ഉപയോ​ഗിച്ച ഒരു കാർ വാങ്ങാ​വുന്ന വിധം

യഥാർഥ വിലയു​ടെ പകുതി​യോ അതിൽ കുറച്ചോ കൊടുത്ത്‌ ഒരു കാർ വാങ്ങാൻ ഇഷ്ടപ്പെ​ടു​ക​യി​ല്ലാ​ത്തത്‌ ആരാണ്‌? ‘യഥാർഥ​ത്തിൽ അതു സാധ്യ​മാ​ണോ?’ എന്നു നിങ്ങൾ ചോദി​ക്കു​ന്നു. ഉവ്വ്‌—അതു മുമ്പ്‌ ഉപയോ​ഗ​ത്തി​ലി​രുന്ന ഒരു മോ​ട്ടോർവാ​ഹനം അഥവാ സാധാരണ പറയു​ന്ന​പോ​ലെ ഒരു ഉപയോ​ഗിച്ച കാർ ആണെങ്കിൽ. ഉപയോ​ഗിച്ച ഒരു കാർ വാങ്ങു​ന്നതു പ്രയോ​ജ​ന​പ്പെ​ടു​ക​യി​ല്ലെന്ന്‌ പലരും ഭയപ്പെ​ടു​ന്ന​താ​ണു പ്രശ്‌നം. മറ്റു യന്ത്രസാ​മ​ഗ്രി​ക​ളെ​പ്പോ​ലെ കാറു​കൾക്കും തേയ്‌മാ​നം സംഭവി​ക്കു​ന്നു. അങ്ങനെ, പഴക്കം, ഓടി​ക്ക​ഴിഞ്ഞ ദൂരം, ഉപയോ​ഗം എന്നിവ ഏറുന്ന​ത​നു​സ​രിച്ച്‌ ഒരു കാറിന്റെ വിലയും കുറയു​ന്നു.

ഞാൻ എന്നെത്തന്നെ പരിച​യ​പ്പെ​ടു​ത്തട്ടെ? 15 വർഷത്തി​ല​ധി​ക​മാ​യി ഞാനൊ​രു ഓട്ടോ ടെക്‌നീ​ഷ്യ​നാണ്‌. അതു​കൊണ്ട്‌, ഞാൻ പഠിച്ച കാര്യ​ങ്ങ​ളിൽ ചിലതു നിങ്ങൾക്കു കൈമാ​റട്ടെ. ഉപയോ​ഗിച്ച ഒരു കാർ വാങ്ങു​ന്ന​തി​നു​മു​മ്പു നിങ്ങ​ളോ​ടു​തന്നെ ചോദി​ക്കാ​വുന്ന കുറച്ചു ചോദ്യ​ങ്ങ​ളാ​ണു താഴെ​ക്കൊ​ടു​ത്തി​രി​ക്കു​ന്നത്‌.

എത്രമാ​ത്രം പണം ചെലവ​ഴി​ക്കാൻ എനിക്കു കഴിയും?

ആദ്യമാ​യി, ഒരു കാറി​നു​വേണ്ടി ചെലവ​ഴി​ക്കാൻ നിങ്ങളു​ടെ ബജറ്റ്‌ നിങ്ങളെ എത്രമാ​ത്രം അനുവ​ദി​ക്കു​മെന്നു കണക്കു​കൂ​ട്ടുക. നിങ്ങൾ നിശ്ചയി​ച്ചി​രി​ക്കുന്ന വിലയു​ടെ പരിധി​ക്കു​ള്ളിൽ വരുന്ന കാറു​ക​ളു​ടെ മോഡൽ, നിർമിച്ച വർഷം എന്നിവ​യെ​ക്കു​റി​ച്ചു നിങ്ങൾക്കു വിവരം നൽകാൻ പത്ര പരസ്യ​ങ്ങൾക്കു കഴിയും. ചില രാജ്യ​ങ്ങ​ളിൽ, ബാങ്കുകൾ, വായ്‌പാ സ്ഥാപനങ്ങൾ, ചില ലൈ​ബ്ര​റി​കൾ എന്നിവക്ക്‌ ഉപയോ​ഗിച്ച കാറു​ക​ളു​ടെ വിലകൾ പട്ടിക​പ്പെ​ടു​ത്തിയ പ്രതി​മാസ ഗൈഡു​ക​ളുണ്ട്‌. കാറിന്റെ വില മാത്രമല്ല, നികു​തി​കൾക്കും രജിസ്‌​ട്രേ​ഷ​നും ഇൻഷ്വ​റൻസി​നും ആവശ്യ​മായ ചെലവു​കൾകൂ​ടെ കണക്കു​കൂ​ട്ടുക. നിങ്ങൾ വാങ്ങി​യ​തി​നു​ശേഷം കാറി​നാ​വ​ശ്യ​മാ​യി​വ​ന്നേ​ക്കാ​വുന്ന അപ്രതീ​ക്ഷിത റിപ്പെ​യ​റു​കൾക്കാ​യി കുറച്ചു പണം നീക്കി​വെ​ക്കാ​നും ആസൂ​ത്രണം ചെയ്യുക.

