ഉണരുക! 1990-ൽ അതു വെളി​പ്പെ​ടു​ത്തി

അടുത്ത​യി​ടെ, വ്യാപ​ക​മാ​യി പടർന്നു​പി​ടിച്ച “ഭ്രാന്തി​പ്പ​ശു​രോ​ഗം” യൂറോ​പ്പി​നെ​യാ​കെ ഭീതി​യി​ലാ​ഴ്‌ത്തി​യി​രി​ക്കു​ന്നു. രോഗം മനുഷ്യർക്കു പകരു​മോ എന്ന്‌ അനേകർ ഭയപ്പെ​ടു​ന്നു. രോഗ​ബാ​ധിത മൃഗങ്ങ​ളു​ടെ മാംസം കഴിക്കു​ന്ന​തും ക്രോ​യി​റ്റ്‌സ്‌ഫെൽറ്റ്‌ യാക്കോപ്‌ എന്ന രോഗ​വും തമ്മിൽ ബന്ധമു​ണ്ടെന്നു ചിലർ വിശ്വ​സി​ക്കു​ന്നു. ഇത്‌ മമനു​ഷ്യ​ന്റെ കേന്ദ്ര നാഡീ​വ്യൂ​ഹത്തെ ബാധി​ക്കു​ക​യും ക്രമേണ മൂർച്‌ഛി​ച്ചു മരണത്തി​നി​ട​യാ​ക്കു​ക​യും ചെയ്യുന്ന രോഗ​മാണ്‌. ഭ്രാന്തി​പ്പ​ശു​രോ​ഗ​ത്തെ​ക്കു​റി​ച്ചുള്ള വാർത്ത പരക്കു​ന്ന​തി​ന​നു​സ​രിച്ച്‌ മാട്ടി​റ​ച്ചി​യു​ടെ ഉപഭോ​ഗ​ത്തിൽ കുത്തനെ ഇടിവു സംഭവി​ച്ച​തിൽ അതിശ​യ​മില്ല.

