ശാന്തത​യും സ്വസ്ഥത​യു​മുള്ള ഒരു കാലം വരുമോ?

വിദേ​ശത്ത്‌ അവധി​ക്കാ​ലം ചെലവ​ഴി​ക്കാൻ പോയ ബ്രിട്ടീ​ഷു​കാ​രായ വിനോ​ദ​യാ​ത്രി​ക​രോട്‌ അവിടെ അവർ പ്രതീ​ക്ഷി​ച്ചത്‌ എന്താ​ണെന്നു ചോദി​ച്ച​പ്പോൾ 4-ൽ ഏതാണ്ട്‌ 3 പേർ വീതം മറുപടി പറഞ്ഞത്‌ “ശാന്തത​യും സ്വസ്ഥത​യും” എന്നായി​രു​ന്നു. എന്നാൽ ശബ്ദമലി​നീ​ക​രണം ഒരു ലോക​വ്യാ​പക പ്രശ്‌ന​മാ​യി​രി​ക്കു​ന്ന​തി​നാൽ യഥാർഥ​ത്തി​ലുള്ള ശാന്തത​യും സ്വസ്ഥത​യും കേവല​മൊ​രു മിഥ്യ​യാ​ണെന്ന്‌ പലരും വിശ്വ​സി​ക്കു​ന്നു.

ശബ്ദമലി​നീ​ക​ര​ണം കുറയ്‌ക്കാ​നാ​യി തീവ്ര ശ്രമങ്ങൾ നടത്തു​ന്നു​ണ്ടെ​ങ്കി​ലും പൂർണ വിജയം എന്നെങ്കി​ലും സാധ്യ​മാ​കു​മെ​ന്നുള്ള വിശ്വാ​സം വാസ്‌ത​വി​ക​മാ​ണോ എന്നു നിങ്ങൾ വിചാ​രി​ക്കു​ന്നു​ണ്ടാ​കും. നിങ്ങളു​ടെ അതേ ഉത്‌ക​ണ്‌ഠ​ക​ളി​ല്ലാ​ത്ത​വ​രു​ടെ കാര്യ​മോ?

തരണം ചെയ്യേണ്ട തടസ്സങ്ങൾ

വിരോ​ധി​ക​ളോട്‌ സംസാ​രി​ക്കു​ന്ന​തെ​ളു​പ്പമല്ല, നിങ്ങളു​ടെ വീക്ഷണ​ഗതി അവർക്കു മനസ്സി​ലാ​ക്കി​ക്കൊ​ടു​ക്കാ​നാ​ണെ​ങ്കിൽ അതി​ലേറെ ബുദ്ധി​മു​ട്ടാണ്‌. റോൺ താമസി​ക്കുന്ന കെട്ടി​ട​ത്തി​നു വെളി​യിൽ ബഹളക്കാ​രായ കൗമാ​ര​പ്രാ​യ​ക്കാ​രു​ടെ സംഘങ്ങൾ കൂടി​വ​ന്ന​പ്പോൾ അവരോട്‌ സൗഹൃ​ദ​പൂർവം ഇടപെ​ടു​ന്ന​തിൽ അവൻ മുൻ​കൈ​യെ​ടു​ത്തു. അവൻ അവരോട്‌ പേരുകൾ ചോദി​ച്ചു. അവരി​ലൊ​രു​വന്റെ സൈക്കിൾ ശരിയാ​ക്കാൻ സഹായി​ക്കു​ക​പോ​ലും ചെയ്‌തു. അതിൽപ്പി​ന്നെ, അവരിൽനിന്ന്‌ അവനു യാതൊ​രു ഉപദ്ര​വ​വും ഉണ്ടായി​ട്ടില്ല.

