ബൈബി​ളി​ന്റെ വീക്ഷണം

പുറത്താ​ക്കൽ ഒരു സ്‌നേ​ഹ​പൂർവ​ക​മായ ക്രമീ​ക​ര​ണ​മാ​യി​രി​ക്കു​ന്ന​തി​ന്റെ കാരണം

മതഭ്രഷ്ട്‌—ആ ആശയം​തന്നെ മതഭക്തി​യുള്ള ഒട്ടനവധി ആളുക​ളിൽ സമ്മിശ്ര വികാ​രങ്ങൾ ഇളക്കി​വി​ടു​ന്നു.a മതങ്ങൾക്കു ചിലതരം അച്ചടക്ക​ന​ട​പ​ടി​കൾ ആവശ്യ​മാ​ണെ​ന്നു​ള്ള​തി​നോ​ടു ഭൂരി​ഭാ​ഗം ആളുക​ളും യോജി​ക്കു​ന്നു. എന്നാൽ മതഭ്ര​ഷ്ടി​നെ അനേകർ ഭൂതകാല ആചാര​ങ്ങ​ളു​ടെ ഒരു അവശി​ഷ്ട​മാ​യി, മന്ത്രവാ​ദി-വേട്ട​യെ​യും മതവി​ചാ​ര​ണ​യെ​യും ഓർമി​പ്പി​ക്കുന്ന പരുഷ​മായ വിധത്തി​ലുള്ള ശിക്ഷണ​ന​ട​പ​ടി​യാ​യി വീക്ഷി​ക്കു​ന്നു.

മതേതര ലോക​ത്തി​ന്റെ വ്യാപ​ക​മായ സ്വാധീ​നം പ്രശ്‌നത്തെ വർധി​പ്പി​ക്കു​ന്നു. അതു​കൊണ്ട്‌, ക്രൈ​സ്‌ത​വ​ലോ​ക​ത്തി​ലെ മിക്ക മതങ്ങളും പാപം സംബന്ധി​ച്ചു കൂടുതൽ സഹിഷ്‌ണു​താ​പ​ര​മായ ഒരു വീക്ഷണം സ്വീക​രി​ച്ചി​രി​ക്കു​ന്നു. “മതഭ്രഷ്ട്‌ ഞങ്ങളുടെ പാരമ്പ​ര്യ​ത്തി​ന്റെ ഒരു ഭാഗമാണ്‌, എന്നാൽ അത്‌ ഈ നൂറ്റാ​ണ്ടിൽ നടപ്പാ​ക്ക​പ്പെ​ടു​ന്നു​വെന്നു ഞാൻ വിചാ​രി​ക്കു​ന്നില്ല” എന്ന്‌ ഒരു എപ്പിസ്‌ക്കോ​പ്പൽ ശുശ്രൂ​ഷകൻ പറഞ്ഞതിൽ അപ്പോൾ യാതൊ​രു അതിശ​യ​വു​മില്ല.

എന്നാൽ, യഹോ​വ​യു​ടെ സാക്ഷികൾ പുറത്താ​ക്ക​ലി​നെ (മതഭ്ര​ഷ്ടി​നു തുല്യ​മാ​യത്‌) ഗൗരവ​മാ​യെ​ടു​ക്കു​ന്നു​വെന്നു മനസ്സി​ലാ​ക്കു​ന്നതു നിരവ​ധി​യാ​ളു​കളെ അത്ഭുത​പ്പെ​ടു​ത്തി​യേ​ക്കാം. അത്‌ എടുക്കാൻ എളുപ്പ​മുള്ള ഒരു നടപടി​യ​ല്ലെ​ന്നു​ള്ളതു സത്യമാണ്‌, എന്നാൽ അതൊരു സ്‌നേ​ഹ​പൂർവ​ക​മായ ക്രമീ​ക​ര​ണ​മാണ്‌. അതെങ്ങനെ?

