മുത്തശ്ശീ​മു​ത്ത​ശ്ശ​ന്മാർ മാതാ​പി​താ​ക്കൾ ആകു​മ്പോൾ

“രാജ്യ​ഹാ​ളിൽനിന്ന്‌ യോഗ​വും കഴിഞ്ഞ്‌ ഞാൻ വീട്ടിൽ എത്തിയതേ ഉണ്ടായി​രു​ന്നു​ള്ളൂ. കതകിൽ ആരോ ശക്തിയാ​യി മുട്ടു​ന്നതു കേട്ടു. വാതിൽ തുറന്ന​പ്പോൾ രണ്ടു പൊലീ​സു​കാർ, ഒപ്പം അഴുക്കു​പു​രണ്ട ശരീര​വും ജട പിടിച്ച മുടി​യു​മാ​യി രണ്ടു കുട്ടി​ക​ളും. പിള്ളേരെ കണ്ടാൽ കുളി​ച്ചി​ട്ടു മാസങ്ങ​ളാ​യെന്നു തോന്നു​മാ​യി​രു​ന്നു. വാസ്‌തവം പറഞ്ഞാൽ അവരെ മനുഷ്യ​ക്കു​ട്ടി​ക​ളാ​ണെന്നു പോലും പറയാൻ പറ്റില്ലാ​യി​രു​ന്നു! എന്റെ പേരക്കു​ട്ടി​ക​ളാ​യി​രു​ന്നു അവർ. മയക്കു​മ​രു​ന്നിന്‌ അടിമ​യാ​യി​ത്തീർന്നി​രുന്ന അവരുടെ അമ്മ അവരെ ഉപേക്ഷി​ച്ചി​രു​ന്നു. ഞാനാ​ണെ​ങ്കിൽ ആറു മക്കളുള്ള ഒരു വിധവ​യും. എങ്കിലും എന്റെ പേരക്കു​ട്ടി​കളെ ഉപേക്ഷി​ക്കാൻ എനിക്കു മനസ്സു വന്നില്ല.”—സാല്ലി.a

“ജീവി​ത​ത്തി​നു മാറ്റം വരുത്തു​ന്ന​തു​വരെ മക്കളെ നോക്കാ​മോ എന്നു മകൾ എന്നോടു ചോദി​ച്ചു. അവൾ മയക്കു​മ​രു​ന്നിന്‌ അടിമ​പ്പെ​ട്ടി​രുന്ന വിവരം എനിക്ക്‌ അറിയി​ല്ലാ​യി​രു​ന്നു. ഒടുവിൽ അവളുടെ രണ്ടു മക്കളെ എനിക്കു നോ​ക്കേ​ണ്ടി​വന്നു. കുറച്ചു വർഷം കഴിഞ്ഞ​പ്പോൾ അവൾക്ക്‌ ഒരു കുട്ടി കൂടെ ജനിച്ചു. ആ കുഞ്ഞിന്റെ ചുമത​ല​യും കൂടെ ഏറ്റെടു​ക്കാൻ എനിക്ക്‌ ആഗ്രഹ​മു​ണ്ടാ​യി​രു​ന്നില്ല. പക്ഷേ കൊച്ചു​മകൻ എന്നോട്‌ ‘അമ്മൂമ്മേ അവളെ​ക്കൂ​ടി ഇങ്ങു കൊണ്ടു​വ​രാ​മോ’ എന്നു കെഞ്ചി ചോദി​ച്ചു.”—വില്ലി മേ.

മുത്തശ്ശീ​മു​ത്ത​ശ്ശ​ന്മാർ ആണെങ്കിൽ “ഉത്തരവാ​ദി​ത്വം കൂടാതെ സന്തോഷം അനുഭ​വി​ക്കാം” എന്ന്‌ ഒരു കാലത്തു പറയ​പ്പെ​ട്ടി​രു​ന്നു. എന്നാൽ മേലാൽ അത്‌ അങ്ങനെ ആയിരി​ക്കു​ന്നില്ല. ഐക്യ​നാ​ടു​ക​ളിൽ മാത്രം, 30 ലക്ഷത്തി​ല​ധി​കം കുട്ടികൾ മുത്തശ്ശീ​മു​ത്ത​ശ്ശ​ന്മാ​രു​ടെ കൂടെ കഴിയു​ന്ന​താ​യി ചില കണക്കുകൾ വെളി​പ്പെ​ടു​ത്തു​ന്നു. ഇവരുടെ എണ്ണം സത്വരം വർധി​ക്കു​ക​യു​മാണ്‌.

