യുവജ​നങ്ങൾ ചോദി​ക്കു​ന്നു . . .

അയാൾ എന്നെ തിരിച്ചു പ്രേമി​ക്കു​ന്നി​ല്ലെ​ങ്കി​ലോ?

“ഞാനാകെ ആശങ്കാ​കു​ല​യാ​യി. ഞാൻ അയാളു​മാ​യി പ്രേമ​ത്തി​ലാണ്‌. പക്ഷേ അയാൾ എന്നെ പ്രേമി​ക്കു​ന്നു​ണ്ടോ എന്ന്‌ എനിക്ക​റി​യില്ല. ഞാനെന്തു ചെയ്യും? എന്റെ വികാ​രങ്ങൾ അയാ​ളോ​ടു തുറന്ന്‌ പറയണോ? അയ്യോ, എനിക്കതു ചിന്തി​ക്കാ​നേ വയ്യ! മറ്റുള്ള​വ​രൊ​ക്കെ എന്നെ കുറിച്ച്‌ എന്തു പറയും?”—ഹ്യൂഡ.a

ഹ്യൂഡ എന്ന ഈ യുവ ലബനോൻകാ​രി തന്നെ തിരിച്ചു പ്രേമി​ക്കാഞ്ഞ ഒരാളു​മാ​യി പ്രേമ​ത്തി​ലാ​യി​രു​ന്നു. ഇത്‌ അസാധാ​ര​ണ​മായ ഒരു പ്രശ്‌നമല്ല. സെയ്‌നാ എന്ന മറ്റൊരു യുവതി​ക്കും സമാന​മായ അനുഭവം ഉണ്ടായി. അവൾ അനുസ്‌മ​രി​ക്കു​ന്നു: “ഞാൻ എല്ലാ ദിവസ​വും അയാളെ കാണു​മാ​യി​രു​ന്നു. കാരണം അയാൾ ഞങ്ങളുടെ അയൽക്കാ​രൻ ആയിരു​ന്നു. സുമു​ഖ​നാ​യി​രു​ന്നു അയാൾ. അതു​കൊണ്ട്‌ എനിക്ക്‌ അയാ​ളോ​ടു പ്രേമം തോന്നി.”

തീർച്ച​യാ​യും, ഒരു ക്രിസ്‌ത്യാ​നിക്ക്‌ ഉചിത​മാ​യി വിവാഹം കഴിക്കാ​വുന്ന സ്ഥാനത്താ​യി​രി​ക്കുന്ന ഒരാ​ളോ​ടു തീവ്ര​മായ വികാ​രങ്ങൾ തോന്നു​ന്ന​തിൽ അപാക​ത​യൊ​ന്നും ഇല്ല. (സദൃശ​വാ​ക്യ​ങ്ങൾ 5:15; 1 കൊരി​ന്ത്യർ 7:39) വിവാ​ഹി​ത​യാ​കാ​നും കുടും​ബം ഉണ്ടായി​രി​ക്കാ​നും ഒരു യുവതി ആഗ്രഹി​ക്കു​ന്ന​തി​ലും തെറ്റൊ​ന്നു​മില്ല. എന്നാൽ, നിങ്ങളു​ടെ വികാ​രങ്ങൾ മനസ്സി​ലാ​ക്കി​യി​ട്ടി​ല്ലാത്ത, അഥവാ അതി​നോ​ടു പ്രതി​ക​രി​ക്കാത്ത യോഗ്യ​നായ ഒരുവ​നോ​ടു നിങ്ങൾക്ക്‌ പ്രേമം തോന്നു​ന്നെ​ങ്കി​ലോ?

