ബൈബി​ളി​ന്റെ വീക്ഷണം

വിദ്യാ​ഭ്യാ​സത്തെ ബൈബിൾ നിരു​ത്സാ​ഹ​പ്പെ​ടു​ത്തു​ന്നു​വോ?

“വിവര​മി​ല്ലാ​ത്ത​വനേ വിദ്യാ​ഭ്യാ​സത്തെ തുച്ഛീ​ക​രി​ക്കൂ.”—പൂബ്ലി​ല്യുസ്‌ സ്യൂറുസ്‌, ധാർമിക മൊഴി​കൾ (ഇംഗ്ലീഷ്‌), പൊ.യു.മു. ഒന്നാം നൂറ്റാണ്ട്‌.

“പ്രാ​യോ​ഗിക ജ്ഞാനവും ചിന്താ​പ്രാ​പ്‌തി​യും കാത്തു​സൂ​ക്ഷി”ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. (സദൃശ​വാ​ക്യ​ങ്ങൾ 3:21, NW) തന്റെ ആരാധകർ അഭ്യസ്‌ത​വി​ദ്യ​രാ​യി​രി​ക്കാ​നാണ്‌ പരിജ്ഞാ​ന​ത്തി​ന്റെ ദൈവ​മായ യഹോവ ആഗ്രഹി​ക്കു​ന്നത്‌. (1 ശമൂവേൽ 2:3; സദൃശ​വാ​ക്യ​ങ്ങൾ 1:5, 22) എന്നാൽ, ബൈബി​ളി​ലെ ചില പ്രസ്‌താ​വ​നകൾ ചോദ്യ​ങ്ങ​ളു​യർത്തി​യേ​ക്കാം. ഉദാഹ​ര​ണ​ത്തിന്‌, ഉപരി​പ​ഠനം ഉൾപ്പെടെ താൻ മുൻകാ​ലത്തു പിൻപ​റ്റി​യി​രുന്ന കാര്യ​ങ്ങളെ പരാമർശി​ച്ചു​കൊണ്ട്‌, “അവയെ ഞാൻ ഉച്‌ഛി​ഷ്‌ട​മാ​യി കണക്കാ​ക്കു​ന്നു” എന്ന്‌ പൗലൊസ്‌ അപ്പോ​സ്‌തലൻ എഴുതി. (ഫിലി​പ്പി​യർ 3:3-8, ഓശാന ബൈബിൾ) “ഈ ലോക​ത്തി​ന്റെ ജ്ഞാനം ദൈവ​സ​ന്നി​ധി​യിൽ ഭോഷ​ത്വ​മ​ത്രേ” എന്ന്‌ മറ്റൊരു നിശ്വസ്‌ത ലേഖന​ത്തിൽ അവൻ പ്രസ്‌താ​വി​ക്കു​ക​യു​ണ്ടാ​യി.—1 കൊരി​ന്ത്യർ 3:19.

അതിനർഥം ബൈബിൾ വിദ്യാ​ഭ്യാ​സത്തെ നിരു​ത്സാ​ഹ​പ്പെ​ടു​ത്തു​ന്നു​വെ​ന്നാ​ണോ? ഒരു ക്രിസ്‌ത്യാ​നി എത്ര​ത്തോ​ളം ലൗകിക വിദ്യാ​ഭ്യാ​സം നേടേ​ണ്ട​തുണ്ട്‌? നിയമം നിഷ്‌കർഷി​ക്കുന്ന ഏറ്റവും ചുരു​ങ്ങിയ വിദ്യാ​ഭ്യാ​സം മതിയോ, അതോ കൂടുതൽ ആവശ്യ​മാ​ണോ?

