ഉദ്ദേശ്യ​മുള്ള ഒരു പ്രസി​ദ്ധീ​ക​രണം ഉദ്ദേശ്യ​മുള്ള ഒരു പ്രസി​ദ്ധീ​ക​ര​ണം

ചെക്ക്‌ റിപ്പബ്ലി​ക്കി​ലെ പ്രാഗി​ലുള്ള ഒരു ഗ്രന്ഥശാ​ലാ മാനേജർ, ഉണരുക!യെ വിലയി​രു​ത്തി​ക്കൊ​ണ്ടുള്ള രണ്ടു പേജു വരുന്ന ഒരു ലേഖനം ഗ്രന്ഥശാ​ല​യു​ടെ നോട്ടീസ്‌ ബോർഡിൽ തൂക്കി. അദ്ദേഹം എഴുതിയ ചില കാര്യങ്ങൾ ഇതാ:

“ഞാൻ യഹോ​വ​യു​ടെ സാക്ഷിയല്ല. ഞാൻ വാച്ച്‌ ടവർ സൊ​സൈ​റ്റി​യു​ടെ ഒരു അനുഭാ​വി​യോ കടുത്ത എതിരാ​ളി​യോ അല്ല. എങ്കിലും, നിങ്ങൾ ഉണരുക! മാസിക വായി​ക്ക​ണ​മെന്നു സ്‌നേ​ഹ​പൂർവം ശുപാർശ ചെയ്യാ​തി​രി​ക്കാൻ എനിക്കു കഴിയു​ന്നില്ല. ഞാൻ ഇതിന്റെ വായന​ക്കാ​ര​നാ​യിട്ട്‌ കുറച്ചു കാലമാ​യി. ദിവസ​വും അതിന്റെ ശീർഷകം മാത്രം വായി​ക്കു​ന്ന​തു​പോ​ലും വളരെ പ്രയോ​ജനം ചെയ്യും. എന്നിരു​ന്നാ​ലും, ഈ മാസി​ക​യു​ടെ ശീർഷ​കങ്ങൾ മാത്രമല്ല അതിന്റെ ഉള്ളടക്ക​വും കച്ചവട ലാക്കോ​ടെ പുറത്തി​റ​ക്കുന്ന പുസ്‌ത​ക​ങ്ങ​ളെ​ക്കാൾ മികച്ചു നിൽക്കു​ന്നു . . .

“ഉണരുക!യ്‌ക്കു സുചി​ന്തി​ത​മായ ഒരു ആശയമുണ്ട്‌. പല കാരണ​ങ്ങ​ളാൽ മറ്റു മാസി​കകൾ പ്രസി​ദ്ധീ​ക​രി​ക്കാൻ മടിക്കുന്ന വിഷയങ്ങൾ അതു കൈകാ​ര്യം ചെയ്യുന്നു. അതു യുക്തി​യു​ക്തം കാര്യങ്ങൾ അവതരി​പ്പി​ക്കു​ന്നു, ആഗോള ബോധ​വ​ത്‌ക​രണം നടത്തുന്നു. . . . ഉണരുക! ആരെയും വിധി​ക്കു​ന്നില്ല. അത്‌ വസ്‌തു​ത​ക​ളും ആധികാ​രിക വീക്ഷണ​ങ്ങ​ളും നമുക്കു മുമ്പാകെ വെക്കുന്നു, ഗുണങ്ങ​ളും ദോഷ​ങ്ങ​ളും കാട്ടി​ത്ത​രു​ന്നു, നിലവി​ലുള്ള പ്രശ്‌ന​ങ്ങ​ളു​ടെ കാരണം ബൈബി​ളിൽനി​ന്നു നിരത്തു​ന്നു, അതേസ​മയം സ്വന്തമായ തീരു​മാ​ന​ത്തി​ലെ​ത്താൻ വായന​ക്കാ​രനെ അനുവ​ദി​ക്കു​ക​യും ചെയ്യുന്നു. അതിലു​പരി, ഉണരുക! ചോദ്യ​ങ്ങൾ ചോദി​ക്കു​ന്നു. ചോദ്യ​ങ്ങൾ ചോദി​ക്കാൻ വായന​ക്കാ​രെ പഠിപ്പി​ക്കു​ന്നു.”

