ലോകത്തെ വീക്ഷിക്കൽ

പുകവ​ലി​ക്കു ശതകോ​ടി​ക​ളു​ടെ ചെലവ്‌

പല ദേശങ്ങ​ളി​ലും പുകവ​ലി​ക്കാ​രു​ടെ എണ്ണം കുറഞ്ഞു വരുക​യാ​ണെ​ങ്കി​ലും സ്വിറ്റ്‌സർലൻഡിൽ അതു മാറ്റമി​ല്ലാ​തെ തുടരു​ന്നു എന്ന്‌ ബെർന ഓബെർലാൻഡ വർത്തമാ​ന​പ്പ​ത്രം പറയുന്നു. അവിടു​ത്തെ ജനസം​ഖ്യ​യിൽ ഏകദേശം മൂന്നിൽ ഒന്ന്‌ പുകവ​ലി​ക്കാർ ആണ്‌. പ്രതി​വർഷം 8,000-ത്തിലധി​കം ആളുകൾ പുകവലി സംബന്ധ​മായ രോഗങ്ങൾ മൂലം മരിക്കു​ന്നു. ആ സംഖ്യ, എയ്‌ഡ്‌സ്‌, ഹെറോ​യിൻ, കൊ​ക്കെയ്‌ൻ, മദ്യം, തീപി​ടു​ത്തം, വാഹനാ​പ​ക​ടങ്ങൾ, കൊല​പാ​തകം, ആത്മഹത്യ എന്നിവ​യി​ലൂ​ടെ ഉള്ള മരണത്തി​ന്റെ മൊത്തം സംഖ്യ​യെ​ക്കാൾ കൂടു​ത​ലാണ്‌. 1995-ൽ പുകയി​ല​യു​ടെ ഉപഭോ​ഗ​ത്തി​നു വേണ്ടിവന്ന സാമൂ​ഹിക ചെലവ്‌ ആയിരം കോടി സ്വിസ്‌ ഫ്രാങ്ക്‌—600 കോടി​യി​ല​ധി​കം യു.എസ്‌. ഡോളർ—ആയിരു​ന്നു എന്നു സ്വിറ്റ്‌സർലൻഡി​ലെ ഫെഡറൽ ഡിപ്പാർട്ട്‌മെന്റ്‌ ഓഫ്‌ പബ്ലിക്‌ ഹെൽത്ത്‌ നടത്തിയ ഒരു പഠനം നിഗമനം ചെയ്‌തു. ആശുപ​ത്രി-ചികിത്സാ ചെലവു​കൾ, തൊഴിൽ മേഖല​യി​ലെ ഉത്‌പാ​ദ​ന​ക്കു​റവ്‌, രോഗ​ഗ്ര​സ്‌ത​രായ പുകവ​ലി​ക്കാ​രു​ടെ​യും അവരുടെ ആശ്രി​ത​രു​ടെ​യും താണ നിലവാ​ര​ത്തി​ലുള്ള ജീവിതം, സന്തപ്‌ത കുടും​ബാം​ഗ​ങ്ങ​ളു​ടെ യാതനകൾ എന്നിവ​യു​ടെ പരിമാ​ണം നിർണ​യി​ക്കാൻ ആ പഠനം ശ്രമം നടത്തി.

