ആഫ്രിക്കൻ സ്‌കൂൾ—അത്‌ എന്താണു പഠിപ്പി​ച്ചത്‌?

ഘാനയിലെ ഉണരുക! ലേഖകൻ

ആഫ്രിക്കൻ സ്‌കൂ​ളോ? വാസ്‌ത​വ​ത്തിൽ അത്തര​മൊ​രു ക്രമീ​ക​രണം പണ്ട്‌ നിലവി​ലു​ണ്ടാ​യി​രു​ന്നെ​ന്ന​റി​യു​മ്പോൾ പാശ്ചാ​ത്യ​രിൽ ചിലർക്ക്‌ അതിശയം തോന്നി​യേ​ക്കാം. ദുഃഖ​ക​ര​മെന്നു പറയട്ടെ, കുന്തം മുറു​ക്കെ​പ്പി​ടി​ച്ചു​കൊ​ണ്ടു നിൽക്കുന്ന പേടി​പ്പി​ക്കുന്ന കിരാ​ത​നാ​യി ആഫ്രി​ക്ക​ക്കാ​രനെ ചിത്രീ​ക​രി​ക്കുന്ന സിനിമാ സങ്കൽപ്പം ആളുക​ളു​ടെ മനസ്സു​ക​ളിൽനി​ന്നു മാഞ്ഞു​പോ​കുക അത്ര എളുപ്പ​മാ​യി​രു​ന്നി​ട്ടില്ല. പഴയകാ​ലത്തെ ആഫ്രി​ക്ക​ക്കാ​രനെ ഏതെങ്കി​ലും വിധത്തിൽ വിദ്യാ​ഭ്യാ​സ​മു​ള്ള​വ​നാ​യി എങ്ങനെ കണക്കാ​ക്കാൻ കഴിയു​മെന്നു പലർക്കും സങ്കൽപ്പി​ക്കാൻപോ​ലും കഴിയു​ന്നില്ല.

പരമ്പരാ​ഗത സമൂഹ​ങ്ങ​ളിൽ വളർന്നു​വന്ന ആഫ്രി​ക്ക​ക്കാർക്ക്‌ പുസ്‌ത​ക​ത്തിൽനി​ന്നുള്ള പഠനമോ ക്ലാസ്‌മു​റി​യിൽവെ​ച്ചുള്ള ഔപചാ​രിക പരിശീ​ല​ന​മോ ലഭിച്ചി​ല്ലെ​ന്നു​ള്ളതു തീർച്ച​യാ​യും സത്യമാണ്‌. എന്നിരു​ന്നാ​ലും, ഈ ഭൂഖണ്ഡ​ത്തി​ലേക്കു യൂറോ​പ്യൻ രീതി​യി​ലുള്ള ഔപചാ​രിക വിദ്യാ​ഭ്യാ​സം എത്തുന്ന​തി​നു ദീർഘ​നാൾ മുമ്പു തന്നെ ആഫ്രി​ക്ക​യി​ലെ പല സമൂഹ​ങ്ങൾക്കും ഫലപ്ര​ദ​മായ വിദ്യാ​ഭ്യാ​സ പദ്ധതി​ക​ളു​ണ്ടാ​യി​രു​ന്നു. അതു കുട്ടി​കളെ പ്രവർത്ത​ന​ങ്ങൾക്കു സുസജ്ജ​രാ​ക്കു​ക​യും തങ്ങളുടെ പ്രദേ​ശത്തെ സംസ്‌കാ​ര​ത്തിൽ തഴച്ചു​വ​ള​രാൻ സഹായി​ക്കു​ക​യും ചെയ്‌തു. ഉദാഹ​ര​ണ​മാ​യി, ഘാനയി​ലെ ട്വീ ഭാഷ സംസാ​രി​ക്കുന്ന ആളുക​ളായ അകാന്റെ വിദ്യാ​ഭ്യാ​സം പരിഗ​ണി​ക്കുക.