ഏതുതരം കാറാണ്‌ എനിക്കാ​വ​ശ്യം?

നിങ്ങൾക്കു വേണ്ട​തെ​ന്താ​ണെന്നു തീരു​മാ​നി​ക്കു​മ്പോൾ എന്തെല്ലാം കാര്യ​ങ്ങ​ളാ​ണു പ്രധാനം എന്നു നിശ്ചയ​പ്പെ​ടു​ത്തുക. നിങ്ങളു​ടെ കുടും​ബ​ത്തി​ന്റെ വലിപ്പ​വും ജോലി​ക്കു പോകുക, കുട്ടി​കളെ സ്‌കൂ​ളിൽ കൊണ്ടു​പോ​കുക, ക്രിസ്‌തീയ ശുശ്രൂ​ഷക്കു പോകുക മുതലായ ഏതെല്ലാം പ്രവർത്ത​ന​ങ്ങൾക്കു കാറു​പ​യോ​ഗി​ക്കു​മെ​ന്നും പരിചി​ന്തി​ക്കുക. പ്രാ​ദേ​ശിക ട്രിപ്പു​കൾക്കാ​ണോ അതോ ദീർഘ​ദൂര ട്രിപ്പു​കൾക്കാ​ണോ അത്‌ ഉപയോ​ഗ​പ്പെ​ടു​ത്തുക? ഒരു പ്രത്യേക ബ്രാൻഡി​ലോ മോഡ​ലി​ലോ നിങ്ങ​ളെ​ത്തന്നെ ഒതുക്കി നിർത്ത​രുത്‌; പകരം നന്നായി സൂക്ഷി​ച്ചു​പോന്ന, നല്ല നിലയി​ലുള്ള ഒരു കാറി​നാ​യി നോക്കുക. സർവീസു ചെയ്യാൻ എളുപ്പ​മുള്ള ഒരു കാർ വാങ്ങുക. എല്ലാ കാറു​കൾക്കും പിന്നീ​ടുള്ള സമയങ്ങ​ളിൽ സ്‌പെ​യ​റു​കൾ ആവശ്യ​മാണ്‌. നിങ്ങളു​ടെ പ്രദേ​ശത്ത്‌ ഉചിത​മായ സ്‌പെ​യ​റു​കൾ വിൽക്കുന്ന കടകളു​ണ്ടോ? പത്തു വർഷത്തി​ല​ധി​കം പഴക്കമുള്ള കാറു​ക​ളു​ടെ സ്‌പെ​യ​റു​കൾ കിട്ടുക വിഷമ​ക​ര​മാണ്‌. പരിമി​ത​മായ ബജറ്റാണു നിങ്ങൾക്കു​ള്ള​തെ​ങ്കിൽ ആഡംബ​ര​മേ​റി​യ​തോ ഇറക്കു​മതി ചെയ്‌ത പ്രത്യേക കാറു​ക​ളോ വാങ്ങു​ന്ന​തൊ​ഴി​വാ​ക്കുക; അതിന്റെ സ്‌പെ​യ​റു​ക​ളും സർവീ​സും കൂടുതൽ ചെല​വേ​റി​യ​താ​യി​രി​ക്കു​മെ​ന്ന​തി​നു സംശയ​മില്ല. അത്തരം കാറുകൾ വളരെ വിശ്വ​സ​നീ​യ​മാ​ണെ​ങ്കി​ലും, അവ സ്വന്തമാ​ക്കാൻ വളരെ ചെല​വേ​റും.