നിങ്ങളു​ടെ ഹൃദയത്തെ സംരക്ഷി​ക്കു​ക

“ചൂടു കൂടിയ കാലാവസ്ഥ ഹൃദയാ​ഘാത സാധ്യത വർധി​പ്പി​ക്കു​ന്നു​വെന്നു ഞങ്ങൾക്കു പണ്ടേ അറിയാ​മാ​യി​രു​ന്നു. എന്നാൽ, തണുപ്പുള്ള കാലാ​വ​സ്ഥ​യും അതിനുള്ള സാധ്യത വർധി​പ്പി​ക്കു​ന്നു എന്നു ഞങ്ങൾ ഇപ്പോൾ മനസ്സി​ലാ​ക്കു​ന്നു,” ഹൃ​ദ്രോഗ ചികിത്സാ വിദഗ്‌ധ​നും കാനഡ​യി​ലെ ഒൺടേ​റി​യോ​യിൽ ഉള്ള ഹാർട്ട്‌ ആൻഡ്‌ സ്‌​ട്രോക്ക്‌ ഫൗണ്ടേ​ഷന്റെ വക്താവും ആയ ഡോ. ആന്തണി ഗ്രഹാം പറയുന്നു. ശരാശരി താപനി​ല​യിൽ പത്തു ഡിഗ്രി കൂടു​ത​ലോ കുറവോ വ്യതി​യാ​നം സംഭവി​ക്കു​ന്നത്‌ “ആദ്യ ഹൃദയാ​ഘാ​ത​ത്തി​നുള്ള സാധ്യത 13 ശതമാനം വർധി​പ്പി​ക്കു​ന്നു” എന്നു ഫ്രാൻസിൽ 2,50,000 ആളുക​ളിൽ നടത്തിയ പത്തു വർഷത്തെ ഒരു പഠനം വെളി​പ്പെ​ടു​ത്തു​ന്ന​താ​യി ദ ഗ്ലോബ്‌ ആൻഡ്‌ മെയിൽ വർത്തമാ​ന​പ്പ​ത്രം റിപ്പോർട്ടു ചെയ്‌തു. താപനില താഴു​മ്പോൾ ശരീര​ത്തിൽ ചൂടു നിലനിർത്താ​നാ​യി രക്തം ത്വക്കിൽ നിന്ന്‌ ഉൾഭാ​ഗ​ങ്ങ​ളി​ലേക്കു തിരി​ച്ചു​വി​ട​പ്പെ​ടു​ന്ന​തി​ന്റെ ഫലമായി ഹൃദയം കൂടുതൽ ശക്തമാ​യും വേഗത്തി​ലും പ്രവർത്തി​ക്കു​ന്നു. ആളുകൾ അമിതാ​ധ്വാ​ന​ത്തിൽ ഏർപ്പെ​ടു​ക​യോ യഥോ​ചി​തം വസ്‌ത്രം ധരിക്കാ​തി​രി​ക്കു​ക​യോ ചെയ്യു​ന്നതു ഹൃദയാ​ഘാത സാധ്യത വർധി​പ്പി​ക്കു​ന്നു. “ദീർഘ​കാ​ലം വെറുതെ കയ്യും​കെട്ടി ഇരുന്നിട്ട്‌, പെട്ടെന്നു മഞ്ഞു കോരി​ക്ക​ള​യാൻ പുറത്തു പോകു​ന്നത്‌ ഉചിത​മാ​യി​രി​ക്കില്ല. അതു പടിപ​ടി​യാ​യി ചെയ്യേണ്ട സംഗതി​യാണ്‌,” ഡോ. ഗ്രഹാം മുന്നറി​യി​പ്പു നൽകുന്നു.

