യുവജ​നങ്ങൾ ചോദി​ക്കു​ന്നു . . .

ദൈവം തുടർന്നും എന്റെ സുഹൃ​ത്താ​യി​രി​ക്കു​മോ?

ദൈവ​ത്തി​ന്റെ സൗഹൃദം ആസ്വദിച്ച ഒരാളാ​യി​രു​ന്നു ദാവീദ്‌ രാജാവ്‌. എന്നാൽ ഒരു സന്ദർഭ​ത്തിൽ അവൻ പറഞ്ഞു: “എന്റെ മനഃപീ​ഡകൾ വർദ്ധി​ച്ചി​രി​ക്കു​ന്നു.” മറ്റുള്ള​വ​രിൽനി​ന്നുള്ള ദുഷ്‌പ്പെ​രു​മാ​റ്റങ്ങൾ നിമിത്തം മാത്രമല്ല സ്വന്തം തെറ്റുകൾ നിമി​ത്ത​വും ദാവീ​ദിന്‌ ദുരിതം അനുഭ​വി​ക്കേണ്ടി വന്നു. ദൈവം പോലും തന്നെ കൈവി​ട്ട​താ​യി അവനു തോന്നി​ത്തു​ടങ്ങി. അവൻ പ്രാർഥി​ച്ചു: “എങ്കലേക്കു തിരിഞ്ഞു എന്നോടു കരുണ​യു​ണ്ടാ​കേ​ണമേ; ഞാൻ ഏകാകി​യും അരിഷ്ട​നും ആകുന്നു.”—സങ്കീർത്തനം 25:11, 16-19.

ഒരുപക്ഷേ നിങ്ങൾക്കും അരിഷ്ടത അനുഭ​വ​പ്പെ​ടു​ന്നു​ണ്ടാ​യി​രി​ക്കാം. ഭവനത്തി​ലോ സ്‌കൂ​ളി​ലോ നിങ്ങളെ ആകുലീ​ക​രി​ക്കുന്ന അസുഖ​ക​ര​മായ ഒരന്തരീ​ക്ഷ​മാ​യി​രി​ക്കാം ഉള്ളത്‌. ഗുരു​ത​ര​മായ എന്തെങ്കി​ലും ആരോഗ്യ പ്രശ്‌നങ്ങൾ നിങ്ങൾക്കു​ണ്ടാ​യി​രി​ക്കാം, അല്ലെങ്കിൽ നിരു​ത്സാ​ഹ​പ്പെ​ടു​ത്തുന്ന തരത്തി​ലുള്ള ബലഹീ​ന​തകൾ നിങ്ങൾ നേരി​ടു​ന്നു​ണ്ടാ​യി​രി​ക്കാം. സാഹച​ര്യം എന്തുത​ന്നെ​യാ​യാ​ലും നിങ്ങൾ തനിച്ച്‌ ഈ ദുരി​ത​ങ്ങ​ളെ​ല്ലാം അനുഭ​വി​ക്കേ​ണ്ട​തില്ല; ദൈവം ഉദാര​മാ​യി തന്റെ സൗഹൃ​ദ​വും പിന്തു​ണ​യും വാഗ്‌ദാ​നം ചെയ്യുന്നു.a നിങ്ങൾ ഇതി​നോ​ടകം അവനു​മാ​യി ഒരു ബന്ധം വളർത്തി​യെ​ടു​ക്കാൻ തുടങ്ങി​യി​ട്ടു​ണ്ടെ​ങ്കിൽ, തന്റെ സുഹൃ​ത്തു​ക്കൾ പ്രയാ​സ​ക​ര​മായ ഒരവസ്ഥ​യി​ലാ​യി​രി​ക്കു​മ്പോൾ അവൻ അവരെ കൈ​വെ​ടി​യു​ക​യി​ല്ലെന്ന്‌ അറിയു​ന്നത്‌ ആശ്വാ​സ​ദാ​യ​ക​മാ​യി​രി​ക്കും. എങ്കിൽത്ത​ന്നെ​യും, പ്രയാ​സങ്ങൾ നിങ്ങളെ വേട്ടയാ​ടു​മ്പോൾ ദൈവം വിദൂ​ര​ത്താ​ണെന്നു നിങ്ങൾക്കു തോന്നി​യേ​ക്കാം. അവൻ നിങ്ങളെ ഒട്ടും സഹായി​ക്കു​ന്നി​ല്ലെ​ന്നു​പോ​ലും നിങ്ങൾക്കു തോന്നി​യേ​ക്കാം. എന്നാൽ വാസ്‌ത​വ​ത്തിൽ അങ്ങനെ​യാ​ണോ?

