ഓർത്ത​ഡോ​ക്‌സ്‌ വൈദി​കർ ഉണർന്നി​രി​ക്കു​ന്നു​വോ?

ഗ്രീസിലെ ഉണരുക! ലേഖകൻ

“യേശു ദേവാ​ല​യ​ത്തിൽ പ്രവേ​ശിച്ച്‌ . . . ‘വ്യാപാ​ര​മേള’ കണ്ടപ്പോൾ രോഷാ​കു​ല​നാ​യി ഉത്‌​ക്രോ​ശി​ച്ചു: ‘എന്റെ പിതാ​വി​ന്റെ ഭവനം വാണി​ഭ​ശാ​ല​യാ​ക്കു​ന്നത്‌ നിർത്തു​വിൻ!’ ഇന്നാളു​ക​ളിൽ അവനു പത്മോസ്‌ ദ്വീപി​ലേക്കു സഞ്ചരി​ക്കേ​ണ്ടി​വ​ന്നാൽ . . . അവൻ ഇതിലും പരുഷ​മാ​യി സംസാ​രി​ക്കും. പക്ഷേ അവൻ പറയു​ന്നത്‌ ആരെങ്കി​ലും ശ്രദ്ധി​ക്കു​മെന്ന്‌ എനിക്കു​റ​പ്പില്ല.” “പരമ​പ്ര​ധാ​ന​മായ ഒരു അഖില ക്രിസ്‌തീയ കൂടി​വ​രവ്‌” എന്നും “ആധുനിക ക്രിസ്‌ത്യാ​നി​ത്വ​ത്തി​ലെ നിർണാ​യക നിമി​ഷ​ങ്ങ​ളി​ലൊന്ന്‌” എന്നും വിളി​ക്ക​പ്പെ​ട്ട​തി​നെ സംബന്ധിച്ച്‌ റിപ്പോർട്ടു ചെയ്‌തു​കൊണ്ട്‌ ഒരു പത്ര​പ്ര​വർത്തകൻ വിലപി​ച്ചത്‌ അങ്ങനെ​യാണ്‌.

ലോക​വ്യാ​പ​ക​മാ​യുള്ള ഓർത്ത​ഡോ​ക്‌സ്‌ സഭയുടെ പ്രതീ​കാ​ത്മക ശിരസ്സാ​യി കരുത​പ്പെ​ടുന്ന കോൺസ്റ്റാൻറി​നോ​പ്പി​ളി​ലെ സഭൈ​ക്യ​പ്ര​സ്ഥാ​ന​ത്തി​ന്റെ പാത്രി​യാർക്കീ​സായ ബാർത്താ​ലൊ​മ്യൂ I, 1995 എന്ന വർഷത്തെ “വെളി​പാ​ടി​ന്റെ വർഷ”മായി പ്രഖ്യാ​പി​ച്ചു.a മിക്ക ഓർത്ത​ഡോ​ക്‌സ്‌ പാത്രി​യാർക്കീ​സു​മാ​രു​ടെ​യും കീഴിലെ ഉന്നതന്മാ​രായ വൈദി​കർ പത്മോസ്‌ ദ്വീപിൽ കൂടി​വ​രവേ 1995 സെപ്‌റ്റം​ബർ 23 മുതൽ 27 വരെയു​ണ്ടാ​യി​രുന്ന ആഘോ​ഷങ്ങൾ പാരമ്യ​ത്തി​ലെത്തി. റോമൻ കത്തോ​ലി​ക്കാ സഭ, ആംഗ്ലിക്കൻ സഭ, വിവിധ പ്രൊ​ട്ട​സ്റ്റൻറ്‌ വിഭാ​ഗങ്ങൾ എന്നിവ​യു​ടെ പ്രതി​നി​ധി​ക​ളും സന്നിഹി​ത​രാ​യി​രു​ന്നു. വിദേശ ഉദ്യോ​ഗസ്ഥർ, രാഷ്‌ട്രീ​യ​ക്കാർ, പ്രമുഖ ബിസി​ന​സു​കാർ, ലോക​മെ​മ്പാ​ടു​നി​ന്നും ക്ഷണിക്ക​പ്പെട്ട മറ്റ്‌ അതിഥി​കൾ എന്നിവർക്കൊ​പ്പം ഗ്രീസി​ലെ ഉന്നതരായ രാഷ്‌ട്രീയ, സൈനിക അധികാ​രി​ക​ളും ചടങ്ങിൽ സംബന്ധി​ച്ചു.

