കുട്ടി​യു​ടെ സംരക്ഷ​ണാ​വ​കാ​ശം—മതവും നിയമ​വും

വിവാ​ഹ​മോ​ച​ന​വും കുട്ടി​യു​ടെ സംരക്ഷ​ണാ​വ​കാ​ശ​വും സംബന്ധിച്ച കേസു​ക​ളിൽ മതം ഒരു പ്രധാന ഘടകം—സങ്കീർണ​മായ ഒന്ന്‌—ആയിരി​ക്കാൻ കഴിയും. ഉദാഹ​ര​ണ​ത്തിന്‌, പിൻവ​രു​ന്ന​തു​പോ​ലുള്ള ചോദ്യ​ങ്ങൾ ഉയർന്നു​വ​ന്നേ​ക്കാം.

മാതാ​പി​താ​ക്ക​ളി​ലൊ​രാൾ ഒരു പ്രത്യേക മതത്തിലെ, പ്രത്യേ​കി​ച്ചും ഒരു ന്യൂന​പ​ക്ഷ​മ​ത​വി​ഭാ​ഗ​ത്തി​ലെ, അംഗമാ​യി​രി​ക്കു​ന്ന​തു​കൊണ്ട്‌ അവൻ അല്ലെങ്കിൽ അവൾ കുട്ടി​യു​ടെ സംരക്ഷ​ണാ​വ​കാ​ശ​ത്തിന്‌ യോഗ്യ​നല്ല എന്ന സാക്ഷ്യത്തെ ജഡ്‌ജി കണക്കി​ലെ​ടു​ക്കേ​ണ്ട​തു​ണ്ടോ? തന്റെ അഭി​പ്രാ​യ​ത്തിൽ കുട്ടിക്ക്‌ ഏറ്റവും നല്ലത്‌ ഏതു മതമാ​യി​രി​ക്കും എന്നു നിർണ​യി​ക്കാൻ തക്കവണ്ണം ജഡ്‌ജി മാതാ​പി​താ​ക്ക​ളു​ടെ മതവി​ശ്വാ​സ​ങ്ങ​ളെ​യും ആചാര​ങ്ങ​ളെ​യും സംബന്ധിച്ച സാക്ഷ്യം പരിചി​ന്തി​ക്കേ​ണ്ട​തു​ണ്ടോ? എന്നിട്ട്‌ കുട്ടി ആ മതത്തിൽ വളർത്ത​പ്പെ​ട​ണ​മെ​ന്നും മറ്റു മതങ്ങളു​മാ​യുള്ള കുട്ടി​യു​ടെ എല്ലാ ബന്ധങ്ങളും വിലക്ക​ണ​മെ​ന്നും അദ്ദേഹം ഉത്തരവു പുറ​പ്പെ​ടു​വി​ക്ക​ണ​മോ?

ഇന്ന്‌, തങ്ങളുടെ മതപര​വും വർഗീ​യ​വു​മായ പശ്ചാത്ത​ല​ങ്ങൾക്കു വെളി​യിൽനിന്ന്‌ വിവാ​ഹം​ക​ഴി​ക്കുന്ന ആളുക​ളു​ടെ എണ്ണം ഏറിവ​രു​ക​യാണ്‌. അതു​കൊണ്ട്‌ ഈ ദമ്പതികൾ വിവാ​ഹ​മോ​ചി​ത​രാ​കു​മ്പോൾ കുട്ടി​കൾക്ക്‌ രണ്ട്‌ മതസമു​ദാ​യ​ങ്ങ​ളു​മാ​യി ബന്ധമു​ണ്ടാ​യി​രി​ക്കും. ചില​പ്പോൾ, വിവാ​ഹ​മോ​ചന നടപടി​ക​ളിൽ ഉൾപ്പെ​ട്ടി​രി​ക്കുന്ന ഒരു മാതാ​വോ പിതാ​വോ താൻ മുമ്പു പിൻപ​റ്റി​യി​രു​ന്ന​തിൽനി​ന്നു വ്യത്യ​സ്‌ത​മായ ഒരു മതം അടുത്ത​യി​ടെ സ്വീക​രി​ച്ചി​രി​ക്കാം. പുതിയ മതവു​മാ​യുള്ള ബന്ധം ആ മാതാ​വി​നെ അല്ലെങ്കിൽ പിതാ​വി​നെ സംബന്ധി​ച്ചി​ട​ത്തോ​ളം ജീവി​ത​ത്തിൽ ഭദ്രത പ്രദാ​നം​ചെ​യ്യുന്ന, ഒരു സുപ്ര​ധാന ഘടകം ആയിരു​ന്നേ​ക്കാം. അതേസ​മയം കുട്ടിക്ക്‌ അത്‌ അപരി​ചി​ത​മാ​യി​രു​ന്നേ​ക്കാം. അതു​കൊണ്ട്‌ മറ്റൊരു ചോദ്യം തലപൊ​ക്കു​ന്നു, മാതാ​പി​താ​ക്കൾ മുമ്പ്‌ ആചരി​ച്ചി​രുന്ന മതത്തിൽനി​ന്നു വ്യത്യ​സ്‌ത​മാണ്‌ എന്ന ഒറ്റ കാരണ​ത്താൽ കുട്ടി​കളെ ആ മതത്തിന്റെ യോഗ​ങ്ങൾക്കു കൊണ്ടു​പോ​കു​ന്ന​തിൽനിന്ന്‌ മാതാ​വി​നെ അല്ലെങ്കിൽ പിതാ​വി​നെ കോട​തി​ക്കു വിലക്കാൻ കഴിയു​മോ?

