രക്തരഹിത ചികിത്സ—വിദഗ്‌ധർ പറയു​ന്നത്‌

നോർവേയിലെ ഉണരുക! ലേഖകൻ

“ഈ സമ്മേള​ന​ത്തിൽ കേട്ട എല്ലാം മറന്നാ​ലും നിങ്ങളു​ടെ ബൂത്തിന്റെ കാര്യം ഞാൻ ഒരിക്ക​ലും മറക്കു​ക​യില്ല.” കഴിഞ്ഞ വേനൽക്കാ​ലത്ത്‌ (1998 ജൂൺ 27 മുതൽ ജൂലൈ 2 വരെ) നോർവേ​യി​ലെ ഓസ്‌ലോ​യിൽവെച്ചു നടന്ന അന്താരാ​ഷ്‌ട്ര രക്തപ്പകർച്ചാ സൊ​സൈ​റ്റി​യു​ടെ 25-ാം സമ്മേള​ന​ത്തിൽ പങ്കെടുത്ത ഒരു ഡോക്ട​റു​ടെ അഭി​പ്രാ​യ​മാണ്‌ അത്‌. അംഗീ​കൃത പ്രദർശകർ എന്ന നിലയിൽ യഹോ​വ​യു​ടെ സാക്ഷികൾ അവിടെ സ്ഥാപി​ച്ചി​രുന്ന ഇൻഫർമേഷൻ ബൂത്ത്‌ അദ്ദേഹം സന്ദർശി​ച്ചതേ ഉണ്ടായി​രു​ന്നു​ള്ളൂ.a

83 രാജ്യ​ങ്ങ​ളിൽ നിന്നുള്ള 1,700-ലധികം ഡോക്ടർമാർ ഈ സമ്മേള​ന​ത്തിൽ പങ്കെടു​ത്തു. രക്തബാ​ങ്കു​ക​ളു​ടെ അനേകം പ്രതി​നി​ധി​ക​ളും സന്നിഹി​ത​രാ​യി​രു​ന്നു. കൂടാതെ രക്തശാ​സ്‌ത്ര വിദഗ്‌ധർ, ശസ്‌ത്ര​ക്രി​യാ വിദഗ്‌ധർ, അനസ്‌തേ​ഷ്യാ വിദഗ്‌ധർ എന്നിവ​രും അവിടെ ഹാജരു​ണ്ടാ​യി​രു​ന്നു. ഈ ഉന്നതതല യോഗ​ത്തിൽ വിദഗ്‌ധർ എന്തൊക്കെ ആശയങ്ങ​ളാ​ണു പങ്കു​വെ​ച്ചത്‌? യഹോ​വ​യു​ടെ സാക്ഷികൾ തങ്ങളുടെ ബൂത്തിൽ എന്തൊക്കെ പ്രദർശി​പ്പി​ക്കു​ക​യു​ണ്ടാ​യി, പ്രതി​നി​ധി​ക​ളിൽ നിന്ന്‌ അവർക്ക്‌ എപ്രകാ​ര​മുള്ള പ്രതി​ക​ര​ണ​മാ​ണു ലഭിച്ചത്‌?

