പൂമ നോക്കി​നിൽക്കേ അപ്രത്യ​ക്ഷ​മാ​കു​ന്നു

ബ്രസീലിലെ ഉണരുക! ലേഖകൻ

തെക്കേ അമേരി​ക്ക​യി​ലെ മഴവന​ത്തി​നു മീതെ ആകാശ​ത്തിന്‌ അവർണ​നീ​യ​മായ നിറപ്പ​കർച്ച. താമസി​യാ​തെ രാത്രി​യു​ടെ കരങ്ങൾ അതു മായ്‌ച്ചു​ക​ള​യും. പൊടു​ന്നനെ, ശബ്ദമു​ണ്ടാ​ക്കാ​തെ അതാ ഒരു പൂമ! വെട്ടി​ത്തെ​ളിച്ച ആ പ്രദേ​ശ​ത്തേക്ക്‌ വളരെ ജാഗ്ര​ത​യോ​ടെ​യാണ്‌ അതു പ്രവേ​ശി​ച്ചത്‌. എന്നാൽ പിടി​ച്ചു​നിർത്തി​യ​തു​പോ​ലെ അത്‌ പെട്ടെന്നു നിന്നു.

ഒരു നിമി​ഷ​ത്തേക്ക്‌ ആ വലിയ മാർജാ​രൻ നിശ്ചല​നാ​യി. വാലിന്റെ അഗ്രം മാത്രം അനങ്ങു​ന്നു​ണ്ടാ​യി​രു​ന്നു, സാവധാ​നം ചലിച്ചു​കൊ​ണ്ടി​രി​ക്കുന്ന ഒരു വൈപ്പർപോ​ലെ. ആരോ ശ്രദ്ധി​ക്കു​ന്നു​ണ്ടെന്നു മനസ്സി​ലാ​ക്കി​യ​പ്പോൾ ഒറ്റ കുതി​പ്പിന്‌ കക്ഷി കാട്ടി​ലേക്കു മറഞ്ഞു. സ്‌പോർട്‌സു​കാ​രു​ടെ ഷൂസു​കൾക്കും വേഗ​മേ​റിയ മോ​ട്ടോർവാ​ഹ​ന​ങ്ങൾക്കും എന്തിന്‌, പോർവി​മാ​ന​ങ്ങൾക്കു​പോ​ലും അതിന്റെ പേർ നൽകി​യി​രി​ക്കു​ന്ന​തി​നുള്ള കാരണം ഏതാനും വർഷം​മുമ്പ്‌ ആ ഉച്ചനേ​രത്ത്‌ എനിക്കു മനസ്സി​ലാ​യി. വലുപ്പ​ത്തി​ന്റെ കാര്യ​ത്തിൽ അമേരി​ക്കൻ പൂച്ചക​ളിൽ രണ്ടാം സ്ഥാനം വഹിക്കുന്ന പൂമ അഥവാ കൗഗാർ തീർച്ച​യാ​യും വേഗത​യ്‌ക്കാ​യി രൂപകൽപ്പന ചെയ്യ​പ്പെ​ട്ടി​രി​ക്കു​ന്ന​താ​ണെന്നു വ്യക്തം.a