“ഉണരുക! പ്രസി​ദ്ധീ​ക​രി​ക്കു​ന്ന​തി​ന്റെ കാരണം” ഓരോ മാസി​ക​യു​ടെ​യും 4-ാം പേജിൽ നൽകി​യി​രി​ക്കു​ന്നു: “അത്യന്തം പ്രധാ​ന​മാ​യി, ഇപ്പോ​ഴത്തെ ദുഷ്ട, നിയമ​ര​ഹിത വ്യവസ്ഥി​തി​യെ ഉടൻ നീക്കി അതിന്റെ സ്ഥാനത്തു വരാൻ പോകുന്ന സമാധാ​ന​പൂർണ​വും സുരക്ഷി​ത​വു​മായ ഒരു പുതിയ ലോക​ത്തെ​ക്കു​റി​ച്ചുള്ള സ്രഷ്ടാ​വി​ന്റെ വാഗ്‌ദ​ത്ത​ത്തിൽ ഈ മാസിക വിശ്വാ​സം കെട്ടു​പണി ചെയ്യുന്നു.”

ദൈവ​ത്തി​ന്റെ ഈ വാഗ്‌ദാ​നത്തെ കുറിച്ച്‌ ജീവി​ത​ത്തി​ന്റെ ഉദ്ദേശ്യം എന്ത്‌? അതു നിങ്ങൾക്കെ​ങ്ങനെ കണ്ടെത്താം? എന്ന 32 പേജുള്ള ലഘുപ​ത്രി​ക​യു​ടെ അവസാ​നത്തെ രണ്ട്‌ അധ്യാ​യ​ങ്ങ​ളിൽ കാണാ​വു​ന്ന​താണ്‌. “ദൈ​വോ​ദ്ദേ​ശ്യം പെട്ടെ​ന്നു​തന്നെ യാഥാർഥ്യ​മാ​യി​ത്തീ​രും” എന്നും “ഒരു പറുദീ​സാ​ഭൂ​മി​യിൽ എന്നേക്കും ജീവി​ക്കുക” എന്നുമാണ്‌ ഈ അധ്യാ​യ​ങ്ങ​ളു​ടെ ശീർഷ​കങ്ങൾ. ഈ ലഘുപ​ത്രിക ലഭിക്കാൻ ഇതോ​ടൊ​പ്പം കൊടു​ത്തി​രി​ക്കുന്ന കൂപ്പൺ പൂരി​പ്പിച്ച്‌ താഴെ കൊടു​ത്തി​രി​ക്കുന്ന വിലാ​സ​ത്തി​ലോ ഈ മാസി​ക​യു​ടെ 5-ാം പേജിലെ അനു​യോ​ജ്യ​മായ വിലാ​സ​ത്തി​ലോ അയയ്‌ക്കുക.

□ ജീവി​ത​ത്തി​ന്റെ ഉദ്ദേശ്യം എന്ത്‌? അതു നിങ്ങൾക്കെ​ങ്ങനെ കണ്ടെത്താം? എന്ന ലഘുപ​ത്രി​ക​യു​ടെ ഒരു പ്രതി എനിക്ക്‌ അയച്ചു​ത​രിക. ഏതു ഭാഷയിൽ വേണ​മെന്നു വ്യക്തമാ​ക്കുക.

□ ഒരു സൗജന്യ ഭവന ബൈബിൾ അധ്യയ​ന​ത്തിന്‌ എനിക്കു താത്‌പ​ര്യ​മുണ്ട്‌, എന്റെ വിലാസം: