കുട്ടി​യു​ടെ സംരക്ഷ​ണാ​വ​കാ​ശം—സമനി​ല​യുള്ള വീക്ഷണം

പലപ്പോ​ഴും യഥാർഥ വെല്ലു​വി​ളി ആരംഭി​ക്കു​ന്നത്‌ വിവാ​ഹ​മോ​ച​ന​ത്തി​നു ശേഷമാണ്‌. കാരണം, കുട്ടി​യു​ടെ സ്‌നേ​ഹ​ത്തി​നും അവന്റെ​മേ​ലുള്ള നിയ​ന്ത്ര​ണ​ത്തി​നും വേണ്ടി​യുള്ള പോരാ​ട്ടം തുടങ്ങു​ന്നത്‌ അപ്പോ​ഴാണ്‌. “രണ്ടു കയ്യും കൂട്ടി​ത്ത​ല്ലി​യാ​ലേ ഒച്ച കേൾക്കൂ” എന്ന പഴമൊ​ഴി എല്ലായ്‌പോ​ഴും സത്യമല്ല. ‘താൻ പിടിച്ച മുയലി​നു മൂന്നു കൊമ്പ്‌’ എന്നു വാദി​ക്കുന്ന മേധാ​വി​ത്വ മനോ​ഭാ​വ​മുള്ള ഒരു മാതാവ്‌ അല്ലെങ്കിൽ പിതാവ്‌ മതി പ്രശ്‌ന​മു​ണ്ടാ​ക്കാൻ. കാനഡ​യി​ലെ ടൊറ​ന്റോ​യി​ലുള്ള ഒരു കുടും​ബ​നി​യമ അഭിഭാ​ഷകൻ ഇങ്ങനെ പ്രസ്‌താ​വി​ച്ചു: “കുടും​ബ​നി​യ​മ​ത്തി​ന്റെ പരിധി​യിൽ വരുന്നത്‌ ആളുക​ളു​ടെ വികാ​ര​ങ്ങ​ളും മനോ​ഭാ​വ​ങ്ങ​ളും ഉൾപ്പെ​ടുന്ന കാര്യ​ങ്ങ​ളാണ്‌.”

കുട്ടിക്ക്‌ ഏറ്റവും പ്രയോ​ജ​ന​കരം എന്താ​ണെന്നു ചിന്തി​ക്കു​ന്ന​തി​നു പകരം ചില മാതാ​പി​താ​ക്കൾ കാര്യ​മി​ല്ലാത്ത കാര്യ​ങ്ങൾക്കാ​യി ഹർജി സമർപ്പി​ച്ചു​കൊണ്ട്‌ തർക്കം തുടർന്നു​കൊ​ണ്ടു​പോ​കു​ന്നു. ഉദാഹ​ര​ണ​ത്തിന്‌, മാതാ​പി​താ​ക്ക​ളിൽ മറ്റേയാൾ യഹോ​വ​യു​ടെ സാക്ഷി​യാ​ണെ​ന്നും തന്നിമി​ത്തം ആ വ്യക്തി കുട്ടിയെ ‘സാധാരണ ജീവിതം നയിക്കാൻ’ അനുവ​ദി​ക്കു​ക​യി​ല്ലെ​ന്നും അവകാ​ശ​പ്പെ​ട്ടു​കൊണ്ട്‌ ചിലർ കുട്ടി​യു​ടെ സംരക്ഷ​ണാ​വ​കാ​ശം ആ വ്യക്തി​യിൽനി​ന്നു മാറ്റേ​ണ്ട​താ​ണെന്നു തെളി​യി​ക്കാൻ ശ്രമി​ച്ചി​ട്ടുണ്ട്‌.

സാക്ഷി​യ​ല്ലാ​ത്ത വിവാ​ഹ​മോ​ചിത ഇണ, ജന്മദി​ന​മോ ക്രിസ്‌തു​മ​സ്സോ ഓണമോ ആഘോ​ഷി​ക്കാ​ത്തതു പ്രശ്‌ന​മാ​ക്കി എടു​ത്തേ​ക്കാം. കുട്ടി പതാക വന്ദിക്കാ​തി​രി​ക്കാൻ തീരു​മാ​നി​ക്കു​ന്നെ​ങ്കിൽ അത്‌ കുട്ടിക്ക്‌ മറ്റുള്ള​വ​രു​മാ​യുള്ള ബന്ധത്തെ​യും കുട്ടി​യു​ടെ സാമൂ​ഹിക പൊരു​ത്ത​പ്പെ​ട​ലി​നെ​യും ബാധി​ക്കു​മെന്ന്‌ ചിലർ പരാതി​പ്പെ​ട്ടേ​ക്കാം. അല്ലെങ്കിൽ, മാതാ​വി​ന്റെ​യോ പിതാ​വി​ന്റെ​യോ കൂടെ​പ്പോ​യി മറ്റുള്ള​വ​രോട്‌ ബൈബി​ളി​നെ​ക്കു​റി​ച്ചു സംസാ​രി​ക്കു​ന്നത്‌ കുട്ടിക്ക്‌ മാനസി​ക​മാ​യി ഹാനി​വ​രു​ത്തു​മെന്ന്‌ ചിലർ അഭി​പ്രാ​യ​പ്പെ​ട്ടേ​ക്കാം. സാക്ഷി​യായ മാതാ​വോ പിതാ​വോ കുട്ടിയെ രക്തപ്പകർച്ച സ്വീക​രി​ക്കാൻ അനുവ​ദി​ക്കു​ക​യി​ല്ലാ​ത്ത​തു​കൊണ്ട്‌ കുട്ടി​യു​ടെ ജീവൻ അപകട​ത്തി​ലാ​കും എന്നു​പോ​ലും സാക്ഷി​ക​ള​ല്ലാത്ത ചില മാതാ​പി​താ​ക്കൾ ആരോ​പി​ച്ചി​ട്ടുണ്ട്‌.