പേശി​ക​ളു​ടെ ഒരു കെട്ട്‌

പുള്ളി​ക​ളോ വരകളോ ഇല്ലാത്ത തവിട്ടു നിറത്തി​ലുള്ള അതിന്റെ ശരീരം ഒരു പെൺസിം​ഹത്തെ അനുസ്‌മ​രി​പ്പി​ച്ചേ​ക്കാം. എങ്കിലും പൂമയു​ടെ മുഖം അതിന്റെ ആഫ്രിക്കൻ ബന്ധുവി​ന്റേ​തു​പോ​ലെ ദീർഘ​ച​തു​രാ​കൃ​തി​യി​ലു​ള്ളതല്ല. പകരം അതിന്റെ തല ഉരുണ്ട​തും ചെറു​തു​മാണ്‌, ചെവി​ക​ളും അങ്ങനെ​തന്നെ. ഒരു വശത്തു​നി​ന്നു നോക്കി​യാൽ അതിന്റെ തല, നീണ്ടു കൂർത്ത വെടി​യു​ണ്ട​പോ​ലെ തോന്നി​ക്കും. പച്ചനി​റ​ത്തി​ലുള്ള വലിയ കണ്ണുകൾകൊണ്ട്‌ അത്‌ നിങ്ങളെ തുറി​ച്ചു​നോ​ക്കും. വായ്‌ക്കു ചുറ്റു​മുള്ള വെളുത്ത രോമം കണ്ടാലോ, പാൽപ്പാ​ത്ര​ത്തിൽ തലയി​ട്ടിട്ട്‌ വായ്‌ തുടയ്‌ക്കാൻ മറന്നതാ​ണെന്നേ തോന്നൂ. വഴക്കമുള്ള മെലിഞ്ഞ ശരീര​ത്തിന്‌ 1.5 മീറ്ററോ അതില​ധി​ക​മോ നീളം കണ്ടേക്കാം, തടിച്ച വാൽ കൂട്ടാ​തെ​തന്നെ. വാലിന്റെ അഗ്രത്തി​നു കറുത്ത നിറമാണ്‌.

കരുത്തുറ്റ നീണ്ട പിൻകാ​ലു​കൾമൂ​ലം അതിന്റെ പൃഷ്‌ഠ​ഭാ​ഗം മുതു​കി​നെ​ക്കാൾ ഉയർന്നു​നിൽക്കു​ന്നു. 60 കിലോ​ഗ്രാം തൂക്കമുള്ള പൂമയ്‌ക്ക്‌ റോക്ക​റ്റു​പോ​ലെ പായാ​നുള്ള ശക്തിനൽകു​ന്നത്‌ കരുത്തുറ്റ ആ കാലു​ക​ളാണ്‌. പൂമകൾ ഒറ്റക്കു​തി​പ്പിന്‌ 5 മീറ്റർ ഉയരത്തി​ലെ​ത്തു​ന്ന​താ​യി കാണ​പ്പെ​ട്ടി​ട്ടുണ്ട്‌. പോളി​ല്ലാ​തെ നടത്തുന്ന പോൾവാൾട്ട്‌ എന്നു വേണ​മെ​ങ്കിൽ പറയാം!

പൂമ താഴേക്കു ചാടു​ന്ന​തും അതു​പോ​ലെ​തന്നെ ആശ്ചര്യ​മു​ള​വാ​ക്കുന്ന കാര്യ​മാണ്‌. 18 മീറ്റർ ഉയരത്തിൽനി​ന്നു​പോ​ലും അതു താഴേക്കു ചാടി​യത്‌ കണ്ടിട്ടു​ള്ള​വ​രുണ്ട്‌. ഇത്‌ ഒളിമ്പിക്‌ മത്സരങ്ങ​ളിൽ ഡൈവർമാർ വെള്ളത്തി​ലേക്ക്‌ എടുത്തു​ചാ​ടുന്ന പ്ലാറ്റ്‌ഫാ​റ​ങ്ങ​ളു​ടെ ഏതാണ്ട്‌ ഇരട്ടി ഉയരം​വ​രും. എന്നാൽ പൂമയെ സംബന്ധി​ച്ചി​ട​ത്തോ​ളം താഴെ നീന്തൽക്കു​ളം ഇല്ലെന്നു​മാ​ത്രം. എങ്കിൽപ്പോ​ലും, കുതി​ക്കാൻ തയ്യാറാ​യി​ട്ടാണ്‌ അതു നില​ത്തേ​ക്കു​വീ​ഴു​ന്നത്‌.

“കരുത്ത​നായ, വിസ്‌മ​യ​മു​ണർത്തുന്ന മൃഗം,” വന്യജീ​വി ശാസ്‌ത്ര​ജ്ഞ​നായ കെന്നത്ത്‌ ലോഗൻ പറയു​ന്നത്‌ അങ്ങനെ​യാണ്‌. “ഈ പൂച്ചക​ളു​ടെ അതിജീ​വന മാർഗ​ത്തെ​ക്കു​റി​ച്ചു പഠിക്കു​മ്പോൾ അവ നമ്മുടെ ആദരവ്‌ പിടി​ച്ചു​പ​റ്റും.” നോക്കി​നിൽക്കേ അത്‌ അപ്രത്യ​ക്ഷ​മാ​കു​മെ​ന്ന​തും ശ്രദ്ധേ​യ​മാണ്‌.