ഇവ ബുദ്ധി​മു​ട്ടുള്ള ചോദ്യ​ങ്ങ​ളാണ്‌. ജഡ്‌ജി കുട്ടി​യു​ടെ ആവശ്യ​ങ്ങൾക്കു പുറമേ മാതാ​പി​താ​ക്ക​ളു​ടെ താത്‌പ​ര്യ​ങ്ങ​ളും അവകാ​ശ​ങ്ങ​ളും കൂടെ കണക്കി​ലെ​ടു​ക്കു​ന്നത്‌ അവ ആവശ്യ​മാ​ക്കി​ത്തീർക്കു​ന്നു.

മാതാ​പി​താ​ക്ക​ളു​ടെ​യും കുട്ടി​ക​ളു​ടെ​യും മൗലി​കാ​വ​കാ​ശങ്ങൾ

ജഡ്‌ജി​മാർ വ്യക്തി​പ​ര​മായ മതവീ​ക്ഷ​ണ​ങ്ങ​ളാൽ സ്വാധീ​നി​ക്ക​പ്പെ​ട്ടേ​ക്കാ​മെ​ന്നതു സത്യം​തന്നെ. എങ്കിലും പല രാജ്യ​ങ്ങ​ളി​ലും മാതാ​പി​താ​ക്ക​ളു​ടെ​യോ കുട്ടി​യു​ടെ​യോ മതാവ​കാ​ശങ്ങൾ അവഗണി​ക്ക​പ്പെ​ടാ​നുള്ള സാധ്യ​ത​യില്ല. വിദ്യാ​ഭ്യാ​സ​പ​ര​വും മതപര​വു​മായ പ്രബോ​ധ​ന​വും മറ്റും നൽകി​ക്കൊണ്ട്‌ കുട്ടിയെ വളർത്തി​ക്കൊ​ണ്ടു​വ​രു​ന്ന​തി​നുള്ള മാതാ​പി​താ​ക്ക​ളു​ടെ മൗലി​കാ​വ​കാ​ശ​ത്തി​ന്മേൽ നിയ​ന്ത്ര​ണം​വെ​ക്കു​ന്ന​തിൽനിന്ന്‌ ജഡ്‌ജി​യെ തടയുന്ന ഭരണഘടന ഈ രാജ്യ​ങ്ങൾക്ക്‌ ഉണ്ടായി​രി​ക്കാം.

ഒപ്പംതന്നെ, മാതാ​പി​താ​ക്ക​ളിൽനിന്ന്‌ അത്തരം പരിശീ​ലനം സ്വീക​രി​ക്കു​ന്ന​തി​നുള്ള അവകാശം കുട്ടി​ക്കു​മുണ്ട്‌. “ഇന്നിന്ന മതാചാ​രങ്ങൾ കുട്ടി​യു​ടെ ശാരീ​രിക ക്ഷേമത്തിന്‌ സത്വര​വും സാരവും ആയ ഭീഷണി ഉയർത്തു​ന്നു” എന്ന്‌ ബോധ്യ​പ്പെ​ടു​ത്തുന്ന തെളി​വു​കൾ കോടതി കേട്ടതി​നു​ശേ​ഷമേ ഒരു ജഡ്‌ജി കുട്ടി​യു​ടെ മതപരി​ശീ​ല​ന​ത്തിൽ നിയമ​പ​ര​മാ​യി ഇടപെ​ടാൻ പാടുള്ളൂ. (ചെരി​ച്ചെ​ഴു​ത്തു ഞങ്ങളു​ടേത്‌.) മതത്തെ സംബന്ധി​ച്ചുള്ള ചില്ലറ വിയോ​ജി​പ്പു​ക​ളോ അതിന്റെ പേരിൽ മാതാ​പി​താ​ക്കൾ തമ്മിലുള്ള ശത്രു​ത​പോ​ലു​മോ സർക്കാ​രി​ന്റെ ഇടപെ​ട​ലി​നുള്ള മതിയായ ന്യായീ​ക​ര​ണമല്ല.