അത്‌ ദൈവ​നാ​മത്തെ ഉയർത്തി​പ്പി​ടി​ക്കു​ന്നു

യഹോവ വിശു​ദ്ധ​നായ ദൈവ​മാണ്‌. അവനെ ആരാധി​ക്കു​ന്നു​വെന്ന്‌ അവകാ​ശ​പ്പെ​ടു​ന്ന​വ​രു​ടെ ഭാഗത്തെ മനപ്പൂർവ പാപം അവൻ പൊറു​ക്കു​ന്നില്ല. അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്കെ​ഴു​തി: “എല്ലാന​ട​പ്പി​ലും വിശു​ദ്ധ​രാ​കു​വിൻ ‘ഞാൻ വിശുദ്ധൻ ആകയാൽ നിങ്ങളും വിശു​ദ്ധ​രാ​യി​രി​പ്പിൻ’ എന്നു എഴുതി​യി​രി​ക്കു​ന്നു​വ​ല്ലോ.” (1 പത്രൊസ്‌ 1:15, 16) അതു​കൊണ്ട്‌ അനുതാ​പ​മി​ല്ലാത്ത പാപി​കളെ പുറത്താ​ക്കു​ന്നത്‌ ദൈവ​ത്തി​ന്റെ വിശുദ്ധ നാമത്തെ ഉയർത്തി​പ്പി​ടി​ക്കു​ന്നു; ആ നാമ​ത്തോ​ടുള്ള സ്‌നേഹം പ്രകട​മാ​ക്കു​ന്നു.—എബ്രായർ 6:10 താരത​മ്യം ചെയ്യുക.

ഒരു ക്രിസ്‌ത്യാ​നി ബലഹീ​ന​ത​യ്‌ക്കു വഴങ്ങു​ക​യോ കടുത്ത പാപത്തി​ലേക്കു വഴുതി​വീ​ഴു​ക​യോ ചെയ്‌താൽ അയാൾ സഭയിൽനി​ന്നു താനേ പുറത്താ​കു​ന്നു​വെന്ന്‌ ഇത്‌ അർഥമാ​ക്കു​ന്നു​വോ? യാതൊ​രു പ്രകാ​ര​ത്തി​ലും ഇല്ല! യഹോവ നിർവി​കാ​ര​നായ ഒരു സ്വേച്ഛാ​ധി​പതി അല്ല. അവൻ കരുണ​യു​ള്ള​വ​നും വികാ​രങ്ങൾ മനസ്സി​ലാ​ക്കു​ന്ന​വ​നു​മാണ്‌. നാം അപൂർണ​രാ​ണെന്ന്‌ അവൻ ഓർമി​ക്കു​ന്നു. (സങ്കീർത്തനം 103:14) “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു”വെന്ന്‌ യഹോവ തിരി​ച്ച​റി​യു​ന്നു. (റോമർ 3:23) ഒരു ക്രിസ്‌ത്യാ​നി ഒരു “തെറ്റായ പടി” സ്വീക​രി​ക്കു​ക​യോ ഗുരു​ത​ര​മായ പാപം ചെയ്യു​ക​പോ​ലു​മോ ചെയ്‌താൽ, അയാളെ സൗമ്യ​ത​യു​ടെ ആത്മാവിൽ സ്‌നേ​ഹ​പൂർവം ‘യഥാസ്ഥാ​ന​പ്പെ​ടു​ത്തേ’ണ്ടതിന്‌ ദൈവം സഭയ്‌ക്കു​ള്ളിൽതന്നെ ആത്മീയ സഹായ​ത്തി​നാ​യി ക്രമീ​ക​രണം ചെയ്‌തി​രി​ക്കു​ന്നു. (ഗലാത്യർ 6:1, NW) നീതി​യു​ടെ പാതയിൽനിന്ന്‌ അകന്നു​പോ​യി​രി​ക്കുന്ന ഒരുവന്‌, ദൈവ​വ​ച​ന​ത്തിൽനി​ന്നുള്ള ബുദ്ധ്യു​പ​ദേശം സ്വീക​രി​ക്കു​ന്ന​തി​നാ​ലും ഹൃദയം​ഗ​മ​മായ ദുഃഖ​വും യഥാർഥ അനുതാ​പ​വും പ്രകടി​പ്പി​ക്കു​ന്ന​തി​നാ​ലും ആത്മീയ​മാ​യി “രോഗ​ശാ​ന്തി” നേടാ​വു​ന്ന​താണ്‌.—യാക്കോബ്‌ 5:13-16.