“ജഡത്തിൽ ഒരു ശൂലം”

ആദ്യം​തന്നെ ദയവായി 2 കൊരി​ന്ത്യർ 12:7-10 വായി​ക്കുക. അവിടെ അപ്പോ​സ്‌ത​ല​നായ പൗലൊസ്‌, “ജഡത്തിൽ ഒരു ശൂലം” എന്നു വിളി​ക്ക​പ്പെ​ടുന്ന ഒരു കാര്യ​ത്തിൽനിന്ന്‌ ക്ലേശമ​നു​ഭ​വി​ച്ചി​രു​ന്ന​തി​നെ​പ്പറ്റി പറയുന്നു. “ശൂലം” ഏതെങ്കി​ലും തരത്തി​ലുള്ള ശാരീ​രിക വൈക​ല്യം, ഒരുപക്ഷേ കാഴ്‌ച​സം​ബ​ന്ധ​മായ പ്രശ്‌നം ആയിരു​ന്നി​രി​ക്കാ​നുള്ള സാധ്യ​ത​യുണ്ട്‌. എന്തുത​ന്നെ​യാ​യി​ക്കൊ​ള്ളട്ടെ അത്‌ അവനെ വൈകാ​രി​ക​മാ​യി ‘കുത്തി’ക്കൊ​ണ്ടേ​യി​രു​ന്നു. “ശൂലം” നീക്കം ചെയ്യാൻ മൂന്നു പ്രാവ​ശ്യം ദൈവ​ത്തോട്‌ ആത്മാർഥ​മാ​യി അഭ്യർഥി​ച്ചെ​ങ്കി​ലും അതു നീക്കം​ചെ​യ്യ​പ്പെ​ട്ടില്ല.

യഹോവ പൗലൊ​സി​ന്റെ പ്രാർഥ​ന​കളെ അവഗണി​ക്കു​ക​യാ​യി​രു​ന്നോ? തീർച്ച​യാ​യും അല്ലായി​രു​ന്നു! ദൈവം അവനോട്‌ ഇപ്രകാ​രം അരുളി​ച്ചെ​യ്‌തു: ‘എന്റെ കൃപ നിനക്കു മതി; എന്റെ ശക്തി ബലഹീ​ന​ത​യിൽ തികഞ്ഞു വരുന്നു.’ യഹോവ ആ “ശൂലം” നീക്കം ചെയ്‌തി​ല്ലെ​ങ്കി​ലും അവൻ പൗലൊ​സി​നെ ഉപേക്ഷി​ച്ചില്ല. ദൈവ​ത്തി​ന്റെ അനർഹദയ നിമിത്തം പൗലൊസ്‌ അവനു​മാ​യി ഒരടുത്ത സൗഹൃദം ആസ്വദി​ച്ചു. തന്റെ വൈക​ല്യ​വു​മാ​യി കഴിഞ്ഞു​കൂ​ടു​ന്ന​തി​നു പൗലൊ​സി​നെ സഹായി​ക്കാൻ അതു “മതി”യായി​രു​ന്നു. പൗലൊസ്‌ അപ്രകാ​രം ചെയ്യാൻ മല്ലിട്ടു​കൊ​ണ്ടി​രു​ന്ന​പ്പോൾ തന്നെ പുലർത്താ​നുള്ള ദൈവ​ത്തി​ന്റെ ശക്തി അവൻ വ്യക്തി​പ​ര​മായ പുതി​യൊ​രു മാർഗ​ത്തി​ലൂ​ടെ അനുഭ​വി​ക്കു​മാ​യി​രു​ന്നു.

