വേണ്ടത്ര വെള്ളം ഉണ്ടായി​രി​ക്കു​മോ?

“ഭൂമി​യി​ലെ മുഴു ജലത്തി​ന്റെ​യും വെറും 2% മാത്രമേ ശുദ്ധമാ​യി​രി​ക്കു​ന്നു​ള്ളു. ആ ഉപയോ​ഗ​യോ​ഗ്യ​മായ ജലത്തിന്റെ 2/3 ധ്രുവ, ഹിമാനി മേഖല​ക​ളിൽ ഉറഞ്ഞു​കി​ട​ക്കു​ക​യാണ്‌, 1%[-ത്തിൽ കുറവു] മാത്രമേ ശുദ്ധജ​ല​മാ​യി ദ്രാവ​ക​രൂ​പ​ത്തി​ലു​ള്ളൂ.”—നാഷണൽ ജിയോ​ഗ്ര​ഫി​ക്കി​ന്റെ ഒരു പ്രസി​ദ്ധീ​ക​ര​ണ​മായ ഗവേഷ​ണ​വും പര്യ​വേ​ക്ഷ​ണ​വും (ഇംഗ്ലീഷ്‌).

നിങ്ങൾക്ക്‌ പൈപ്പു​വഴി വീട്ടിൽ പാന​യോ​ഗ്യ​മായ വെള്ളം ലഭിക്കു​ന്നു​ണ്ടോ? ഉണ്ടെങ്കിൽ നിങ്ങൾ കൂടുതൽ അനുഗൃ​ഹീ​ത​രാ​യ​വ​രിൽപ്പെ​ടു​ന്നു. കോടി​ക്ക​ണ​ക്കിന്‌ ആളുകൾക്കു പലപ്പോ​ഴും കിലോ​മീ​റ്റ​റു​കൾ അകലെ പോയി വെള്ളം കൊണ്ടു​വ​രേ​ണ്ട​തുണ്ട്‌—പലപ്പോ​ഴും അതു കുടി​ക്കാൻ കൊള്ളാ​ത്ത​തു​മാണ്‌. മറ്റു ചിലർക്കാ​ണെ​ങ്കിൽ ഈ വിലപ്പെട്ട ദ്രാവ​ക​ത്തി​ന്റെ അൽപ്പം റേഷനു​വേണ്ടി പൊതു ടാപ്പു​ക​ളു​ടെ​യ​ടു​ത്തോ ലോറി​കൾക്കു സമീപ​മോ തടിച്ചു​കൂ​ടേ​ണ്ടി​യി​രി​ക്കു​ന്നു. ഗവേഷ​ണ​വും പര്യ​വേ​ക്ഷ​ണ​വും ഇപ്രകാ​രം പ്രസ്‌താ​വി​ക്കു​ന്നു: “മനുഷ്യർ പെരു​കു​ന്ന​തോ​ടെ ജലത്തിന്റെ ഉപയോ​ഗ​വും അതിന്റെ കൈകാ​ര്യം ചെയ്യലും സംബന്ധിച്ച പ്രശ്‌ന​ങ്ങ​ളും പെരു​കു​ന്നു. ഇപ്പോൾത്തന്നെ ഏതാണ്ട്‌ 100 കോടി​യാ​ളു​കൾ നല്ല കുടി​വെള്ളം ലഭിക്കു​ന്നതു പ്രയാ​സ​ക​ര​മാ​യി അല്ലെങ്കിൽ അസാധ്യ​മാ​യി കണ്ടെത്തുന്ന വികസ്വര ലോകത്ത്‌ ഈ പ്രശ്‌നങ്ങൾ ഏറ്റവും രൂക്ഷമാണ്‌.” ലോക ജനസം​ഖ്യ​യു​ടെ ഏതാണ്ട്‌ 5-ൽ 1-ന്‌ ഉപയോ​ഗ​യോ​ഗ്യ​മായ ജലം കണ്ടെത്തു​ന്നതു സംബന്ധി​ച്ചു ഗൗരവ​മായ പ്രശ്‌ന​ങ്ങ​ളു​ണ്ടെ​ന്നാണ്‌ ഇതിന്റെ അർഥം.