പ്രേമ​രോ​ഗ​ത്തി​ന്റെ നൊമ്പരം

ഹ്യൂഡ​യെ​പ്പോ​ലെ നിങ്ങളും ഒരു വികാ​ര​ച്ചു​ഴി​യു​ടെ മധ്യത്തി​ലാ​ണെന്നു തോന്നി​യേ​ക്കാം. വികാ​ര​ത്തേ​രി​ലേറി യാത്ര ചെയ്യു​ന്നതു പോലുള്ള ആഹ്ലാദ​ക​ര​മായ ഒരവസ്ഥ​യ്‌ക്കു പെട്ടെ​ന്നു​തന്നെ മങ്ങലേ​റ്റേ​ക്കാം. “ചില​പ്പോൾ പ്രപഞ്ച​ത്തി​ലെ ഏറ്റവും ആഹ്ലാദ​വതി ഞാനാ​ണെന്ന്‌ എനിക്കു തോന്നി. മറ്റു ചില​പ്പോ​ഴാ​കട്ടെ, ഏറ്റവും ദുഃഖി​ത​യും,” സെയ്‌നാ പറഞ്ഞു. തിരിച്ചു പ്രേമി​ക്കാത്ത ഒരാളെ പ്രേമി​ക്കു​ന്നത്‌ ഉത്‌കണ്‌ഠ, നിദ്രാ​ഭം​ഗം, എന്നിവ​യ്‌ക്കും വിഷാ​ദ​ത്തി​നും പോലും കാരണ​മാ​യേ​ക്കാം.

സദൃശ​വാ​ക്യ​ങ്ങൾ 13:12-ൽ ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു.” പ്രതീ​ക്ഷകൾ പൂവണി​യു​ന്നി​ല്ലെ​ങ്കിൽ അതു വിനാ​ശ​ക​മാ​യി​രി​ക്കാൻ കഴിയും! സദാ അയാളെ കുറിച്ചു ചിന്തി​ച്ചു​കൊ​ണ്ടി​രി​ക്കു​ന്ന​താ​യി, അഥവാ അയാളെ കുറി​ച്ചുള്ള വാർത്താ​ശ​ക​ല​ങ്ങൾക്കു കാതു​കൂർപ്പി​ച്ചി​രി​ക്കുന്ന ഒരവസ്ഥ​യിൽ ആയിരി​ക്കു​ന്ന​താ​യി നിങ്ങൾക്കു തോന്നി​യേ​ക്കാം. അയാളു​ടെ ശ്രദ്ധ പിടി​ച്ചു​പ​റ്റാ​നുള്ള ചില വിദ്യ​ക​ളോ അയാളു​ടെ ഒപ്പമാ​യി​രി​ക്കാൻ ചില മുടന്തൻ ഒഴിക​ഴി​വു​ക​ളോ നിങ്ങൾ മെന​ഞ്ഞേ​ക്കാം. അയാൾ അടുത്താ​യി​രി​ക്കു​മ്പോൾ സാധാ​ര​ണ​പോ​ലെ പെരു​മാ​റുക ബുദ്ധി​മു​ട്ടാ​ണെ​ന്നും നിങ്ങൾ കണ്ടെത്തി​യേ​ക്കാം.

നിങ്ങളു​ടെ പ്രേമ​ഭാ​ജനം ചില​പ്പോ​ഴൊ​ക്കെ നിങ്ങളെ പ്രത്യേ​കം കടാക്ഷി​ക്കു​ന്ന​താ​യും എന്നാൽ മറ്റു സമയങ്ങ​ളിൽ നിങ്ങളിൽ യാതൊ​രു താത്‌പ​ര്യ​വു​മി​ല്ലാ​ത്ത​വ​നെ​പ്പോ​ലെ പെരു​മാ​റു​ന്ന​താ​യും കാണു​മ്പോൾ വല്ലാത്ത ആശയക്കു​ഴപ്പം ഉണ്ടാ​യേ​ക്കാം. കൂടാതെ അയാൾ മറ്റാ​രെ​യെ​ങ്കി​ലും ശ്രദ്ധി​ക്കു​ന്ന​തോ ആരോ​ടെ​ങ്കി​ലും ദയ കാണി​ക്കു​ന്ന​തോ ഉപചാര പൂർവം ഇടപഴ​കു​ന്ന​തോ നിരീ​ക്ഷി​ക്കാൻ ഇടയാ​യാൽ, അതു നിങ്ങളിൽ അസൂയ​യു​ടെ വികാ​രങ്ങൾ ഉളവാ​ക്കി​യേ​ക്കാം. ബൈബിൾ പറയുന്നു: “ക്രോധം ക്രൂര​വും കോപം പ്രളയ​വും ആകുന്നു; ജാരശ​ങ്ക​യു​ടെ [“അസൂയ​യു​ടെ,” NW] മുമ്പി​ലോ ആർക്കു നില്‌ക്കാം?”—സദൃശ​വാ​ക്യ​ങ്ങൾ 27:4.

