ഉത്തരങ്ങൾക്കാ​യി താഴേ​യ്‌ക്കല്ല, ഉയരത്തി​ലേക്ക്‌ നോക്കു​ന്നു

മാറ്റങ്ങ​ളു​ടെ ഒരു പരമ്പര​യി​ലൂ​ടെ മനുഷ്യർ ക്രമേണ ഒരു ഉയർന്ന​തരം ജന്തുവാ​യി തീർന്നെന്ന്‌ പരിണാ​മം പഠിപ്പി​ക്കു​ന്നു. നേരേ​മ​റിച്ച്‌, മനുഷ്യർ ദൈവ​ത്തി​ന്റെ പ്രതി​ച്ഛാ​യ​യിൽ പൂർണ​ത​യു​ള്ള​വ​രാ​യി സൃഷ്ടി​ക്ക​പ്പെ​ട്ടെ​ന്നും എന്നാൽ താമസി​യാ​തെ അപൂർണത രംഗ​പ്ര​വേശം ചെയ്‌ത​പ്പോൾ മനുഷ്യ​വർഗ​ത്തി​ന്റെ അധോ​ഗതി തുടങ്ങി​യെ​ന്നും ബൈബിൾ പറയുന്നു.

നമ്മുടെ ആദ്യ മാതാ​പി​താ​ക്ക​ളായ ആദാമും ഹവ്വായും ധാർമിക സ്വാത​ന്ത്ര്യം തേടി​പ്പോ​കു​ക​യും ദൈവ​ത്തോ​ടുള്ള മനഃപൂർവ​മായ അനുസ​ര​ണ​ക്കേ​ടി​ലൂ​ടെ തങ്ങളുടെ മനഃസാ​ക്ഷി​യെ വ്രണ​പ്പെ​ടു​ത്തു​ക​യും ചെയ്‌ത​പ്പോ​ഴാണ്‌ അവരുടെ അധോ​ഗതി തുടങ്ങി​യത്‌. അവർ ദൈവ​നി​യ​മ​മാ​കുന്ന സംരക്ഷ​ണാ​ത്മക കൈവരി മനഃപൂർവം തകർത്തു​കൊണ്ട്‌ വാഹനം ഓടി​ച്ച​തു​പോ​ലെ​യാ​യി​രു​ന്നു അത്‌. അങ്ങനെ, നാം ഇപ്പോൾ ആയിരി​ക്കുന്ന രോഗം, വാർധ​ക്യം, മരണം, വർഗീയ മുൻവി​ധി​കൾ, മത വിദ്വേ​ഷങ്ങൾ, ഘോര യുദ്ധങ്ങൾ ഇവയെ​ല്ലാ​മുള്ള അവസ്ഥയി​ലേക്ക്‌ അവർ കൂപ്പു​കു​ത്തി.—ഉല്‌പത്തി 2:17; 3:6, 7.

ജന്തു ജീനു​ക​ളോ വികല ജീനു​ക​ളോ?

ആദാമും ഹവ്വായും പാപം ചെയ്‌ത​പ്പോൾ അവരുടെ പൂർണ​ത​യുള്ള ശരീര​ങ്ങൾക്ക്‌ എന്തു സംഭവി​ച്ചു​വെന്ന്‌ ബൈബിൾ ശാസ്‌ത്രീയ ഭാഷയിൽ വിശദീ​ക​രി​ക്കു​ന്നില്ല. ഒരു കാർ ഉടമസ്ഥ​നുള്ള നിർദേ​ശ​ക​ഗ്രന്ഥം മോ​ട്ടോർവാ​ഹന എഞ്ചിനീ​യ​റി​ങ്ങി​നെ​ക്കു​റി​ച്ചുള്ള ഒരു പാഠപു​സ്‌തകം അല്ലാത്ത​തു​പോ​ലെ​തന്നെ ബൈബി​ളും ഒരു ശാസ്‌ത്ര ഗ്രന്ഥമല്ല. എന്നാൽ കാർ ഉടമസ്ഥന്റെ നിർദേ​ശ​ക​ഗ്രന്ഥം പോ​ലെ​തന്നെ ബൈബി​ളും കൃത്യ​ത​യു​ള്ള​താണ്‌. അത്‌ ഒരു കെട്ടു​ക​ഥയല്ല.

ആദാമും ഹവ്വായും ദൈവ​നി​യ​മ​മാ​കുന്ന സംരക്ഷ​ണാ​ത്മക വേലി തകർത്ത്‌ പുറത്തു​ക​ട​ന്ന​പ്പോൾ അവരുടെ ജൈവ​ഘ​ട​ന​യ്‌ക്ക്‌ ഹാനി സംഭവി​ച്ചു. പിന്നീ​ടുള്ള അവരുടെ ജീവിതം മരണത്തി​ലേക്ക്‌ സാവധാ​ന​മുള്ള ഒരു യാത്ര​യാ​യി​രു​ന്നു. പാരമ്പര്യ നിയമങ്ങൾ വഴി അവരുടെ മക്കൾ—മനുഷ്യ​കു​ടും​ബം—അപൂർണ​ത​യ്‌ക്കു വശംവ​ദ​രാ​യി. അങ്ങനെ അവരും മരണമ​ട​യു​ന്നു.—ഇയ്യോബ്‌ 14:4; സങ്കീർത്തനം 51:5; റോമർ 5:12.