ഭവന വിദ്യാ​ഭ്യാ​സം

അകാ​ന്റെ​യി​ട​യിൽ ഭവനമാ​യി​രു​ന്നു പ്രഥമ ക്ലാസ്‌മു​റി. മാതാ​പി​താ​ക്ക​ളിൽനി​ന്നു സംസാ​രി​ക്കാൻ പഠിക്കു​ന്ന​തോ​ടെ കുട്ടി​യു​ടെ വിദ്യാ​ഭ്യാ​സം ആരംഭി​ക്കു​ന്നു. അതേസ​മയം തന്നെ, ഉചിത​മായ പെരു​മാറ്റ രീതി​ക​ളു​ടെ ആദ്യപാ​ഠ​ങ്ങ​ളും അവൻ പഠിക്കു​ന്നു. ഉദാഹ​ര​ണ​ത്തിന്‌, വീട്ടിൽ വരുന്ന ഒരു സന്ദർശകൻ കുട്ടിയെ അഭിവാ​ദ്യം ചെയ്യു​മ്പോൾ ഉചിത​മാ​യും മര്യാ​ദ​യോ​ടു​കൂ​ടി​യും എങ്ങനെ പ്രതി​ക​രി​ക്ക​ണ​മെന്നു കുട്ടിയെ പഠിപ്പി​ച്ചി​രി​ക്കും. പിന്നീടു കുട്ടിയെ സന്ദേശ​മ​റി​യി​ക്കാൻ അയയ്‌ക്കു​മ്പോൾ ഏതു സന്ദേശ​വും മര്യാ​ദ​പൂർവം അറിയി​ക്കേണ്ട വിധം അവനു പറഞ്ഞു​കൊ​ടു​ത്തി​രി​ക്കും.

അങ്ങനെ അകാന്റെ വിദ്യാ​ഭ്യാ​സ തത്ത്വചിന്ത ബൈബി​ളിൽ സദൃശ​വാ​ക്യ​ങ്ങൾ 22:6-ൽ പറഞ്ഞി​രി​ക്കു​ന്ന​തിൽനി​ന്നു വ്യത്യ​സ്‌തമല്ല: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.” മാതാ​പി​താ​ക്കൾ, പ്രത്യേ​കിച്ച്‌ പിതാവ്‌ കുട്ടി​കളെ വളർത്തു​ന്ന​തിൽ താത്‌പ​ര്യ​മെ​ടു​ത്തി​രു​ന്നു. അകാന്റെ ഒരു പഴഞ്ചൊല്ല്‌ ഇങ്ങനെ​യാണ്‌: “ഒരു കുട്ടി തന്റെ അമ്മയുടെ സ്വഭാ​വ​വി​ശേ​ഷ​തകൾ അനുക​രി​ച്ചി​ല്ലെ​ങ്കിൽ, അപ്പന്റെ സ്വഭാ​വ​വി​ശേ​ഷ​തകൾ അനുക​രി​ക്കും.”

കുട്ടി വളർന്ന​ത​നു​സ​രിച്ച്‌ അവന്റെ വിദ്യാ​ഭ്യാ​സ​വും ഗഹനമു​ള്ള​താ​യി​ത്തീർന്നു. ജീവി​ത​ത്തെ​ക്കു​റി​ച്ചുള്ള പാഠങ്ങൾ പഠിപ്പി​ച്ചി​രു​ന്നു. എന്നാൽ പുസ്‌ത​ക​ങ്ങ​ളിൽക്കൂ​ടി​യല്ല, ക്വാകു അനൻസെ എന്നു വിളി​ക്കുന്ന ഐതി​ഹ്യ​ത്തി​ലെ എട്ടുകാ​ലി​യു​ടേ​തു​പോ​ലുള്ള ഭാവനാ​ത്മ​ക​മായ കഥകളി​ലൂ​ടെ​യാണ്‌ അവ പഠിപ്പി​ച്ചി​രു​ന്നത്‌. ആ കഥകൾ കുട്ടികൾ എത്രമാ​ത്രം ഇഷ്ടപ്പെ​ട്ടി​രു​ന്നെ​ന്നോ! വൈകു​ന്നേ​രത്തെ ഇളം കാറ്റി​ലോ നിലാ​വുള്ള കുളിർ രാവി​ലോ അവർ തീയ്‌ക്കു ചുറ്റു​മി​രുന്ന്‌ ജയപരാ​ജ​യ​ങ്ങ​ളു​ടെ ഈ കഥകൾ ഹൃദ്യ​മാ​യി ആസ്വദി​ച്ചു.

