മിന്നലിൽനി​ന്നും നിങ്ങ​ളെ​ത്തന്നെ സംരക്ഷി​ക്കുക!

സ്വീഡനിലെ ഉണരുക! ലേഖകൻ

ഒരു ശരാശരി മിന്നൽപ്പി​ണർ പതിനാ​യി​ര​ക്ക​ണ​ക്കിന്‌ ആമ്പിയർ വൈദ്യു​ത​ധാ​ര​യോ​ടൊ​പ്പം വൈദ്യു​തി​യു​ടെ കോടി​ക്ക​ണ​ക്കി​നു വോൾട്ടു​കൾ വഹി​ച്ചേ​ക്കാം. സാധാ​ര​ണ​യാ​യി ഒരു ഭവനത്തി​ലെ വൈദ്യു​ത​പഥം താരത​മ്യേന 15 ആമ്പിയ​റാ​യി​രി​ക്കും.a മിന്ന​ലേൽക്കു​ന്ന​തി​ന്റെ അപകട​സാ​ധ്യ​തയെ ലഘൂക​രി​ക്കു​ന്ന​തി​നാ​യി നിങ്ങൾക്കെന്തു ചെയ്യാൻ സാധി​ക്കും? ചുവ​ടെ​ചേർക്കുന്ന ചില നിർദേ​ശങ്ങൾ ശ്രദ്ധി​ക്കുക.

• കഴിയു​ന്ന​തും വീട്ടി​ന​ക​ത്തേക്കു പോവുക. ഒരു കാറിനു പോലും നല്ല സംരക്ഷണം നൽകാൻ കഴിയും. ഉയരം​കൂ​ടിയ ഒരു കെട്ടി​ട​ത്തി​നു​ള്ളി​ലാ​യി​രി​ക്കു​ന്ന​തി​നെ സംബന്ധി​ച്ചെന്ത്‌? മിന്നൽദ​ണ്ഡു​കൾ ഘടിപ്പിച്ച ഉയരം​കൂ​ടി​യൊ​രു കെട്ടി​ട​ത്തിന്‌ ഒരു നല്ല സംരക്ഷ​ണ​സ്ഥാ​ന​മാ​യി​രി​ക്കാൻ കഴിയും. ഉദാഹ​ര​ണ​ത്തിന്‌, ന്യൂ​യോർക്കു നഗരത്തി​ലെ എംപയർ സ്റ്റേറ്റ്‌ ബിൽഡിംഗ്‌ വർഷം തോറും ഏതാണ്ട്‌ 25 പ്രാവ​ശ്യം മിന്നലാ​ഘാ​തത്തെ അതിജീ​വി​ക്കു​ന്നു. എന്തായാ​ലും, ഭൂസ്‌പർശ​മി​ല്ലാത്ത ലോഹ​നിർമി​ത​മായ മേൽക്കൂ​ര​ക​ളോ​ടു​കൂ​ടിയ ഘടനക​ളും ആൻറി​ന​കൾക്കും ലോഹ​നിർമി​ത​മായ വേലി​കൾക്കും അരി​കെ​യുള്ള സ്ഥലങ്ങളും ഒഴിവാ​ക്കു​ന്നത്‌ ഏറ്റവും നന്നായി​രി​ക്കും.

• തടാകങ്ങൾ, ഗോൾഫ്‌ കളിക്കുന്ന സ്ഥലങ്ങൾ, വയലുകൾ തുടങ്ങിയ തുറസ്സായ സ്ഥലങ്ങൾ വിട്ടു​പോ​വുക. ഒറ്റയായ ഉയരം​കൂ​ടിയ മരങ്ങൾക്കും ഒരു​പോ​ലെ അപകട​കാ​രി​ക​ളാ​യി​രി​ക്കാൻ കഴിയും. ഏറെ മരങ്ങൾ ഉള്ളൊരു സ്ഥലത്താണ്‌ നിങ്ങ​ളെ​ങ്കിൽ ഏറ്റവും ഉയരം​കു​റഞ്ഞ മരത്തി​ന​രി​കെ അഭയം പ്രാപി​ക്കുക. കൊടു​ങ്കാറ്റ്‌ ആഞ്ഞടി​ക്കാ​റാ​യി​രി​ക്കു​ന്നു, തുറസ്സായ സ്ഥലത്തു​നി​ന്നും നിങ്ങൾക്കു മാറാ​നും സാധി​ക്കു​ന്നില്ല എന്നുവ​രി​കിൽ നിലത്തു കുത്തി​യി​രു​ന്നു മുട്ടുകൾ കൂട്ടി​പ്പി​ടി​ക്കുക. ആഘാത​മേൽക്കു​ക​യാ​ണെ​ങ്കിൽതന്നെ എത്രയും കുറഞ്ഞ തലത്തിൽ മാത്രമേ ഏൽക്കാവൂ എന്നതു​കൊണ്ട്‌ നിലത്തു മലർന്നു കിടക്ക​രുത്‌.