സങ്കടക​ര​മെ​ന്നു പറയട്ടെ, നമുക്ക്‌ പാരമ്പ​ര്യ​മാ​യി കിട്ടിയ അപൂർണ​ത​യിൽ പാപം ചെയ്യു​ന്ന​തി​നുള്ള പ്രവണത ഉൾപ്പെ​ടു​ന്നു. സ്വാർഥ​ത​യു​ടെ​യും അധാർമി​ക​ത​യു​ടെ​യും രൂപത്തിൽ അതു പ്രകട​മാ​കു​ന്നു. തീർച്ച​യാ​യും, ലൈം​ഗി​ക​ത​യ്‌ക്ക്‌ ഉചിത​മായ സ്ഥാനമുണ്ട്‌. ദൈവം ആദ്യ മനുഷ്യ ജോടി​യോട്‌ ഇങ്ങനെ കൽപ്പിച്ചു: “സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറ”യുക. (ഉല്‌പത്തി 1:28) സ്‌നേ​ഹ​വാ​നായ സ്രഷ്ടാ​വെന്ന നിലയിൽ ദൈവം, ആ കൽപ്പന അനുസ​രി​ക്കു​ന്നത്‌ ഭാര്യാ​ഭർത്താ​ക്ക​ന്മാർക്ക്‌ സുഖക​ര​മായ ഒരു അനുഭ​വ​മാ​ക്കി​ത്തീർത്തു. (സദൃശ​വാ​ക്യ​ങ്ങൾ 5:18) എന്നാൽ മാനു​ഷിക അപൂർണത ലൈം​ഗി​ക​ത​യു​ടെ ദുരു​പ​യോ​ഗ​ത്തി​ലേക്കു നയിച്ചി​രി​ക്കു​ന്നു. വാസ്‌ത​വ​ത്തിൽ, നമു​ക്കെ​ല്ലാം അറിയാ​വു​ന്ന​തു​പോ​ലെ അപൂർണത മനസ്സി​ന്റെ​യും ശരീര​ത്തി​ന്റെ​യും പ്രവർത്ത​നങ്ങൾ ഉൾപ്പെടെ ജീവി​ത​ത്തി​ന്റെ എല്ലാ വശങ്ങ​ളെ​യും ബാധി​ക്കു​ന്നു.

എന്നാൽ അപൂർണത നമ്മുടെ ധാർമിക ബോധത്തെ കെടു​ത്തി​ക്ക​ള​ഞ്ഞി​ട്ടില്ല. നാം യഥാർഥ​ത്തിൽ ആഗ്രഹി​ക്കു​ന്ന​പക്ഷം നമുക്ക്‌ നിയ​ന്ത്രണം കൈവ​രി​ക്കാ​നും പാപത്തി​ലേക്കു തിരി​യു​ന്ന​തി​നുള്ള പ്രവണ​ത​യോ​ടു പോരാ​ടി​ക്കൊണ്ട്‌ ജീവി​ത​ത്തി​ലെ കെണികൾ ഒഴിവാ​ക്കാ​നും കഴിയും. തീർച്ച​യാ​യും, അപൂർണ മനുഷ്യർക്കാർക്കും പാപ​ത്തോട്‌ പൂർണ​മാ​യി പൊരു​തി ജയിക്കാ​നാ​വില്ല. ദൈവം കരുണാ​പൂർവം ഈ സംഗതി കണക്കി​ലെ​ടു​ക്കു​ന്നു.—സങ്കീർത്തനം 103:14; റോമർ 7:21-23.

നാം മരിക്കാൻ ആഗ്രഹി​ക്കാ​ത്ത​തി​ന്റെ കാരണം

പരിണാ​മം തൃപ്‌തി​ക​ര​മായ വിശദീ​ക​രണം നൽകാത്ത മറ്റൊരു പ്രഹേ​ളി​ക​യി​ലേ​ക്കും ബൈബിൾ വെളിച്ചം വീശുന്നു. മരണം സ്വാഭാ​വി​ക​വും ഒഴിച്ചു​കൂ​ടാ​നാ​വാ​ത്ത​തു​മാ​യി കാണ​പ്പെ​ട്ടാ​ലും അതിനെ സ്വീക​രി​ക്കു​ന്ന​തി​നുള്ള മനുഷ്യ​രു​ടെ മനസ്സി​ല്ലാ​യ്‌മ​യാ​ണത്‌.