ലോക​ത്തി​ലെ ജ്ഞാനം മുഴുവൻ ഒരു കലത്തി​ലാ​ക്കാ​നാ​യി അനൻസെ ഭൂമി​യി​ലു​ട​നീ​ളം സഞ്ചരി​ച്ച​താ​യി ഒരു പ്രസിദ്ധ കഥ പറയുന്നു. അവന്റെ ദൗത്യം പൂർത്തി​യാ​യ​താ​യി കാണ​പ്പെട്ടു. ഈ ജ്ഞാനം ആരും സ്വായ​ത്ത​മാ​ക്കാ​തി​രി​ക്കു​ന്ന​തി​നാ​യി കലം ഒരു മരത്തിന്റെ മുകളിൽ തൂക്കാൻ അവൻ തീരു​മാ​നി​ച്ചു. ജ്ഞാനം അടങ്ങി​യി​രി​ക്കുന്ന കലം വയറ്റത്ത്‌ കെട്ടി​ത്തൂ​ക്കി​യി​ട്ടു​കൊണ്ട്‌ അവൻ പാടു​പെട്ട്‌ മരം കയറാൻ തുടങ്ങി. അനൻസെ കിടന്നു ബുദ്ധി​മു​ട്ടു​മ്പോൾ മൂത്ത മകൻ ൻറികുമ വന്ന്‌ അവനോട്‌ ഇങ്ങനെ വിളി​ച്ചു​പ​റഞ്ഞു: “ആ, ബാഹ്‌, അപ്പാ! വയറ്റത്തു കലം വച്ചു​കൊണ്ട്‌ ആരെങ്കി​ലും മരം കയറു​മോ? അത്‌ പുറത്തു വച്ചു​കൊണ്ട്‌ സുഖമാ​യി കയറി​ക്കൂ​ടേ?” “എന്നെ പഠിപ്പി​ക്കാൻ നിന​ക്കെ​ങ്ങനെ ധൈര്യം​വ​ന്നെടാ?” എന്നു ചോദി​ച്ചു​കൊണ്ട്‌ അനൻസെ താഴെ​നിൽക്കുന്ന മകനെ നോക്കി അലറി.

കുറച്ചു ജ്ഞാനം അവന്റെ കലത്തിനു വെളി​യി​ലാ​യി​രു​ന്നു​വെ​ന്നു​ള്ളത്‌ ഇപ്പോൾ സ്‌പഷ്ട​മാ​യി​രു​ന്നു! ഇതറി​ഞ്ഞ​പ്പോൾ കുപി​ത​നായ അനൻസെ കലം താഴോ​ട്ടു വലി​ച്ചെ​റി​ഞ്ഞു. അത്‌ പൊട്ടി​ത്ത​ക​രു​ക​യും ജ്ഞാനം മുഴു​വ​നും നാലു​പാ​ടും ചിതറു​ക​യും ചെയ്‌തു. അവിടെ ആദ്യം എത്തി​ച്ചേർന്നവർ ഏറ്റവും വലിയ ജ്ഞാനി​ക​ളാ​യി​ത്തീർന്നു. ജ്ഞാനം ആരു​ടെ​യും കുത്തകയല്ല എന്നതാണ്‌ ഇതിൽനി​ന്നുള്ള പാഠം. അകാൻ ഇങ്ങനെ പറയു​മാ​യി​രു​ന്നു: “ഒരാൾക്ക്‌ ഒരു ഉപദേ​ശ​ക​സ​മി​തി ഉണ്ടാക്കാൻ കഴിയു​ക​യില്ല.”—സദൃശ​വാ​ക്യ​ങ്ങൾ 15:22-ഉം 24:6-ഉം താരത​മ്യം ചെയ്യുക.