രക്തരഹിത പകര ചികി​ത്സ​കൾ

രക്തപ്പകർച്ച, രക്തപരി​ശോ​ധന, മനുഷ്യ രക്തത്തിനു പകരം ഉപയോ​ഗി​ക്കാ​വുന്ന പദാർഥങ്ങൾ എന്നിവയെ കുറിച്ചു ചർച്ച​ചെ​യ്യ​പ്പെട്ടു. സ്‌കോ​ട്ടിഷ്‌ ദേശീയ രക്തപ്പകർച്ചാ സ്ഥാപന​ത്തി​ലെ ഡോ. സി. വി. പ്രൗസ്‌ “മനുഷ്യ രക്തത്തി​നും രക്ഷ വിഭവ​ങ്ങൾക്കും പകരം ഉപയോ​ഗി​ക്കാ​വുന്ന ചികി​ത്സ​കളെ” കുറിച്ചു സംസാ​രി​ച്ചു. രക്താണു​ക്കളെ ഉത്‌പാ​ദി​പ്പി​ക്കാൻ ശരീരത്തെ ഉത്തേജി​പ്പി​ച്ചു​കൊണ്ട്‌ അവയുടെ അളവു വർധി​പ്പി​ക്കാൻ കഴിയുന്ന നിരവധി കൃത്രിമ വളർച്ചാ ഘടകങ്ങളെ കുറിച്ച്‌ അദ്ദേഹം പരാമർശി​ക്കു​ക​യു​ണ്ടാ​യി. ഉദാഹ​ര​ണ​ത്തിന്‌, വൃക്കകൾ ഉത്‌പാ​ദി​പ്പി​ക്കുന്ന എരി​ത്രോ​പൊ​യി​റ്റിൻ എന്ന ഹോർമോൺ അരുണ രക്താണു​ക്ക​ളു​ടെ രൂപീ​ക​ര​ണത്തെ ഉത്തേജി​പ്പി​ക്കു​ന്നു. എന്നാൽ ഇപ്പോൾ അത്‌ പരീക്ഷണ ശാലക​ളിൽ നിർമി​ക്കാ​നാ​കും. കൃത്രിമ “എരി​ത്രോ​പൊ​യി​റ്റിൻ പലവിധ വിളർച്ച​കൾക്കും ഉപയോ​ഗി​ച്ചു വരുന്ന ഒരു നല്ല ചികിത്സാ വിധി​യാണ്‌” എന്ന്‌ ഡോ. പ്രൗസ്‌ പ്രസ്‌താ​വി​ച്ചു.

രക്തത്തിലെ പ്ലേറ്റ്‌ലെ​റ്റു​ക​ളു​ടെ ഉത്‌പാ​ദ​നത്തെ ഉത്തേജി​പ്പി​ക്കു​ന്ന​തി​നാ​യി സമാന​മായ ഒരു പദാർഥ​വും വികസി​പ്പി​ച്ചെ​ടു​ത്തി​ട്ടുണ്ട്‌. ഡോ. പ്രൗസ്‌ ഇങ്ങനെ പറഞ്ഞു: “പ്ലേറ്റ്‌ലെ​റ്റു​ക​ളു​ടെ രൂപീ​ക​ര​ണ​ത്തി​നു സഹായി​ക്കുന്ന ഘടകങ്ങ​ളാണ്‌ ഈ മേഖല​യി​ലെ പുതു പുത്തൻ കണ്ടുപി​ടി​ത്തങ്ങൾ. പ്ലേറ്റ്‌ലെ​റ്റു​ക​ളു​ടെ എണ്ണം വർധി​പ്പി​ക്കാ​നുള്ള കഴിവു നിമിത്തം ഇന്റർലൂ​കിൻ 11-ന്‌ ഇപ്പോൾത്തന്നെ ലൈസൻസ്‌ ലഭിച്ചി​ട്ടുണ്ട്‌ . . . ത്രോ​മ്പോ​പൊ​യി​റ്റി​നും അതിന്റെ അനുരൂപ സംയു​ക്ത​മായ rh-PEG-MGDF-നും പെട്ടെ​ന്നു​തന്നെ ലൈസൻസ്‌ ലഭിക്കു​മെന്നു തോന്നു​ന്നു.”