മരണം പാപത്തി​ന്റെ, അതായത്‌ ദൈവ​ത്തോ​ടുള്ള അനുസ​ര​ണ​ക്കേ​ടി​ന്റെ ഫലമാ​ണെന്ന്‌ ബൈബിൾ വെളി​പ്പെ​ടു​ത്തു​ന്നു. നമ്മുടെ ആദിമ മാതാ​പി​താ​ക്കൾ അനുസ​ര​ണ​മു​ള്ള​വ​രാ​യി നില​കൊ​ണ്ടി​രു​ന്നെ​ങ്കിൽ അവരും അവരുടെ കുട്ടി​ക​ളും എന്നേക്കും ജീവി​ച്ചി​രി​ക്കു​മാ​യി​രു​ന്നു. ഫലത്തിൽ, നിത്യ​ജീ​വ​നാ​യുള്ള ആഗ്രഹം ദൈവം മനുഷ്യ മനസ്സിൽ പ്രോ​ഗ്രാം ചെയ്‌തു വെച്ചി​രു​ന്നു. “അവൻ . . . നിത്യ​ത​യും മനുഷ്യ​രു​ടെ ഹൃദയ​ത്തിൽ വെച്ചി​രി​ക്കു​ന്നു” എന്ന്‌ സഭാ​പ്ര​സം​ഗി 3:11 പറയുന്നു. അതു​കൊണ്ട്‌ മരണ ശിക്ഷാ​വി​ധി മനുഷ്യ​രിൽ ഒരു ആന്തരിക സംഘട്ടനം, നിലനിൽക്കുന്ന ഒരു പൊരു​ത്ത​ക്കേട്‌, ഉളവാക്കി.

ഈ ആന്തരിക സംഘട്ടനം ഇല്ലാതാ​ക്കാ​നും എന്നേക്കും ജീവി​ക്കാ​നുള്ള സ്വാഭാ​വിക വാഞ്‌ഛയെ ശമിപ്പി​ക്കാ​നു​മാ​യി മനുഷ്യർ ആത്മാവി​ന്റെ അമർത്യത എന്ന പഠിപ്പി​ക്കൽ മുതൽ പുനർജ​ന്മ​വി​ശ്വാ​സം വരെ, എല്ലാത്തരം വിശ്വാ​സ​ങ്ങ​ളും കെട്ടി​ച്ച​മ​ച്ചി​രി​ക്കു​ന്നു. ശാസ്‌ത്ര​ജ്ഞ​ന്മാർ വാർധ​ക്യം പ്രാപി​ക്ക​ലി​ന്റെ നിഗൂ​ഢ​ത​യെ​ക്കു​റി​ച്ചു സൂക്ഷ്‌മാ​ന്വേ​ഷണം നടത്തു​ക​യാണ്‌. എന്തു​കൊ​ണ്ടെ​ന്നാൽ മരണം ഇല്ലാതാ​ക്കാൻ, കുറഞ്ഞ​പക്ഷം അതു നീട്ടി​വെ​ക്കാ​നെ​ങ്കി​ലും, അവരും ആഗ്രഹി​ക്കു​ന്നു. നിരീ​ശ്വര വിശ്വാ​സി​ക​ളായ പരിണാ​മ​വാ​ദി​കൾ നിത്യ​മാ​യി ജീവി​ക്കാ​നുള്ള ആഗ്രഹത്തെ പരിണാ​മ​ത്തി​ന്റെ ഒരു തന്ത്ര​മെ​ന്നോ ചതി​യെ​ന്നോ പറഞ്ഞ്‌ തള്ളിക്ക​ള​യു​ന്നു. എന്തു​കൊ​ണ്ടെ​ന്നാൽ മനുഷ്യർ കേവലം ഉയർന്ന ജന്തുക്ക​ളാ​ണെന്ന അവരുടെ വീക്ഷണ​വു​മാ​യി അത്‌ യോജി​ക്കു​ന്നില്ല. നേരേ​മ​റിച്ച്‌, മരണം ഒരു ശത്രു​വാ​ണെന്ന ബൈബിൾ പ്രസ്‌താ​വന ജീവി​ക്കാ​നുള്ള നമ്മുടെ സ്വാഭാ​വിക വാഞ്‌ഛ​യു​മാ​യി ഒത്തുവ​രു​ന്നു.—1 കൊരി​ന്ത്യർ 15:26.

അങ്ങനെ​യെ​ങ്കിൽ, നാം എന്നേക്കും ജീവി​ക്കാൻ നിർമി​ക്ക​പ്പെ​ട്ട​താണ്‌ എന്നുള്ള​തിന്‌ നമ്മുടെ ശരീര​ത്തിൽ എന്തെങ്കി​ലും സൂചന​ക​ളു​ണ്ടോ? ഉണ്ട്‌ എന്നതാണ്‌ ഉത്തരം! ഇപ്പോൾ ജീവി​ക്കു​ന്ന​തി​നെ​ക്കാൾ വളരെ​യേ​റെ​ക്കാ​ലം ജീവി​ക്കാ​നാണ്‌ നാം നിർമി​ക്ക​പ്പെ​ട്ടി​രി​ക്കു​ന്നത്‌ എന്നതിന്‌ നമ്മുടെ മസ്‌തി​ഷ്‌കം തന്നെ വിസ്‌മ​യാ​വ​ഹ​മായ തെളി​വു​കൾ നൽകുന്നു.

