അവർ എവി​ടെ​നി​ന്നാ​ണു വന്നത്‌?

“കൊളം​ബ​സി​ന്റെ വരവിനു മുമ്പ്‌ നാം നമ്മെ എന്താണു വിളി​ച്ചി​രു​ന്നത്‌? . . . ഇന്നും, ഓരോ ഗോ​ത്ര​ക്കാ​രും മറ്റു ഗോ​ത്ര​ങ്ങ​ളി​ലെ ആളുകൾ അവരെ എങ്ങനെ​യാ​ണു വിളി​ച്ചി​രു​ന്ന​തെന്ന്‌ അറിയാ​തെ തങ്ങൾക്കു​ണ്ടാ​യി​രുന്ന പേരു പരിഭാ​ഷ​പ്പെ​ടു​ത്തു​മ്പോൾ അത്‌ എല്ലായ്‌പോ​ഴും അടിസ്ഥാ​ന​പ​ര​മാ​യി ഒരേ സംഗതി​ത​ന്നെ​യാ​യി​രു​ന്നു​വെന്നു മനസ്സി​ലാ​ക്കും. ഞങ്ങളുടെ ഭാഷയിൽ [നരഗാൻസെറ്റ്‌] അത്‌ നീനൂഗ്‌ അല്ലെങ്കിൽ ആളുകൾ [നാവ​ഹോ​യിൽ ഡിനേ], അതായത്‌ മനുഷ്യർ ആണ്‌. ഞങ്ങൾ ഞങ്ങളെ വിളി​ച്ചി​രു​ന്നത്‌ അങ്ങനെ​യാണ്‌. അതു​കൊണ്ട്‌ [യൂറോ​പ്യൻമാ​രായ] കോളനി സ്ഥാപകർ ഇവി​ടെ​യെ​ത്തി​യ​പ്പോൾ ഞങ്ങൾ ആരാ​ണെന്നു ഞങ്ങൾക്ക​റി​യാ​മാ​യി​രു​ന്നു, എന്നാൽ അവർ ആരായി​രു​ന്നു​വെന്നു ഞങ്ങൾക്ക​റി​യി​ല്ലാ​യി​രു​ന്നു. അതു​കൊണ്ട്‌ ഞങ്ങൾ അവരെ ആവൊ​നാ​ജീ​സക്ക്‌ അഥവാ അപരി​ചി​തർ എന്നു വിളിച്ചു, എന്തു​കൊ​ണ്ടെ​ന്നാൽ അവർ പരദേ​ശി​ക​ളാ​യി​രു​ന്നു, അവരെ ഞങ്ങൾക്ക​റി​യി​ല്ലാ​യി​രു​ന്നു, എന്നാൽ ഞങ്ങൾക്ക്‌ അന്യോ​ന്യം അറിയാ​മാ​യി​രു​ന്നു. ഞങ്ങൾ മനുഷ്യ​രാ​യി​രു​ന്നു.”—റ്റോൾ ഓക്ക്‌, നരഗാൻസെറ്റ്‌ ഗോത്രം.