ബുദ്ധി​മു​ട്ടു​കളെ തരണം ചെയ്യു​ന്ന​തിൽ സഹായം

പൗലൊ​സി​നെ​പോ​ലെ നിങ്ങൾക്കും അശുഭാ​പ്‌തി​വി​ശ്വാ​സ​വും നിരു​ത്സാ​ഹ​വും ഉളവാ​ക്കുന്ന കുത്തുന്ന എന്തെങ്കി​ലും “ശൂലം” അല്ലെങ്കിൽ പ്രശ്‌നം ഉണ്ടായി​രി​ക്കാം. പൗലൊ​സി​ന്റെ കാര്യ​ത്തി​ലെ​ന്ന​പോ​ലെ ആ കുഴപ്പം തുടർന്നും നില​കൊ​ള്ളാൻ ദൈവം അനുവ​ദി​ച്ചേ​ക്കാം. അവൻ മേലാൽ നിങ്ങളു​ടെ സുഹൃ​ത്ത​ല്ലെന്നല്ല അതിന്റെ അർഥം. ദൈവം പൗലൊ​സി​നോ​ടു പറഞ്ഞു: ‘എന്റെ ശക്തി ബലഹീ​ന​ത​യിൽ തികഞ്ഞു​വ​രു​ന്നു.’ സ്വന്ത ശക്തിയിൽ ആശ്രയി​ക്കു​ന്ന​തി​നു​പ​കരം ദൈവ​ത്തി​ന്റെ ശക്തിയിൽ ആശ്രയി​ക്കു​ക​യാ​ണെ​ങ്കിൽ നിങ്ങൾക്കു സഹിച്ചു​നിൽക്കാൻ കഴിയും. ഒരിക്ക​ലും സാധി​ക്കു​ക​യി​ല്ലെന്നു കരുതി​യി​രുന്ന കാര്യങ്ങൾ ദൈവാ​ത്മാ​വി​ന്റെ സഹായ​ത്താൽ നിവൃ​ത്തി​ക്കാൻ സാധി​ക്കു​ന്ന​താ​യി​പോ​ലും നിങ്ങൾ കണ്ടെത്തി​യേ​ക്കും. പൗലൊസ്‌ പറഞ്ഞു: ‘ഞാൻ അതിസ​ന്തോ​ഷ​ത്തോ​ടെ എന്റെ ബലഹീ​ന​ത​ക​ളിൽ പ്രശം​സി​ക്കും. ബലഹീ​ന​നാ​യി​രി​ക്കു​മ്പോൾ തന്നേ ഞാൻ ശക്തനാ​കു​ന്നു.’

മായb എന്നു പേരുള്ള ഒരു യുവതി ഇതു സത്യമാ​ണെന്നു കണ്ടെത്തി. 14-ാം വയസ്സിൽ ഒരു നേത്ര​രോ​ഗം പിടി​പെ​ട്ട​തി​ന്റെ ഫലമായി അവൾക്കു കാഴ്‌ച നഷ്ടപ്പെട്ടു. അതേ വർഷം​തന്നെ അവളുടെ അമ്മ പെട്ടെന്നു മരിച്ചു. “എനിക്കി​പ്പോൾ യഹോവ മാത്രമേ ഉള്ളൂ എന്നായി,” വേദനി​പ്പി​ക്കുന്ന ഈ “ശൂലങ്ങൾ” കൈകാ​ര്യം ചെയ്യു​ന്ന​തി​നെ സംബന്ധിച്ച്‌ മായ പറയുന്നു. “ഈ സാഹച​ര്യം വിജയ​ക​ര​മാ​യി കൈകാ​ര്യം ചെയ്യാൻ സാധി​ക്ക​ണ​മെ​ങ്കിൽ ഞാൻ അവനോ​ടു പറ്റി​ച്ചേർന്നു നിൽക്കേ​ണ്ട​തു​ണ്ടെന്ന്‌ എനിക്ക​റി​യാ​മാ​യി​രു​ന്നു.” മായ അതുതന്നെ ചെയ്‌തു. കാല​ക്ര​മേണ അവൾ ഒരു മുഴു​സമയ സുവി​ശേ​ഷ​ക​യാ​യി സേവി​ക്കാൻ തുടങ്ങി. അവൾ പറയുന്നു: “എല്ലാ കാര്യ​ങ്ങ​ളി​ലും എന്നെ സഹായി​ക്കാൻ ഞാൻ യഹോ​വ​യോട്‌ ആവശ്യ​പ്പെട്ടു. അവൻ സഹായി​ക്കു​ക​യും ചെയ്‌തു.”