ഉച്ചത്തി​ലുള്ള സംഗീതം—രക്ഷപ്പെ​ടാ​നുള്ള പഴുത്‌

അത്യു​ച്ച​ത്തി​ലുള്ള സംഗീതം “മുഴു ശരീര​ത്തി​നും ദോഷം ചെയ്യുന്നു” എന്ന ഡോക്‌ടർമാ​രു​ടെ മുന്നറി​യി​പ്പു​കൾ കണക്കി​ലെ​ടു​ക്കാത്ത യുവജ​ന​ങ്ങ​ളു​ടെ എണ്ണം വർധിച്ചു വരുക​യാണ്‌. തങ്ങളുടെ സ്വകാര്യ സ്റ്റീരി​യോ ഇല്ലാതെ അവർക്കു ജീവി​ക്കാൻ സാധി​ക്കാ​ത്ത​താ​യി തോന്നു​ന്നു എന്നു പോളിഷ്‌ വർത്തമാ​ന​പ്പ​ത്ര​മായ പ്‌ചി​യാ​ചൂ​കാ റിപ്പോർട്ടു ചെയ്യുന്നു. കാരണം? “ചുറ്റു​പാ​ടു​ക​ളിൽ നിന്നു തങ്ങളെ​ത്തന്നെ അകറ്റി നിർത്തു”ന്നതിനു ചിലർ സ്വകാര്യ സ്റ്റീരി​യോ ഉപയോ​ഗി​ക്കു​ന്നു. “ചെവി​യിൽ ഹെഡ്‌ഫോ​ണു​കൾ വെച്ചി​രി​ക്കുന്ന ഒരു കൗമാ​ര​പ്രാ​യ​ക്കാ​രനു മാതാ​പി​താ​ക്ക​ളു​ടെ കുറ്റ​പ്പെ​ടു​ത്ത​ലു​കൾ കേൾക്കേ​ണ്ട​താ​യോ തന്നോട്‌ ഒരു സംഗതി ചെയ്യാൻ ആവശ്യ​പ്പെ​ടു​മ്പോൾ അതി​നോ​ടു പ്രതി​ക​രി​ക്കേ​ണ്ട​താ​യോ വരുന്നില്ല” എന്ന്‌ ആ പത്രം പറയുന്നു. അത്യു​ച്ച​ത്തി​ലുള്ള സംഗീതം “തളർച്ച​യ്‌ക്കോ തലവേ​ദ​ന​യ്‌ക്കോ ഏകാ​ഗ്ര​ത​ക്കു​റ​വി​നോ ഉറക്കമി​ല്ലാ​യ്‌മ​യ്‌ക്കോ” ഒക്കെ കാരണ​മാ​കാം എന്നു സൂചി​പ്പി​ക്കു​മ്പോൾത്തന്നെ, കുട്ടികൾ സ്വകാര്യ സ്റ്റീരി​യോ ഉപയോ​ഗി​ക്കു​ന്നതു തടയാൻ പ്‌ചി​യാ​ചൂ​കാ മാതാ​പി​താ​ക്ക​ളോട്‌ ആവശ്യ​പ്പെ​ടു​ന്നില്ല. മറിച്ച്‌, അക്കാര്യ​ത്തിൽ മിതത്വം പാലി​ക്കാൻ കുട്ടി​കളെ പഠിപ്പി​ക്കാ​നാണ്‌ അതു നിർദേ​ശി​ക്കു​ന്നത്‌. “ഇടയ്‌ക്കൊ​ക്കെ കുട്ടി​ക​ളു​ടെ പക്കൽ നിന്നു വാക്‌മാൻ വാങ്ങി കേൾക്കുക. അത്‌ അവരുടെ ചെവിക്കു കുറച്ചു വിശ്രമം നൽകു​മെന്നു മാത്രമല്ല, അവരുടെ ലോകത്തെ കുറിച്ച്‌ അറിയാൻ നിങ്ങളെ സഹായി​ക്കു​ക​യും ചെയ്യും,” ആ പത്രം നിർദേ​ശി​ക്കു​ന്നു.

ഭാഷകൾ മൃതമാ​യി​ക്കൊ​ണ്ടി​രി​ക്കു​ന്നു

“എന്റെ മക്കളെ മാതൃ ഭാഷ പഠിപ്പി​ക്കാ​ത്ത​തിൽ എനിക്ക്‌ എന്നോ​ടു​തന്നെ കടുത്ത ദേഷ്യം തോന്നു​ന്നു” എന്ന്‌ അലാസ്‌ക​യി​ലെ ഐയാക്‌ ഭാഷ സംസാ​രി​ക്കുന്ന ഒടുവി​ലത്തെ വ്യക്തി​യായ മറി സ്‌മിത്ത്‌ ജോൺസ്‌ എന്ന ഗോ​ത്ര​മു​ഖ്യ പറയുന്നു. ലോക​മെ​മ്പാ​ടും സംസാ​രി​ച്ചു വരുന്ന​താ​യി കണക്കാ​ക്ക​പ്പെ​ടുന്ന 6,000 ഭാഷക​ളിൽ 40-50 ശതമാനം ഭാഷകൾ അടുത്ത നൂറ്റാ​ണ്ടി​നകം മൃതമാ​യേ​ക്കും എന്നു നിലവി​ലുള്ള പ്രവണ​തകൾ സൂചി​പ്പി​ക്കു​ന്നു. ഒരിക്കൽ 250 ഭാഷകൾ ഉണ്ടായി​രുന്ന ഓസ്‌​ട്രേ​ലി​യ​യിൽ ഇപ്പോൾ ഏതാണ്ട്‌ 20 ഭാഷകളെ ഉള്ളൂ. ഇങ്ങനെ സംഭവി​ക്കാൻ കാരണം എന്താണ്‌? “ഇംഗ്ലീ​ഷും അതു​പോ​ലെ വ്യാപ​ക​മാ​യി സംസാ​രി​ക്ക​പ്പെ​ടുന്ന മറ്റു ഭാഷക​ളും പ്രചാരം നേടു​ന്ന​തി​ന്റെ ഫലമായി” പ്രസ്‌തുത ഭാഷകൾ “വിസ്‌മൃ​തി​യിൽ ആണ്ടു​പോ​കു​ന്നു” എന്നു ന്യൂസ്‌വീക്ക്‌ മാഗസിൻ അഭി​പ്രാ​യ​പ്പെ​ടു​ന്നു. ഐക്യ​രാ​ഷ്‌ട്ര വിദ്യാ​ഭ്യാ​സ ശാസ്‌ത്രീയ സാംസ്‌കാ​രിക സംഘടന പ്രസി​ദ്ധീ​ക​രിച്ച അപ്രത്യ​ക്ഷ​മാ​കാൻ സാധ്യ​ത​യുള്ള ലോക ഭാഷക​ളു​ടെ ചാർട്ടി​ന്റെ (ഇംഗ്ലീഷ്‌) എഡിറ്റ​റായ പ്രൊ​ഫസർ സ്റ്റീഫൻ വും ഇങ്ങനെ കൂട്ടി​ച്ചേർക്കു​ന്നു: “പ്രചാരം സിദ്ധി​ക്കാത്ത ഭാഷകൾക്ക്‌—ന്യൂന​പ​ക്ഷ​ത്തി​ന്റെ ഭാഷകൾക്ക്‌—തെല്ലും മൂല്യം ഇല്ലാത്ത​തി​നാൽ അവ മറന്നു കളയണം എന്നാണു പൊതു​വെ​യുള്ള വീക്ഷണം.”