അസ്വസ്ഥ​ജ​ന​ക​മാ​യ ഈ പ്രവണ​ത​യ്‌ക്കു കാരണം എന്താണ്‌? വിവാ​ഹ​ബന്ധം വേർപെ​ടു​ത്തിയ മാതാ​പി​താ​ക്ക​ളു​ടെ കുട്ടി​കൾക്കു തങ്ങളുടെ മുത്തശ്ശീ​മു​ത്ത​ശ്ശ​ന്മാ​രോ​ടൊ​പ്പം കഴി​യേണ്ടി വരുന്നു. അതു​പോ​ലെ​തന്നെ മാതാ​പി​താ​ക്ക​ളാൽ ഉപേക്ഷി​ക്ക​പ്പെ​ട്ട​വ​രോ അവരുടെ ദുഷ്‌പെ​രു​മാ​റ്റ​ത്തി​നു വിധേ​യ​രാ​കേണ്ടി വരുന്ന​വ​രോ ആയ കുട്ടി​ക​ളും. ചൈൽഡ്‌ വെൽഫെയർ എന്ന ജേർണൽ പറയു​ന്ന​ത​നു​സ​രിച്ച്‌ തങ്ങളുടെ ഉത്തരവാ​ദി​ത്വം നിർവ​ഹി​ക്കാൻ മാതാ​പി​താ​ക്കളെ അപ്രാ​പ്‌ത​രാ​ക്കി​ക്കൊണ്ട്‌ ‘ചത്തതി​നൊ​ക്കു​മേ ജീവി​ച്ചി​രി​ക്കി​ലും എന്നു വിശേ​ഷി​പ്പി​ക്കാ​വുന്ന ഒരു തലമു​റയെ ക്രാക്ക്‌ കൊ​ക്കെയ്‌ൻ സൃഷ്ടി​ക്കു​ക​യാണ്‌.’ ഉപേക്ഷി​ക്ക​പ്പെ​ടു​ന്ന​തി​ന്റെ​യും മാതാ​പി​താ​ക്കൾ മരണമ​ട​യു​ന്ന​തി​ന്റെ​യും അവർക്കു മാനസിക രോഗം പിടി​പെ​ടു​ന്ന​തി​ന്റെ​യും ഫലമാ​യും ലക്ഷക്കണ​ക്കി​നു കുട്ടികൾ “അച്ഛനമ്മ​മാർ ഇല്ലാത്തവർ” ആയി തീരുന്നു. എയ്‌ഡ്‌സ്‌ പിടി​പെട്ട അമ്മമാ​രുള്ള കുട്ടി​ക​ളും ഒടുവിൽ തങ്ങളുടെ മുത്തശ്ശീ​മു​ത്ത​ശ്ശ​ന്മാ​രു​ടെ പരിപാ​ല​ന​ത്തിൻ കീഴിൽ വരുന്നു.

മധ്യവ​യ​സ്സി​ലോ വാർധ​ക്യ​ത്തി​ലെ “ദുർദ്ദി​വസ”ങ്ങളുടെ കാലത്തോ കുട്ടി​കളെ പരിപാ​ലി​ക്കുന്ന ചുമതല ഏറ്റെടു​ക്കു​ന്നതു താങ്ങാ​വു​ന്ന​തിൽ അധിക​മാ​യി​രി​ക്കാം. (സഭാ​പ്ര​സം​ഗി 12:1-7) പലർക്കും കൊച്ചു​കു​ട്ടി​ക​ളു​ടെ പുറകേ നടക്കാ​നുള്ള ആരോ​ഗ്യം ഉണ്ടായി​രി​ക്കില്ല. മറ്റു ചിലരാ​കട്ടെ വാർധ​ക്യ​ത്തി​ലുള്ള സ്വന്തം മാതാ​പി​താ​ക്കളെ പരിച​രി​ക്കു​ന്ന​വ​രാ​യി​രി​ക്കാം. ഇനിയും ചിലർ വൈധ​വ്യം അനുഭ​വി​ക്കു​ന്ന​വ​രോ വിവാ​ഹ​ബന്ധം വേർപെ​ടു​ത്തി​യ​വ​രോ ആയിരി​ക്കും, അവർക്ക്‌ ഇണയുടെ സഹായ​മി​ല്ലാ​തെ കഴിഞ്ഞു​കൂ​ടേ​ണ്ട​തുണ്ട്‌. മാത്രമല്ല, അത്തരം ഒരു ഭാരം ഏറ്റെടു​ക്കാ​നുള്ള സാമ്പത്തി​ക​സ്ഥി​തി​യും പലർക്കും ഇല്ല. ഒരു സർവേ പ്രകാരം, പേരക്കു​ട്ടി​ക​ളു​ടെ സംരക്ഷ​ണ​ച്ചു​മതല വഹിക്കുന്ന മുത്തശ്ശീ​മു​ത്ത​ശ്ശ​ന്മാ​രിൽ 10-ൽ 4 പേർ വീതം ദാരി​ദ്ര്യ​രേ​ഖ​യ്‌ക്കു തൊട്ടു മുകളിൽ മാത്രം വരുമാ​നം ഉള്ളവരാണ്‌. “കുട്ടി​കൾക്ക്‌ അസുഖ​മാ​യി​രു​ന്നു,” സാല്ലി അനുസ്‌മ​രി​ക്കു​ന്നു. “മരുന്നി​നും മറ്റും കുറേ കാശു ചെലവാ​യി. ഗവൺമെ​ന്റിൽനിന്ന്‌ എനിക്കു സാമ്പത്തിക സഹായ​മൊ​ന്നും ലഭിച്ചി​ല്ലെ​ന്നു​തന്നെ പറയാം.” പ്രായ​മായ ഒരു സ്‌ത്രീ പറയുന്നു: “ജോലി​യിൽനി​ന്നു വിരമി​ച്ച​പ്പോൾ കിട്ടിയ പണമെ​ല്ലാം പേരക്കു​ട്ടി​കൾക്കു വേണ്ടി ചെലവാ​ക്കേണ്ടി വന്നു.”