വെളി​പാ​ടു പുസ്‌ത​ക​ത്തി​ന്റെ പഠിതാ​ക്കൾ, അതിൽ നൽകി​യി​രി​ക്കുന്ന യേശു​വി​ന്റെ ഈ അടിയ​ന്തിര ഓർമി​പ്പി​ക്ക​ലു​കൾ അനുസ്‌മ​രി​ക്കും: ‘ഞാൻ കള്ളനെ​പ്പോ​ലെ വരും. ജാഗരി​ച്ചു കൊള്ളു​ന്നവൻ ഭാഗ്യ​വാൻ.’ (വെളി​പ്പാ​ടു 16:15) അതു​കൊണ്ട്‌, ഇതി​നോ​ടും വെളി​പാ​ടി​നെ കേന്ദ്ര​മാ​ക്കി​യുള്ള ഏറെ കൊട്ടി​ഘോ​ഷി​ക്ക​പ്പെട്ട മതപര​മായ ഈ ചടങ്ങി​നോ​ടു​മുള്ള ബന്ധത്തിൽ നമുക്ക്‌ ഇങ്ങനെ ചോദി​ക്കാ​തി​രി​ക്കാൻ കഴിയു​ന്നില്ല: ക്രൈ​സ്‌ത​വ​ലോ​കം ഉണർന്നി​രി​ക്കു​ന്നു​വോ? സിംഹാ​സ​ന​സ്ഥ​നായ യേശു​വി​ന്റെ വരവ്‌ ആകാം​ക്ഷാ​പൂർവം കാത്തി​രു​ന്നു​കൊണ്ട്‌ അവർ ജാഗ്ര​ത​യു​ള്ള​വ​രാ​യി​രി​ക്കു​ന്നു​വോ? ഈ ആഘോ​ഷങ്ങൾ വെളി​പാ​ടിൽ പാരമ്യ​ത്തി​ലെ​ത്തുന്ന ബൈബി​ളി​ന്റെ പ്രതി​പാ​ദ്യ​വി​ഷ​യത്തെ—യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​ത്തെ​യും ക്രിസ്‌തു​വി​ന്റെ കീഴി​ലുള്ള രാജ്യം മുഖാ​ന്ത​ര​മുള്ള അവന്റെ പരമാ​ധി​കാ​ര​ത്തി​ന്റെ സംസ്ഥാ​പ​ന​ത്തെ​യും—കേന്ദ്രീ​ക​രി​ച്ചു​കൊ​ണ്ടു​ള്ള​താ​യിരു​ന്നോ? നമുക്ക്‌ ചില യാഥാർഥ്യ​ങ്ങൾ പരിചി​ന്തി​ക്കാം.

ഈ ലോക​ത്തി​ന്റെ ഭാഗമോ?

പല നിരീ​ക്ഷ​ക​രെ​യും സംബന്ധി​ച്ചി​ട​ത്തോ​ളം, മതനേ​താ​ക്ക​ന്മാർക്കും രാഷ്‌ട്രീ​യ​ക്കാർക്കും ബിസി​ന​സു​കാർക്കും ഇടയി​ലുള്ള ആഘോഷ വേളക​ളി​ലെ അസ്ഥിര​മായ ഈ കൂട്ടു​കെട്ട്‌ തികച്ചും പ്രതി​ഷേ​ധാർഹ​മാ​യി​രു​ന്നു. ഉൾപ്പെ​ട്ടി​രുന്ന കക്ഷികൾ എല്ലാം​തന്നെ തങ്ങളുടെ സ്വന്തം താത്‌പ​ര്യ​ത്തി​നു​വേണ്ടി സാഹച​ര്യ​ത്തെ മുത​ലെ​ടു​ക്കു​ന്ന​താ​യി ചിലർക്കു തോന്നി. ഉന്നത രാഷ്‌ട്രീ​യ​ക്കാ​രു​ടെ തൊട്ട​ടു​ത്താ​യി പ്രത്യ​ക്ഷ​പ്പെ​ട്ടു​കൊണ്ട്‌ വൈദി​കർ തങ്ങളുടെ സ്വാധീ​നം ശക്തി​പ്പെ​ടു​ത്തി. രാഷ്‌ട്രീ​യ​ക്കാ​രാ​കട്ടെ, പൊതു​ജ​ന​ത്തി​ന്റെ മതപര​മായ വികാ​രങ്ങൾ ചൂഷണം ചെയ്‌തു​കൊണ്ട്‌ തങ്ങളുടെ പ്രതി​ച്ഛായ നന്നാക്കാൻ നോക്കി. ചർച്ച്‌ ഓഫ്‌ ഗ്രീസി​ന്റെ പരിശുദ്ധ സിനഡി​നു​വേ​ണ്ടി​യുള്ള വക്താവ്‌ ഇപ്രകാ​രം പറയു​ക​പോ​ലും ചെയ്‌തു: “വെളി​പാ​ടിന്‌ ഒരു രാഷ്‌ട്രീ​യ​വി​വ​ക്ഷ​കൂ​ടെ ഉണ്ടായി​രു​ന്നു . . . ഭൂമി​യിൽ വികസി​ത​മാ​കുന്ന ഒരു നാടക​മാ​ണത്‌.” (ചെരി​ച്ചെ​ഴുത്ത്‌ ഞങ്ങളു​ടേത്‌.)

