അതിജീ​വ​ന​ത്തി​നാ​യുള്ള ഫ്രഞ്ച്‌ ബൈബി​ളി​ന്റെ പോരാ​ട്ടം

ഫ്രാൻസിലെ ഉണരുക! ലേഖകൻ

ലോക​ത്തിൽ പത്തു കോടി​യി​ല​ധി​കം പേർ ഫ്രഞ്ച്‌ സംസാ​രി​ക്കു​ന്ന​വ​രാണ്‌. നിങ്ങൾ അവരി​ലൊ​രാ​ള​ല്ലെ​ങ്കിൽത്ത​ന്നെ​യും, അതിജീ​വ​ന​ത്തി​നാ​യുള്ള ഫ്രഞ്ച്‌ ബൈബി​ളി​ന്റെ പോരാ​ട്ട​ത്തെ​ക്കു​റി​ച്ചു വായി​ക്കു​ന്നത്‌ രസകര​മാ​യി​രി​ക്കും. മതസ്വാ​ത​ന്ത്ര്യ​വു​മാ​യി അതിനുള്ള ബന്ധമാണ്‌ ഭാഗി​ക​മായ കാരണം. നൂറ്റാ​ണ്ടു​ക​ളി​ലു​ട​നീ​ളം പല ഫ്രഞ്ച്‌ ബൈബി​ളു​ക​ളും ശത്രു​ക്ക​ളു​ടെ​യും വ്യാജ​സു​ഹൃ​ത്തു​ക്ക​ളു​ടെ​യും കരങ്ങളാൽ ക്രൂര​മാ​യി നശിപ്പി​ക്ക​പ്പെ​ട്ടി​ട്ടുണ്ട്‌. പരിഭാ​ഷ​ക​രും അച്ചടി​ക്കാ​രും കൊടിയ എതിർപ്പു​കളെ തൃണവൽഗ​ണി​ച്ചു​കൊണ്ട്‌ പോരാ​ടി, പലപ്പോ​ഴും ജീവൻതന്നെ പണയ​പ്പെ​ടു​ത്തി​ക്കൊണ്ട്‌.

12-ാം നൂറ്റാ​ണ്ടിൽ ബൈബിൾഭാ​ഗ​ങ്ങ​ളു​ടെ പരിഭാ​ഷകൾ ഫ്രഞ്ച്‌ ഉൾപ്പെടെ ഒട്ടനവധി പ്രാ​ദേ​ശിക ഭാഷക​ളിൽ ലഭ്യമാ​യി​രു​ന്നു. കത്തോ​ലി​ക്കാ​സഭ പാഷണ്ഡി​ക​ളാ​യി കണക്കാ​ക്കി​യി​രു​ന്ന​വ​രാണ്‌ അത്‌ ഉപയോ​ഗി​ക്കാൻ ആളുകളെ പ്രോ​ത്സാ​ഹി​പ്പി​ച്ചത്‌. എന്നാൽ ബൈബിൾ ഫ്രഞ്ചിൽ വ്യാപ​ക​മാ​യി വിതരണം ചെയ്യ​പ്പെ​ടു​ന്ന​തിന്‌ 19-ാം നൂറ്റാ​ണ്ടു​വരെ കാത്തി​രി​ക്കേ​ണ്ടി​വന്നു. നൂറ്റാ​ണ്ടു​ക​ളു​ടെ ദൈർഘ്യ​മുള്ള ഈ ഇടവേള, അതിജീ​വ​ന​ത്തി​നാ​യി ഫ്രഞ്ച്‌ ബൈബിൾ നേരിട്ട കടുത്ത പരി​ശോ​ധ​ന​കളെ പ്രദീ​പ്‌ത​മാ​ക്കു​ന്നു.

