കുടി​യേ​റി​പ്പാർക്ക​ലി​ന്റെ വരും​വ​രാ​യ്‌കകൾ കണക്കാ​ക്കുക!

ദക്ഷിണാഫ്രിക്കയിലെ ഉണരുക! ലേഖകൻ

നിങ്ങൾ മറ്റൊരു ദേശത്തു കുടി​യേ​റി​പ്പാർക്കാൻ ഉദ്ദേശി​ക്കു​ന്നു​വോ? അതിന്റെ വരും​വ​രാ​യ്‌കകൾ നിങ്ങൾ കണക്കു​കൂ​ട്ടി നോക്കി​യോ? സാമ്പത്തിക ചെലവു മാത്രമല്ല ഞങ്ങൾ അർഥമാ​ക്കു​ന്നത്‌. വാസ്‌ത​വ​ത്തിൽ, മിക്കയാ​ളു​ക​ളും കുടി​യേ​റാൻ ആഗ്രഹി​ക്കു​ന്ന​തു​തന്നെ സാമ്പത്തിക സുരക്ഷി​ത​ത്വ​ത്തി​നു വേണ്ടി​യാ​ണ​ല്ലോ. അവിടെ ചെന്നെ​ത്തി​ക്ക​ഴി​ഞ്ഞു മാത്രം വെളി​ച്ച​ത്തു​വ​രുന്ന മറഞ്ഞി​രി​ക്കുന്ന വരും​വ​രാ​യ്‌ക​ക​ളെ​ക്കു​റി​ച്ചാ​ണു ഞങ്ങൾ അർഥമാ​ക്കു​ന്നത്‌. അപ്പോ​ഴേ​ക്കും നിങ്ങളു​ടെ കാലടി​കൾ പിൻവ​ലി​ക്കാ​നാ​കാത്ത വിധം സമയം വളരെ വൈകി​പ്പോ​യി​രി​ക്കും. നിങ്ങളെ ഭയപ്പെ​ടു​ത്താ​നു​ദ്ദേ​ശി​ച്ചു​ള്ള​ത​ല്ലെങ്കി​ലും പിൻവ​രുന്ന സംഗതി​കൾ പരിഗ​ണ​നാർഹ​മാണ്‌:

“ഒരു പുതിയ ഭാഷ പഠി​ച്ചെ​ടു​ക്കു​ന്ന​തി​നു താഴ്‌മ​യും പരി​ശ്ര​മ​വും ആവശ്യ​മാണ്‌. താൻ പറയു​ന്നതു മനസ്സി​ലാ​കാ​ത്ത​തു​കൊണ്ട്‌ ചെറിയ കുട്ടി​കൾപോ​ലും തന്നെ ഒരു വിചി​ത്ര​ജീ​വി​യാ​യി കാണു​ന്നതു മുതിർന്ന ഒരാളെ ഭഗ്നാശ​നാ​ക്കു​ന്നു. തുട​രെ​ത്തു​ടരെ അബദ്ധങ്ങ​ളെ​ഴു​ന്ന​ള്ളി​ക്കവെ അതിന്റെ പേരിൽ പരിഹ​സി​ക്ക​പ്പെ​ടു​ന്നത്‌ അനേകരെ സംബന്ധി​ച്ചും ആത്മാഭി​മാ​ന​ത്തി​ന്മേൽ കനത്ത പ്രഹര​മേൽപ്പി​ക്കു​ന്നു. പ്രാ​ദേ​ശിക ഭാഷ സംസാ​രി​ക്കാൻ അറിയാത്ത അന്യ​ദേ​ശ​ക്കാർക്ക്‌ ജീവിതം അസഹ്യ​മായ ഏകാന്ത​ത​യാ​ണു സമ്മാനി​ക്കുക.”—ജപ്പാനി​ലെ ഒരു മിഷന​റി​യായ റോസ്‌മേരി.

ഒരുപക്ഷേ നിങ്ങൾക്കു വ്യക്തി​പ​ര​മാ​യി, അത്യാ​വ​ശ്യം ജീവി​ച്ചു​പോ​കാൻ വേണ്ട ഭാഷാ പരിജ്ഞാ​ന​മൊ​ക്കെ​യു​ണ്ടെന്നു തോന്നി​യേ​ക്കാം. എന്നാൽ നിങ്ങളു​ടെ മുഴു കുടും​ബ​ത്തി​നും കുടി​യേ​റു​ന്ന​തിൽ സന്തോഷം തോന്നാൻ മാത്രം വേണ്ടത്ര ഭാഷാ​പ​രി​ജ്ഞാ​ന​മു​ണ്ടെന്നു നിങ്ങൾക്കു തോന്നു​ന്നു​ണ്ടോ?