വികാ​ര​വി​ക്ഷു​ബ്ധ​മായ അത്തരം വാദമു​ഖ​ങ്ങ​ളു​ടെ വെല്ലു​വി​ളി​യെ ഒരു ക്രിസ്‌ത്യാ​നി നേരി​ടു​ന്ന​തെ​ങ്ങ​നെ​യാണ്‌? വൈകാ​രി​ക​മായ പ്രതി​ക​രണം—“പകരത്തി​നു പകരം ചെയ്യു​ന്നത്‌”—ഫലപ്ര​ദ​മാ​യി​രി​ക്കില്ല. സംഗതി ഒരു ജഡ്‌ജി​യു​ടെ മുമ്പാകെ കൊണ്ടു​വ​രു​ന്ന​പക്ഷം മാതാ​പി​താ​ക്ക​ളി​ലോ​രോ​രു​ത്തർക്കും തന്റെ വാദങ്ങൾ അവതരി​പ്പി​ക്കാ​നുള്ള അവസരം ലഭിക്കും. ബൈബി​ളി​ന്റെ ഈ ബുദ്ധ്യു​പ​ദേശം മനസ്സിൽ പിടി​ക്കു​ന്നത്‌ ഏറ്റവും പ്രധാ​ന​മാണ്‌: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” (സങ്കീർത്തനം 55:22) ഇതി​നെ​ക്കു​റി​ച്ചു ധ്യാനി​ക്കു​ക​യും ബൈബിൾ തത്ത്വങ്ങൾ ബാധക​മാ​ക്കു​ക​യും ചെയ്യു​ക​വഴി മാതാ​പി​താ​ക്കൾക്ക്‌ യഹോ​വ​യു​ടെ സഹായ​ത്തോ​ടെ കുട്ടി​യു​ടെ സംരക്ഷ​ണാ​വ​കാ​ശം സംബന്ധിച്ച ഏതു സംഭാ​വ്യ​ഫ​ല​ത്തെ​യും തരണം ചെയ്യാ​നാ​വും.—സദൃശ​വാ​ക്യ​ങ്ങൾ 15:28, NW.

ന്യായ​ബോ​ധം

കുട്ടിക്ക്‌ ഏറ്റവും പ്രയോ​ജ​ന​കരം എന്താണ്‌ എന്നതാണ്‌ മുഖ്യ സംഗതി. ഒരു മാതാ​വോ പിതാ​വോ അമിത​മാ​യി ആവശ്യ​പ്പെ​ടു​ന്ന​യാ​ളാ​ണെ​ങ്കിൽ ആ വ്യക്തിക്ക്‌ സംരക്ഷ​ണാ​വ​കാ​ശം നഷ്ടമാ​യേ​ക്കാ​മെന്നു മാത്രമല്ല, ആ വ്യക്തി​യു​ടെ സന്ദർശ​നാ​വ​സ​ര​ങ്ങൾപോ​ലും നിയ​ന്ത്രി​ക്ക​പ്പെ​ട്ടേ​ക്കാം. “ആർക്കും തിന്മെക്കു പകരം, തിന്മ ചെയ്യാതെ . . . ദൈവ​കോ​പ​ത്തി​ന്നു ഇടം​കൊ​ടു​പ്പിൻ . . . തിന്മ​യോ​ടു തോല്‌ക്കാ​തെ നന്മയാൽ തിന്മയെ ജയിക്കുക” എന്ന ബൈബിൾ ബുദ്ധ്യു​പ​ദേശം മനസ്സിൽ പിടി​ച്ചു​കൊണ്ട്‌ ജ്ഞാനി​ക​ളായ മാതാ​പി​താ​ക്കൾ സമാധാ​ന​പൂർവ​ക​മായ രീതി​യിൽ ഇടപെ​ടു​ന്നു. (റോമർ 12:17-21) കോട​തി​യി​ലാ​യാ​ലും വക്കീലാ​പ്പീ​സി​ലാ​യാ​ലും കുട്ടി​യു​ടെ സംരക്ഷ​ണാ​വ​കാ​ശം സംബന്ധിച്ച്‌ വിലയി​രു​ത്തുന്ന ഉദ്യോ​ഗ​സ്ഥ​നോ​ടൊ​പ്പ​മാ​യാ​ലും മാതാ​പി​താ​ക്ക​ളു​ടെ “ന്യായ​ബോ​ധം സകല മനുഷ്യ​രും അറി”യേണ്ടതുണ്ട്‌—ഫിലി​പ്പി​യർ 4:5, NW.

ചില​പ്പോൾ ഒരു വിവാ​ഹ​മോ​ചിത ഇണ വഴി​തെ​റ്റി​ക്കു​ന്ന​തും അയഥാർഥ​വു​മായ പ്രശ്‌നങ്ങൾ അവതരി​പ്പി​ച്ചു​കൊണ്ട്‌ മറ്റുള്ള​വരെ വഞ്ചിക്കാൻ ശ്രമി​ക്കും. വാക്കാ​ലുള്ള ഈ ആക്രമ​ണ​ങ്ങ​ളോട്‌ അമിത​മാ​യി പ്രതി​ക​രി​ക്കു​ന്ന​തി​നുള്ള മാനു​ഷിക പ്രവണ​തയെ നിയ​ന്ത്രി​ക്കു​ന്നതു ബുദ്ധി​യാണ്‌. സംരക്ഷ​ണാ​വ​കാ​ശം സംബന്ധിച്ച തർക്കത്തി​ന്റെ വിചാ​ര​ണ​വേ​ള​യിൽ പ്രശ്‌നങ്ങൾ കെട്ടി​ച്ച​മ​യ്‌ക്കു​ന്ന​തിന്‌ വിവാ​ഹ​മോ​ചിത ഇണകൾ ഉപയോ​ഗി​ക്കുന്ന സ്ഥിരം​വി​ഷ​യ​ങ്ങ​ളാണ്‌ ആരോ​ഗ്യം, മതം, വിദ്യാ​ഭ്യാ​സം എന്നിവ.—സദൃശ​വാ​ക്യ​ങ്ങൾ 14:22.