• വീട്ടി​ന​ക​ത്താ​ണെ​ങ്കിൽപ്പോ​ലും നിങ്ങൾക്കു മുൻക​രു​ത​ലു​ക​ളെ​ടു​ക്കാൻ സാധി​ക്കും. പിൻവ​രു​ന്നവ ചുരുക്കം ചില നിർദേ​ശ​ങ്ങ​ളാണ്‌: നെരി​പ്പോ​ടു​കൾ, ലോഹം​കൊ​ണ്ടുള്ള പൈപ്പു​കൾ തുടങ്ങിയ വൈദ്യു​ത​വാ​ഹി​ക​ളു​മാ​യുള്ള സമ്പർക്കം ഒഴിവാ​ക്കാൻ ശ്രമി​ക്കുക. ഷവറിൽനി​ന്നോ കുളി​ത്തൊ​ട്ടി​യിൽനി​ന്നോ അകന്നു​നിൽക്കുക. കൂടാതെ, ഫോണും ഉപയോ​ഗി​ക്കാ​തി​രി​ക്കാൻ ശ്രമി​ക്കുക. വീടിന്‌ ആഘാത​മേ​റ്റാൽ കേടു​സം​ഭ​വി​ക്കാ​മെ​ന്ന​തു​കൊ​ണ്ടു കമ്പ്യൂ​ട്ട​റു​ക​ളു​ടെ​യും ടെലി​വി​ഷ​നു​ക​ളു​ടെ​യും മറ്റു വൈദ്യു​തോ​പ​ക​ര​ണ​ങ്ങ​ളു​ടെ​യും വൈദ്യു​ത​ബന്ധം വേർപെ​ടു​ത്തുക.

• ആർക്കെ​ങ്കി​ലും മിന്ന​ലേ​റ്റാൽ ഉടൻതന്നെ കൃത്രിമ ശ്വാ​സോ​ച്ഛ്വാ​സം (കാർഡി​യോ​പൾമ​നറി റിസസി​റ്റേഷൻ- സിപിആർ) നൽകേ​ണ്ടത്‌ അത്യന്താ​പേ​ക്ഷി​ത​മാണ്‌. മിന്നലി​നി​ര​യാ​യി മരിച്ച​തു​പോ​ലെ കാണ​പ്പെ​ട്ട​വ​രെ​പ്പോ​ലും സിപിആർ ഉപയോ​ഗി​ച്ചു പുനരു​ജ്ജീ​വി​പ്പി​ച്ചി​ട്ടു​ണ്ടെന്നു സ്വീഡ​നി​ലുള്ള ഉപ്‌സാല സർവ്വക​ലാ​ശാ​ല​യി​ലെ ഹൈ വോൾട്ടേജ്‌ ഗവേഷണ വിഭാ​ഗ​ത്തിൽ ജോലി ചെയ്യുന്ന പ്രൊ​ഫസർ വിക്ടർ ഷൂക്ക പറയുന്നു. “എന്നാൽ തലച്ചോ​റി​ന്റെ കേടു​പാ​ടു​കൾ ഒഴിവാ​ക്കാ​നാ​യി ചികിത്സ ഉടൻതന്നെ നടത്തണ”മെന്ന്‌ അദ്ദേഹം പറയുന്നു.

നിങ്ങൾ ഒരു ഇടിമി​ന്ന​ലുള്ള കൊടു​ങ്കാ​റ്റി​ല​ക​പ്പെ​ട്ടാൽ ഇപ്പോൾ പറഞ്ഞ മുൻക​രു​ത​ലു​കൾ പാലി​ക്കുക. അങ്ങനെ​യാ​ണെ​ങ്കിൽ നിങ്ങൾ ഈ ഭയജന​ക​മായ ദൃശ്യ​ത്തി​ന്റെ വിപത്തിൽ പെടാ​നുള്ള സാധ്യത കുറവാണ്‌.

[അടിക്കു​റിപ്പ്‌]