കുറ്റകൃ​ത്യ​മി​ല്ലാഞ്ഞ ഒരു കാലം

കുറ്റകൃ​ത്യ​മി​ല്ലാത്ത ഒരു ലോക​ത്തെ​ക്കു​റി​ച്ചു നിങ്ങൾക്കു സങ്കൽപ്പി​ക്കാ​നാ​വു​മോ? ജർമൻ ദിനപ്പ​ത്ര​മായ സ്യൂറ​റ്‌ഡോ​യിച്ച്‌ ററ്‌​സൈ​റ​റു​ങ്ങിൽ വന്നതു​പോ​ലുള്ള വാർത്താ റിപ്പോർട്ടു​കൾ വായി​ച്ചി​ട്ടു​ണ്ടെ​ങ്കിൽ നിങ്ങൾക്ക​തിന്‌ ആവില്ലാ​യി​രി​ക്കാം. അതിങ്ങനെ റിപ്പോർട്ടു​ചെ​യ്‌തു: “കുറ്റകൃ​ത്യ വിദഗ്‌ധർ കുറ്റകൃ​ത്യ​ത്തി​ന്റെ പുതി​യൊ​രു മാന​ത്തെ​ക്കു​റി​ച്ചു സംസാ​രി​ക്കു​ക​യാണ്‌. അവരുടെ പ്രസ്‌താ​വ​ന​ക​ളിൽ അശുഭ​സൂ​ച​ന​കളേ ഉള്ളൂ, അവർ വരച്ചു​കാ​ട്ടുന്ന ചിത്രം ഭയാന​ക​വു​മാണ്‌.”

ആയിര​ക്ക​ണ​ക്കിന്‌ യൂറോ​പ്പു​കാ​രെ പങ്കെടു​പ്പി​ച്ചു​കൊ​ണ്ടുള്ള 1995-ലെ ഒരു സർവേ കാണി​ക്കു​ന്നത്‌ മിക്കയാ​ളു​ക​ളും കുറ്റകൃ​ത്യ​ത്തിന്‌ ഇരയാ​കു​ന്ന​തി​നെ​ക്കു​റിച്ച്‌ വ്യാകു​ല​പ്പെ​ടു​ന്നു​വെ​ന്നാണ്‌. ജർമനി, നെതർലൻഡ്‌സ്‌, പോളണ്ട്‌, യു​ണൈ​റ്റഡ്‌ കിങ്‌ഡം, റഷ്യ എന്നിവി​ട​ങ്ങ​ളിൽ ആളുകൾ ഏറ്റവു​മ​ധി​കം ഭയപ്പെ​ടുന്ന കാര്യ​ങ്ങ​ളു​ടെ പട്ടിക​യിൽ ഒന്നാം സ്ഥാനമാണ്‌ കുറ്റകൃ​ത്യ​ത്തിന്‌. ഡെൻമാർക്ക്‌, ഫിൻലൻഡ്‌, സ്വിറ്റ്‌സർലൻഡ്‌ എന്നിവി​ട​ങ്ങ​ളിൽ കുറ്റകൃ​ത്യ​ത്തെ​ക്കു​റി​ച്ചുള്ള ഭയത്തിന്‌ രണ്ടാം സ്ഥാനവും ഇറ്റലി, ഗ്രീസ്‌, ഫ്രാൻസ്‌ എന്നിവി​ട​ങ്ങ​ളിൽ മൂന്നാം സ്ഥാനവു​മാണ്‌ ഉണ്ടായി​രു​ന്നത്‌. സർവേ​യിൽ പങ്കെടുത്ത 12 രാഷ്‌ട്ര​ങ്ങ​ളിൽ സ്‌പെ​യിൻ മാത്ര​മാണ്‌ ഭയത്തി​നുള്ള മൂന്നു മുഖ്യ കാരണ​ങ്ങ​ളു​ടെ കൂട്ടത്തിൽ കുറ്റകൃ​ത്യ​ത്തെ ഉൾപ്പെ​ടു​ത്താ​തി​രു​ന്നത്‌.

പൂർവ യൂറോ​പ്പിൽ കഴിഞ്ഞ ഏഴു വർഷം​കൊണ്ട്‌ കുറ്റകൃ​ത്യ നിരക്ക്‌ നാടകീ​യ​മാ​യി ഉയർന്നി​രി​ക്കു​ന്നു. ഈ രാജ്യ​ങ്ങ​ളിൽ പലതി​ലും കുറ്റകൃ​ത്യ വർധനവ്‌ 50 ശതമാ​ന​ത്തി​നും 100 ശതമാ​ന​ത്തി​നും ഇടയി​ലാ​യി​രി​ക്കു​മ്പോൾ മറ്റുചില രാജ്യ​ങ്ങ​ളിൽ അത്‌ 193 മുതൽ 401 വരെ ശതമാ​ന​മാണ്‌!

എങ്കിലും, ഒരുകാ​ലത്ത്‌ കുറ്റകൃ​ത്യ​മി​ല്ലാഞ്ഞ ഒരു ലോക​മു​ണ്ടാ​യി​രു​ന്നു. അതെന്നാ​യി​രു​ന്നു, ആ ലോകം നശിപ്പി​ക്ക​പ്പെ​ട്ടത്‌ എങ്ങനെ​യാണ്‌?

കുറ്റകൃ​ത്യ​ത്തി​ന്റെ ഉത്ഭവം എവി​ടെ​യാ​യി​രു​ന്നു?