എന്നാൽ സ്‌നാ​പ​ന​മേററ ഒരു ക്രിസ്‌ത്യാ​നി ഗുരു​ത​ര​മാ​യി തെറ്റു​ചെ​യ്യു​ക​യും അയാളെ പുനഃ​സ്ഥി​തീ​ക​രി​ക്കാ​നുള്ള സകല ശ്രമങ്ങ​ളും പരാജ​യ​പ്പെ​ടു​ക​യും ചെയ്യു ന്നെങ്കി​ലെന്ത്‌? മറ്റുവാ​ക്കു​ക​ളിൽ, അയാൾ തന്റെ പാപപൂർണ​മായ ഗതി തിരു​ത്താൻ ശാഠ്യ​പൂർവം വിസമ്മ​തി​ക്കു​ന്നെ​ങ്കി​ലെന്ത്‌?

അത്‌ സഭയെ സുരക്ഷി​ത​മാ​യി സൂക്ഷി​ക്കു​ന്നു

“എന്നാൽ സഹോ​ദരൻ എന്നു പേർപെട്ട ഒരുവൻ ദുർന്ന​ട​പ്പു​കാ​ര​നോ അത്യാ​ഗ്ര​ഹി​യോ വിഗ്ര​ഹാ​രാ​ധി​യോ വാവി​ഷ്‌ഠാ​ണ​ക്കാ​ര​നോ മദ്യപ​നോ പിടി​ച്ചു​പ​റി​ക്കാ​ര​നോ ആകുന്നു എങ്കിൽ അവനോ​ടു സംസർഗ്ഗം അരുതു; അങ്ങനെ​യു​ള്ള​വ​നോ​ടു​കൂ​ടെ ഭക്ഷണം കഴിക്ക​പോ​ലും അരുതു” എന്നു ബൈബിൾ ക്രിസ്‌ത്യാ​നി​ക​ളോ​ടു കൽപ്പി​ക്കു​ന്നു.—1 കൊരി​ന്ത്യർ 5:11.

ഈ ബൈബിൾ നിയമം പരുഷ​വും മാനം​കെ​ടു​ത്തു​ന്ന​തു​മാ​ണോ? ഇതൊന്നു പരിഗ​ണി​ക്കുക: ഒരു തഴമ്പിച്ച കുറ്റവാ​ളി​യെ നിയമ​ലം​ഘ​ന​ത്തിന്‌ ജയിലി​ലേക്ക്‌ അയയ്‌ക്കു​മ്പോൾ, അത്‌ പരുഷ​മോ അനുക​മ്പാ​ര​ഹി​ത​മോ ആയി വീക്ഷി​ക്ക​പ്പെ​ടു​മോ? ഇല്ല, കാരണം ജനസമു​ദാ​യ​ത്തി​ന്റെ സമാധാ​ന​വും സുരക്ഷി​ത​ത്വ​വും സംരക്ഷി​ക്കാ​നുള്ള അധികാ​രം ഭരണകൂ​ട​ത്തി​നുണ്ട്‌. ഫലത്തിൽ, കുറ്റവാ​ളി തന്റെ ജയിൽവാ​സ​ക്കാ​ലത്തു നിയമ​മ​നു​സ​രി​ക്കുന്ന സമൂഹ​ത്തിൽനി​ന്നു പുറത്താ​ക്ക​പ്പെ​ടു​ന്നു.

