ഞങ്ങളുടെ വായന​ക്കാ​രിൽ നിന്ന്‌

പുറത്താ​ക്കൽ “ബൈബി​ളി​ന്റെ വീക്ഷണം: പുറത്താ​ക്കൽ ഒരു സ്‌നേ​ഹ​പൂർവ​ക​മായ ക്രമീ​ക​ര​ണ​മാ​യി​രി​ക്കു​ന്ന​തി​ന്റെ കാരണം” എന്ന ലേഖനം ഞാൻ വിലമ​തി​ച്ചു. (സെപ്‌റ്റം​ബർ 8, 1996) 1987-ൽ ഞാൻ പുറത്താ​ക്ക​പ്പെട്ടു. എന്റെ തെറ്റു മനസ്സി​ലാ​ക്കി തിരു​ത്തി​യ​ശേഷം 1987-ൽ എന്നെ തിരി​ച്ചെ​ടു​ത്തു. എന്റെ ജീവി​ത​രീ​തി​യി​ലും സഹവാ​സ​ത്തി​ലും മാറ്റങ്ങൾ വരുത്തു​ന്ന​തിന്‌ സ്‌നേ​ഹ​പൂർവ​ക​മായ ഈ കരുതൽ എന്നെ സഹായി​ച്ചു. ബൈബിൾ നിലവാ​ര​ങ്ങളെ അംഗീ​ക​രി​ക്കുന്ന ഒരു സ്ഥാപന​മു​ള്ള​തിൽ നാം എത്ര അനുഗൃ​ഹീ​ത​രാണ്‌!

ആർ. ആർ., ഐക്യ​നാ​ടു​കൾ

ഞാനും സഭയിൽനി​ന്നു പുറത്താ​ക്ക​പ്പെ​ട്ടി​രു​ന്നു. ഒരു വ്യക്തി​യോ​ടു ചെയ്യാ​വുന്ന കടുത്ത, ഏറ്റവും നികൃ​ഷ്ട​മായ കാര്യ​മാണ്‌ അതെന്ന്‌ ആ സമയത്ത്‌ എനിക്കു തോന്നി. എന്റെ ധാരണ തെറ്റാ​യി​രു​ന്നു! പുറത്താ​ക്കു​ന്ന​തി​നു​മുമ്പ്‌ പശ്ചാത്ത​പി​ക്കാൻ എന്നെ സഹായി​ക്കു​ന്ന​തിന്‌ സഭയിലെ മൂപ്പന്മാർ അതിക​ഠി​ന​മാ​യി പരി​ശ്ര​മി​ച്ചി​രു​ന്നു. ആ സമയത്ത്‌ ഞാൻ ആ സഹായം ഒട്ടും വിലമ​തി​ച്ചില്ല. പുറത്താ​ക്ക​പ്പെ​ട്ടത്‌ എന്നെ ഏറെ താഴ്‌മ പഠിപ്പി​ച്ചു. യഹോ​വ​യു​മാ​യുള്ള ബന്ധം എത്ര പ്രാധാ​ന്യ​മു​ള്ള​താ​ണെന്ന്‌ കാണാൻ അതെന്നെ സഹായി​ച്ചു.

ബി. റ്റി., ഐക്യ​നാ​ടു​കൾ

സ്വദേ​ശി​ക​ളായ അമേരി​ക്ക​ക്കാർ “അമേരി​ക്കൻ ഇന്ത്യക്കാർ—അവരുടെ ഭാവി​യെന്ത്‌?” എന്ന പരമ്പര​യ്‌ക്കു നന്ദി. (സെപ്‌റ്റം​ബർ 8, 1996) സ്വദേ​ശി​ക​ളായ അമേരി​ക്ക​ക്കാ​രു​ടെ ചരി​ത്ര​ത്തിൽ എനി​ക്കെ​പ്പോ​ഴും വളരെ താത്‌പ​ര്യ​മു​ണ്ടാ​യി​രു​ന്നു. നിങ്ങളു​ടെ മാസി​ക​ക​ളു​ടെ നിഷ്‌കാ​പ​ട്യ​വും വസ്‌തു​നി​ഷ്‌ഠ​യോ​ടെ​യുള്ള വിവര​ണ​വും ചരിത്ര കൃത്യ​ത​യും ഒരിക്കൽക്കൂ​ടെ എന്നിൽ മതിപ്പു​ള​വാ​ക്കി​യി​രി​ക്കു​ന്നു.