ഒന്നാം നൂറ്റാ​ണ്ടി​ലെ വിദ്യാ​ഭ്യാ​സം

വ്യത്യ​സ്‌ത​മായ വിദ്യാ​ഭ്യാ​സ പശ്ചാത്ത​ല​മു​ള്ള​വ​രാ​യി​രു​ന്നു ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ. ചില പ്രമുഖ വ്യക്തികൾ ഗലീല​യിൽനി​ന്നുള്ള അപ്പോ​സ്‌ത​ല​ന്മാ​രായ പത്രൊ​സി​നെ​യും യോഹ​ന്നാ​നെ​യും “പഠിപ്പി​ല്ലാ​ത്ത​വ​രും സാമാ​ന്യ​രു”മായി വീക്ഷിച്ചു. (പ്രവൃ​ത്തി​കൾ 4:5, 6, 13) ആ രണ്ടു പേർക്കും അക്ഷരജ്ഞാ​ന​മി​ല്ലാ​യി​രു​ന്നെ​ന്നോ സ്‌കൂൾപ​ഠി​പ്പി​ല്ലാ​യി​രു​ന്നെ​ന്നോ ആണോ അതിനർഥം? അല്ല. ഉപരി​പ​ഠ​ന​ത്തി​നാ​യി യെരൂ​ശ​ലേ​മി​ലു​ണ്ടാ​യി​രുന്ന എബ്രായ സ്‌കൂ​ളു​ക​ളിൽനിന്ന്‌ അവർ വിദ്യാ​ഭ്യാ​സം നേടി​യി​രു​ന്നി​ല്ലെന്നേ അതർഥ​മാ​ക്കി​യു​ള്ളൂ. ക്രിസ്‌ത്യാ​നി​ത്വ​ത്തി​ന്റെ ധീരവ​ക്താ​ക്ക​ളാ​യി​രുന്ന ആ രണ്ടു പേരു​ടെ​യും എഴുത്തു​കൾ, അവർ നല്ല വിദ്യാ​ഭ്യാ​സ​മു​ള്ള​വ​രും ബുദ്ധി​മാ​ന്മാ​രും വ്യക്തമായ തിരു​വെ​ഴു​ത്തു വിശദീ​ക​രണം നൽകാൻ പ്രാപ്‌ത​രു​മാ​യി​രു​ന്നു​വെന്ന വസ്‌തു​ത​യ്‌ക്കു പിൽക്കാ​ലത്ത്‌ തെളി​വേകി. തങ്ങളുടെ കുടും​ബ​ത്തി​ന്റെ ഭൗതി​കാ​വ​ശ്യ​ങ്ങൾക്കാ​യി കരുതു​ന്ന​തി​ലുള്ള പ്രാ​യോ​ഗിക പരിശീ​ല​ന​വും അവർക്കു ലഭിച്ച വിദ്യാ​ഭ്യാ​സ​ത്തി​ന്റെ ഭാഗമാ​യി​രു​ന്നു. വളരെ ലാഭക​ര​മായ മത്സ്യബ​ന്ധ​ന​ത്തിൽ അവർ പങ്കാളി​ക​ളാ​യി​രു​ന്നു.—മർക്കൊസ്‌ 1:16-21; ലൂക്കൊസ്‌ 5:7, 10.

അതിൽനി​ന്നു ഭിന്നമാണ്‌ ഒരു സുവി​ശേ​ഷ​ത്തി​ന്റെ​യും പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ​യും എഴുത്തു​കാ​ര​നായ ലൂക്കൊസ്‌ എന്ന ശിഷ്യന്റെ കാര്യം. കൂടുതൽ വിദ്യാ​ഭ്യാ​സം ലഭിച്ചി​രുന്ന അവൻ ഒരു വൈദ്യ​നാ​യി​രു​ന്നു. (കൊ​ലൊ​സ്സ്യർ 4:14) ഈ വൈദ്യ​പ​ശ്ചാ​ത്തലം അവന്റെ നിശ്വസ്‌ത എഴുത്തു​കൾക്ക്‌ ഒരു സവിശേഷ ഭാവം നൽകുന്നു.—ലൂക്കൊസ്‌ 4:38; 5:12; പ്രവൃ​ത്തി​കൾ 28:8 എന്നിവ കാണുക.