ഹിമോ​ഫീ​ലി​യാ രോഗി​ക​ളിൽ ഫലപ്ര​ദ​മെന്നു തെളിഞ്ഞ രക്തം കട്ടപി​ടി​ക്കാൻ സഹായി​ക്കുന്ന കൃത്രിമ ഘടകങ്ങളെ കുറി​ച്ചും (പ്ലാസ്‌മാ പ്രോ​ട്ടീ​നു​കൾ) ഡോ. പ്രൗസ്‌ പ്രസ്‌താ​വി​ക്കു​ക​യു​ണ്ടാ​യി: “അനേകം കൃത്രിമ പ്ലാസ്‌മാ പ്രോ​ട്ടീ​നു​കൾക്കും ലൈസൻസ്‌ ലഭിച്ചി​ട്ടുണ്ട്‌. കൂടാതെ പ്ലാസ്‌മാ​യിൽനിന്ന്‌ എടുക്കുന്ന വസ്‌തു​ക്കൾ വൈറസ്‌ സംക്ര​മ​ണ​ത്തിന്‌ ഇടയാ​ക്കി​യേ​ക്കാം എന്നതി​നാൽ ചില കേസു​ക​ളിൽ ഇത്തരം കൃത്രിമ വസ്‌തു​ക്കൾ ഉപയോ​ഗി​ച്ചുള്ള ചികി​ത്സ​യ്‌ക്കാ​ണു മുൻതൂ​ക്കം.” “രക്തം കട്ടപി​ടി​ക്കാൻ സഹായി​ക്കുന്ന മറ്റു നിരവധി ഘടകങ്ങൾ ഇപ്പോൾ പണിപ്പു​ര​യി​ലാണ്‌” എന്ന്‌ അദ്ദേഹം കൂട്ടി​ച്ചേർത്തു.

ഒരു ഫാർമ​സ്യൂ​ട്ടി​ക്കൽ കോർപ്പ​റേ​ഷ​നി​ലെ അംഗമായ എൻ. എസ്‌. ഫെയ്‌ത്ത്‌ഫുൾ പെർഫ്‌ളൂ​റോ​കാർബൺ സംയു​ക്ത​ങ്ങളെ കുറിച്ചു (പിഎഫ്‌സി) ചർച്ച ചെയ്യു​ക​യു​ണ്ടാ​യി. ചിലതരം പെർഫ്‌ളൂ​റോ​കാർബ​ണു​കൾക്ക്‌ രക്തപര്യ​യന വ്യവസ്ഥ​യി​ലൂ​ടെ ഓക്‌സി​ജനെ വഹിച്ചു​കൊ​ണ്ടു പോകാ​നാ​കും. എന്നുവ​രി​കി​ലും ഈ രാസ വസ്‌തു​ക്ക​ളു​ടെ ആദ്യത്തെ തലമുറ “കൃത്രിമ” രക്തം എന്ന നിലയിൽ ഫലപ്ര​ദ​മെന്നു തെളി​ഞ്ഞില്ല. എന്നാൽ പുരോ​ഗതി ഉണ്ടായി​ട്ടു​ണ്ടോ? ഫെയ്‌ത്ത്‌ഫുൾ പ്രസ്‌താ​വി​ച്ചു: “കഴിഞ്ഞ ഏതാനും വർഷങ്ങ​ളിൽ പിഎഫ്‌സി സാങ്കേ​തിക വിദ്യ​യിൽ കൂടു​ത​ലായ പുരോ​ഗ​തി​കൾ ഉണ്ടായി​ട്ടുണ്ട്‌, അതു​പോ​ലെ​തന്നെ [രണ്ടാം] തലമു​റ​യി​ലെ [രണ്ടു] പിഎഫ്‌സി എമൾഷ​നു​കൾ ഉപയോ​ഗി​ച്ചു ക്ലിനിക്കൽ പരീക്ഷ​ണ​ങ്ങ​ളും നടത്തി​ക്ക​ഴി​ഞ്ഞി​രി​ക്കു​ന്നു.” മിക്ക​പ്പോ​ഴും ധാരാളം രക്തം നഷ്ടപ്പെ​ടുന്ന അസ്ഥി-സ്‌ത്രീ​ലൈം​ഗി​കാ​വയവ-മൂത്ര​വ്യൂ​ഹ സംബന്ധ​മായ ശസ്‌ത്ര​ക്രി​യ​കൾക്കു വിധേ​യ​രായ 256 രോഗി​ക​ളിൽ ഇതിൽ ഒരെണ്ണം ഉപയോ​ഗി​ച്ചു നടത്തിയ പരീക്ഷ​ണ​ങ്ങളെ കുറിച്ച്‌ അദ്ദേഹം റിപ്പോർട്ടു ചെയ്‌തു. ഫലമോ? “രക്തപ്പകർച്ച നടത്തേ​ണ്ട​തു​ണ്ടെന്നു കാണി​ക്കുന്ന സൂചനകൾ ഇല്ലാതാ​ക്കു​ന്ന​തിൽ ഓക്‌സി​ജൻ വാഹക സംയുക്തം രക്തത്തെ​ക്കാൾ വളരെ നല്ലതാ​ണെ​ന്നും അത്‌ ഉപയോ​ഗി​ക്കു​മ്പോൾ രോഗി​യു​ടെ രക്തംതന്നെ കയറ്റു​മ്പോ​ഴ​ത്തേ​തി​നെ​ക്കാൾ കൂടുതൽ നേര​ത്തേക്ക്‌ ഈ സൂചനകൾ അപ്രത്യ​ക്ഷ​മാ​യെ​ന്നും ഈ രണ്ടു പഠനങ്ങ​ളിൽ നിന്നു​മുള്ള വിവരങ്ങൾ സൂചി​പ്പി​ച്ചു.”