എ. എം., ഇറ്റലി

ഒരു മാസി​ക​യു​ടെ പുറം​താ​ളിൽ നിങ്ങൾ ഒരിക്ക​ലും സ്വദേ​ശി​യായ ഒരു അമേരി​ക്കൻ അധ്യാ​പ​ക​ന്റെ​യോ അഭിഭാ​ഷ​ക​ന്റെ​യോ ചിത്രം കാണില്ല. നിങ്ങളു​ടെ ആ പ്രസി​ദ്ധീ​ക​ര​ണ​ത്തി​ന്റെ പുറം​താ​ളി​ലു​ള്ള​തി​നോ​ടു സാമ്യ​മുള്ള പ്രാകൃത രൂപങ്ങ​ളാണ്‌ ചിത്രീ​ക​രി​ക്ക​പ്പെ​ടു​ന്നത്‌. ഈ രൂപങ്ങ​ളു​ടെ തുടർച്ച​യായ ഉപയോ​ഗം ആവർത്ത​ന​വി​ര​സ​ത​യ്‌ക്കെ​തി​രെ​യുള്ള നമ്മുടെ ശ്രമങ്ങൾക്ക്‌ ഒരു വിലങ്ങു​ത​ടി​യാണ്‌.

കെ. എം. റ്റി., ഐക്യ​നാ​ടു​കൾ

ഹാനി​ക​ര​മായ ആവർത്തന വിരസത ഉളവാ​ക്കാൻ തീർച്ച​യാ​യും ഞങ്ങൾ ഉദ്ദേശി​ച്ചി​രു​ന്നില്ല. സ്വദേ​ശി​ക​ളായ അമേരി​ക്ക​ക്കാ​രെ നല്ല രീതി​യിൽ ആദര​വോ​ടെ അവതരി​പ്പി​ച്ചു കാണി​ക്കാ​നു​ള്ള​താ​യി​രു​ന്നു പുറം​താ​ളി​ലെ ചിത്രം. പരമ്പരാ​ഗത രീതി​യി​ലുള്ള വേഷവി​ധാ​നം ഉപയോ​ഗി​ച്ചത്‌ അതു വിഷയ​ത്തിന്‌ അനു​യോ​ജ്യ​മാ​യ​തു​കൊ​ണ്ടും ഞങ്ങളുടെ ആഗോള വായന​ക്കാർക്ക്‌ എളുപ്പ​ത്തിൽ തിരി​ച്ച​റി​യാൻ സാധി​ക്കു​മെ​ന്ന​തു​കൊ​ണ്ടു​മാണ്‌. രസകര​മാ​യി, സ്വദേ​ശി​ക​ളായ പല അമേരി​ക്കൻ വായന​ക്കാ​രും ലേഖന​ത്തി​നും ചിത്ര​ങ്ങൾക്കും തങ്ങളുടെ വിലമ​തി​പ്പു പ്രകടി​പ്പി​ച്ചു. ചില പുരാതന രീതികൾ കാത്തു​സൂ​ക്ഷി​ക്കാൻ ചിലർ ഇപ്പോ​ഴും ആഗ്രഹി​ക്കു​ന്നു. ചില സന്ദർഭ​ങ്ങ​ളിൽ അവർ പരമ്പരാ​ഗത വേഷവും ധരിക്കു​ന്നു.—പത്രാ​ധി​പർ

ഒരു മ്യൂസി​യ​ത്തിൽ ജോലി​ചെ​യ്യുന്ന മനുഷ്യ​സം​സ്‌കാ​ര​ശാ​സ്‌ത്ര​ജ്ഞ​നായ ഞാൻ, വടക്കേ അമേരി​ക്ക​യിൽ ഒരു പ്രത്യേ​ക​പ​ഠനം നടത്തി​ക്കൊ​ണ്ടി​രി​ക്കു​ക​യാണ്‌. അതു​കൊണ്ട്‌ എനിക്ക്‌ ഈ വിഷയ​ത്തിൽ അതിയായ താത്‌പ​ര്യ​മുണ്ട്‌. ഈ ലക്കത്തിന്റെ പത്തു പ്രതികൾ എനിക്ക്‌ അയച്ചു തരുമോ? അമേരി​ക്കൻ ഇന്ത്യക്കാ​രിൽ തത്‌പ​ര​രായ മറ്റുള്ള​വർക്കു വിതരണം ചെയ്യാ​നാണ്‌.