ഫ്രഞ്ചിലെ ആദ്യത്തെ പുസ്‌ത​ക​ങ്ങ​ളി​ലൊന്ന്‌ പൊ.യു. 900-ാം ആണ്ടോടെ പ്രസി​ദ്ധീ​ക​രിച്ച ഒരു ബൈബിൾ നിഘണ്ടു​വാ​യി​രു​ന്നു. ലത്തീൻ ഭാഷയി​ലുള്ള—കത്തോ​ലി​ക്കാ​സഭ ഉപയോ​ഗി​ച്ചി​രുന്ന ഭാഷ—ബൈബിൾ മനസ്സി​ലാ​ക്കാൻ വായന​ക്കാ​രെ സഹായി​ക്കുക എന്ന ഉദ്ദേശ്യ​ത്തോ​ടെ​യാണ്‌ അതു രൂപകൽപ്പന ചെയ്യ​പ്പെ​ട്ടത്‌. എന്നാൽ ആ സമയമാ​യ​പ്പോ​ഴേ​ക്കും നിരവധി ഉപഭാ​ഷകൾ ഉപയോ​ഗി​ച്ചി​രുന്ന സാധാ​ര​ണ​ക്കാർ ലത്തീൻ ഭാഷ ഉപയോ​ഗി​ക്കു​ന്നതു നിർത്തി​യി​രു​ന്നു. അങ്ങനെ അവർക്ക്‌ ദൈവ​വ​ച​ന​ത്തി​ന്റെ ലഭ്യത നിഷേ​ധി​ക്ക​പ്പെട്ടു. ബൈബി​ളി​ന്റെ കൈവ​ശാ​വ​കാ​ശം ലത്തീൻ ഭാഷ വായി​ക്കാ​ന​റി​യാ​മാ​യി​രുന്ന, അതിൽ പ്രാവീ​ണ്യം നേടി​യി​രുന്ന പുരോ​ഹി​ത​വർഗ​ത്തി​ന്റെ കുത്തക​യാ​യി നിലനി​ന്നു​പോ​ന്നു.

പൊ.യു. 842-ൽ ഫ്രഞ്ചിലെ ആദ്യത്തെ ഔദ്യോ​ഗിക ഗവൺമെൻറ്‌ പ്രമാണം പ്രത്യ​ക്ഷ​പ്പെട്ടു. ഭൂരി​ഭാ​ഗം ജനങ്ങളും മേലാൽ ലത്തീൻ സംസാ​രി​ച്ചി​രു​ന്നില്ല എന്നതി​നുള്ള മൂകമായ തെളി​വാ​യി​രു​ന്നു അത്‌. പൊ.യു. 880-ൽ ഫ്രാൻസിൽ പ്രാ​ദേ​ശിക ഭാഷയി​ലുള്ള മതകാ​വ്യ​ങ്ങൾ പ്രത്യ​ക്ഷ​പ്പെ​ടാൻ തുടങ്ങി. എങ്കിലും ബൈബിൾ ഭാഷാ​ന്ത​രങ്ങൾ പ്രത്യ​ക്ഷ​പ്പെ​ടാൻ പിന്നെ​യും രണ്ടു നൂറ്റാ​ണ്ടു​കൾകൂ​ടെ വേണ്ടി​വന്നു. ഇവയിൽ ആദ്യ​ത്തേ​തിൽ പെട്ടതാണ്‌ 12-ാം നൂറ്റാ​ണ്ടി​ന്റെ ആരംഭ​ത്തിൽ നിർമിച്ച, ബൈബിൾ ഭാഗങ്ങ​ളു​ടെ നോർമൻ ഫ്രഞ്ച്‌ ഭാഷാ​ന്ത​രങ്ങൾ.

യഥാർഥ പോരാ​ട്ടം ആരംഭി​ക്കു​ന്നു

ഫ്രാൻസി​ലെ ജനങ്ങൾക്ക്‌ വായി​ക്കാ​ന​റി​യാ​വുന്ന ഭാഷയിൽ തിരു​വെ​ഴു​ത്തു​കൾ ലഭ്യമാ​ക്കാ​നുള്ള ആദ്യത്തെ സുസം​ഘ​ടിത ശ്രമം നടത്തി​യത്‌ 12-ാം നൂറ്റാ​ണ്ടിൽ മധ്യ ഫ്രാൻസി​ലെ ലിയോ​ണിൽനി​ന്നുള്ള പീറ്റർ വാൾഡോ​യാണ്‌. വാൾഡോ, തെക്കു​കി​ഴക്കൻ ഫ്രാൻസിൽ സംസാ​രി​ച്ചി​രുന്ന ഒരു ഉപഭാ​ഷ​യായ പ്രൊ​വെൻസാ​ളി​ലേക്ക്‌ ബൈബിൾഭാ​ഗങ്ങൾ വിവർത്തനം ചെയ്യിച്ചു. 1179-ൽ, മൂന്നാം ലാറ്ററൻ കൗൺസി​ലിൽവെച്ച്‌, ഭാഗി​ക​മാ​യി വിവർത്തനം ചെയ്യപ്പെട്ട ആ ബൈബിൾ ഭാഷാ​ന്തരം അദ്ദേഹം അലക്‌സാ​ണ്ടർ മൂന്നാമൻ പാപ്പാ​യ്‌ക്കു സമർപ്പി​ച്ചു.