ഹ്യൂഡ പിൻവ​രുന്ന പ്രകാരം സമ്മതിച്ചു പറഞ്ഞു: “എന്റെ മനോ​ഭാ​വം തിരു​ത്തി​യി​ല്ലാ​യി​രു​ന്നു എങ്കിൽ മാനസിക സമനില നഷ്ടപ്പെ​ടു​മാ​യി​രുന്ന ഘട്ടത്തോ​ളം എനിക്ക്‌ അങ്ങേയറ്റം കടുത്ത അസൂയ തോന്നി.” ഇത്‌ ആത്മവി​ദ്വേ​ഷ​ത്തിൽ കലാശി​ച്ചേ​ക്കാം. ഹ്യൂഡ പറഞ്ഞു: “എന്നെ പ്രേമി​ക്കാഞ്ഞ ഒരുവ​നു​മാ​യി പ്രേമ​ത്തി​ലാ​യ​തി​നും ഇങ്ങനെ തന്നെത്താൻ തീ തിന്നു​ന്ന​തി​നും ഞാൻ സ്വയം കുറ്റ​പ്പെ​ടു​ത്തി.”

അതേസ​മ​യം പാശ്ചാത്യ നാടു​ക​ളിൽ, ഒരു യുവാ​വി​നെ സമീപിച്ച്‌ തന്റെ ഇംഗിതം അറിയി​ക്കാൻ ഒരു യുവതിക്ക്‌ അത്ര ജാള്യ​ത​യൊ​ന്നു​മില്ല. എന്നാൽ എല്ലാ യുവതി​ക​ളും അങ്ങനെയല്ല. ചില സംസ്‌കാ​ര​ങ്ങ​ളിൽ ഒരു യുവതി ഇത്തരം കാര്യാ​ദി​ക​ളിൽ മുൻകൈ എടുക്കു​ന്നത്‌ അനഭി​കാ​മ്യ​മോ ഞെട്ടി​പ്പി​ക്കു​ന്ന​തോ പോലു​മാ​യി കരുത​പ്പെ​ടു​ന്നു. അപ്പോൾപ്പി​ന്നെ നിങ്ങളെ തിരിച്ചു പ്രേമി​ക്കാത്ത ഒരുവ​നോട്‌ നിങ്ങൾക്കു പ്രേമം തോന്നി​യാൽ എന്തു ചെയ്യാ​നാ​കും?