ക്രിസ്‌ത്യാ​നി​യാ​യി​ത്തീ​രു​ന്ന​തി​നു മുമ്പ്‌ പൗലൊസ്‌ അപ്പോ​സ്‌തലൻ, അക്കാലത്തെ അതി​പ്രഗത്ഭ പണ്ഡിത​ന്മാ​രിൽ ഒരുവ​നായ ഗമാലി​യേ​ലി​ന്റെ മേൽനോ​ട്ട​ത്തിൻകീ​ഴിൽ യഹൂദ​നി​യമം പഠിച്ചി​രു​ന്നു. (പ്രവൃ​ത്തി​കൾ 22:3) പൗലൊ​സി​നു ലഭിച്ച വിദ്യാ​ഭ്യാ​സത്തെ ഇന്നത്തെ സർവക​ലാ​ശാ​ലാ വിദ്യാ​ഭ്യാ​സ​ത്തോ​ടു താരത​മ്യ​പ്പെ​ടു​ത്താം. പിൽക്കാല വർഷങ്ങ​ളിൽ ഉപരി​വി​ദ്യാ​ഭ്യാ​സം നേടേ​ണ്ടി​യി​രു​ന്ന​പ്പോൾത്തന്നെ യുവാക്കൾ ഒരു തൊഴിൽ അഭ്യസി​ക്കു​ന്നത്‌ യഹൂദ​സ​മൂ​ഹ​ത്തിൽ മാന്യ​മാ​യി വീക്ഷി​ക്ക​പ്പെ​ട്ടി​രു​ന്നു. തെളി​വ​നു​സ​രിച്ച്‌, ചെറു​പ്പ​ത്തിൽത്തന്നെ പൗലൊ​സി​നു കൂടാ​ര​പ്പ​ണി​യിൽ പരിശീ​ലനം ലഭിച്ചി​രു​ന്നു. അത്തരം കഴിവു​കൾ മുഴു​സമയ ശുശ്രൂ​ഷ​യി​ലാ​യി​രി​ക്കേ സ്വന്ത​ചെ​ല​വു​കൾ വഹിക്കാൻ അവനെ പ്രാപ്‌ത​നാ​ക്കി.

എന്നാൽ ലൗകിക വിദ്യാ​ഭ്യാ​സം അനിവാ​ര്യ​മാ​ണെ​ങ്കി​ലും, അതിന്‌ ദൈവ​പ​രി​ജ്ഞാ​ന​ത്തി​ന്റെ അതുല്യ​മായ മൂല്യ​ത്തോ​ടുള്ള താരത​മ്യ​ത്തിൽ വളരെ കുറഞ്ഞ വില​യേ​യു​ള്ളു​വെന്നു പൗലൊസ്‌ തിരി​ച്ച​റി​ഞ്ഞി​രു​ന്നു. അതു​കൊണ്ട്‌, ബൈബിൾ ഏറ്റവു​മ​ധി​കം പ്രാധാ​ന്യം കൽപ്പി​ക്കു​ന്നത്‌ ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള പരിജ്ഞാ​നം നേടു​ന്ന​തി​നാണ്‌. ഇന്നത്തെ ക്രിസ്‌ത്യാ​നി​കൾക്കു ലൗകിക വിദ്യാ​ഭ്യാ​സം സംബന്ധിച്ച്‌ ഈ വാസ്‌ത​വിക വീക്ഷണ​മു​ണ്ടാ​യി​രി​ക്കു​ന്നത്‌ നല്ലതാണ്‌.—സദൃശ​വാ​ക്യ​ങ്ങൾ 2:1-5; യോഹ​ന്നാൻ 17:3; കൊ​ലൊ​സ്സ്യർ 2:3.