എന്നേക്കും ജീവി​ക്കാൻ നിർമി​ക്ക​പ്പെ​ട്ട​വർ

ഏതാണ്ട്‌ 1.4 കിലോ​ഗ്രാം തൂക്കമുള്ള മസ്‌തി​ഷ്‌ക​ത്തിൽ 1,000 കോടി​മു​തൽ 10,000 കോടി​വരെ നാഡീ​കോ​ശ​ങ്ങ​ളുണ്ട്‌. ഈ നാഡീ​കോ​ശ​ങ്ങ​ളിൽ ഏതെങ്കി​ലും ഒരെണ്ണം മറ്റൊ​ന്നു​മാ​യി കൃത്യ​മാ​യി സമാന​ത​യു​ള്ള​ത​ല്ലെന്നു പറയ​പ്പെ​ടു​ന്നു. ഓരോ നാഡീ​കോ​ശ​ത്തി​നും 2,00,000-ത്തോളം മറ്റു നാഡീ​കോ​ശ​ങ്ങ​ളു​മാ​യി ആശയങ്ങൾ കൈമാ​റാൻ കഴിയും. അങ്ങനെ മസ്‌തി​ഷ്‌ക​ത്തിൽ അസംഖ്യം വ്യത്യസ്‌ത സർക്യൂ​ട്ടു​കൾ അഥവാ പഥങ്ങൾ ഉണ്ടാകു​ന്നു. അതു​കൊ​ണ്ടും അവസാ​നി​ക്കു​ന്നില്ല, “ഓരോ നാഡീ​കോ​ശ​വും അതിസ​ങ്കീർണ​മായ ഒരു കമ്പ്യൂ​ട്ട​റാണ്‌” എന്ന്‌ സയൻറി​ഫിക്‌ അമേരി​ക്കൻ പറയുന്നു.

നാഡീ​കോ​ശ​ങ്ങ​ളു​ടെ പ്രവർത്ത​ന​വി​ധത്തെ സ്വാധീ​നി​ക്കുന്ന ഒരു രാസ സൂപ്പിൽ മസ്‌തി​ഷ്‌കം മുങ്ങി​ക്കി​ട​ക്കു​ന്നു. അത്‌ ഏറ്റവും ശക്തി​യേ​റിയ കമ്പ്യൂ​ട്ട​റി​നെ​ക്കാ​ളും വളരെ​യ​ധി​കം സങ്കീർണ​മാണ്‌. “ഓരോ തലയി​ലും . . . അത്ഭുത​ക​ര​മായ ഓരോ പവർഹൗസ്‌ ഉണ്ട്‌, ഒതുക്ക​വും കാര്യ​ക്ഷ​മ​ത​യു​മുള്ള ആ അവയവ​ത്തെ​ക്കു​റിച്ച്‌ പഠിക്കു​ന്തോ​റും അതിന്റെ പ്രാപ്‌തി അനന്തമാ​യി​രി​ക്കു​ന്ന​താ​യി തോന്നു​ന്നു” എന്ന്‌ ടോണി ബൂസാ​നും ടെറന്റ്‌സ്‌ ഡിക്‌സ​ണും എഴുതു​ന്നു. പ്രൊ​ഫസർ പ്യോട്ടർ ആനോ​ച്ചി​നെ ഉദ്ധരി​ച്ചു​കൊണ്ട്‌ അവർ ഇങ്ങനെ കൂട്ടി​ച്ചേർക്കു​ന്നു: “മസ്‌തി​ഷ്‌ക​ത്തി​ന്റെ പ്രാപ്‌തി മുഴു​വ​നാ​യി ഉപയോ​ഗ​പ്പെ​ടു​ത്താൻ കഴിയുന്ന ഒരു മനുഷ്യ​നു​മില്ല. അതു​കൊ​ണ്ടാണ്‌ മനുഷ്യ മസ്‌തി​ഷ്‌ക​ത്തി​ന്റെ പരിധി​ക​ളെ​ക്കു​റി​ച്ചുള്ള അശുഭ​ക​ര​മായ കണക്കു​കൂ​ട്ട​ലു​കൾ ഒന്നും ഞങ്ങൾ സ്വീക​രി​ക്കാ​ത്തത്‌. അതിന്റെ പ്രാപ്‌തി നിസ്സീ​മ​മാണ്‌.”

ഈ അമ്പരപ്പി​ക്കുന്ന വസ്‌തു​തകൾ പരിണാമ സിദ്ധാ​ന്ത​ത്തി​നു കടക വിരു​ദ്ധ​മാണ്‌. പരിണാ​മം, എളിയ​വ​രായ ഗുഹാ​വാ​സി​കൾക്കാ​യി, അല്ലെങ്കിൽ ഇന്നത്തെ വിദ്യാ​സ​മ്പ​ന്നർക്കാ​യി, ഒരു ദശലക്ഷം ആയുഷ്‌കാ​ല​മോ 100 കോടി ആയുഷ്‌കാ​ലം പോലു​മോ ഉപയോ​ഗി​ക്കാൻ കഴിയുന്ന ഒരു അവയവം എന്തിന്‌ “സൃഷ്ടി​ക്കണം”? തീർച്ച​യാ​യും, യുക്തി​സ​ഹ​മായ ഉത്തരം മനുഷ്യൻ നിത്യ​മാ​യി ജീവി​ക്കാൻ വേണ്ടി സൃഷ്ടി​ക്ക​പ്പെട്ടു എന്നതു മാത്ര​മാണ്‌! എന്നാൽ നമ്മുടെ ശരീര​ത്തി​ന്റെ കാര്യ​മെ​ടു​ത്താ​ലോ?