സമ്മർദ​ങ്ങ​ളും പിരി​മു​റു​ക്ക​ങ്ങ​ളും

“പേരക്കു​ട്ടി​ക​ളു​ടെ പരിപാ​ലനം മുത്തശ്ശീ​മു​ത്ത​ശ്ശ​ന്മാ​രിൽ വളരെ സമ്മർദം ഉളവാ​ക്കി​യി​രി​ക്കുന്ന”തായി ഒരു പഠനം വെളി​പ്പെ​ടു​ത്തി​യ​തിൽ അത്ഭുത​പ്പെ​ടാ​നില്ല. “പഠനത്തി​നു വിധേ​യ​രാ​ക്ക​പ്പെട്ട 60 മുത്തശ്ശീ​മു​ത്ത​ശ്ശ​ന്മാ​രിൽ 86 ശതമാ​ന​വും തങ്ങൾ ‘മിക്ക​പ്പോ​ഴും വിഷാ​ദ​ചി​ത്ത​രോ ഉത്‌ക​ണ്‌ഠാ​കു​ല​രോ’ ആണെന്നു പറഞ്ഞു.” പലരും തങ്ങൾക്ക്‌ ആരോഗ്യ പ്രശ്‌നങ്ങൾ ഉള്ളതായി പറയുന്നു. “അത്‌ എന്നെ ശാരീ​രി​ക​മാ​യും മാനസി​ക​മാ​യും ആത്മീയ​മാ​യും ബാധിച്ചു,” കൗമാ​ര​പ്രാ​യ​ക്കാ​രി​യായ കൊച്ചു​മ​ക​ളു​ടെ സംരക്ഷണം ഏറ്റെടു​ത്തി​രുന്ന എലിസ​ബത്ത്‌ പറഞ്ഞു. വില്ലി മേയ്‌ക്ക്‌ ഹൃ​ദ്രോ​ഗ​വും ഉയർന്ന രക്തസമ്മർദ​വും ഉണ്ട്‌. “കുട്ടി​കളെ വളർത്തു​ന്ന​തി​ന്റെ സമ്മർദ​മാ​ണു കാരണം എന്നാണു ഡോക്‌ടർ പറയു​ന്നത്‌.”

പേരക്കു​ട്ടി​ക​ളെ വളർത്തു​ന്നതു മൂലം ജീവി​ത​രീ​തി​ക്കു സംഭവി​ക്കുന്ന മാറ്റത്തെ നേരി​ടാ​നും പലരും സജ്ജരല്ല. “ചില​പ്പോൾ എനിക്ക്‌ എവി​ടേ​ക്കും പോകാൻ പറ്റാത്ത സ്ഥിതി​യാണ്‌,” ഒരു മുത്തശ്ശൻ പറയുന്നു. “പിള്ളേരെ മറ്റാ​രെ​യെ​ങ്കി​ലും ഏൽപ്പിച്ചു പോകു​ന്ന​തി​നെ കുറിച്ചു ചിന്തി​ക്കു​മ്പോൾ . . . എനിക്കു കുറ്റ​ബോ​ധം തോന്നും. അതു​കൊണ്ട്‌ ഞാൻ പോ​കേ​ണ്ടെന്നു വെക്കും അല്ലെങ്കിൽ വിചാ​രിച്ച കാര്യം ചെയ്യേ​ണ്ടെന്നു വെക്കും.” സ്വകാര്യ സമയം എന്നു പറയുന്ന ഒന്ന്‌ തനിക്ക്‌ “ഇല്ല” എന്നാണ്‌ ഒരു മുത്തശ്ശി പറയു​ന്നത്‌. സമൂഹ​ത്തിൽ നിന്നുള്ള ഒറ്റപ്പെ​ട​ലും ഏകാന്ത​ത​യും സാധാ​ര​ണ​മാണ്‌. പേരക്കു​ട്ടി​ക​ളുള്ള ഒരു സ്‌ത്രീ പറഞ്ഞു: “ഞങ്ങളുടെ പ്രായ​ത്തി​ലുള്ള മിക്ക സുഹൃ​ത്തു​ക്കൾക്കും വീട്ടിൽ [കൊച്ചു] കുട്ടി​ക​ളില്ല. ഇതിന്റെ ഫലമായി പലപ്പോ​ഴും ആരെങ്കി​ലും ക്ഷണിച്ചാ​ലും ഞങ്ങൾ പോകാ​റില്ല. കാരണം ഞങ്ങളുടെ മക്കളെ [പേരക്കു​ട്ടി​കളെ] അവർ ക്ഷണിക്കാ​റില്ല.”

വൈകാ​രി​ക സമ്മർദ​ങ്ങ​ളും വേദനാ​ജ​ന​ക​മാണ്‌. യു.എസ്‌.ന്യൂസ്‌ & വേൾഡ്‌ റിപ്പോർട്ടി​ലെ ഒരു ലേഖനം പറയുന്നു: “മാതാ​പി​താ​ക്ക​ളു​ടെ ധർമം നിർവ​ഹി​ക്കു​ന്ന​തി​ലുള്ള സ്വന്തം മക്കളുടെ പരാജയം നിമിത്തം അവരിൽ പലർക്കും [മുത്തശ്ശീ​മു​ത്ത​ശ്ശ​ന്മാർക്ക്‌] നാണ​ക്കേ​ടും കുറ്റ​ബോ​ധ​വും തോന്നു​ന്നു. മാതാ​പി​താ​ക്ക​ളെന്ന നിലയിൽ തങ്ങൾക്കു പാളിച്ച പറ്റിയത്‌ എവി​ടെ​യാ​ണെന്നു ചിന്തിച്ച്‌ അവർ സ്വയം നീറുന്നു. പേരക്കു​ട്ടി​കൾക്കു സുരക്ഷി​ത​ത്വ​വും സ്‌നേ​ഹ​വും ഉള്ള അന്തരീക്ഷം പ്രദാനം ചെയ്യാൻ ചിലർക്കു ദുസ്സ്വ​ഭാ​വി​ക​ളോ മയക്കു​മ​രു​ന്നിന്‌ അടിമ​ക​ളോ ആയ സ്വന്തം മക്കളെ വൈകാ​രി​ക​മാ​യി ഉപേക്ഷി​ക്കേ​ണ്ടി​വ​രു​ന്നു.”