ന്യായ​ബോ​ധ​ത്തിൽ, വസ്‌തു​തകൾ പരിചി​ന്തിച്ച്‌ നിഷ്‌പ​ക്ഷ​മായ ഒരു ഒത്തുതീർപ്പി​ലെ​ത്തു​ന്ന​തി​നുള്ള പ്രാപ്‌തി ഉൾപ്പെ​ടു​ന്നു. വിവാ​ഹ​മോ​ചനം കഴിഞ്ഞാ​ലും കുട്ടിക്ക്‌ മാതാ​പി​താ​ക്കൾ ഇരുവ​രും ഉണ്ടെന്നുള്ള കാര്യം മാതാ​വും പിതാ​വും മറന്നു​കൂ​ടാ. വിവാ​ഹ​മോ​ച​ന​ത്തി​ലൂ​ടെ മാതാ​പി​താ​ക്കൾ തമ്മിലുള്ള ബന്ധമാണ്‌ അറ്റു​പോ​യി​രി​ക്കു​ന്നത്‌, കുട്ടി​യു​മാ​യുള്ള അവരുടെ ബന്ധം അറ്റു​പോ​യി​ട്ടില്ല. അതു​കൊണ്ട്‌, അതിരു​കടന്ന സാഹച​ര്യ​ങ്ങ​ളി​ലൊ​ഴി​കെ മാതാ​പി​താ​ക്ക​ളി​ലോ​രോ​രു​ത്തർക്കും കുട്ടി തന്നോ​ടൊ​പ്പ​മാ​യി​രി​ക്കു​മ്പോൾ മാതാ​വോ പിതാ​വോ ആയി വർത്തി​ക്കു​ന്ന​തി​നുള്ള സ്വാത​ന്ത്ര്യം ഉണ്ടായി​രി​ക്കണം. തന്റെ വികാ​ര​ങ്ങ​ളും മൂല്യ​ങ്ങ​ളും പ്രകടി​പ്പി​ക്കാ​നും മതപര​മോ അല്ലാത്ത​തോ ആയ നിയമാ​നു​സൃത പ്രവർത്ത​ന​ങ്ങ​ളിൽ കുട്ടിയെ പങ്കെടു​പ്പി​ക്കാ​നു​മുള്ള സ്വാത​ന്ത്ര്യം മാതാ​പി​താ​ക്ക​ളിൽ ഓരോ​രു​ത്തർക്കും ഉണ്ടായി​രി​ക്കണം.

നമുക്ക്‌ ഒരു വിചാ​ര​ണ​യു​ടെ സംഭാ​വ്യ​ഫ​ലങ്ങൾ പരിചി​ന്തി​ക്കാം: (1) സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കൽ, (2) സംരക്ഷ​ണാ​വ​കാ​ശം മാതാ​പി​താ​ക്ക​ളിൽ ഒരാൾക്കു​മാ​ത്ര​മാ​യി​രി​ക്കൽ, (3) സന്ദർശ​നാ​വ​സ​ര​ങ്ങ​ളിൽ പരിമി​തി​കൾ. സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കു​ന്ന​തും ഒരാൾക്കു​മാ​ത്ര​മാ​യി​രി​ക്കു​ന്ന​തും തമ്മിലുള്ള വ്യത്യാ​സ​മെ​ന്താണ്‌? സംരക്ഷ​ണാ​വ​കാ​ശം നഷ്ടപ്പെ​ടു​ന്ന​തി​നെ നിങ്ങൾക്ക്‌ എങ്ങനെ തരണം ചെയ്യാം? മാതാ​പി​താ​ക്ക​ളി​ലൊ​രാൾ പുറത്താ​ക്ക​പ്പെ​ട്ടി​രി​ക്കു​ന്നെ​ങ്കി​ലോ?

സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കൽ

കുട്ടി​യും മാതാ​പി​താ​ക്ക​ളി​രു​വ​രും തമ്മിൽ സമ്പർക്കം നിലനിർത്തു​ന്നതു പ്രധാ​ന​മാ​ണെന്ന്‌ ചില ജഡ്‌ജി​മാർക്കു തോന്നു​ന്നു. മാതാ​പി​താ​ക്കൾക്ക്‌ സംരക്ഷ​ണാ​വ​കാ​ശം പങ്കു​വെ​ക്കാൻ കഴിയു​ന്ന​പക്ഷം വിവാ​ഹ​മോ​ച​ന​ത്തി​നു​ശേഷം കുട്ടി​കൾക്ക്‌ സമ്മർദ​വും വൈകാ​രിക ക്ഷതവും കുറച്ചേ അനുഭ​വ​പ്പെ​ടു​ക​യു​ള്ളു​വെന്നു കാണി​ക്കുന്ന ഗവേഷണ പഠനങ്ങ​ളിൽ അടിസ്ഥാ​ന​പ്പെ​ട്ട​താണ്‌ അവരുടെ ന്യായ​വാ​ദം. മാതാ​പി​താ​ക്ക​ളി​ലൊ​രാൾ തന്നെ ഉപേക്ഷി​ച്ചു​വെന്ന തോന്ന​ലി​നു​പ​കരം മാതാ​പി​താ​ക്ക​ളി​രു​വ​രും തന്നെ സ്‌നേ​ഹി​ക്കു​ന്നു​ണ്ടെ​ന്നും താൻ രണ്ടു കുടും​ബ​ങ്ങ​ളി​ലെ​യും അംഗമാ​ണെ​ന്നു​മുള്ള തോന്നൽ കുട്ടി​ക്കു​ണ്ടാ​കും. “സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കു​ന്നത്‌ രണ്ടു​പേ​രെ​യും ഉൾപ്പെ​ടു​ത്തു​ന്ന​തി​നുള്ള ഒരു മാർഗ​മാണ്‌” എന്ന്‌ ഒരു കുടും​ബ​നി​യമ അഭിഭാ​ഷകൻ പറയുന്നു.

