രൂപാ​ന്ത​രണം—കാണു​ന്നത്‌ യഥാർഥ​മാ​ണോ?

മധ്യാഫ്രിക്കൻ റിപ്പബ്ലി​ക്കി​ലെ ഉണരുക! ലേഖകൻ

ആ മന്ത്രവാ​ദി മരിച്ചു. എന്നാൽ അദ്ദേഹ​ത്തി​ന്റെ ഭവനത്തി​നു വെളി​യിൽ തടിച്ചു​കൂ​ടി​യി​രുന്ന പലരെ​യും സംബന്ധി​ച്ചി​ട​ത്തോ​ളം അദ്ദേഹ​ത്തി​നു രൂപാ​ന്ത​രണം മാത്രമേ സംഭവി​ച്ചു​ള്ളൂ. കാരണം, അദ്ദേഹം മരിച്ച സമയത്ത്‌ ഒരു കൂറ്റൻ പെരു​മ്പാമ്പ്‌ വീടിന്റെ വാതി​ലി​ലൂ​ടെ വെളി​യി​ലേക്ക്‌ ഇഴഞ്ഞു​നീ​ങ്ങു​ന്നത്‌ കാണാ​മാ​യി​രു​ന്നു! ചിലരെ സംബന്ധി​ച്ചി​ട​ത്തോ​ളം അതു കേവല​മൊ​രു യാദൃ​ച്ഛിക സംഭവ​മാ​യി​രു​ന്നു. എന്നാൽ മറ്റു ചിലരെ സംബന്ധി​ച്ചി​ട​ത്തോ​ളം, ആ മന്ത്രവാ​ദി ഒരു പെരു​മ്പാ​മ്പാ​യി മാറി—രൂപാ​ന്ത​രണം സംഭവി​ച്ചു—എന്നതിനു ബോധ്യ​പ്പെ​ടു​ത്തുന്ന തെളി​വാ​യി​രു​ന്നു അത്‌!

മനുഷ്യന്‌ ഒരു മൃഗമാ​യി മാറാൻ അല്ലെങ്കിൽ മനുഷ്യ​നെ മൃഗമാ​ക്കി മാറ്റാൻ കഴിയു​മെന്ന ധാരണ ആഫ്രി​ക്ക​യു​ടെ പല ഭാഗങ്ങ​ളി​ലും വളരെ പ്രബല​മാണ്‌. മന്ത്രവാ​ദി​കൾക്കു പുലി​ക​ളു​ടെ​യും പെരു​മ്പാ​മ്പു​ക​ളു​ടെ​യും രൂപം കൈവ​രി​ക്കാൻ കഴിവു​ള്ള​താ​യി മിക്ക​പ്പോ​ഴും വിശ്വ​സി​ക്ക​പ്പെ​ടു​ന്നു. അതു​പോ​ലെ, ഒരു മന്ത്രവാ​ദി​ക്കു മറ്റുള്ള​വരെ മൃഗങ്ങ​ളാ​ക്കി മാറ്റാ​നാ​കു​മെന്ന വിശ്വാ​സ​വും പരക്കെ വ്യാപ​ക​മാണ്‌. പശ്ചിമാ​ഫ്രി​ക്ക​യി​ലെ പ്രബല​മായ വിശ്വാ​സ​മാണ്‌ മനുഷ്യാ​ത്മാ​ക്കളെ പക്ഷിക​ളി​ലേ​ക്കും മൃഗങ്ങ​ളി​ലേ​ക്കും നിവേ​ശി​പ്പി​ച്ചു​കൊണ്ട്‌ അവരെ പീഡി​പ്പി​ക്കാൻ മന്ത്രവാ​ദി​നി​കൾക്കു കഴിയും എന്നത്‌. മധ്യാ​ഫ്രി​ക്ക​യി​ലാ​ണെ​ങ്കിൽ, ചിലർ ആനയെ​യോ പാമ്പി​നെ​യോ കൊല്ലു​ക​യില്ല. തങ്ങളുടെ മരിച്ച ഒരു ബന്ധു അവയിൽ ഒന്നായി മാറി​യി​രി​ക്കു​ന്നു എന്ന്‌ അവർ ഭയക്കുന്നു.