പിന്നീട്‌, സഭ വാൾഡോ​യെ​യും അനുയാ​യി​ക​ളെ​യും പാഷണ്ഡി​ക​ളെന്നു മുദ്ര​കു​ത്തി. അദ്ദേഹം വിവർത്തനം ചെയ്യിച്ച ബൈബിൾ പതിപ്പു​കൾ സന്ന്യാ​സി​മാർ കത്തിച്ചു​ക​ളഞ്ഞു. അതിൽപ്പി​ന്നെ, ദൈവ​വ​ചനം സാധാ​ര​ണ​ക്കാ​രു​ടെ കൈക​ളിൽ എത്തിക്കാ​നുള്ള എല്ലാ ശ്രമങ്ങ​ളെ​യും സഭ എതിർത്തു.

1211-ൽ, ഫ്രാൻസി​നു കിഴക്കുള്ള മെറ്റ്‌സ്‌ നഗരത്തിൽവെച്ച്‌ ബൈബി​ളു​കൾ കത്തിച്ച​തു​വഴി സഭ അതിന്റെ കുടിലത വ്യക്തമാ​ക്കി. 1229-ൽ ടുളൂസ്‌ കൗൺസിൽ അൽമായർ പ്രാ​ദേ​ശിക ഭാഷയി​ലുള്ള ബൈബി​ളു​ക​ളി​ലേ​തെ​ങ്കി​ലും ഉപയോ​ഗി​ക്കു​ന്ന​തി​നെ വ്യക്തമാ​യി​ത്തന്നെ വിലക്കി. തുടർന്ന്‌ 1234-ൽ സ്‌പെ​യി​നി​ലെ ടറാ​ഗോണ കൗൺസിൽ, ഏതെങ്കി​ലും ലത്തീ​നോ​ത്‌പ​ന്ന​ഭാ​ഷ​യി​ലുള്ള (ലത്തീനിൽനിന്ന്‌ ഉരുത്തി​രിഞ്ഞ ഭാഷ) ബൈബി​ളു​കൾ പുരോ​ഹി​തർപോ​ലും കൈവ​ശം​വെ​ക്കു​ന്നതു വിലക്കി.

ഇത്തരം കൊടിയ എതിർപ്പു​ക​ളു​ണ്ടാ​യി​രു​ന്നി​ട്ടും 13-ാം നൂറ്റാ​ണ്ടി​ന്റെ രണ്ടാം പകുതി​യോ​ടെ ഫ്രഞ്ചി​ലേക്കു പരിഭാ​ഷ​പ്പെ​ടു​ത്തിയ ആദ്യത്തെ സമ്പൂർണ ബൈബിൾ വിതരണം ചെയ്യ​പ്പെട്ടു. അജ്ഞാത​നായ ആരോ പരിഭാ​ഷ​പ്പെ​ടു​ത്തിയ ആ ബൈബി​ളി​ന്റെ കുറച്ചു പതിപ്പു​കളേ വിറ്റഴി​ക്ക​പ്പെ​ട്ടു​ള്ളൂ. അക്കാലത്ത്‌ ബൈബിൾ മുഴു​വ​നാ​യോ ഭാഗി​ക​മാ​യോ സാധാ​ര​ണ​ക്കാർക്ക്‌ ലഭ്യമാ​യി​രു​ന്നില്ല. പതിപ്പു​കൾ കൈ​കൊ​ണ്ടാണ്‌ നിർമി​ച്ചി​രു​ന്നത്‌. ഉയർന്ന വിലയും പരിമി​ത​മായ ലഭ്യത​യും മൂലം സമ്പന്നർക്കും പുരോ​ഹി​ത​വർഗ​ത്തി​നും മാത്രമേ ബൈബിൾ കൈവ​ശ​മാ​ക്കാൻ സാധി​ച്ചി​രു​ന്നു​ള്ളു.

