രാ​യ​പ്പെട്ടു.

ബ്രിട്ടീഷ്‌ സമൂഹത്തെ പരി​പോ​ഷി​പ്പി​ക്കേണ്ട “ആത്മീയ, ധാർമിക മൂല്യ​ങ്ങ​ളു​ടെ ഉറവുകൾ വറ്റി​ക്കൊ​ണ്ടി​രി​ക്കു​ക​യാണ്‌” എന്ന്‌ വെസ്റ്റ്‌മിൻസ്റ്റ​റി​ലെ റോമൻ കത്തോ​ലി​ക്കാ ആർച്ച്‌ബി​ഷ​പ്പായ കർദി​നാൾ ബാസിൽ ഹ്യൂം തറപ്പിച്ചു പറഞ്ഞു. അങ്ങനെ സംഭവി​ക്കാ​നുള്ള കാരണം? “ദൈവ​വചന ക്ഷാമം,” കാത്തലിക്‌ ഹെറാൾഡിൽ പ്രത്യ​ക്ഷ​പ്പെട്ട ഒരു ശീർഷ​ക​മാ​യി​രു​ന്നു അത്‌. അത്‌ ഇങ്ങനെ പറഞ്ഞു: “കുർബാ​ന​സ​മ​യത്ത്‌ പുതിയ നിയമ​ത്തി​ലെ​യും പഴയ നിയമ​ത്തി​ലെ​യും ഭാഗങ്ങൾ വായിച്ചു കേൾപ്പി​ക്കാ​റുണ്ട്‌, എന്നാൽ ആ വാക്യ​ങ്ങ​ളു​ടെ പശ്ചാത്ത​ലത്തെ കുറിച്ച്‌ യാതൊ​ന്നും പറഞ്ഞു കേൾക്കാ​റില്ല. . . . വിശു​ദ്ധ​ന്മാ​രു​ടെ ജീവി​ത​ത്തെ​യും ആധ്യാ​ത്മിക വിഷയ​ങ്ങ​ളെ​യും കുറി​ച്ചുള്ള പുസ്‌ത​ക​ങ്ങ​ളെ​ല്ലാം നല്ലതു​തന്നെ, പക്ഷേ തിരു​വെ​ഴു​ത്തു​കൾ മനസ്സി​ലാ​ക്കി​ത്ത​രാൻ അവ പര്യാ​പ്‌തമല്ല.” “ആത്മീയ കരുതൽ പ്രദാനം ചെയ്യുക എന്ന ലക്ഷ്യ​ത്തോ​ടെ കാലോ​ചി​ത​മാ​യി ബൈബിൾ വിവരങ്ങൾ അവതരി​പ്പി​ക്കു​ന്ന​തി​ന്റെ അഭാവം പ്രകട​മാണ്‌” എന്ന്‌ ലേഖനം ഉപസം​ഹാ​ര​ത്തിൽ പറഞ്ഞു.

ലിങ്കൺഷ​യ​റി​ലെ വർത്തമാ​ന​പ​ത്ര​മായ ബോസ്റ്റൺ ടാർഗ​റ്റിന്‌ എഴുതിയ കത്തിൽ ഒരു വായന​ക്കാ​രൻ ഇങ്ങനെ പറഞ്ഞു: “ആളുകൾക്ക്‌ മതങ്ങളി​ലുള്ള വിശ്വാ​സം നഷ്ടപ്പെ​ട്ടു​കൊ​ണ്ടി​രി​ക്കു​ക​യാണ്‌ . . . ഈ സഭാ ശുശ്രൂ​ഷ​ക​രെ​ല്ലാം ദിവസം മുഴുവൻ എന്താണു ചെയ്യു​ന്നത്‌? അവരാ​രും ക്രിസ്‌തു ചെയ്‌തതു പോലെ പുറത്തു പോയി ആളുകളെ സന്ദർശി​ക്കു​ന്നില്ല . . . ആളുക​ളോ​ടു കരുതൽ പ്രകട​മാ​ക്കുന്ന ഒരേ ഒരു മതം യഹോ​വ​യു​ടെ സാക്ഷി​ക​ളു​ടേ​താ​ണെന്നു തോന്നു​ന്നു. അവർ പുറത്തു പോയി ആളുകളെ സന്ദർശി​ക്കു​ന്നു, സത്യം പ്രസം​ഗി​ക്കു​ന്ന​തിൽ അവർ യഥാർഥ​മാ​യി മുഴു​കി​യി​രി​ക്കു​ന്നു—തങ്ങളുടെ ആരാധ​നാ​സ്ഥ​ല​ത്തേക്കു വരാൻ അവർ നിങ്ങളെ ക്ഷണിക്കു​ന്നു, അവർ പരിസ്ഥി​തി സംബന്ധ​മായ പ്രശ്‌ന​ങ്ങളെ കുറിച്ചു സംസാ​രി​ക്കു​ന്നു, അതു സംബന്ധ​മാ​യി ചില​തൊ​ക്കെ ചെയ്യുന്നു. ഞാൻ ഒരു യഹോ​വ​യു​ടെ സാക്ഷിയല്ല, പക്ഷേ ഞാൻ അവരെ ആദരി​ക്കു​ന്നു, അവർ പറയു​ന്നതു ശ്രദ്ധി​ക്കു​ന്നു.”

നിങ്ങളു​ടെ പ്രദേ​ശ​ത്തുള്ള രാജ്യ​ഹാ​ളിൽ നടക്കുന്ന യോഗ​ങ്ങ​ളിൽ നിങ്ങൾ എപ്പോ​ഴെ​ങ്കി​ലും പങ്കെടു​ത്തി​ട്ടു​ണ്ടോ? പ്രചോ​ദ​നാ​ത്മ​ക​വും പ്രയോ​ജ​ന​പ്ര​ദ​വു​മായ നിർദേ​ശങ്ങൾ നിങ്ങൾക്ക്‌ അവിടെ നിന്നു ലഭിക്കും. ബൈബിൾ സംബന്ധ​മായ ചോദ്യ​ങ്ങൾക്ക്‌ ഉത്തരം ലഭിക്കാൻ നിങ്ങൾ ആഗ്രഹി​ക്കു​ന്നു​ണ്ടോ? ബൈബിൾ മനസ്സി​ലാ​ക്കാൻ ആളുകളെ സൗജന്യ​മാ​യി സഹായി​ച്ചു​കൊ​ണ്ടും നാൽപ്പതു ലക്ഷത്തി​ല​ധി​കം ഭവന ബൈബി​ള​ധ്യ​യ​നങ്ങൾ നടത്തി​ക്കൊ​ണ്ടും കഴിഞ്ഞ വർഷം, 233 രാജ്യ​ങ്ങ​ളി​ലാ​യി യഹോ​വ​യു​ടെ സാക്ഷികൾ 100 കോടി​യി​ല​ധി​കം മണിക്കൂർ ചെലവ​ഴി​ച്ചു. ഈ കാലത്തെ ഏറ്റവും പ്രധാ​ന​പ്പെട്ട വേലയാ​യി യഹോ​വ​യു​ടെ സാക്ഷികൾ ഈ ബൈബിൾ വിദ്യാ​ഭ്യാ​സ പ്രവർത്ത​നത്തെ വീക്ഷി​ക്കു​ന്നു. അതിന്റെ കാരണം അറിയാൻ ഞങ്ങൾ നിങ്ങ​ളെ​യും ക്ഷണിക്കു​ന്നു.—മത്തായി 24:14; 28:19, 20.