ബൈബി​ളി​ന്റെ വീക്ഷണം

ദാമ്പത്യ അവിശ്വ​സ്‌ത​ത​യ്‌ക്കു ശേഷം വിവാഹം പരിര​ക്ഷി​ക്ക​പ്പെ​ടാ​നാ​കു​മോ?

“ഞാനോ നിങ്ങ​ളോ​ടു പറയു​ന്നതു: പരസംഗം നിമി​ത്ത​മ​ല്ലാ​തെ ഭാര്യയെ ഉപേക്ഷി​ച്ചു മറെറാ​രു​ത്തി​യെ വിവാഹം കഴിക്കു​ന്നവൻ വ്യഭി​ചാ​രം ചെയ്യുന്നു.”—മത്തായി 19:9.

അവിശ്വ​സ്‌തത കാട്ടിയ ഒരു ഇണയെ ഉപേക്ഷി​ക്കാൻ ആ വാക്കു​ക​ളി​ലൂ​ടെ യേശു​ക്രി​സ്‌തു ക്രിസ്‌ത്യാ​നിക്ക്‌ അനുവാ​ദം നൽകി.a എന്നാൽ, നിർദോ​ഷി​യായ ഇണ വിവാ​ഹത്തെ പരിര​ക്ഷി​ക്കാൻ തീരു​മാ​നി​ക്കു​ക​യും തങ്ങളുടെ ബന്ധം പുനഃ​സ്ഥാ​പി​ക്കാൻ ദമ്പതികൾ നിശ്ചയി​ക്കു​ക​യും ചെയ്യു​ന്നെ​ങ്കി​ലെന്ത്‌? ആ ദമ്പതി​കൾക്കു മുമ്പാകെ എന്തെല്ലാം വെല്ലു​വി​ളി​ക​ളുണ്ട്‌, അവർക്കെ​ങ്ങനെ ആ വെല്ലു​വി​ളി​കളെ വിജയ​പ്ര​ദ​മാ​യി നേരി​ടാ​നാ​കും? ഈ ചോദ്യ​ങ്ങൾക്ക്‌ ഉത്തര​മേ​കാൻ ബൈബിൾ സഹായി​ക്കു​ന്ന​തെ​ങ്ങ​നെ​യെന്നു നമുക്കു കാണാം.

ഒരു തകർന്ന ഭവനം

ദാമ്പത്യ അവിശ്വ​സ്‌തത ഉളവാ​ക്കുന്ന തകരാ​റി​ന്റെ വ്യാപ്‌തി നാം ആദ്യം മനസ്സി​ലാ​ക്കണം. യേശു​ക്രി​സ്‌തു വിശദീ​ക​രി​ച്ച​തു​പോ​ലെ, ഭാര്യ​യും ഭർത്താ​വും “മേലാൽ രണ്ടല്ല, ഒരു ദേഹ”മായി​രി​ക്ക​ണ​മെന്ന്‌ വിവാ​ഹ​ത്തി​ന്റെ ഉപജ്ഞാ​താവ്‌ ഉദ്ദേശി​ച്ചു. അവൻ കൂട്ടി​ച്ചേർത്തു: “ആകയാൽ ദൈവം യോജി​പ്പി​ച്ച​തി​നെ മനുഷ്യൻ വേർപി​രി​ക്ക​രു​തു.” അതേ, വേർപെ​ടു​ത്ത​രു​താ​ത്ത​വി​ധം മനുഷ്യ​രെ കൂട്ടി​യോ​ജി​പ്പി​ക്കാൻ ഉദ്ദേശി​ച്ചു​ള്ള​താണ്‌ വിവാഹം. വ്യഭി​ചാ​രം ചെയ്‌തു​കൊണ്ട്‌ ഒരു വ്യക്തി വിവാ​ഹ​പ്ര​തിജ്ഞ ലംഘി​ക്കു​മ്പോൾ വേദനാ​ജ​ന​ക​മായ പ്രത്യാ​ഘാ​തങ്ങൾ പിന്തു​ട​രു​ന്നു.—മത്തായി 19:6; ഗലാത്യർ 6:7.

നിരപ​രാ​ധി​യാ​യ ഇണ അനുഭ​വി​ക്കുന്ന വൈഷ​മ്യ​ങ്ങൾ ഇതിനു തെളി​വേ​കു​ന്നു. വ്യഭി​ചാ​ര​ത്തി​ന്റെ ഫലങ്ങളെ വീടുകൾ തകർക്കുന്ന ഒരു കൊടു​ങ്കാ​റ്റി​ന്റെ ഫലങ്ങ​ളോട്‌ ഉപമി​ക്കാ​വു​ന്ന​താണ്‌. “തങ്ങളുടെ ഇണ മരിച്ചി​രു​ന്നെ​ങ്കിൽ അതു സഹിക്കുക കൂടുതൽ എളുപ്പ​മാ​യി​രു​ന്നു​വെന്ന്‌ ഞാൻ ചികി​ത്സിച്ച അനവധി രോഗി​കൾ എന്നോടു പറഞ്ഞു” എന്ന്‌ ഡോ. ഷർലി പി. ഗ്ലാസ്സ്‌ അഭി​പ്രാ​യ​പ്പെട്ടു. മരണത്തിൽ തങ്ങളുടെ ഇണകൾ നഷ്ടപ്പെട്ട ചിലർ വിയോ​ജി​ച്ചേ​ക്കാ​മെ​ന്നതു സത്യം​തന്നെ. എന്നിരു​ന്നാ​ലും വ്യഭി​ചാ​രം കഠോ​ര​മായ വേദന​യ്‌ക്കി​ട​യാ​ക്കു​ന്നു​വെന്നു വ്യക്തമാണ്‌. ചിലയാ​ളു​കൾ ആ വഞ്ചനയിൽനിന്ന്‌ ഒരിക്ക​ലും പൂർണ​മാ​യി സുഖം​പ്രാ​പി​ക്കു​ന്നില്ല.

അത്തരം കഠോര വേദന​യു​ടെ വീക്ഷണ​ത്തിൽ ഒരുവൻ ഇങ്ങനെ ചോദി​ച്ചേ​ക്കാം, ‘വ്യഭി​ചാ​രം ഒരു വിവാ​ഹത്തെ അവസാ​നി​പ്പി​ക്ക​ണ​മോ?’ അങ്ങനെ​യാ​ക​ണ​മെന്നു നിർബ​ന്ധ​മില്ല. വിശ്വസ്‌ത ഇണയ്‌ക്കു വിവാ​ഹ​മോ​ചനം ചെയ്യാൻ തിരു​വെ​ഴു​ത്തു​പ​ര​മായ അവകാ​ശ​മു​ണ്ടെ​ങ്കി​ലും അപ്രകാ​രം ചെയ്യാൻ കടപ്പാ​ടി​ല്ലെന്ന്‌ വ്യഭി​ചാ​ര​ത്തെ​ക്കു​റി​ച്ചുള്ള യേശു​വി​ന്റെ പ്രസ്‌താ​വന പ്രകട​മാ​ക്കു​ന്നു. യാതൊ​ന്നും വ്യഭി​ചാ​ര​ത്തിന്‌ ഒഴിക​ഴി​വു നൽകു​ന്നി​ല്ലെ​ങ്കി​ലും, ആവശ്യ​മായ മാറ്റങ്ങൾ വരുത്തി​ക്കൊണ്ട്‌ ചില ദമ്പതികൾ തകർക്ക​പ്പെ​ട്ടതു പുനരു​ദ്ധ​രി​ക്കാ​നും ശക്തി​പ്പെ​ടു​ത്താ​നും തീരു​മാ​നി​ക്കു​ന്നു.

ഇണകൾ പരസ്‌പരം വിശ്വ​സ്‌ത​രാ​യി​രി​ക്കു​മ്പോൾ ദാമ്പത്യ ബന്ധത്തിൽ ആവശ്യ​മായ മാറ്റങ്ങൾ വരുത്തു​ന്നതു തീർച്ച​യാ​യും മെച്ചമാണ്‌. എന്നിരു​ന്നാ​ലും, ദാമ്പത്യ അവിശ്വ​സ്‌തത സംഭവി​ക്കു​മ്പോൾപ്പോ​ലും ചില നിർദോഷ ഇണകൾ വിവാ​ഹത്തെ പരിര​ക്ഷി​ക്കാൻ തീരു​മാ​നി​ക്കു​ന്നു. അത്തര​മൊ​രു തീരു​മാ​നത്തെ എല്ലാം നേരേ​യാ​യി​ക്കൊ​ള്ളു​മെന്ന ചിന്തയിൽ അടിസ്ഥാ​ന​പ്പെ​ടു​ത്തു​ന്ന​തി​നു​പ​കരം നിർദോ​ഷി​യായ ഇണ പ്രത്യാ​ഘാ​തങ്ങൾ ശ്രദ്ധാ​പൂർവം തൂക്കി​നോ​ക്കണം. അവൾ സാധ്യ​ത​യ​നു​സ​രിച്ച്‌ തന്റെ കുട്ടി​ക​ളു​ടെ ആവശ്യ​ങ്ങൾക്കും തന്റെതന്നെ ആത്മീയ​വും വൈകാ​രി​ക​വും ശാരീ​രി​ക​വും സാമ്പത്തി​ക​വു​മായ ആവശ്യ​ങ്ങൾക്കും പരിഗണന നൽകും.b തന്റെ വിവാഹം പുനരു​ദ്ധ​രി​ക്കാ​വു​ന്ന​താ​ണോ എന്നും പരിഗ​ണി​ക്കു​ന്നത്‌ അവളുടെ ഭാഗത്തു ജ്ഞാനമാ​യി​രി​ക്കും.

വിവാഹം പുനരു​ദ്ധ​രി​ക്കാ​വു​ന്ന​താ​ണോ?

കൊടു​ങ്കാ​റ്റിൽ തകർന്ന ഒരു വീടു പുനർനിർമി​ക്കാൻ ശ്രമി​ക്കു​ന്ന​തി​നു മുമ്പ്‌ അതിനെ പുനഃ​സ്ഥി​തീ​ക​രി​ക്കാ​നാ​കു​മോ​യെന്നു നിർമാ​താ​വു തീരു​മാ​നി​ക്കണം. അതു​പോ​ലെ, ദാമ്പത്യ അവിശ്വ​സ്‌ത​ത​യാൽ തകർക്ക​പ്പെട്ട ഒരു ബന്ധം പുനഃ​സ്ഥാ​പി​ക്കാൻ ശ്രമി​ക്കു​ന്ന​തി​നു മുമ്പ്‌, ഉറ്റബന്ധ​വും വിശ്വാ​സ​വും വിവാ​ഹ​ത്തിൽ പുനഃ​സ്ഥാ​പി​ക്കാ​നുള്ള സാധ്യ​ത​യെ​ക്കു​റിച്ച്‌ ഒരു വസ്‌തു​നി​ഷ്‌ഠ​മായ വിലയി​രു​ത്തൽ നടത്താൻ ദമ്പതികൾ—പ്രത്യേ​കി​ച്ചും വിശ്വ​സ്‌ത​യായ ഇണ—ആഗ്രഹി​ക്കണം.

കുറ്റം​ചെ​യ്‌ത ഇണ ആത്മാർഥ​മായ അനുതാ​പം പ്രകട​മാ​ക്കു​ന്നു​വോ അതോ ഇപ്പോ​ഴും “ഹൃദയം​കൊ​ണ്ടു” വ്യഭി​ചാ​രം ചെയ്യു​ന്നു​വോ എന്നതാണ്‌ പരിഗ​ണി​ക്കേണ്ട ഒരു സംഗതി. (മത്തായി 5:27, 28) മാറ്റം വരുത്താ​മെന്നു വാഗ്‌ദാ​നം ചെയ്യു​ന്നെ​ങ്കി​ലും തന്റെ അധാർമിക ബന്ധം ഉടനടി അവസാ​നി​പ്പി​ക്കാൻ അയാൾ മടിയു​ള്ള​വ​നാ​ണോ? (പുറപ്പാ​ടു 20:14; ലേവ്യ​പു​സ്‌തകം 20:10; ആവർത്ത​ന​പു​സ്‌തകം 5:18) അയാൾ ഇപ്പോ​ഴും മറ്റു സ്‌ത്രീ​കളെ ശൃംഗാ​ര​പ​ര​മായ താത്‌പ​ര്യ​ത്തോ​ടെ നോക്കു​ന്നു​വോ? അയാൾ തന്റെ വ്യഭി​ചാ​ര​ത്തി​നു ഭാര്യയെ കുറ്റ​പ്പെ​ടു​ത്തു​ന്നു​വോ? അങ്ങനെ​യെ​ങ്കിൽ, വിവാ​ഹ​ത്തിൽ വിശ്വാ​സം പുനഃ​സ്ഥാ​പി​ക്കാ​നുള്ള ശ്രമങ്ങൾ വിജയി​ക്കാൻ സാധ്യ​ത​യില്ല. നേരേ​മ​റിച്ച്‌, അയാൾ അവിഹിത ബന്ധം അവസാ​നി​പ്പി​ക്കു​ക​യും തന്റെ ദുഷ്‌പ്ര​വൃ​ത്തി​യു​ടെ ഉത്തരവാ​ദി​ത്വം ഏറ്റെടു​ക്കു​ക​യും വിവാഹം പുനരു​ദ്ധ​രി​ക്കു​ന്ന​തിന്‌ അയാൾ പൂർണ​മാ​യും പ്രതി​ജ്ഞാ​ബ​ദ്ധ​നാ​ണെന്നു പ്രകട​മാ​ക്കു​ക​യും ചെയ്യു​ന്നെ​ങ്കിൽ, യഥാർഥ വിശ്വാ​സം ഒരിക്കൽ പുനഃ​സ്ഥാ​പി​ക്ക​പ്പെ​ടു​മെന്നു പ്രത്യാ​ശി​ക്കാൻ അയാളു​ടെ ഭാര്യ ഒരടി​സ്ഥാ​നം കണ്ടെത്തി​യേ​ക്കാം.—മത്തായി 5:29

കൂടാതെ, വിശ്വ​സ്‌ത​യായ ഇണയ്‌ക്ക്‌ ക്ഷമിക്കാ​നാ​കു​മോ? സംഭവി​ച്ച​തി​നെ​പ്പ​റ്റി​യുള്ള തന്റെ ആഴമായ വ്രണിത വികാ​രങ്ങൾ അവൾ പ്രകടി​പ്പി​ക്ക​രു​തെ​ന്നോ യാതൊ​രു മാറ്റവും ഉണ്ടായി​ട്ടി​ല്ലെന്ന്‌ അവൾ നടി​ക്കേ​ണ്ട​തു​ണ്ടെ​ന്നോ ഇത്‌ അർഥമാ​ക്കു​ന്നില്ല. തക്കസമ​യത്ത്‌ ആഴമായ നീരസം വെച്ചു​കൊ​ണ്ടി​രി​ക്കു​ന്ന​തിൽ തുടരാ​തി​രി​ക്കാൻ അവൾ ശ്രമി​ക്കു​മെന്ന്‌ അത്‌ അർഥമാ​ക്കു​ന്നു. അത്തരം ക്ഷമയ്‌ക്കു സമയ​മെ​ടു​ക്കു​ന്നു, എന്നാൽ വിവാഹം പുനരു​ദ്ധ​രി​ക്കാൻവേണ്ടി ഒരു ദൃഢമായ അടിസ്ഥാ​ന​മി​ടാൻ അതു സഹായി​ച്ചേ​ക്കാ​വു​ന്ന​താണ്‌.

“നാശാ​വ​ശി​ഷ്ടങ്ങൾ” നീക്കം​ചെ​യ്യൽ

തങ്ങളുടെ വിവാഹം പരിര​ക്ഷി​ക്കാൻ വിശ്വസ്‌ത ഇണ തീരു​മാ​നി​ച്ചു​ക​ഴി​യു​മ്പോൾ, ദമ്പതി​കൾക്ക്‌ അടുത്ത​താ​യി ഏതു പടികൾ സ്വീക​രി​ക്കാ​വു​ന്ന​താണ്‌? കൊടു​ങ്കാ​റ്റിൽ കാര്യ​മായ കേടു​പാ​ടു​കൾ സംഭവിച്ച ഒരു വീടി​നു​ചു​റ്റ​മുള്ള നാശാ​വ​ശി​ഷ്ടങ്ങൾ നീക്കം​ചെ​യ്യേ​ണ്ട​തു​ള്ള​തു​പോ​ലെ​തന്നെ വിവാ​ഹ​ത്തി​നു ചുറ്റമുള്ള “നാശാ​വ​ശി​ഷ്ട​ങ്ങ​ളും” നീക്കം​ചെ​യ്യണം. ദമ്പതികൾ തങ്ങളുടെ വികാ​രങ്ങൾ പരസ്‌പരം പ്രകടി​പ്പി​ക്കു​ന്നെ​ങ്കിൽ ഇതൊരു പരിധി​വരെ നിർവ​ഹി​ക്കാ​നാ​കും. സദൃശ​വാ​ക്യ​ങ്ങൾ 15:22 [NW] പറയുന്നു: “വിശ്വസ്‌ത സംഭാ​ഷ​ണ​മി​ല്ലാ​ത്തി​ടത്തു പദ്ധതി​ക​ളു​ടെ ഒരു വിഫല​മാ​ക്കൽ ഉണ്ട്‌.” “വിശ്വസ്‌ത സംഭാ​ഷണം” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദം ഉറ്റബന്ധത്തെ സൂചി​പ്പി​ക്കു​ന്നു. സങ്കീർത്തനം 89:7-ൽ [NW] അത്‌ “ഉറ്റബന്ധ​മു​ള്ള​വ​രു​ടെ സംഘം” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കു​ന്നു. അതു​കൊണ്ട്‌, ഉപരി​പ്ല​വ​മായ ഒരു സംഭാ​ഷ​ണമല്ല, മറിച്ച്‌ ഇരുവ​രു​ടെ​യും അത്യഗാ​ധ​മായ വികാ​രങ്ങൾ വെളി​പ്പെ​ടു​ത്തുന്ന സത്യസ​ന്ധ​വും തീക്ഷ്‌ണ​വു​മായ ആശയവി​നി​യമം അതിൽ ഉൾപ്പെ​ടും.—സദൃശ​വാ​ക്യ​ങ്ങൾ 13:10.

ദൃഷ്ടാ​ന്ത​ത്തിന്‌, ചില കേസു​ക​ളിൽ വിശ്വസ്‌ത ഇണയ്‌ക്കു തന്റെ ഭർത്താ​വി​നോ​ടു ചോദി​ക്കാൻ കൂടുതൽ ചോദ്യ​ങ്ങ​ളു​ണ്ടാ​യി​രി​ക്കാം. അവിഹിത ബന്ധം എങ്ങനെ​യാണ്‌ ആരംഭി​ച്ചത്‌? അത്‌ എത്രനാൾ തുടർന്നു? മറ്റാർക്കെ​ല്ലാം അതേക്കു​റി​ച്ച​റി​യാം? ഈ വിശദാം​ശങ്ങൾ ചർച്ച​ചെ​യ്യു​ന്നതു ദമ്പതി​കളെ സംബന്ധി​ച്ചി​ട​ത്തോ​ളം വേദനാ​ജ​ന​ക​മാ​യി​രി​ക്കു​മെ​ന്നതു സത്യം​തന്നെ. എന്നിരു​ന്നാ​ലും, വിശ്വാസ പുനഃ​സ്ഥാ​പ​ന​ത്തിന്‌ അത്തരം അറിവ്‌ ആവശ്യ​മാ​ണെന്നു വിശ്വസ്‌ത ഇണ കണ്ടെത്തി​യേ​ക്കാം. അങ്ങനെ​യാ​ണെ​ങ്കിൽ, അവിശ്വസ്‌ത ഇണ സത്യസ​ന്ധ​മാ​യും പരിഗ​ണ​നാ​പൂർവ​വും ഉത്തരം നൽകു​ന്ന​താണ്‌ ഉത്തമം. പരസ്‌പ​ര​കൈ​മാ​റ്റ​ത്തി​ന്റെ ഉദ്ദേശ്യം സുഖ​പ്പെ​ടു​ത്തു​ക​യെ​ന്ന​താണ്‌, വ്രണ​പ്പെ​ടു​ത്തു​ക​യെ​ന്ന​ത​ല്ലെന്നു മനസ്സിൽപി​ടി​ച്ചു​കൊണ്ട്‌ അയാൾ കാര്യങ്ങൾ സ്‌നേ​ഹ​പൂർവ​ക​വും ദയാപൂർവ​ക​വു​മായ ഒരു വിധത്തിൽ വിശദീ​ക​രി​ക്കണം. (സദൃശ​വാ​ക്യ​ങ്ങൾ 12:18; എഫെസ്യർ 4:25, 26) സംഭവി​ച്ച​തി​നെ​ക്കു​റി​ച്ചുള്ള തങ്ങളുടെ വികാ​രങ്ങൾ പ്രകടി​പ്പി​ക്കു​മ്പോൾ ഇരുവ​രും വിവേ​ക​വും ആത്മനി​യ​ന്ത്ര​ണ​വും ഉപയോ​ഗി​ക്കു​ക​യും സമാനു​ഭാ​വ​ത്തോ​ടെ ശ്രദ്ധി​ക്കു​ക​യും വേണം.c—സദൃശ​വാ​ക്യ​ങ്ങൾ 18:13; 1 കൊരി​ന്ത്യർ 9:25; 2 പത്രൊസ്‌ 1:6.

യഹോ​വ​യു​ടെ സാക്ഷി​ക​ളാ​യവർ സഭാ മൂപ്പൻമാ​രിൽനി​ന്നുള്ള സഹായം അഭ്യർഥി​ക്കാൻ ആഗ്രഹി​ച്ചേ​ക്കാം. തീർച്ച​യാ​യും, ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം വ്യഭി​ചാ​രം പോ​ലെ​യുള്ള ഗുരു​ത​ര​മായ പാപങ്ങൾ മൂപ്പൻമാ​രോട്‌ ഉടനടി ഏറ്റുപ​റ​യണം, അവർ ദമ്പതി​ക​ളു​ടെ​യും സഭയു​ടെ​യും ആത്മീയ ക്ഷേമത്തിൽ തത്‌പ​ര​രാണ്‌. മൂപ്പൻമാ​രോ​ടൊ​പ്പം കൂടി​വ​ന്ന​പ്പോൾ വ്യഭി​ചാ​രി യഥാർഥ അനുതാ​പം പ്രകടി​പ്പി​ക്കു​ക​യും അങ്ങനെ സഭയിൽ തുടരാൻ അനുവ​ദി​ക്ക​പ്പെ​ടു​ക​യും ചെയ്‌തി​രി​ക്കാം. അത്തര​മൊ​രു കേസിൽ, മൂപ്പൻമാർക്ക്‌ ഇണകളി​രു​വർക്കും തുടർച്ച​യായ സഹായം നൽകാ​വു​ന്ന​താണ്‌.—യാക്കോബ്‌ 5:14, 15.

പുനരു​ദ്ധ​രി​ക്കൽ

ദമ്പതികൾ തങ്ങളുടെ വികാ​ര​ങ്ങളെ സാധ്യ​മാ​കു​ന്നത്ര സമനി​ല​യി​ലാ​ക്കി​ക്ക​ഴി​യു​മ്പോൾ, തങ്ങളുടെ വിവാ​ഹ​ത്തി​ലെ സുപ്ര​ധാന വശങ്ങളെ പുനരു​ദ്ധ​രി​ക്കാൻ പറ്റിയ സ്ഥാനത്താണ്‌ അവർ. ആത്മാർഥ​മായ ആശയവി​നി​യമം തുടർന്നും ആവശ്യ​മാണ്‌. ദൗർബ​ല്യ​ങ്ങൾ കണ്ടെത്തു​ന്നി​ടത്ത്‌ അനു​യോ​ജ്യ​മായ മാറ്റങ്ങൾ വരുത്തണം.

കുറ്റക്കാ​ര​നാ​യ ഇണയുടെ ഭാഗത്താ​ണു പ്രധാ​ന​മാ​യും മാറ്റങ്ങൾ വരു​ത്തേ​ണ്ട​യാ​വ​ശ്യ​മു​ള്ളത്‌. എങ്കിലും, വിവാ​ഹ​ത്തി​ലെ ദുർബല വശങ്ങളെ ശക്തീക​രി​ക്കു​ന്ന​തിൽ വിശ്വസ്‌ത ഇണയും തന്റെ പങ്കു നിർവ​ഹി​ക്കണം. വ്യഭി​ചാ​രം അവളുടെ കുറ്റം​കൊ​ണ്ടാ​ണെ​ന്നോ അതു ന്യായീ​ക​രി​ക്ക​പ്പെ​ടാ​വു​ന്ന​താ​ണെ​ന്നോ അതിന്‌ അർഥമില്ല. അത്തര​മൊ​രു പാപം ചെയ്യു​ന്ന​തിന്‌ സാധു​വായ യാതൊ​രു ഒഴിക​ഴി​വു​മില്ല. (ഉല്‌പത്തി 3:12; 1 യോഹ​ന്നാൻ 5:3 എന്നിവ താരത​മ്യം ചെയ്യുക.) പരിഹ​രി​ക്കേണ്ട പ്രശ്‌നങ്ങൾ വിവാ​ഹ​ത്തിൽ ഉണ്ടായി​രു​ന്നേ​ക്കാ​മെന്നു മാത്രമേ അതർഥ​മാ​ക്കു​ന്നു​ള്ളൂ. പുനരു​ദ്ധാ​രണം ഒരു സംയുക്ത പദ്ധതി​യാണ്‌. പൊതു​വായ മൂല്യ​ങ്ങ​ളും ലക്ഷ്യങ്ങ​ളും ശക്തി​പ്പെ​ടു​ത്തേ​ണ്ട​യാ​വ​ശ്യ​മു​ണ്ടോ? ആത്മീയ പ്രവർത്ത​നങ്ങൾ അവഗണി​ച്ചി​രു​ന്നോ? സുപ്ര​ധാ​ന​മായ ദൗർബ​ല്യ​ങ്ങൾ കണ്ടുപി​ടി​ക്കു​ക​യും ആവശ്യ​മായ മാറ്റങ്ങൾ വരുത്തു​ക​യും ചെയ്യുന്ന ഈ പ്രക്രിയ, കാര്യ​മാ​യി തകർന്നു​പോയ ഒരു വിവാഹം പുനരു​ദ്ധ​രി​ക്കു​ന്ന​തിന്‌ അത്യന്താ​പേ​ക്ഷി​ത​മാണ്‌.

പരിപാ​ലി​ച്ചു നിലനിർത്തൽ

നന്നായി നിർമിച്ച ഒരു വീടി​നു​പോ​ലും പതിവായ അറ്റകു​റ്റ​പ്പണി ആവശ്യ​മാണ്‌. അപ്പോൾ, പുനരു​ദ്ധ​രി​ക്ക​പ്പെട്ട ഒരു ബന്ധത്തെ പരിപാ​ലി​ക്കു​ന്നത്‌ എത്ര പ്രധാ​ന​മാണ്‌. തങ്ങളുടെ പുതിയ തീരു​മാ​ന​ങ്ങ​ളോ​ടു പറ്റിനിൽക്കാ​നുള്ള ദൃഢനി​ശ്ചയം, കാലം കടന്നു​പോ​കു​ന്ന​തോ​ടെ ക്ഷയിക്കാൻ ദമ്പതികൾ അനുവ​ദി​ക്ക​രുത്‌. അപര്യാ​പ്‌ത​മായ ആശയവി​നി​മയ ശീലങ്ങ​ളി​ലേക്കു മടങ്ങി​പ്പോ​കു​ന്ന​തു​പോ​ലുള്ള നിസ്സാ​ര​മായ തിരി​ച്ച​ടി​കൾ അനുഭ​വ​പ്പെ​ടു​ന്നെ​ങ്കിൽ, നിരു​ത്സാ​ഹി​ത​രാ​യി​ത്തീ​രു​ന്ന​തി​നു പകരം നല്ല ആശയവി​നി​മയ ശീലങ്ങൾ പുനഃ​സ്ഥാ​പി​ച്ചു​കൊണ്ട്‌ മുന്നോ​ട്ടു ഗമിക്കാൻ അവർ സത്വര നടപടി​കൾ സ്വീക​രി​ക്കണം.—സദൃശ​വാ​ക്യ​ങ്ങൾ 24:16; ഗലാത്യർ 6:9.