നിങ്ങളു​ടെ കുഞ്ഞി​നോ​ടു സംസാ​രി​ക്കു​ക

ദിവസ​വും ചുരു​ങ്ങി​യത്‌ അര മണിക്കൂർ വീത​മെ​ങ്കി​ലും കുഞ്ഞു​ങ്ങ​ളോ​ടു സംസാ​രി​ക്കു​ന്നത്‌ അവരുടെ ബുദ്ധി​ശ​ക്തി​യും ഭാഷാ പ്രാപ്‌തി​യും ശ്രദ്ധേ​യ​മാ​യി വർധി​പ്പി​ക്കും എന്നു ലണ്ടനിലെ ഡെയ്‌ലി ടെല​ഗ്രാഫ്‌ റിപ്പോർട്ട്‌ ചെയ്യുന്നു. ഒമ്പതു മാസം പ്രായ​മുള്ള 140 കുട്ടി​ക​ളിൽ ഗവേഷകർ പഠനം നടത്തി. മക്കളോട്‌ ഏറ്റവും നന്നായി എങ്ങനെ സംസാ​രി​ക്കണം എന്നു പകുതി കുട്ടി​ക​ളു​ടെ മാതാ​പി​താ​ക്കൾക്കു പറഞ്ഞു കൊടു​ത്തി​രു​ന്നു. അതേ സമയം മറ്റേ പകുതി​ക്കു യാതൊ​രു നിർദേ​ശ​വും നൽകി​യി​രു​ന്നില്ല. ഏഴു വർഷത്തി​നു ശേഷം, “[മാതാ​പി​താ​ക്കൾ സംസാ​രി​ച്ചി​രുന്ന] കുട്ടി​ക​ളു​ടെ ശരാശരി ബുദ്ധി​ശക്തി, മറ്റേ വിഭാ​ഗ​ത്തി​ലെ കുട്ടി​ക​ളു​ടെ​തി​നെ​ക്കാൾ ഒരു വർഷവും മൂന്നു മാസവും കൂടുതൽ ആയിരു​ന്നു.” അവരുടെ ഭാഷാ പ്രാപ്‌തി​യും “വളരെ ശ്രദ്ധേ​യ​മാം വിധം ഉയർന്നത്‌” ആയിരു​ന്നു എന്നു റിപ്പോർട്ടു പറയുന്നു. സമൂഹ​ത്തി​ലെ വലിയ മാറ്റങ്ങ​ളു​ടെ ഫലമായി ഇന്നു മാതാ​പി​താ​ക്കൾ പണ്ടത്തെ അത്രയും തങ്ങളുടെ മക്കളോ​ടു സംസാ​രി​ക്കു​ന്നില്ല എന്നു ഗവേഷ​ക​യായ ഡോ. സാലി വാർഡ്‌ വിശ്വ​സി​ക്കു​ന്നു. ഉദാഹ​ര​ണ​ത്തിന്‌, ജോലി​ക്കു പോകുന്ന അമ്മമാ​രു​ടെ എണ്ണം വർധി​ക്കു​ക​യാണ്‌. മാത്രമല്ല, മിക്ക ഭവനങ്ങ​ളി​ലും വീഡി​യോ ടേപ്പുകൾ സംഭാ​ഷ​ണ​ത്തി​ന്റെ സ്ഥാനം കയ്യടക്കി​യി​രി​ക്കു​ക​യു​മാണ്‌.