ജീവിത വൈദ​ഗ്‌ധ്യ​ങ്ങൾ

അകാന്റെ വിദ്യാ​ഭ്യാ​സ​ത്തിൽ ജീവിത വൈദ​ഗ്‌ധ്യ​ങ്ങ​ളി​ലുള്ള പരിശീ​ല​ന​വും ഉൾപ്പെ​ട്ടി​രു​ന്നു. ആൺകു​ട്ടി​കൾ മിക്കവ​രും തങ്ങളുടെ പിതാ​ക്കൻമാ​രു​ടെ തൊഴിൽ—അതായത്‌ സാധാ​ര​ണ​മാ​യി കൃഷി—ആണ്‌ ഏറ്റെടു​ത്തി​രു​ന്നത്‌. എന്നാൽ നായാട്ട്‌, പനവീഞ്ഞു ശേഖരണം, കൊട്ട നെയ്‌ത്തു​പോ​ലുള്ള കരകൗ​ശ​ല​പ്പ​ണി​കൾ എന്നിങ്ങ​നെ​യുള്ള മറ്റു വൈദ​ഗ്‌ധ്യ​ങ്ങ​ളും അഭ്യസി​ക്കേ​ണ്ട​തു​ണ്ടാ​യി​രു​ന്നു. തടിയിൽ നടത്തുന്ന കൊത്തു​പണി, നെയ്‌ത്ത്‌ തുടങ്ങിയ കൂടുതൽ ശ്രമക​ര​മായ സംരം​ഭ​ങ്ങൾക്കാ​യി ആൺകു​ട്ടി​കൾക്ക്‌ കരകൗ​ശ​ല​വി​ദ​ഗ്‌ധ​രു​ടെ കീഴിൽ തൊഴിൽപ​രി​ശീ​ലനം ലഭിച്ചി​രു​ന്നു. പെൺകു​ട്ടി​ക​ളോ? പച്ചക്കറി​യെണ്ണ ശേഖരണം, സോപ്പ്‌, മൺപാ​ത്രം എന്നിവ​യു​ടെ നിർമാ​ണം, പരുത്തി​നൂൽ നൂൽപ്പ്‌ എന്നിവ​പോ​ലുള്ള ഗാർഹി​ക​മായ വൈദ​ഗ്‌ധ്യ​ങ്ങ​ളി​ലാ​യി​രു​ന്നു അവരുടെ പരിശീ​ലനം പ്രധാ​ന​മാ​യും ശ്രദ്ധ​കേ​ന്ദ്രീ​ക​രി​ച്ചി​രു​ന്നത്‌.

പരമ്പരാ​ഗത സ്‌കൂ​ളി​ന്റെ “പാഠ്യ​പ​ദ്ധതി”യിൽനി​ന്നു ശാസ്‌ത്രം പുറന്ത​ള്ള​പ്പെ​ട്ടി​രു​ന്നില്ല. ഔഷധ​ഗു​ണ​മുള്ള ഓഷധി​കൾ, അവയുടെ തയ്യാറാ​ക്കൽ, വിതരണം എന്നിവ​യെ​ക്കു​റി​ച്ചുള്ള പരിജ്ഞാ​നം പിതാ​ക്കൻമാർ ആൺമക്കൾക്കും വല്യപ്പൻമാർ പേരക്കി​ടാ​ങ്ങൾക്കും കൈമാ​റി​ക്കൊ​ടു​ത്തി​രു​ന്നു. കൈവി​ര​ലു​കൾ ഉപയോ​ഗി​ച്ചും മാർബി​ളു​കൾ, കല്ലുകൾ, കോല​ട​യാ​ളങ്ങൾ എന്നിവ ഉപയോ​ഗി​ച്ചും കുട്ടികൾ സംഖ്യകൾ കൂട്ടാൻ പഠിച്ചി​രു​ന്നു. ഒവാ​രെ​യും ഡ്രാഫ്‌റ്റ്‌സും പോ​ലെ​യുള്ള കളികൾ എണ്ണൽ വൈദ​ഗ്‌ധ്യം മെച്ച​പ്പെ​ടു​ത്തി.

കൂടാതെ തുറന്ന കോടതി സെഷനു​ക​ളിൽ പങ്കെടു​ക്കു​ന്ന​തി​നാൽ അകാൻ യുവാ​വിന്‌ രാഷ്ട്രീയ, നീതി​ന്യാ​യ വ്യവസ്ഥകൾ സംബന്ധിച്ച ഉൾക്കാഴ്‌ച ലഭിച്ചി​രു​ന്നു. ശവസം​സ്‌കാ​ര​ങ്ങ​ളും ഉത്സവ വേളക​ളും പ്രാ​ദേ​ശി​ക​മായ ചരമഗീ​തങ്ങൾ, കവിത, ചരിത്രം, സംഗീതം, ചെണ്ട​കൊ​ട്ടൽ, നൃത്തം എന്നിവ ഉൾക്കൊ​ള്ളാ​നുള്ള അവസര​ങ്ങ​ളാ​യി​രു​ന്നു.