എല്ലാറ്റി​ലു​മു​പരി, ഭാര്യ​യും ഭർത്താ​വും തങ്ങളുടെ ആത്മീയ​ച​ര്യ​യ്‌ക്ക്‌ ഏറ്റവു​മു​യർന്ന മുൻഗണന നൽകണം. ആത്മീയ​ച​ര്യ​യോ അവരുടെ വിവാ​ഹ​മോ മറ്റേ​തെ​ങ്കി​ലും പ്രവർത്ത​ന​ങ്ങ​ളു​ടെ പിന്നി​ലാ​യി​ത്തീ​രാൻ ഒരിക്ക​ലും അനുവ​ദി​ക്ക​രുത്‌. സങ്കീർത്തനം 127:1 പറയുന്നു: “യഹോവ വീടു പണിയാ​തി​രു​ന്നാൽ പണിയു​ന്നവർ വൃഥാ അദ്ധ്വാ​നി​ക്കു​ന്നു.” കൂടാതെ യേശു ഇങ്ങനെ മുന്നറി​യി​പ്പു നൽകി: “എന്റെ ഈ വചനങ്ങളെ കേട്ടു ചെയ്യാ​ത്തവൻ ഒക്കെയും മണലിൻമേൽ വീടു പണിത മനുഷ്യ​നോ​ടു തുല്യ​നാ​കു​ന്നു. വൻമഴ ചൊരി​ഞ്ഞു നദികൾ പൊങ്ങി കാററു അടിച്ചു ആ വീട്ടിൻമേൽ അലെച്ചു, അതു വീണു; അതിന്റെ വീഴ്‌ച വലിയ​താ​യി​രു​ന്നു.”—മത്തായി 7:24-27.

അതേ, ബാധക​മാ​ക്കാൻ ബുദ്ധി​മു​ട്ടാ​ണെ​ന്നുള്ള കാരണ​ത്താൽ ബൈബിൾ തത്ത്വങ്ങൾ അവഗണി​ച്ചാൽ, വിവാഹം ദാമ്പത്യ വിശ്വ​സ്‌ത​ത​യു​ടെ അടുത്ത സംക്ഷുബ്ധ പരി​ശോ​ധ​ന​യ്‌ക്ക്‌ എളുപ്പം വിധേ​യ​മാ​കു​ന്ന​ത​ര​ത്തിൽ തുടരും. എന്നാൽ ഭാര്യ​യും ഭർത്താ​വും എല്ലാ കാര്യ​ങ്ങ​ളി​ലും ബൈബിൾ നിലവാ​രങ്ങൾ മുറു​കെ​പ്പി​ടി​ക്കു​ന്നെ​ങ്കിൽ അവരുടെ വിവാ​ഹ​ത്തി​നു ദിവ്യാ​നു​ഗ്ര​ഹ​മു​ണ്ടാ​യി​രി​ക്കും. ദാമ്പത്യ വിശ്വ​സ്‌ത​ത​യു​ടെ ഏറ്റവും ശക്തമായ പ്രേര​ക​ഘ​ട​ക​വും—വിവാ​ഹ​ത്തി​ന്റെ ഉപജ്ഞാ​താ​വായ യഹോ​വ​യാം ദൈവത്തെ പ്രസാ​ദി​പ്പി​ക്കാ​നുള്ള ആഗ്രഹം—അവർക്കു​ണ്ടാ​യി​രി​ക്കും.—മത്തായി 22:36-40; സഭാ​പ്ര​സം​ഗി 4:12.

[അടിക്കു​റി​പ്പു​കൾ]