എല്ലായി​ട​ത്തു​മു​ണ്ടെ​ങ്കി​ലും അദൃശ്യം

ആദ്യകാ​ല​ങ്ങ​ളി​ലെ കുടി​യേ​റ്റ​ക്കാർ പശ്ചിമാർധ​ഗോ​ള​ത്തിൽ താമസ​മു​റ​പ്പി​ച്ച​പ്പോൾ അറ്റ്‌ലാൻറിക്‌ മുതൽ പസഫിക്‌ വരെ മുഴു​ഭൂ​ഖ​ണ്ഡ​വും പൂമയു​ടെ വിഹാ​ര​രം​ഗ​മാ​യി​രു​ന്നു. പർവത​ങ്ങ​ളി​ലും ചതുപ്പു​നി​ല​ങ്ങ​ളി​ലും പുൽപ്പു​റ​ങ്ങ​ളി​ലും വനങ്ങളി​ലും അത്‌ ഒരു​പോ​ലെ ജീവി​ച്ചി​രു​ന്നു. നായാ​ട്ടു​കാ​രും കൃഷി​ക്കാ​രു​മൊ​ക്കെ വടക്കേ അമേരി​ക്ക​യു​ടെ പല ഇടങ്ങളിൽനി​ന്നും പൂമയെ ഉന്മൂലനം ചെയ്‌തി​രി​ക്കു​ന്നെ​ങ്കി​ലും ഇന്നും അത്‌ അമേരി​ക്ക​യു​ടെ പ്രതീ​ക​മാ​യി നില​കൊ​ള്ളു​ന്നു. ഇപ്പോ​ഴും അത്‌ കാനഡ​മു​തൽ തെക്കേ അമേരി​ക്ക​യു​ടെ അറ്റംവ​രെ​യും വിഹരി​ക്കു​ന്നു. ഒരു മൃഗത്തി​ന്റെ അതിജീ​വ​ന​പ്രാ​പ്‌തി അതിനെ എത്ര ഇടങ്ങളിൽ കണ്ടെത്താ​മെ​ന്ന​തി​നെ​യും അതിന്റെ ആവാസ വൈവി​ധ്യ​ത്തെ​യും ആസ്‌പ​ദ​മാ​ക്കി​യാ​ണു കണക്കാ​ക്കു​ന്ന​തെ​ങ്കിൽ അമേരി​ക്ക​യു​ടെ സസ്‌ത​നി​ക​ളിൽ വിജയ​ശ്രീ​ലാ​ളി​തൻ പൂമതന്നെ. അതിന്റെ വിജയ​ര​ഹ​സ്യം എന്താണ്‌?

പൂമ അതിജീ​വി​ക്കു​ന്ന​തി​നാ​യി സുസജ്ജ​നാണ്‌. അതിന്‌ ബലിഷ്‌ഠ​മായ ഒരു ആമാശയം ഉണ്ടെന്ന​തി​നു​പു​റമേ അത്‌ വേട്ടയാ​ടാൻ വിവിധ മാർഗങ്ങൾ ഉപയോ​ഗി​ക്കു​ന്നു. പ്രദേ​ശത്തു ലഭിക്കുന്ന ഏതുതരം ആഹാര​വു​മാ​യും അതു പൊരു​ത്ത​പ്പെ​ടു​ന്നു. “അതി​നെ​ക്കാൾ അഞ്ചിരട്ടി വലുപ്പ​മുള്ള മൃഗത്തെ കൊന്ന്‌ വലിച്ചി​ഴച്ചു കൊണ്ടു​പോ​കാൻ അതിനു കഴിയും. എന്നാൽ മറ്റൊ​ന്നും തിന്നാൻ കിട്ടി​യി​ല്ലെ​ങ്കിൽ അത്‌ വിട്ടി​ലു​ക​ളെ​യും പിടി​ച്ചു​തി​ന്നും,” ബ്രസീ​ലിൽ കൊല്ല​പ്പെ​ട്ടി​ട്ടുള്ള നിരവധി പൂമക​ളു​ടെ ആമാശയം പരി​ശോ​ധിച്ച ഒരു മൃഗ​ഡോ​ക്‌ടർ പറയുന്നു. “തീറ്റി​യു​ടെ കാര്യ​ത്തിൽ, മാർജാര വർഗത്തിൽപ്പെട്ട മറ്റേതി​നെ​ക്കാ​ളും വൈവി​ധ്യം പുലർത്തു​ന്നതു പൂമയാണ്‌.”