ഇതു​പോ​ലു​ള്ള വിശ്വാ​സങ്ങൾ ചില വായന​ക്കാർക്കു വിചി​ത്ര​മാ​യി തോന്നി​യേ​ക്കാ​മെ​ങ്കി​ലും, പല ആഫ്രി​ക്ക​ക്കാ​രും കരുതു​ന്നത്‌ അത്തരം രൂപാ​ന്ത​ര​ണങ്ങൾ ദൃക്‌സാ​ക്ഷി​ക​ളാൽ സ്ഥിരീ​ക​രി​ക്ക​പ്പെട്ടവ ആണെന്നാണ്‌. യുക്തി​പൂർവം ചിന്തി​ക്കുന്ന പലരും വിവരി​ക്കുന്ന അനേകം കഥകൾ യാദൃ​ച്ഛിക സംഭവ​ങ്ങ​ളാ​യി​രി​ക്കാൻ സാധ്യ​മ​ല്ലെ​ന്നാണ്‌ അവരുടെ വാദം.

സമാന​മാ​യ വിശ്വാ​സങ്ങൾ ലോക​ത്തി​ലു​ട​നീ​ളം കാണാ​മെ​ന്ന​തും ഒരു വസ്‌തു​ത​യാണ്‌. ഉദാഹ​ര​ണ​ത്തിന്‌, കുറു​ക്ക​ന്മാർക്കും നായ്‌ക്കൾക്കും തുരപ്പൻക​ര​ടി​കൾക്കും മനുഷ്യ​രിൽ കയറി​ക്കൂ​ടാൻ കഴിയു​മെന്ന വിശ്വാ​സം ജപ്പാനി​ലുണ്ട്‌. രാത്രി​യിൽ ചെന്നാ​യ്‌ക്ക​ളാ​യി രൂപാ​ന്ത​ര​പ്പെ​ടുന്ന മനുഷ്യ​രെ​ക്കു​റി​ച്ചുള്ള കഥകൾ യൂറോ​പ്പി​ലെ നാടോ​ടി​ക്ക​ഥ​ക​ളിൽ കാണാം. മനുഷ്യ​രൂ​പ​വും മൃഗരൂ​പ​വും മാറി​മാ​റി ധരിക്കാൻ കഴിയുന്ന കടുവ​ക​ളെ​യും പന്നിക​ളെ​യും മുതല​ക​ളെ​യും കുറി​ച്ചുള്ള കഥകൾ ലോക​ത്തി​ന്റെ ഇതര ഭാഗങ്ങ​ളി​ലു​മുണ്ട്‌.

തിരു​വെ​ഴു​ത്തു​കൾ പിന്താ​ങ്ങു​ന്നു​വോ?

പ്രകൃ​ത്യ​തീത രൂപാ​ന്തരണ വിശ്വാ​സത്തെ തിരു​വെ​ഴു​ത്തു​കൾ അംഗീ​ക​രി​ക്കു​ന്ന​താ​യി ചിലർ അവകാ​ശ​പ്പെ​ടു​ക​പോ​ലും ചെയ്യുന്നു. അതിനു തെളി​വെന്ന നിലയിൽ നാലു ബൈബിൾ വിവര​ണങ്ങൾ ഉദ്ധരി​ക്കു​ക​യും ചെയ്യുന്നു. ഒന്നാമത്‌, രണ്ടു പുരു​ഷ​ന്മാ​രിൽനിന്ന്‌ യേശു ഭൂതങ്ങളെ പുറത്താ​ക്കി. പുറത്താ​ക്ക​പ്പെ​ട്ട​ശേഷം ആ ഭൂതങ്ങൾ ഒരു പന്നിക്കൂ​ട്ട​ത്തിൽ കടന്നു. (മത്തായി 8:28-33) രണ്ടാമത്‌, സംഖ്യാ​പു​സ്‌തകം 22:26-35-ൽ രേഖ​പ്പെ​ടു​ത്തി​യി​രി​ക്കുന്ന വിവര​ണ​മാണ്‌. ബിലെ​യാ​മി​ന്റെ കഴുത സംസാ​രി​ച്ച​താ​യി അവിടെ പറയുന്നു. മൂന്നാ​മ​ത്തേ​താ​യി​രി​ക്കാം ഇവയിൽ ഏറ്റവും അറിയ​പ്പെ​ടു​ന്നത്‌. ഏദെൻ തോട്ട​ത്തിൽവെച്ച്‌ ഹവ്വാ​യോട്‌ ഒരു സർപ്പം സംസാ​രി​ച്ച​താണ്‌ ആ വിവരണം.—ഉല്‌പത്തി 3:1-5.

എന്നാൽ, സൂക്ഷ്‌മ​മാ​യി അപഗ്ര​ഥി​ച്ചാൽ ആ വിവര​ണങ്ങൾ തീർച്ച​യാ​യും രൂപാ​ന്ത​ര​ണ​ത്തി​ന്റെ ഉദാഹ​ര​ണങ്ങൾ അല്ല എന്നു വ്യക്തമാ​കും. ഭൂതങ്ങൾ ബാധിച്ച പന്നിക​ളു​ടെ കാര്യം​തന്നെ എടുക്കാം. മൃഗങ്ങ​ളാ​യി രൂപാ​ന്ത​രണം സംഭവിച്ച ആളുക​ളാ​യി​രു​ന്നു ആ പന്നിക​ളെന്ന്‌ ബൈബിൾ പറയു​ന്നില്ല. ഭൂതബാ​ധ​യ്‌ക്കു മുമ്പ്‌ ആ “വലിയ പന്നിക്കൂ​ട്ടം മേഞ്ഞു​കൊ​ണ്ടി​രു​ന്നു” എന്നു വിവരണം പറയുന്നു. (മത്തായി 8:30) ആ പന്നിക​ളിൽ പ്രവേ​ശി​ച്ചതു സാത്താന്റെ ഭൂതങ്ങ​ളാണ്‌, മനുഷ്യാ​ത്മാ​ക്കളല്ല.

ബിലെ​യാ​മി​ന്റെ കഴുത​യു​ടെ​യും ഏദെനി​ലെ സർപ്പത്തി​ന്റെ​യും കാര്യ​മോ? ഇവയിൽ ആദ്യത്തെ കേസിൽ, “യഹോവ കഴുത​യു​ടെ വായ്‌ തുറന്നു”വെന്ന്‌ ബൈബിൾ എടുത്തു പറയുന്നു. (സംഖ്യാ​പു​സ്‌തകം 22:28) അതു രൂപാ​ന്ത​രണം ഭവിച്ച മനുഷ്യ​നാ​യി​രു​ന്നില്ല. ഇനി ഏദെനി​ലെ സർപ്പത്തി​ന്റെ കാര്യ​ത്തി​ലാ​ണെ​ങ്കിൽ, പിശാ​ചായ സാത്താൻ എന്നു പേരുള്ള ദുഷ്ടാ​ത്മാ​വി​നെ ‘പഴയ പാമ്പ്‌’ ആയി ബൈബിൾ തിരി​ച്ച​റി​യി​ക്കു​ന്നു. (വെളി​പ്പാ​ടു 12:9) സർപ്പം മുഖാ​ന്തരം സംസാ​രി​ച്ചു​കൊണ്ട്‌ “ഹവ്വയെ ഉപായ​ത്താൽ ചതിച്ചതു” സാത്താ​നാ​യി​രു​ന്നു. (2 കൊരി​ന്ത്യർ 11:3) അതേ, ബിലെ​യാ​മി​ന്റെ കഴുത​യും ആ സർപ്പവും ജന്തുക്ക​ളാ​യി​രു​ന്നു—അവ സംസാ​രി​ച്ച​തി​നു മുമ്പും, സംസാ​രി​ച്ച​പ്പോ​ഴും, സംസാ​രി​ച്ച​തി​നു ശേഷവും.

