നിങ്ങളു​ടെ കാർ—അഭയമോ കെണി​യോ?

“കാറിൽത്ത​ന്നെ​യി​രി​ക്ക​ണ​മോ അതോ കാറിൽനി​ന്നു പുറത്തി​റ​ങ്ങ​ണ​മോ എന്ന്‌ അറിയാ​മാ​യി​രു​ന്നെ​ങ്കിൽ രക്ഷപെ​ടാൻ സാധി​ക്കു​മാ​യി​രുന്ന ഇരകളെ മിക്ക വിപത്തു​കൾക്കു​ശേ​ഷ​വും രക്ഷപെ​ടു​ത്തൽ സംഘങ്ങൾ കണ്ടെത്തു​ന്നുണ്ട്‌” എന്ന്‌ എഫ്‌ഇ​എംഎ (ഐക്യ​നാ​ടു​ക​ളു​ടെ ഫെഡറൽ അടിയ​ന്തിര പ്രവർത്തന ഏജൻസി) മുന്നറി​യി​പ്പു നൽകുന്നു. അതേ, തെറ്റായ ഒരു തീരു​മാ​ന​ത്തിന്‌ നിങ്ങളു​ടെ ജീവൻ ഒടുക്കാൻ കഴിയും. ഒരു വിപത്തു സംഭവി​ക്കു​മ്പോൾ എന്തു ചെയ്യണ​മെന്നു നിങ്ങൾക്ക​റി​യാ​മോ? താഴെ​കൊ​ടു​ക്കുന്ന ക്വിസ്സിന്‌ ഉത്തരം കണ്ടുപി​ടി​ക്കുക. എന്നിട്ട്‌ നിങ്ങളു​ടെ ഉത്തരങ്ങളെ താഴെ​കൊ​ടു​ക്കു​ന്ന​വ​യു​മാ​യി താരത​മ്യം ചെയ്യുക.

1. ഭൂകമ്പം

◻ കാറിൽത്തന്നെ ഇരിക്കുക

◻ കാറിൽനി​ന്നു പുറത്തി​റ​ങ്ങു​ക

2. ചുഴലി​ക്കാറ്റ്‌

◻ കാറിൽത്തന്നെ ഇരിക്കുക

◻ കാറിൽനി​ന്നു പുറത്തി​റ​ങ്ങു​ക

3. ഹിമവാ​തം

◻ കാറിൽത്തന്നെ ഇരിക്കുക

◻ കാറിൽനി​ന്നു പുറത്തി​റ​ങ്ങു​ക

4. വെള്ള​പ്പൊ​ക്കം

◻ കാറിൽത്തന്നെ ഇരിക്കുക

◻ കാറിൽനി​ന്നു പുറത്തി​റ​ങ്ങു​ക

ഉത്തരങ്ങൾ:

1. ഭൂകമ്പം: കാറിൽത്തന്നെ ഇരിക്കുക.

കാറിനെ നിരത്തിൽനി​ന്നും ഉയർത്തി​നിർത്തുന്ന ഭാഗങ്ങൾ അതിന്‌ വല്ലാത്ത ഇളക്കമു​ണ്ടാ​ക്കു​മെ​ങ്കി​ലും നിങ്ങൾക്കു സമീപം കെട്ടി​ട​ങ്ങ​ളോ മേൽപാ​ത​ക​ളോ വൈദ്യു​ത കമ്പിക​ളോ ഒന്നും ഇല്ലാത്ത​പക്ഷം സാധ്യ​ത​യ​നു​സ​രിച്ച്‌ അതിനു​ള്ളിൽ നിങ്ങൾ ഏറ്റവും സുരക്ഷി​ത​രാണ്‌.

2. ചുഴലി​ക്കാറ്റ്‌: കാറിൽനി​ന്നു പുറത്തി​റ​ങ്ങുക.