സമാന​മാ​യി, തങ്ങളുടെ ഇടയിൽനിന്ന്‌ അനുതാ​പ​മി​ല്ലാത്ത ദുഷ്‌പ്ര​വൃ​ത്തി​ക്കാ​രെ പുറന്ത​ള്ളു​ന്ന​തിൽ ക്രിസ്‌തീയ സഭ ന്യായീ​ക​രി​ക്ക​പ്പെ​ടു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ അധാർമിക ഇരപി​ടി​യൻമാ​രിൽനി​ന്നും മനഃപൂർവം പതിവാ​യി പാപം ചെയ്യുന്ന മറ്റുള്ള​വ​രിൽനി​ന്നും സ്വത​ന്ത്ര​മായ സുരക്ഷി​ത​ത്വ​ത്തി​ന്റെ ഒരു സ്ഥലമാ​യി​രി​ക്കണം സഭ.

“ഒരൊറ്റ പാപി വളരെ നന്മ നശിപ്പി​ച്ചു​ക​ള​യു​ന്നു”വെന്നു തിരി​ച്ച​റി​ഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ സഹക്രി​സ്‌ത്യാ​നി​ക​ളോട്‌; “ദുഷ്ടനെ നിങ്ങളു​ടെ ഇടയിൽനി​ന്നു നീക്കി​ക്ക​ള​വിൻ” എന്നു കൽപ്പിച്ചു. (സഭാ​പ്ര​സം​ഗി 9:18; 1 കൊരി​ന്ത്യർ 5:13) സഭയിൽ ദുഷിപ്പു വ്യാപി​പ്പി​ക്കു​ന്ന​തിൽനിന്ന്‌ ഈ നടപടി പാപിയെ തടയുന്നു, അതു സഭയുടെ നല്ല പേരിനെ സംരക്ഷി​ക്കു​ക​യും ചെയ്യുന്നു.—1 തിമൊ​ഥെ​യൊസ്‌ 3:15 താരത​മ്യം ചെയ്യുക.

വ്യക്തി​കൾക്ക്‌ സംരക്ഷണം

പുറത്താ​ക്കൽ സഭയിലെ ഓരോ അംഗ​ത്തെ​യും സംരക്ഷി​ക്കു​ക​യും ചെയ്യുന്നു. നമുക്കത്‌ ഇങ്ങനെ ചിത്രീ​ക​രി​ക്കാം: ഒരു കാർ ഹോണോ അലാറ​മോ ശക്തമായി മുഴങ്ങു​ന്ന​തു​കേട്ട്‌ നിങ്ങൾ ഉറക്കമു​ണ​രു​ന്നു​വെന്നു സങ്കൽപ്പി​ക്കുക. ആ തുളച്ചു​ക​യ​റുന്ന ശബ്ദം അവഗണി​ക്കുക പ്രയാ​സ​മാണ്‌; തീർച്ച​യാ​യും അതു നിങ്ങളെ ഞെട്ടി​ക്കു​ന്നു! സമാന​മാ​യി, ഒരുവൻ സഭയിൽനി​ന്നു പുറത്താ​ക്ക​പ്പെ​ടു​മ്പോൾ, ആ നടപടി പ്രത്യാ​ശാ​വ​ഹ​മാ​യി ആട്ടിൻകൂ​ട്ട​ത്തി​ലെ എല്ലാ അംഗങ്ങ​ളു​ടെ​യും ശ്രദ്ധപി​ടി​ച്ചു​പ​റ്റു​ന്നു. അത്‌ അവരുടെ ബോധ​ത്തിന്‌ ഇളക്കം​സൃ​ഷ്ടി​ക്കു​ന്നു. അത്‌ അവഗണി​ക്ക​പ്പെ​ടാ​വു​ന്നതല്ല. ഇത്‌ ഒരു സംരക്ഷ​ണ​മാ​യി​രി​ക്കാ​വു​ന്നത്‌ എങ്ങനെ?