ഒരു സർവേ ഇപ്രകാ​രം റിപ്പോർട്ടു ചെയ്യുന്നു: “കൊച്ചു​മ​ക്കളെ പരിപാ​ലി​ക്കു​ന്നതു നിമിത്തം തങ്ങളുടെ ദാമ്പത്യ ജീവി​ത​ത്തി​ലെ സംതൃ​പ്‌തി ക്ഷയിച്ചി​രി​ക്കു​ന്ന​താ​യി . . . കാൽ ഭാഗത്തി​ല​ധി​കം പേരും പറഞ്ഞു.” മിക്ക​പ്പോ​ഴും, ഭാര്യ​മാർ കുട്ടിയെ ശ്രദ്ധി​ക്കു​ന്ന​തിൽ വ്യാപൃ​ത​രാ​യി​രി​ക്കു​മ്പോൾ തങ്ങൾ അവഗണി​ക്ക​പ്പെ​ടു​ന്ന​താ​യി ഭർത്താ​ക്ക​ന്മാർ കരുതു​ന്നു. മറ്റു ചില ഭർത്താ​ക്ക​ന്മാർക്കാ​കട്ടെ കുട്ടി​കളെ വളർത്തു​ന്ന​തു​മാ​യി ബന്ധപ്പെട്ട സമ്മർദം കൈകാ​ര്യം ചെയ്യാൻ സാധി​ക്കി​ല്ലെന്നു തോന്നു​ന്നു. തന്റെ ഭർത്താ​വി​നെ കുറിച്ച്‌ ഒരു സ്‌ത്രീ പറയുന്നു: “അദ്ദേഹം ഞങ്ങളെ ഉപേക്ഷി​ച്ചു പോയി. . . . കെണി​യി​ല​ക​പ്പെ​ട്ട​തു​പോ​ലെ അദ്ദേഹ​ത്തി​നു തോന്നി​ക്കാ​ണും.”

ദേഷ്യ​ക്കാ​രായ കുട്ടികൾ

യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു: “[മുത്തശ്ശീ​മു​ത്ത​ശ്ശ​ന്മാ​രു​ടെ] പരിപാ​ല​ന​ത്തിൻ കീഴിൽ വരുന്ന ചില കുട്ടികൾ രാജ്യ​ത്തു​ള്ള​വ​രിൽവെച്ച്‌ ഏറ്റവും അധികം സഹായ​വും പിന്തു​ണ​യും ആവശ്യ​മു​ള്ള​വ​രും വൈകാ​രിക ക്ഷതം ഏറ്റിരി​ക്കു​ന്ന​വ​രും ദേഷ്യ​ക്കാ​രു​മാണ്‌ എന്ന വസ്‌തുത പ്രശ്‌നം രൂക്ഷമാ​ക്കു​ന്നു.”

എലിസ​ബ​ത്തി​ന്റെ കൊച്ചു​മ​ക​ളു​ടെ കാര്യം​ത​ന്നെ​യെ​ടു​ക്കാം. സ്‌കൂൾ കുട്ടി​കളെ റോഡ്‌ മുറിച്ചു കടക്കാൻ സഹായി​ക്ക​ലാണ്‌ എലിസ​ബ​ത്തി​ന്റെ ജോലി. അവർ ജോലി ചെയ്യുന്ന ആ തെരു​ക്കോ​ണിൽത്തന്നെ കുട്ടി​യു​ടെ പിതാവ്‌ അവളെ ഉപേക്ഷി​ച്ചിട്ട്‌ കടന്നു​ക​ളഞ്ഞു. “അവൾ ഒരു ദേഷ്യ​ക്കാ​രി​യാണ്‌,” എലിസ​ബത്ത്‌ പറയുന്നു. “അവളുടെ ഹൃദയ​ത്തി​നു മുറി​വേ​റ്റി​രി​ക്കു​ന്നു.” സാല്ലി​യു​ടെ പേരക്കു​ട്ടി​ക​ളും സമാന​മാ​യി മാനസി​ക​ക്ഷതം ഏറ്റവരാണ്‌. “എന്റെ കൊച്ചു​മകൻ വലിയ ദേഷ്യ​ക്കാ​ര​നാണ്‌. ആർക്കും അവനെ വേണ്ടെ​ന്നാണ്‌ അവന്റെ വിചാരം.” സ്‌നേ​ഹ​സ​മ്പ​ന്ന​രായ മാതാ​പി​താ​ക്കൾ ഉണ്ടായി​രി​ക്കുക എന്നത്‌ ഒരു കുട്ടി​യു​ടെ ജന്മാവ​കാ​ശ​മാണ്‌. അവരാൽ ഉപേക്ഷി​ക്ക​പ്പെ​ടു​മ്പോ​ഴോ അവഗണി​ക്ക​പ്പെ​ടു​മ്പോ​ഴോ തള്ളിക്ക​ള​യ​പ്പെ​ടു​മ്പോ​ഴോ ഒരു കുട്ടി​ക്കു​ണ്ടാ​കുന്ന വികാരം ഒന്നു സങ്കൽപ്പി​ച്ചു​നോ​ക്കൂ! ഈ വികാ​രങ്ങൾ മനസ്സി​ലാ​ക്കു​ന്നത്‌ പെരു​മാറ്റ സംബന്ധ​മായ പ്രശ്‌നങ്ങൾ ഉള്ള കുട്ടി​ക​ളോട്‌ ക്ഷമാപൂർവം ഇടപെ​ടാ​നുള്ള താക്കോ​ലാ​യി​രി​ക്കും. സദൃശ​വാ​ക്യ​ങ്ങൾ 19:11, [NW] പറയുന്നു: “ഒരു മനുഷ്യ​ന്റെ ഉൾക്കാഴ്‌ച തീർച്ച​യാ​യും അവന്റെ കോപത്തെ ശമിപ്പി​ക്കു​ന്നു.”

