‘അത്‌ തേൻ നുകരു​ന്ന​തു​പോ​ലെ ആയിരു​ന്നു’

അത്‌ 1993-ന്റെ മധ്യത്തി​ലാ​യി​രു​ന്നു. സ്ഥലം യു. എസ്‌.എ.-യിലെ ഒക്ലഹോ​മ​യി​ലുള്ള അൾട്ടസ്‌. വൈവാ​ഹിക പ്രശ്‌നങ്ങൾ നിമിത്തം വിവാ​ഹ​മോ​ച​ന​ത്തെ​ക്കു​റി​ച്ചു ചിന്തി​ക്കുന്ന തന്റെ മകളെ സഹായി​ക്കാൻ മാർഗ​നിർദേ​ശ​ത്തി​നാ​യി ഉത്‌ക​ണ്‌ഠാ​കു​ല​നായ ഒരു പിതാവു പ്രാർഥി​ച്ച​തേ​യു​ണ്ടാ​യി​രു​ന്നു​ള്ളു. അദ്ദേഹം യു.എസ്‌. വ്യോ​മ​സേനാ കമാൻഡ​റു​ടെ ചീഫ്‌ അസിസ്റ്റ​ന്റാണ്‌. പിറ്റേന്നു രാവിലെ യഹോ​വ​യു​ടെ സാക്ഷി​ക​ളി​ലൊ​രാൾ അദ്ദേഹത്തെ സന്ദർശി​ക്കു​ക​യും “വിവാ​ഹ​മോ​ചനം—ഒരു സന്തുഷ്ടി​യേ​റിയ ജീവി​ത​ത്തി​ലേ​ക്കുള്ള കവാട​മോ?” എന്ന വിഷയം പ്രദീ​പ്‌ത​മാ​ക്കുന്ന 1993 ഒക്‌ടോ​ബർ 8-ലെ ഉണരുക! പരിച​യ​പ്പെ​ടു​ത്തു​ക​യും ചെയ്‌തു.

യഹോ​വ​യു​ടെ സാക്ഷി​കളെ ഇഷ്ടപ്പെ​ടു​ക​യോ മുമ്പൊ​രി​ക്ക​ലും അവരെ ശ്രദ്ധി​ക്കു​ക​യോ ചെയ്‌തി​ട്ടി​ല്ലെ​ങ്കി​ലും അദ്ദേഹം ഉടനടി ആ ഉണരുക! സ്വീക​രി​ക്കു​ക​യും വായി​ക്കു​ക​യും ചെയ്‌തു. പിന്നീട്‌, അദ്ദേഹം അതിലെ തിരു​വെ​ഴു​ത്തു​ക​ളും ആശയങ്ങ​ളും തന്റെ മകളു​മാ​യി പങ്കു​വെച്ചു. ഉണരുക!യോ​ടൊ​പ്പ​മു​ണ്ടാ​യി​രുന്ന വീക്ഷാ​ഗോ​പു​ര​വും അദ്ദേഹം വായിച്ചു. അതിൽ, ത്രിത്വ​ത്തി​ലുള്ള തന്റെ ആജീവ​നാന്ത വിശ്വാ​സ​ത്തെ​ക്കു​റിച്ച്‌ കൂലങ്ക​ഷ​മാ​യി ചിന്തി​ക്കാൻ അദ്ദേഹത്തെ പ്രേരി​പ്പിച്ച ഒരു ലേഖന​മു​ണ്ടാ​യി​രു​ന്നു. മകളെ സഹായി​ക്കാ​നാ​യുള്ള തന്റെ പ്രാർഥ​ന​യ്‌ക്ക്‌ ഉത്തരം ലഭിക്കു​ന്ന​താ​യി അദ്ദേഹം തിരി​ച്ച​റി​ഞ്ഞു. എന്നിരു​ന്നാ​ലും, തന്റെ പ്രാർഥ​ന​യ്‌ക്ക്‌ ഉത്തരം നൽകാ​നാ​യി ത്രിത്വ​വി​ശ്വാ​സി​ക​ള​ല്ലാ​ത്ത​വരെ ദൈവം ഉപയോ​ഗി​ക്കു​ന്ന​തെ​ന്തു​കൊ​ണ്ടെന്ന്‌ അദ്ദേഹം അമ്പരന്നു. അവർ പഠിപ്പി​ക്കു​ന്നത്‌ സത്യമ​ല്ലെ​ങ്കിൽ, പ്രാർഥ​ന​യ്‌ക്ക്‌ ഉത്തരം നൽകാ​നാ​യി ദൈവം വാസ്‌ത​വ​ത്തിൽ അത്തരക്കാ​രെ ഉപയോ​ഗി​ക്കു​ക​യി​ല്ലെന്ന്‌ അദ്ദേഹം ന്യായ​വാ​ദം ചെയ്‌തു.