വിദ്യാ​ഭ്യാ​സത്തെ അവധാ​ന​പൂർവം വിലയി​രു​ത്തൽ

കോ​ളെ​ജി​ലോ തൊഴിൽപ​രി​ശീ​ലന സ്ഥാപന​ങ്ങ​ളി​ലോ പഠിച്ചു​കൊണ്ട്‌ കൂടു​ത​ലായ വിദ്യാ​ഭ്യാ​സം നേടു​ന്നത്‌ കുടും​ബ​ത്തി​ന്റെ ഭൗതി​കാ​വ​ശ്യ​ങ്ങൾ നിവർത്തി​ക്കാൻ തങ്ങളെ സഹായി​ച്ചി​രി​ക്കു​ന്ന​താ​യി ചില ക്രിസ്‌ത്യാ​നി​കൾ കണ്ടെത്തി​യി​രി​ക്കു​ന്നു. ‘സ്വന്തകു​ടും​ബ​ക്കാർക്കു വേണ്ടി കരുതു​ന്നത്‌’ ഒരു പാവന കടമയാ​യി​രി​ക്കു​ന്ന​തി​നാൽ കുടും​ബ​ത്തോ​ടു കാട്ടുന്ന പരിപാ​ലന മനോ​ഭാ​വം ഉചിത​മാണ്‌. (1 തിമൊ​ഥെ​യൊസ്‌ 5:8) അതിനാ​വ​ശ്യ​മായ കഴിവു​കൾ നേടു​ന്നത്‌ പ്രാ​യോ​ഗിക ജ്ഞാനമാ​യി​രി​ക്കും.

എന്നിരു​ന്നാ​ലും, ഈ ഉദ്ദേശ്യം സാധി​ക്കു​ന്ന​തിന്‌ അടിസ്ഥാ​ന​വി​ദ്യാ​ഭ്യാ​സം മാത്രം പോ​രെന്നു കരുതു​ന്നവർ നേട്ടങ്ങ​ളും കോട്ട​ങ്ങ​ളും വിലയി​രു​ത്തേ​ണ്ട​തുണ്ട്‌. തീക്ഷ്‌ണ​ത​യോ​ടെ ക്രിസ്‌തീയ ശുശ്രൂ​ഷ​യിൽ ഏർപ്പെ​ടു​മ്പോൾത്തന്നെ തന്റെയും കുടും​ബ​ത്തി​ന്റെ​യും സാമ്പത്തിക ചെലവു​കൾ ന്യായ​മായ വിധത്തിൽ വഹിക്കാൻ പ്രാപ്‌ത​മാ​ക്കുന്ന ഒരു ജോലി കണ്ടെത്താൻ ഒരുവനെ സജ്ജനാ​ക്കു​ന്നു​വെ​ന്ന​താണ്‌ അതിന്റെ പ്രയോ​ജ​ന​ങ്ങ​ളി​ലൊന്ന്‌. തന്നെയു​മല്ല, ‘മുട്ടു​ള്ള​വനു ദാനം ചെയ്‌വാൻ എന്തെങ്കി​ലും ഉണ്ടായി​രി’ക്കുകവഴി ഭൗതി​ക​മാ​യി മറ്റുള്ള​വരെ സഹായി​ക്കു​ന്ന​തിന്‌ അയാൾക്കു കഴി​ഞ്ഞേ​ക്കാം.—എഫെസ്യർ 4:28