ഉദാഹ​ര​ണ​ത്തിന്‌, മാതാ​പി​താ​ക്ക​ളാൽ ഉപേക്ഷി​ക്ക​പ്പെട്ട ഒരു കുട്ടി അവനെ പരിപാ​ലി​ക്കാ​നുള്ള നിങ്ങളു​ടെ ശ്രമത്തെ ചെറു​ത്തേ​ക്കാം. കുട്ടി​യു​ടെ ഭയങ്ങളും ഉത്‌ക​ണ്‌ഠ​ക​ളും മനസ്സി​ലാ​ക്കു​ന്നതു സഹാനു​ഭൂ​തി​യോ​ടെ പ്രതി​ക​രി​ക്കാൻ നിങ്ങളെ സഹായി​ക്കും. അവന്റെ ഭയങ്ങൾ മനസ്സി​ലാ​ക്കു​ന്നു​വെന്ന്‌ അറിയി​ക്കു​ന്ന​തും അവനെ പരിപാ​ലി​ക്കാൻ നിങ്ങളാൽ ആകുന്ന​തെ​ല്ലാം ചെയ്യാ​മെന്ന്‌ ഉറപ്പു​കൊ​ടു​ക്കു​ന്ന​തും അവന്റെ ഭയങ്ങളെ ദൂരീ​ക​രി​ക്കാൻ വളരെ സഹായ​ക​മാ​യേ​ക്കാം.

സമ്മർദത്തെ തരണം ചെയ്യൽ

‘എനിക്കു വളരെ​യ​ധി​കം ദുഃഖം തോന്നി, എന്നോ​ടു​തന്നെ സഹതാ​പ​വും. ഇത്‌ ഞങ്ങൾക്കു സംഭവി​ക്കാൻ പാടി​ല്ലാ​ത്ത​താ​യി​രു​ന്നു,’ പേരക്കു​ട്ടി​യു​ടെ സംരക്ഷ​ണ​ച്ചു​മ​ത​ല​യുള്ള ഒരു മുത്തശ്ശി പറഞ്ഞു. അത്തരം ഒരു സാഹച​ര്യ​ത്തിൽ ആണെങ്കിൽ നിങ്ങൾക്കും അതേ വികാരം ഉണ്ടാ​യേ​ക്കാം. എന്നാൽ അവസ്ഥ ആശയറ്റ ഒന്നല്ല. പ്രായം നിങ്ങളു​ടെ ശാരീ​രിക ആരോ​ഗ്യ​ത്തെ പരിമി​ത​പ്പെ​ടു​ത്തി​യേ​ക്കാം. എന്നാൽ ജ്ഞാനം, ക്ഷമ, വൈദ​ഗ്‌ധ്യം എന്നിവ​യു​ടെ കാര്യം വരു​മ്പോൾ പ്രായം ഒരു മുതൽക്കൂ​ട്ടാണ്‌. “മാതാ​പി​താ​ക്ക​ളിൽ ഒരാൾ മാത്രം ഉള്ള കുടും​ബ​ത്തി​ലെ കുട്ടി​കളെ അപേക്ഷിച്ച്‌ മുത്തശ്ശീ​മു​ത്ത​ശ്ശ​ന്മാർ വളർത്തുന്ന കുട്ടികൾ നല്ല രീതി​യിൽ മുതിർന്നു​വന്ന”തായി ഒരു പഠനം കണ്ടെത്തി​യ​തിൽ അതിശ​യി​ക്കാ​നില്ല.

‘യഹോവ നിങ്ങൾക്കാ​യി കരുതു​ന്ന​വ​നാ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊ​ള്ളാൻ’ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (1 പത്രൊസ്‌ 5:7) അതു​കൊണ്ട്‌ സങ്കീർത്ത​ന​ക്കാ​ര​നെ​പ്പോ​ലെ ശക്തിക്കും മാർഗ​നിർദേ​ശ​ത്തി​നു​മാ​യി നിരന്തരം അവനോ​ടു പ്രാർഥി​ക്കുക. (സങ്കീർത്തനം 71:18 താരത​മ്യം ചെയ്യുക.) സ്വന്തം ആത്മീയ ആവശ്യ​ങ്ങൾക്കു ശ്രദ്ധ നൽകുക. (മത്തായി 5:3, NW) “ക്രിസ്‌തീയ യോഗ​ങ്ങ​ളിൽ പങ്കുപ​റ്റു​ന്ന​തും മറ്റുള്ള​വ​രോ​ടു സുവാർത്ത പ്രസം​ഗി​ക്കു​ന്ന​തും പിടി​ച്ചു​നിൽക്കാൻ എന്നെ സഹായി​ച്ചു” എന്ന്‌ ഒരു ക്രിസ്‌തീയ സ്‌ത്രീ പറയുന്നു. സാധി​ക്കു​മ്പോ​ഴെ​ല്ലാം പേരക്കു​ട്ടി​കളെ ദൈവ​ത്തി​ന്റെ വഴികളെ കുറിച്ചു പഠിപ്പി​ക്കാൻ ശ്രമി​ക്കുക. (ആവർത്ത​ന​പു​സ്‌തകം 4:9) അവരെ “കർത്താ​വി​ന്റെ [“യഹോ​വ​യു​ടെ,” NW] ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർ”ത്താനുള്ള നിങ്ങളു​ടെ ശ്രമത്തെ തീർച്ച​യാ​യും ദൈവം പിന്തു​ണ​യ്‌ക്കും.—എഫെസ്യർ 6:4.b