നിങ്ങളു​ടെ വികാ​രങ്ങൾ അവധാ​ന​പൂർവം പരി​ശോ​ധി​ക്കു​ക

ആദ്യമാ​യി, നിങ്ങളു​ടെ വികാ​രങ്ങൾ ശാന്തമാ​യും ലക്ഷ്യ​ബോ​ധ​ത്തോ​ടെ​യും പരി​ശോ​ധി​ക്കാൻ ശ്രമി​ക്കുക. ബൈബിൾ ഇപ്രകാ​രം മുന്നറി​യി​പ്പു നൽകുന്നു: “സ്വന്തഹൃ​ദ​യ​ത്തിൽ ആശ്രയി​ക്കു​ന്നവൻ മൂഢൻ.” (സദൃശ​വാ​ക്യ​ങ്ങൾ 28:26) എന്തു​കൊണ്ട്‌? എന്തു​കൊ​ണ്ടെ​ന്നാൽ നമ്മുടെ ഹൃദയ​ത്തി​ന്റെ നിർണയം മിക്ക​പ്പോ​ഴും ശരിയായ ഗതിയി​ലല്ല. (യിരെ​മ്യാ​വു 17:9) പ്രേമ​മാ​ണെന്നു നാം നിഗമനം ചെയ്യു​ന്നതു മിക്ക​പ്പോ​ഴും മറ്റെ​ന്തെ​ങ്കി​ലും ആയിരി​ക്കും. “എനിക്കു ശ്രദ്ധയും സ്‌നേ​ഹ​വും ആവശ്യ​മാ​യി​രു​ന്നു,” ഹ്യൂഡ സമ്മതി​ക്കു​ന്നു. “എന്നെ സ്‌നേ​ഹി​ക്കാ​നും പരിപാ​ലി​ക്കാ​നും ഒക്കെയാ​യി എനിക്ക്‌ ഒരാളെ വേണ്ടി​യി​രു​ന്നു. കുട്ടി​ക്കാ​ലം മുതലേ എനിക്കു സ്‌നേഹം ലഭിച്ചി​രു​ന്നില്ല. അത്‌ എന്നെ ആഴമായി ബാധിച്ചു.” നിങ്ങളു​ടേത്‌ സ്‌നേ​ഹ​മി​ല്ലാ​ത്ത​തും ദുഷി​പ്പി​ക്കു​ന്ന​തു​മായ ഒരു കുടും​ബാ​ന്ത​രീ​ക്ഷം ആണെങ്കിൽ, സ്‌നേ​ഹ​ത്തി​നും അംഗീ​കാ​ര​ത്തി​നും വേണ്ടി​യുള്ള ത്വര നിങ്ങൾക്കു തോന്നി​യേ​ക്കാം. എന്നാൽ ഒരു പ്രേമ ബന്ധമാ​ണോ അവശ്യം അതിനുള്ള പരിഹാര മാർഗം?

ദുഃഖ​ക​ര​മെ​ന്നു പറയട്ടെ, അസന്തു​ഷ്ടി​യും ഏകാന്ത​ത​യും അനുഭ​വി​ക്കു​ന്നവർ നല്ല വിവാഹ ഇണകൾ ആയിത്തീ​രു​ന്ന​തിൽ പരാജ​യ​മ​ട​യു​ക​യാണ്‌ പതിവ്‌. തങ്ങൾക്കു കൂടി​യേ​തീ​രൂ എന്നു കരുതു​ന്നവ പ്രാപി​ക്കാ​നുള്ള വെമ്പലി​ലാണ്‌ അവർ ദാമ്പത്യ ബന്ധത്തി​ലേക്കു കാലെ​ടു​ത്തു വെക്കു​ന്നത്‌. എന്നാൽ യഥാർഥ സന്തുഷ്ടി ലഭിക്കു​ന്നത്‌ കൊടു​ക്കു​ന്ന​തിൽ നിന്നാണ്‌. അല്ലാതെ വാങ്ങു​ന്ന​തിൽ നിന്നല്ല. (പ്രവൃ​ത്തി​കൾ 20:35) ഒരു യുവതി​ക്കു തന്നെ സംബന്ധിച്ച്‌ സംതൃ​പ്‌ത​മായ ഒരു കാഴ്‌ച​പ്പാ​ടു​ണ്ടാ​യി​രി​ക്കു​ക​യും അവൾ ‘സ്വന്തഗു​ണമല്ല മററു​ള്ള​വ​രു​ടെ ഗുണവും കൂടെ നോക്കു​ക​യും’ ചെയ്യു​മ്പോൾ, അവൾ വിവാഹം കഴിക്കാ​നുള്ള നല്ല സ്ഥാനത്താ​യി​രി​ക്കും.—ഫിലി​പ്പി​യർ 2:4.