അത്തരം എമൾഷ​നു​ക​ളി​ലെ പിഎഫ്‌സി കണികകൾ “വളരെ ചെറു​താ​ണെ​ന്നും . . .—ഒരു അരുണ രക്താണു​വി​ന്റെ വ്യാസ​ത്തെ​ക്കാൾ ഏതാണ്ട്‌ 40 മടങ്ങ്‌ ചെറുത്‌—അതു​കൊണ്ട്‌ അരുണ രക്താണു​ക്കൾക്കു സഞ്ചരി​ക്കാൻ കഴിയാത്ത ലോമി​ക​ക​ളി​ലൂ​ടെ​പ്പോ​ലും പിഎഫ്‌സി കണിക​കൾക്കു സഞ്ചരി​ക്കാ​നാ​കും എന്നും” ആ സമ്മേള​ന​ത്തിൽ പ്രസ്‌താ​വി​ക്കു​ക​യു​ണ്ടാ​യി. കേടു​പ​റ്റി​യ​തും രക്തം ലഭിക്കാ​ത്ത​തു​മായ കലകൾക്ക്‌ അതു പ്രയോ​ജനം ചെയ്യു​മെന്നു തോന്നു​ന്നു.

ശസ്‌ത്ര​ക്രി​യ​ക​ളിൽ അനാവ​ശ്യ​മാ​യി രക്തം ഉപയോ​ഗി​ക്കു​ന്നത്‌ ഒഴിവാ​ക്കേ​ണ്ട​തി​ന്റെ ആവശ്യം ഒരു ബ്രിട്ടീഷ്‌ ഡോക്ടർ ഊന്നി​പ്പ​റഞ്ഞു. രക്തശേ​ഖ​ര​ത്തി​ലുള്ള കുറവും രക്തപ്പകർച്ച​യു​മാ​യി ബന്ധപ്പെട്ട അപകട​ങ്ങ​ളും നിമി​ത്ത​മാണ്‌ അദ്ദേഹം അങ്ങനെ ആഹ്വാനം ചെയ്‌തത്‌. രക്തത്തിന്റെ ഉപയോ​ഗം എത്രകണ്ടു കുറയ്‌ക്കാൻ സാധി​ക്കും എന്നു ദൃഷ്ടാ​ന്തീ​ക​രി​ക്കാ​നാ​യി, താൻ ചെയ്‌ത ഇടുപ്പു ശസ്‌ത്ര​ക്രി​യ​ക​ളിൽ വെറും 10 ശതമാ​ന​ത്തി​നു മാത്രം രക്തം ഉപയോ​ഗിച്ച ഒരു ശസ്‌ത്ര​ക്രി​യാ വിദഗ്‌ധനെ കുറിച്ച്‌ അദ്ദേഹം സൂചി​പ്പി​ക്കു​ക​യു​ണ്ടാ​യി. എന്നാൽ അതേ ആശുപ​ത്രി​യി​ലെ മറ്റു ശസ്‌ത്ര​ക്രി​യാ വിദഗ്‌ധർ ഇടുപ്പു ശസ്‌ത്ര​ക്രി​യ​യ്‌ക്കു വിധേ​യ​രായ 70 ശതമാനം രോഗി​ക​ളി​ലും രക്തം കയറ്റി.