വിവി​ധ​ത​ര​ത്തി​ലുള്ള തീറ്റി ലഭിക്ക​ണ​മെ​ങ്കിൽ വിവി​ധ​തരം വേട്ടയാ​ടൽരീ​തി​ക​ളും ഉപയോ​ഗി​ക്കണം. ഉദാഹ​ര​ണ​ത്തിന്‌, ഒരു മാനിന്റെ മേൽ ചാടി​വീ​ഴു​ന്ന​തിൽനി​ന്നു വ്യത്യ​സ്‌ത​മായ തന്ത്രം ഉപയോ​ഗി​ച്ചു​വേണം ഒരു പക്ഷിയെ പിടി​ക്കാൻ. പൂമ അത്‌ എങ്ങനെ​യാ​ണു ചെയ്യു​ന്നത്‌? ബ്രസീ​ലി​ലെ അറ്റ്‌ലാൻറിക്ക്‌ വനത്തിൽ അത്‌ ടിനാമൂ എന്ന പക്ഷിയെ അതിന്റെ ശബ്ദത്തെ അനുക​രി​ച്ചു​കൊ​ണ്ടാണ്‌ ആകർഷി​ക്കു​ന്നത്‌. “തികഞ്ഞ അനുക​രണം,” ഒരു നിരീ​ക്ഷകൻ പറയുന്നു. “ഏതാനും തവണ കൂകി​യിട്ട്‌ ടിനാമൂ നിശ്ശബ്ദ​നാ​കും. പക്ഷേ പൂമ കൂകൽ തുടർന്നു​കൊ​ണ്ടേ​യി​രി​ക്കും—10-ഓ 20-ഓ തവണ​പോ​ലും.” അത്‌ ഫലിക്കു​ക​തന്നെ ചെയ്യുന്നു. ശല്യക്കാ​ര​നായ ഒരാൺപക്ഷി തന്റെ പ്രദേ​ശ​ത്തേക്ക്‌ അതി​ക്ര​മി​ച്ചു കയറി​യ​താ​യി ടിനാമൂ വിചാ​രി​ക്കും. എതിരാ​ളി​യു​മാ​യി ഏറ്റുമു​ട്ടാൻ തയ്യാറാ​യി അത്‌ മുമ്പോ​ട്ടു വരും—പക്ഷേ ചെന്നു​പെ​ടു​ന്നത്‌ പൂമയു​ടെ വായി​ലാ​യി​രി​ക്കു​മെന്നു മാത്രം.

നിങ്ങൾ പൂമയെ തിരയു​ന്നത്‌ വടക്കേ അമേരി​ക്ക​യി​ലോ മധ്യ അമേരി​ക്ക​യി​ലോ തെക്കേ അമേരി​ക്ക​യി​ലോ എവി​ടെ​യാ​യി​രു​ന്നാ​ലും നിങ്ങളു​ടെ കണ്ണിൽ പെടാ​തി​രി​ക്കാൻ അതിന​റി​യാം. എല്ലായി​ട​ത്തു​മു​ണ്ടെ​ങ്കി​ലും വായു​വി​നെ​പ്പോ​ലെ അദ്യശ്യ​മാ​ണത്‌. “രഹസ്യാ​ത്മ​ക​ത​യുള്ള, വഴുതി​മാ​റുന്ന, ജാഗ്ര​ത​യുള്ള” എന്നൊ​ക്കെ​യാണ്‌ പൂമ​യെ​ക്കു​റി​ച്ചു പഠിക്കുന്ന ഗവേഷകർ മിക്ക​പ്പോ​ഴും അതിനെ വിശേ​ഷി​പ്പി​ക്കു​ന്നത്‌. “നായ്‌ക്കൾ മരത്തിൽ ഓടി​ച്ചി​ട്ടു കയറ്റാതെ ഒറ്റ പൂമ​യെ​പോ​ലും താൻ കണ്ടിട്ടില്ല” എന്ന്‌ 70 പൂമകളെ കൊന്നി​ട്ടുള്ള ഒരു വേട്ടക്കാ​രൻ സമ്മതി​ച്ചു​പ​റഞ്ഞു. നിരാ​ശ​രായ ഗവേഷകർ ഈ പൂച്ചയെ “ഭ്രാന്തു​പി​ടി​പ്പി​ക്കും​വി​ധം വഴുതി​മാ​റു​ന്നത്‌” എന്നു വിളി​ച്ച​തിൽ അതിശ​യി​ക്കാ​നില്ല!