സാമൂ​ഹിക ഉത്തരവാ​ദി​ത്വം

അകാ​ന്റെ​യി​ട​യിൽ കുട്ടി സമൂഹ​ത്തിൽനി​ന്നും ഒറ്റപ്പെ​ട്ടി​രു​ന്നില്ല. സമൂഹ​ത്തോ​ടുള്ള തന്റെ ഉത്തരവാ​ദി​ത്വം മനസ്സി​ലാ​ക്കാൻ ചെറു​പ്പ​ത്തിൽത്തന്നെ അവൻ പ്രേരി​പ്പി​ക്ക​പ്പെ​ട്ടി​രു​ന്നു. ഇതു സംബന്ധിച്ച ആദ്യപാ​ഠങ്ങൾ അവൻ പഠിച്ചത്‌ കൂട്ടു​കാ​രു​ടെ​കൂ​ടെ കളിക്കാൻ കൂടി​യ​പ്പോ​ഴാണ്‌. സാമൂ​ഹിക തൊഴിൽപോ​ലെ​യുള്ള സഹകരണ പ്രവർത്ത​ന​ങ്ങ​ളിൽ പിൽക്കാല വർഷങ്ങ​ളിൽ അവൻ ഏർപ്പെട്ടു. ദുഷ്‌പെ​രു​മാ​റ്റം കാണി​ക്കു​മ്പോൾ മാതാ​പി​താ​ക്കൾ മാത്രമല്ല സമൂഹ​ത്തി​ലെ ഏതൊരു മുതിർന്ന അംഗവും അവനെ ശിക്ഷി​ച്ചി​രു​ന്നു. പെരു​മാ​റ്റ​ദൂ​ഷ്യം കാണി​ക്കുന്ന ഏതൊരു കുട്ടി​ക്കും ശിക്ഷണം കൊടു​ക്കു​ക​യെ​ന്നു​ള്ളതു വാസ്‌ത​വ​ത്തിൽ മുതിർന്ന​വ​രു​ടെ ധാർമിക കടപ്പാ​ടാ​യി കണക്കാ​ക്ക​പ്പെ​ട്ടി​രു​ന്നു.

ഇത്തരം ശിക്ഷണം കുട്ടികൾ നല്ലതു​പോ​ലെ കൈ​ക്കൊ​ണ്ടി​രു​ന്നു. എന്തു​കൊ​ണ്ടെ​ന്നാൽ മുതിർന്ന​വ​രോട്‌ ഉയർന്ന ആദരവു​ണ്ടാ​യി​രി​ക്കാൻ കുട്ടി​കളെ പഠിപ്പി​ച്ചി​രു​ന്നു. വാസ്‌ത​വ​ത്തിൽ, “ഒരു പ്രായം​ചെന്ന സ്‌ത്രീ ഒരാളു​ടെ മാത്രം വല്യമ്മ​യല്ലെ”ന്ന്‌ അകാൻ പറയുക പതിവാ​യി​രു​ന്നു. അങ്ങനെ പ്രായം​ചെ​ന്ന​വ​രോ​ടുള്ള ആദരവും അവർക്കു ചെയ്‌തു​കൊ​ടു​ക്കുന്ന സേവന​വും ഒരു കടപ്പാ​ടാ​യി വീക്ഷി​ച്ചി​രു​ന്നു. ശരിയായ ഒഴിക​ഴി​വി​ല്ലാ​തെ ഏതെങ്കി​ലു​മൊ​രു കുട്ടി ഒരു മുതിർന്ന​യാൾക്കു സേവനം ചെയ്‌തു​കൊ​ടു​ക്കാൻ വിസമ്മ​തി​ച്ചെ​ങ്കിൽ അത്‌ അവന്റെ മാതാ​പി​താ​ക്ക​ളോ​ടു റിപ്പോർട്ടു ചെയ്‌തി​രു​ന്നു.