റോഡി​ലെ രോഷം ഒഴിവാ​ക്കൽ

“അമിത​മാ​യി അക്രമ സ്വഭാവം പ്രകട​മാ​ക്കുന്ന ഡ്രൈ​വർമാ​രെ സൂക്ഷി​ക്കണം” എന്ന്‌ അനുഭ​വ​സ​മ്പ​ന്ന​നായ ഒരു കാറോട്ട മത്സരക്കാ​രൻ ഉപദേ​ശി​ക്കു​ന്ന​താ​യി ഫ്‌ളീറ്റ്‌ മെയ്‌ന്റ​നൻസ്‌ & സേഫ്‌റ്റി റിപ്പോർട്ട്‌ എന്ന മാസിക ഉദ്ധരി​ക്കു​ക​യു​ണ്ടാ​യി. ശാന്തഭാ​വം പുലർത്തു​ന്ന​തും പ്രതി​കൂല ചുറ്റു​പാ​ടു​കൾ ഒഴിവാ​ക്കു​ന്ന​തും റോഡി​ലെ രോഷം വരുത്തി​വെ​ക്കുന്ന അപകടങ്ങൾ കുറയ്‌ക്കാൻ സഹായി​ക്കും. സുരക്ഷാ വക്താക്കൾ പിൻവ​രുന്ന കാര്യങ്ങൾ ശുപാർശ ചെയ്യുന്നു:

◼ എല്ലായ്‌പോ​ഴും മര്യാ​ദ​പൂർവം വണ്ടി ഓടി​ക്കുക.

◼ കോപാ​കു​ല​നായ ഒരു വണ്ടിക്കാ​ര​നിൽ നിന്നു സുരക്ഷി​ത​മാ​യി ഒഴിഞ്ഞു​മാ​റാൻ കഴിയു​മെ​ങ്കിൽ അങ്ങനെ ചെയ്യുക.

◼ മറ്റൊരു വണ്ടിയു​ടെ തൊട്ടു​പി​ന്നാ​ലെ പൊയ്‌ക്കൊ​ണ്ടോ വേഗത കൂട്ടി​ക്കൊ​ണ്ടോ അതിന്റെ ഡ്രൈ​വറെ ശുണ്‌ഠി പിടി​പ്പി​ക്ക​രുത്‌.

◼ ഭീഷണി​പ്പെ​ടു​ത്തുന്ന തരം അംഗവി​ക്ഷേ​പ​ങ്ങ​ളോ​ടു പ്രതി​ക​രി​ക്ക​രുത്‌. തെറ്റി​ദ്ധ​രി​ക്ക​പ്പെ​ട്ടേ​ക്കാ​വുന്ന ആംഗ്യങ്ങൾ കാട്ടു​ക​യും അരുത്‌.

◼ രോഷാ​കു​ല​നായ ഡ്രൈ​വ​റു​മാ​യുള്ള ദൃഷ്ടി​സ​മ്പർക്കം ഒഴിവാ​ക്കുക.

◼ മറ്റൊരു ഡ്രൈ​വറെ എതിരി​ടാ​നാ​യി വണ്ടി വശത്തേക്ക്‌ എടുക്ക​രുത്‌.