ബൈബി​ളി​നെ പ്രതി​രോ​ധി​ക്കാ​നുള്ള ശ്രമങ്ങൾക്കു ജീവൻവെ​ക്കു​ന്നു

1450-ഓടെ യോഹാ​ന്നസ്‌ ഗുട്ടൻബർഗ്‌ അച്ചടി​ശാ​ല​യും കൈ​കൊണ്ട്‌ നിരത്താ​വുന്ന അച്ചും കണ്ടുപി​ടി​ച്ച​തി​ന്റെ ഫലമായി യൂറോ​പ്പി​ലു​ണ്ടായ അച്ചടി വിപ്ലവം ഫ്രാൻസി​നെ ഇളക്കി​മ​റി​ച്ചു. പാരീസ്‌, ലിയോൺസ്‌, റോവെൻ എന്നീ മൂന്ന്‌ ഫ്രഞ്ച്‌ നഗരങ്ങൾ പ്രമുഖ അച്ചടി​കേ​ന്ദ്ര​ങ്ങ​ളാ​യി മാറി. ബൈബി​ളി​നെ സംബന്ധി​ച്ചി​ട​ത്തോ​ളം അവ ബലമേ​റിയ സംരക്ഷ​ണ​കേ​ന്ദ്ര​ങ്ങ​ളാ​യി​ത്തീർന്നു.a

പോരാ​ട്ട​ത്തി​ന്റെ ഈ ഘട്ടംവരെ, ഫ്രഞ്ച്‌ ബൈബിൾ പരിഭാ​ഷ​ക​ളെ​ല്ലാം ലാറ്റിൻ വൾഗേ​റ്റി​നെ അടിസ്ഥാ​ന​പ്പെ​ടു​ത്തി​യു​ള്ള​താ​യി​രു​ന്നു. ആയിരം വർഷത്തെ നിരന്ത​ര​മായ പകർപ്പെ​ഴു​ത്തു മൂലം ലത്തീൻ പാഠത്തിൽ ഒട്ടേറെ തെറ്റുകൾ കടന്നു​കൂ​ടി​യി​രു​ന്നു. എന്നാൽ സഭ വൾഗേ​റ്റി​നെ മുറു​കെ​പ്പി​ടി​ച്ചു. എങ്കിലും ഫ്രാൻസി​ലെ ഒരു കത്തോ​ലി​ക്ക​നായ ഷാക്ക്‌ ലഫെവ്‌റെ ഡേറ്റപ്ല ആളുകൾക്ക്‌ ബൈബിൾ ലഭ്യമാ​ക്കാൻ തീരു​മാ​നി​ച്ചു. 1530-ൽ അദ്ദേഹം, ആയിട​യ്‌ക്ക്‌ ലഭ്യമാ​യി​രുന്ന എബ്രായ, ഗ്രീക്ക്‌ കൈ​യെ​ഴു​ത്തു​പ്ര​തി​കൾ ഉപയോ​ഗിച്ച്‌ വൾഗേ​റ്റി​ലെ ചില തെറ്റുകൾ തിരുത്തി അത്‌ ഫ്രഞ്ചി​ലേക്കു പരിഭാ​ഷ​പ്പെ​ടു​ത്തി. സഭ പാഠത്തിൽ തിരു​കി​ക്ക​യ​റ്റി​യി​രുന്ന കുഴപ്പി​ക്കുന്ന, ഉപദേ​ശ​പ​ര​മായ വ്യാഖ്യാ​ന​ങ്ങ​ളും അദ്ദേഹം നീക്കം ചെയ്‌തു.