സംരക്ഷ​ണാ​വ​കാ​ശം സംബന്ധിച്ച്‌ യു.എസ്‌.എ.-യിലെ നെബ്രാ​സ്‌ക​യിൽ നടന്ന ഒരു തർക്കത്തിൽ യഹോ​വ​യു​ടെ സാക്ഷി​യായ ഒരു മാതാവ്‌ എടുത്ത ന്യായ​യു​ക്ത​മായ നിലപാട്‌, നിയമ​പ​ര​മായ ഈ കരുത​ലു​കൾ മാതാ​പി​താ​ക്ക​ളെ​യും കുട്ടി​ക​ളെ​യും എങ്ങനെ സംരക്ഷി​ക്കു​ന്നു​വെന്നു ചിത്രീ​ക​രി​ക്കു​ന്നു. രാജ്യ​ഹാ​ളിൽവെച്ചു നടക്കുന്ന യഹോ​വ​യു​ടെ സാക്ഷി​ക​ളു​ടെ മതയോ​ഗ​ങ്ങ​ളിൽ തന്റെ മകൾ പങ്കെടു​ക്കു​ന്നത്‌ സാക്ഷി​യ​ല്ലാത്ത പിതാ​വിന്‌ ഇഷ്ടമല്ലാ​യി​രു​ന്നു. ഒരു കീഴ്‌ക്കോ​ടതി പിതാ​വി​ന്റെ അഭി​പ്രാ​യ​ത്തോ​ടു യോജി​പ്പു പ്രകട​മാ​ക്കി.

മാതാവ്‌ അപ്പോൾ നെബ്രാ​സ്‌ക​യി​ലെ സുപ്രീം​കോ​ട​തിക്ക്‌ അപ്പീൽ സമർപ്പി​ച്ചു. യഹോ​വ​യു​ടെ സാക്ഷി​ക​ളു​ടെ ഏതെങ്കി​ലും പ്രവർത്ത​നങ്ങൾ കുട്ടി​യു​ടെ ക്ഷേമത്തിന്‌ സത്വര​മോ സാരമോ ആയ ഭീഷണി ഉയർത്തു​ന്നു​വെ​ന്ന​തിന്‌ യാതൊ​രു തെളി​വു​മി​ല്ലെന്ന്‌ മാതാവ്‌ വാദിച്ചു. “മാതാ​പി​താ​ക്ക​ളി​രു​വ​രു​ടെ​യും മതപ്ര​വർത്ത​ന​ങ്ങ​ളിൽ ഹാജരാ​കു​ന്ന​തും പങ്കുപ​റ്റു​ന്ന​തും . . . കാര്യങ്ങൾ മനസ്സി​ലാ​ക്കാ​നുള്ള പ്രായ​ത്തി​ലെ​ത്തു​മ്പോൾ കുട്ടിക്കു താൻ ഏതു മതം തിര​ഞ്ഞെ​ടു​ക്ക​ണ​മെന്നു തീരു​മാ​നി​ക്കാ​നുള്ള അടിസ്ഥാ​നം പ്രദാ​നം​ചെ​യ്യു​മെന്ന്‌” മാതാവ്‌ സാക്ഷ്യ​പ്പെ​ടു​ത്തി.

മേൽക്കോ​ടതി കീഴ്‌ക്കോ​ട​തി​യു​ടെ തീർപ്പി​നെ​തി​രാ​യി വിധി​കൽപ്പി​ച്ചു. “മൈന​റായ തന്റെ കുട്ടിക്ക്‌ ഏതു തരം മതപരി​ശീ​ലനം നൽകണ​മെന്നു തീരു​മാ​നി​ക്കാ​നുള്ള, സംരക്ഷ​ണാ​വ​കാ​ശ​മുള്ള മാതാ​വി​ന്റെ അവകാ​ശ​ത്തിന്‌ പരിധി​കൾ കൽപ്പി​ച്ചു​കൊണ്ട്‌ [കീഴ്‌]ക്കോടതി അതിന്റെ വിവേ​ച​നാ​ധി​കാ​രം ദുരു​പ​യോ​ഗ​പ്പെ​ടു​ത്തി” എന്ന്‌ അതു വിധിച്ചു. യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ മതയോ​ഗ​ങ്ങ​ളിൽ ഹാജരാ​കു​ന്നത്‌ കുട്ടിക്ക്‌ ഹാനി​ക​ര​മാ​ണെ​ന്ന​തിന്‌ യാതൊ​രു തെളി​വു​മി​ല്ലാ​യി​രു​ന്നു.