മിക്ക​പ്പോ​ഴും പരാമർശി​ക്കുന്ന നാലാ​മത്തെ വിവരണം ബാബി​ലോ​നി​ലെ ഗർവിഷ്‌ഠ രാജാ​വായ നെബൂ​ഖ​ദ്‌നേ​സ​റി​നെ​ക്കു​റിച്ച്‌ ഉള്ളതാണ്‌. ദൈവം നെബൂ​ഖ​ദ്‌നേ​സ​റി​നെ ലജ്ജിപ്പി​ച്ചു​വെന്ന്‌ ബൈബിൾ പറയുന്നു. “അവന്റെ ഹൃദയം മൃഗ​പ്രാ​യ​മാ​യ്‌തീർന്നു; അവന്റെ പാർപ്പു കാട്ടു​ക​ഴു​ത​ക​ളോ​ടു​കൂ​ടെ ആയിരു​ന്നു; അവനെ കാള​യെ​പ്പോ​ലെ പുല്ലു തീറ്റി; മനുഷ്യ​രു​ടെ രാജത്വ​ത്തി​ന്മേൽ അത്യു​ന്ന​ത​നായ ദൈവം വാഴു​ക​യും തനിക്കു ബോധി​ച്ച​വനെ അതിന്നു നിയമി​ക്ക​യും ചെയ്യുന്നു എന്നു അവൻ അറിഞ്ഞ​തു​വരെ അവന്റെ ദേഹം ആകാശ​ത്തി​ലെ മഞ്ഞു​കൊ​ണ്ടു നനഞ്ഞു.” (ദാനീ​യേൽ 5:21) മതി​ഭ്രമം ബാധിച്ച ആ സപ്‌ത​വർഷ​ക്കാ​ല​വും നെബൂ​ഖ​ദ്‌നേസർ ഒരു മൃഗ​ത്തെ​പ്പോ​ലെ കാണ​പ്പെ​ടു​ക​യും പെരു​മാ​റു​ക​യും ചെയ്‌തു. ദാനീ​യേൽ 4:33 പറയു​ന്ന​ത​നു​സ​രിച്ച്‌, ‘അവന്റെ രോമം കഴുകന്റെ തൂവൽപോ​ലെ​യും അവന്റെ നഖം പക്ഷിയു​ടെ നഖം​പോ​ലെ​യും വളർന്നു.’ അപ്പോൾപ്പോ​ലും, രാജാ​വി​ന്റെ ദേഹത്ത്‌ വാസ്‌ത​വ​ത്തിൽ തൂവലു​ക​ളോ നഖങ്ങളോ മുളച്ചു​വ​ന്നില്ല. അവൻ മനുഷ്യ​നാ​യി​ത്തന്നെ ജീവിച്ചു!