ചുഴലി​ക്കാ​റ്റി​ന്റെ സമയത്ത്‌ കാറി​നകം സാധ്യ​ത​യ​നു​സ​രിച്ച്‌ ഏറ്റവും അപകട​ക​ര​മായ സ്ഥലമാണ്‌. പക്ഷേ അടു​ത്തെ​ങ്ങും സുരക്ഷി​ത​മായ അഭയസ്ഥാ​ന​ങ്ങ​ളൊ​ന്നും ഇല്ലെങ്കി​ലോ? എഫ്‌ഇ​എംഎ പറയുന്നു: “തലയ്‌ക്കു​മീ​തെ കൈപ്പ​ത്തി​കൾ വെച്ചു​കൊണ്ട്‌ കുഴി​യി​ലോ നിലത്തെ മറ്റേ​തെ​ങ്കി​ലും കുഴിഞ്ഞ ഭാഗത്തോ പറ്റിക്കി​ട​ക്കുക.”

3. ഹിമവാ​തം: കാറിൽത്തന്നെ ഇരിക്കുക.

ന്യായ​മായ ദൂരത്തിൽ നിങ്ങൾക്കു സുരക്ഷി​ത​മായ ഒരു അഭയസ്ഥാ​നം കാണാൻ കഴിയു​ന്നി​ല്ലെ​ങ്കിൽ രക്ഷപെ​ടു​ത്ത​ലി​നാ​യി കാത്തി​രി​ക്കു​ന്ന​താണ്‌ ഏറ്റവും നല്ലത്‌. ചൂടി​നു​വേണ്ടി കുറഞ്ഞ സമയഘ​ട്ട​ങ്ങ​ളി​ലേക്ക്‌ എൻജിൻ പ്രവർത്തി​പ്പി​ക്കാ​വു​ന്ന​താണ്‌. എന്നാൽ കാർബൺ മോ​ണോ​ക്‌​സൈഡ്‌ വിഷബാധ തടയു​ന്ന​തി​നാ​യി ഒരു ജനൽ അൽപ്പം തുറന്നി​ടുക. രക്ഷപെ​ടു​ത്ത​ലു​കാർക്കുള്ള ഒരു സൂചന​യെ​ന്നോ​ണം അകത്ത്‌ ഒരു ലൈറ്റ്‌ കത്തിക്കി​ട​ക്കട്ടെ.

4. വെള്ള​പ്പൊ​ക്കം: കാറിൽനി​ന്നു പുറത്തി​റ​ങ്ങുക.

എഫ്‌ഇ​എംഎ ഇപ്രകാ​രം മുന്നറി​യി​പ്പു നൽകുന്നു: “ഒരു കാർ വെള്ള​പ്പൊ​ക്ക​ത്തിൽ നിന്നു​പോ​കു​ന്നെ​ങ്കിൽ വേഗം അതിൽനി​ന്നി​റങ്ങി ഉയരമുള്ള ഒരു സ്ഥലത്തേക്കു പോവുക. വെള്ളം അപ്പോ​ഴും പൊങ്ങി​ക്കൊ​ണ്ടി​രി​ക്കു​ക​യാ​യി​രി​ക്കാം, കാറ്‌ ഏതു നിമി​ഷ​വും ഒഴുകി​പ്പോ​കാം.” ഭാഗ്യം പരീക്ഷി​ക്ക​രുത്‌. വെള്ളത്തിന്‌ കാണു​ന്ന​തി​നെ​ക്കാൾ കൂടുതൽ ആഴമു​ണ്ടാ​യി​രി​ക്കാം, ജലനി​രപ്പ്‌ പെട്ടെന്ന്‌ ഉയരു​ക​യും ചെയ്‌തേ​ക്കാം.

ഈ വിവരങ്ങൾ കാറിന്റെ മുമ്പിൽ സാധനങ്ങൾ സൂക്ഷി​ക്കു​ന്ന​തി​നുള്ള ചെറിയ പെട്ടി​യിൽ വെക്കാൻ എഫ്‌ഇ​എംഎ ബുദ്ധ്യു​പ​ദേ​ശി​ക്കു​ന്നു. “വെപ്രാ​ളം പിടി​ക്ക​രുത്‌,” അതാണ്‌ എല്ലാ സാഹച​ര്യ​ങ്ങ​ളി​ലും “ഏറ്റവും പ്രധാ​ന​പ്പെട്ട നിയമം” എന്ന്‌ അത്‌ ശുപാർശ​ചെ​യ്യു​ന്നു.