സംരക്ഷ​ണാ​വ​കാ​ശ​മി​ല്ലാത്ത മാതാ​പി​താ​ക്ക​ളു​ടെ അവകാ​ശ​ങ്ങൾ

വിവാ​ഹ​മോ​ചി​ത​രായ മാതാ​പി​താ​ക്കൾ ചില​പ്പോൾ മതപരി​ശീ​ലനം സംബന്ധിച്ച തർക്കങ്ങളെ കുട്ടി​ക​ളു​ടെ നിയ​ന്ത്രണം ഏറ്റെടു​ക്കു​ന്ന​തി​നുള്ള മാർഗ​മാ​യി ഉപയോ​ഗി​ക്കാ​റുണ്ട്‌. ഉദാഹ​ര​ണ​ത്തിന്‌ യു.എസ്‌.എ.-യിലെ ന്യൂ മെക്‌സി​ക്കോ സംസ്ഥാ​നത്തു നടന്ന കാൽസ​യ്‌ക്കെ​തി​രെ കാൽസ എന്ന കേസിൽ ഉൾപ്പെ​ട്ടി​രുന്ന മാതാ​പി​താ​ക്കൾ വിവാ​ഹി​ത​രാ​യി​രു​ന്ന​പ്പോൾ സിക്കു​മ​താ​നു​സാ​രി​ക​ളാ​യി​രു​ന്നു. എന്നാൽ വിവാ​ഹ​മോ​ച​നം​നേടി അധികം താമസി​യാ​തെ മാതാവ്‌ കത്തോ​ലി​ക്കാ​മ​ത​ത്തിൽ ചേരു​ക​യും സിക്കു​മതം ആചരി​ക്കു​ന്ന​തിൽനി​ന്നു കുട്ടി​കളെ നിരു​ത്സാ​ഹ​പ്പെ​ടു​ത്താൻ തുടങ്ങു​ക​യും ചെയ്‌തു.

ഇതിൽ അസ്വസ്ഥ​നായ പിതാവ്‌, കുട്ടി​കളെ സിക്കു​മ​ത​ത്തിൽ പരിശീ​ലി​പ്പി​ക്കാ​നുള്ള കൂടുതൽ അധികാ​ര​ത്തി​നാ​യി കോട​തി​യെ സമീപി​ച്ചു. വിചാ​ര​ണ​ക്കോ​ടതി പിതാ​വി​ന്റെ അപേക്ഷ​യോട്‌ എങ്ങനെ​യാണ്‌ പ്രതി​ക​രി​ച്ചത്‌? അത്‌ അദ്ദേഹ​ത്തി​ന്റെ അപേക്ഷ തള്ളിക്ക​ളഞ്ഞു. “[അദ്ദേഹ]ത്തോ​ടൊ​പ്പ​മാ​യി​രി​ക്കു​മ്പോൾ കുട്ടി​കൾക്ക്‌ ഗുരു​ദ്വാ​ര​യി​ലെ പ്രവർത്ത​നങ്ങൾ, സിക്കു​മതം സംഘടി​പ്പി​ക്കുന്ന ക്യാമ്പിങ്‌ പരിപാ​ടി​കൾ എന്നിങ്ങ​നെ​യുള്ള ഏതെങ്കി​ലും സിക്കു​മ​ത​പ്ര​വർത്ത​ന​ങ്ങ​ളിൽ സ്വമേ​ധ​യാ​യോ അല്ലാ​തെ​യോ പങ്കെടു​ക്കാ​നോ സിക്ക്‌ ദിനപ​രി​പാ​ലന കേന്ദ്ര​ത്തി​ന്റെ സംരക്ഷണം അനുഭ​വി​ക്കാ​നോ കഴിയി​ല്ലെന്ന്‌” വിചാ​ര​ണ​ക്കോ​ടതി ഉത്തരവി​ട്ടു.