വെളി​പ്പാ​ടു 17:1, 2-ൽ കാണ​പ്പെ​ടുന്ന വിവര​ണ​ത്തോട്‌ എത്ര ചേർച്ച​യി​ലാ​ണിത്‌. അവിടെ, ക്രൈ​സ്‌ത​വ​ലോ​കം പ്രമുഖ ഭാഗമാ​യി​രി​ക്കുന്ന വ്യാജ​മ​ത​ലോ​ക​സാ​മ്രാ​ജ്യ​മായ പ്രതീ​കാ​ത്മക “മഹാ​വേശ്യ,” “ഭൂമി​യി​ലെ രാജാക്ക”ന്മാരു​മാ​യി ആത്മീയ “വേശ്യാ​വൃ​ത്തി”യിലേർപ്പെ​ടു​ന്ന​താ​യി ചിത്രീ​ക​രി​ക്ക​പ്പെ​ട്ടി​രി​ക്കു​ന്നു! ആത്മീയ​മാ​യി ശുദ്ധി​യു​ള്ള​വ​രും ഉണർവു​ള്ള​വ​രു​മാ​യി​രി​ക്കു​ന്ന​തി​നു​പ​കരം ഓർത്ത​ഡോ​ക്‌സ്‌ സഭ, ശേഷിച്ച ക്രൈ​സ്‌ത​വ​ലോ​ക​ത്തെ​പ്പോ​ലെ​തന്നെ വിശേ​ഷി​ച്ചും യഹോ​വ​യു​ടെ സാക്ഷി​കൾക്കെ​തി​രെ മതപര​മായ പീഡനങ്ങൾ ഇളക്കി​വി​ട്ടു​കൊണ്ട്‌ അവളു​മാ​യി അവിശുദ്ധ സഖിത്വ​ത്തി​ലാ​കാൻ രാഷ്‌ട്രീയ ഭരണാ​ധി​കാ​രി​കളെ വശീക​രി​ച്ചി​രി​ക്കു​ന്നു.