സ്വദേ​ശി​ക​ളാ​യ അമേരി​ക്ക​ക്കാ​രു​ടെ ഉത്ഭവ​ത്തെ​ക്കു​റിച്ച്‌ വളരെ​യ​ധി​കം സിദ്ധാ​ന്ത​ങ്ങ​ളുണ്ട്‌.a ഇന്ത്യക്കാർ ഇസ്രാ​യേ​ലി​ലെ നഷ്ടപ്പെട്ട പത്തു ഗോ​ത്രങ്ങൾ എന്നു വിളി​ക്ക​പ്പെ​ടു​ന്ന​വ​യു​ടെ വംശജ​രായ എബ്രാ​യ​രാ​ണെന്നു വിശ്വ​സിച്ച അനേക​രിൽ പെടു​ന്ന​വ​രാണ്‌ മോർമൻകാ​രു​ടെ സ്ഥാപക​നായ ജോസഫ്‌ സ്‌മി​ത്തും ക്വെയ്‌ക്കർ സഭക്കാ​ര​നായ വില്യം പെന്നും. കരപ്പാ​ലം​വ​ഴി​യോ വള്ളത്തി​ലൂ​ടെ​യോ ആയാലും ഏഷ്യൻ ഗോ​ത്രങ്ങൾ ഇപ്പോ​ഴത്തെ അലാസ്‌ക​യി​ലേ​ക്കും കാനഡ​യി​ലേ​ക്കും ഐക്യ​നാ​ടു​ക​ളി​ലേ​ക്കും നീങ്ങി​യെന്ന വിശദീ​ക​ര​ണ​മാണ്‌ മിക്ക നരവം​ശ​ശാ​സ്‌ത്ര​ജ്ഞൻമാ​രും ഇന്ന്‌ അംഗീ​ക​രി​ക്കു​ന്നത്‌. ഡിഎൻഎ പരി​ശോ​ധ​ന​ക​ളും ഈ ആശയത്തെ പിന്തു​ണ​യ്‌ക്കു​ന്ന​താ​യി തോന്നു​ന്നു.

സ്വദേ​ശി​ക​ളായ അമേരി​ക്ക​ക്കാർ—അവരുടെ ഉത്ഭവങ്ങ​ളും വിശ്വാ​സ​ങ്ങ​ളും

സ്വദേ​ശി​ക​ളായ അമേരി​ക്കൻ പത്രാ​ധി​പർ റ്റോം ഹില്ലും (സെനിക) റിച്ചാർഡ്‌ ഹിൽ, സീനി​യ​റും (ടസ്‌ക​റോറ) സൃഷ്ടി​പ്പി​ന്റെ പ്രയാണം—സ്വദേ​ശി​ക​ളായ അമേരി​ക്ക​ക്കാ​രു​ടെ താദാ​ത്മ്യ​വും വിശ്വാ​സ​വും (ഇംഗ്ലീഷ്‌) എന്ന തങ്ങളുടെ ഗ്രന്ഥത്തിൽ ഇപ്രകാ​രം എഴുതു​ന്നു: “തങ്ങൾ മണ്ണിൽനി​ന്നോ വെള്ളത്തിൽനി​ന്നോ നക്ഷത്ര​ങ്ങ​ളിൽനി​ന്നോ സൃഷ്ടി​ക്ക​പ്പെ​ട്ട​താ​യി സ്വദേ​ശി​ക​ളിൽ മിക്കവ​രും പരമ്പരാ​ഗ​ത​മാ​യി വിശ്വ​സി​ക്കു​ന്നു. നേരേ​മ​റിച്ച്‌, ഏഷ്യക്കാർ അമേരി​ക്ക​ക​ളി​ലേക്കു കുടി​യേ​റാ​നു​പ​യോ​ഗിച്ച, ബെറിങ്‌ കടലി​ടു​ക്കി​നു കുറു​കെ​യുള്ള ഒരു വൻ കരപ്പാ​ല​ത്തെ​ക്കു​റിച്ച്‌ പുരാ​വ​സ്‌തു​ശാ​സ്‌ത്ര​ജ്ഞൻമാ​രു​ടെ ഒരു സിദ്ധാന്തം പറയുന്നു; സിദ്ധാന്തം തുടർന്നു​പ​റ​യു​ന്ന​ത​നു​സ​രിച്ച്‌, ഈ ഏഷ്യക്കാർ പശ്ചിമാർധ​ഗോ​ള​ത്തി​ലെ സ്വദേ​ശി​ക​ളു​ടെ പൂർവി​ക​രാ​യി​രു​ന്നു.” വെള്ളക്കാ​രന്റെ ബെറിങ്‌ കടലി​ടു​ക്കു സിദ്ധാ​ന്ത​ത്തെ​ക്കു​റിച്ച്‌ സ്വദേ​ശി​ക​ളായ ചില അമേരി​ക്ക​ക്കാർ സംശയം പ്രകടി​പ്പി​ക്കാൻ ചായ്‌വു കാണി​ക്കു​ന്നു. തങ്ങളുടെ ഐതി​ഹ്യ​ങ്ങ​ളും വൃത്താ​ന്ത​ങ്ങ​ളും വിശ്വ​സി​ക്കു​ന്ന​താണ്‌ അവർക്ക്‌ ഏറെ ഇഷ്ടം. അവർ തങ്ങളെ വീക്ഷി​ക്കു​ന്നത്‌ ഏഷ്യയിൽനി​ന്നു​വന്നു പര്യ​വേ​ക്ഷണം നടത്തുന്ന കുടി​യേ​റ്റ​ക്കാ​രാ​യി​ട്ടല്ല, പിന്നെ​യോ ആദിമ നിവാ​സി​ക​ളാ​യി​ട്ടാണ്‌.