കേടു​പോ​ക്ക​ലും നവീക​ര​ണ​വും—മനസ്സി​ലൂ​ടെ​യും ശരീര​ത്തി​ലൂ​ടെ​യും ഒരു യാത്ര (ഇംഗ്ലീഷ്‌) എന്ന പുസ്‌തകം ഇപ്രകാ​രം പറയുന്നു: “അസ്ഥിക​ളും ശരീര​ക​ല​ക​ളും അവയവ​ങ്ങ​ളും സ്വയം കേടു​പോ​ക്കുന്ന വിധം അത്ഭുതാ​വഹം തന്നെയാണ്‌. നാം അതി​നെ​ക്കു​റിച്ച്‌ ഒരു നിമിഷം ചിന്തി​ക്കു​ന്നെ​ങ്കിൽ ത്വക്ക്‌, തലമുടി, നഖം എന്നിവ​യു​ടെ​യും മറ്റു ശരീര​ഭാ​ഗ​ങ്ങ​ളു​ടെ​യും നിശ്ശബ്ദ​മായ പുതുക്കൽ പ്രക്രിയ അങ്ങേയറ്റം അത്ഭുത​ക​ര​മാ​യി​രി​ക്കു​ന്ന​താ​യി നാം കണ്ടെത്തും: അത്‌ തുടർച്ച​യാ​യി 24 മണിക്കൂ​റും നടക്കുന്നു. ജൈവ​ര​സ​ത​ന്ത്ര​ത്തി​ന്റെ ഭാഷയിൽ പറഞ്ഞാൽ, നമ്മുടെ ആയുഷ്‌കാ​ലത്തു നാം പലതവണ അക്ഷരാർഥ​ത്തിൽ പുനഃ​സൃ​ഷ്ടി​ക്ക​പ്പെ​ടു​ന്നു.”

ദൈവ​ത്തി​ന്റെ തക്ക സമയത്ത്‌, അത്ഭുത​ക​ര​മായ ഈ സ്വനവീ​കരണ പ്രക്രി​യയെ അനന്തമാ​യി തുടർന്നു പോകാൻ അനുവ​ദി​ക്കു​ന്നത്‌ അവന്‌ ഒരു പ്രശ്‌ന​മാ​യി​രി​ക്കില്ല. അങ്ങനെ, ഒടുവിൽ “മരണം ഇല്ലാതാക്ക[പ്പെടും].” (1 കൊരി​ന്ത്യർ 15:26, NW) എന്നാൽ യഥാർഥ​ത്തിൽ സന്തുഷ്ട​രാ​യി​രി​ക്കു​ന്ന​തിന്‌ നമുക്കു നിത്യ​ജീ​വൻ മാത്രം പോരാ. ദൈവ​വു​മാ​യും സഹ മനുഷ്യ​രു​മാ​യും നാം സമാധാ​ന​ത്തി​ലാ​യി​രി​ക്കേ​ണ്ടത്‌ ആവശ്യ​മാണ്‌. ആളുകൾ പരസ്‌പരം യഥാർഥ സ്‌നേഹം പ്രകട​മാ​ക്കി​യാൽ മാത്രമേ അത്തരം സമാധാ​നം യാഥാർഥ്യ​മാ​കൂ.

സ്‌നേ​ഹ​ത്തിൽ അധിഷ്‌ഠി​ത​മായ ഒരു പുതിയ ലോകം

“ദൈവം സ്‌നേഹം തന്നേ” എന്ന്‌ 1 യോഹ​ന്നാൻ 4:8 പറയുന്നു. സ്‌നേഹം വളരെ ശക്തമാണ്‌, പ്രത്യേ​കി​ച്ചും യഹോ​വ​യാം ദൈവ​ത്തി​ന്റെ സ്‌നേഹം. എന്തു​കൊ​ണ്ടെ​ന്നാൽ നമുക്ക്‌ നിത്യ​ജീ​വന്റെ പ്രത്യാശ ഉണ്ടായി​രി​ക്കു​ന്ന​തി​ന്റെ അടിസ്ഥാന കാരണം അതാണ്‌. “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു” എന്ന്‌ യോഹ​ന്നാൻ 3:16 പറയുന്നു.