ഗർഭച്ഛി​ദ്ര ക്ഷതങ്ങളും മരണവും

മെക്‌സി​ക്കോ​യിൽ വർഷം തോറും 5,00,000-ത്തോളം ഗർഭച്ഛി​ദ്രങ്ങൾ നടത്ത​പ്പെ​ടു​ന്ന​താ​യി മെക്‌സി​ക്കോ നഗരത്തി​ലെ ആരോഗ്യ-സാമൂ​ഹിക സേവന കമ്മീഷന്റെ പ്രസി​ഡ​ന്റായ ഫ്രാൻസി​സ്‌കോ ഹാവ്‌യേർ സെർനാ ആൽവാ​റാ​ഡോ പറയുന്നു. എൽ യൂണി​വേ​ഴ്‌സാൽ വർത്തമാ​ന​പ്പ​ത്രം റിപ്പോർട്ടു ചെയ്യുന്ന പ്രകാരം, ഗർഭം അലസി​പ്പി​ക്കു​ന്ന​വ​രിൽ വലി​യൊ​രു ശതമാ​ന​ത്തി​നു ജീവൻ നഷ്ടമാ​കു​ന്നു, മറ്റു ചിലർക്കു ഗുരു​ത​ര​മായ പ്രശ്‌നങ്ങൾ ഉണ്ടാകു​ന്ന​തി​ന്റെ ഫലമായി ചികിത്സ വേണ്ടി​വ​രു​ന്നു, ആശുപ​ത്രി​യിൽ പ്രവേ​ശി​പ്പി​ക്കേ​ണ്ട​തായ അവസ്ഥ​യോ​ളം പോലും അവരുടെ നില വഷളാ​കു​ന്നു. രഹസ്യ ഗർഭച്ഛി​ദ്ര​മാ​ണു മെക്‌സി​ക്കോ​യി​ലെ അമ്മമാ​രു​ടെ മരണത്തി​നുള്ള മൂന്നാ​മത്തെ വലിയ കാരണം. ചിലർ ഗർഭച്ഛി​ദ്രം നടത്താൻ പരുക്കൻ രീതികൾ അവലം​ബി​ക്കു​ന്നു—കൂർത്ത മുനയുള്ള വസ്‌തു​ക്കൾ ഉപയോ​ഗി​ക്കു​ന്ന​തും ഗർഭം അലസി​പ്പി​ക്കുന്ന മരുന്നു​ക​ളോ ഔഷധ പാനീ​യ​ങ്ങ​ളോ ഉപയോ​ഗി​ക്കു​ന്ന​തും മുകളി​ലത്തെ നിലയിൽ നിന്നു ഗോവ​ണി​ക​ളി​ലൂ​ടെ മനപ്പൂർവം വീഴു​ന്ന​തും ഒക്കെ അതിൽ ഉൾപ്പെ​ടു​ന്നു. അതെല്ലാം ഒട്ടുമി​ക്ക​പ്പോ​ഴും “ഗുരു​ത​ര​മായ രക്തസ്രാ​വ​ത്തി​നും ഗർഭപാ​ത്ര ക്ഷതത്തി​നും വന്ധ്യത​യ്‌ക്കും അണുബാ​ധ​യ്‌ക്കും ഒക്കെ കാരണ​മാ​കു​ന്നു, ചിലരു​ടെ കാര്യ​ത്തിൽ ഗർഭ​പ്രാ​ത്രം നീക്കം ചെയ്യേ​ണ്ട​താ​യി പോലും വരുന്നു” എന്ന്‌ ആ റിപ്പോർട്ടു വ്യക്തമാ​ക്കു​ന്നു.