ഇനി, മാർജ്‌രി​യു​ടെ കാര്യ​മെ​ടു​ക്കുക. കൗമാ​ര​പ്രാ​യ​ക്കാ​രി​യായ ഒരു മകളുള്ള ഏകാകി​യായ മാതാ​വാ​ണവർ. ഒരു അപ്പാർട്ട്‌മെൻറിൽ, ഒച്ചപ്പാ​ടു​ണ്ടാ​ക്കുന്ന അയൽക്കാ​രു​ടെ ഇടയി​ലാണ്‌ അവരുടെ താമസം. മുകളിൽ താമസി​ക്കു​ന്നവർ തറയിൽ കയറ്റു​പായ്‌ ഇട്ടിട്ടില്ല. അതു​കൊണ്ട്‌, കുട്ടികൾ തറയി​ലൂ​ടെ ചക്രമുള്ള ഷൂ ഇട്ട്‌ തെന്നി നടക്കു​മ്പോ​ഴും പന്തടി​ക്കു​മ്പോ​ഴും കട്ടിലിൽനിന്ന്‌ ചാടു​മ്പോ​ഴും എല്ലാം മാർജ്‌രി​യെ അത്‌ അസ്വസ്ഥ​യാ​ക്കു​ന്നു. കുട്ടി​ക​ളു​ടെ അമ്മയാ​ണെ​ങ്കിൽ വീടി​ന​കത്ത്‌ ഉപ്പൂറ്റി ഉയർന്ന ചെരി​പ്പാണ്‌ ധരിക്കു​ന്നത്‌. ഒച്ച കുറയ്‌ക്കാ​മോ​യെന്ന്‌ തന്റെ അയൽക്കാ​രി​യോ​ടു ചോദി​ക്കു​ന്ന​തി​നാ​യി മാർജ്‌രി അവരെ ദയാപൂർവം സമീപി​ച്ചു. എന്നാൽ അവർക്കി​ട​യി​ലുള്ള ഭാഷാ​ത​ടസ്സം കാരണം ഉദ്ദേശ്യം സാധി​ച്ചില്ല. എന്നാൽ പ്രശ്‌നം പരിഹ​രി​ക്കു​ന്ന​തി​നാ​യി ഒരു ദ്വിഭാ​ഷി​യെ അയയ്‌ക്കാ​മെന്ന്‌ പ്രാ​ദേ​ശിക മുനി​സി​പ്പൽ കൗൺസിൽ പറഞ്ഞി​ട്ടുണ്ട്‌. അതു​കൊണ്ട്‌ മാർജ്‌രി കാര്യങ്ങൾ മെച്ച​പ്പെ​ടു​ന്ന​തി​നാ​യി കാത്തി​രി​ക്കു​ന്നു.

താഴെ താമസി​ക്കുന്ന ആളാ​ണെ​ങ്കിൽ എന്നും രാവിലെ ഏഴിനും എട്ടിനും ഇടയ്‌ക്ക്‌ ഉച്ചത്തിൽ പാട്ടു വെക്കുന്നു, നിർത്താ​തെ​യുള്ള ഗംഭീര താളമ​ടി​യും ഒപ്പം ഉണ്ടാകും. ആ മനുഷ്യ​നോട്‌ നയപൂർവം സംസാ​രി​ച്ച​പ്പോൾ, ‘ജോലി ചെയ്യാൻ നല്ല മൂഡ്‌ ഉണ്ടാക​ണ​മെ​ങ്കിൽ’ സംഗീതം കേൾക്കണം എന്നായി​രു​ന്നു മറുപടി. മാർജ്‌രി എങ്ങനെ​യാണ്‌ പ്രശ്‌നം തരണം ചെയ്യു​ന്നത്‌?

“ഞാൻ ആത്മസം​യ​മ​ന​വും ക്ഷമയും വളർത്തി​യെ​ടു​ത്തു​കൊ​ണ്ടി​രി​ക്കുക​യാണ്‌,” അവർ പറയുന്നു. “ഞാൻ എന്റെ കാര്യ​പ​രി​പാ​ടി​ക്കു മാറ്റം വരുത്തി. ഒച്ചയു​ണ്ടെ​ങ്കി​ലും ഞാൻ വായി​ക്കാൻ തുടങ്ങും. പെട്ടെ​ന്നു​തന്നെ ഞാൻ വായന​യിൽ മുഴു​കും. അപ്പോൾ ഞാൻ ഒച്ച മുമ്പത്തെ അത്രയും ശ്രദ്ധി​ക്കില്ല.”