സഹായം തേടാൻ മടിക്ക​രുത്‌. മിക്ക​പ്പോ​ഴും സുഹൃ​ത്തു​ക്കൾ, വിശേ​ഷി​ച്ചും ക്രിസ്‌തീയ സഭയി​ലു​ള്ളവർ, ഒരു സഹായ​മാ​യി​രി​ക്കും. സാല്ലി അനുസ്‌മ​രി​ക്കു​ന്നു: “സഭയിലെ സഹോ​ദ​രീ​സ​ഹോ​ദ​ര​ന്മാർ വളരെ​യ​ധി​കം സഹായി​ച്ചു. തളരു​മ്പോൾ താങ്ങായി അവർ ഉണ്ടായി​രു​ന്നു. ചിലർ എന്നെ സാമ്പത്തി​ക​മാ​യി​പോ​ലും സഹായി​ച്ചു.”

ഗവൺമെ​ന്റിൽനി​ന്നു ലഭ്യമാ​യേ​ക്കാ​വുന്ന സഹായ​വും അവഗണി​ക്ക​രുത്‌. (റോമർ 13:6, NW) ശ്രദ്ധേ​യ​മാ​യി, പേരക്കു​ട്ടി​കൾ ഉള്ളവരെ ഉൾക്കൊ​ള്ളി​ച്ചു​കൊ​ണ്ടു നടത്തിയ ഒരു സർവേ “മിക്കവർക്കും​തന്നെ ലഭ്യമായ സഹായം ഏതെന്നോ സഹായ​ത്തി​നാ​യി എങ്ങോട്ടു തിരി​യ​ണ​മെ​ന്നോ അറിയില്ല” എന്നു വെളി​പ്പെ​ടു​ത്തി. (ചൈൽഡ്‌ വെൽഫെയർ) സാമൂ​ഹിക പ്രവർത്ത​ക​രും പ്രായ​മാ​യ​വരെ സഹായി​ക്കുന്ന പ്രാ​ദേ​ശിക ഏജൻസി​ക​ളും ലഭ്യമായ സേവനങ്ങൾ ഏതെന്നു നിങ്ങൾക്കു കാട്ടി​ത്ത​ന്നേ​ക്കാം.

പലപ്പോ​ഴും, മുത്തശ്ശീ​മു​ത്ത​ശ്ശ​ന്മാർക്കു കൊച്ചു​മ​ക്ക​ളു​ടെ സംരക്ഷ​ണ​ച്ചു​മതല ഏറ്റെടു​ക്കേണ്ടി വരുന്നത്‌ ഇത്‌ “ഇടപെ​ടാൻ പ്രയാ​സ​മായ ദുർഘ​ട​സ​മ​യങ്ങൾ” ആയതു​കൊ​ണ്ടാണ്‌. (2 തിമൊ​ഥെ​യൊസ്‌ 3:1-5) സന്തോ​ഷ​ക​ര​മെന്നു പറയട്ടെ, ദൈവം താമസി​യാ​തെ ഇടപെ​ടു​മെ​ന്നും ഇന്നു കുടും​ബ​ങ്ങളെ കാർന്നു​തി​ന്നുന്ന ദുരന്ത​ങ്ങ​ളെ​ല്ലാം കഴിഞ്ഞ​കാല സംഗതി​ക​ളാ​യി മാറുന്ന ഒരു “പുതിയ ഭൂമി” ആനയി​ക്കു​മെ​ന്നും ഉള്ളതിന്റെ സൂചന​യാണ്‌ ഈ ദുർഘട സമയങ്ങൾ. (2 പത്രൊസ്‌ 3:13; വെളി​പ്പാ​ടു 21:3-5) ആ സമയം വരുന്ന​തു​വരെ, സംരക്ഷ​ണ​ച്ചു​മതല വഹിക്കുന്ന മുത്തശ്ശീ​മു​ത്ത​ശ്ശ​ന്മാർ സാഹച​ര്യ​ത്തെ ഏറ്റവും നന്നായി കൈകാ​ര്യം ചെയ്യാൻ തങ്ങളാൽ ആവുന്നതു ചെയ്യണം. പലരും തങ്ങളുടെ ശ്രമങ്ങ​ളിൽ വളരെ​യേറെ വിജയി​ച്ചി​രി​ക്കു​ന്നു! നൊമ്പ​ര​ങ്ങ​ളു​ണ്ടെ​ങ്കി​ലും സന്തോ​ഷ​ങ്ങ​ളും ഉണ്ടായി​രി​ക്കു​മെന്ന്‌ എപ്പോ​ഴും ഓർക്കുക. നിങ്ങളു​ടെ കൊച്ചു​മക്കൾ ദൈവത്തെ സ്‌നേ​ഹി​ക്കുന്ന പരമാർഥ ഹൃദയ​രായ വ്യക്തി​ക​ളാ​യി തീരു​ന്നതു കാണു​ന്ന​തി​ലെ സന്തോ​ഷം​പോ​ലും നിങ്ങൾക്ക്‌ അനുഭ​വി​ക്കാൻ കഴിയും! നിങ്ങളു​ടെ കഠിന​പ്ര​യ​ത്‌ന​ത്തി​നു തക്ക പ്രതി​ഫ​ല​മല്ലേ അത്‌?