ഏകീകൃ​ത​രല്ല

രണ്ട്‌ ഓർത്ത​ഡോ​ക്‌സ്‌ പാത്രി​യാർക്കീ​സു​മാർ ആഘോ​ഷ​ങ്ങ​ളിൽ ഹാജരാ​യി​രു​ന്നില്ല എന്നതു ശ്രദ്ധേ​യ​മാണ്‌. കാരണം? മോസ്‌കോ​യി​ലെ പാത്രി​യാർക്കീ​സായ ആലെക്‌സ്‌യോസ്‌ II-ാമൻ ഒരു പ്രതി​ഷേ​ധ​പ്ര​ക​ട​ന​മെ​ന്ന​നി​ല​യിൽ പങ്കെടു​ക്കാൻ വിസമ്മ​തി​ച്ചു. തങ്ങളെ മോസ്‌ക്കോ​യു​ടേ​തി​നു​പ​കരം, കോൺസ്റ്റാൻറി​നോ​പ്പി​ളി​ന്റെ അധികാ​ര​പ​രി​ധി​യിൻകീ​ഴി​ലാക്ക​ണ​മെന്ന ഈസ്റ്റോ​ണി​യ​യി​ലെ​യും ഉക്രെ​യി​നി​ലെ​യും അതിരൂ​പ​ത​ക​ളു​ടെ നിവേ​ദ​ന​ത്തോട്‌ കോൺസ്റ്റാൻറി​നോ​പ്പി​ളി​ലെ പാത്രി​യാർക്കീസ്‌ അനുകൂ​ല​മാ​യി പ്രതി​ക​രി​ച്ചു എന്നതാ​യി​രു​ന്നു കാരണം. റിപ്പോർട്ടു​കൾ പറയു​ന്ന​ത​നു​സ​രിച്ച്‌, “[കോൺസ്റ്റാൻറി​നോ​പ്പി​ളി​ന്റെ പാത്രി​യാർക്കീ​സു​മാർക്കും] കുറേ​ക്കൂ​ടെ ശക്തമായ റഷ്യൻ ഓർത്ത​ഡോ​ക്‌സ്‌ സഭയ്‌ക്കു​മി​ട​യിൽ ഉയർന്നി​ട്ടു​ള്ള​തി​ലേ​ക്കും​വെച്ച്‌ ഏറ്റവും ഗുരു​ത​ര​മായ പ്രതി​സ​ന്ധി​യാ​ണിത്‌.” “ഓർത്ത​ഡോ​ക്‌സ്‌ സഭയുടെ ഐക്യ​ത്തി​നും അധികാ​ര​ത്തി​നും പ്രവച​നാ​തീ​ത​മായ ഭവിഷ്യ​ത്തു​കൾ” നേരി​ടും എന്ന ഭീഷണി ഇത്‌ ഉണർത്തു​ന്നു​വ​ത്രെ.

കൂടാതെ, യെരു​ശ​ലേ​മി​ലെ പാത്രി​യാർക്കീ​സും സിനഡ്‌ ബഹിഷ്‌ക​രി​ക്കു​ക​യു​ണ്ടാ​യി. കാരണം? ഓസ്‌​ട്രേ​ലി​യ​യി​ലെ ഓർത്ത​ഡോ​ക്‌സ്‌ സഭയെ അധീന​ത​യി​ലാ​ക്കാൻ ശ്രമി​ച്ച​തിന്‌ മൂന്നു വർഷം​മുമ്പ്‌ കോൺസ്റ്റാൻറി​നോ​പ്പി​ളി​ലെ പാത്രി​യാർക്കീസ്‌ തന്നോടു പ്രായ​ശ്ചി​ത്ത​കർമം അനുഷ്‌ഠി​ക്കാൻ ആവശ്യ​പ്പെ​ട്ട​തിൽ അദ്ദേഹം രോഷാ​കു​ല​നാ​യി​രു​ന്ന​താണ്‌ കാരണം എന്നു റിപ്പോർട്ടു ചെയ്യ​പ്പെ​ട്ടി​രു​ന്നു.

ആദ്യം, ജോൺ പോൾ II-ാമൻ പാപ്പായെ ക്ഷണിക്കാ​നി​രു​ന്ന​താണ്‌. പക്ഷേ, ഓർത്ത​ഡോ​ക്‌സ്‌ സഭയ്‌ക്കു​ള്ളി​ലെ യാഥാ​സ്ഥി​തിക ഘടകങ്ങൾ ശക്തമായ പ്രതി​ഷേ​ധ​മു​യർത്തി​യ​തി​ന്റെ​പേ​രിൽ ഇത്‌ അവസാ​ന​നി​മി​ഷം മാറ്റി. 1995 മേയിൽ ഏതെൻസി​ലെ പ്രശസ്‌ത​നായ ഒരു ഓർത്ത​ഡോ​ക്‌സ്‌ വൈദി​കൻ പാപ്പായെ “യുദ്ധ കുറ്റവാ​ളി” എന്ന്‌ മുദ്ര​കു​ത്തി. ഇത്തരം സാഹച​ര്യ​ങ്ങ​ളിൽ “പത്മോ​സി​ലെ ആഘോ​ഷ​ങ്ങ​ളിൽ പാപ്പാ​യ്‌ക്കു . . . പങ്കെടു​ക്കാൻ കഴിയില്ല” എന്ന്‌ പിന്നീടു പ്രഖ്യാ​പി​ക്ക​പ്പെട്ടു.