നേരേ​മ​റിച്ച്‌, ഹെതെർ താമസി​ക്കു​ന്നത്‌ ഒരു നിശാ​ക്ല​ബ്ബിന്‌ അഭിമു​ഖ​മാ​യി സ്ഥിതി​ചെ​യ്യുന്ന ഒരു അപ്പാർട്ട്‌മെൻറി​ലാണ്‌. ബഹളം​നി​റഞ്ഞ രാത്രി​ക്കു ശേഷം ആ നിശാ​ക്ലബ്ബ്‌ അടയ്‌ക്കു​ന്നത്‌ രാവിലെ ഏതാണ്ട്‌ ആറു മണി​യോ​ടു​കൂ​ടി​യാണ്‌. ഒടുവിൽ അവൾ പ്രദേ​ശത്തെ അധികാ​രി​ക​ളോട്‌ പരാതി​പ്പെ​ട്ടെ​ങ്കി​ലും പ്രശ്‌ന​പ​രി​ഹാ​ര​ത്തി​നാ​യി അവർ കാര്യ​മാ​യി ഒന്നും തന്നെ ചെയ്‌തി​ട്ടില്ല.

ഒച്ചപ്പാട്‌ അവസാ​നി​ക്കു​മോ?

“പലയാ​ളു​ക​ളും പൂർണ നിശബ്ദത അങ്ങേയറ്റം അസ്വാ​സ്ഥ്യ​ജ​ന​ക​വും ഭയപ്പെ​ടു​ത്തു​ന്ന​തു​മാ​ണെന്നു കണ്ടെത്തു​ന്നു” എന്ന്‌ ബ്രിട്ട​നി​ലെ മെഡിക്കൽ റിസേർച്ച്‌ കൗൺസി​ലി​ന്റെ ശ്രവണ ഗവേഷണ ഇൻസ്റ്റി​റ്റ്യൂ​ട്ടി​ലെ ഡോ. റോസ്‌ കോൾസ്‌ പ്രസ്‌താ​വി​ക്കു​ന്നു. മനോ​ജ്ഞ​മായ കളകൂ​ജ​നങ്ങൾ, മണൽനി​റഞ്ഞ കടൽത്തീ​രത്ത്‌ തിരമാ​ലകൾ വന്നലയ്‌ക്കു​ന്ന​തി​ന്റെ സൗമ്യ​നാ​ദം, കുട്ടികൾ ആവേശ​ഭ​രി​ത​രാ​യി ഒച്ചവെ​ക്കു​ന്നത്‌—ഇവയും മറ്റുചില ശബ്ദങ്ങളും നമ്മെ ആഹ്ലാദി​പ്പി​ക്കു​ന്നു. ഒച്ചയിൽനിന്ന്‌ കുറച്ചാ​ശ്വാ​സ​ത്തി​നാ​യി നാമി​പ്പോൾ ആഗ്രഹി​ച്ചേ​ക്കാ​മെ​ങ്കി​ലും നമ്മോടു വർത്തമാ​നം പറഞ്ഞി​രി​ക്കുന്ന നല്ല കൂട്ടു​കാ​രോ​ടൊ​പ്പ​മാ​യി​രി​ക്കു​ന്ന​തിൽ നാം സന്തുഷ്ട​രാണ്‌. ദൈവം തന്റെ വിശ്വസ്‌ത സേവകർക്ക്‌ ശാന്തത​യും സ്വസ്ഥത​യും വാഗ്‌ദാ​നം ചെയ്യുന്നു.

ബൈബി​ളിൽ സങ്കീർത്ത​ന​ക്കാ​രൻ ഇങ്ങനെ പ്രഖ്യാ​പി​ക്കു​ന്നു: “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” (സങ്കീർത്തനം 37:11) ദൈവ​ത്തി​ന്റെ സ്വർഗ​രാ​ജ്യ ഗവൺമെൻറ്‌ പെട്ടെ​ന്നു​തന്നെ മാനു​ഷിക കാര്യ​ങ്ങ​ളിൽ ഇടപെ​ടും. (ദാനീ​യേൽ 2:44) അപ്പോൾ ക്രിസ്‌തു​യേ​ശു​വി​ന്റെ ഭരണത്തിൻ കീഴിൽ “ചന്ദ്രനു​ള്ളേ​ട​ത്തോ​ളം സമാധാ​ന​സ​മൃ​ദ്ധി ഉണ്ടാ”കും.—സങ്കീർത്തനം 72:7; യെശയ്യാ​വു 9:6, 7.