“കൊടിയ നിയമ​ലം​ഘനം” എന്നു നിർവ​ചി​ക്ക​പ്പെ​ട്ടി​രി​ക്കുന്ന കുറ്റകൃ​ത്യ​ത്തി​ന്റെ ഉത്ഭവം ആത്മമണ്ഡ​ല​ത്തി​ലാ​യി​രു​ന്നു. ആദ്യ മനുഷ്യ​രായ ആദാമും ഹവ്വായും കുറ്റകൃ​ത്യ പ്രവണ​ത​ക​ളോ​ടെയല്ല സൃഷ്ടി​ക്ക​പ്പെ​ട്ടത്‌. മാനവ സമുദാ​യ​ത്തി​ലേ​ക്കുള്ള കുറ്റകൃ​ത്യ​ത്തി​ന്റെ ആനയി​ക്ക​ലിന്‌ അവർ പൂർണ ഉത്തരവാ​ദി​ക​ളു​മാ​യി​രു​ന്നില്ല. ദൈവ​ത്തി​ന്റെ പൂർണ​ത​യുള്ള ഒരു ആത്മപു​ത്രൻ തെറ്റായ ചിന്തകൾ തന്റെ ഹൃദയ​ത്തിൽ വേരു​പി​ടി​ക്കു​ന്ന​തിന്‌ അനുവ​ദി​ച്ചു. അവൻ ആ ചിന്തകളെ താലോ​ലി​ച്ചു​കൊ​ണ്ടു​ന​ട​ന്ന​തി​ന്റെ ഫലമായി അവ കുറ്റകൃ​ത്യ​ത്തി​ലേക്കു നയിച്ചു. കുറ്റകൃ​ത്യ​മി​ല്ലാഞ്ഞ ആദിമ ലോകത്തെ ദുഷി​പ്പി​ച്ച​തിന്‌ അവനാ​യി​രു​ന്നു ഉത്തരവാ​ദി. ദൈവ​നി​യമം ലംഘി​ക്കുക വഴി അവൻ തന്നെത്തന്നെ ഒരു കുറ്റവാ​ളി​യാ​ക്കി​ത്തീർത്തു. ബൈബിൾ അവനെ പിശാ​ചായ സാത്താ​നാ​യി തിരി​ച്ച​റി​യി​ക്കു​ന്നു.—യാക്കോബ്‌ 1:13-15; വെളി​പ്പാ​ടു 12:9

അദൃശ്യ സ്വർഗ​ങ്ങ​ളിൽ ദൈവ​ത്തോ​ടുള്ള എതിർപ്പി​ന്റെ ഒരു ഗതി തുടങ്ങി​വെ​ച്ച​ശേഷം തന്റെ കുറ്റകൃ​ത്യ നടപടി​കൾ ഭൂമി​യി​ലെ മനുഷ്യ​രി​ലേക്കു വ്യാപി​പ്പി​ക്കു​ന്ന​തിന്‌ സാത്താൻ അരയും തലയും മുറു​ക്കി​യി​റങ്ങി. പിശാച്‌ ഇത്‌ നിർവ​ഹിച്ച വിധ​ത്തെ​ക്കു​റി​ച്ചുള്ള ബൈബിൾ വിവരണം ഹ്രസ്വ​വും ലളിത​വും എന്നാൽ വാസ്‌ത​വി​ക​വു​മാണ്‌. (ഉല്‌പത്തി 2 മുതൽ 4 വരെയുള്ള അധ്യാ​യങ്ങൾ) സൂത്ര​ക്കാ​ര​നായ ഈ അമാനുഷ കുറ്റവാ​ളി​യാൽ വഴി​തെ​റ്റി​ക്ക​പ്പെട്ട ആദാമും ഹവ്വായും ദൈവ​ത്തി​ന്റെ നിലവാ​ര​ങ്ങ​ള​നു​സ​രി​ച്ചു പ്രവർത്തി​ക്കാൻ വിസമ്മ​തി​ച്ചു. ദൈവ​ത്തോട്‌ അനുസ​ര​ണ​ക്കേടു കാട്ടു​ക​വഴി അവർ കുറ്റവാ​ളി​ക​ളാ​യി​ത്തീർന്നു. പിന്നീട്‌, അവരുടെ ആദ്യജാ​ത​നായ കയീൻ അവന്റെ സഹോ​ദ​ര​നായ ഹാബെ​ലിൽനിന്ന്‌ അവന്റെ ഏറ്റവും വിലപ്പെട്ട സ്വത്തായ ജീവൻതന്നെ കവർന്നെ​ടു​ക്കുന്ന ഘട്ടത്തോ​ളം പോയ​പ്പോൾ അവർ തീർച്ച​യാ​യും ഞെട്ടി​ത്തെ​റി​ച്ചി​രി​ക്കും!

അങ്ങനെ, ഭൂമി​യിൽ താമസിച്ച ആദ്യത്തെ നാലു​പേ​രിൽ, മൂന്നു​പേർ കുറ്റവാ​ളി​ക​ളാ​യി​ത്തീർന്നു. ഈ വിധത്തിൽ, ആദാമും ഹവ്വായും കയീനും കുറ്റകൃ​ത്യ​മി​ല്ലാത്ത ഒരു ലോക​ത്തിൽ ജീവി​ക്കു​ന്ന​തി​നുള്ള അവസരം നഷ്ടപ്പെ​ടു​ത്തി​ക്ക​ളഞ്ഞു. ഇത്രയും കാലം കഴിഞ്ഞ​സ്ഥി​തിക്ക്‌, അത്തര​മൊ​രു ലോകം ഇപ്പോൾ സമീപ​മാ​ണെന്ന്‌ നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?