നിത്യ​ജീ​വൻ! എന്തൊരു അത്ഭുത​ക​ര​മായ പ്രതീക്ഷ! എന്നാൽ നമുക്കു പാപം പാരമ്പ​ര്യ​മാ​യി കിട്ടി​യ​തു​കൊണ്ട്‌ നമുക്ക്‌ ജീവന്‌ യാതൊ​രു അവകാ​ശ​വു​മില്ല. “പാപത്തി​ന്റെ ശമ്പളം മരണമ​ത്രേ” എന്ന്‌ ബൈബിൾ പറയുന്നു. (റോമർ 6:23) എന്നാൽ, സന്തോ​ഷ​ക​ര​മെന്നു പറയട്ടെ, നമുക്കു വേണ്ടി മരിക്കാൻ സ്‌നേഹം ദൈവ​പു​ത്ര​നായ യേശു​ക്രി​സ്‌തു​വി​നെ പ്രേരി​പ്പി​ച്ചു. അപ്പോ​സ്‌ത​ല​നായ യോഹ​ന്നാൻ യേശു​വി​നെ​ക്കു​റിച്ച്‌ ഇങ്ങനെ​യെ​ഴു​തി: ‘അവൻ നമുക്കു വേണ്ടി തന്റെ പ്രാണനെ വെച്ചു​കൊ​ടു​ത്തു.’ (1 യോഹ​ന്നാൻ 3:16) അതേ, അവനിൽ വിശ്വാ​സ​മർപ്പി​ക്കുന്ന നമ്മുടെ പാപങ്ങൾ റദ്ദാക്ക​പ്പെ​ടു​ന്ന​തി​നും നിത്യ​ജീ​വൻ ലഭിക്കു​ന്ന​തി​നും വേണ്ടി അവൻ തന്റെ പൂർണ​ത​യുള്ള മനുഷ്യ ജീവനെ “അനേകർക്കു വേണ്ടി . . . മറുവി​ല​യാ​യി” കൊടു​ത്തു. (മത്തായി 20:28) ബൈബിൾ ഇപ്രകാ​രം വിശദീ​ക​രി​ക്കു​ന്നു: “ദൈവം തന്റെ ഏകജാ​ത​നായ പുത്രനെ നാം അവനാൽ ജീവി​ക്കേ​ണ്ട​തി​ന്നു ലോക​ത്തി​ലേക്കു അയച്ചു.”—1 യോഹ​ന്നാൻ 4:9.

അങ്ങനെ​യെ​ങ്കിൽ, ദൈവ​വും അവന്റെ പുത്ര​നും നമ്മോടു കാണി​ച്ചി​രി​ക്കുന്ന സ്‌നേ​ഹ​ത്തോട്‌ നാം എങ്ങനെ പ്രതി​ക​രി​ക്കണം? ബൈബിൾ തുടർന്ന്‌ ഇങ്ങനെ പറയുന്നു: “പ്രിയ​മു​ള്ള​വരേ, ദൈവം നമ്മെ ഇങ്ങനെ സ്‌നേ​ഹി​ച്ചു എങ്കിൽ നാമും അന്യോ​ന്യം സ്‌നേ​ഹി​ക്കേ​ണ്ട​താ​കു​ന്നു.” (1 യോഹ​ന്നാൻ 4:11) നാം സ്‌നേ​ഹി​ക്കാൻ പഠി​ക്കേ​ണ്ട​തുണ്ട്‌. എന്തു​കൊ​ണ്ടെ​ന്നാൽ ആ ഗുണം ദൈവ​ത്തി​ന്റെ പുതിയ ലോക​ത്തി​ന്റെ ആണിക്ക​ല്ലാ​യി​രി​ക്കും. യഹോ​വ​യാം ദൈവം തന്റെ വചനമായ ബൈബി​ളിൽ ഊന്നി​പ്പ​റ​ഞ്ഞി​രി​ക്കുന്ന സ്‌നേ​ഹ​ത്തി​ന്റെ പ്രാധാ​ന്യം ഇന്ന്‌ അനേക​രും വിലമ​തി​ക്കാൻ ഇടയാ​യി​ട്ടുണ്ട്‌.

സ്‌നേഹം ലഭിക്കാത്ത “കുട്ടികൾ മരിച്ചു​പോ​കു​ന്ന​തി​നുള്ള സാധ്യ​ത​യുണ്ട്‌” എന്ന്‌ സ്‌നേ​ഹ​വും പ്രകൃ​തി​യി​ലെ അതിന്റെ സ്ഥാനവും (ഇംഗ്ലീഷ്‌) എന്ന പുസ്‌തകം അഭി​പ്രാ​യ​പ്പെട്ടു. എന്നാൽ, സ്‌നേ​ഹ​ത്തി​നു വേണ്ടി​യുള്ള ആ ആവശ്യം ആളുകൾ മുതിർന്നു കഴിയു​മ്പോൾ അവസാ​നി​ക്കു​ന്നില്ല. ഒരു പ്രമുഖ നരവം​ശ​ശാ​സ്‌ത്രജ്ഞൻ ഇങ്ങനെ അഭി​പ്രാ​യ​പ്പെട്ടു: “സൂര്യൻ നമ്മുടെ സൗരയൂ​ഥ​ത്തി​ന്റെ കേന്ദ്ര​ത്തിൽ സ്ഥിതി​ചെ​യ്യു​ന്ന​തു​പോ​ലെ” സ്‌നേഹം “മനുഷ്യ​ന്റെ എല്ലാ ആവശ്യ​ങ്ങ​ളു​ടെ​യും കേന്ദ്ര​ത്തിൽ സ്ഥിതി​ചെ​യ്യു​ന്നു . . . സ്‌നേഹം ലഭിക്കാത്ത കുട്ടി സ്‌നേഹം ലഭിക്കുന്ന കുട്ടി​യിൽനിന്ന്‌ ജൈവ​ര​സ​ത​ന്ത്ര​പ​ര​മാ​യും ശരീര​ധർമ​പ​ര​മാ​യും മനഃശാ​സ്‌ത്ര​പ​ര​മാ​യും വളരെ വ്യത്യ​സ്‌ത​നാണ്‌. സ്‌നേഹം ലഭിക്കാത്ത കുട്ടി​യു​ടെ വളർച്ച​യും മറ്റേ കുട്ടി​യു​ടേ​തിൽനിന്ന്‌ വ്യത്യ​സ്‌ത​മാ​യി​രി​ക്കും.”