പിതാവ്‌ ഈ വിധി​ക്കെ​തി​രെ ന്യൂ മെക്‌സി​ക്കോ അപ്പീൽക്കോ​ട​തിക്ക്‌ അപ്പീൽ സമർപ്പി​ച്ചു. ഈ മേൽക്കോ​ടതി പിതാ​വി​ന്റെ അഭി​പ്രാ​യ​ത്തോ​ടു യോജി​ക്കു​ക​യും വിചാ​ര​ണ​ക്കോ​ട​തി​യു​ടെ തീർപ്പി​നെ​തി​രാ​യി വിധി​കൽപ്പി​ക്കു​ക​യും ചെയ്‌തു. അപ്പീൽക്കോ​ടതി ഇങ്ങനെ പ്രസ്‌താ​വി​ച്ചു: “കോട​തി​കൾ മതങ്ങളു​ടെ കാര്യ​ത്തിൽ നിഷ്‌പക്ഷത പാലി​ക്കണം. കുട്ടി​കൾക്കു ദോഷ​മു​ണ്ടാ​കു​ന്ന​താ​യി വ്യക്തവും ഈടു​റ്റ​തു​മായ തെളി​വു​ണ്ടെ​ങ്കിൽ മാത്രമേ വളരെ ശ്രദ്ധിച്ചു കൈകാ​ര്യം​ചെ​യ്യേ​ണ്ട​തും ഭരണഘ​ട​നാ​പ​ര​മാ​യി സംരക്ഷി​ക്ക​പ്പെ​ട്ടി​രി​ക്കു​ന്ന​തു​മായ ഈ മേഖല​യിൽ കൈക​ട​ത്താ​വു. കോടതി ഈ മേഖല​യിൽ പരിമി​തി​കൾ വെക്കു​മ്പോൾ ആ പരിമി​തി​കൾ മാതാ​വി​ന്റെ​യോ പിതാ​വി​ന്റെ​യോ മതസ്വാ​ത​ന്ത്ര്യ​ത്തിൻമേൽ ഭരണഘ​ട​നാ​പ​ര​മ​ല്ലാ​തെ കൈക​ട​ത്തു​ന്ന​തി​നോ അല്ലെങ്കിൽ ഫലത്തിൽ അത്‌ അങ്ങനെ ആയിരി​ക്കു​ന്ന​താ​യി കണക്കാ​ക്ക​പ്പെ​ടു​ന്ന​തി​നോ ഉള്ള അപകട​മുണ്ട്‌.”

അത്തര​മൊ​രു തീർപ്പി​നു പിന്നിൽ പല രാജ്യ​ങ്ങ​ളി​ലും സുസ്ഥാ​പി​ത​മായ തത്ത്വങ്ങ​ളു​ടെ ഒരു നീണ്ട നിരത​ന്നെ​യുണ്ട്‌. ന്യായ​ബോ​ധ​മുള്ള ഒരു മാതാ​വോ പിതാ​വോ ഈ തത്ത്വങ്ങൾ പരിചി​ന്തി​ക്കും. കൂടാതെ, മാതാ​പി​താ​ക്കൾ രണ്ടു​പേ​രു​മാ​യി ഇടപഴ​കേ​ണ്ട​തി​നുള്ള കുട്ടി​യു​ടെ ആവശ്യ​ത്തെ​ക്കു​റി​ച്ചും മാതാ​വി​നോ​ടും പിതാ​വി​നോ​ടും ആദരവു പ്രകടി​പ്പി​ക്കാ​നുള്ള കുട്ടി​യു​ടെ കടപ്പാ​ടി​നെ​ക്കു​റി​ച്ചും ഒരു ക്രിസ്‌തീയ പിതാവ്‌ അല്ലെങ്കിൽ മാതാവ്‌ ശ്രദ്ധാ​പൂർവം പരിചി​ന്തി​ക്കും.—എഫെസ്യർ 6:1-3.

കോട​തി​ക്കു വെളി​യി​ലുള്ള മധ്യസ്ഥത

കോട​തി​ക്കു വെളി​യി​ലുള്ള മധ്യസ്ഥത ഒരു ജഡ്‌ജി​യു​ടെ മുന്നിൽവെ​ച്ചുള്ള വിചാ​ര​ണ​യു​ടെ​യ​ത്ര​യും ഔപചാ​രി​ക​മ​ല്ലാ​യി​രി​ക്കാ​മെ​ങ്കി​ലും മാതാ​വോ പിതാ​വോ അതിനെ നിസ്സാ​ര​മാ​യി കാണരുത്‌. ഈ സംരക്ഷ​ണാ​വ​കാശ നടപടി​യു​ടെ സമയത്ത്‌ അന്യോ​ന്യം ഏതെങ്കി​ലും കരാറു​ക​ളി​ലോ വ്യവസ്ഥ​ക​ളി​ലോ എത്തി​ച്ചേ​രു​ക​യാ​ണെ​ങ്കിൽ തുടർന്നുള്ള കോടതി ഉത്തരവു​ക​ളി​ലൂ​ടെ അവ ഉറപ്പി​ക്കാ​നും കഴിയും. അതു​കൊണ്ട്‌, സംരക്ഷ​ണാ​വ​കാ​ശം സംബന്ധിച്ച എല്ലാ കാര്യ​ങ്ങ​ളും ഉചിത​മാ​യും നിയമ​പ​ര​മാ​യും കൈകാ​ര്യം ചെയ്യ​പ്പെ​ടു​ന്നു​വെന്ന്‌ ഉറപ്പു​വ​രു​ത്താ​നാ​യി മാതാ​വോ പിതാ​വോ അനുഭ​വ​സ​മ്പ​ന്ന​നായ ഒരു കുടും​ബ​നി​യമ അഭിഭാ​ഷ​ക​നോട്‌ ഉപദേശം ആരായു​ന്നതു ബുദ്ധി​യാ​യി​രി​ക്കും.