മത വിദ്യാ​ഭ്യാ​സം

അകാൻ വളരെ മതഭക്ത​രാ​യി​രു​ന്നു. അവർക്കു പ്രകൃ​തി​യോ​ടും അജ്ഞാത പ്രപഞ്ച​ത്തോ​ടും ഭയഭക്തി​പൂർവ​ക​മായ ഒരു മനോ​ഭാ​വ​മു​ണ്ടാ​യി​രു​ന്നു. സത്യമാ​യും അവർ പല ദൈവ​ങ്ങ​ളിൽ വിശ്വ​സി​ച്ചി​രുന്ന ബഹു​ദേ​വാ​രാ​ധകർ ആയിരു​ന്നു. എങ്കിലും അകാൻ പരമോ​ന്ന​ത​നായ ഒരുവന്റെ അസ്‌തി​ത്വ​ത്തിൽ വിശ്വ​സി​ച്ചി​രു​ന്നു. (റോമർ 1:20) ഏതു ദൈവ​മാ​യാ​ലും “ദൈവം” എന്ന വാക്കിന്‌ അകാൻ ഉപയോ​ഗി​ക്കുന്ന പദം ഒൺയാമെ ആണ്‌. എന്നാൽ അകാന്‌ സ്രഷ്ടാ​വി​നെ വർണി​ക്കാൻ ആ പദം പോരാ​ത്ത​താ​യി തോന്നി. അതു​കൊണ്ട്‌ അവർ അവനെ ഒൺയൻകോ​പോൺ എന്നു വിളിച്ചു. “മഹാനായ ഒരേ ഒരുവ​നായ ദൈവം” എന്നാണ്‌ അതിന്റെ അർഥം.

മഹാനായ ആ ഒരു ദൈവ​ത്തി​ന്റെ ക്രമീ​ക​ര​ണ​മാ​ണെ​ന്നുള്ള വിശ്വാ​സ​ത്തി​ലാണ്‌ പ്രാധാ​ന്യം കുറഞ്ഞ ദൈവ​ങ്ങളെ അവർ ആരാധി​ച്ചി​രു​ന്നത്‌. അവരുടെ മനസ്സിൽ ഇത്‌ പ്രമുഖ മുഖ്യനെ പ്രാധാ​ന്യം കുറഞ്ഞ വിഭാ​ഗീയ മുഖ്യൻമാ​രിൽക്കൂ​ടി സേവി​ക്കു​ന്ന​തി​നു സമാന​മാ​യി​രു​ന്നു. എന്തായാ​ലും എല്ലാ അകാൻ കുട്ടി​ക​ളെ​യും ഈ മതം പഠിപ്പി​ച്ചി​രു​ന്നു.

പരമ്പരാ​ഗത വിദ്യാ​ഭ്യാ​സം ഇന്ന്‌

വിദ്യാ​ഭ്യാ​സ​ത്തി​ന്റെ പരമ്പരാ​ഗത രീതികൾ ക്ലാസ്‌മു​റി​യി​ലെ ഔപചാ​രിക പഠിപ്പി​ക്ക​ലി​നു മിക്കവാ​റും വഴിമാ​റി​ക്കൊ​ടു​ത്തി​രി​ക്കുന്ന വൻ നഗരങ്ങ​ളി​ലേക്ക്‌ അടുത്ത വർഷങ്ങ​ളിൽ ലക്ഷക്കണ​ക്കിന്‌ ആഫ്രി​ക്ക​ക്കാർ കുടി​യേ​റി​പ്പാർത്തി​രി​ക്കു​ന്നു. എന്നിരു​ന്നാ​ലും, പരമ്പരാ​ഗത ആഫ്രിക്കൻ വിദ്യാ​ഭ്യാ​സം ചില സമൂഹ​ങ്ങ​ളിൽ, പ്രത്യേ​കിച്ച്‌ ഗ്രാമ​ങ്ങ​ളിൽ തഴച്ചു​വ​ളർന്നു​കൊ​ണ്ടു​ത​ന്നെ​യി​രി​ക്കു​ന്നു. എന്തിന്‌, ചില ആഫ്രി​ക്ക​ക്കാർക്ക്‌ പരമ്പരാ​ഗത വിദ്യാ​ഭ്യാ​സ​ത്തി​ന്റെ​യും ഔപചാ​രിക വിദ്യാ​ഭ്യാ​സ​ത്തി​ന്റെ​യും പ്രയോ​ജനം ലഭിച്ചി​ട്ടുണ്ട്‌!