ലഫെവ്‌റെ​യു​ടെ പരിഭാഷ താമസി​യാ​തെ ആക്രമ​ണ​ത്തി​നി​ര​യാ​യി. ചില പതിപ്പു​കൾ ഫ്രാൻസി​നു വെളി​യിൽ അച്ചടി​ക്കേ​ണ്ടി​വന്നു. സഭ നിരോ​ധി​ച്ചി​രുന്ന പുസ്‌ത​ക​ങ്ങ​ളു​ടെ പട്ടിക​യിൽ ഇവയെ ഉൾപ്പെ​ടു​ത്തി. കുറച്ചു കാല​ത്തേക്ക്‌ ലഫെവ്‌റെ​യ്‌ക്ക്‌ സ്റ്റ്രാസ്‌ബർഗിൽ, ഫ്രാൻസി​നു കിഴക്കാ​യി സ്ഥിതി ചെയ്‌തി​രുന്ന അക്കാലത്തെ ഒരു സ്വതന്ത്ര രാജകീയ നഗരത്തിൽ, അഭയം തേടേണ്ടി വന്നു. എന്നിരു​ന്നാ​ലും അദ്ദേഹ​ത്തി​ന്റെ പരിഭാഷ ഒരു വിജയ​മാ​യി​രു​ന്നു.

മൂല ഭാഷാ​പാ​ഠ​ങ്ങളെ ആധാര​മാ​ക്കി​യുള്ള, ബൈബി​ളി​ന്റെ ആദ്യ ഫ്രഞ്ച്‌ പരിഭാഷ 1535-ലാണ്‌ പ്രസി​ദ്ധീ​ക​രി​ച്ചത്‌. പരിഷ്‌കർത്താ​വായ ജോൺ കാൽവി​ന്റെ ബന്ധുവും, ഫ്രാൻസി​ലെ ഒരു പ്രൊ​ട്ട​സ്റ്റൻറു​കാ​ര​നു​മായ പ്യെർ റൊബെർ ഒലീ​വേറ്റൻ ആയിരു​ന്നു പരിഭാ​ഷകൻ. സഭയുടെ എതിർപ്പു​മൂ​ലം അതു ഫ്രാൻസിൽ അച്ചടി​ക്കാ​നാ​യില്ല. അതു​കൊണ്ട്‌ ഈ പരിഭാഷ ഒരു പുതിയ പ്രൊ​ട്ട​സ്റ്റൻറ്‌ താവള​മായ, സ്വിറ്റ്‌സർലൻഡി​ലെ ന്യൂഷ​റ്റ​ലി​ലാണ്‌ അച്ചടി​ച്ചത്‌. ഒലീ​വേ​റ്റന്റെ ഫ്രഞ്ച്‌ ബൈബിൾ പരിഭാഷ, തുടർന്നു വന്ന പല പരിഷ്‌ക​രിച്ച പതിപ്പു​കൾക്കും ബൈബിൾ പരിഭാ​ഷ​കൾക്കും ഒരു പ്രമാ​ണ​മാ​യി വർത്തിച്ചു.

അപകടം​പി​ടിച്ച പോരാ​ട്ടം

ഫ്രാൻസിൽ, ഏറ്റ്യൻ ഡൊ​ലെ​യെ​പോ​ലുള്ള ധൈര്യ​ശാ​ലി​ക​ളായ ചില അച്ചടി​ക്കാ​രെ 1546-ൽ ബൈബിൾ അച്ചടി​ച്ച​തി​ന്റെ പേരിൽ സ്‌തം​ഭ​ത്തി​ലേറ്റി ചുട്ടെ​രി​ച്ചു. 1546-ൽ ട്രെൻറ്‌ കൗൺസിൽ, തെറ്റു​ക​ളു​ണ്ടാ​യി​രു​ന്നി​ട്ടും വൾഗേ​റ്റി​ന്റെ “ആധികാ​രി​കത”യെ ആവർത്തി​ച്ചു സ്ഥിരീ​ക​രി​ച്ചു. അതിൽപ്പി​ന്നെ പ്രാ​ദേ​ശിക ഭാഷാ​ന്ത​ര​ങ്ങ​ളോ​ടുള്ള സഭയുടെ എതിർപ്പു​കൾ കൂടുതൽ രൂക്ഷമാ​കു​ക​യും ചെയ്‌തു. 1612-ൽ സ്‌പാ​നിഷ്‌ മതവി​ചാ​രണ, പ്രാ​ദേ​ശിക ബൈബി​ളു​കൾ ഉന്മൂലനം ചെയ്യാൻ ബൃഹത്തായ ഒരു സംരംഭം ആരംഭി​ച്ചു.