വിവാ​ഹി​ത​യാ​കാ​നുള്ള വികാര തിരത്തള്ളൽ അനുഭ​വ​പ്പെ​ടു​മ്പോൾ, എതിർ ലിംഗ​വർഗ​ത്തിൽ നിന്നു​ള്ള​വ​രു​ടെ ഏതൊരു ശ്രദ്ധ​യോ​ടും നിങ്ങൾ തീവ്ര​മാ​യി പ്രതി​ക​രി​ച്ചേ​ക്കാം. ചില​പ്പോൾ പ്രേമ ബന്ധത്തി​നുള്ള ഒരു യുവതി​യു​ടെ അഭിലാ​ഷത്തെ സുഹൃ​ത്തു​ക്ക​ളും കുടും​ബാം​ഗ​ങ്ങ​ളും പ്രോ​ത്സാ​ഹി​പ്പി​ച്ചേ​ക്കാം. ഒരു പെൺകു​ട്ടി വിവാ​ഹ​പ്രാ​യം എത്തിയാ​ലു​ടനെ അവളുടെ വിവാഹം നടത്തു​ന്ന​തിന്‌ ചില സമുദാ​യങ്ങൾ വളരെ ഊന്നൽ കൊടു​ക്കു​ന്നു. മധ്യപൂർവ ദേശത്തെ സ്‌ത്രീ​കൾ (ഇംഗ്ലീഷ്‌) എന്ന പുസ്‌തകം അഭി​പ്രാ​യ​പ്പെ​ടു​ന്നു: “പ്രായം മുപ്പ​തോ​ട​ടു​ത്തി​ട്ടും ഒരു സ്‌ത്രീ ഏകാകി ആണെങ്കിൽ, അവൾ സ്വന്തം കുടും​ബ​ത്തിന്‌ ഒരു ഉത്‌ക​ണ്‌ഠ​യാ​യി മാറുന്നു.” കുടും​ബ​ത്തി​ന്റെ അഭിമാ​നം ഉൾപ്പെ​ട്ടി​രി​ക്കു​ന്ന​തി​നാൽ, തന്റെ പെൺമ​ക്കളെ കഴിയു​ന്നത്ര ചെറു​പ്പ​ത്തി​ലേ വിവാഹം കഴിച്ച​യ​യ്‌ക്കാൻ ഒരു പിതാവു ശ്രമി​ച്ചേ​ക്കാം.

എന്നുവ​രി​കി​ലും, സംസ്‌കാ​ര​ത്തെ​ക്കാൾ പ്രാധാ​ന്യം ബൈബിൾ തത്ത്വങ്ങൾക്കാണ്‌. മാത്ര​വു​മല്ല, വിവാഹം കഴിക്കു​ന്ന​തിന്‌ “നവയൗ​വനം പിന്നി”ടുന്നതു​വരെ കാത്തി​രി​ക്കാൻ തിരു​വെ​ഴു​ത്തു​കൾ യുവജ​ന​ങ്ങളെ പ്രോ​ത്സാ​ഹി​പ്പി​ക്കു​ന്നു. (1 കൊരി​ന്ത്യർ 7:36, NW) അപ്പോൾപ്പി​ന്നെ, വിവാഹം കഴിക്കാൻ സുഹൃ​ത്തു​ക്ക​ളും മാതാ​പി​താ​ക്ക​ളും നിങ്ങളു​ടെ​മേൽ അനാവശ്യ സമ്മർദം ചെലു​ത്തു​ന്നെ​ങ്കി​ലോ? ദൈവ ഭക്തയാ​യി​രുന്ന ശൂനേമ്യ പെൺകു​ട്ടി ‘സമയമാ​കും​മുമ്പ്‌ തന്റെ പ്രേമത്തെ തട്ടിയു​ണർത്ത​രു​തേ; ഇളക്കി​വി​ട​രു​തേ’ എന്ന്‌ സഗൗരവം തന്റെ ചങ്ങാതി​മാ​രെ അറിയി​ച്ച​താ​യി ബൈബിൾ പറയുന്നു. (ഉത്തമഗീ​തം 2:7, പി.ഒ.സി. ബൈബിൾ) ഒരുപക്ഷേ, സമാന​മായ വിധത്തിൽ നിങ്ങളു​ടെ അഭി​പ്രാ​യം ദൃഢമാ​യി വെളി​പ്പെ​ടു​ത്തു​ന്നതു ഫലം ചെയ്‌തേ​ക്കാം. നിങ്ങളു​ടെ മാതാ​പി​താ​ക്കൾ ദൈവ ഭയമു​ള്ള​വ​രാ​ണെ​ങ്കിൽ വിശേ​ഷി​ച്ചും.