പല പേരു​ക​ളുള്ള പൂച്ച

അമേരി​ക്ക​യു​ടെ പ്രതീ​ക​മായ ഈ പൂച്ചയെ കണ്ടെത്തു​ന്ന​തി​നോ​ളം​തന്നെ ബുദ്ധി​മു​ട്ടാണ്‌ അതിന്റെ സ്വഭാവം നിർവ​ചി​ക്കു​ന്ന​തും. “മറ്റേ​തൊ​രു സസ്‌ത​നി​യെ​ക്കാ​ളും അധികം പേരുകൾ” പൂമയ്‌ക്കുണ്ട്‌ എന്ന്‌ ദ ഗിന്നസ്‌ ബുക്ക്‌ ഓഫ്‌ ആനിമൽ റെക്കോർഡ്‌സ്‌ പറയുന്നു. ഇംഗ്ലീ​ഷി​ലുള്ള 40 വിചി​ത്ര​മായ പേരു​കൾക്കു പുറമേ “അതിന്‌ തെക്കേ അമേരി​ക്ക​യിൽ 18 പേരു​ക​ളും വടക്കേ അമേരി​ക്ക​യിൽ 25 പേരു​ക​ളു​മുണ്ട്‌.”

മിക്ക ജന്തുശാ​സ്‌ത്ര​ജ്ഞ​ന്മാ​രും ഉപയോ​ഗി​ക്കുന്ന പൂമ എന്ന പേര്‌, പെറു​വി​ലെ കെച്ച്‌വ ഭാഷയിൽനി​ന്നു വന്നതാണ്‌. പർവത സിംഹം, കാറ്റമൗണ്ട്‌, പാന്തർ, പെയിൻറർ, ചെമ്പുലി, മാൻപു​ലി എന്നിവ​യാണ്‌ ഈ പൂച്ചയ്‌ക്കു നൽകി​യി​രി​ക്കുന്ന മറ്റു ചില പേരുകൾ.

സാവൊ പൗലോ മൃഗശാ​ല​യു​ടെ സൂക്ഷി​പ്പു​കാ​ര​നും പൂമ​യെ​ക്കു​റി​ച്ചുള്ള പഠന​മേ​ഖ​ല​യിൽ വൈദ​ഗ്‌ധ്യം നേടി​യ​വ​നു​മായ ഫൈസൽ സീമോൺ ഇങ്ങനെ അഭി​പ്രാ​യ​പ്പെട്ടു: “പൂമയ്‌ക്കും മറ്റു വൻപൂ​ച്ച​കൾക്കും പൊതു​വായ ശീലങ്ങ​ളും ശാരീ​രിക കഴിവു​ക​ളും ഇല്ലെന്നു​തന്നെ പറയാം.” ഇത്‌ തികച്ചും വ്യത്യ​സ്‌ത​മായ, വലുപ്പ​ത്തി​ലും നിറത്തി​ലും വൈവി​ധ്യം പുലർത്തുന്ന ഒരുതരം പൂച്ചയാണ്‌. പൂമയു​ടെ ഉപവി​ഭാ​ഗ​ങ്ങ​ളിൽ ഏതാണ്ട്‌ 30 എണ്ണത്തെ അമേരി​ക്ക​യി​ലു​ട​നീ​ള​വും 6 എണ്ണത്തെ ബ്രസി​ലീ​ലും തിരി​ച്ച​റി​ഞ്ഞി​ട്ടുണ്ട്‌.