പീഡനങ്ങൾ വാസ്‌ത​വ​ത്തിൽ തങ്ങളെ ദൈവ​വു​മാ​യി​ട്ട​ടു​പ്പി​ക്കു​ന്ന​താ​യി പല യുവാ​ക്ക​ളും കണ്ടെത്തി​യി​ട്ടുണ്ട്‌. കൊച്ചു ജെഫിന്റെ കാര്യം പരിചി​ന്തി​ക്കുക. അവന്റെ അച്ഛൻ വീടു​വി​ട്ടു പോയി. അമ്മയ്‌ക്കാ​ണെ​ങ്കിൽ ഏഴു മക്കളെ പരിപാ​ലി​ക്കേ​ണ്ട​തു​ണ്ടാ​യി​രു​ന്നു. “എനിക്ക്‌ ഒരച്ഛന്റെ അഭാവം വളരെ​യ​ധി​കം അനുഭ​വ​പ്പെട്ടു,” ജെഫ്‌ സമ്മതി​ക്കു​ന്നു. അവന്‌ അപ്പോൾ വെറും 12 വയസ്സേ ഉണ്ടായി​രു​ന്നു​ള്ളൂ. “ദിവസ​വും എനിക്ക​നു​ഭ​വ​പ്പെ​ട്ടി​രുന്ന ആ ശൂന്യത നികത്താൻ ആരെ​യെ​ങ്കി​ലും ലഭിക്കു​ന്ന​തി​നു ഞാൻ ആഗ്രഹി​ച്ചു.” ജെഫ്‌ ചെയ്‌തത്‌ എന്താണ്‌? “ആ ആവശ്യം നികത്താൻ എന്നെ സഹായി​ക്കാൻ ഞാൻ യഹോ​വ​യോട്‌ അപേക്ഷി​ച്ചു.” ജെഫ്‌ അവന്റെ പ്രാർഥ​ന​യോ​ടു യോജി​പ്പിൽ പ്രവർത്തി​ച്ചു. അവൻ ആത്മീയ കാര്യ​ങ്ങ​ളിൽ മുഴുകി. ക്രമേണ യഹോ​വ​യു​ടെ പിന്തുണ അവന്‌ അനുഭ​വ​പ്പെ​ടാൻ തുടങ്ങി. ശക്തീക​രി​ക്കുന്ന തന്റെ പരിശു​ദ്ധാ​ത്മാ​വി​ലൂ​ടെ​യും ക്രിസ്‌തീയ സഭയി​ലൂ​ടെ​യും ആയിരു​ന്നു അവൻ അതു പ്രദാനം ചെയ്‌തത്‌. (സങ്കീർത്തനം 27:10 താരത​മ്യം ചെയ്യുക.) ഇപ്പോൾ 27-ാം വയസ്സിൽ ജെഫ്‌ പറയുന്നു: “സുരക്ഷി​ത​ത്വ​ത്തി​നാ​യി എനിക്ക്‌ മറ്റാ​രെ​യും ആശ്രയി​ക്കാൻ കഴിയു​മാ​യി​രു​ന്നില്ല. അതു​കൊണ്ട്‌ ഞാൻ യഹോ​വ​യു​മാ​യി​ട്ടു വളരെ അടുത്തു.” “ഈ പരി​ശോ​ധ​ന​യു​ടെ ഫലമാ​യി​ട്ടു​ണ്ടായ വിലതീ​രാത്ത അനു​ഗ്രഹം” എന്നാണ്‌ അവൻ ആ അടുത്ത ബന്ധത്തെ വിളി​ക്കു​ന്നത്‌.

ദൈവ​ത്തി​ന്റെ സഹായം ലഭിക്കാ​വുന്ന വിധം

നിങ്ങളു​ടെ സ്വർഗീയ സുഹൃത്ത്‌ വിഷമ​ഘ​ട്ട​ങ്ങ​ളിൽ നിങ്ങ​ളെ​യും അപ്രകാ​രം​തന്നെ സഹായി​ക്കും. എന്നാൽ നിങ്ങൾ എന്താണു ചെയ്യേ​ണ്ടത്‌? ഏതൊരു സുഹൃ​ദ്‌ബ​ന്ധ​വും തഴച്ചു​വ​ള​ര​ണ​മെ​ങ്കിൽ ആശയവി​നി​യമം ഉണ്ടായി​രി​ക്കണം. ദൈവ​വു​മാ​യി ആശയവി​നി​യമം നടത്താ​നുള്ള മാർഗം പ്രാർഥ​ന​യാണ്‌. അവന്റെ സഹായം ആവശ്യ​മാ​ണെന്ന്‌ നാം അവനെ അറിയി​ക്കു​ന്നതു പ്രാർഥ​ന​യി​ലൂ​ടെ​യാണ്‌. എന്നാൽ പ്രാർഥന തണുത്ത മട്ടിലു​ള്ള​തോ യാന്ത്രി​ക​മോ ആണെങ്കിൽ അതി​നൊ​രു വിലയു​മില്ല. മുമ്പു പ്രതി​പാ​ദിച്ച യുവജ​ന​ങ്ങ​ളെ​പ്പോ​ലെ നിങ്ങൾ ‘ഹൃദയം അവന്റെ മുമ്പിൽ പകരണം.’ (സങ്കീർത്തനം 62:8) നിങ്ങൾ യാചന കഴി​ക്കേ​ണ്ട​താ​യി​പോ​ലും വന്നേക്കാം. (ഫിലി​പ്പി​യർ 4:6) വിശിഷ്യ കഠിന​വും മനമു​രു​കി​യു​മുള്ള പ്രാർഥ​ന​ക​ളാണ്‌ യാചനകൾ.