ഒരു ഇന്ത്യൻ ശിശിരം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ റസ്സൽ ഫ്രീഡ്‌മാൻ ഇപ്രകാ​രം വിശദീ​ക​രി​ക്കു​ന്നു: “മാൻഡാൻ [മിസ്സൗറി നദിയു​ടെ മേൽഭാ​ഗ​ത്തി​നു സമീപ​മുള്ള ഒരു ഗോത്രം] വിശ്വാ​സ​മ​നു​സ​രിച്ച്‌ ആദ്യമ​നു​ഷ്യൻ ശക്തനായ ഒരു ആത്മാവ്‌, ദിവ്യ​നായ ഒരാൾ, ആയിരു​ന്നു. സാധാരണ മനുഷ്യ​രു​ടെ​യും പ്രപഞ്ച​ത്തിൽ നിവസി​ക്കുന്ന എണ്ണമറ്റ ദൈവ​ങ്ങ​ളു​ടെ​യും അഥവാ ആത്മാക്ക​ളു​ടെ​യും ഇടയിൽ ഒരു മധ്യസ്ഥ​നാ​യി വർത്തി​ക്കു​ന്ന​തി​നു​വേണ്ടി എല്ലാറ്റി​ന്റെ​യും സ്രഷ്ടാ​വായ ജീവകർത്താവ്‌ പണ്ടുപ​ണ്ടൊ​രി​ക്കൽ അദ്ദേഹത്തെ സൃഷ്ടിച്ചു.” മാൻഡാൻ വിശ്വാ​സ​ത്തിൽ ഒരു പ്രളയ ഐതി​ഹ്യം​പോ​ലും ഉൾപ്പെ​ട്ടി​രു​ന്നു. “ഒരിക്കൽ, ലോക​മെ​മ്പാ​ടും ഒരു വലിയ പ്രളയം ആഞ്ഞടി​ച്ച​പ്പോൾ പ്രളയ​ജ​ല​ത്തെ​ക്കാ​ളും ഉയർന്നു​നിൽക്കുന്ന ഒരു സംരക്ഷക ഗോപു​രം അല്ലെങ്കിൽ ‘പെട്ടകം’ പണിയാൻ ആളുകളെ പഠിപ്പി​ച്ചു​കൊണ്ട്‌ ആദ്യമ​നു​ഷ്യൻ അവരെ രക്ഷിച്ചു. അദ്ദേഹ​ത്തി​ന്റെ ബഹുമ​തി​ക്കാ​യി, എല്ലാ മാൻഡാൻ ഗ്രാമ​ങ്ങ​ളി​ലും ആ ഐതി​ഹാ​സിക ഗോപു​ര​ത്തി​ന്റെ ഒരു ചെറിയ പകർപ്പു​ണ്ടാ​യി​രു​ന്നു—ഒരു പലക വേലി​യാൽ ചുറ്റപ്പെട്ട അഞ്ചടി​യോ​ളം ഉയരമുള്ള, ദേവതാ​രു​കൊ​ണ്ടുള്ള ഒരു തൂൺ.”