യാഥാർഥ്യ​ങ്ങളെ അഭിമു​ഖീ​ക​രി​ക്കൽ

എന്നുവ​രി​കി​ലും, നിങ്ങൾ പ്രേമി​ക്കു​ന്നെന്നു കരുതുന്ന വ്യക്തിയെ സംബന്ധി​ച്ചുള്ള യാഥാർഥ്യ​ങ്ങൾ നിങ്ങൾ ഒടുവിൽ അഭിമു​ഖീ​ക​രി​ക്കേ​ണ്ട​തുണ്ട്‌. അപ്രകാ​രം ചെയ്യു​ന്നത്‌ ആയാസ​ക​ര​വും വൈകാ​രിക വേദന ഉളവാ​ക്കു​ന്ന​തും ആയിരു​ന്നേ​ക്കാം. എന്നാൽ തിരു​വെ​ഴു​ത്തു​കൾ ഇങ്ങനെ അനുശാ​സി​ക്കു​ന്നു: “നീ സത്യം വില്‌ക്കയല്ല വാങ്ങു​ക​യ​ത്രേ വേണ്ടതു.” (സദൃശ​വാ​ക്യ​ങ്ങൾ 23:23) സ്വയം ഇപ്രകാ​രം ചോദി​ക്കുക: ‘അയാ​ളോ​ടു പ്രേമം തോന്നു​ന്ന​തിന്‌ എനിക്ക്‌ ഈടുറ്റ കാരണങ്ങൾ ഉണ്ടോ? ഈ വ്യക്തിയെ കുറിച്ച്‌ വാസ്‌ത​വ​ത്തിൽ എനിക്ക്‌ എത്ര​ത്തോ​ളം അറിയാം? അദ്ദേഹ​ത്തി​ന്റെ ചിന്താ​രീ​തി, വികാ​രങ്ങൾ, അഭി​പ്രാ​യങ്ങൾ, ശീലങ്ങൾ, ധാർമിക മൂല്യങ്ങൾ, പ്രാപ്‌തി​കൾ, കഴിവു​കൾ, ജീവി​ത​രീ​തി തുടങ്ങി​യ​വയെ കുറിച്ച്‌ എനിക്ക്‌ എന്തറി​യാം?’

പരിചി​ന്തി​ക്കേണ്ട മറ്റൊരു സംഗതി ഈ വ്യക്തി നിങ്ങളിൽ യഥാർഥ താത്‌പ​ര്യം പ്രകടി​പ്പി​ച്ചി​ട്ടു​ണ്ടോ ഇല്ലയോ എന്നതാണ്‌. ദയയും സൗഹൃ​ദ​വു​മൊ​ക്കെ മിക്ക​പ്പോ​ഴും തെറ്റി​ദ്ധ​രി​ക്ക​പ്പെ​ടു​ന്നു. “അയാൾ ദയ കാണി​ക്കാൻ ശ്രമി​ക്കു​ക​യാ​യി​രു​ന്നു,” ഹ്യൂഡ പറയുന്നു, “എന്നാൽ അയാളു​ടെ വാക്കു​ക​ളും പ്രവൃ​ത്തി​ക​ളും മറ്റും എന്നിലുള്ള താത്‌പ​ര്യ​ത്തെ ധ്വനി​പ്പി​ക്കു​ന്ന​താ​യി ഞാൻ വ്യാഖ്യാ​നി​ച്ചു. കാരണം എനിക്ക്‌ അത്‌ ആവശ്യ​മാ​യി​രു​ന്നു. അയാൾക്ക്‌ എന്നിൽ താത്‌പ​ര്യ​മൊ​ന്നു​മി​ല്ലെന്നു മനസ്സി​ലാ​യ​പ്പോൾ എനിക്കു ലജ്ജ തോന്നി. ഞാൻ അയാളു​ടെ ശ്രദ്ധ അർഹി​ക്കു​ന്നി​ല്ലെ​ന്നും എനിക്ക്‌ എന്തോ കുഴപ്പ​മു​ണ്ടെ​ന്നും ഞാൻ കരുതി.”