ദൈവ​ത്തി​ന്റെ ഇടപെടൽ നാമെ​ല്ലാം ആഗ്രഹി​ക്കുന്ന ശാന്തത​യും സ്വസ്ഥത​യും കൈവ​രു​ത്തു​മെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. ദൈവ​ത്തി​ന്റെ പ്രവാ​ച​ക​നായ യെശയ്യാവ്‌ അതാണ്‌ മുൻകൂ​ട്ടി​പ്പ​റ​ഞ്ഞത്‌: “നീതി​യു​ടെ പ്രവൃത്തി സമാധാ​ന​വും നീതി​യു​ടെ ഫലം ശാശ്വ​ത​വി​ശ്രാ​മ​വും നിർഭ​യ​ത​യും ആയിരി​ക്കും. എന്റെ ജനം . . . സ്വൈ​ര​മുള്ള വിശ്രാ​മ​സ്ഥ​ല​ങ്ങ​ളി​ലും പാർക്കും.”—യെശയ്യാ​വു 32:17, 18.

ഇപ്പോൾപോ​ലും നിങ്ങളു​ടെ പ്രദേ​ശത്തെ യഹോ​വ​യു​ടെ സാക്ഷി​ക​ളു​ടെ കൂടി​വ​ര​വു​ക​ളിൽ നിങ്ങൾക്ക്‌ ആത്മീയ ശാന്തത​യും സ്വസ്ഥത​യും കണ്ടെത്താൻ കഴിയും. ചില സന്ദർഭ​ങ്ങ​ളിൽ വലിയ കൺ​വെൻ​ഷ​നു​ക​ളിൽ പതിനാ​യി​ര​ക്ക​ണ​ക്കി​നാ​ളു​കൾ ആരാധ​ന​യ്‌ക്കാ​യി ഒന്നിച്ചു​കൂ​ടി​വ​രു​ന്നു​ണ്ടെ​ങ്കി​ലും—സ്‌ത്രീ​ക​ളും പുരു​ഷൻമാ​രും കുട്ടി​ക​ളും ഉള്ളതു നിമിത്തം ഈ കൂടി​വ​ര​വു​കൾ വാസ്‌ത​വ​ത്തിൽ “ശബ്‌ദ​മു​ഖ​രി​തമാ”ണ്‌—അവിടു​ത്തെ ശബ്ദം അലോ​സ​ര​പ്പെ​ടു​ത്തു​ന്നതല്ല, പിന്നെ​യോ ഹൃദ്യ​മാണ്‌. (മീഖാ 2:12, പി.ഒ.സി. ബൈബിൾ) സാക്ഷി​ക​ളു​ടെ പ്രാ​ദേ​ശിക യോഗ​ങ്ങ​ളിൽ ഹാജരാ​യി​ക്കൊ​ണ്ടോ ഈ മാസി​ക​യു​ടെ 5-ാം പേജിൽ കൊടു​ത്തി​രി​ക്കുന്ന ഒരു മേൽവി​ലാ​സ​ത്തിൽ എഴുതി​ക്കൊണ്ട്‌ അവരു​മാ​യി ബന്ധപ്പെ​ടു​ന്നതു വഴിയോ നിങ്ങൾക്കതു നേരിട്ട്‌ അനുഭ​വി​ച്ച​റി​യാൻ കഴിയും. അവരോ​ടൊ​ത്തുള്ള സഹവാ​സ​ത്തിൽ യഥാർഥ ശാന്തത​യും സ്വസ്ഥത​യും ഇപ്പോ​ഴും ഒരുപക്ഷേ എക്കാല​ത്തും ആസ്വദി​ക്കുക.