ഈ ആഘോ​ഷങ്ങൾ നടക്കു​മ്പോൾ പത്മോ​സിന്‌ വെറും 1,500 കിലോ​മീ​റ്റർ വടക്കു​പ​ടി​ഞ്ഞാറ്‌ ബോസ്‌നി​യ​യി​ലും ഹെർട്‌സെ​ഗോ​വി​ന​യി​ലും ഓർത്ത​ഡോ​ക്‌സ്‌ സഭയി​ലെ​യും റോമൻ കത്തോ​ലി​ക്കാ സഭയി​ലെ​യും “ക്രിസ്‌ത്യാ​നി​കൾ” പരസ്‌പരം കൊന്നു​കൊ​ണ്ടി​രു​ന്ന​തി​ലെ വിരോ​ധാ​ഭാ​സം ഈ അവസ്ഥയെ ഏറെ പരിതാ​പ​ക​ര​മാ​ക്കി!

ആത്മീയ മയക്കത്തി​ലായ നാമധേയ ക്രിസ്‌ത്യാ​നി​കൾ തങ്ങളെ വിഭജി​ക്കാൻ വിഭാ​ഗീ​യ​തയെ അനുവ​ദി​ക്കു​ന്നു​വെ​ന്നതു വ്യക്തം! ഈ അനൈ​ക്യ​ത്തെ അപലപി​ച്ചു​കൊണ്ട്‌ വടക്കേ അമേരി​ക്ക​യി​ലെ​യും തെക്കേ അമേരി​ക്ക​യി​ലെ​യും ഓർത്ത​ഡോ​ക്‌സ്‌ ആർച്ച്‌ബി​ഷ​പ്പായ യാക്കോ​വോസ്‌ ഒരു അഭിമു​ഖ​ത്തിൽ പ്രസ്‌താ​വി​ച്ചു: “ഈ ലോക​ത്തി​ലെ പ്രബലർക്കല്ല, മനുഷ്യർക്കു സേവനം ചെയ്യു​ന്ന​തിൽ സഭകൾ ഏകീക​രി​ച്ചി​രി​ക്കു​ന്നതു കാണാ​നുള്ള നമ്മുടെ ശ്രമം പരാജ​യ​പ്പെ​ട്ടി​രി​ക്കു​ന്നു. . . . പാത്രി​യാർക്കീ​സു​മാ​രു​ടെ ആശീർവാ​ദങ്ങൾ . . . ആളുകൾക്കു മതിയാ​യി​രി​ക്കു​ന്നു.”

“ആഡംബ​ര​ത്തി​ന്റെ ഒരു ‘വെളി​പാട്‌’”