ഉണ്ടാ​യേ​ക്കാ​വു​ന്ന കോട്ടങ്ങൾ എന്തൊ​ക്കെ​യാണ്‌? ദൈവ​ത്തി​ലും ബൈബി​ളി​ലു​മുള്ള വിശ്വാ​സ​ത്തി​നു തുരങ്കം വെക്കുന്ന കാര്യങ്ങൾ പഠിക്കു​ന്നത്‌ അതിൽ ഉൾപ്പെ​ട്ടേ​ക്കാം. ‘ജ്ഞാന​മെന്നു വ്യാജ​മാ​യി പേർ പറയു​ന്ന​തും’ ‘മനുഷ്യ​രു​ടെ സമ്പ്രദാ​യ​ത്തിന്‌ ഒത്തവണ്ണ​മുള്ള തത്വജ്ഞാ​ന​വും വഞ്ചനയും’ സംബന്ധി​ച്ചു ജാഗ്ര​ത​യു​ള്ള​വ​രാ​യി​രി​ക്കാൻ പൗലൊസ്‌ ക്രിസ്‌ത്യാ​നി​കളെ ബുദ്ധ്യു​പ​ദേ​ശി​ച്ചു. (1 തിമൊ​ഥെ​യൊസ്‌ 6:20, 21; കൊ​ലൊ​സ്സ്യർ 2:8) ചിലതരം വിദ്യാ​ഭ്യാ​സ​ങ്ങ​ളി​ലേർപ്പെ​ടു​ന്നത്‌ ഒരു ക്രിസ്‌ത്യാ​നി​യു​ടെ വിശ്വാ​സ​ത്തി​നു ഹാനി​ക​ര​മാ​യേ​ക്കാ​മെ​ന്നതു നിഷേ​ധി​ക്കാ​നാ​വില്ല. കൂടു​ത​ലായ പരിശീ​ല​ന​ത്തെ​യോ വിദ്യാ​ഭ്യാ​സ​ത്തെ​യോ കുറിച്ചു പരിചി​ന്തി​ക്കു​ന്നവർ ഹാനി​ക​ര​മായ അത്തരം സ്വാധീ​ന​ങ്ങ​ളു​ടെ അപകട​ത്തെ​ക്കു​റി​ച്ചു ബോധ​വാ​ന്മാ​രാ​യി​രി​ക്കണം.

“മിസ്ര​യീ​മ്യ​രു​ടെ സകല ജ്ഞാനവും അഭ്യസിച്ച” മോശ, ആ വിദ്യാ​ഭ്യാ​സ​ത്തിൽ ബഹു​ദൈ​വാ​രാ​ധ​നാ​പ​ര​വും ദൈവ​നി​ന്ദാ​ക​ര​വു​മായ പഠിപ്പി​ക്ക​ലു​കൾ നിസ്സം​ശ​യ​മാ​യും ഉൾപ്പെ​ട്ടി​രു​ന്നി​ട്ടും ശക്തമായ വിശ്വാ​സം നിലനിർത്തി. (പ്രവൃ​ത്തി​കൾ 7:22) സമാന​മാ​യി, തങ്ങൾ ആയിരി​ക്കു​ന്നത്‌ ഏതു സാഹച​ര്യ​ത്തി​ലാ​ണെ​ങ്കി​ലും അനാ​രോ​ഗ്യ​ക​ര​മായ സ്വാധീ​ന​ങ്ങൾക്കു വഴി​പ്പെ​ടാ​തി​രി​ക്കാൻ ശ്രദ്ധയു​ള്ള​വ​രാണ്‌ ക്രിസ്‌ത്യാ​നി​കൾ.

കൂടു​ത​ലാ​യ വിദ്യാ​ഭ്യാ​സം തേടു​ന്ന​തി​ലെ സാധ്യ​മായ മറ്റൊ​ര​പ​കടം അറിവ്‌ ചീർപ്പി​ക്കു​ന്നു, അഥവാ ദുരഭി​മാ​നം ഉളവാ​ക്കു​ന്നു എന്നതാണ്‌. (1 കൊരി​ന്ത്യർ 8:1) പലരും വിദ്യാ​ഭ്യാ​സ​ത്തി​ലു​ടെ അറിവു നേടു​ന്ന​തി​ന്റെ കാരണങ്ങൾ സ്വാർഥ​മാണ്‌. സദു​ദ്ദേ​ശ്യ​ത്തോ​ടെ​യാണ്‌ അറിവു നേടു​ന്ന​തെ​ങ്കിൽപ്പോ​ലും ഔന്നി​ത്യ​ഭാ​വ​മോ ആത്മപ്രാ​ധാ​ന്യ​മോ അതിന്‌ ഉളവാ​ക്കാൻ സാധി​ക്കും. അത്തരം മനോ​ഭാ​വങ്ങൾ ദൈവത്തെ അപ്രീ​തി​പ്പെ​ടു​ത്തു​ന്നു.—സദൃശ​വാ​ക്യ​ങ്ങൾ 8:13.