ഉദാഹ​ര​ണ​ത്തിന്‌, ഘാനയി​ലെ ഒരു ക്രിസ്‌തീയ ശുശ്രൂ​ഷ​ക​നായ ആൽ​ഫ്രെ​ഡി​ന്റെ കാര്യം പരിചി​ന്തി​ക്കുക. ഔപചാ​രിക വിദ്യാ​ഭ്യാ​സം ആസ്വദി​ച്ചി​രി​ക്കു​ന്നു​വെ​ങ്കി​ലും അദ്ദേഹ​ത്തി​നു പരമ്പരാ​ഗത ജീവി​ത​രീ​തി​യു​ടെ പല വശങ്ങ​ളോ​ടും ഉയർന്ന ആദരവുണ്ട്‌. ആൽ​ഫ്രെഡ്‌ ഇപ്രകാ​രം പറയുന്നു: “പരമ്പരാ​ഗത പരിശീ​ലനം മാത്ര​മുള്ള എന്റെ നിരക്ഷ​ര​രായ ബന്ധുക്കൾ മിക്കവ​രും ജീവി​ത​ത്തി​ന്റെ പ്രാ​യോ​ഗിക വശങ്ങളിൽ വളരെ നല്ല അധ്യാ​പ​ക​രാണ്‌. അവരു​ടെ​യി​ട​യി​ലെ സഹക്രി​സ്‌ത്യാ​നി​ക​ളോ​ടൊ​പ്പം പ്രവർത്തി​ച്ചതു മൂലം എന്റെ സന്ദേശം ലളിത​വും പ്രാ​യോ​ഗി​ക​വു​മായ വിധത്തിൽ അവതരി​പ്പി​ക്കു​ന്ന​തി​നുള്ള പല ഫലപ്ര​ദ​മായ മാർഗ​ങ്ങ​ളും എനിക്കു പഠിക്കാൻ കഴിഞ്ഞു. അങ്ങനെ എനിക്കു പരമ്പരാ​ഗത പശ്ചാത്ത​ല​മുള്ള ആളുക​ളോ​ടും ഔദ്യോ​ഗിക വിദ്യാ​ഭ്യാ​സ​മുള്ള ആളുക​ളോ​ടും സംസാ​രി​ക്കാൻ കഴിയു​ന്നു. ഒട്ടുമി​ക്ക​പ്പോ​ഴും ഞാൻ ഈ കൂട്ടർ ഉപയോ​ഗി​ക്കുന്ന ഒരു പഴഞ്ചൊ​ല്ലോ ദൃഷ്ടാ​ന്ത​മോ എടുത്ത്‌ ഒന്നു മോടി​പി​ടി​പ്പിച്ച്‌ എന്റെ ബൈബിൾ പ്രഭാ​ഷ​ണ​ങ്ങ​ളിൽ ചേർക്കു​ന്നു. ഇതിനു മിക്ക​പ്പോ​ഴും സദസ്സിൽനി​ന്നുള്ള ഉത്സാഹ​ഭ​രി​ത​മായ കരഘോ​ഷം ലഭിക്കാ​റുണ്ട്‌! എന്നിരു​ന്നാ​ലും വാസ്‌ത​വ​ത്തിൽ ബഹുമതി ലഭി​ക്കേ​ണ്ടത്‌ പരമ്പരാ​ഗത പരിശീ​ലനം സിദ്ധിച്ച ഈ സ്‌ത്രീ​പു​രു​ഷൻമാർക്കാണ്‌.”

അപ്പോൾ ആഫ്രി​ക്ക​യി​ലെ ഈ സ്‌കൂ​ളിന്‌ സ്‌തു​ത്യർഹ​മായ അനേകം വശങ്ങളു​ണ്ടെ​ന്നും അവ അവജ്ഞക്കു​പ​കരം ബഹുമാ​ന​മാണ്‌ അർഹി​ക്കു​ന്ന​തെ​ന്നു​മു​ള്ളതു വ്യക്തം. അവ സാങ്കേ​തിക അത്ഭുതങ്ങൾ ഉളവാ​ക്കു​ന്നി​ല്ലാ​യി​രി​ക്കാം. എന്നാൽ അത്‌ ശക്തമായ ഒരു കുടുംബ ഘടനയും സാമൂ​ഹിക ബോധ​വും ദത്തശ്രദ്ധ, ആകർഷ​ക​മായ നർമ​ബോ​ധം, ഔദാ​ര്യം, ആതിഥ്യ​മ​ര്യാ​ദ എന്നിവ​യോ​ടു​കൂ​ടിയ ആളുക​ളെ​യും ഉളവാ​ക്കു​ക​തന്നെ ചെയ്‌തി​രി​ക്കു​ന്നു. അപ്പോൾപ്പി​ന്നെ, ആഫ്രി​ക്ക​യി​ലെ നഗരവാ​സി​കൾ ഇടയ്‌ക്കി​ട​യ്‌ക്കുള്ള സന്ദർശ​ന​ങ്ങൾവഴി നഗര​പ്രാ​ന്ത​ങ്ങ​ളിൽ താമസി​ക്കുന്ന തങ്ങളുടെ ബന്ധുക്ക​ളു​മാ​യി സമ്പർക്കം പുലർത്താൻ ശ്രമം നടത്തു​ന്നത്‌ അതിശ​യമല്ല. അത്തരം സന്ദർഭ​ങ്ങൾക്ക്‌ അസുന്ദര നിമി​ഷങ്ങൾ ഇല്ലാതില്ല. പരമ്പരാ​ഗത മാനദ​ണ്ഡ​ങ്ങ​ളു​ടെ കാര്യം വരു​മ്പോൾ പലപ്പോ​ഴും നഗരവാ​സി​കൾക്ക്‌ ഇടർച്ച​യു​ണ്ടാ​കു​ന്നു. ഉദാഹ​ര​ണ​ത്തിന്‌, ഒരു കൂട്ടത്തിന്‌ കൈ​കൊ​ടു​ക്കു​മ്പോൾ “ഉചിത​മായ” രീതി വലത്തു​നിന്ന്‌ ഇടത്തേക്കു കൈ​കൊ​ടു​ത്തു പോകു​ന്ന​താ​ണെന്ന്‌ മിക്ക​പ്പോ​ഴും അവർക്ക​റി​യില്ല. എങ്കിലും അത്തരം സന്ദർശ​നങ്ങൾ പരസ്‌പരം നവോൻമേ​ഷ​പ്ര​ദ​മാ​യി​രി​ക്കാൻ കഴിയും.