“ധനത്തിന്റെ ദുർവ്യ​യം” എന്നു വിളി​ക്ക​പ്പെ​ട്ടത്‌ കടുത്ത സൂക്ഷ്‌മ​പ​രി​ശോ​ധ​ന​യിൻകീ​ഴിൽ വന്നു. വർത്തമാ​ന​പ​ത്ര​ത്തിൽ വന്ന ഒരു റിപ്പോർട്ട്‌ ഇങ്ങനെ പറഞ്ഞു: “പത്മോ​സി​ലെ ആഘോ​ഷ​ത്തി​ന്റെ നാലു ദിനങ്ങൾ ഒടുവിൽ ആഡംബ​ര​ത്തി​ന്റെ ഒരു ‘വെളിപാ’ടായി​രു​ന്നെന്നു തെളിഞ്ഞു. . . . ബൈസാ​ന്റൈൻ പകിട്ട്‌ സഭാച​ട​ങ്ങു​ക​ളു​ടെ അതിരു​കളെ ലംഘിച്ചു. സഭകൾ ഒത്തു​ചേ​രുന്ന ഒരു ചടങ്ങ്‌ ആർഭാ​ട​പൂർവ​മായ ആഘോ​ഷ​മാ​യി മാറു​ന്ന​തി​ന്റെ ഭീഷണി ഉയർത്തി.” വിശേ​ഷി​ച്ചും അയലത്തെ ബാൽക്കൻ രാജ്യ​ങ്ങ​ളി​ലെ​യും കിഴക്കൻ യൂറോ​പ്പി​ലെ​യും ജനങ്ങളു​ടെ അതിജീ​വനം ഭീഷണി​യി​ലാ​യി​രി​ക്കുന്ന ഒരു സമയത്ത്‌ ഈ ആഘോ​ഷ​ങ്ങൾക്കു​വേണ്ടി ചെലവ​ഴിച്ച പണത്തു​ക​യിൽ ഒട്ടേ​റെ​പ്പേർ ഉത്‌ക​ണ്‌ഠാ​കു​ല​രാ​യി​രു​ന്നു. “അഭൂത​പൂർവ​മായ ഈ ആഘോഷ”ത്തിന്റെ ചെലവ്‌ ഏതാണ്ട്‌ 1 കോടി 70 ലക്ഷം (യു.എസ്‌.) ഡോള​റാ​യി​രു​ന്നു​വെന്നു ചില കണക്കുകൾ കാണി​ക്കു​ന്നു. സമ്മേള​ന​ത്തിൽ പങ്കെടു​ക്കാൻ ക്ഷണിക്ക​പ്പെട്ട സമ്പന്നരായ ചില അതിഥി​കളെ പാർപ്പി​ക്കാൻ ആഡംബര ഉല്ലാസ​നൗ​കകൾ പത്മോസ്‌ തുറമു​ഖ​ത്ത​ണഞ്ഞു. ഒരാശു​പ​ത്രി​യോ നല്ലൊരു സ്‌കൂൾ കെട്ടി​ട​മോ ഇല്ലെങ്കി​ലും ഉന്നത സന്ദർശ​ക​രിൽ കുറേ​ക്കൂ​ടെ മെച്ചപ്പെട്ട മതിപ്പു​ള​വാ​ക്കാ​നാ​യി ദ്വീപി​ലെ സ്ഥിരതാ​മ​സ​ക്കാ​രിൽ വെറുപ്പു ജനിപ്പി​ക്കു​ന്ന​വി​ധം അവിടെ ഒരവസാന മിനു​ക്കു​പണി നടന്നു.

വെളി​പ്പാ​ടു 18:2, 3, 7-ലെ വാക്യങ്ങൾ ഈ സാഹച​ര്യ​ത്തിന്‌ എത്ര നന്നായി ബാധക​മാ​കു​ന്നു: ‘ഭൂമി​യി​ലെ വ്യാപാ​രി​കൾ [മഹാബാ​ബി​ലോ​ന്റെ] പുളെ​പ്പി​ന്റെ ആധിക്യ​ത്താൽ സമ്പന്നരാ​യി. അവൾ തന്നെത്താൻ മഹത്വ​പ്പെ​ടു​ത്തി പുളെ​ച്ചേ​ട​ത്തോ​ളം അവൾക്കു പീഡയും ദുഃഖ​വും കൊടു​പ്പിൻ!’ സാധാ​ര​ണ​ക്കാ​രായ ആളുകൾ ദുരി​ത​മ​നു​ഭ​വി​ക്കു​മ്പോൾ, സാന്ത്വ​ന​വും ആത്മീയ സഹായ​വും നൽകാൻ ഉണർന്നി​രി​ക്കേ​ണ്ട​തി​നു​പ​കരം ഓർത്ത​ഡോ​ക്‌സ്‌ സഭ ആത്മീയ​മാ​യി കഴമ്പി​ല്ലാത്ത ആർഭാ​ട​മായ വിരു​ന്നു​ക​ളിൽ മുഴു​കി​യി​രി​ക്കു​ക​യാ​യി​രു​ന്നു.