എന്നാൽ, സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കുന്ന നടപടി പ്രാവർത്തി​ക​മാ​ക​ണ​മെ​ങ്കിൽ സഹകര​ണ​മ​നോ​ഭാ​വ​മുള്ള മാതാ​പി​താ​ക്ക​ളും വഴക്കവും ആളുക​ളോട്‌ ഇണങ്ങുന്ന പ്രകൃ​ത​വു​മുള്ള കുട്ടി​യും ഉണ്ടായി​രി​ക്കേ​ണ്ടത്‌ ആവശ്യ​മാ​ണെന്ന്‌ കാലി​ഫോർണി​യ​യി​ലെ കൊർട്ടെ​മ​ഡെ​ര​യി​ലെ സെന്റർ ഫോർ ദ ഫാമിലി ഇൻ ട്രാൻസി​ഷന്റെ എക്‌സി​ക്യൂ​ട്ടീവ്‌ ഡയറക്ട​റായ ഡോ. ജൂഡിത്ത്‌ വാല്ലെർസ്റ്റൈൻ മുന്നറി​യി​പ്പു നൽകുന്നു. ഈ ഗുണങ്ങൾ അനിവാ​ര്യ​മാണ്‌. എന്തു​കൊ​ണ്ടെ​ന്നാൽ സംരക്ഷ​ണാ​വ​കാ​ശം മാതാ​പി​താ​ക്കൾക്കി​രു​വർക്കും ഉണ്ടായി​രി​ക്കു​മ്പോൾ കുട്ടി​യു​ടെ ആരോ​ഗ്യം, വിദ്യാ​ഭ്യാ​സം, മതപരി​ശീ​ലനം, സാമൂ​ഹി​ക​ജീ​വി​തം എന്നിവ​യുൾപ്പെ​ടെ​യുള്ള പ്രധാ​ന​പ്പെട്ട സംഗതി​ക​ളിൽ ഒരുമി​ച്ചു തീരു​മാ​നം എടുക്കു​ന്ന​തി​നുള്ള നിയമാ​വ​കാ​ശം ഇരുവ​രും നിലനിർത്തു​ന്നു. തങ്ങളുടെ വ്യക്തി​പ​ര​മായ താത്‌പ​ര്യ​ങ്ങ​ളെ​ക്കാൾ കുട്ടി​യു​ടെ ക്ഷേമത്തിന്‌ മാതാ​പി​താ​ക്ക​ളി​രു​വ​രും ന്യായ​ബോ​ധ​ത്തോ​ടെ മുൻതൂ​ക്കം കൊടു​ക്കു​ന്നെ​ങ്കിൽ മാത്രമേ ഇതു വിജയി​ക്കു​ക​യു​ള്ളൂ.

സംരക്ഷ​ണാ​വ​കാ​ശം മാതാ​പി​താ​ക്ക​ളിൽ ഒരാൾക്കു​മാ​ത്ര​മാ​യി​രി​ക്കൽ

കുട്ടി​യു​ടെ ആവശ്യങ്ങൾ നിറ​വേ​റ്റാൻ മാതാ​പി​താ​ക്ക​ളിൽവെച്ച്‌ കൂടുതൽ സജ്ജനെന്ന്‌ കോട​തി​ക്കു തോന്നുന്ന ആൾക്കു മാത്ര​മാ​യി കോടതി സംരക്ഷ​ണാ​വ​കാ​ശം നൽകി​യേ​ക്കാം. കുട്ടി​യു​ടെ ക്ഷേമം സംബന്ധിച്ച പ്രധാ​ന​പ്പെട്ട സംഗതി​ക​ളിൽ തീരു​മാ​ന​മെ​ടു​ക്കേ​ണ്ടത്‌ സംരക്ഷ​ണാ​വ​കാ​ശ​മുള്ള മാതാ​വോ പിതാ​വോ മാത്ര​മാ​യി​രി​ക്ക​ണ​മെന്നു ജഡ്‌ജി തീർപ്പു​കൽപ്പി​ച്ചേ​ക്കാം. പലപ്പോ​ഴും, മനഃശാ​സ്‌ത്രജ്ഞർ, മനോ​രോ​ഗ​ചി​കി​ത്സകർ, സാമൂ​ഹി​ക​പ്ര​വർത്തകർ തുടങ്ങി​യ​വ​രു​ടെ സഹായം തേടിയ ശേഷമാണ്‌ കോടതി ഒരു തീരു​മാ​ന​ത്തി​ലെ​ത്തി​ച്ചേ​രു​ന്നത്‌.

ഇത്തരം സംരക്ഷ​ണാ​വ​കാ​ശത്തെ പിന്താ​ങ്ങു​ന്ന​വർക്കു തോന്നു​ന്നത്‌ ഈ ക്രമീ​ക​രണം കുട്ടിക്ക്‌ കൂടുതൽ സ്ഥിരത പ്രദാ​നം​ചെ​യ്യു​ന്നു​വെ​ന്നാണ്‌. മാതാ​പി​താ​ക്കൾക്ക്‌ അന്യോ​ന്യം ഫലപ്ര​ദ​മാ​യി ആശയവി​നി​യമം നടത്താൻ കഴിയാ​ത്ത​പ്പോൾ അല്ലെങ്കിൽ അവർ അങ്ങനെ ചെയ്യാൻ സാധ്യ​ത​യി​ല്ലാ​ത്ത​പ്പോൾ പല വിചാ​രണാ ജഡ്‌ജി​മാ​രും ഈ സംരക്ഷ​ണാ​വ​കാശ ക്രമീ​ക​രണം ഇഷ്ടപ്പെ​ടു​ന്നു. തീർച്ച​യാ​യും, സംരക്ഷ​ണാ​വ​കാ​ശ​മി​ല്ലാത്ത മാതാ​വി​നോ പിതാ​വി​നോ കുട്ടി​യു​ടെ ജീവി​ത​ത്തിൽ യാതൊ​രു സ്ഥാനവും ഇല്ലാതാ​കു​ന്നില്ല. സാധാ​ര​ണ​ഗ​തി​യിൽ സംരക്ഷ​ണാ​വ​കാ​ശ​മി​ല്ലാത്ത മാതാ​വി​നോ പിതാ​വി​നോ സന്ദർശ​നാ​വ​കാ​ശങ്ങൾ ലഭിക്കാ​റുണ്ട്‌. കുട്ടി​ക്കാ​വ​ശ്യ​മായ മാർഗ​നിർദേ​ശ​വും സ്‌നേ​ഹ​വും വാത്സല്യ​വു​മൊ​ക്കെ മാതാ​പി​താ​ക്കൾക്കി​രു​വർക്കും തുടർന്നും കൊടു​ക്കാ​നാ​വും.