പ്രകൃ​ത്യ​തീ​ത രൂപാ​ന്ത​രണം എന്ന ആശയം​തന്നെ ബൈബിൾ പഠിപ്പി​ക്ക​ലു​കൾക്കു വിരു​ദ്ധ​മാണ്‌. മൃഗത്തിൽ വസിക്കാൻ കഴിയുന്ന ഒരു വേറിട്ട ദേഹി മനുഷ്യ​നി​ല്ലെന്നു ബൈബിൾ പ്രകട​മാ​ക്കു​ന്നു. മറിച്ച്‌, മനുഷ്യൻതന്നെ “ജീവനുള്ള ദേഹി” ആണ്‌. (ഉല്‌പത്തി 2:7) മാത്രമല്ല, യഹോ​വ​യാം ദൈവം വെച്ചി​രി​ക്കുന്ന ക്രമനി​ബ​ദ്ധ​ത​യ്‌ക്കു വിരു​ദ്ധ​വു​മാ​ണു രൂപാ​ന്ത​രണം. “അതതുതര”മായി പ്രജനനം ചെയ്യുന്ന വിധത്തി​ലാ​ണു മൃഗങ്ങളെ സൃഷ്ടി​ച്ചി​രി​ക്കു​ന്നത്‌. (ഉല്‌പത്തി 1:24, 25) ദൈവം വെച്ചി​രി​ക്കുന്ന ജനിതക അതിർവ​ര​മ്പു​കൾ നിമിത്തം പരസ്‌പരം ഇണചേർന്ന്‌ സന്താ​നോ​ത്‌പാ​ദനം നടത്താൻ വ്യത്യസ്‌ത തരത്തിൽപ്പെട്ട അല്ലെങ്കിൽ പ്രമുഖ ഗ്രൂപ്പു​ക​ളിൽപ്പെട്ട ജന്തുക്കൾക്കു കഴിയില്ല. അതി​നെ​ക്കാൾ വലിയ വിടവ്‌ മൃഗങ്ങൾക്കും ‘ദൈവ​ത്തി​ന്റെ സാദൃ​ശ്യ​പ്ര​കാ​രം’ സൃഷ്ടി​ക്ക​പ്പെട്ട മനുഷ്യ​നും ഇടയി​ലുണ്ട്‌. (ഉല്‌പത്തി 1:26) ന്യായ​ബോ​ധ​മി​ല്ലാത്ത മൃഗങ്ങ​ളാ​യി​ത്തീ​രു​ന്ന​തി​നുള്ള പ്രാപ്‌തി മനുഷ്യർക്കു നൽകി​ക്കൊണ്ട്‌ ദൈവം തീർച്ച​യാ​യും തന്റെതന്നെ നിയമ​ങ്ങളെ അപഹാ​സ്യ​മാ​ക്കു​ക​യില്ല.

രൂപാ​ന്ത​ര​ണം പ്രകൃ​തി​യിൽ ദൃശ്യ​മാ​ണെ​ന്നതു ശരിതന്നെ. ശലഭപ്പു​ഴു​ക്കൾ ചിത്ര​ശ​ല​ഭ​ങ്ങ​ളാ​യി​ത്തീ​രു​ന്നു, വാൽമാ​ക്രി​കൾ തവളക​ളാ​യി​ത്തീ​രു​ന്നു. എന്നിരു​ന്നാ​ലും, രൂപാ​ന്ത​ര​ണ​ത്തി​ന്റെ ഈ ഉദാഹ​ര​ണ​ങ്ങ​ളിൽ ഉൾപ്പെ​ട്ടി​രി​ക്കു​ന്നത്‌ ‘തര’ങ്ങൾക്ക്‌ സംഭവി​ക്കുന്ന മാറ്റമല്ല, പിന്നെ​യോ ഒരേ ‘തര’ത്തിൽത്ത​ന്നെ​യുള്ള ജീവി​ക​ളു​ടെ വ്യത്യസ്‌ത വികാ​സ​ഘ​ട്ട​ങ്ങ​ളാ​ണെന്നു സൂക്ഷ്‌മ​നി​രീ​ക്ഷണം വ്യക്തമാ​ക്കു​ന്നു. പൂർണ വളർച്ച​യെ​ത്തി​ക്ക​ഴി​യു​മ്പോൾ “അതതു​തരം” അനുസ​രിച്ച്‌ അവ പ്രത്യു​ത്‌പാ​ദനം നടത്തുന്നു.