പീഡനങ്ങൾ ചില​പ്പോ​ഴൊ​ക്കെ വിദഗ്‌ധ രീതികൾ ആവിഷ്‌ക​രി​ക്കു​ന്ന​തി​നി​ട​യാ​ക്കി. “ഷിൻയാൺ” അഥവാ “ബൺ” ബൈബി​ളു​കൾ നിർമി​ക്ക​പ്പെട്ടു. ഒരു സ്‌ത്രീ​യു​ടെ വാർമു​ടി​ക്കെ​ട്ടിൽ ഒളിച്ചു​വെ​ക്കാ​വു​ന്ന​വി​ധം അത്ര ചെറു​താ​യി​രു​ന്നു അവ. 1754-ൽ എബ്രായ ഗ്രീക്ക്‌ തിരു​വെ​ഴു​ത്തു​ക​ളു​ടെ തിര​ഞ്ഞെ​ടുത്ത ഭാഗങ്ങൾ വെറും മൂന്നു സെൻറി​മീ​റ്റർ നീളവും അഞ്ച്‌ സെൻറി​മീ​റ്റർ വീതി​യു​മുള്ള ഒരു പുസ്‌ത​ക​മാ​യി അച്ചടി​ക്കു​ക​യു​ണ്ടാ​യി.

പ്രത്യാ​ക്ര​മ​ണ​ങ്ങൾ

എങ്കിലും ഒടുവിൽ കാറ്റ്‌ മാറി വീശി. നൂറ്റാ​ണ്ടു​ക​ളോ​ളം കുടി​ല​മായ ആക്രമ​ണങ്ങൾ നേരി​ട്ട​ശേഷം ബൈബി​ളിന്‌ അനുകൂ​ല​മായ പ്രത്യാ​ക്ര​മ​ണങ്ങൾ നടന്നു. ഫ്രഞ്ച്‌ വിപ്ലവത്തെ തുടർന്ന്‌ ലഭിച്ച പുതിയ ആശയങ്ങ​ളും ആരാധനാ സ്വാത​ന്ത്ര്യ​വും സഭയ്‌ക്കേറ്റ കനത്ത പ്രഹര​മാ​യി​രു​ന്നു. അങ്ങനെ 1803-ൽ പ്രൊ​ട്ട​സ്റ്റൻറു​കാ​രു​ടെ ഒരു പുതി​യ​നി​യമം ഫ്രാൻസിൽ അച്ചടി​ക്ക​പ്പെട്ടു, 125 വർഷത്തിൽ ആദ്യ​ത്തേത്‌!

ബൈബിൾ സൊ​സൈ​റ്റി​ക​ളും സഹായ​ഹ​സ്‌തം നീട്ടി. “തങ്ങളുടെ ഭാഷയിൽ ഈ ദിവ്യ​നി​ധി കൈവ​ശ​മി​ല്ലാത്ത ഫ്രഞ്ചു​കാർക്ക്‌ കഴിയു​ന്നി​ട​ത്തോ​ളം ഫ്രഞ്ച്‌ ബൈബി​ളു​കൾ ലഭ്യമാ​ക്കു​ന്ന​തി​നു​വേണ്ടി” 1792-ൽ ഇംഗ്ലണ്ടി​ലെ ലണ്ടനിൽ ഫ്രഞ്ച്‌ ബൈബിൾ സൊ​സൈറ്റി രൂപീ​ക​രി​ക്ക​പ്പെട്ടു. മറ്റു ബൈബിൾ സൊ​സൈ​റ്റി​ക​ളും ഈ പോരാ​ട്ട​ത്തിൽ അവരോ​ടു ചേർന്നു. ഫ്രഞ്ചിൽ ബൈബിൾ അച്ചടിച്ച്‌ വിതരണം ചെയ്യു​ക​യെന്ന അവരുടെ ലക്ഷ്യം വിജയം കണ്ടു.