ആഫ്രിക്കൻ പരമ്പരാ​ഗത സ്‌കൂൾ ബഹുമാ​ന​വും ഭക്തിയും പഠിപ്പി​ച്ചെ​ങ്കി​ലും യഹോ​വ​യെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള ജീവദാ​യ​ക​മായ അറിവ്‌ അതു പകർന്നു​കൊ​ടു​ത്തില്ല എന്നതു സമ്മതിച്ചേ പറ്റു. (യോഹ​ന്നാൻ 17:3) ജീവൽപ്ര​ധാ​ന​മായ ഈ അറിവ്‌ പ്രദാനം ചെയ്യു​ന്ന​തി​നു​വേണ്ടി അകാ​ന്റെ​യും ആഫ്രി​ക്ക​യി​ലെ മറ്റു വംശീയ സംഘങ്ങ​ളു​ടെ​യും ഇടയിൽ പ്രവർത്തി​ക്കാൻ യഹോ​വ​യു​ടെ സാക്ഷി​കൾക്കു പദവി ലഭിച്ചി​രി​ക്കു​ന്നു. ദൈവ​വ​ചനം നേരിട്ടു പഠിക്കാൻ കഴിയ​ത്ത​ക്ക​വണ്ണം, വായി​ക്കാ​നോ എഴുതാ​നോ ഉള്ള ഔദ്യോ​ഗിക വിദ്യാ​ഭ്യാ​സം ഇല്ലാത്ത ആയിര​ക്ക​ണ​ക്കിന്‌ ആഫ്രി​ക്ക​ക്കാ​രെ അവർ പഠിപ്പി​ച്ചി​രി​ക്കു​ന്നു. “ആത്മീയ ആവശ്യങ്ങൾ സംബന്ധിച്ച്‌ ബോധ​മുള്ള” ആളുകളെ സംബന്ധി​ച്ചി​ട​ത്തോ​ളം ഒരു വ്യക്തിക്കു ലഭിക്കാൻ സാധി​ക്കു​ന്ന​തിൽവെച്ച്‌ ഏറ്റവും പ്രാധാ​ന്യ​മുള്ള വിദ്യാ​ഭ്യാ​സ​മാണ്‌ ഇത്‌.—മത്തായി 5:3 NW.

[25-ാം പേജിലെ ചിത്രങ്ങൾ]

അകാന്റെയിടയിൽ സമൂഹ​ത്തോ​ടുള്ള തന്റെ ഉത്തരവാ​ദി​ത്വം മനസ്സി​ലാ​ക്കാൻ കുട്ടി പ്രേരി​പ്പി​ക്ക​പ്പെ​ട്ടി​രു​ന്നു

[26-ാം പേജിലെ ചിത്രം]

യഹോവയുടെ സാക്ഷി​ക​ളു​ടെ രാജ്യ​ഹാ​ളു​കൾ സാക്ഷരതാ ക്ലാസുകൾ പ്രദാനം ചെയ്യുന്നു