ഈ ജല ദൗർല​ഭ്യ​ത്തിൽ ഭാവി പോരാ​ട്ട​ങ്ങ​ളു​ടെ വിത്തുകൾ ഇപ്പോൾത്തന്നെ വിതക്ക​പ്പെ​ട്ടി​രി​ക്കു​ന്നു. ഒരു വിദഗ്‌ധൻ ഇപ്രകാ​രം പറഞ്ഞു: “ആളുക​ളു​ടെ വർധി​ച്ചു​കൊ​ണ്ടി​രി​ക്കുന്ന വലിയ എണ്ണത്തിന്‌ തങ്ങളുടെ ഭാഗ​ധേയം മെച്ച​പ്പെ​ടു​ത്താൻ കഴിയാ​തെ​വ​രും. എന്തു​കൊ​ണ്ടെ​ന്നാൽ അവർ ചേരി​പ്ര​ദേ​ശ​ങ്ങ​ളി​ലാ​ണു താമസി​ക്കു​ന്നത്‌, അവിടെ ദാരി​ദ്ര്യ​ത്തി​നും സാംസ്‌കാ​രിക ക്രമരാ​ഹി​ത്യ​ത്തി​നും ധാർമിക കുഴപ്പ​ത്തി​നും മേലെ ഉയരാ​നുള്ള ശ്രമങ്ങൾ കുടി​വെള്ളം, കൃഷി​ചെ​യ്യാ​നുള്ള മണ്ണ്‌, കഴിഞ്ഞു​കൂ​ടാ​നുള്ള സ്ഥലം എന്നിവ​യു​ടെ അഭാവ​ത്താൽ പരാജ​യ​മ​ട​യും.”

ഈ വിലപ്പെട്ട വിഭവം ജ്ഞാനപൂർവം ഉപയോ​ഗി​ക്കു​ന്ന​തി​നു വ്യക്തി​പ​ര​മാ​യി നമുക്ക്‌ എന്തു ചെയ്യാൻ കഴിയും? അതു പാഴാ​ക്കാ​തെ​യും ശ്രദ്ധി​ച്ചും ഉപയോ​ഗി​ക്കുക—അത്‌ വില​പ്പെ​ട്ട​തും പരിമി​ത​വു​മാണ്‌.

1) ജലം പാഴാ​ക്ക​രുത്‌. പല്ലു തേക്കു​ക​യോ ഷേവ്‌ ചെയ്യു​ക​യോ ചെയ്യു​ന്ന​തു​പോ​ലെ​യുള്ള സന്ദർഭ​ങ്ങ​ളിൽ ടാപ്പുകൾ അനാവ​ശ്യ​മാ​യി തുറന്നി​ട​രുത്‌. ഷവറിനു കീഴെ വളരെ​യ​ധി​കം സമയം ചെലവി​ട​രുത്‌—ഒരു ഷവർ ഉണ്ടായി​രി​ക്കാൻ തക്കവണ്ണം നിങ്ങൾ അനുഗൃ​ഹീ​ത​നാ​ണെന്നു കരുതി​ക്കൊണ്ട്‌!

2) ജലം അശുദ്ധ​മാ​ക്കു​ക​യോ മലിന​മാ​ക്കു​ക​യോ ചെയ്യരുത്‌. മലിന​മായ ഒരു നദിയോ അരുവി​യോ നിങ്ങളു​ടെ വീടിനു സമീപ​ത്തു​കൂ​ടെ പോകു​ന്നെ​ങ്കിൽ മേൽഭാ​ഗ​ത്തുള്ള ആരോ നിങ്ങളു​ടെ സമൂഹ​ത്തി​ന്റെ മർമ​പ്ര​ധാ​ന​മായ ഒരു ജീവസ​ര​ണി​യെ നശിപ്പി​ച്ചു​കൊ​ണ്ടി​രി​ക്കു​ക​യാണ്‌. നഗര അധികാ​രി​കൾ, വ്യവസാ​യി​കൾ, കർഷകർ തുടങ്ങി​യ​വ​രും മലിന​വ​സ്‌തു​ക്ക​ളും രാസോൽപ്പ​ന്ന​ങ്ങ​ളും അതുപടി അരുവി​ക​ളി​ലേ​ക്കും നദിക​ളി​ലേ​ക്കും ഒഴുകാ​നോ ഒലിച്ചി​റ​ങ്ങാ​നോ അനുവ​ദി​ക്കുന്ന മറ്റുള്ള​വ​രു​മാ​ണു പലപ്പോ​ഴും ഈ മലിനീ​ക​ര​ണ​ത്തി​ന്റെ മുഖ്യ ഉത്തരവാ​ദി​കൾ.

നാം നമ്മുടെ ഗ്രഹത്തെ ഉപയോ​ഗി​ക്കുന്ന വിധം സംബന്ധി​ച്ചു കണക്കു​ചോ​ദി​ക്കാ​നുള്ള അധികാ​രം ഭൂമി​യു​ടെ സ്രഷ്ടാ​വും ഉടമയും എന്നനി​ല​യിൽ ദൈവ​ത്തി​നുണ്ട്‌. യഹോവ തീർച്ച​യാ​യും ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കും’ എന്നു ബൈബിൾ പ്രവചി​ക്കു​ന്നു.—വെളി​പ്പാ​ടു 11:18.