മാൻഡാൻകാർക്ക്‌ മതപര​മായ ഒരു പ്രതീ​ക​വും ഉണ്ടായി​രു​ന്നു—“മുകളിൽ കറുത്ത പെയി​ന്റ​ടി​ച്ച​തും തടി​കൊ​ണ്ടു​ള്ള​തു​മായ വിരൂ​പ​മായ ഒരു ശിര​സ്സോ​ടെ, തൂവലു​ക​ളും രോമ​ങ്ങ​ളും​കൊ​ണ്ടു പൊതിഞ്ഞ നീളമുള്ള ഒരു ദണ്ഡ്‌.” ഇതിന്‌ ആരെ ചിത്രീ​ക​രി​ക്കാൻ കഴിയും? “മനുഷ്യ​രു​ടെ​മേൽ വലിയ സ്വാധീ​ന​മു​ണ്ടാ​യി​രു​ന്ന​തും എന്നാൽ ജീവകർത്താ​വി​ന്റെ​യോ ആദ്യമ​നു​ഷ്യ​ന്റെ​യോ അത്രയും ശക്തിയി​ല്ലാ​യി​രു​ന്ന​തു​മായ ഒച്ച്‌കി-ഹാഡാ എന്ന ദുഷ്ടാ​ത്മാ​വി​നെ​യാണ്‌ ഈ വികൃ​ത​ബിം​ബം ചിത്രീ​ക​രി​ച്ചത്‌.” സമതല​ങ്ങ​ളിൽ പാർക്കുന്ന ഇന്ത്യക്കാ​രെ സംബന്ധി​ച്ചി​ട​ത്തോ​ളം, “ആത്മലോ​ക​ത്തി​ലുള്ള വിശ്വാ​സം ദൈനം​ദിന ജീവി​ത​ത്തി​ന്റെ ഒരു അവിതർക്കിത ഭാഗമാ​യി​രു​ന്നു. . . . മാനു​ഷിക കാര്യ​ങ്ങളെ നിയ​ന്ത്രി​ച്ചി​രുന്ന വിശുദ്ധ ജീവി​ക​ളു​ടെ സഹായ​മോ അംഗീ​കാ​ര​മോ ആദ്യം​തന്നെ തേടാതെ ഒരു പ്രമുഖ തീരു​മാ​ന​വും എടുക്കാൻ പാടി​ല്ലാ​യി​രു​ന്നു, ഒരു പദ്ധതി​ക്കും മുതി​രാ​നും പാടി​ല്ലാ​യി​രു​ന്നു.”

വടക്കേ അമേരി​ക്ക​യു​ടെ പൗരാ​ണിക ശാസ്‌ത്രം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ജോൺ ബീർഹോർസ്റ്റ്‌ ഇപ്രകാ​രം വിശദീ​ക​രി​ക്കു​ന്നു: “വംശങ്ങൾ ഉണ്ടാകു​ന്ന​തി​നു​മുമ്പ്‌, ഗാണിത (നിയമ​മോ ക്രമമോ ഇല്ലാത്തത്‌) എന്നറി​യ​പ്പെ​ടുന്ന അവസ്ഥാ​വി​ശേ​ഷ​ത്തി​ലാ​യി​രുന്ന ഓസേജ്‌ വർഗക്കാർ സ്ഥലങ്ങൾതോ​റും അലഞ്ഞു​ന​ട​ന്നി​രു​ന്ന​താ​യി പറയ​പ്പെട്ടു. നിശബ്ദ​വും സൃഷ്ടി​പ​ര​വു​മായ ഒരു ശക്തി ആകാശ​ത്തെ​യും ഭൂമി​യെ​യും നിറയ്‌ക്കു​ക​യും സൂര്യ​ച​ന്ദ്ര​ന​ക്ഷ​ത്രാ​ദി​കളെ പൂർണ​മായ ക്രമത്തിൽ നീക്കു​ക​യും ചെയ്യു​ന്നു​വെ​ന്നുള്ള സിദ്ധാന്തം . . . ലിറ്റിൽ ഓൾഡ്‌ മെൻ എന്നു വിളി​ക്ക​പ്പെ​ടുന്ന ചില ചിന്തകർ ആ ആദിമ​ദി​ന​ങ്ങ​ളിൽ . . . രൂപീ​ക​രി​ച്ചു​വെ​ന്നാണ്‌ ഒരു പരമ്പരാ​ഗ​ത​മായ വീക്ഷണം. അവർ അതിനെ വാകൊണ്ട (നിഗൂഢ ശക്തി) അല്ലെങ്കിൽ ഇയാവാ​വോ​ണാക (നമ്മുടെ അസ്‌തി​ത്വ​ത്തി​ന്റെ കാരണ​ഭൂ​തൻ) എന്നു വിളിച്ചു.” സുനി​ക്കും സൂവി​നും പടിഞ്ഞാ​റൻ ലക്കോ​ട്ട​യ്‌ക്കും സമാന​മായ ഒരു ആശയമാ​ണു​ള്ളത്‌. “ഭൂനിർമാ​താവ്‌” ഉൾപ്പെ​ടുന്ന, സൃഷ്ടി​യെ​ക്കു​റി​ച്ചുള്ള ഒരു ഐതി​ഹ്യം വിനെ​ബേ​ഗോ ഗോ​ത്ര​ത്തി​നും ഉണ്ട്‌. വിവരണം ഇങ്ങനെ പറയുന്നു: “അവൻ വെളി​ച്ച​ത്തി​നു​വേണ്ടി ആഗ്രഹി​ച്ചു, വെളി​ച്ച​മു​ണ്ടാ​യി. . . . അവൻ വീണ്ടും ചിന്തി​ക്കു​ക​യും ഭൂമി​യു​ണ്ടാ​കാൻ ആഗ്രഹി​ക്കു​ക​യും ചെയ്‌തു, അങ്ങനെ ഈ ഭൂമി അസ്‌തി​ത്വ​ത്തിൽ വന്നു.”