ശ്രോ​താ​ക്കൾ ശ്രദ്ധി​ക്കും വിധം സംസാ​രി​ക്കു​ക

ഒരാളു​ടെ സന്ദേശം എത്രതന്നെ പ്രാധാ​ന്യ​മു​ള്ളത്‌ ആയിരു​ന്നാ​ലും, ശ്രോ​താ​ക്കൾക്ക്‌ അയാളു​ടെ സംസാര രീതി ഇഷ്ടമ​ല്ലെ​ങ്കിൽ അവരിൽ മിക്കവ​രും അതു ശ്രദ്ധി​ക്കു​ക​യില്ല എന്നു സംസാര വിദഗ്‌ധ​യായ ഡോ. ലിൽയെൻ ഗ്ലാസ്‌ അഭി​പ്രാ​യ​പ്പെ​ടു​ന്നു. ദക്ഷിണാ​ഫ്രി​ക്ക​യി​ലെ ദ സിറ്റിസൺ വർത്തമാ​ന​പ്പ​ത്ര​ത്തിൽ റിപ്പോർട്ടു ചെയ്‌ത​പ്ര​കാ​രം, അസ്‌പ​ഷ്ട​മായ സംസാരം, മോശ​മായ വ്യാക​രണം, വിരസത ഉളവാ​ക്കുന്ന സ്വരം, അതി​വേ​ഗ​ത്തി​ലുള്ള സംസാരം, നിന്ദാ​സൂ​ച​ക​മായ പദപ്ര​യോ​ഗങ്ങൾ, സംഭാ​ഷ​ണ​ത്തിൽ കുത്തക ഏറ്റെടു​ക്കൽ എന്നിവ​യെ​ല്ലാം ശ്രോ​താ​ക്കളെ നിരു​ത്സാ​ഹ​പ്പെ​ടു​ത്തു​ന്നു. നേരെ​മ​റിച്ച്‌, സംസാ​രി​ക്കു​ന്ന​തിന്‌ ഇടയിൽ, ശ്രോ​താ​ക്കൾക്കു പിരി​മു​റു​ക്കം തോന്നാ​തി​രി​ക്കേ​ണ്ട​തി​നു പുഞ്ചി​രി​ക്കു​ക​യും വ്യക്തമാ​യി, സാവധാ​നം സംസാ​രി​ക്കു​ക​യും ശ്രോ​താ​ക്ക​ളു​മാ​യി ദൃഷ്ടി സമ്പർക്കം പുലർത്തു​ക​യും അവരുടെ സംസാ​ര​ത്തി​നു തടസ്സം സൃഷ്ടി​ക്കാ​തെ ശ്രദ്ധാ​പൂർവം കേൾക്കു​ക​യും ചെയ്യു​ന്ന​പക്ഷം സാധാ​ര​ണ​ഗ​തി​യിൽ അവർ നിങ്ങൾ പറയു​ന്നതു ശ്രദ്ധി​ക്കും. “സംസാ​രി​ക്കു​ന്ന​തി​നു മുമ്പു ചിന്തി​ക്കുക. അങ്ങനെ​യെ​ങ്കിൽ ആത്മവി​ശ്വാ​സ​ത്തോ​ടെ നിങ്ങൾക്കു സംസാ​രി​ക്കാൻ സാധി​ക്കും,” പ്രസ്‌തുത ലേഖനം കൂട്ടി​ച്ചേർക്കു​ന്നു.

അതിഭ​ക്ഷണം ഭക്ഷ്യവി​ഷ​ബാ​ധ​യ്‌ക്കുള്ള സാധ്യത വർധി​പ്പി​ക്കു​ന്നു

അമിത​മാ​യി ഭക്ഷിക്കു​ന്നത്‌ ഭക്ഷ്യവി​ഷ​ബാ​ധ​യ്‌ക്കുള്ള സാധ്യത വർധി​പ്പി​ക്കു​ന്നു എന്നു മെക്‌സി​ക്കോ​യി​ലുള്ള സാൽവ​ഡോർ സൂബി​റാൻ നാഷണൽ ഇൻസ്റ്റി​റ്റ്യൂട്ട്‌ ഓഫ്‌ നുട്രി​ഷ​നി​ലെ ഡോ. ആഡോൾഫോ ചാവെസ്‌ പറയുന്നു. അദ്ദേഹം പറയുന്ന പ്രകാരം, നാം കഴിക്കുന്ന ഭക്ഷണത്തി​ലെ ചെറിയ അളവി​ലുള്ള ബാക്‌ടീ​രി​യ​കളെ ആമാശയ രസം നശിപ്പി​ക്കു​ക​യാ​ണു പതിവ്‌. എന്നാൽ, അതിഭ​ക്ഷ​ണ​ത്തി​ന്റെ ഫലമായി അമിത​മാ​യി വരുന്ന ഭക്ഷണം ആമാശയ അമ്ലത്തി​ന്മേൽ അധീശ​ത്വം പുലർത്തു​ന്നു. അങ്ങനെ, അതു ബാക്‌ടീ​രി​യയെ കൊല്ലാ​നുള്ള ആമാശ​യ​ത്തി​ന്റെ പ്രാപ്‌തി കുറയ്‌ക്കു​ന്നു. “ഒരു വ്യക്തി മെക്‌സി​ക്കൻ വിഭവ​മായ, 15 ടാക്കോ​കൾ കഴിക്കു​ന്നു എന്നിരി​ക്കട്ടെ. അതിൽ ഒരെണ്ണം മലീമസം ആണെങ്കിൽ അത്രയ​ധി​കം ടാക്കോ​കൾ കഴിക്കു​ന്നതു നിമിത്തം അയാൾക്കു ഭക്ഷ്യവി​ഷ​ബാധ ഏൽക്കാൻ സാധ്യ​ത​യുണ്ട്‌. എന്നാൽ അയാൾ ഒരു ടാക്കോ​യെ കഴിക്കു​ന്നു​ള്ളൂ എങ്കിൽ, അതു മലീമസം ആണെങ്കിൽ പോലും അയാൾക്കു പ്രശ്‌ന​മു​ണ്ടാ​കാൻ സാധ്യ​ത​യില്ല” എന്ന്‌ ഡോ. ചാവെസ്‌ ഉണരുക!യോടു പറഞ്ഞു.