സന്ദർശ​നാ​വ​സ​ര​ങ്ങൾ

കുട്ടി​യു​ടെ സംരക്ഷ​ണാ​വ​കാ​ശത്തെ “ജയ”ത്തിന്റെ​യും “തോൽവി”യുടെ​യും ഒരു സംഗതി​യാ​യി കാണു​ന്നത്‌ മാതാ​പി​താ​ക്ക​ളു​ടെ ഭാഗത്തെ യാഥാർഥ്യ​ബോ​ധ​മി​ല്ലാ​യ്‌മ​യാണ്‌. തങ്ങളുടെ കുട്ടികൾ പക്വത​യും പ്രാപ്‌തി​യു​മുള്ള ആദരണീയ വ്യക്തി​ക​ളാ​യി വളർന്നു​വ​രു​ന്നതു കാണു​മ്പോ​ഴാണ്‌ മാതാ​പി​താ​ക്കൾ വിജയ​ശ്രീ​ലാ​ളി​ത​രാ​കു​ന്നത്‌ അഥവാ ‘ജയി’ക്കുന്നത്‌. കുട്ടിയെ വളർത്തി​ക്കൊ​ണ്ടു​വ​രു​ന്ന​തി​ലെ വിജയം നിയമ​പ​ര​മായ സംരക്ഷ​ണാ​വ​കാ​ശ​വു​മാ​യി നേരിട്ടു ബന്ധപ്പെ​ട്ടി​രി​ക്കു​ന്നില്ല. കുട്ടി​യു​ടെ സംരക്ഷ​ണാ​വ​കാ​ശം സംബന്ധിച്ച്‌ കോടതി വെക്കുന്ന വ്യവസ്ഥകൾ നീതി​ര​ഹി​ത​മാ​യി കാണ​പ്പെ​ടു​മ്പോൾപോ​ലും അവ അനുസ​രി​ക്കു​ക​വഴി ക്രിസ്‌ത്യാ​നി ‘ശ്രേഷ്‌ഠാ​ധി​കാ​ര​ങ്ങ​ളോ​ടുള്ള കീഴ്‌പ്പെടൽ’ പ്രകട​മാ​ക്കു​ന്നു. (റോമർ 13:1) മാതാ​പി​താ​ക്ക​ളിൽ മറ്റേയാൾക്ക്‌ കുട്ടി​ക​ളു​മാ​യുള്ള ബന്ധം തകർക്കാ​നുള്ള ശ്രമത്തിൽ ആ ആളെ തരംതാ​ഴ്‌ത്തി കാണി​ച്ചു​കൊണ്ട്‌ കുട്ടി​ക​ളു​ടെ പ്രീതി​ക്കും കൂറി​നും വേണ്ടി മത്സരി​ക്കാ​നുള്ള സമയമല്ല ഇതെന്നു​ള്ള​തും അനുസ്‌മ​രി​ക്കു​ന്നതു പ്രധാ​ന​മാണ്‌.

വ്യത്യ​സ്‌ത കാരണ​ങ്ങ​ളാൽ തങ്ങളുടെ കുട്ടി​ക​ളിൽനിന്ന്‌ അകറ്റപ്പെട്ട ദൈവ​ഭ​ക്ത​രായ മാതാ​പി​താ​ക്ക​ളു​ടെ ദൃഷ്ടാ​ന്തങ്ങൾ ബൈബി​ളി​ലുണ്ട്‌. ഉദാഹ​ര​ണ​ത്തിന്‌, മോശ​യു​ടെ മാതാ​പി​താ​ക്ക​ളായ അമ്രാ​മും യോ​ഖേ​ബെ​ദും തങ്ങളുടെ കുട്ടി​യു​ടെ ഉത്തമ ക്ഷേമ​ത്തെ​പ്രതി അവനെ വെള്ളത്തിൽ പൊങ്ങി​ക്കി​ട​ക്കുന്ന ഒരു ചെറു​പെ​ട്ട​ക​ത്തി​ലാ​ക്കി “നദിയു​ടെ അരികിൽ ഞാങ്ങണ​യു​ടെ ഇടയിൽ” കൊണ്ടു​പോ​യി വെച്ചു. ഫറവോ​ന്റെ പുത്രി ശിശു​വി​നെ കൊണ്ടു​പോ​യ​പ്പോൾ അവർ തുടർന്നും യഹോ​വ​യി​ലാ​ശ്ര​യി​ച്ചു. ജ്ഞാനി​ക​ളും വിശ്വ​സ്‌ത​രു​മാ​യി​രുന്ന ആ മാതാ​പി​താ​ക്കൾക്ക്‌ ധാരാളം “സന്ദർശന” അവസരങ്ങൾ ലഭിച്ചു. കുട്ടിയെ യഹോ​വ​യു​ടെ വഴിയിൽ പരിശീ​ലി​പ്പി​ക്കു​ന്ന​തിന്‌ അവർ അവ ഫലകര​മാ​യി ഉപയോ​ഗ​പ്പെ​ടു​ത്തി. മോശ സത്യ​ദൈ​വ​ത്തി​ന്റെ ഒരു പ്രമുഖ ദാസനാ​യി വളർന്നു​വന്നു.—പുറപ്പാ​ടു 2:1-10; 6:20.

എന്നാൽ, മാതാ​പി​താ​ക്ക​ളി​ലൊ​രാൾ പുറത്താ​ക്ക​പ്പെ​ട്ടി​രി​ക്കു​ന്നെ​ങ്കി​ലെന്ത്‌? ക്രിസ്‌ത്യാ​നി​യായ മാതാവ്‌ അല്ലെങ്കിൽ പിതാവ്‌ കുട്ടിയെ സന്ദർശി​ക്കാൻ ആ വ്യക്തിയെ അനുവ​ദി​ക്ക​ണ​മോ? സഭയുടെ പുറത്താ​ക്കൽ നടപടി വ്യക്തി​യും ക്രിസ്‌തീയ സഭയും തമ്മിലുള്ള ആത്മീയ ബന്ധത്തിനു മാത്രമേ മാറ്റം വരുത്തു​ന്നു​ള്ളൂ. തീർച്ച​യാ​യും, അത്‌ ആത്മീയ ബന്ധങ്ങളെ വിച്ഛേ​ദി​ക്കു​ന്നു. എന്നാൽ മാതാ​പി​താ​ക്ക​ളും മക്കളും എന്ന നിലയി​ലുള്ള ബന്ധത്തെ അതു ബാധി​ക്കു​ന്നില്ല. സംരക്ഷ​ണാ​വ​കാ​ശ​മുള്ള മാതാവ്‌ അല്ലെങ്കിൽ പിതാവ്‌ പുറത്താ​ക്ക​പ്പെട്ട വിവാ​ഹ​മോ​ചിത ഇണയുടെ സന്ദർശ​നാ​വ​കാ​ശ​ങ്ങളെ ആദരി​ക്കണം. എന്നാൽ, സംരക്ഷ​ണാ​വ​കാ​ശ​മി​ല്ലാത്ത മാതാ​വോ പിതാ​വോ കുട്ടി​യു​ടെ ശാരീ​രി​ക​മോ വൈകാ​രി​ക​മോ ആയ ക്ഷേമത്തിന്‌ സത്വര​വും സാരവു​മായ ഭീഷണി ഉയർത്തു​ന്ന​പക്ഷം ആ വ്യക്തി കുട്ടി​യു​മാ​യി ഇടപഴ​കു​മ്പോൾ മൂന്നാ​മ​തൊ​രാ​ളു​ടെ മേൽനോ​ട്ട​മു​ണ്ടാ​യി​രി​ക്കു​ന്ന​തിന്‌ കോടതി (സംരക്ഷ​ണാ​വ​കാ​ശ​മുള്ള മാതാ​വോ പിതാ​വോ അല്ല) ക്രമീ​ക​രണം ചെയ്‌തേ​ക്കാം.