അതിനെ ഉന്മൂലനം ചെയ്യേ​ണ്ട​തു​ണ്ടോ?

ബ്രസീ​ലി​ലും മറ്റിട​ങ്ങ​ളി​ലു​മുള്ള പല കന്നുകാ​ലി വളർത്തു​കാ​രും പൂമയെ ഉപദ്ര​വ​കാ​രി​യായ ഒരു കീട​ത്തെ​പ്പോ​ലെ, കണ്ണിൽപ്പെ​ട്ട​യു​ടനെ വെടി​വെച്ചു വീഴ്‌ത്തേണ്ട ഒന്നായി കണക്കാ​ക്കു​ന്നു. എന്നാൽ കന്നുകാ​ലി​കളെ നിർദയം കൊല്ലു​ന്നവൻ എന്ന്‌ പൂമയെ മുദ്ര​കു​ത്താ​മോ? “വന്യമൃ​ഗങ്ങൾ ലഭ്യമാ​ണെ​ങ്കിൽ പൂമ കന്നുകാ​ലി​കളെ വിരള​മാ​യേ കൊല്ലാ​റു​ള്ളൂ,” ഡോ. സൈമൺ വിവരി​ക്കു​ന്നു. “ഏതാനും പ്രാവ​ശ്യം അങ്ങനെ സംഭവി​ച്ചി​ട്ടു​ണ്ടെന്നു കരുതി, ഈ മൃഗത്തെ ഉന്മൂലനം ചെയ്യാൻ ശ്രമി​ക്കു​ന്നത്‌ തീർച്ച​യാ​യും ന്യായീ​ക​രി​ക്കാ​നാ​വില്ല. വാസ്‌ത​വ​ത്തിൽ പൂമകളെ വെടി​വെച്ചു വീഴ്‌ത്തു​ന്ന​തു​വഴി കന്നുകാ​ലി വളർത്തു​കാർ തങ്ങൾക്കു​തന്നെ ദോഷം ചെയ്യു​ക​യാണ്‌.” അതെങ്ങനെ?

ഉദാഹ​ര​ണ​ത്തിന്‌ ബ്രസീ​ലി​ലെ, ദക്ഷിണ കൊറി​യ​യെ​ക്കാൾ വലുപ്പ​മുള്ള ഒരു ചതുപ്പു​നി​ല​മായ പാൻറാ​നാൽ, അസംഖ്യം കന്നുകാ​ലി​കൾ സ്വൈ​ര്യ​മാ​യി വിഹരി​ക്കുന്ന ഒരു പ്രദേ​ശ​മാണ്‌. അവിടത്തെ കന്നുകാ​ലി വളർത്തു​കാർ പൂമകളെ കൊല്ലു​ന്നു. തത്‌ഫ​ല​മാ​യി, എറുമ്പു​തീ​നി​ക​ളു​ടെ എണ്ണം—പൂമക​ളു​ടെ ആ പ്രദേ​ശത്തെ ഇഷ്ടഭോ​ജ്യം—സത്വരം വർധി​ക്കു​ക​യാണ്‌. മുയലി​ന്റെ വലുപ്പ​മുള്ള, മാളങ്ങൾ കുഴി​ക്കുന്ന, കവചിത സസ്‌ത​നി​ക​ളാണ്‌ എറുമ്പു​തീ​നി​കൾ. പൂമക​ളു​ടെ അഭാവം​മൂ​ലം അവ പാൻറാ​നാ​ലി​ലെ മേച്ചിൽപ്പു​റങ്ങൾ ശവപ്പറ​മ്പു​ക​ളാ​ക്കി മാറ്റു​ക​യാണ്‌. എങ്ങനെ​യെ​ന്നല്ലേ?