യഹോ​വ​യു​ടെ സാക്ഷികൾ പ്രതി​നി​ധീ​ക​രി​ക്ക​പ്പെ​ടു​ന്നു

രക്തം കൂടാ​തെ​യുള്ള അത്തരം പകര ചികിത്സാ മാർഗ​ങ്ങളെ കുറി​ച്ചും സംവി​ധാ​ന​ങ്ങളെ കുറി​ച്ചും ഉള്ള വിവരങ്ങൾ യഹോ​വ​യു​ടെ സാക്ഷി​ക​ളു​ടെ ബൂത്തിൽ ലഭ്യമാ​യി​രു​ന്നു. ലോക​മെ​മ്പാ​ടു​മാ​യി ഇപ്പോൾ 120 മെഡിക്കൽ സെന്ററു​കൾ രക്തരഹിത മരുന്നു​കൾ കൊടു​ക്കു​ന്നു​ണ്ടെന്ന്‌ ഒരു പോസ്റ്റർ സൂചി​പ്പി​ച്ചു. അതു​പോ​ലെ​തന്നെ വൈദ്യ​സം​ബ​ന്ധ​മായ ഏതാണ്ട്‌ 1,000 ലേഖന​ങ്ങ​ളിൽ നിന്നുള്ള വാർത്താ​ശ​ക​ല​ങ്ങ​ളി​ലെ വിവരങ്ങൾ അച്ചടിച്ചു നൽകി. രക്തപ്പകർച്ച ഒഴിവാ​ക്കി​ക്കൊ​ണ്ടുള്ള വ്യത്യസ്‌ത ചികിത്സാ രീതി​കളെ—ശസ്‌ത്ര​ക്രി​യ​യ്‌ക്കു മുമ്പും പിമ്പും ശസ്‌ത്ര​ക്രി​യാ സമയത്തും പ്രയോ​ഗി​ക്കാ​വുന്ന വിദ്യകൾ—സംബന്ധിച്ച വിവര​ങ്ങ​ളും പ്രദാനം ചെയ്യ​പ്പെട്ടു.

പ്രതി​ക​ര​ണം തികച്ചും അനുകൂ​ല​മാ​യി​രു​ന്നു. ബൂത്തിൽ നിന്നി​രുന്ന സാക്ഷി​കൾക്കു സമ്മേള​ന​ത്തിൽ പങ്കെടുത്ത ഏതാണ്ട്‌ 480 ഡോക്ടർമാ​രു​മാ​യി സംസാ​രി​ക്കാ​നുള്ള അവസരം ലഭിച്ചു. അവരിൽ മിക്കവ​രും കൂടുതൽ വിവര​ങ്ങൾക്കാ​യി മടങ്ങി​വന്നു, ചിലരാ​കട്ടെ തങ്ങളുടെ സഹപ്ര​വർത്ത​ക​രെ​യും കൂട്ടി​ക്കൊ​ണ്ടാ​ണു മടങ്ങി​വ​ന്നത്‌. അനസ്‌തേ​ഷ്യാ വിഭാ​ഗ​ത്തി​ലും ശസ്‌ത്ര​ക്രി​യാ വിഭാ​ഗ​ത്തി​ലും പ്രൊ​ഫ​സ​റായ കാലി​ഫോർണി​യ​യിൽ നിന്നുള്ള ഒരു ഡോക്ടർ ഇങ്ങനെ പറഞ്ഞു: “ഇത്‌ അതിഗം​ഭീ​രം തന്നെ.” ജർമനി​യിൽ നിന്നുള്ള മറ്റൊരു പ്രൊ​ഫ​സ​റു​ടെ അഭി​പ്രാ​യം ഇങ്ങനെ ആയിരു​ന്നു: “വിദ്യാർഥി​കളെ പഠിപ്പി​ക്കു​മ്പോൾ എനിക്ക്‌ ഈ വിവരങ്ങൾ ഉപയോ​ഗി​ക്കാ​നാ​കും.” ചൈന​യി​ലെ ഏറ്റവും വലിയ രക്ഷ ബാങ്കിനെ പ്രതി​നി​ധീ​ക​രിച്ച ഒരു ഡോക്ടർ പറഞ്ഞത്‌ ഇങ്ങനെ​യാണ്‌: “രക്തശേ​ഖ​ര​ത്തി​ന്റെ ദൗർല​ഭ്യം നിമിത്തം ഇത്തരം വിവരങ്ങൾ ഞങ്ങൾക്ക്‌ അത്യാ​വ​ശ്യ​മാണ്‌.”