സകല ഭൂവാ​സി​ക​ളും അന്യോ​ന്യം യഥാർഥ സ്‌നേഹം പ്രകട​മാ​ക്കു​മ്പോൾ ജീവിതം എങ്ങനെ​യു​ള്ള​താ​യി​രി​ക്കു​മെന്ന്‌ നിങ്ങൾക്കു സങ്കൽപ്പി​ക്കാൻ കഴിയു​മോ? ഒരു വ്യക്തി വ്യത്യസ്‌ത ദേശക്കാ​ര​നോ വർഗക്കാ​ര​നോ നിറക്കാ​ര​നോ ആണെന്ന കാരണ​ത്താൽ ആരും അയാളു​ടെ​നേരെ മേലാൽ മുൻവി​ധി വെച്ചു​പു​ലർത്തു​ക​യില്ല! ദൈവ​ത്തി​ന്റെ നിയമിത രാജാ​വായ യേശു​ക്രി​സ്‌തു​വി​ന്റെ ഭരണത്തിൻ കീഴിൽ ഭൂമി​യിൽ സമാധാ​ന​വും സ്‌നേ​ഹ​വും നിറഞ്ഞു കവിയും. അത്‌ ഈ നിശ്വസ്‌ത ബൈബിൾ സങ്കീർത്ത​ന​ത്തി​ന്റെ നിവൃ​ത്തി​യാ​യി​രി​ക്കും:

“ദൈവമേ, രാജാ​വി​ന്നു നിന്റെ ന്യായ​വും . . . നല്‌കേ​ണമേ. ജനത്തിൽ എളിയ​വർക്കു അവൻ ന്യായം പാലി​ച്ചു​കൊ​ടു​ക്കട്ടെ; ദരി​ദ്ര​ജ​നത്തെ അവൻ രക്ഷിക്ക​യും പീഡി​പ്പി​ക്കു​ന്ന​വനെ തകർത്തു​ക​ള​ക​യും ചെയ്യട്ടെ; . . . അവന്റെ കാലത്തു നീതി​മാ​ന്മാർ തഴെക്കട്ടെ; ചന്ദ്രനു​ള്ളേ​ട​ത്തോ​ളം സമാധാ​ന​സ​മൃ​ദ്ധി ഉണ്ടാകട്ടെ. അവൻ സമു​ദ്രം​മു​തൽ സമു​ദ്രം​വ​രെ​യും നദിമു​തൽ ഭൂമി​യു​ടെ അററങ്ങൾവ​രെ​യും ഭരിക്കട്ടെ. അവൻ നിലവി​ളി​ക്കുന്ന ദരി​ദ്ര​നെ​യും സഹായ​മി​ല്ലാത്ത എളിയ​വ​നെ​യും വിടു​വി​ക്കു​മ​ല്ലോ. എളിയ​വ​നെ​യും ദരി​ദ്ര​നെ​യും അവൻ ആദരി​ക്കും; ദരി​ദ്ര​ന്മാ​രു​ടെ ജീവനെ അവൻ രക്ഷിക്കും.”—സങ്കീർത്തനം 72:1, 4, 7, 8, 12, 13.

പിൻവ​രു​ന്ന ബൈബിൾ സങ്കീർത്ത​ന​ത്തിൽ വാഗ്‌ദത്തം ചെയ്യ​പ്പെ​ട്ടി​രി​ക്കു​ന്ന​തു​പോ​ലെ, ദൈവ​ത്തി​ന്റെ പുതിയ ലോക​ത്തിൽ ജീവി​ക്കാൻ ദുഷ്ടന്മാ​രെ അനുവ​ദി​ക്കു​ക​യില്ല: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും. കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”—സങ്കീർത്തനം 37:9-11.