അതൊരു നല്ല കാറാ​ണോ?

ഒരു നല്ല കാർ നന്നായി സർവീസ്‌ ചെയ്‌തി​രി​ക്കും. സാധാ​ര​ണ​മാ​യി, വളരെ​ക്കൂ​ടു​തൽ മൈൽ ഓടി​യി​ട്ടുള്ള—ഹൈ​വേ​കൾക്കു​പ​കരം നഗരങ്ങ​ളി​ലെ റോഡു​ക​ളി​ലാ​ണെ​ങ്കിൽ പ്രത്യേ​കി​ച്ചും—കാറുകൾ ഒഴിവാ​ക്കു​ന്ന​താ​ണു നല്ലത്‌. എന്താണ്‌ ഉയർന്ന മൈ​ലേ​ജിന്‌ ഇടയാ​ക്കു​ന്നത്‌ എന്നുള്ളത്‌ ഓരോ സ്ഥലത്തും വ്യത്യ​സ്‌ത​മാ​യി​രി​ക്കും. ഉപയോ​ഗിച്ച കാർ പൂർണ​മാ​യി​രി​ക്കു​ക​യില്ല. എന്നിരു​ന്നാ​ലും, കാറി​നാ​വ​ശ്യ​മായ കേടു​പോ​ക്ക​ലു​കൾ താങ്ങാൻ നിങ്ങൾക്കു കഴിയു​മോ? സാധാ​ര​ണ​മാ​യി നന്നാക്ക​ലു​കൾ കാറിന്റെ വില വർധി​പ്പി​ക്കു​ക​യില്ല. ഉദാഹ​ര​ണ​ത്തിന്‌, 3,000 ഡോള​റി​നു നിങ്ങൾ ഒരു കാർ വാങ്ങു​ക​യും ആവശ്യ​മായ നന്നാക്ക​ലിന്‌ 1,000 ഡോളർ ചെലവ​ഴി​ക്കു​ക​യും ചെയ്‌താൽ ആ കാർ അവശ്യം 4,000 ഡോളർ വിലയ്‌ക്കു​ണ്ടാ​യി​രി​ക്ക​ണ​മെ​ന്നില്ല. മോശ​മായ നിലയി​ലുള്ള ഒരു കാർ വാങ്ങി അതു ശരിയാ​ക്കി​യെ​ടു​ക്കു​ന്ന​തി​നെ​ക്കാൾ ചെലവു കുറഞ്ഞ​താ​ണു നല്ല നിലയി​ലുള്ള ഒരു കാർ വാങ്ങു​ന്നത്‌.

ഒരു നല്ല കാർ തിര​ഞ്ഞെ​ടു​ക്കു​ന്ന​തി​നുള്ള ചില നിർദേ​ശ​ങ്ങ​ളാണ്‌ ഇവിടെ കൊടു​ക്കു​ന്നത്‌:

• നിങ്ങൾ വാങ്ങു​ന്ന​തി​നു​മു​മ്പു കാർ നല്ലവണ്ണം പരി​ശോ​ധി​ക്കുക. ഒരു ശരിയായ ചിത്രം ലഭിക്കു​ന്ന​തി​നാ​യി, രാത്രി​യി​ലോ മഴയത്തോ കാർ നോക്കു​ന്നത്‌ ഒഴിവാ​ക്കുക. കാറി​നു​ചു​റ്റും പെട്ടെ​ന്നൊ​ന്നു നടന്നു നോക്കുക. അതി​നെ​ക്കു​റി​ച്ചു നിങ്ങളു​ടെ അഭി​പ്രാ​യ​മെ​ന്താണ്‌? അകവും പുറവും മുൻ ഉടമസ്ഥൻ അതിനെ നന്നായി കാത്തു​ര​ക്ഷി​ച്ച​തി​ന്റെ ലക്ഷണം കാണി​ക്കു​ന്നു​വോ? അവ നന്നായി കേടു​പോ​ക്കി​യി​ട്ടു​ണ്ടോ? വാഹന​ത്തി​ന്റെ അറ്റകുറ്റം തീർത്തു​പോ​ന്ന​തി​ന്റെ ഒരു രേഖ നൽകാൻ വിൽപ്പ​ന​ക്കാ​രനു കഴിയു​മോ? അതിനു കഴിയി​ല്ലെ​ങ്കിൽ, കാറിനെ അവഗണി​ച്ചി​രി​ക്കാൻ സാധ്യ​ത​യുണ്ട്‌. അങ്ങനെ​യുള്ള ഒരു കാറി​നെ​പ്പറ്റി ഇനി കൂടു​ത​ലാ​യി ഒന്നും നോക്കാൻ നിങ്ങളാ​ഗ്ര​ഹി​ച്ചേ​ക്കു​ക​യില്ല.