ചിന്തകൾക്കു കടിഞ്ഞാ​ണി​ടു​ന്ന​തി​ലോ ഒരു ദുഷിച്ച ശീലം മറിക​ട​ക്കു​ന്ന​തി​ലോ നിങ്ങൾക്കു ബുദ്ധി​മു​ട്ടു​ണ്ടെ​ന്നി​രി​ക്കട്ടെ. യഹോ​വ​യോ​ടു യാചന കഴിക്കുക! പ്രലോ​ഭ​ന​ങ്ങ​ളു​ടെ സമയത്ത്‌ അവന്റെ സഹായ​ത്തി​നാ​യി യാചി​ക്കുക. ഇത്‌ എപ്പോ​ഴും എളുപ്പ​മാ​യി​രി​ക്കില്ല. “തെറ്റായ എന്തെങ്കി​ലും ചെയ്യാൻ ശക്തമായ പ്രേര​ണ​യു​ണ്ടാ​കു​മ്പോൾ ഞാൻ എന്നെ​ക്കൊ​ണ്ടു​തന്നെ പ്രാർഥി​പ്പി​ക്കും,” ഗാരി സമ്മതിച്ചു. “ചില​പ്പോൾ ഞാൻ ചിന്തി​ക്കും, ‘ഞാൻ എങ്ങനെ യഹോ​വയെ സമീപി​ക്കും?’ എന്നാലും ഞാൻ സഹായ​ത്തി​നാ​യി അവനോട്‌ അഭ്യർഥി​ക്കും. പിടി​ച്ചു​നിൽക്കാ​നുള്ള ശക്തി അവൻ എനിക്കു തരുന്നു.” ആദ്യ​മൊ​ക്കെ ബുദ്ധി​മുട്ട്‌ അനുഭ​വ​പ്പെ​ടു​മെ​ങ്കി​ലും നിങ്ങളു​ടെ ഹൃദയം ദൈവ​ത്തി​ന്റെ മുമ്പിൽ തുറന്നു​കാ​ട്ടി​ക്കൊ​ണ്ടി​രി​ക്കുക.