പരീശ​ന്മാ​രു​ടെ കാര്യം പരിചി​ന്തി​ക്കുക. ഈ പ്രമുഖ മതവി​ഭാ​ഗ​ത്തി​ലെ അംഗങ്ങൾ തങ്ങളുടെ പാണ്ഡി​ത്യ​ത്തി​ലും വ്യാജ​നീ​തി​യി​ലും അഭിമാ​നം കൊണ്ടി​രു​ന്നു. റബ്ബിമാ​രു​ടെ ബൃഹത്തായ പാരമ്പ​ര്യ​ങ്ങൾ നന്നായി അറിയാ​മാ​യി​രുന്ന അവർ വിദ്യാ​ഭ്യാ​സം കുറഞ്ഞ സാധാ​ര​ണ​ക്കാ​രെ തുച്ഛീ​ക​രി​ക്കു​ക​യും അജ്ഞരും നിന്ദ്യ​രും ശപിക്ക​പ്പെ​ട്ട​വ​രു​മാ​യി വീക്ഷി​ക്കു​ക​യും ചെയ്‌തി​രു​ന്നു. (യോഹ​ന്നാൻ 7:49) തന്നെയു​മല്ല, അവർ പണസ്‌നേ​ഹി​ക​ളു​മാ​യി​രു​ന്നു. (ലൂക്കൊസ്‌ 16:14) അവരുടെ ദൃഷ്ടാന്തം കാണി​ക്കു​ന്നത്‌, ദുരു​ദ്ദേ​ശ്യ​ത്തോ​ടെ നേടുന്ന വിദ്യാ​ഭ്യാ​സ​ത്തിന്‌ ഒരു വ്യക്തിയെ അഹങ്കാ​രി​യാ​ക്കാ​നോ പണസ്‌നേ​ഹ​ത്തി​ലേക്കു നയിക്കാ​നോ കഴിയു​മെ​ന്നാണ്‌. അതു​കൊണ്ട്‌ ഏതു തരത്തി​ലുള്ള വിദ്യാ​ഭ്യാ​സം വേണം, എത്ര​ത്തോ​ളം വേണം എന്നൊക്കെ തീരു​മാ​നി​ക്കു​മ്പോൾ ‘എന്റെ ആന്തരങ്ങൾ എന്തൊ​ക്കെ​യാണ്‌?’ എന്ന്‌ ഒരു ക്രിസ്‌ത്യാ​നി ചോദി​ക്കു​ന്നത്‌ ഉചിത​മാ​യി​രി​ക്കും.