നിങ്ങൾ ഒരിക്ക​ലും ഒറ്റയ്‌ക്കല്ല

വിവാ​ഹ​മോ​ചന നടപടി​ക​ളും അതേത്തു​ടർന്നു നടക്കുന്ന കുട്ടി​യു​ടെ സംരക്ഷ​ണാ​വ​കാ​ശം സംബന്ധിച്ച തർക്കങ്ങ​ളും വൈകാ​രി​ക​മാ​യി തളർത്തി​ക്ക​ള​യുന്ന അനുഭ​വ​ങ്ങ​ളാണ്‌. ആയിര​മാ​യി​രം പ്രതീ​ക്ഷ​ക​ളോ​ടെ വിവാ​ഹ​ജീ​വി​ത​ത്തി​ലേക്കു കാലെ​ടു​ത്തു​വെച്ച ദമ്പതി​ക​ളു​ടെ സ്വപ്‌ന​ങ്ങ​ളും പദ്ധതി​ക​ളും പ്രതീ​ക്ഷ​ക​ളും ഒപ്പം വിവാ​ഹം​ത​ന്നെ​യും എട്ടുനി​ല​യിൽ പൊട്ടി​യി​രി​ക്കു​ന്നു. ഉദാഹ​ര​ണ​ത്തിന്‌, അവിശ്വ​സ്‌ത​ത​യും കടുത്ത ദ്രോ​ഹ​വും നിമിത്തം തനിക്കും കുട്ടി​ക്കും നിയമ​പ​ര​മായ സംരക്ഷണം തേടാൻ വിശ്വ​സ്‌ത​യായ ഒരു ഭാര്യ നിർബ​ന്ധി​ത​യാ​യേ​ക്കാം. എങ്കിലും, തെറ്റു​പ​റ്റി​യത്‌ എവി​ടെ​യാ​ണെ​ന്നോ സംഗതി കൂടുതൽ ഫലപ്ര​ദ​മാ​യി എങ്ങനെ കൈകാ​ര്യം​ചെ​യ്യാ​മാ​യി​രു​ന്നു​വെ​ന്നോ ചിന്തി​ക്കു​മ്പോൾ കുറ്റ​ബോ​ധ​വും അപര്യാ​പ്‌ത​താ​ബോ​ധ​വും അവളെ വേട്ടയാ​ടി​യേ​ക്കാം. അനേകം ദമ്പതി​ക​ളും കുടും​ബ​ത്ത​കർച്ച​യോ​ടുള്ള കുട്ടി​ക​ളു​ടെ പ്രതി​ക​ര​ണ​ത്തെ​ക്കു​റിച്ച്‌ വേവലാ​തി​പ്പെ​ടു​ന്നു. സംരക്ഷ​ണാ​വ​കാ​ശ​ത്തി​നു​വേ​ണ്ടി​യുള്ള കോട​തി​യി​ലെ പോരാ​ട്ടം വികാ​ര​വി​ക്ഷു​ബ്ധ​മായ ഒരു അനുഭ​വ​മാ​യി തീർന്നേ​ക്കാം. അത്‌ പരിപാ​ലനം നൽകുന്ന മാതാ​വോ പിതാ​വോ എന്ന നിലയി​ലുള്ള ഒരു വ്യക്തി​യു​ടെ നിർമ​ല​തയെ മാത്രമല്ല യഹോ​വ​യി​ലുള്ള വിശ്വാ​സ​ത്തെ​യും ആശ്രയ​ത്തെ​യും​കൂ​ടെ പരി​ശോ​ധി​ക്കു​ന്നു.—സങ്കീർത്തനം 34:15, 18, 19, 22 താരത​മ്യം ചെയ്യുക.

കുട്ടി​ക​ളോ​ടു​ള്ള ദുഷ്‌പെ​രു​മാ​റ്റ​മോ തന്നോ​ടുള്ള അതിരു​കടന്ന ദ്രോ​ഹ​മോ നിമിത്തം അല്ലെങ്കിൽ അവിശ്വസ്‌ത ഇണയിൽനിന്ന്‌ ലൈം​ഗി​ക​മാ​യി പകരുന്ന രോഗങ്ങൾ പിടി​പെ​ടാ​തി​രി​ക്കു​ന്ന​തി​നു​വേണ്ടി നിരപ​രാ​ധി​യായ ഇണ നടപടി​യെ​ടു​ക്കാൻ തീരു​മാ​നി​ക്കു​മ്പോൾ ആ വ്യക്തിക്ക്‌ കുറ്റ​ബോ​ധ​മോ യഹോവ തന്നെ ഉപേക്ഷി​ച്ചു​വെന്ന തോന്ന​ലോ ഉണ്ടാ​കേ​ണ്ട​തില്ല. (സങ്കീർത്തനം 37:28) വിവാ​ഹ​ത്തി​ന്റെ വിശുദ്ധ കരാർ ലംഘി​ച്ചി​രി​ക്കു​ന്ന​തും തന്റെ ഇണയോട്‌ “അവിശ്വ​സ്‌തത കാണി​ച്ചി​രി​ക്കുന്ന”തും വിശ്വാ​സ​വഞ്ചന കാട്ടു​ക​യോ ദ്രോ​ഹ​ബു​ദ്ധി​യോ​ടു​കൂ​ടി പ്രവർത്തി​ക്കു​ക​യോ ചെയ്‌തി​രി​ക്കുന്ന ഇണയാണ്‌.—മലാഖി 2:14.