കന്നുകാ​ലി​കൾ അബദ്ധത്തിൽ ഈ മാളങ്ങ​ളിൽ ചവിട്ടു​ന്നു. അങ്ങനെ കാലൊ​ടിഞ്ഞ്‌ അവ ചാകുന്നു. “പൂമകളെ കൊന്ന​തു​കൊണ്ട്‌ ആ കന്നുകാ​ലി വളർത്തു​കാർക്ക്‌ മുമ്പ​ത്തെ​ക്കാ​ള​ധി​കം കന്നുകാ​ലി​കളെ നഷ്ടമാ​കു​ക​യാണ്‌,” ഡോ. സൈമൺ പറയുന്നു. “മനുഷ്യൻ പ്രകൃ​തി​യെ അമ്മാന​മാ​ടു​മ്പോൾ എന്തു സംഭവി​ക്കു​മെ​ന്നു​ള്ള​തിന്‌ ഒരു ഉദാഹ​രണം മാത്ര​മാ​ണിത്‌.”

പൂമയെ സംരക്ഷി​ക്കാൻ ആഗ്രഹി​ക്കുന്ന അമേരി​ക്ക​ക്കാ​രു​ടെ എണ്ണം വർധി​ച്ചു​വ​രി​ക​യാണ്‌. അതു​കൊണ്ട്‌, വടക്കേ അമേരി​ക്ക​യി​ലെ ചില അധികൃ​തർ പൂമക​ളു​ടെ സംരക്ഷ​ണാർഥം, അവയെ വേട്ടയാ​ടു​ന്നതു നിയ​ന്ത്രി​ക്കു​ന്ന​തി​നും അവയുടെ ആവാസം പരിപാ​ലി​ക്കു​ന്ന​തി​നും മറ്റുമാ​യി ചില നിയമങ്ങൾ പാസാ​ക്കി​യി​ട്ടുണ്ട്‌.

തത്‌ഫ​ല​മാ​യി, ഐക്യ​നാ​ടു​ക​ളു​ടെ പടിഞ്ഞാ​റു​ഭാ​ഗത്ത്‌ പൂമ തിരി​ച്ചു​വ​രവു നടത്തു​ക​യാണ്‌. മുൻ ആവാസ​ങ്ങ​ളിൽ അവ പെരു​കാൻ തുടങ്ങി​യി​രി​ക്കു​ന്നു. എല്ലാവ​രു​മ​ല്ലെ​ങ്കി​ലും പലരും ഇതു സ്വാഗതം ചെയ്യു​ന്നുണ്ട്‌. ‘ചുരു​ങ്ങിയ കാലഘ​ട്ടം​കൊണ്ട്‌ പൂമ ഉപദ്ര​വ​കാ​രി​യായ കീടം എന്നതിൽനിന്ന്‌ ഒരു ഇഷ്ടമൃ​ഗ​മാ​യി മാറി​യി​രി​ക്കു​ന്നു’ എന്ന്‌ സ്‌മി​ത്ത്‌സോ​ണി​യൻ മാഗസിൻ പറയുന്നു.

പ്രകൃതി സ്‌നേ​ഹി​ക​ളും നായാ​ട്ടു​കാ​രും പൂമയെ ഇഷ്ടപ്പെ​ടു​ന്നു. ആദ്യം പറഞ്ഞവരെ സംബന്ധി​ച്ചി​ട​ത്തോ​ളം ഈ പൂച്ച നിർജ​ന​പ്ര​ദേ​ശ​ത്തി​ന്റെ പ്രൗഢ​ത​യു​ടെ ഒരു പ്രതീ​ക​മാണ്‌. രണ്ടാമത്തെ കൂട്ടരെ സംബന്ധി​ച്ചി​ട​ത്തോ​ളം അവൻ ഒരു ട്രോ​ഫി​യാണ്‌. ഇപ്പോൾ ചോദ്യ​മി​താണ്‌: എത്ര നാള​ത്തേക്ക്‌ പൂമയ്‌ക്ക്‌ ഇതു രണ്ടുമാ​യി​രി​ക്കാൻ കഴിയും?

[അടിക്കു​റിപ്പ്‌]

[26-ാം പേജിലെ ചതുരം]

‘ജീവി​ക്കു​ക​യും ജീവി​ക്കാൻ അനുവ​ദി​ക്കു​ക​യും’?