നിങ്ങളു​ടെ പ്രാർഥ​ന​കൾക്ക്‌ ഉത്തരം ലഭിക്കാ​ത്ത​തു​പോ​ലെ തോന്നു​ക​യാ​ണെ​ങ്കി​ലോ? ഉദാഹ​ര​ണ​ത്തിന്‌, സ്വയം​ഭോ​ഗ​മെന്ന ദുഷിച്ച ശീലം തരണം ചെയ്യാൻ ലൈല പാടു​പെ​ടു​ക​യാ​യി​രു​ന്നു. അവൾ വിവരി​ക്കു​ന്നു: “ഞാൻ സത്യസ​ന്ധ​മാ​യി പ്രശ്‌ന​ത്തെ​ക്കു​റിച്ച്‌ യഹോ​വ​യോ​ടു സംസാ​രി​ക്കു​മാ​യി​രു​ന്നു. എന്നാൽ അതു നിറു​ത്താൻ എനിക്കു കഴിയി​ല്ലെ​ന്ന​തു​പോ​ലെ തോന്നി.” നമ്മുടെ ആവശ്യങ്ങൾ സംബന്ധിച്ച്‌ നാം ഗൗരവ​മു​ള്ള​വ​രാ​ണോ എന്നു പ്രകട​മാ​ക്കാൻ ചില​പ്പോൾ ദൈവം അനുവ​ദി​ച്ചേ​ക്കാം. (സങ്കീർത്തനം 88:13, 14 താരത​മ്യം ചെയ്യുക.) അതു​കൊണ്ട്‌ നാം പ്രാർഥ​ന​യിൽ ഉറ്റിരി​ക്കണം! (മത്തായി 7:7; റോമർ 12:12) ലൈല ചെയ്‌തത്‌ അതുത​ന്നെ​യാ​യി​രു​ന്നു. അതേസ​മ​യം​തന്നെ, ഈ വിഷയ​ത്തെ​ക്കു​റിച്ച്‌ വാച്ച്‌ ടവർ സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളി​ലെ ലേഖന​ങ്ങ​ളിൽ വന്ന നിർദേ​ശങ്ങൾ അവൾ ബാധക​മാ​ക്കാ​നും തുടങ്ങി.c ക്രമേണ അതിന്‌ ഫലമു​ണ്ടാ​കു​ന്ന​താ​യി അവൾ കാണാൻ തുടങ്ങി. അവൾ അനുസ്‌മ​രി​ക്കു​ന്നു: “പ്രലോ​ഭ​ന​ങ്ങളെ വിജയ​പ്ര​ദ​മാ​യി ചെറു​ക്കാൻ സാധി​ക്കുന്ന ഓരോ സന്ദർഭ​ങ്ങ​ളി​ലും ഞാൻ യഹോ​വയെ സ്‌തു​തി​ക്കും. കാരണം, അവൻ എന്നോ​ടൊ​പ്പ​മു​ണ്ടാ​യി​രു​ന്നെന്ന്‌ എനിക്ക​റി​യാ​മാ​യി​രു​ന്നു.” നിങ്ങളു​ടെ പ്രശ്‌നത്തെ തരണം ചെയ്യാ​നാ​യി മല്ലിടവേ നിങ്ങൾ ചില​പ്പോൾ അതി​ലേക്കു വീണ്ടും വഴുതി​വീ​ണേ​ക്കാം. എന്നാൽ നിങ്ങളു​ടെ ബലഹീ​ന​തയെ ചെറു​ക്കു​ക​യും മനപ്പൂർവം അതിൽ ഏർപ്പെ​ടാ​തി​രി​ക്കു​ക​യും ചെയ്യു​ന്നെ​ങ്കിൽ ദൈവം നിങ്ങളു​ടെ ‘സകല ഉത്സാഹ​വും’ കണ്ട്‌ സംപ്രീ​ത​നാ​കും. അവൻ തുടർന്നും നിങ്ങളു​ടെ സുഹൃ​ത്താ​യി​രി​ക്കും.—2 പത്രൊസ്‌ 1:5.

ദൈവ​ത്തോ​ടൊ​ത്തു പ്രവർത്തി​ക്കൽ

ദൈവ​ത്തി​ന്റെ സഹായം ലഭിക്കാ​നുള്ള മറ്റൊരു മാർഗം, അവന്റെ ‘കൂട്ടു​വേ​ല​ക്കാ​രിൽ’ ഒരാളാ​യി​രി​ക്കാ​നുള്ള ക്ഷണം സ്വീക​രി​ക്കു​ക​യാണ്‌. (1 കൊരി​ന്ത്യർ 3:9) ദൈവ​ത്തെ​ക്കു​റി​ച്ചു പഠിക്കാൻ മറ്റുള്ള​വരെ സഹായി​ക്കു​ന്ന​തിൽ ഒരു പങ്കുണ്ടാ​യി​രി​ക്കു​ന്നത്‌ ഇതിൽ ഉൾപ്പെ​ടു​ന്നു. (മത്തായി 28:19, 20) നിങ്ങൾക്ക്‌ ദുഃഖ​മോ നിരു​ത്സാ​ഹ​മോ അനുഭ​വ​പ്പെ​ടു​മ്പോൾ ഏതെങ്കി​ലും തരത്തി​ലുള്ള പ്രവർത്ത​ന​ത്തിൽ ഏർപ്പെ​ടു​ക​യെന്ന ആശയം സ്വീകാ​ര്യ​മാ​യി തോന്നു​ക​യി​ല്ലാ​യി​രി​ക്കാം. എങ്കിലും ‘കർത്താ​വി​ന്റെ വേലയിൽ വർധി​ച്ചു​വ​രു​ന്നത്‌’ നിങ്ങളെ യഥാർഥ​ത്തിൽ സഹായി​ക്കും. (1 കൊരി​ന്ത്യർ 15:58) ചുരു​ങ്ങി​യ​പക്ഷം, സ്വന്തം പ്രശ്‌ന​ത്തിൽനിന്ന്‌ അത്‌ നിങ്ങളു​ടെ മനസ്സിനെ വിമു​ക്ത​മാ​ക്കും. (സദൃശ​വാ​ക്യം 18:1 താരത​മ്യം ചെയ്യുക.) മുമ്പ്‌ ഉദ്ധരിച്ച മായ അവൾക്കു ബുദ്ധി​മു​ട്ടു നേരിട്ട സമയങ്ങ​ളെ​ക്കു​റി​ച്ചു പറയുന്നു: “എന്നെ പിടി​ച്ചു​നിൽക്കാൻ സഹായിച്ച സംഗതി യഹോ​വ​യ്‌ക്കു​വേ​ണ്ടി​യുള്ള എന്റെ പ്രവർത്ത​ന​മാ​യി​രു​ന്നു!”