ചിരി ക്ഷാമം

സമീപ​കാ​ലത്തു സ്വിറ്റ്‌സർലൻഡിൽ നടന്ന അന്താരാ​ഷ്‌ട്ര ഹാസ്യ സമ്മേള​ന​ത്തിൽ അവതരി​പ്പി​ക്ക​പ്പെട്ട തെളി​വി​ന്റെ അടിസ്ഥാ​ന​ത്തിൽ, സാമ്പത്തിക ബുദ്ധി​മു​ട്ടു​കൾ തേർവാഴ്‌ച നടത്തി​യി​രുന്ന 1950-കളിൽ ഒരു സാധാ​ര​ണ​ക്കാ​രൻ ദിവസ​വും 18 മിനിറ്റു നേരം ചിരി​ച്ചി​രു​ന്നു. എന്നാൽ, സാമ്പത്തിക സമൃദ്ധി ഉള്ള 1990-കളിലാ​കട്ടെ അതു വെറും 6 മിനി​റ്റാ​യി ചുരുങ്ങി. അതിനു കാരണം? “ഭൗതിക-തൊഴിൽ നേട്ടങ്ങൾക്കും വ്യക്തി​പ​ര​മായ വിജയ​ത്തി​നും വേണ്ടി​യുള്ള പരക്കം പാച്ചി​ലി​നെ ആണു വിദഗ്‌ധർ അതിനു പഴിക്കു​ന്നത്‌. അത്‌, പണം കൊടു​ത്തു സന്തുഷ്ടി വാങ്ങാ​നാ​കില്ല എന്ന പഴമൊ​ഴി അർഥവ​ത്താ​ണെന്നു സ്ഥിരീ​ക​രി​ക്കു​ന്നു” എന്നു ലണ്ടനിലെ സൺഡേ ടൈംസ്‌ വിശദീ​ക​രി​ക്കു​ന്നു. എഴുത്തു​കാ​ര​നായ മൈക്കൾ ആർഗൈൽ ഇങ്ങനെ നിഗമനം ചെയ്യുന്നു: “പണത്തിന്‌ അങ്ങേയ​റ്റത്തെ മൂല്യം കൽപ്പി​ക്കു​ന്നവർ തൃപ്‌തി കുറഞ്ഞ​വ​രും മോശ​മായ മാനസിക ആരോ​ഗ്യം ഉള്ളവരും ആയിരി​ക്കും. പണം ഉപരി​പ്ല​വ​മായ സംതൃ​പ്‌തി മാത്രമേ നൽകു​ന്നു​ള്ളൂ എന്നതാ​കാം അതിനു കാരണം.”

വൈദ്യ ചികിത്സാ അവകാശം സംരക്ഷി​ക്ക​പ്പെ​ടു​ന്നു

വൈദ്യ ചികിത്സ ആവശ്യ​മു​ള്ളവർ രക്തം ദാനം ചെയ്യണ​മെന്നു നിഷ്‌കർഷി​ക്കുന്ന, ഒരു സാമൂ​ഹിക സുരക്ഷാ ആശുപ​ത്രി​യു​ടെ നയം നിയമ​വി​രു​ദ്ധ​മാണ്‌ എന്ന്‌ എൽ സാൽവ​ഡോ​റി​ലെ പരമോ​ന്നത നീതി​ന്യാ​യ കോടതി സമീപ കാലത്തു പ്രഖ്യാ​പി​ച്ചു. ആ നയം അനുസ​രിച്ച്‌, ശസ്‌ത്ര​ക്രി​യ​യ്‌ക്കു വിധേ​യ​രാ​കു​ന്ന​തി​നു മുമ്പ്‌ എല്ലാ രോഗി​ക​ളും രണ്ടു യൂണിറ്റ്‌ രക്തം ദാനം ചെയ്യേ​ണ്ടി​യി​രു​ന്നു. എന്നാൽ, ഇപ്പോൾ പ്രസ്‌തുത സാമൂ​ഹിക സുരക്ഷാ ആശുപ​ത്രി​യിൽ ചികിത്സ സ്വീക​രി​ക്കു​ന്ന​വർക്കു രക്തം നൽകാ​തി​രി​ക്കാ​നുള്ള നിയമ​പ​ര​മായ അവകാ​ശ​മുണ്ട്‌.