വ്യാജ പ്രത്യാ​ശ​കളെ ഊട്ടി​വ​ളർത്തൽ

ഈ ആഘോ​ഷ​ച്ച​ട​ങ്ങിൽ നിരവധി സിമ്പോ​സി​യ​ങ്ങ​ളും ചർച്ചക​ളും നടന്നു. മനുഷ്യ​വർഗം നേരി​ടുന്ന ഗുരു​ത​ര​മായ പ്രശ്‌നങ്ങൾ കൈകാ​ര്യം ചെയ്യാൻ പരിഹാ​രങ്ങൾ നിർദേ​ശി​ക്ക​പ്പെട്ടു. മനുഷ്യ​വർഗ​ത്തി​ന്റെ പ്രശ്‌നങ്ങൾ പരിഹ​രി​ക്കു​ന്ന​തിന്‌ അടിയ​ന്തി​ര​മാ​യി പ്രവർത്തി​ക്കാൻ ശാസ്‌ത്ര​ജ്ഞ​ന്മാ​രോട്‌ അഭ്യർഥി​ക്കുന്ന ഒരു പ്രമേയം പുറ​പ്പെ​ടു​വി​ച്ചു. ദൈവ​രാ​ജ്യ​ത്തെ​ക്കു​റിച്ച്‌ ഒന്നു പരാമർശി​ക്കു​ക​പോ​ലും ചെയ്‌തില്ല. എന്നാൽ, അതിൽനി​ന്നു വ്യത്യ​സ്‌ത​മാ​യി വെളി​പാ​ടു പുസ്‌തകം ബൈബി​ളി​ന്റെ മറ്റു ഭാഗങ്ങ​ളോ​ടുള്ള ചേർച്ച​യിൽ, യേശു​ക്രി​സ്‌തു​വി​ന്റെ കരങ്ങളി​ലെ ദൈവ​രാ​ജ്യം മാത്ര​മാണ്‌ മനുഷ്യ​വർഗ​ത്തി​ന്റെ എല്ലാ പ്രശ്‌ന​ങ്ങൾക്കു​മുള്ള പരിഹാ​ര​മെന്ന്‌ ഊന്നി​പ്പ​റ​യു​ന്നു.—വെളി​പ്പാ​ടു 11:15-18; 12:10; 21:1-5.

ബൈബി​ള​ധി​ഷ്‌ഠി​ത​മായ രാജ്യ​പ്ര​ത്യാ​ശ ക്രൈ​സ്‌ത​വ​ലോ​കം ഗൗരവ​മാ​യി​ട്ടെ​ടു​ക്കു​ന്നില്ല എന്നുള്ള​തിൽ അതിശ​യി​ക്കാ​നില്ല. നിലവി​ലുള്ള മനോ​ഭാ​വത്തെ പ്രതി​ധ്വ​നി​പ്പി​ക്കു​ന്ന​വി​ധം പത്മോ​സി​ലെ ഒരു സന്ന്യാ​സി​മ​ഠ​ത്തി​ലുള്ള സന്യാ​സി​മാ​രി​ലൊ​രാൾ ഇപ്രകാ​രം തുറന്നു സമ്മതിച്ചു: “വെളി​പാ​ടി​നെ ഒരു പ്രാമാ​ണിക ഗ്രന്ഥമാ​യി ഞങ്ങൾ കരുതു​ന്നില്ല. സഭകളിൽ വായി​ക്ക​പ്പെ​ടാത്ത തിരു​വെ​ഴു​ത്തു​ക​ളിൽപെ​ട്ട​താ​ണത്‌.” ഒരു ദൈവ​ശാ​സ്‌ത്ര​ജ്ഞ​നും ഇപ്രകാ​രം തന്നെ പറഞ്ഞു: “സംഭവി​ക്കാൻ പോകു​ന്ന​തെ​ന്തെന്നു വിശദ​മാ​യി വിവരി​ക്കുന്ന ഒരു ഗ്രന്ഥ​മെ​ന്ന​പോ​ലെ വെളി​പാ​ടി​നെ ലോക​ച​രി​ത്ര​വു​മാ​യി കൂട്ടി​യി​ണ​ക്കു​ന്നത്‌ അപകട​ക​ര​മാണ്‌. . . . ഇത്‌ പ്രാകൃ​ത​മാണ്‌, അപകട​ക​ര​മായ ഒരു വ്യാഖ്യാ​ന​വു​മാണ്‌.” എത്ര ആഴത്തി​ലുള്ള ആത്മീയ മയക്കം!