സമാന​മാ​യ ഒരു അനുഭവം നിമിത്തം നിങ്ങൾക്കും അങ്ങനെ തോന്നി​യി​ട്ടു​ണ്ടാ​കും. എന്നാൽ, ഈ വ്യക്തി​യു​ടെ ദൃഷ്ടി​യിൽ നിങ്ങൾ ചേരു​ന്ന​യാ​ളല്ല എന്നതു മറ്റൊ​രു​വന്റെ ദൃഷ്ടി​യി​ലും അങ്ങനെ തന്നെ ആയിരി​ക്കും എന്ന്‌ അർഥമാ​ക്കു​ന്നി​ല്ലെന്നു തിരി​ച്ച​റി​യുക. എന്തായാ​ലും ലോക​ത്തിൽ ഈ ഒരൊറ്റ യുവാവു മാത്ര​മ​ല്ല​ല്ലോ ഉള്ളത്‌!

വേദന തരണം ചെയ്യൽ

അങ്ങനെ​യാ​ണെ​ങ്കി​ലും നിങ്ങളു​ടെ വ്രണിത വികാ​രങ്ങൾ തരണം ചെയ്യു​ന്ന​തി​നു സമയം ആവശ്യ​മാണ്‌. എന്നാൽ നിങ്ങളെ എന്തു സഹായി​ക്കും? നിങ്ങളെ ശ്രദ്ധി​ക്കുന്ന ഒരു ‘സുഹൃ​ത്തി​നോട്‌,’ പക്വമ​തി​യായ ഒരു ക്രിസ്‌ത്യാ​നി​യോട്‌ കാര്യങ്ങൾ തുറന്നു പറയു​ക​യും ആ വ്യക്തി​യിൽ ആശ്രയി​ക്കു​ക​യും ചെയ്യുക എന്നതാണ്‌ ഒരു മാർഗം. (സദൃശ​വാ​ക്യ​ങ്ങൾ 17:17) നിങ്ങൾക്കു തുറന്നു സംസാ​രി​ക്കാൻ കഴിയുന്ന പ്രായ​മേ​റിയ ഒരു സഹോ​ദരി സഭയിൽ ഉണ്ടായി​രു​ന്നേ​ക്കാം. സഹായ​വും പിന്തു​ണ​യും പ്രദാനം ചെയ്യു​ന്ന​തിൽ ക്രിസ്‌തീയ മാതാ​പി​താ​ക്കൾക്കും ഒരു സുപ്ര​ധാന പങ്കു വഹിക്കാ​വു​ന്ന​താണ്‌. സെയ്‌നാ അനുസ്‌മ​രി​ക്കു​ന്നു: “ഞങ്ങളുടെ സഭയിലെ ഒരു ക്രിസ്‌തീയ സ്‌ത്രീ എന്റെ വിഷാ​ദാ​വസ്ഥ തിരി​ച്ച​റി​ഞ്ഞു. എന്നെ സഹായി​ക്കാൻ തക്കവണ്ണം പക്വമ​തി​യു​മാ​യി​രു​ന്നു അവർ. അവരോ​ടൊ​പ്പം ആയിരി​ക്കു​ന്നത്‌ ആശ്വാ​സ​ക​ര​മാ​യി​രു​ന്നു. അതു​കൊണ്ട്‌ ഞാൻ സർവ കാര്യ​ങ്ങ​ളും തുറന്നു പറഞ്ഞു. എന്റെ മാതാ​പി​താ​ക്ക​ളോ​ടു സംസാ​രി​ക്കാൻ അവർ എന്നെ പ്രോ​ത്സാ​ഹി​പ്പി​ച്ചു. ഞാൻ അവരോ​ടു സംസാ​രി​ച്ചു. അവർ എന്നെ മനസ്സി​ലാ​ക്കു​ക​യും സഹായി​ക്കു​ക​യും ചെയ്‌തു.”