ബൈബിൾ തത്ത്വങ്ങൾ ബാധക​മാ​ക്കി​ക്കൊ​ണ്ടും വിവാ​ഹ​മോ​ചിത ഇണയോട്‌ സത്യസ​ന്ധ​മാ​യി പെരു​മാ​റി​ക്കൊ​ണ്ടും സംരക്ഷ​ണാ​വ​കാ​ശം സംബന്ധിച്ച കരാറു​ക​ളിൽ വഴക്കമു​ള്ള​വ​രാ​യി​രു​ന്നു​കൊ​ണ്ടും മനുഷ്യ​രു​ടെ​യും യഹോ​വ​യു​ടെ​യും മുമ്പാകെ “നല്ലമന​സ്സാ​ക്ഷി” നിലനിർത്തു​ന്ന​തിൽ തുടരുക. “നിങ്ങൾ കഷ്ടം സഹി​ക്കേണം എന്നു ദൈവ​ഹി​ത​മെ​ങ്കിൽ തിന്മ ചെയ്‌തി​ട്ടല്ല, നന്മ ചെയ്‌തി​ട്ടു സഹിക്കു​ന്നതു ഏററവും നന്നു.”—1 പത്രൊസ്‌ 3:16, 17.

കുടും​ബ​ത്ത​കർച്ച ഉണ്ടായത്‌ കുട്ടി​ക​ളു​ടെ കുറ്റം​കൊ​ണ്ട​ല്ലെന്ന്‌ അവർക്ക്‌ ഉറപ്പു​കൊ​ടു​ക്കേ​ണ്ട​തുണ്ട്‌. ചില​പ്പോ​ഴൊ​ക്കെ ഉദ്ദേശി​ച്ച​തു​പോ​ലെ കാര്യങ്ങൾ നടന്നെ​ന്നു​വ​രില്ല. എന്നാൽ ബൈബിൾ തത്ത്വങ്ങൾ ബാധക​മാ​ക്കു​ക​വഴി വിവാ​ഹ​മോ​ച​ന​ത്തി​ന്റെ ഫലത്തെ ലഘൂക​രി​ക്കാ​നാ​വും. എന്തു​കൊ​ണ്ടെ​ന്നാൽ അവ മാതാ​പി​താ​ക്ക​ളും കുട്ടി​ക​ളും തമ്മിലുള്ള തുറന്ന, സഹാനു​ഭൂ​തി​യോ​ടു​കൂ​ടിയ സംഭാ​ഷ​ണത്തെ പ്രോ​ത്സാ​ഹി​പ്പി​ക്കു​ന്നു. വിവാ​ഹ​മോ​ച​നാ​നന്തര കുടും​ബ​ജീ​വി​ത​ത്തി​നു​വേണ്ടി ആസൂ​ത്രണം ചെയ്യു​ന്ന​തിൽ ക്രിയാ​ത്മ​ക​മായ ഒരു പങ്കുണ്ടാ​യി​രി​ക്കാൻ കുട്ടി​കളെ അനുവ​ദി​ക്കുക വഴി ഇതു ചെയ്യാ​നാ​വും. ക്ഷമയും ദയയും ഉള്ളവരാ​യി​രു​ന്നു​കൊ​ണ്ടും കുട്ടി​ക​ളു​ടെ വികാ​ര​ങ്ങ​ളിൽ തത്‌പ​ര​രാ​യി​രു​ന്നു​കൊ​ണ്ടും അവർ പറയു​ന്നത്‌ കേട്ടു​കൊ​ണ്ടും പുതിയ പട്ടിക​ക​ളോ​ടും ജീവിത ക്രമീ​ക​ര​ണ​ങ്ങ​ളോ​ടും പൊരു​ത്ത​പ്പെ​ടാൻ നിങ്ങൾക്ക്‌ അവരെ വളരെ​യ​ധി​കം സഹായി​ക്കാ​നാ​വും.

മറ്റുള്ള​വർക്ക്‌ സഹായി​ക്കാൻ കഴിയും

കുടും​ബ​ച്ഛി​ദ്ര​ത്തി​നി​ര​യാ​യി​രി​ക്കുന്ന ഒരു കുട്ടിയെ സഹായി​ക്കാൻ കഴിയു​ന്നത്‌ മാതാ​പി​താ​ക്കൾക്കു മാത്രമല്ല. കുടും​ബാം​ഗ​ങ്ങൾക്കും അധ്യാ​പ​കർക്കും സുഹൃ​ത്തു​ക്കൾക്കു​മൊ​ക്കെ വിവാ​ഹ​മോ​ചിത ദമ്പതി​ക​ളു​ടെ കുട്ടി​കൾക്ക്‌ പിന്തു​ണ​യും ആശ്വാ​സ​വും പ്രദാ​നം​ചെ​യ്യാ​നാ​കും. പ്രത്യേ​കി​ച്ചും വല്യമ്മ​വ​ല്യ​പ്പൻമാർക്ക്‌ കുട്ടി​ക​ളു​ടെ ഭദ്രത​യ്‌ക്കും വൈകാ​രിക ക്ഷേമത്തി​നും വളരെ​യ​ധി​കം സംഭാവന ചെയ്യാൻ കഴിയും.

ക്രിസ്‌ത്യാ​നി​ക​ളായ വല്യമ്മ​വ​ല്യ​പ്പൻമാർക്ക്‌ കുട്ടി​കൾക്ക്‌ ആത്മീയ പ്രബോ​ധ​ന​വും ആരോ​ഗ്യാ​വ​ഹ​മായ പ്രവർത്ത​ന​ങ്ങ​ളും പ്രദാനം ചെയ്യാ​വു​ന്ന​താണ്‌. എന്നാൽ മതപര​മായ പരിശീ​ലനം സംബന്ധിച്ച മാതാ​പി​താ​ക്ക​ളു​ടെ തീരു​മാ​ന​ങ്ങളെ അവർ ആദരി​ക്കണം. എന്തു​കൊ​ണ്ടെ​ന്നാൽ, ഈ തീരു​മാ​നങ്ങൾ എടുക്കു​ന്ന​തി​നുള്ള ധാർമി​ക​വും നിയമ​പ​ര​വു​മായ അധികാ​രം മാതാ​പി​താ​ക്കൾക്കാണ്‌, വല്യമ്മ​വ​ല്യ​പ്പൻമാർക്കല്ല.—എഫെസ്യർ 6:2-4.