കാണു​ന്ന​തെ​ല്ലാ​മൊ​ന്നും എപ്പോ​ഴും വിശ്വ​സ​നീ​യ​മല്ല

അപ്പോൾപ്പി​ന്നെ എങ്ങനെ​യാണ്‌ പ്രകൃ​ത്യ​തീത രൂപാ​ന്ത​ര​ണ​ങ്ങൾക്കു സാക്ഷ്യം വഹിച്ചി​ട്ടു​ണ്ടെന്ന്‌ അവകാ​ശ​പ്പെ​ടുന്ന ദൃക്‌സാ​ക്ഷി വിവര​ണ​ങ്ങളെ നമുക്കു വിശദീ​ക​രി​ക്കാ​നാ​കുക? തീർച്ച​യാ​യും ഇത്‌, “നശിച്ചു​പോ​കു​ന്ന​വർക്കു സാത്താന്റെ വ്യാപാ​ര​ശ​ക്തി​ക്കു ഒത്തവണ്ണം വ്യാജ​മായ സകലശ​ക്തി​യോ​ടും അടയാ​ള​ങ്ങ​ളോ​ടും അത്ഭുത​ങ്ങ​ളോ​ടും [കൂടിയ] അനീതി​യു​ടെ സകലവഞ്ചന”യുടെ​യും മറ്റൊരു ഉദാഹ​രണം മാത്ര​മാണ്‌.—2 തെസ്സ​ലൊ​നീ​ക്യർ 2:9, 10.

മുഷ്‌ക​ര​ന്മാ​രാ​യ എല്ലാവ​രെ​യും​പോ​ലെ, വാസ്‌ത​വ​ത്തിൽ ഉള്ളതി​നെ​ക്കാൾ ശക്തി തങ്ങൾക്കു​ണ്ടെന്ന്‌ ആളുകൾ വിശ്വ​സി​ക്കാൻ ഭൂതങ്ങൾ ആഗ്രഹി​ക്കു​ന്നു. ബോധ്യം വരുത്തുന്ന അടയാ​ളങ്ങൾ അവർ പ്രവർത്തി​ക്കു​ന്നു. മോഷ്ടാ​ക്ക​ളു​ടെ​യും തട്ടിപ്പു​കാ​രു​ടെ​യും വഞ്ചനയ്‌ക്കു സമാന​മാ​ണിത്‌.

ആഫ്രി​ക്ക​യി​ലെ പല കമ്പോ​ള​ങ്ങ​ളി​ലും കൂടെ​ക്കൂ​ടെ വരുന്ന ചീട്ടു​കളി വിരു​ത​ന്മാ​രെ നാം ഓർത്തു​പോ​കു​ന്നു. പാടു​പെട്ട്‌ അധ്വാ​നി​ച്ചു​ണ്ടാ​ക്കിയ പണം വഞ്ചകമായ ചീട്ടു​ക​ളി​യി​ലൂ​ടെ അന്യാ​ധീ​ന​പ്പെ​ടു​ത്താൻ ചില വീട്ടമ്മ​മാ​രെ അവർ നിർലജ്ജം വശീക​രി​ക്കു​ന്നു. അവർ മൂന്നു ചീട്ടുകൾ—രണ്ടു ചെമന്ന ചീട്ടും ഒരു കറുത്ത ചീട്ടും—ഒരു സ്‌ത്രീ​യെ കാണി​ക്കും. എന്നിട്ട്‌ കറുത്ത ചീട്ടെ​ടു​ത്താൽ പണം ഇരട്ടി​യാ​ക്കാ​മെന്ന്‌ അവർ സ്‌ത്രീ​യോ​ടു പറയുന്നു. സ്‌ത്രീ കളിക്കാൻ മടിക്കു​ന്നു. എന്നാൽ മറ്റൊ​രാൾ നിഷ്‌പ്ര​യാ​സം കളിയിൽ ജയിക്കു​ന്നതു കാണു​മ്പോൾ സ്‌ത്രീ കളി തുടങ്ങു​ന്നു. കളിയിൽ ജയിച്ച​യാൾ അവരുടെ സംഘാം​ഗ​മാ​ണെന്ന്‌ അവൾ തിരി​ച്ച​റി​യു​ന്നേ​യില്ല. അവൾ പന്തയം വെക്കുന്നു, കാർഡു​കൾ കശക്കു​ക​യും കൂട്ടി​ക്കു​ഴ​യ്‌ക്കു​ക​യും ചെയ്യു​മ്പോൾ അവൾ കറുത്ത കാർഡിൽത്തന്നെ നോക്കി​ക്കൊ​ണ്ടി​രി​ക്കു​ന്നു. എന്നാൽ അവൾ എടുക്കുന്ന കാർഡോ ചെമന്ന​തും. അപ്പോൾ അവൾക്ക്‌ അപമാ​ന​വും ഭയവും തോന്നു​ന്നു. കുടും​ബ​ത്തിന്‌ ആഹാര​സാ​ധ​നങ്ങൾ വാങ്ങാ​നുള്ള പണമാണ്‌ അവൾ കളഞ്ഞു​കു​ളി​ച്ചത്‌—അങ്ങനെ അവൾ സ്വന്തം അത്യാ​ഗ്ര​ഹ​ത്തി​ന്റെ​യും തട്ടിപ്പു​കാ​രന്റെ ചെപ്പടി​വി​ദ്യ​യു​ടെ​യും ഇരയാ​യി​ത്തീ​രു​ന്നു! കാണു​ന്ന​തെ​ല്ലാം എല്ലായ്‌പോ​ഴും വിശ്വ​സ​നീ​യമല്ല എന്ന്‌ അവൾ മനസ്സി​ലാ​ക്കി​യത്‌ വളരെ വൈകി​യാണ്‌.