പ്രാർഥ​ന​യു​ടെ ശക്തിയെ കുറി​ച്ചും ഓർക്കുക. (സങ്കീർത്തനം 55:22) ഹ്യൂഡ പറയുന്നു: “യഹോ​വ​യോ​ടുള്ള പ്രാർഥന വേദന തരണം ചെയ്യാൻ എന്നെ സഹായി​ച്ചു. വീക്ഷാ​ഗോ​പു​രം, ഉണരുക! മാസി​ക​ക​ളിൽനി​ന്നുള്ള സഹായ​ക​മായ ലേഖന​ങ്ങ​ളും ഞാൻ വായിച്ചു.” കൂടാതെ, സ്വയം ഒറ്റപ്പെ​ടു​ത്താ​തി​രി​ക്കു​ന്ന​തും പ്രധാ​ന​മാണ്‌. (സദൃശ​വാ​ക്യ​ങ്ങൾ 18:1) മറ്റുള്ള​വ​രു​മാ​യി ഇഴുകി​ച്ചേ​രുക. “എന്നെ സഹായിച്ച മറ്റൊരു സംഗതി,” സെയ്‌നാ അനുസ്‌മ​രി​ക്കു​ന്നു, “ഞാൻ സ്വയം തിരക്കു​ള്ള​വ​ളാ​ക്കി നിർത്തു​ക​യും ഒരു പയനിയർ [മുഴു സമയ സുവി​ശേഷക] ആയിത്തീ​രു​ക​യും ചെയ്‌തു എന്നതാണ്‌. സഭയിലെ മറ്റു സ്‌ത്രീ​ക​ളു​മാ​യുള്ള സഹവാ​സ​വും ഞാൻ വർധി​പ്പി​ച്ചു. ആത്മീയ​മാ​യി പുരോ​ഗ​മി​ക്കാൻ അതെന്നെ സഹായി​ച്ചു.”

“സ്‌നേ​ഹി​പ്പാൻ ഒരു കാലം” എന്നു ബൈബിൾ പ്രസ്‌താ​വി​ക്കുക തന്നെ ചെയ്യുന്നു. കാല​ക്ര​മ​ത്തിൽ, നിങ്ങളു​ടെ പ്രിയ​ത്തോ​ടു പ്രതി​ക​രി​ക്കുന്ന ഒരുവനെ നിങ്ങൾ കണ്ടുമു​ട്ടി​യേ​ക്കാം. (സഭാ​പ്ര​സം​ഗി 3:8) ദാമ്പത്യ സ്‌നേ​ഹ​ത്തി​ന്റെ സുഖം നുകരാ​നുള്ള ആഗ്രഹ​ത്തോ​ടു കൂടി​യാണ്‌ യഹോ​വ​യാം ദൈവം മനുഷ്യ​രെ സൃഷ്ടി​ച്ചത്‌. നമ്മുടെ മഹാ നിർമാ​താ​വി​ന്റെ ഈ ഉത്തമ കരുതൽ ഒരിക്കൽ നിങ്ങളും ആസ്വദി​ച്ചേ​ക്കും. അതിനി​ട​യിൽ, “ചിന്താ​കു​ല​മി​ല്ലാത്ത”തെന്ന്‌ അപ്പോ​സ്‌ത​ല​നായ പൗലൊസ്‌ സൂചി​പ്പിച്ച, ഏകാകി​ത്വ​ത്തി​ന്റേ​തായ വർഷങ്ങ​ളിൽ നിന്ന്‌ പരമാ​വധി പ്രയോ​ജനം നേടരു​തോ? (1 കൊരി​ന്ത്യർ 7:32-34) സംഗതി എന്താ​ണെ​ങ്കി​ലും പിൻവ​രുന്ന ബൈബിൾ വാഗ്‌ദാ​ന​ത്തി​ന്റെ നിവൃത്തി സംബന്ധിച്ച്‌ നിങ്ങൾക്ക്‌ എല്ലായ്‌പോ​ഴും ഉറപ്പു​ള്ള​വ​രാ​യി​രി​ക്കാൻ സാധി​ക്കും: “നീ [യഹോവ] തൃക്കൈ തുറന്നു ജീവനു​ള്ള​തി​ന്നൊ​ക്കെ​യും പ്രസാ​ദം​കൊ​ണ്ടു തൃപ്‌തി​വ​രു​ത്തു​ന്നു.”—സങ്കീർത്തനം 145:16.

[അടിക്കു​റിപ്പ്‌]

[13-ാം പേജിലെ ചിത്രം]

ചിലപ്പോൾ, ദയ തെറ്റി​ദ്ധ​രി​ക്ക​പ്പെ​ടു​ന്നു