പി. ബി., ജർമനി

ഈ അപേക്ഷ സ്വീക​രി​ക്കാൻ ഞങ്ങൾക്കു സന്തോ​ഷ​മുണ്ട്‌.—പത്രാ​ധി​പർ

അമേരി​ക്കൻ ഇന്ത്യക്കാ​രെ​ക്കു​റിച്ച്‌ എനിക്കു കുറച്ചു വിവര​മെ​ങ്കി​ലും ലഭിച്ചത്‌ ചലച്ചി​ത്ര​ങ്ങ​ളി​ലൂ​ടെ​യാണ്‌. അമേരി​ക്കൻ ചലച്ചി​ത്രങ്ങൾ യാഥാർഥ്യ​മല്ല അവതരി​പ്പി​ച്ച​തെന്ന്‌ എനിക്ക്‌ ഈ ലേഖന​ങ്ങ​ളിൽനി​ന്നു കാണാൻ കഴിയു​ന്നു. ഇന്ത്യക്കാ​രെ​ക്കു​റി​ച്ചുള്ള എന്റെ വീക്ഷണം മാറി​യി​രി​ക്കു​ന്നു.

റ്റി. എം., ഐക്യ​നാ​ടു​കൾ

എന്റെ പൂർവി​കർ ഭാഗി​ക​മാ​യി സ്വദേ​ശി​ക​ളായ അമേരി​ക്ക​ക്കാ​രാ​യി​രു​ന്നു. അതു​കൊണ്ട്‌ ഈ ലക്കം വായി​ക്കാൻ എനിക്ക്‌ ഉത്സാഹ​മാ​യി​രു​ന്നു. എങ്കിലും പൊതു​ധാ​ര​ണ​യിൽനി​ന്നു വിഭി​ന്ന​മാ​യി ലിറ്റിൽ ബിഗ്‌ഹൊൺ യുദ്ധത്തി​ലെ നായകൻ സിറ്റിങ്‌ ബുൾ അല്ലായി​രു​ന്നു.

പി. എച്ച്‌., ഐക്യ​നാ​ടു​കൾ

സിറ്റിങ്‌ ബുൾ വ്യക്തി​പ​ര​മാ​യി യുദ്ധത്തിൽ പങ്കെടു​ത്തോ ഇല്ലയോ എന്നുള്ളത്‌ ചരി​ത്ര​കാ​ര​ന്മാർക്കി​ട​യിൽ ഒരു തർക്കവി​ഷ​യ​മാ​ണെ​ന്ന​തു​പോ​ലെ കാണ​പ്പെ​ടു​ന്നു. മിക്ക പണ്ഡിത​ന്മാർക്കു​മി​ട​യിൽ നിലനിൽക്കുന്ന കാഴ്‌ച​പ്പാട്‌ “നാച്ച്വറൽ ഹിസ്റ്ററി” എന്ന പ്രശസ്‌ത​മായ മാഗസി​നിൽ കാണുന്നു. അത്‌ ഇപ്രകാ​രം പറയുന്നു: “ഇന്ത്യക്കാ​രു​ടെ വൃത്താ​ന്ത​മ​നു​സ​രിച്ച്‌, യുദ്ധത്തിൽ കസ്റ്ററിന്റെ എതിരാ​ളി എന്ന്‌ ചില​പ്പോൾ കരുത​പ്പെ​ട്ടി​രുന്ന സിറ്റിങ്‌ ബുൾ യുദ്ധത്തിൽ പങ്കെടു​ത്തി​രു​ന്നില്ല. മറിച്ച്‌, ഇന്ത്യൻ യോദ്ധാ​ക്കളെ ശക്തി​പ്പെ​ടു​ത്തു​ന്ന​തി​നുള്ള മരുന്നു​കൾ തയ്യാറാ​ക്കു​ന്ന​തിൽ മുഴു​കി​യി​രി​ക്കു​ക​യാ​യി​രു​ന്നു.” കൂടുതൽ വിശദ​മായ വിവരങ്ങൾ ഇനിയും ലഭിക്കു​മോ​യെന്നു കണ്ടറി​യേ​ണ്ടി​യി​രി​ക്കു​ന്നു.—പത്രാ​ധി​പർ