“ഒരുവൻ പുറത്താ​ക്ക​പ്പെ​ട്ടു​വെന്നു രാജ്യ​ഹാ​ളിൽവച്ച്‌ കേട്ട​പ്പോൾ ആദ്യം ഞാൻ ഞെട്ടി​പ്പോ​യി” എന്ന്‌ ഒരു സാക്ഷി പറയുന്നു. “പിന്നീട്‌ അത്‌ എന്നെ താഴ്‌മ​യു​ള്ള​വ​ളാ​ക്കി. എനിക്കും വീഴ്‌ച​ഭ​വി​ച്ചേ​ക്കാ​മെന്നു തിരി​ച്ച​റി​യാൻ അത്‌ എന്നെ പ്രേരി​പ്പി​ച്ചു.” അവളുടെ വാക്കുകൾ സൂചി​പ്പി​ക്കു​ന്ന​തു​പോ​ലെ, തങ്ങളുടെ നടത്ത വിലയി​രു​ത്തു​വാൻ പുറത്താ​ക്കൽ മറ്റുള്ള​വരെ പ്രേരി​പ്പി​ച്ചേ​ക്കാ​വു​ന്ന​താണ്‌.—1 കൊരി​ന്ത്യർ 10:12.

‘ഞാൻ ആത്മീയ​മാ​യി ദുർബ​ല​നാ​യി​രി​ക്കുന്ന ഏതെങ്കി​ലും ജീവിത മണ്ഡലങ്ങൾ ഉണ്ടോ?’ എന്നതു പോലുള്ള ചോദ്യ​ങ്ങൾ നമ്മോ​ടു​തന്നെ ചോദി​ച്ചു​കൊണ്ട്‌ ദൈവ​വു​മാ​യുള്ള നമ്മുടെ സ്വന്തം നില പരി​ശോ​ധി​ക്കാൻ നാം സഹായി​ക്ക​പ്പെ​ടാ​വു​ന്ന​താണ്‌. ഈ വിധത്തിൽ നമുക്ക്‌ ‘ഭയത്തോ​ടും വിറയ​ലോ​ടും കൂടെ നമ്മുടെ രക്ഷക്കായി പ്രവർത്തി’ക്കുന്നതിൽ തുടരാ​വു​ന്ന​താണ്‌.—ഫിലി​പ്പി​യർ 2:12.

ദൈവ​ത്തി​ങ്ക​ലേക്കു മടങ്ങി​വ​രി​ക

“ശിക്ഷണം കഠിന​മാ​യി​രു​ന്നെ​ങ്കി​ലും അനിവാ​ര്യ​മാ​യി​രു​ന്നു, അത്‌ ജീവര​ക്ഷാ​ക​ര​മെന്നു തെളി​യു​ക​യും ചെയ്‌തു” എന്ന്‌ പുറത്താ​ക്ക​പ്പെട്ട ഒരു ക്രിസ്‌ത്യാ​നി പറഞ്ഞു. ഇത്‌ പുറത്താ​ക്ക​ലി​ന്റെ മറ്റൊരു പ്രധാ​ന​പ്പെട്ട വശത്തെ വിശേ​ഷ​വ​ത്‌ക​രി​ക്കു​ന്നു. ദൈവ​ത്തി​ങ്ക​ലേക്കു മടങ്ങി​പ്പോ​കു​ന്ന​തി​നുള്ള തങ്ങളുടെ ആദ്യ പടികൾ സ്വീക​രി​ക്കാൻ അത്‌ മുമ്പ്‌ അനുതാ​പ​മി​ല്ലാഞ്ഞ പാപി​കളെ പ്രേരി​പ്പി​ച്ചേ​ക്കാ​വു​ന്ന​താണ്‌.

“കർത്താവു താൻ സ്‌നേ​ഹി​ക്കു​ന്ന​വനെ ശിക്ഷി​ക്കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (എബ്രായർ 12:6) “ഏതു ശിക്ഷയും തല്‌ക്കാ​ലം സന്തോ​ഷ​ക​രമല്ല ദുഃഖ​ക​ര​മ​ത്രേ എന്നു തോന്നും; പിന്ന​ത്തേ​തി​ലോ അതിനാൽ അഭ്യാസം വന്നവർക്കു നീതി എന്ന സമാധാ​ന​ഫലം ലഭിക്കും” എന്നതു സത്യമാണ്‌.—എബ്രായർ 12:11.