ബൈബിൾ വിദ്യാർഥി​യെ സംബന്ധി​ച്ചി​ട​ത്തോ​ളം സ്വദേ​ശി​ക​ളായ അമേരി​ക്ക​ക്കാ​രു​ടെ വിശ്വാ​സ​ങ്ങ​ളും ബൈബി​ളിൽ വിവരി​ച്ചി​രി​ക്കുന്ന പഠിപ്പി​ക്ക​ലു​ക​ളും തമ്മിലുള്ള ചില സമാന്ത​രങ്ങൾ കാണു​ന്നത്‌ ഏറ്റവും രസാവ​ഹ​മാണ്‌, പ്രത്യേ​കിച്ച്‌ “നമ്മുടെ അസ്‌തി​ത്വ​ത്തി​ന്റെ കാരണ​ഭൂ​തൻ”—“അവൻ ആയിത്തീ​രാൻ ഇടയാ​ക്കു​ന്നു” എന്ന യഹോ​വ​യെന്ന ദിവ്യ​നാ​മ​ത്തി​ന്റെ അർഥത്തെ ഇത്‌ ഓർമി​പ്പി​ക്കു​ന്നു—ആയ മഹാത്മാ​വി​നെ​ക്കു​റി​ച്ചുള്ള സംഗതി​കൾ. മറ്റു സമാന്ത​ര​ങ്ങ​ളിൽ പ്രളയ​വും ബൈബി​ളിൽ സാത്താൻ എന്നറി​യ​പ്പെ​ടുന്ന ദുഷ്ടാ​ത്മാ​വും ഉൾപ്പെ​ടു​ന്നു.—ഉല്‌പത്തി 1:1-5; 6:17; വെളി​പ്പാ​ടു 12:9.