മാതാ​പി​താ​ക്ക​ളി​ലോ​രോ​രു​ത്ത​രും മധ്യസ്ഥതാ നടപടി​ക്കു​വേണ്ടി തയ്യാറാ​കു​ന്ന​തിന്‌ സമയ​മെ​ടു​ക്കണം. മാതാ​വി​ന്റെ അല്ലെങ്കിൽ പിതാ​വി​ന്റെ മധ്യസ്ഥതാ നടപടി​യു​ടെ സമയത്തെ പെരു​മാ​റ്റ​വും നടത്തയും അനന്തര​ഫ​ലത്തെ വളരെ​യ​ധി​കം സ്വാധീ​നി​ക്കും. ഒട്ടുമി​ക്ക​പ്പോ​ഴും, വിവാ​ഹ​മോ​ചി​ത​രാ​കുന്ന മാതാ​പി​താ​ക്കൾ വിവാ​ഹ​മോ​ചന നടപടി​യിൽ വൈകാ​രി​ക​മാ​യി അങ്ങേയറ്റം ഉൾപ്പെ​ട്ടു​പോ​കു​ന്ന​തു​കൊണ്ട്‌ ഇത്തരം പ്രധാന സംഗതി​കൾ വിട്ടു​ക​ള​യു​ന്നു: കുട്ടിക്ക്‌ ഏറ്റവും പ്രയോ​ജ​ന​കരം എന്താണ്‌? കുട്ടി​യു​ടെ മാനസി​ക​വും വൈകാ​രി​ക​വും ശാരീ​രി​ക​വു​മായ വളർച്ച​യ്‌ക്ക്‌ എന്താണ്‌ ആവശ്യ​മാ​യി​രി​ക്കു​ന്നത്‌?

നിയമ​ത്തി​ന്റെ ദൃഷ്ടി​യിൽ മധ്യസ്ഥ​ത​യി​ലെ പ്രഥമ സംഗതി മതപര​മോ വ്യക്തി​പ​ര​മായ മറ്റേ​തെ​ങ്കി​ലു​മോ അഭി​പ്രാ​യ​വ്യ​ത്യാ​സ​ങ്ങളല്ല, മറിച്ച്‌, മാതാ​പി​താ​ക്കൾക്കി​രു​വർക്കും യോജി​പ്പുള്ള ഒരു സംഗതി കണ്ടെത്തി കുട്ടി​ക​ളു​ടെ ക്ഷേമത്തി​നു​ത​കും​വി​ധം ഒരു ഒത്തുതീർപ്പിൽ എത്തി​ച്ചേ​രാൻ എങ്ങനെ കഴിയു​മെ​ന്ന​താണ്‌. മാതാ​വോ പിതാ​വോ ഒരുപക്ഷേ മതപര​മോ മറ്റുത​ര​ത്തി​ലു​ള്ള​തോ ആയ മുൻവി​ധി​ക​ളെ​യോ അപ്രതീ​ക്ഷിത ചോദ്യ​ങ്ങ​ളെ​യോ ക്ഷോഭി​പ്പി​ക്കു​ന്ന​തി​നും പരി​ഭ്ര​മി​പ്പി​ക്കു​ന്ന​തി​നും വേണ്ടി രൂപകൽപ്പ​ന​ചെയ്‌ത കൃത്രി​മോ​പാ​യ​ങ്ങ​ളെ​യോ നേരി​ട്ടേ​ക്കാം. മാതാ​പി​താ​ക്ക​ളിൽ ഓരോ​രു​ത്ത​രു​ടെ​യും കുറവു​കൾ തുറന്നു​കാ​ട്ടു​ക​യോ ഊതി​പ്പെ​രു​പ്പി​ച്ചു കാണി​ക്കു​ക​യോ പോലും ചെയ്‌തേ​ക്കാം. എങ്കിലും, ഉൾപ്പെ​ട്ടി​രി​ക്കു​ന്നവർ ന്യായ​ബോ​ധ​മു​ള്ള​വ​രാ​യി​രി​ക്കു​മ്പോൾ ഒരു തീരു​മാ​ന​ത്തി​ലെ​ത്താൻ കഴിയും.