രസകര​മാ​യി, ഇറ്റാലി​യൻ ആനുകാ​ലി​ക​പ്ര​സി​ദ്ധീ​ക​ര​ണ​മായ ടുട്ടോ​റേ​ഡ്‌ജോ​യു​ടെ 1996 മേയ്‌ ലക്കത്തിൽ സ്റ്റെഫാ​ന്യാ ഫേരാരി ഇങ്ങനെ എഴുതി: “ഈ വിനാ​ശ​ക​മായ പകർച്ച​വ്യാ​ധി​യെ​ക്കു​റിച്ച്‌ 1990-ൽത്തന്നെ റിപ്പോർട്ടു​ചെ​യ്‌തി​രുന്ന ഒരു മാസിക ഞങ്ങൾ കണ്ടെത്തി​യി​രി​ക്കു​ന്നു—യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ക്കുന്ന ഉണരുക!.” അവർ പരാമർശിച്ച ലേഖന​ത്തി​ന്റെ ശീർഷകം “ബ്രിട്ട​നി​ലെ കന്നുകാ​ലി​രോ​ഗം” എന്നായി​രു​ന്നു, അത്‌ 1990 നവംബർ 8 ലക്കത്തി​ലാ​യി​രു​ന്നു വന്നത്‌. (മലയാ​ള​ത്തിൽ 1992 ഏപ്രിൽ 8 ലക്കം) അതിന്റെ തുടക്ക​ത്തി​ലെ നാലു ഖണ്ഡികകൾ ഉദ്ധരിച്ച ശേഷം ഫേരാരി, “ഈ പ്രശ്‌നം ലോക​ശ്ര​ദ്ധ​യിൽപ്പെ​ടു​ന്ന​തിന്‌ ആറു വർഷം മുമ്പാണ്‌” ആ ലേഖനം പ്രത്യ​ക്ഷ​പ്പെ​ട്ടത്‌ എന്നതിൽ അമ്പരപ്പു പ്രകട​മാ​ക്കി. അവർ ഇങ്ങനെ തുടർന്നു: “അവിശ്വ​സ​നീ​യ​മാം​വി​ധം കൃത്യ​മായ വിവരങ്ങൾ റിപ്പോർട്ടു ചെയ്‌ത 1990-ൽ പ്രസി​ദ്ധീ​ക​രിച്ച ഈ ലേഖനം കാണു​മ്പോൾ ‘ഇതു​പോ​ലെ ഗൗരവ​മാർന്ന, സുപ്ര​ധാ​ന​മായ ഒരു വസ്‌തു​ത​യെ​ക്കു​റിച്ച്‌ യഹോ​വ​യു​ടെ സാക്ഷി​കൾക്ക്‌ അറിയാ​മാ​യി​രു​ന്നി​ട്ടും, എന്തു​കൊ​ണ്ടാ​ണവർ ഇത്‌ എല്ലാവ​രു​ടെ​യും, തങ്ങളുടെ സഭകളിൽപ്പെ​ടാ​ത്ത​വ​രു​ടെ​യും ശ്രദ്ധയിൽപ്പെ​ടു​ത്താ​തി​രു​ന്നത്‌?’ നമുക്കു സത്യസ​ന്ധ​ത​യോ​ടെ ഉത്തരം പറയാം: ഒരു യഹോ​വ​യു​ടെ സാക്ഷി 1990-ൽ ബൈബി​ളും അവരുടെ മാസി​ക​യി​ലെ ആ ലേഖന​വും കാണി​ച്ചു​കൊ​ണ്ടു നമ്മുടെ വാതിൽക്കൽ മുട്ടി​വി​ളി​ച്ചി​രു​ന്നെ​ങ്കിൽ, വേറേ മതങ്ങളിൽപ്പെട്ട നമ്മിൽ എത്രപേർ അതിനെ ഗൗരവ​മാ​യി എടുക്കു​മാ​യി​രു​ന്നു?”

അന്ന്‌ 1990-ൽ, “ബ്രിട്ട​നി​ലെ കന്നുകാ​ലി​രോ​ഗം” എന്ന ലേഖനം പ്രസി​ദ്ധീ​ക​രിച്ച സമയത്ത്‌ 62 ഭാഷക​ളി​ലാ​യി ഉണരുക!യുടെ ഏകദേശം 1 കോടി 20 ലക്ഷം കോപ്പി​കൾ അച്ചടി​ക്കു​ന്നു​ണ്ടാ​യി​രു​ന്നു. യഹോ​വ​യു​ടെ സാക്ഷികൾ ഈ കാലി​ക​മായ പത്രിക ലോക​വ്യാ​പ​ക​മാ​യി 200-ലേറെ രാജ്യ​ങ്ങ​ളിൽ വിതരണം ചെയ്യു​ന്ന​തിൽ വ്യാപൃ​ത​രാ​യി​രു​ന്നു. ഇന്ന്‌ 82 ഭാഷക​ളി​ലാ​യി ഉണരുക!യുടെ ശരാശരി 1,83,50,000 പ്രതികൾ അച്ചടി​ക്കു​ന്നു. ഈ പത്രിക ഇപ്പോ​ഴും വിജ്ഞാ​ന​പ്ര​ദ​വും കാലി​ക​വു​മായ ലേഖനങ്ങൾ പ്രസി​ദ്ധീ​ക​രി​ക്കു​ന്ന​തിൽ തുടരു​ന്നു. ഉണരുക!യുടെ ഭാവി ലക്കങ്ങൾ ലഭിക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ സ്ഥലത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടു​ക​യോ 5-ാം പേജിൽ കൊടു​ത്തി​രി​ക്കുന്ന ഏറ്റവും അടുത്തുള്ള മേൽവി​ലാ​സ​ത്തിൽ എഴുതു​ക​യോ ചെയ്യുക.