വ്യക്തി​ഗ​ത​മായ തിര​ഞ്ഞെ​ടു​പ്പി​ന്റെ കാര്യം

ഒന്നാം നൂറ്റാ​ണ്ടിൽ സത്യമാ​യി​രു​ന്ന​തു​പോ​ലെ, ഇന്നു ക്രിസ്‌ത്യാ​നി​ക​ളു​ടെ ഇടയിൽ വ്യത്യസ്‌ത വിദ്യാ​ഭ്യാ​സ​പ​ശ്ചാ​ത്ത​ല​ങ്ങ​ളാ​ണു​ള്ളത്‌. നിർബ​ന്ധിത വിദ്യാ​ഭ്യാ​സം പൂർത്തി​യാ​ക്കുന്ന യുവജ​നങ്ങൾ മാതാ​പി​താ​ക്ക​ളു​ടെ മാർഗ​നിർദേ​ശ​ത്തിൻ കീഴിൽ കൂടു​ത​ലായ ലൗകിക വിദ്യാ​ഭ്യാ​സം നേടാൻ തീരു​മാ​നി​ച്ചേ​ക്കാം. അതു​പോ​ലെ, തങ്ങളുടെ കുടും​ബ​ത്തി​നു വേണ്ടി കരുതാ​നുള്ള വക മെച്ച​പ്പെ​ടു​ത്താ​നാ​ഗ്ര​ഹി​ക്കുന്ന മുതിർന്ന​വ​രും കൂടു​ത​ലായ അത്തരം വിദ്യാ​ഭ്യാ​സത്തെ ആ ലക്ഷ്യ​പ്രാ​പ്‌തി​ക്ക​നു​യോ​ജ്യ​മായ ഒരു മാർഗ​മാ​യി വീക്ഷി​ച്ചേ​ക്കാം.a പരമ്പരാ​ഗത വിദ്യാ​ഭ്യാ​സ​ത്തി​ന്റെ ചില വശങ്ങൾ ഊന്നൽ നൽകു​ന്നത്‌ തൊഴിൽപ​ര​മോ ജോലി​സം​ബ​ന്ധ​മോ ആയ കഴിവു​കൾ വളർത്തി​യെ​ടു​ക്കു​ന്ന​തി​നല്ല, പിന്നെ​യോ പൊതു​വായ ബൗദ്ധി​ക​പ്രാ​പ്‌തി​യു​ടെ വികാ​സ​ത്തി​നാണ്‌. അതിനാൽ, അത്തരം വിദ്യാ​ഭ്യാ​സ​ത്തി​നു​വേണ്ടി വളരെ​ക്കാ​ലം ചെലവ​ഴി​ച്ചാ​ലും ഒരു തൊഴിൽ നേടാ​നുള്ള കഴിവു​കൾ തനിക്കി​ല്ലെന്ന്‌ ഒരുവൻ കണ്ടെത്തി​യേ​ക്കാം. അക്കാര​ണ​ത്താൽ തൊഴി​ല​ധി​ഷ്‌ഠിത വിഷയങ്ങൾ പഠിക്കാ​നോ ടെക്‌നി​ക്കൽ സ്‌കൂ​ളു​ക​ളിൽ ചേരാ​നോ ചിലർ തീരു​മാ​നി​ച്ചേ​ക്കാം. പെട്ടെന്ന്‌ തൊഴിൽ കണ്ടെത്തു​ക​യെന്ന ഉദ്ദേശ്യ​ത്തോ​ടെ​യാ​യി​രി​ക്കും അവരത്‌ ചെയ്യു​ന്നത്‌.

എന്താ​ണെ​ങ്കി​ലും അത്തരം തീരു​മാ​നങ്ങൾ വ്യക്തി​പ​ര​മാ​യി കൈ​ക്കൊ​ള്ളേ​ണ്ട​താണ്‌. ഇക്കാര്യ​ത്തിൽ ക്രിസ്‌ത്യാ​നി​കൾ അന്യോ​ന്യം വിമർശി​ക്കു​ക​യോ കുറ്റം വിധി​ക്കു​ക​യോ ചെയ്യാൻ പാടില്ല. “കൂട്ടു​കാ​രനെ വിധി​പ്പാൻ നീ ആർ?” എന്ന്‌ യാക്കോബ്‌ എഴുതി. (യാക്കോബ്‌ 4:12) കൂടു​ത​ലായ വിദ്യാ​ഭ്യാ​സം നേടു​ന്ന​തി​നെ​ക്കു​റിച്ച്‌ ഒരു ക്രിസ്‌ത്യാ​നി പരിചി​ന്തി​ക്കു​ക​യാ​ണെ​ങ്കിൽ, അതിനു പ്രേര​ക​മാ​യി​രി​ക്കു​ന്നത്‌ സ്വാർഥ​വും ഭൗതി​കാ​സ​ക്ത​വു​മായ താത്‌പ​ര്യ​ങ്ങ​ള​ല്ലെന്ന്‌ ഉറപ്പു വരുത്താൻ സ്വന്തം ഉദ്ദേശ്യ​ങ്ങൾ പരി​ശോ​ധി​ക്കേ​ണ്ട​തുണ്ട്‌.