പൂമയെ അഥവാ കൗഗാ​റി​നെ സംരക്ഷി​ക്കാൻ ഐക്യ​നാ​ടു​ക​ളു​ടെ പടിഞ്ഞാ​റു​ഭാ​ഗത്ത്‌ നിയമം ഏർപ്പെ​ടു​ത്തി​യി​രി​ക്കു​ന്ന​തു​മൂ​ലം പൂമയു​ടെ എണ്ണം മാത്രമല്ല അവയും മനുഷ്യ​രും തമ്മിലുള്ള ഏറ്റുമു​ട്ട​ലു​ക​ളും വർധി​ച്ചി​രി​ക്കു​ന്നു. കാരണം വ്യക്തമാണ്‌: കൂടുതൽ ആളുകൾ നിർജ​ന​പ്ര​ദേ​ശ​ങ്ങ​ളു​ടെ—പൂമക​ളു​ടെ സാമ്രാ​ജ്യ​ത്തി​ന്റെ—അതിർത്തി​ക​ളിൽ താമസ​മു​റ​പ്പി​ക്കു​ക​യാണ്‌. ഇത്‌ അവരുടെ സുരക്ഷി​ത​ത്വ​ത്തി​നു പ്രശ്‌ന​മു​ണ്ടാ​ക്കു​ന്നു. എങ്കിൽപ്പോ​ലും പൂമക​ളിൽനി​ന്നുള്ള ആക്രമ​ണങ്ങൾ കുറവാണ്‌.

1890 മുതൽ ഐക്യ​നാ​ടു​ക​ളി​ലും കാനഡ​യി​ലു​മാ​യി പൂമകൾ മനുഷ്യ​രു​ടെ​മേൽ നടത്തിയ 65 ആക്രമ​ണ​ങ്ങ​ളെ​ക്കു​റിച്ച്‌ ഗവേഷകർ രേഖ​പ്പെ​ടു​ത്തി​യി​ട്ടുണ്ട്‌. അതായത്‌ ഓരോ അഞ്ച്‌ വർഷത്തി​ലും 3 ആക്രമ​ണങ്ങൾ വീതം എന്നർഥം. ഈ 65 ആക്രമ​ണ​ങ്ങ​ളിൽ 10 എണ്ണം മാരക​മാ​യി​രി​ക്കാം. എന്നാൽ ഇതുമാ​യുള്ള താരത​മ്യ​ത്തിൽ ഐക്യ​നാ​ടു​ക​ളിൽ മാത്ര​മാ​യി വർഷം​തോ​റും ഏതാണ്ട്‌ 40 ആളുകൾ വീതം കടന്നൽക്കു​ത്തേറ്റ്‌ മരിക്കു​ന്നുണ്ട്‌.

“പൂമയ്‌ക്ക്‌ ആക്രമി​ക്കാൻ ലഭ്യമാ​യി​രി​ക്കുന്ന അവസരങ്ങൾ കണക്കി​ലെ​ടു​ക്കു​മ്പോൾ ആളുകൾക്കു​നേ​രെ​യുള്ള ആക്രമ​ണങ്ങൾ അത്ഭുത​ക​ര​മാം​വി​ധം വിരള​മാണ്‌,” ജന്തുശാ​സ്‌ത്ര​ജ്ഞ​നായ കെവിൻ ഹാൻസൺ പറയുന്നു. “ചുരു​ങ്ങി​യ​പക്ഷം മനുഷ്യ​രു​മൊ​ത്തു ജീവി​ക്കാ​നും അവരെ ജീവി​ക്കാൻ അനുവ​ദി​ക്കാ​നു​മുള്ള കൗഗാ​റി​ന്റെ ഭാഗത്തെ അത്ഭുത​ക​ര​മായ സന്നദ്ധത​യെ​യാണ്‌ ഇതു സൂചി​പ്പി​ക്കു​ന്നത്‌.”

[25-ാം പേജിലെ ചിത്ര​ത്തിന്‌ കടപ്പാട]

ചിത്രങ്ങൾ: Courtesy São Paulo Zoo