മനുഷ്യർക്കു മൃഗങ്ങ​ളാ​യി മാറാ​നാ​കു​മെന്നു ചിന്തി​ക്കു​ന്ന​തി​ലേക്ക്‌ ആളുകളെ വഞ്ചനാ​പൂർവം നയിക്കു​ന്ന​തിൽ സാത്താ​നും ഭൂതങ്ങ​ളും ആനന്ദം കണ്ടെത്തു​ന്നു. വഞ്ചനയിൽ വിദഗ്‌ധ​നാണ്‌ സാത്താൻ. ‘നിങ്ങൾ മരിക്ക​യില്ല നിശ്ചയം. നിങ്ങൾ ദൈവ​ത്തെ​പ്പോ​ലെ ആകും’ എന്ന ആദ്യ നുണ ഹവ്വാ​യോട്‌ പറഞ്ഞതും അവൻതന്നെ. (ഉല്‌പത്തി 3:4, 5) ദേഹി​യു​ടെ അമർത്ത്യത, അഗ്നിന​രകം, രൂപാ​ന്ത​രണം എന്നിങ്ങനെ ആളുകളെ ഭയത്തിൽ നിർത്തുന്ന അനേകം പഠിപ്പി​ക്ക​ലു​കൾക്കു നിദാനം ആ ആദ്യ നുണയാണ്‌. അതിനാൽ, ആഫ്രി​ക്ക​ക്കാർ “പ്രതി​വി​ധി”ക്കായി കനത്ത തുക നൽകുന്നു. മൃഗമാ​യി​ത്തീ​രു​ന്ന​തിൽനിന്ന്‌ അതവരെ സംരക്ഷി​ക്കു​മെ​ന്നാണ്‌ അവരുടെ വിചാരം. വാസ്‌ത​വ​ത്തിൽ, അവർ ‘ഭൂതങ്ങ​ളു​ടെ ഉപദേ​ശ​ങ്ങൾക്ക്‌’ അടിമ​ക​ളാ​യി​ത്തീ​രു​ക​യാ​ണു ചെയ്യു​ന്നത്‌.—1 തിമൊ​ഥെ​യൊസ്‌ 4:1; യാക്കോബ്‌ 4:7.