അങ്ങനെ, ത്രിത്വ​ത്തെ​ക്കു​റി​ച്ചുള്ള യഹോ​വ​യു​ടെ സാക്ഷി​ക​ളു​ടെ വിശ്വാ​സം സംബന്ധിച്ച്‌ കൂടുതൽ കാര്യങ്ങൾ വിശദീ​ക​രി​ക്കുന്ന ഏതാനും സാഹി​ത്യ​ങ്ങൾ ലഭിക്കാ​നാ​യി അദ്ദേഹം അവരുടെ രാജ്യ​ഹാ​ളി​ലേക്കു ഫോൺചെ​യ്‌തു. ഫോ​ണെ​ടുത്ത വ്യക്തി ക്രിസ്‌തീയ മൂപ്പന്മാർക്കുള്ള ഒരു യോഗ​ത്തിൽ സംബന്ധി​ക്കു​ക​യാ​യി​രു​ന്നു. ആ വ്യോ​മ​സേനാ ഉദ്യോ​ഗസ്ഥൻ അപ്പോൾത്തന്നെ രാജ്യ​ഹാ​ളി​ലേക്കു തിരിച്ചു. അവി​ടെ​വെച്ച്‌, നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​വും നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ? എന്ന ലഘുപ​ത്രി​ക​യും അദ്ദേഹ​ത്തി​നു ലഭിച്ചു.

അന്നുരാ​ത്രി​ത​ന്നെ അദ്ദേഹം ആ ലഘുപ​ത്രിക വായി​ച്ചു​തീർത്തു. അദ്ദേഹം പിന്നീടു പറഞ്ഞ​പ്ര​കാ​രം അതു വായി​ക്കവേ, വായന​നിർത്തി പിൻവ​രു​ന്ന​തു​പോ​ലെ സ്വയം പറയാൻ പ്രചോ​ദി​ത​നാ​യി, ‘അടങ്ങൂ. ഇത്‌ അസംഭ​വ്യ​മാണ്‌, അവിശ്വ​സ​നീ​യ​വും.’ ത്രിത്വ​വി​ശ്വാ​സ​ത്തി​നെ​തി​രാ​യുള്ള ബൈബി​ളി​ന്റെ തെളി​വു​കൾ ആ ലഘുപ​ത്രിക വളരെ വ്യക്തമാ​യി അവതരി​പ്പി​ച്ചു. തന്മൂലം, അതു വായി​ക്കു​ന്നത്‌ “തേൻ നുകരു​ന്ന​തു​പോ​ലെ ആയിരു​ന്നു” എന്ന്‌ അദ്ദേഹം അഭി​പ്രാ​യ​പ്പെട്ടു. തൊട്ട​ടുത്ത സായാ​ഹ്ന​ത്തിൽ അദ്ദേഹം യഹോ​വ​യു​ടെ സാക്ഷി​ക​ളു​ടെ യോഗ​ത്തിന്‌ ആദ്യമാ​യി ഹാജരാ​യി. അവി​ടെ​വെച്ചു കേട്ട കാര്യങ്ങൾ അദ്ദേഹത്തെ സന്തോ​ഷി​പ്പി​ച്ചു.

യഹോ​വ​യു​ടെ സാക്ഷി​ക​ളോ​ടൊ​ത്തുള്ള ആദ്യത്തെ ബൈബി​ള​ധ്യ​യ​ന​ത്തി​നും പുകവലി സംബന്ധി​ച്ചുള്ള ബൈബിൾ വീക്ഷണ​ത്തെ​ക്കു​റി​ച്ചുള്ള സമഗ്ര​മായ ചർച്ചയ്‌ക്കും ശേഷം അദ്ദേഹം സിഗര​റ്റു​കൾ നശിപ്പി​ച്ചു. പിന്നീട്‌ ഒരിക്ക​ലും അദ്ദേഹം പുകവ​ലി​ച്ചി​ട്ടില്ല. ആഴ്‌ച​യിൽ പലതവണ അദ്ദേഹ​ത്തോ​ടൊ​പ്പം ബൈബി​ള​ധ്യ​യനം നടത്തി. ത്രിത്വം ലഘുപ​ത്രിക വായിച്ച്‌ മൂന്നു​മാ​സം കഴിഞ്ഞ്‌, സൈന്യ​ത്തിൽനി​ന്നു വിരമിച്ച ശേഷം, സാക്ഷി​ക​ളോ​ടൊത്ത്‌ അദ്ദേഹം പ്രസം​ഗ​വേ​ല​യിൽ പങ്കെടു​ത്തു തുടങ്ങി. മൂന്നു​മാ​സ​ത്തി​നു ശേഷം അദ്ദേഹം യഹോ​വ​യാം ദൈവ​ത്തി​നുള്ള തന്റെ സമർപ്പണം സ്‌നാ​പ​ന​ത്താൽ പ്രതീ​ക​പ്പെ​ടു​ത്തി. ഇപ്പോൾ അദ്ദേഹം ഒരു മുഴു​സമയ ശുശ്രൂ​ഷ​ക​നാ​യി സേവന​മ​നു​ഷ്‌ഠി​ക്കു​ന്നു.