ചില​പ്പോൾ മധ്യസ്ഥതാ നടപടി ദീർഘി​ച്ച​തും വിഫല​വു​മാ​യി തോന്നി​യേ​ക്കാം. അതല്ലെ​ങ്കിൽ പിന്നെ​യുള്ള മാർഗം ദീർഘിച്ച വ്യവഹാ​ര​മാണ്‌. ഫലമോ, അത്‌ നാടു​മു​ഴു​വൻ പാട്ടാ​കു​മെന്നു മാത്രമല്ല, നല്ല പണച്ചെ​ല​വു​മുണ്ട്‌. കൂടാതെ അത്‌ കുട്ടി​യിൽ ഹാനി​ക​ര​മായ ഫലമു​ള​വാ​ക്കു​ക​യും ചെയ്യും. തീർച്ച​യാ​യും അതത്ര അഭികാ​മ്യ​മല്ല. ജീവി​ത​ത്തി​ലെ ഗൗരവ​മേ​റിയ മറ്റെല്ലാ പ്രശ്‌ന​ങ്ങ​ളെ​യും സമീപി​ക്കു​ന്ന​തു​പോ​ലെ​തന്നെ, ഒരു ക്രിസ്‌തീയ മാതാവ്‌ അല്ലെങ്കിൽ പിതാവ്‌ ഈ നിശ്വസ്‌ത ക്ഷണം അനുസ്‌മ​രി​ച്ചു​കൊണ്ട്‌ മധ്യസ്ഥതാ നടപടി​യെ പ്രാർഥ​നാ​പൂർവം സമീപി​ക്കാൻ ആഗ്രഹി​ക്കും: “നിന്റെ വഴി യഹോ​വയെ ഭരമേ​ല്‌പിക്ക; അവനിൽ തന്നേ ആശ്രയിക്ക; അവൻ അതു നിർവ്വ​ഹി​ക്കും.”—സങ്കീർത്തനം 37:5.

എന്നാൽ പരിഹാ​രം കാണാൻ കഴിയാ​തെ വരുക​യും കുട്ടി​യു​ടെ സംരക്ഷ​ണാ​വ​കാ​ശം ജഡ്‌ജി മാതാ​പി​താ​ക്ക​ളിൽ മറ്റേയാൾക്കു കൊടു​ക്കു​ക​യും ചെയ്യു​ന്നെ​ങ്കി​ലെന്ത്‌? അല്ലെങ്കിൽ വിവാ​ഹ​മോ​ചി​ത​രാ​കുന്ന മാതാ​പി​താ​ക്ക​ളി​ലൊ​രാൾ ക്രിസ്‌തീയ സഭയിൽനിന്ന്‌ പുറത്താ​ക്ക​പ്പെട്ട ആളാ​ണെ​ങ്കി​ലെന്ത്‌? കൂടാതെ, സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കു​ന്ന​തി​നെ​യും ഒരാൾക്കു​മാ​ത്രം ആയിരി​ക്കു​ന്ന​തി​നെ​യും എങ്ങനെ വീക്ഷി​ക്കണം? ഈ ചോദ്യ​ങ്ങ​ളും ബന്ധപ്പെട്ട ബൈബിൾ തത്ത്വങ്ങ​ളും പിൻവ​രുന്ന ലേഖന​ത്തിൽ ചർച്ച​ചെ​യ്യു​ന്ന​താ​യി​രി​ക്കും.

[6-ാം പേജിലെ ചതുരം]

പ്രധാനപ്പെട്ട മൂന്നു ഗുണങ്ങൾ

പിൻവ​രുന്ന പ്രധാ​ന​പ്പെട്ട മൂന്നു ഗുണങ്ങൾ ഒരു മാതാ​വി​ലോ പിതാ​വി​ലോ ഉണ്ടായി​രി​ക്കാൻ താനാ​ഗ്ര​ഹി​ക്കു​ന്ന​താ​യി ഉണരുക! അഭിമു​ഖം നടത്തിയ ഒരു കുടും​ബ​ക്കോ​ടതി ജഡ്‌ജി പറയു​ക​യു​ണ്ടാ​യി:

ന്യായബോധം—കുട്ടി​യു​മാ​യി പരമാ​വധി ഇടപഴ​കാൻ (കുട്ടിക്ക്‌ ശാരീ​രി​ക​മോ ധാർമി​ക​മോ ആയ ഭീഷണി ഇല്ലാത്ത​പക്ഷം) മാതാ​പി​താ​ക്ക​ളിൽ മറ്റേയാ​ളെ അനുവ​ദി​ക്കു​ന്ന​തി​നുള്ള മനസ്സൊ​രു​ക്കം