ചില കുടും​ബാം​ഗങ്ങൾ തങ്ങളുടെ ഇഷ്ടത്തിനു വിപരീ​ത​മാ​യി പ്രേര​ണ​കൊ​ണ്ടു​മാ​ത്രം അന്യ​ദേ​ശ​ത്തേക്കു താമസം​മാ​റാൻ സമ്മതി​ക്കു​ക​യാ​ണെ​ങ്കിൽ കുടും​ബത്തെ അതെങ്ങ​നെ​യാ​യി​രി​ക്കും ബാധി​ക്കുക? സ്‌ത്രീ​ക​ളു​ടെ മനശ്ശാ​സ്‌ത്ര ത്രൈ​മാ​സിക (ഇംഗ്ലീഷ്‌) പറയു​ന്ന​ത​നു​സ​രിച്ച്‌ “[മെക്‌സി​ക്കോ​യി​ലെ] ചില സ്‌ത്രീ​കൾക്ക്‌ കുടി​യേ​റാ​നുള്ള തീരു​മാ​ന​ത്തിൽ യാതൊ​രു പങ്കുമു​ണ്ടാ​യി​രു​ന്നില്ല. അവർ ഒരിക്ക​ലും കുടി​യേ​റാ​നോ കുടി​യേ​റ്റ​ത്തി​നു​ശേഷം ഐക്യ​നാ​ടു​ക​ളിൽ തുടരാ​നോ ആഗ്രഹി​ച്ചി​ട്ടില്ല.” അത്തരം സാഹച​ര്യ​ങ്ങ​ളിൽ, നിർബ​ന്ധ​പൂർവ​മുള്ള കുടി​യേറ്റം കുടുംബ ഐക്യത്തെ തകരാ​റി​ലാ​ക്കി​യേ​ക്കാം. അങ്ങനെ​യെ​ങ്കിൽ, കുടും​ബ​ത്ത​ലവൻ ഒറ്റയ്‌ക്ക്‌ അന്യ​ദേ​ശ​ത്തേക്കു പോകു​ന്നെ​ങ്കി​ലോ?

ആഫ്രി​ക്ക​യി​ലെ ജനസം​ഖ്യ​യും കുടി​യേ​റ്റ​വും നഗരവ​ത്‌ക​ര​ണ​വും (ഇംഗ്ലീഷ്‌) എന്ന പുസ്‌ത​ക​ത്തി​ലെ ഒരു കണക്കനു​സ​രിച്ച്‌ ആഫ്രി​ക്ക​യു​ടെ ദക്ഷിണ​ഭാ​ഗ​ത്തുള്ള അത്രകണ്ടു വികസി​ത​മ​ല്ലാത്ത ഒരു ചെറിയ രാജ്യത്ത്‌ 50 ശതമാ​ന​ത്തി​ല​ധി​കം “മുതിർന്ന പുരു​ഷ​ന്മാ​രും ഒരേ സമയം സ്ഥലത്തി​ല്ലാ​യി​രു​ന്നു.” ഈ വേർപാ​ടി​നു കുടുംബ സന്തുഷ്ടി​യും ഭദ്രത​യും കവർന്നെ​ടു​ക്കാൻ കഴിയും. വിവാഹ ഇണകൾ അധാർമി​ക​ത​യി​ല​ക​പ്പെ​ടു​ന്ന​തി​നുള്ള സാധ്യ​ത​യ്‌ക്കും ഇതു വഴി​യൊ​രു​ക്കു​ന്നു. കുടി​യേ​റാൻ തീരു​മാ​നി​ച്ചാ​ലും ഇല്ലെങ്കി​ലും കുടും​ബ​ത്തിന്‌ ഒത്തൊ​രു​മി​ച്ചു വസിക്കാൻ സാധി​ക്കു​ന്നത്‌ എത്ര മെച്ചമാണ്‌! കുടുംബ ഐക്യം കാശു​കൊ​ടു​ത്തു വാങ്ങാൻ സാധി​ക്കാത്ത ഒന്നാണ്‌.

അടുത്ത​താ​യി, മുൻവി​ധി​യെ തരണം​ചെ​യ്യുക എന്ന വലിയ പ്രശ്‌ന​മുണ്ട്‌. ഒരു ഇന്ത്യൻ കുടി​യേ​റ്റ​ക്കാ​രി അനുസ്‌മ​രി​ക്കു​ന്നു, “ഞാൻ ഇംഗ്ലണ്ടിൽ വരുന്ന​തു​വരെ എനിക്കു ‘വർണവി​വേ​ചനം’ എന്താ​ണെന്ന്‌ അറിയി​ല്ലാ​യി​രു​ന്നു. ആ [തിരി​ച്ച​റിവ്‌] ഭീതി​ദ​മാ​യി​രു​ന്നു. കയ്‌പേ​റിയ, നടുക്കുന്ന ഒന്ന്‌. ഇതിൽ നിന്നെ​ല്ലാം എങ്ങനെ​യ​ങ്കി​ലും രക്ഷപ്പെട്ട്‌ ഒന്നു വീട്ടി​ലെ​ത്തി​ക്കി​ട്ടി​യാൽ മതി​യെ​ന്നാ​യി എനിക്ക്‌.”—ദി അൺ-മെൽറ്റിങ്‌ പോട്ട്‌.

അതു​കൊണ്ട്‌, കുടി​യേ​റ്റ​ത്തി​നു​മു​മ്പു സ്വയം ചോദി​ക്കുക: ‘വേറെ​യെ​ന്തെ​ങ്കി​ലും പോം​വ​ഴി​യു​ണ്ടോ? നമുക്കു വീട്ടിൽത്തന്നെ എന്തെങ്കി​ലും ക്രമീ​ക​ര​ണങ്ങൾ വരുത്തി​ക്കൂ​ടേ? അന്യ​ദേ​ശ​ത്തേക്കു പോകു​ന്നതു തക്ക മൂല്യ​മു​ള്ള​താ​ണോ?’ ആയിരി​ക്കാം, അല്ലായി​രി​ക്കാം, പക്ഷേ തീരു​മാ​ന​മെ​ടു​ക്കു​ന്ന​തി​നു മുമ്പ്‌, യേശു​വി​ന്റെ ഈ നല്ല ബുദ്ധ്യു​പ​ദേശം പരിഗ​ണി​ക്കുക: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ?”—ലൂക്കൊസ്‌ 14:28.