അച്ചടിച്ച വിവരങ്ങൾ ലഭിച്ച​തി​ന്റെ പിറ്റേ ദിവസം നോർവേ​യി​ലുള്ള ഒരു ആശുപ​ത്രി​യി​ലെ രക്ഷ ബാങ്കിന്റെ തലവൻ മടങ്ങി​വ​ന്നിട്ട്‌ ഇങ്ങനെ ചോദി​ച്ചു: “എനിക്ക്‌ രണ്ടുമൂ​ന്നു കോപ്പി​കൂ​ടി തരാമോ? ശസ്‌ത്ര​ക്രി​യാ വിദഗ്‌ധർക്കും അനസ്‌തേ​ഷ്യാ വിദഗ്‌ധർക്കും കൊടു​ക്കാ​നാണ്‌. എന്നിട്ട്‌, ഓപ്പ​റേ​ഷ​നിൽ രക്തം കയറ്റു​ന്നതു കുറയ്‌ക്കാ​നോ ഒഴിവാ​ക്കാ​നോ ആയി ഈ രീതികൾ അവലം​ബി​ക്കാൻ ഞാൻ അവരോ​ടു പറയും.” മറ്റൊരു ഡോക്ടർ പറഞ്ഞു: “ഈ സമ്മേള​ന​ത്തി​ലെ ഏറ്റവും ശ്രദ്ധാർഹ​മായ ബൂത്ത്‌ ഇതാണ്‌.”

രക്തപ്പകർച്ച​കൾ കൂടാതെ രോഗി​കളെ ചികി​ത്സി​ക്കാൻ കഴിയു​ന്ന​വ​രും അങ്ങനെ ചെയ്യാൻ മനസ്സൊ​രു​ക്കം ഉള്ളവരു​മായ ഡോക്ടർമാ​രെ കണ്ടെത്താൻ ആളുകളെ സഹായി​ക്കു​ന്ന​തിൽ യഹോ​വ​യു​ടെ സാക്ഷികൾ ലോക​മെ​മ്പാ​ടും കർമനി​ര​ത​രാണ്‌. രക്തപ്പകർച്ച​യ്‌ക്കു പകരമുള്ള ചികിത്സാ മാർഗ​ങ്ങളെ കുറി​ച്ചുള്ള നൂതന വിവര​ങ്ങ​ളും സാക്ഷികൾ ലഭ്യമാ​ക്കി​യി​ട്ടുണ്ട്‌. സമ്മേളന സ്ഥലത്തു​വെച്ച്‌, അനേകം നാടു​ക​ളിൽനി​ന്നുള്ള ശസ്‌ത്ര​ക്രി​യാ വിദഗ്‌ധർ ഉൾപ്പെടെ നൂറു​ക​ണ​ക്കി​നു ഡോക്ടർമാ​രും മറ്റു മെഡിക്കൽ ജോലി​ക്കാ​രും അത്തരം വിവര​ങ്ങ​ളിൽ താത്‌പ​ര്യം പ്രകടി​പ്പി​ച്ചു. രക്തപ്പകർച്ച ഒഴിവാ​ക്കാൻ സഹായി​ക്കുന്ന മാർഗ​ങ്ങ​ളും ഉത്‌പ​ന്ന​ങ്ങ​ളും ഉപയോ​ഗി​ക്കാൻ ഇവർ ശ്രമി​ക്കു​മ്പോൾ അതിന്‌ ഒരു ക്രിയാ​ത്മക ഫലം തന്നെ ഉണ്ടായി​രി​ക്കും.

[അടിക്കു​റി​പ്പു​കൾ]