അവർ ഉണർന്നി​രി​ക്കു​ന്നില്ല

അപ്പോൾ, ക്രൈ​സ്‌ത​വ​ലോ​കം ഉണർന്നി​രി​ക്കു​ന്നി​ല്ലെ​ന്നതു സ്‌പഷ്ടം. ദൈവ​ത്തി​ന്റെ വചനത്തി​ലും അവന്റെ വാഗ്‌ദ​ത്ത​ങ്ങ​ളി​ലും ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം ഈ ആഘോഷം, പൊള്ള​യായ, പ്രയോ​ജ​ന​ശൂ​ന്യ​മായ ഒരു മത “ഉത്സവ”മായി​രു​ന്നു. ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന സഭകളു​ടെ അവസ്ഥ ലവോ​ദി​ക്യ​യി​ലെ സഭയോട്‌ ഏറെക്കു​റെ സമാന​മാണ്‌. ആ സഭയോ​ടു യേശു പറഞ്ഞു: ‘ഞാൻ ധനവാൻ; സമ്പന്നനാ​യി​രി​ക്കു​ന്നു; എനിക്ക്‌ ഒന്നിനും മുട്ടില്ല എന്നു പറഞ്ഞു​കൊ​ണ്ടു നീ നിർഭാ​ഗ്യ​നും അരിഷ്ട​നും ദരി​ദ്ര​നും കുരു​ട​നും നഗ്നനും എന്നു അറിയാ​തി​രി​ക്കു​ന്നു.’—വെളി​പ്പാ​ടു 3:17.

രസകര​മാ​യി, ഓർത്ത​ഡോ​ക്‌സ്‌ സഭയിലെ കടുത്ത യാഥാ​സ്ഥി​തി​ക​നായ ഒരു വ്യക്തി, “ഇതിൽനിന്ന്‌ ഏറ്റവും പ്രയോ​ജനം ലഭിച്ച ഒരേ ഒരു കൂട്ടർ” യഹോ​വ​യു​ടെ സാക്ഷി​ക​ളാ​ണെന്ന്‌ പരാതി​പ്പെ​ടാൻ ഒരു വർത്തമാ​ന​പ​ത്ര​ത്തിന്‌ എഴുതി. അദ്ദേഹം അങ്ങനെ ചിന്തി​ച്ചത്‌ എന്തു​കൊ​ണ്ടാ​യി​രു​ന്നു? യോഹ​ന്നാ​നു ലഭിച്ച വെളി​പാ​ടി​നും “യഹോ​വ​യു​ടെ സാക്ഷി​ക​ളു​ടെ ഉപദേ​ശ​സം​ബ​ന്ധ​മായ നിലപാ​ടി​നും ലോകാ​വ​സാ​ന​കാ​ര്യ​ങ്ങ​ളോ​ടു ബന്ധപ്പെട്ട ഒരു പൊതു അടിസ്ഥാന”മുണ്ടെന്ന്‌ അദ്ദേഹം വിശദ​മാ​ക്കി. അതേ, ദൈ​വോ​ദ്ദേ​ശ്യ​ത്തി​ന്റെ നിവൃത്തി സംബന്ധിച്ച്‌ ജാഗരൂ​ക​രാ​യി​ക്കൊണ്ട്‌ സാക്ഷികൾ “ഉണർന്നി​രി​പ്പാൻ” ശുഷ്‌കാ​ന്തി​യോ​ടെ ശ്രമി​ക്കു​ന്നു​വെ​ന്നതു സത്യം​തന്നെ. ‘മനുഷ്യ​പു​ത്രന്റെ മുമ്പിൽ നിൽപ്പാൻ തക്കവണ്ണം ഉണർന്നി​രി​ക്കേ​ണ്ട​തിന്‌’ പരമാർഥ​ഹൃ​ദ​യ​മുള്ള ഏവരെ​യും സഹായി​ക്കാ​നും അവർ ഉത്സുക​രാണ്‌.—മത്തായി 24:42; ലൂക്കൊസ്‌ 21:36.

[അടിക്കു​റിപ്പ്‌]

[20-ാം പേജിലെ ആകർഷ​ക​വാ​ക്യം]

“ധനത്തിന്റെ ദുർവ്യയ”വും “അഭൂത​പൂർവ​മായ ആഘോഷ”വും

[21-ാം പേജിലെ ആകർഷ​ക​വാ​ക്യം]

“പാത്രി​യാർക്കീ​സു​മാ​രു​ടെ ആശീർവാ​ദങ്ങൾ . . . ആളുകൾക്കു മതിയാ​യി​രി​ക്കു​ന്നു”

[19-ാം പേജിലെ ചിത്ര​ത്തിന്‌ കടപ്പാട്‌]

Photo: Garo Nalbandian