സംവേദകത്വം—കുട്ടി​യു​ടെ വൈകാ​രിക ആവശ്യ​ങ്ങ​ളെ​ക്കു​റി​ച്ചുള്ള അവബോ​ധം

ആത്മനിയന്ത്രണം—കുട്ടിക്ക്‌ പരിപു​ഷ്ടി​പ്രാ​പി​ക്കാൻ കഴിയുന്ന ശാന്തമായ അന്തരീക്ഷം സംഭാ​വ​ന​ചെ​യ്യുന്ന സന്തുലി​ത​മായ ഒരു ഗാർഹി​ക​ജീ​വി​തം

[6-ാം പേജിലെ ചതുരം]

നീതിന്യായ മാർഗ​നിർദേ​ശങ്ങൾ

ചില ജഡ്‌ജി​മാർ മാർഗ​നിർദേ​ശങ്ങൾ പ്രദാ​നം​ചെ​യ്‌തു​കൊണ്ട്‌ മാതാ​വി​ന്റെ​യോ പിതാ​വി​ന്റെ​യോ മതപര​മായ മൂല്യ​ങ്ങളെ ചൊല്ലി​യുള്ള അനാവശ്യ തർക്കങ്ങൾ ഒഴിവാ​ക്കാൻ ശ്രമി​ച്ചി​ട്ടുണ്ട്‌. ഉദാഹ​ര​ണ​ത്തിന്‌:

1. കുട്ടി​യും മാതാ​പി​താ​ക്ക​ളി​രു​വ​രും തമ്മിൽ അർഥവ​ത്തായ ഒരു ബന്ധം ഉണ്ടായി​രി​ക്കാൻ പ്രോ​ത്സാ​ഹി​പ്പി​ക്കണം. “തന്റെ യഥാർഥ വ്യക്തി​ത്വം [പിൻപ​റ്റുന്ന മതം ഉൾപ്പെടെ] തിരി​ച്ച​റി​യി​ക്കാൻ ഉതകുന്ന പ്രവർത്ത​ന​ങ്ങ​ളിൽ ഏർപ്പെ​ടാൻ” മാതാ​പി​താ​ക്ക​ളി​ലോ​രോ​രു​ത്ത​രെ​യും അനുവ​ദി​ക്ക​ണ​മെന്ന്‌ കാനഡ​യു​ടെ സുപ്രീം കോടതി ജഡ്‌ജി​യായ ജോൺ സോപിങ്ക അഭി​പ്രാ​യ​പ്പെട്ടു. “സന്ദർശ​നാ​വ​കാ​ശ​മുള്ള മാതാ​വോ പിതാ​വോ കുട്ടി​യു​മൊ​ത്തു സമയം ചെലവ​ഴി​ക്കു​മ്പോൾ താൻ യഥാർഥ​ത്തിൽ ആയിരി​ക്കു​ന്ന​തിൽനി​ന്നു വ്യത്യ​സ്‌ത​മാ​യി ഇടപെ​ടാ​നോ ഒരു നാട്യ ജീവി​ത​രീ​തി പ്രകടി​പ്പി​ക്കാ​നോ പ്രതീ​ക്ഷി​ക്ക​പ്പെ​ടു​ന്നില്ല.”

2. കുട്ടിക്ക്‌ സത്വര​വും സാരവു​മായ ദോഷം ചെയ്യു​ന്ന​താ​യി വ്യക്തവും ഈടു​റ്റ​തു​മായ തെളി​വി​ല്ലാ​ത്ത​പക്ഷം, കുട്ടിയെ തന്റെ മതവി​ശ്വാ​സങ്ങൾ പഠിപ്പി​ക്കു​ന്ന​തിൽനിന്ന്‌ സന്ദർശ​നാ​വ​കാ​ശ​മുള്ള മാതാ​വി​നെ​യോ പിതാ​വി​നെ​യോ തടയു​ന്നത്‌ ആ വ്യക്തി​യു​ടെ മതസ്വാ​ത​ന്ത്ര്യ​ത്തി​ന്മേ​ലുള്ള കൈക​ട​ത്ത​ലാണ്‌.

[7-ാം പേജിലെ ചിത്രം]

സംരക്ഷണാവകാശ കേസു​ക​ളിൽ ജഡ്‌ജി​മാർ ഭാരിച്ച ഉത്തരവാ​ദി​ത്വം വഹിക്കു​ന്നു

[8-ാം പേജിലെ ചിത്രം]

ദീർഘിച്ച കോടതി നടപടി​കൾ കൂടാതെ ഭിന്നതകൾ പരിഹ​രി​ക്കാൻ ഒരു മധ്യസ്ഥന്‌ മാതാ​പി​താ​ക്കളെ സഹായി​ക്കാ​നാ​കും