റിച്ചാർഡിന്‌ സംഭവി​ച്ചത്‌ അതാണ്‌. ഏകദേശം രണ്ടു വർഷം പുറത്താ​യി​രു​ന്ന​തി​നു​ശേഷം, അവൻ അനുത​പി​ച്ചു, തന്റെ ദൈവ​നി​ന്ദാ​ക​ര​മായ നടത്ത തിരുത്തി, അപ്പോൾ അവനെ ക്രിസ്‌തീയ സഭയി​ലേക്കു തിരികെ സ്വീക​രി​ച്ചു. പിന്തി​രി​ഞ്ഞു നോക്കി​ക്കൊണ്ട്‌ അവൻ ആ അനുഭ​വ​ത്തെ​ക്കു​റി​ച്ചു പറയുന്നു: “ഞാൻ പുറത്താ​ക്ക​പ്പെ​ടേ​ണ്ടി​യി​രു​ന്നു​വെന്ന്‌, എനിക്കു ലഭിച്ചത്‌ ഞാൻ പൂർണ​മാ​യി അർഹി​ച്ച​താ​ണെന്ന്‌, ഞാൻ തിരി​ച്ച​റി​യു​ന്നു. അതു വാസ്‌ത​വ​ത്തിൽ അനിവാ​ര്യം തന്നെയാ​യി​രു​ന്നു, എന്റെ ഗതി കേവല​മെത്ര ഗുരു​ത​ര​മാ​യി​രു​ന്നു​വെ​ന്ന​തും യഹോ​വ​യു​ടെ ക്ഷമ തേടേ​ണ്ട​തി​ന്റെ ആവശ്യ​വും കാണാൻ അതെന്നെ സഹായി​ച്ചു.”

ശിക്ഷണം സഹിക്കു​ന്നത്‌ എളുപ്പ​മ​ല്ലാ​യി​രി​ക്കാം. അത്‌ സ്വീക​രി​ക്കു​വാൻ താഴ്‌മ ആവശ്യ​മാണ്‌, എന്നാൽ അതിൽനി​ന്നു പഠിക്കു​ന്നവർ ധാരാളം ഫലം കൊയ്യു​ന്നു.

അതു​കൊണ്ട്‌ പുറത്താ​ക്കൽ ഒരു സ്‌നേ​ഹ​പൂർവ​ക​മായ ക്രമീ​ക​ര​ണ​മാണ്‌, കാരണം അത്‌ യഹോ​വ​യു​ടെ വിശു​ദ്ധ​നാ​മത്തെ ഉയർത്തി​പ്പി​ടി​ക്കു​ക​യും പാപത്തി​ന്റെ ദുഷി​പ്പി​ക്കുന്ന സ്വാധീ​ന​ത്തിൽനി​ന്നു സഭയെ സംരക്ഷി​ക്കു​ക​യും ചെയ്യുന്നു. കൂടാതെ, അനുത​പി​ക്കു​ന്ന​തി​നും തങ്ങളുടെ ‘പാപങ്ങൾ മാഞ്ഞു​കി​ട്ടേ​ണ്ട​തി​ന്നു മാനസാ​ന്ത​ര​പ്പെട്ടു തിരി​ഞ്ഞു​വ​ന്നു​കൊണ്ട്‌ കർത്താ​വി​ന്റെ സമ്മുഖ​ത്തു​നി​ന്നു ആശ്വാ​സ​കാ​ലങ്ങൾ’ സ്വീക​രി​ക്കു​ന്ന​തി​നും ദുഷ്‌പ്ര​വൃ​ത്തി​ക്കാ​രനെ പ്രോ​ത്‌സാ​ഹി​പ്പി​ച്ചു​കൊണ്ട്‌ അത്‌ അയാ​ളോട്‌ സ്‌നേഹം പ്രകട​മാ​ക്കു​ന്നു.—പ്രവൃ​ത്തി​കൾ 3:19.

[അടിക്കു​റിപ്പ്‌]

[26-ാം പേജിലെ ചിത്ര​ത്തിന്‌ കടപ്പാട്‌]

The New Testament: A Pictorial Archive from Nineteenth-Century Sources, by Don Rice/Dover Publications, Inc.