കനത്ത പ്രഹരം

കത്തോ​ലി​ക്കാ​സഭ അതിന്റെ തന്ത്രങ്ങ​ളിൽ മാറ്റം വരുത്താൻ വിസമ്മ​തി​ച്ചെ​ങ്കി​ലും അത്‌ പോരാ​ട്ട​ത്തിൽ പരാജയം ഏറ്റുവാ​ങ്ങാൻ പോകു​ക​യാ​യി​രു​ന്നു. 19-ാം നൂറ്റാ​ണ്ടി​ലു​ട​നീ​ളം പ്രാ​ദേ​ശിക ഭാഷയിൽ ബൈബി​ളു​കൾ അച്ചടി​ക്കു​ന്ന​തി​നെ​തി​രെ പാപ്പാ​മാർ ഒന്നിനു​പു​റകേ ഒന്നായി ഒട്ടേറെ കൽപ്പനകൾ പുറ​പ്പെ​ടു​വി​ച്ചു. 1897-ൽ, ലിയോ പതിമൂ​ന്നാ​മൻ പാപ്പാ “കത്തോ​ലി​ക്ക​ന​ല്ലാത്ത ആരെങ്കി​ലും എഴുതി​യ​തും ഏതെങ്കി​ലും സാമാന്യ ഭാഷയി​ലെ​ഴു​തി​യ​തു​മായ വിശുദ്ധ ഗ്രന്ഥത്തി​ന്റെ എല്ലാ പതിപ്പു​ക​ളും—പ്രത്യേ​കി​ച്ചും റോമി​ലെ പാപ്പാ പലതവണ കുറ്റം വിധി​ച്ചി​രി​ക്കുന്ന ബൈബിൾ സൊ​സൈ​റ്റി​കൾ പ്രസി​ദ്ധീ​ക​രി​ച്ചി​രി​ക്കു​ന്നവ—നിരോ​ധി​ച്ചി​രി​ക്കു​ന്നു”വെന്ന്‌ വീണ്ടും സ്ഥിരീ​ക​രി​ച്ചു.

എങ്കിലും ബൈബിൾ സൊ​സൈ​റ്റി​കൾ പ്രസി​ദ്ധീ​ക​രിച്ച വിലകു​റ​വുള്ള ബൈബി​ളു​കൾ വ്യാപ​ക​മാ​യി ലഭ്യമാ​യി​രു​ന്ന​തി​നാൽ ബൈബിൾ ഫ്രഞ്ചി​ലേക്ക്‌ വിവർത്തനം ചെയ്യാൻ കത്തോ​ലി​ക്കാ​സഭ അതിന്റെ പണ്ഡിത​ന്മാ​രെ അനുവ​ദി​ച്ചു. ആദ്യം ഏഴു വാല്യ​ങ്ങ​ളാ​യും (1894-1904) പിന്നീട്‌ ഒറ്റ വാല്യ​മാ​യും (1904) പ്രസി​ദ്ധീ​ക​രിച്ച അഗസ്റ്റിൻ ക്രം​പൊ​ന്റെ പരിഭാ​ഷ​യാണ്‌ മൂലപാ​ഠ​ങ്ങളെ ആധാര​മാ​ക്കി​യുള്ള ആദ്യ ഫ്രഞ്ച്‌ കത്തോ​ലി​ക്കാ പരിഭാഷ. ആ പരിഭാ​ഷ​യിൽ പണ്ഡിത​ന്മാ​രു​ടെ നിരവധി അടിക്കു​റി​പ്പു​ക​ളു​ണ്ടെ​ന്ന​തും അത്‌ ദൈവ​നാ​മ​ത്തി​ന്റെ ഫ്രഞ്ച്‌ രൂപം, ഷെയോവ എന്നത്‌, വ്യാപ​ക​മാ​യി ഉപയോ​ഗി​ച്ചി​ട്ടു​ണ്ടെ​ന്ന​തും ശ്രദ്ധേ​യ​മായ സംഗതി​ക​ളാണ്‌.