[അടിക്കു​റി​പ്പു​കൾ]

[10-ാം പേജിലെ ചതുരം]

നിയമ​പ​ര​മായ പ്രശ്‌ന​ങ്ങൾ

പേരക്കു​ട്ടി​ക​ളു​ടെ നിയമ​പ​ര​മായ സംരക്ഷ​ണ​ച്ചു​മതല നേടി​യെ​ടു​ക്ക​ണോ വേണ്ടയോ എന്നതു സൂക്ഷിച്ചു കൈകാ​ര്യം ചെയ്യേണ്ട ഒരു സങ്കീർണ പ്രശ്‌ന​മാണ്‌. പ്രസ്‌തുത വിഷയ​ത്തിൽ പ്രഗത്ഭ​യായ മേരി ഫ്രോൺ വിവരി​ക്കു​ന്നു: “സംരക്ഷ​ണ​ച്ചു​മതല ഇല്ലെങ്കിൽ കുട്ടി​യു​ടെ മേൽ നിങ്ങൾക്കു നിയമ​പ​ര​മായ അവകാ​ശ​ങ്ങ​ളൊ​ന്നും ഇല്ലെന്നു​തന്നെ പറയാം. മിക്ക​പ്പോ​ഴും, കുട്ടി​യു​ടെ യഥാർഥ മാതാ​പി​താ​ക്കൾക്ക്‌ എപ്പോൾ വേണ​മെ​ങ്കി​ലും കുട്ടി​കളെ കൊണ്ടു​പോ​കാ​വു​ന്ന​താണ്‌. ഇങ്ങനെ​യാ​ണെ​ങ്കി​ലും പല മുത്തശ്ശീ​മു​ത്ത​ശ്ശ​ന്മാ​രും നിയമ​പ​ര​മായ സംരക്ഷ​ണ​ച്ചു​മതല നേടി​യെ​ടു​ക്കാൻ വൈമു​ഖ്യം കാട്ടുന്നു. കാരണം സ്വന്തം മകന്‌ അല്ലെങ്കിൽ മകൾക്ക്‌ കുട്ടി​കളെ വളർത്താ​നുള്ള യോഗ്യ​ത​യി​ല്ലെന്നു കോട​തി​യിൽ തെളി​യി​ക്കേ​ണ്ടി​വ​രും.”—ഗുഡ്‌ ഹൗസ്‌കീ​പ്പിങ്‌.

നിയമ​പ​ര​മായ സംരക്ഷ​ണ​ച്ചു​മതല ഇല്ലാത്ത​പക്ഷം മുത്തശ്ശീ​മു​ത്ത​ശ്ശ​ന്മാർക്കു മിക്ക​പ്പോ​ഴും പേരക്കു​ട്ടി​കളെ സ്‌കൂ​ളിൽ ചേർക്കു​ന്ന​തിൽ അല്ലെങ്കിൽ അവരുടെ ചികി​ത്സ​യ്‌ക്കു വേണ്ട സഹായം നേടി​യെ​ടു​ക്കു​ന്ന​തിൽ ബുദ്ധി​മു​ട്ടു നേരി​ടു​ന്നു. എന്നിരു​ന്നാ​ലും സംരക്ഷ​ണ​ച്ചു​മതല നേടി​യെ​ടു​ക്കു​ന്നതു ചെല​വേ​റി​യ​തും സമയനഷ്ടം ഉള്ളതും വൈകാ​രി​ക​മാ​യി തളർത്തി​ക്ക​ള​യു​ന്ന​തു​മായ സംഗതി​യാണ്‌. ഇനി സംരക്ഷ​ണ​ച്ചു​മതല ലഭിച്ചാൽത്തന്നെ മുത്തശ്ശീ​മു​ത്ത​ശ്ശ​ന്മാർക്കു ഗവൺമെ​ന്റിൽനി​ന്നുള്ള സാമ്പത്തി​ക​സ​ഹാ​യം ലഭിക്കാ​തെ വന്നേക്കാം. അതു​കൊണ്ട്‌ “രാജ്യത്തെ കുടുംബ സംബന്ധ​മായ നിയമങ്ങൾ, സംരക്ഷ​ണ​ച്ചു​മതല, ശിശു​ക്ഷേമം എന്നിവ​യു​മാ​യി ബന്ധപ്പെട്ട പ്രശ്‌നങ്ങൾ കൈകാ​ര്യം ചെയ്‌തു പരിച​യ​മുള്ള സ്ഥലത്തെ അഭിഭാ​ഷ​കന്റെ ഉപദേശം തേടാൻ” ചൈൽഡ്‌ വെൽഫെയർ എന്ന പത്രിക നിർദേ​ശി​ക്കു​ന്നു.