അന്ന്‌, ശവക്കു​ഴി​യിൽനിന്ന്‌, മരിച്ച​വ​രു​ടെ ഇടയിൽനിന്ന്‌ പുനരു​ത്ഥാ​നം ചെയ്യ​പ്പെ​ടു​ന്നവർ ഉൾപ്പെ​ടെ​യുള്ള അനുസ​ര​ണ​മുള്ള സകല മനുഷ്യ​രു​ടെ​യും മനസ്സും ശരീര​വും സൗഖ്യ​മാ​ക്ക​പ്പെ​ടും. ഒടുവിൽ, ജീവി​ച്ചി​രി​ക്കുന്ന സകലരും ദൈവ​ത്തി​ന്റെ പ്രതി​ച്ഛായ പൂർണ​മാ​യി പ്രതി​ഫ​ലി​പ്പി​ക്കും. ശരിയാ​യത്‌ ചെയ്യു​ന്ന​തി​നുള്ള വലിയ പോരാ​ട്ടം അവസാ​നി​ക്കും. ജീവി​ച്ചി​രി​ക്കാ​നുള്ള നമ്മുടെ വാഞ്‌ഛ​യും മരണമെന്ന ഇപ്പോ​ഴത്തെ കഠിന യാഥാർഥ്യ​വും തമ്മിലുള്ള പൊരു​ത്ത​ക്കേ​ടും അവസാ​നി​ക്കും! അതേ, നമ്മുടെ സ്‌നേ​ഹ​നി​ധി​യായ ദൈവം നൽകുന്ന സുനി​ശ്ചിത പ്രത്യാശ ഇതാണ്‌: “ഇനി മരണം ഉണ്ടാക​യില്ല.”—വെളി​പ്പാ​ടു 21:5; പ്രവൃ​ത്തി​കൾ 24:15.

അതു​കൊണ്ട്‌, ശരിയാ​യതു ചെയ്യു​ന്ന​തി​നുള്ള പോരാ​ട്ട​ത്തിൽനിന്ന്‌ നിങ്ങ​ളൊ​രി​ക്ക​ലും തളർന്നു പിന്മാ​റാ​തി​രി​ക്കുക. ഈ ദിവ്യ അനുശാ​സ​ന​ത്തി​നു ചെവി​കൊ​ടു​ക്കുക: “വിശ്വാ​സ​ത്തി​ന്റെ നല്ല പോർ പൊരു​തുക; നിത്യ​ജീ​വനെ പിടി​ച്ചു​കൊൾക.” ദൈവ​ത്തി​ന്റെ പുതിയ ലോക​ത്തി​ലെ ആ ജീവ​നെ​യാണ്‌ ബൈബിൾ ‘സാക്ഷാ​ലുള്ള ജീവൻ’ എന്നു വിളി​ക്കു​ന്നത്‌.—1 തിമൊ​ഥെ​യൊസ്‌ 6:12, 19.

ബൈബി​ളിൽ പ്രസ്‌താ​വി​ക്ക​പ്പെ​ട്ടി​രി​ക്കുന്ന ഈ സത്യം നിങ്ങൾ മനസ്സി​ലാ​ക്കാൻ ഇടവരട്ടെ: “യഹോ​വ​യാണ്‌ ദൈവം. അവനാണ്‌ നമ്മെ ഉണ്ടാക്കി​യത്‌, നാം സ്വയം ഉണ്ടായി​വ​ന്നതല്ല.” ആ സത്യം മനസ്സി​ലാ​ക്കു​ന്നത്‌, സ്‌നേ​ഹ​വും നീതി​യും കളിയാ​ടുന്ന യഹോ​വ​യു​ടെ പുതിയ ലോക​ത്തി​ലെ ജീവി​ത​ത്തി​നാ​യി യോഗ്യത പ്രാപി​ക്കു​ന്ന​തി​ലെ ഒരു സുപ്ര​ധാന പടിയാണ്‌.—സങ്കീർത്തനം 100:3, NW; 2 പത്രൊസ്‌ 3:13.

[11-ാം പേജിലെ ആകർഷ​ക​വാ​ക്യം]

ദൈവത്തിന്റെ പുതിയ ലോക​ത്തി​ലെ ജീവ​നെ​യാണ്‌ ബൈബിൾ ‘സാക്ഷാ​ലുള്ള ജീവൻ’ എന്നു വിളി​ക്കു​ന്നത്‌.—1 തിമൊ​ഥെ​യൊസ്‌ 6:19

[9-ാം പേജിലെ ചിത്രം]

മനുഷ്യർ ദൈവ​നി​യ​മ​ങ്ങ​ളാ​കുന്ന സംരക്ഷ​ണാ​ത്മക കൈവരി തകർത്തു പുറത്തു​ക​ട​ന്നി​രി​ക്കു​ന്നു, അതിന്റെ ഫലങ്ങളാ​കട്ടെ വിപത്‌ക​ര​വും

[10-ാം പേജിലെ ചിത്രം]

ദൈവത്തിന്റെ ഭരണത്തിൻ കീഴിൽ, മനുഷ്യ​വർഗം സമാധാ​ന​പൂർണ​മായ ഒരു പുതിയ ലോകം ആസ്വദി​ക്കും