വത്തിക്കാന്‌ മനംമാ​റ്റ​മു​ണ്ടാ​കു​ക​യും 1943-ലെ ഡീവീ​നോ ആഫ്‌ലാ​ന്റെ സ്‌പീ​റീ​റ​റ്യൂ എന്ന ചാക്രി​ക​ലേ​ഖ​ന​ത്തിൽ ബൈബിൾ പ്രാ​ദേ​ശിക ഭാഷക​ളി​ലേക്കു വിവർത്തനം ചെയ്യാ​നുള്ള നിയമങ്ങൾ ഏർപ്പെ​ടു​ത്തു​ക​യും ചെയ്‌തു. അതിൽപ്പി​ന്നെ, ആദ്യം ഫ്രഞ്ചിൽ പ്രസി​ദ്ധീ​ക​രിച്ച്‌ പിന്നീട്‌ ഇംഗ്ലീഷ്‌ ഉൾപ്പെടെ പല ഭാഷക​ളി​ലേ​ക്കും വിവർത്തനം ചെയ്യപ്പെട്ട, പ്രചാ​ര​മേ​റിയ ജറുസ​ലേം ബൈബിൾ ഉൾപ്പെടെ ഒട്ടേറെ കത്തോ​ലി​ക്കാ ഭാഷാ​ന്ത​രങ്ങൾ പ്രസി​ദ്ധീ​ക​രി​ക്ക​പ്പെ​ട്ടി​ട്ടുണ്ട്‌.

ഫ്രഞ്ച്‌ സംസാ​രി​ക്കുന്ന, ലോക​മാ​സ​ക​ല​മുള്ള ആളുകളെ സഹായി​ച്ചി​ട്ടുള്ള ഒരു ബൈബി​ളാണ്‌ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തി​ന്റെ ഫ്രഞ്ച്‌ പതിപ്പ്‌. 1974-ൽ സമ്പൂർണ രൂപത്തിൽ പ്രസി​ദ്ധീ​ക​രി​ക്ക​പ്പെട്ട അത്‌ 1995-ൽ പരിഷ്‌ക​രി​ക്ക​പ്പെ​ടു​ക​യു​ണ്ടാ​യി. ഇന്നോളം അത്‌ ഒട്ടേറെ ഭാഷക​ളിൽ പരിഭാ​ഷ​പ്പെ​ടു​ത്തി​യി​രി​ക്കു​ന്നു. അവയി​ലൊ​ക്കെ​യും എബ്രായ തിരു​വെ​ഴു​ത്തു​ക​ളി​ലും ഗ്രീക്ക്‌ തിരു​വെ​ഴു​ത്തു​ക​ളിൽ ഉചിത​മാ​യി​രി​ക്കു​ന്നി​ട​ത്തും യഹോവ എന്ന നാമം പുനഃ​സ്ഥി​തീ​ക​രി​ച്ചു​കൊണ്ട്‌ പുതി​യ​ലോക ഭാഷാ​ന്തരം ബൈബി​ളി​ന്റെ ഗ്രന്ഥകർത്താ​വി​നു മഹത്ത്വം കരേറ്റു​ന്നു. ഇതുവരെ, ഫ്രഞ്ച്‌ പതിപ്പി​ന്റെ 50 ലക്ഷത്തി​ല​ധി​കം പകർപ്പു​കൾ അച്ചടി​ക്ക​പ്പെ​ട്ടി​ട്ടുണ്ട്‌. ഫ്രഞ്ച്‌ ഭാഷയിൽ അതിജീ​വി​ക്കു​ന്ന​തി​നുള്ള പോരാ​ട്ട​ത്തിൽ ബൈബിൾ വിജയി​ച്ചി​രി​ക്കു​ന്നു​വെ​ന്ന​തി​നു സംശയ​മില്ല.

[അടിക്കു​റി​പ്പു​കൾ]

[16-ാം പേജിലെ ചിത്രം]

ലെഫെവ്‌റെ ഡേറ്റപ്ല​സി​ന്റെ 1530-ലെ ബൈബിൾ

[16-ാം പേജിലെ ചിത്രം]

ഒലിവെറ്റന്റെ 1535-ലെ ബൈബിൾ

[17-ാം പേജിലെ ചിത്രം]

“13-ാം നൂറ്റാ​ണ്ടി​ലെ” അപൂർവ മാതൃ​ക​യി​ലുള്ള ഒരു “ബൈബിൾ”

[17-ാം പേജിലെ ചിത്ര​ത്തിന്‌ കടപ്പാട്‌]

ബൈബിളുകൾ: Bibliothèque Nationale de France