ദൈവം നിങ്ങളെ കൈ​വെ​ടി​ഞ്ഞെന്ന ചിന്ത ഇനിയും അവശേ​ഷി​ക്കു​ക​യാ​ണെ​ന്നി​രി​ക്കട്ടെ. ദൈവ​ത്തോ​ടൊ​പ്പം വേല ചെയ്യു​ന്നത്‌ അത്‌ തരണം ചെയ്യാൻ നിങ്ങളെ സഹായി​ക്കും. ഒരു പൊതു​വായ ലാക്ക്‌ വെച്ചു​കൊണ്ട്‌ രണ്ടു പേർ ഒരു ടീം ആയി പ്രവർത്തി​ക്കു​മ്പോൾ അവർ മിക്കവാ​റും സുഹൃ​ത്തു​ക്ക​ളാ​യി​ത്തീ​രു​ന്നി​ല്ലേ? പ്രസം​ഗ​വേ​ല​യിൽ ഏർപ്പെ​ടവെ നിങ്ങൾ നിരന്തരം വെല്ലു​വി​ളി​കൾ നേരി​ടു​ന്നു. സഹായ​ത്തി​നാ​യി നിങ്ങൾ ദൈവ​ത്തി​ലേക്കു തിരി​യു​ന്ന​താ​യി നിങ്ങൾ കണ്ടെത്തും. ദൈവം നിങ്ങളു​ടെ വേലകളെ അനു​ഗ്ര​ഹി​ക്കവെ അവന്റെ സൗഹൃദം കൂടുതൽ യാഥാർഥ്യ​മാ​യി​ത്തീ​രു​ന്നു. ഒരു കൂട്ടു​വേ​ല​ക്കാ​ര​നെ​ന്ന​നി​ല​യിൽ ദൈവം നിങ്ങളിൽ അർപ്പി​ച്ചി​രി​ക്കുന്ന വിശ്വാ​സം നിങ്ങൾ തിരി​ച്ച​റി​യാൻ തുടങ്ങു​ന്നു. ഇത്‌ നിങ്ങളു​ടെ ആത്മവി​ശ്വാ​സ​ത്തിന്‌ ഒരു യഥാർഥ പ്രചോ​ദ​ക​മാ​യി​ത്തീർന്നേ​ക്കാം.