യഥാർഥ രൂപാ​ന്ത​ര​ണം

ഒരുപക്ഷേ നിങ്ങളും രൂപാ​ന്ത​ര​ണ​ത്തിൽ വിശ്വ​സി​ച്ചി​ട്ടു​ണ്ടാ​യി​രി​ക്കാം, അല്ലെങ്കിൽ അതിനെ ഭയപ്പെ​ട്ടി​ട്ടു​ണ്ടാ​യി​രി​ക്കാം. എങ്കിൽ, റോമർ 12:2-ലെ ബൈബി​ളി​ന്റെ വാക്കു​കൾക്കു ശ്രദ്ധ കൊടു​ക്കുക. മൂലപാ​ഠ​ത്തിൽ അവിടെ ഉപയോ​ഗി​ച്ചി​രി​ക്കു​ന്നത്‌ മെറ്റാ​മോർഫൂ എന്ന ഒരു ഗ്രീക്കു പദരൂ​പ​മാണ്‌. “മനസ്സു പുതുക്കി രൂപാ​ന്ത​ര​പ്പെ​ടു​വിൻ [മെറ്റാ​മോർഫൗ​സ്‌തേ]” എന്ന്‌ നാം അവിടെ വായി​ക്കു​ന്നു. ഇതു പരാമർശി​ക്കു​ന്നത്‌ സംഭവി​ക്കാൻ കഴിയുന്ന രൂപാ​ന്ത​ര​ണ​ത്തെ​യാണ്‌—വ്യക്തി​ത്വ​ത്തി​ലെ സമ്പൂർണ മാറ്റത്തെ!

ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്നവർ അത്തര​മൊ​രു മാറ്റം വരു​ത്തേ​ണ്ട​തുണ്ട്‌. കാരണം, ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: ‘നിങ്ങൾ പഴയ മനുഷ്യ​നെ അവന്റെ പ്രവൃ​ത്തി​ക​ളോ​ടു​കൂ​ടെ ഉരിഞ്ഞു​ക​ളഞ്ഞു, തന്നെ സൃഷ്ടി​ച്ച​വന്റെ പ്രതി​മ​പ്ര​കാ​രം പരിജ്ഞാ​ന​ത്തി​ന്നാ​യി പുതുക്കം പ്രാപി​ക്കുന്ന പുതിയ മനുഷ്യ​നെ ധരിക്കു​വിൻ.’—കൊ​ലൊ​സ്സ്യർ 3:9, 10.

നിങ്ങൾക്ക്‌ എങ്ങനെ രൂപാ​ന്ത​ര​പ്പെ​ടാൻ സാധി​ക്കും? ബൈബി​ളി​ന്റെ സൂക്ഷ്‌മ​പ​രി​ജ്ഞാ​നം നേടി​ക്കൊണ്ട്‌. ആ അറിവ്‌ ലഭിക്കു​മ്പോൾ ഒരുപക്ഷേ നിങ്ങൾ വളരെ​ക്കാ​ല​മാ​യി താലോ​ലി​ച്ചി​രുന്ന ആശയങ്ങ​ളോ സങ്കൽപ്പ​ങ്ങ​ളോ ഉപേക്ഷി​ക്കേ​ണ്ട​താ​യി വന്നേക്കാം. എന്നാൽ, യേശു പറഞ്ഞതു​പോ​ലെ “സത്യം അറിക​യും സത്യം നിങ്ങളെ സ്വത​ന്ത്രൻമാ​രാ​ക്കു​ക​യും ചെയ്യും.” (യോഹ​ന്നാൻ 8:32) രൂപാ​ന്ത​രണം സംബന്ധിച്ച അബദ്ധ ധാരണ​ക​ളിൽനി​ന്നും ഭയത്തിൽനി​ന്നും നിങ്ങൾക്കു സ്വാത​ന്ത്ര്യം നേടാൻ സാധി​ക്കും.

[15-ാം പേജിലെ ചിത്രം]

കണ്ണുകൊണ്ട്‌ “കാണുന്ന” കാര്യങ്ങൾ എപ്പോ​ഴും യാഥാർഥ്യ​മല്ല

[13-ാം പേജിലെ ചിത്ര​ത്തിന്‌ കടപ്പാട്‌]

മാന്ത്രിക വൈദ്യൻ: Courtesy Africana Museum, Johannesburg