[11-ാം പേജിലെ ചതുരം]

ചെലവു കണക്കാക്കൽ

സ്വന്തം രക്തത്തിൽ പിറന്ന കുഞ്ഞ്‌ സഹായ​ത്തി​നാ​യി കേഴുന്ന കാഴ്‌ച ഹൃദയ​ഭേ​ദ​ക​മാണ്‌. “തനിക്കു​ള്ള​വർക്കു” വേണ്ടി കരുതാൻ ബൈബിൾ ക്രിസ്‌ത്യാ​നി​ക​ളോ​ടു കൽപ്പി​ക്കു​ന്നു. (1 തിമൊ​ഥെ​യൊസ്‌ 5:8) എന്നിരു​ന്നാ​ലും പലപ്പോ​ഴും മുത്തശ്ശൻ അല്ലെങ്കിൽ മുത്തശ്ശി അത്തരം ഒരു ഉത്തരവാ​ദി​ത്വം ഏറ്റെടു​ക്കു​ന്ന​തി​നു മുമ്പ്‌ അതേ കുറിച്ചു ഗൗരവ​മാ​യി ചിന്തി​ക്കു​ന്നതു ബുദ്ധി​യാ​യി​രി​ക്കും. (സദൃശ​വാ​ക്യ​ങ്ങൾ 14:15; 21:5, ഓശാന ബൈബിൾ) ഒരുവൻ ഉൾപ്പെ​ട്ടി​രി​ക്കുന്ന ചെലവു കണക്കാ​ക്കേ​ണ്ടി​യി​രി​ക്കു​ന്നു.—ലൂക്കൊസ്‌ 14:28 താരത​മ്യം ചെയ്യുക.

പ്രാർഥ​നാ​പൂർവം പിൻവ​രുന്ന കാര്യങ്ങൾ പരിചി​ന്തി​ക്കുക: കുട്ടി​യു​ടെ ആവശ്യങ്ങൾ നിറ​വേ​റ്റാൻവേണ്ട ശാരീ​രി​ക​വും വൈകാ​രി​ക​വും ആത്മീയ​വും സാമ്പത്തി​ക​വു​മായ കഴിവ്‌ നിങ്ങൾക്കു​ണ്ടോ? ഇതേ കുറിച്ചു നിങ്ങളു​ടെ ഇണയുടെ അഭി​പ്രാ​യം എന്താണ്‌? തങ്ങളുടെ കുട്ടിയെ പരിപാ​ലി​ക്കുക എന്ന ഉത്തരവാ​ദി​ത്വം മാതാ​പി​താ​ക്കൾതന്നെ നിർവ​ഹി​ക്ക​ത്ത​ക്ക​വി​ധം അവരെ പ്രോ​ത്സാ​ഹി​പ്പി​ക്കാ​നോ പിന്തു​ണ​യ്‌ക്കാ​നോ സാധി​ക്കു​മോ? സങ്കടക​ര​മെന്നു പറയട്ടെ ചില മാതാ​പി​താ​ക്കൾ തങ്ങളുടെ കുത്തഴിഞ്ഞ ജീവി​ത​വു​മാ​യി മുമ്പോ​ട്ടു പോ​യേ​ക്കാം. ഒരു മുത്തശ്ശി വേദന​യോ​ടെ ഓർക്കു​ന്നു: “അവളുടെ ഒന്നില​ധി​കം കുട്ടി​ക​ളു​ടെ സംരക്ഷണം ഞാൻ ഏറ്റെടു​ത്തു. എന്നാൽ അവൾ മയക്കു​മ​രു​ന്നു​കൾ ഉപയോ​ഗി​ക്കു​ന്നതു നിർത്തി​യില്ല. അവൾക്കു പിന്നെ​യും കുട്ടി​ക​ളു​ണ്ടാ​യി. ഒടുവിൽ പറ്റില്ല എന്നുതന്നെ എനിക്കു പറയേണ്ടി വന്നു!”

അതേസ​മയം നിങ്ങൾ കൊച്ചു​മ​ക്കളെ നോക്കു​ന്നി​ല്ലെ​ങ്കിൽ അവരുടെ ഗതി എന്താകും? മറ്റുള്ളവർ—ഒരുപക്ഷേ അപരി​ചി​തർപോ​ലും—ആണ്‌ അവരെ നോക്കു​ന്നത്‌ എന്നറി​യു​മ്പോ​ഴത്തെ സമ്മർദം നിങ്ങൾക്കു താങ്ങാ​നാ​കു​മോ? കുട്ടി​യു​ടെ ആത്മീയ ആവശ്യ​ങ്ങ​ളു​ടെ കാര്യ​മോ? ദൈവ​ത്തി​ന്റെ നിലവാ​ര​ങ്ങൾക്ക്‌ അനുസൃ​ത​മാ​യി മറ്റുള്ള​വർക്ക്‌ അവരെ വളർത്തി​ക്കൊ​ണ്ടു​വ​രാൻ കഴിയു​മോ? ബുദ്ധി​മു​ട്ടു​ക​ളു​ണ്ടെ​ങ്കി​ലും ആ ചുമതല ഏറ്റെടു​ക്കു​ക​യ​ല്ലാ​തെ വേറെ വഴിയി​ല്ലെന്നു ചിലർ നിഗമനം ചെയ്‌തേ​ക്കാം.

ഇവ വേദന​യു​ള​വാ​ക്കുന്ന സംഗതി​ക​ളാണ്‌. എങ്കിലും തീരു​മാ​നം എടു​ക്കേ​ണ്ടതു വ്യക്തി​ക​ളാണ്‌.

[9-ാം പേജിലെ ചിത്രം]

കൊച്ചു കുട്ടി​കളെ വളർത്തു​ന്ന​തി​ലെ വെല്ലു​വി​ളി​കൾ നേരി​ടാൻ പല മുത്തശ്ശീ​മു​ത്ത​ശ്ശ​ന്മാർക്കും ബുദ്ധി​മുട്ട്‌ അനുഭ​വ​പ്പെ​ടു​ന്നു

[10-ാം പേജിലെ ചിത്രം]

യഹോവ തങ്ങളുടെ ശ്രമങ്ങളെ പിന്തു​ണ​യ്‌ക്കു​മെന്നു ദൈവ​ഭ​യ​മുള്ള മുത്തശ്ശീ​മു​ത്ത​ശ്ശ​ന്മാർക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