സ്വദേ​ശി​ക​ളായ അമേരി​ക്ക​ക്കാ​രു​ടെ തത്ത്വചി​ന്തകൾ മനസ്സി​ലാ​ക്കൽ

സ്വദേ​ശി​ക​ളായ അമേരി​ക്ക​ക്കാർക്ക്‌ തങ്ങളുടെ പൂർവി​ക​രിൽനി​ന്നു ലഭിച്ചി​ട്ടു​ള്ള​താ​യി അവർ പറയുന്ന അഞ്ചു ദാനങ്ങ​ളെ​ക്കു​റിച്ച്‌ ടോം ഹിൽ, റിച്ചാർഡ്‌ ഹിൽ എന്നീ സ്വദേ​ശി​ക​ളായ അമേരി​ക്കൻ എഴുത്തു​കാർ വിശദീ​ക​രി​ക്കു​ന്നു. “ആദ്യത്തെ ദാനം . . . ദേശവു​മാ​യുള്ള ഞങ്ങളുടെ ആഴമായ ബന്ധമാണ്‌.” യൂറോ​പ്യ​ന്റെ വരവിനു മുമ്പും പിമ്പു​മുള്ള അവരുടെ ചരി​ത്ര​ത്തി​ന്റെ വീക്ഷണ​ത്തിൽ അതിനെ ആർക്കു നിഷേ​ധി​ക്കാ​നാ​വും? സ്വദേ​ശി​ക​ളായ അമേരി​ക്ക​ക്കാർ മിക്ക​പ്പോ​ഴും പാവന​മാ​യി കരുതിയ അവരുടെ ദേശം ബലപ്ര​യോ​ഗ​ത്താ​ലോ ചതിയാ​ലോ പാലി​ക്ക​പ്പെ​ടാത്ത കരാറു​ക​ളാ​ലോ വ്യവസ്ഥാ​പി​ത​മാ​യി പിടി​ച്ചെ​ടു​ക്ക​പ്പെട്ടു.

“മൃഗങ്ങൾ ഞങ്ങളുടെ ആളുക​ളു​മാ​യി പങ്കുവ​യ്‌ക്കുന്ന ശക്തിയും ആത്മാവു​മാണ്‌ രണ്ടാമത്തെ ദാനം.” മൃഗങ്ങ​ളോ​ടുള്ള സ്വദേ​ശി​ക​ളായ അമേരി​ക്ക​ക്കാ​രു​ടെ ആദരവ്‌ പല രീതി​ക​ളി​ലും പ്രകട​മാ​യി​രി​ക്കു​ന്നു. അവർ ഭക്ഷണത്തി​നും വസ്‌ത്ര​ത്തി​നും പാർപ്പി​ട​ത്തി​നും​വേണ്ടി മാത്രം വേട്ടയാ​ടി. പോത്തി​നെ (ബൈസൻ) ഫലത്തിൽ തുടച്ചു​നീ​ക്കി​യതു സ്വദേ​ശി​ക​ളാ​യി​രു​ന്നില്ല, പിന്നെ​യോ രക്തദാ​ഹ​വും ഹ്രസ്വ​ദൃ​ഷ്ടി​യോ​ടു​കൂ​ടിയ അത്യാർത്തി​യും പൂണ്ട വെള്ളക്കാ​ര​നാ​യി​രു​ന്നു.

“മൂന്നാ​മ​ത്തേത്‌ ആത്മശക്തി​ക​ളാണ്‌, ഞങ്ങളുടെ ജീവനുള്ള ബന്ധുക്ക​ളായ അവർ ഞങ്ങളു​ണ്ടാ​ക്കുന്ന അവരുടെ പ്രതി​മ​ക​ളി​ലൂ​ടെ ഞങ്ങളോട്‌ ആശയവി​നി​യമം ചെയ്യുന്നു.” ഇതാണ്‌ ലോക​മെ​മ്പാ​ടു​മുള്ള വളരെ​യ​ധി​കം മതങ്ങളു​ടെ പൊതു​വായ പ്രതി​പാ​ദ്യ​വി​ഷയം—ഏതോ ആത്മാവി​ന്റെ​യോ ദേഹി​യു​ടെ​യോ മരണാ​ന​ന്ത​ര​മുള്ള അതിജീ​വനം.b