ഉദാഹ​ര​ണ​ത്തിന്‌, മഞ്‌ജു തികച്ചും അരക്ഷി​താ​വ​സ്ഥ​യി​ലാ​യി​രു​ന്നു. അവളുടെ അമ്മ ആത്മഹത്യ ചെയ്‌തു. ദുസ്വ​ഭാ​വി​യായ അച്ഛനാ​കട്ടെ, നിരന്തരം അവളെ താഴ്‌ത്തി​ക്കെ​ട്ടാൻ ശ്രമിച്ചു. എന്നാൽ 17-ാം വയസ്സിൽ അവൾ ഒരു യഹോ​വ​യു​ടെ സാക്ഷി​യാ​യി തീർന്നു, പ്രസം​ഗ​വേ​ല​യും ഏറ്റെടു​ത്തു. ഇപ്പോൾ പത്തു വർഷത്തെ മുഴു​സമയ സുവി​ശേഷ പ്രവർത്ത​ന​ത്തി​നു​ശേഷം അവൾ പറയുന്നു: “ഈ വേല എന്നെ അത്യന്തം സഹായി​ച്ചി​രി​ക്കു​ന്നു. കാരണം എന്റെമേൽ യഹോ​വ​യു​ടെ അനു​ഗ്ര​ഹ​മു​ള്ളത്‌ എനിക്കു കാണാൻ കഴിഞ്ഞു. ഞാൻ എന്നോ​ടു​തന്നെ പറയാ​റുണ്ട്‌, ‘ദൈവം എന്നെ സ്‌നേ​ഹി​ക്കു​ന്നു​വെ​ങ്കിൽ ഞാൻ ഒന്നിനും​കൊ​ള്ളാ​ത്ത​വളല്ല.’ യഹോ​വ​യു​ടെ നാമം ഉദ്‌ഘോ​ഷി​ക്കാൻ അവൻ എന്നെ ഉപയോ​ഗി​ച്ചി​രി​ക്കു​ന്നത്‌ എന്നെ കൂടുതൽ സുരക്ഷി​ത​യാ​ക്കി​യി​രി​ക്കു​ന്നു.”

“യഹോവ നല്ലവൻ എന്നു രുചി​ച്ച​റി​വിൻ”

‘എന്റെ സകലഭ​യ​ങ്ങ​ളിൽനി​ന്നും [ദൈവം] എന്നെ വിടു​വി​ച്ചു’ എന്ന്‌ ജീവനു ഭീഷണി നേരിട്ട ഒരു സന്ദർഭ​ത്തിൽ തലനാ​രി​ഴ​യ്‌ക്കു രക്ഷപ്പെ​ട്ട​പ്പോൾ ദാവീദ്‌ രാജാവ്‌ എഴുതി. (സങ്കീർത്തനം 34:4, 6, മേലെ​ഴുത്ത്‌; 1 ശമൂവേൽ 21:10-12) ദാവീ​ദിന്‌ അങ്ങനെ അനുഭ​വ​ത്തിൽനിന്ന്‌ ഇപ്രകാ​രം പറയാൻ സാധിച്ചു: “യഹോവ നല്ലവൻ എന്നു രുചി​ച്ച​റി​വിൻ; അവനെ ശരണം​പ്രാ​പി​ക്കുന്ന പുരുഷൻ ഭാഗ്യ​വാൻ.”—സങ്കീർത്തനം 34:8.

ദാവീ​ദി​ന്റേ​തു​പോ​ലെ നിങ്ങളു​ടെ ജീവൻ ഒരിക്ക​ലും അപകട​ത്തി​ലാ​കു​ക​യി​ല്ലെ​ങ്കി​ലും ചില സമയങ്ങ​ളിൽ ചില സമ്മർദ​ങ്ങ​ളും പിരി​മു​റു​ക്ക​ങ്ങ​ളും നിങ്ങൾ അനുഭ​വി​ക്കു​മെ​ന്നതു തീർച്ച​യാണ്‌. ‘മനഃപീ​ഡകൾ വർധി’ക്കുമ്പോൾ ദൈവ​ത്തോ​ടു യാചി​ക്കുക. (സങ്കീർത്തനം 25:17) ദൈവം അവന്റെ സൗഹൃദം പിൻവ​ലി​ക്കു​മെന്നു പേടി​ക്കേണ്ട. ക്ഷമയോ​ടെ സഹിച്ചു​നിൽക്കേ, ദൈവ​ത്തി​ന്റെ നേരി​ട്ടുള്ള പിന്തു​ണ​യും കരുത​ലും അനുഭ​വി​ച്ച​റി​യവേ, “യഹോവ നല്ലവൻ” എന്ന്‌ നിങ്ങൾ സ്വയം ‘കാണു​ക​യും രുചി​ച്ച​റി​യു​ക​യും’ ചെയ്യും. അവൻ എന്നെന്നും നിങ്ങളു​ടെ സ്‌നേ​ഹി​ത​നാ​യി​രി​ക്കു​ക​യും ചെയ്യും.—യാക്കോബ്‌ 4:8.

[അടിക്കു​റി​പ്പു​കൾ]

[19-ാം പേജിലെ ചിത്രം]

പ്രതികൂല സാഹച​ര്യ​ങ്ങ​ളിൽ ദൈവം തന്റെ സ്‌നേ​ഹി​തരെ കൈവി​ടാ​റു​ണ്ടോ?