പത്ര​പ്ര​വർത്തകൻ ഉണരുക!യെ വിലമ​തി​ക്കു​ന്നു

യു.എസ്‌.എ.-യിലെ കൊള​റാ​ഡോ​യി​ലുള്ള പെയോ​ണി​യ​യിൽ പ്രസി​ദ്ധീ​ക​രി​ക്കുന്ന ഹൈ കൺട്രി ന്യൂസി​ന്റെ 1997 ഒക്‌ടോ​ബർ 13 ലക്കത്തിൽ പ്രത്യ​ക്ഷ​പ്പെ​ട്ട​താണ്‌ പിൻവ​രുന്ന ശുപാർശ.

“ഗ്രീൻപീസ്‌ [ഒരു അന്തർദേ​ശീയ പരിസ്ഥി​തി സംഘടന] മേലാൽ വീടു​തോ​റും പോകു​ക​യി​ല്ലാ​യി​രി​ക്കാം. എന്നാൽ, മിക്ക​പ്പോ​ഴും പരിസ്ഥി​തി​യു​മാ​യി ബന്ധപ്പെട്ട പ്രശ്‌ന​ങ്ങൾക്ക്‌ ഊന്നൽ നൽകി​ക്കൊ​ണ്ടു മറ്റൊരു കൂട്ടം തങ്ങൾ ദീർഘ​നാ​ളാ​യി ചെയ്‌തു​വ​രുന്ന പ്രചാരണ പരിപാ​ടി തുടരു​ന്നു. പിജിൻ, ഹിലി​ഗാ​യ്‌നോൻ, സുളു എന്നീ ഭാഷകൾ ഉൾപ്പെടെ ഏകദേശം 60 [വാസ്‌ത​വ​ത്തിൽ 81] ഭാഷക​ളിൽ അവർ തങ്ങളുടെ പ്രസി​ദ്ധീ​ക​ര​ണ​ത്തി​ന്റെ ദശലക്ഷ​ക്ക​ണ​ക്കി​നു പ്രതികൾ [ഓരോ ലക്കത്തി​ന്റെ​യും 19 ദശലക്ഷം പ്രതികൾ] വിതരണം ചെയ്യുന്നു. [1997] ജൂലൈ 8 ലക്കത്തിന്റെ കവർ പേജിൽ ഇങ്ങനെ ചോദി​ച്ചി​രു​ന്നു: ‘നമ്മുടെ ജന്തുജാ​ല​ങ്ങളെ ആർ രക്ഷിക്കും?’ വംശനാ​ശ​ത്തി​ന്റെ വർധിച്ച നിരക്ക്‌ (മണിക്കൂ​റിൽ മൂന്നു​വീ​തം), ‘ഈ ഗ്രഹത്തി​ലെ ജീവി​വർഗ​ങ്ങ​ളു​ടെ ആരോ​ഗ്യം,’ പരിസ്ഥി​തി​ന​ശീ​ക​രണം . . . തുടങ്ങി​യ​വ​യെ​ക്കു​റിച്ച്‌ പ്രസ്‌തുത ലക്കം പ്രതി​പാ​ദി​ച്ചു. 1997 ആഗസ്റ്റ്‌ 22 ലക്കമാ​കട്ടെ, ‘ജല പ്രതി​സന്ധി: ഒരു ആഗോള പ്രശ്‌നം,’ ജനസം​ഖ്യാ​വർധ​ന​വി​ന്റെ പരിണ​ത​ഫ​ലങ്ങൾ, മലിനീ​ക​രണം, നദിക​ളു​ടെ ഉപയോ​ഗം സംബന്ധി​ച്ചുള്ള സാർവ​ദേ​ശീയ സംഘർഷം . . . എന്നിവ​യെ​ക്കു​റി​ച്ചു ചർച്ച ചെയ്‌തു. വിവരങ്ങൾ ശാസ്‌ത്രാ​ധി​ഷ്‌ഠി​ത​വും സമഗ്ര​വു​മാ​ണെ​ങ്കി​ലും ഈ ലേഖന​ങ്ങ​ളിൽ മിക്കതി​ന്റെ​യും ഉപസം​ഹാ​രം മുഖ്യ​ധാ​രാ പരിസ്ഥി​തി​വാ​ദ​ത്തെ​ക്കു​റി​ച്ചു​ള്ളതല്ല. ഭൂമി​യു​ടെ പുനഃ​സ്ഥി​തീ​ക​ര​ണ​ത്തിൽ പങ്കു​കൊ​ള്ളാൻ ആഗ്രഹി​ക്കു​ന്നെ​ങ്കിൽ ‘ബൈബിൾ പഠിച്ചു​കൊണ്ട്‌ ദൈവം നിങ്ങളിൽനിന്ന്‌ ആവശ്യ​പ്പെ​ടു​ന്നത്‌ എന്താ​ണെന്നു ദയവായി മനസ്സി​ലാ​ക്കാൻ’ അവ ആഹ്വാനം ചെയ്യുന്നു.

“ഈ കൂട്ടം യഹോ​വ​യു​ടെ സാക്ഷി​ക​ളും പ്രസി​ദ്ധീ​ക​രണം ഉണരുക!യുമാണ്‌. അവർ നിങ്ങളു​ടെ ഭവനം സന്ദർശിച്ചിട്ടില്ലെങ്കിൽ, Watchtower Bible and Tract Society of New York Inc., 25 Columbia Heights, Brooklyn, NY 11201-2483-മായി ബന്ധപ്പെ​ടുക.”

അല്ലെങ്കിൽ “ഉണരുക!യുടെ 5-ാം പേജിൽ കൊടു​ത്തി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തിൽ എഴുതുക” എന്നുകൂ​ടെ ചേർക്കാ​നു​ണ്ടെ​ന്നത്‌ ഒഴിച്ചാൽ എത്ര നല്ല ഒരു വിവരണം.