“ഞങ്ങളാ​രെ​ന്നുള്ള ബോധ​മാണ്‌ നാലാ​മ​ത്തേത്‌, അതു ഞങ്ങളുടെ ഗോത്ര പാരമ്പ​ര്യ​ങ്ങ​ളി​ലൂ​ടെ പ്രകട​മാ​ക്ക​പ്പെ​ടു​ക​യും നിലനിർത്ത​പ്പെ​ടു​ക​യും ചെയ്യുന്നു.” ഗോ​ത്ര​സം​ബ​ന്ധ​മായ കാര്യങ്ങൾ ചർച്ച​ചെ​യ്യാ​നാ​യി ആളുകൾ കൂടി​വ​രുന്ന ഗോത്ര ചടങ്ങു​ക​ളി​ലോ ഗോ​ത്ര​പ​ര​മായ നൃത്തവും സംഗീ​ത​വു​മുള്ള സാമൂ​ഹിക കൂടി​വ​ര​വു​ക​ളി​ലോ ഇന്നിതു തീർച്ച​യാ​യും ശ്രദ്ധി​ക്കാൻ കഴിയും. ഇന്ത്യൻ വസ്‌ത്ര​ധാ​ര​ണ​രീ​തി, താളാ​ത്മ​ക​മായ ചെണ്ട​കൊട്ട്‌, നൃത്തങ്ങൾ, കുടും​ബ​പ​ര​വും വംശീ​യ​വു​മായ പുന​രേ​കീ​ക​ര​ണങ്ങൾ—ഇവയെ​ല്ലാം ഗോത്ര പാരമ്പ​ര്യ​ത്തെ സൂചി​പ്പി​ക്കു​ന്നു.

“ഒടുവി​ലത്തെ ദാനം സൃഷ്ടി പ്രക്രി​യ​യാണ്‌—പ്രകൃതി വസ്‌തു​ക്കൾ വിശ്വാ​സ​ത്തി​ന്റെ​യും അഭിമാ​ന​ത്തി​ന്റെ​യും വസ്‌തു​ക്ക​ളാ​യി രൂപാ​ന്ത​ര​പ്പെ​ടു​ക​വഴി ഞങ്ങളുടെ വിശ്വാ​സങ്ങൾ യഥാർഥ​മാ​യി​ത്തീ​രു​ന്നു.” അതു കൊട്ട​നിർമാ​ണ​മോ നെയ്‌ത്തു​പ​ണി​യോ മൺപാ​ത്ര​ങ്ങ​ളു​ടെ രൂപീ​ക​ര​ണ​മോ അവയുടെ പെയി​ന്റ​ടി​യോ ആഭരണ​ങ്ങ​ളു​ടെ​യും അലങ്കാ​ര​വ​സ്‌തു​ക്ക​ളു​ടെ​യും ആകൃതി​പ്പെ​ടു​ത്ത​ലോ മറ്റേ​തെ​ങ്കി​ലും നിർമാണ പ്രവർത്ത​ന​മോ ആയാലും അതിന്‌ അവരുടെ പാരമ്പ​ര്യ​വും യുഗങ്ങ​ളി​ലെ സംസ്‌കാ​ര​വു​മാ​യി ബന്ധമുണ്ട്‌.

വളരെ​യ​ധി​കം ഗോ​ത്ര​ങ്ങ​ളുണ്ട്‌, അതിനാൽ പരമ്പരാ​ഗ​ത​മായ എല്ലാ വിശ്വാ​സ​ങ്ങ​ളും ആചാര​ങ്ങ​ളും വിശദീ​ക​രി​ക്കാൻ അനേകം പുസ്‌ത​കങ്ങൾ ആവശ്യ​മാ​യി വരും. ദശലക്ഷ​ക്ക​ണ​ക്കി​നു യൂറോ​പ്യൻമാ​രു​ടെ പ്രവാ​ഹ​ത്തിന്‌—അവരിൽ അനേക​രും ക്രിസ്‌ത്യാ​നി​ക​ളാ​ണെന്നു കരുത​പ്പെ​ടു​ന്നു—സ്വദേ​ശി​ക​ളായ അമേരി​ക്ക​ക്കാ​രു​ടെ​മേൽ എന്തു ഫലമാണ്‌ ഉണ്ടായി​രു​ന്നത്‌ എന്നതാണ്‌ നമുക്കി​പ്പോൾ താത്‌പ​ര്യ​ജ​ന​ക​മായ സംഗതി.

[അടിക്കു​റി​പ്പു​കൾ]