വിദ്യാ​ഭ്യാ​സം സംബന്ധിച്ച്‌ സമനി​ല​യുള്ള ഒരു വീക്ഷണ​മു​ണ്ടാ​യി​രി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു​വെ​ന്നതു വ്യക്തമാണ്‌. ദൈവ​ത്തി​ന്റെ നിശ്വസ്‌ത വചനത്തി​ല​ധി​ഷ്‌ഠി​ത​മായ ആത്മീയ വിദ്യാ​ഭ്യാ​സ​ത്തി​ന്റെ അതി​ശ്രേഷ്‌ഠ മൂല്യം ക്രിസ്‌തീയ മാതാ​പി​താ​ക്കൾ തിരി​ച്ച​റി​യു​ക​യും അനുബന്ധ വിദ്യാ​ഭ്യാ​സം സംബന്ധിച്ച്‌ തങ്ങളുടെ കുട്ടി​കൾക്ക്‌ സമനി​ല​യുള്ള ബുദ്ധ്യു​പ​ദേശം നൽകു​ക​യും ചെയ്യുന്നു. (2 തിമൊ​ഥെ​യൊസ്‌ 3:16) ജീവി​ത​ത്തെ​ക്കു​റിച്ച്‌ വാസ്‌ത​വിക വീക്ഷണ​മു​ള്ള​തി​നാൽ അവർ, മുതിർന്ന കുട്ടി​കൾക്കും അവരുടെ ഭാവി​കു​ടും​ബ​ങ്ങൾക്കും വേണ്ടി കരുതാൻ അവർക്കാ​വ​ശ്യ​മാ​യി​രി​ക്കുന്ന വൈദ​ഗ്‌ധ്യ​ങ്ങൾ നേടു​ന്ന​തിൽ ലൗകിക വിദ്യാ​ഭ്യാ​സ​ത്തി​നുള്ള മൂല്യത്തെ അംഗീ​ക​രി​ക്കു​ന്നു. അതു​കൊണ്ട്‌ അനുബന്ധ വിദ്യാ​ഭ്യാ​സം നേടണ​മോ എത്ര​ത്തോ​ളം വേണം എന്നിങ്ങ​നെ​യുള്ള കാര്യങ്ങൾ തീരു​മാ​നി​ക്കു​മ്പോൾ ‘ഇപ്പോ​ഴത്തെ ജീവ​ന്റെ​യും വരുവാ​നി​രി​ക്കു​ന്ന​തി​ന്റെ​യും വാഗ്‌ദ​ത്ത​മുള്ള, സകലത്തി​ന്നും പ്രയോ​ജ​ന​ക​ര​മായ’ യഹോ​വ​യാം ദൈവ​ത്തോ​ടുള്ള ഭക്തിയിൽ അധിഷ്‌ഠി​ത​മായ നല്ല വ്യക്തിഗത തീരു​മാ​നങ്ങൾ കൈ​ക്കൊ​ള്ളാൻ ഓരോ ക്രിസ്‌ത്യാ​നി​ക്കും സാധി​ക്കും.—1 തിമൊ​ഥെ​യൊസ്‌ 4:8.

[അടിക്കു​റിപ്പ്‌]

[20-ാം പേജിലെ ആകർഷ​ക​വാ​ക്യം]

“പ്രാ​യോ​ഗിക ജ്ഞാനവും ചിന്താ​പ്രാ​പ്‌തി​യും കാത്തു​സൂ​ക്ഷി​ക്കുക.”—സദൃശ​വാ​ക്യ​ങ്ങൾ 3:21, NW.

[21-ാം പേജിലെ ആകർഷ​ക​വാ​ക്യം]

കൂടുതലായ വിദ്യാ​ഭ്യാ​സം വേണ​മോ​യെന്നു പരിചി​ന്തി​ക്കു​മ്പോൾ, ‘എന്റെ ആന്തരങ്ങൾ എന്തൊ​ക്കെ​യാണ്‌?’ എന്ന്‌ ഒരു ക്രിസ്‌ത്യാ​നി ചോദി​ക്കു​ന്നത്‌ ഉചിത​മാ​യി​രി​ക്കും