ഇത്തരം പിന്തു​ണ​യു​ള്ള​പ്പോൾ വിവാ​ഹ​മോ​ചിത ദമ്പതി​ക​ളു​ടെ കുട്ടി​കൾക്ക്‌ മാതാ​പി​താ​ക്ക​ളു​ടെ വിവാ​ഹ​ത്ത​കർച്ചയെ അതിജീ​വി​ക്കാൻ കഴിയും. കൂടാതെ, സകല കുടും​ബ​ങ്ങ​ളും “ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടു​ത​ലും ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യ​വും പ്രാപി​ക്കു”ന്ന ദൈവ​ത്തി​ന്റെ പുതി​യ​ലോ​ക​ത്തി​ലെ അനു​ഗ്ര​ഹ​ങ്ങൾക്കാ​യി അവർക്ക്‌ തുടർന്നും നോക്കി​പ്പാർത്തി​രി​ക്കാ​നാ​വും.—റോമർ 8:20; 2 പത്രൊസ്‌ 3:13.

[11-ാം പേജിലെ ചതുരം]

തെറ്റിദ്ധാരണകൾ തിരുത്തൽ

“ജ്ഞാനി​ക​ളു​ടെ നാവു പരിജ്ഞാ​ന​ത്താൽ നല്ലതു പ്രസ്‌താ​വി​ക്കു​ന്നു.” ഒരു ക്രിസ്‌തീയ മാതാ​വി​നോ പിതാ​വി​നോ തെറ്റി​ദ്ധാ​ര​ണകൾ അല്ലെങ്കിൽ അർധസ​ത്യ​ങ്ങൾ തിരു​ത്താൻ നല്ല അവസര​മുണ്ട്‌. (സദൃശ​വാ​ക്യ​ങ്ങൾ 15:2, NW) ഉദാഹ​ര​ണ​ത്തിന്‌, കുട്ടി​ക​ളു​ടെ ആരോ​ഗ്യ​സം​ര​ക്ഷ​ണ​ത്തി​നാ​യി “യഹോ​വ​യു​ടെ സാക്ഷികൾ മരുന്നും ശസ്‌ത്ര​ക്രി​യ​യും സ്വീക​രി​ക്കു​ന്നു.” എന്നാൽ ഒരു സാക്ഷി സംരക്ഷ​ണാ​വ​കാ​ശ​മുള്ള മാതാ​വോ പിതാ​വോ ആയിരി​ക്കു​മ്പോൾ ആ വ്യക്തിക്ക്‌ ഏതൊരു വൈദ്യ​ന​ട​പ​ടി​യു​ടെ​യും കാര്യ​ത്തിൽ കുട്ടി​യു​ടെ കാര്യ​ജ്ഞാ​ന​ത്തോ​ടെ​യുള്ള സമ്മതം വാങ്ങു​ന്ന​തിന്‌ അവകാ​ശ​മുണ്ട്‌.a—ദ ജേർണൽ ഓഫ്‌ ദി അമേരി​ക്കൻ മെഡിക്കൽ അസ്സോ​സി​യേഷൻ.

യഹോ​വ​യു​ടെ സാക്ഷികൾ ദൈവ​വ​ച​ന​മായ ബൈബി​ളിൽ വേരൂ​ന്നി​യി​രി​ക്കുന്ന തങ്ങളുടെ മതത്തെ ഗൗരവ​മാ​യി എടുക്കു​ന്നു. ഇത്‌ അവരെ മെച്ചപ്പെട്ട പിതാ​ക്കൻമാ​രും മാതാ​ക്ക​ളും കുട്ടി​ക​ളും സുഹൃ​ത്തു​ക്ക​ളും അയൽക്കാ​രും പൗരൻമാ​രും ആയിത്തീ​രു​ന്ന​തി​നു സഹായി​ക്കു​ന്നു. അധികാ​രി​ക​ളോട്‌ ആദരവു വളർത്തി​യെ​ടു​ത്തു​കൊ​ണ്ടും ജീവി​ത​ത്തി​ലാ​വ​ശ്യ​മായ ഒരു കൂട്ടം ഈടുറ്റ മൂല്യ​ങ്ങ​ളാൽ കുട്ടി​കളെ സജ്ജരാ​ക്കി​ക്കൊ​ണ്ടും ക്രിസ്‌തീയ മാതാ​പി​താ​ക്കൾ സ്‌നേ​ഹ​ത്തിൽ ശിക്ഷണം കൊടു​ക്കു​ന്നു.b—സദൃശ​വാ​ക്യ​ങ്ങൾ 13:18, NW.

ലൗകിക വിദ്യാ​ഭ്യാ​സം കുട്ടി​യു​ടെ പരിശീ​ല​ന​ത്തി​ലെ ഒരു പ്രധാ​ന​പ്പെട്ട ഭാഗമാണ്‌. ലഭ്യമാ​യി​രി​ക്കു​ന്ന​തിൽവെച്ച്‌ ഏറ്റവും നല്ല വിദ്യാ​ഭ്യാ​സം തങ്ങളുടെ കുട്ടി​കൾക്കു ലഭിക്കാൻ യഹോ​വ​യു​ടെ സാക്ഷികൾ ആഗ്രഹി​ക്കു​ന്നു.c—സദൃശ​വാ​ക്യ​ങ്ങൾ 13:20.

[അടിക്കു​റി​പ്പു​കൾ]

[10-ാം പേജിലെ ചിത്രം]

സംരക്ഷണാവകാശമില്ലാത്ത മാതാ​വി​ന്റെ​യോ പിതാ​വി​ന്റെ​യോ സന്ദർശ​ന​ത്തെ​ക്കു​റി​ച്ചു കുട്ടി പറയു​മ്പോൾ സംരക്ഷ​ണാ​വ​കാ​ശ​മുള്ള മാതാ​വോ പിതാ​വോ അതു ക്ഷമാപൂർവം കേൾക്കണം