• പരീക്ഷണ ഡ്രൈ​വിങ്‌ നടത്തി​നോ​ക്കുക. പരീക്ഷണ ഡ്രൈ​വിങ്‌ നടത്തു​മ്പോൾ ഹൈ​വേ​യിൽ ഓടി​ക്കുന്ന വേഗത​യു​ടെ അത്ര​ത്തോ​ളം കാറിന്റെ വേഗത കൂട്ടുക. കുന്നിൻ പ്രദേ​ശ​ങ്ങ​ളി​ലൂ​ടെ​യും നിരപ്പായ വീഥി​ക​ളി​ലൂ​ടെ​യും നിർത്തി നിർത്തി ഓടിച്ചു നോക്കുക.

എൻജിൻ:

എൻജിൻ എളുപ്പം സ്റ്റാർട്ടു ചെയ്യാൻ പറ്റുമോ?

എൻജി​നിൽനി​ന്നു പുറ​ത്തേക്കു വമിക്കുന്ന വാതക​ബാ​ഷ്‌പങ്ങൾ കട്ടിയായ പുകയിൽനി​ന്നു വിമു​ക്ത​മാ​ണോ?

എൻജിൻ നന്നായി പ്രവർത്തി​ക്കു​ന്നു​വോ?

അതു കുറഞ്ഞ വേഗത​യിൽ സുഗമ​മാ​യി ഓടു​ന്നു​വോ?

എൻജിൻ അപശബ്ദ​ങ്ങ​ളിൽനി​ന്നു വിമു​ക്ത​മാ​ണോ?

നന്നായി വേഗത വർധി​പ്പി​ക്കാൻ എൻജിനു വേണ്ടത്ര ശക്തിയു​ണ്ടോ?

മേൽപ്പറഞ്ഞ ഏതെങ്കി​ലും ചോദ്യ​ങ്ങൾക്കുള്ള ഉത്തരം ഇല്ല എന്നാ​ണെ​ങ്കിൽ, എൻജിന്റെ കാര്യ​ക്ഷ​മ​മാ​യുള്ള പ്രവർത്തനം ഉറപ്പു​വ​രു​ത്താൻ സാധാരണ ചില പണിക​ളോ അല്ലെങ്കിൽ അതിലും സങ്കീർണ​മായ നന്നാക്ക​ലു​ക​ളോ ആവശ്യ​മാ​യി വന്നേക്കാം. ഈ അവസ്ഥകൾ എൻജിനു തേയ്‌മാ​നം സംഭവി​ച്ചു എന്നതിന്റെ ലക്ഷണങ്ങ​ളാ​യി​രി​ക്കാം. അതിനു ചില്ലറ പണിയേ ആവശ്യ​മു​ള്ളൂ എന്നു വിൽപ്പ​ന​ക്കാ​രൻ പറയു​ന്നെ​ങ്കിൽ ജാഗ്ര​ത​യു​ള്ള​വ​നാ​യി​രി​ക്കുക. ചില്ലറ​പ്പ​ണി​കൾ കാറിന്റെ സ്ഥിരമായ പരിര​ക്ഷ​യ്‌ക്ക്‌ നിരന്തരം ആവശ്യ​മാ​യി വന്നിട്ടു​ണ്ടാ​വണം.

ഗിയർ സംവി​ധാ​നം:

സ്വയം പ്രവർത്തി​ക്കുന്ന ഗിയർ സംവി​ധാ​നം വഴുതി​പ്പോ​കു​ക​യോ ഗിയറി​ലി​ടു​മ്പോൾ ഗിയർ ചക്രങ്ങ​ളു​ടെ പല്ലുകൾ കൂട്ടി​ക്കൊ​ളു​ത്താ​തി​രി​ക്കു​ക​യോ ചെയ്യു​ന്നു​വോ?

അത്‌ അനായാ​സം മാറു​ന്ന​തി​നു കഴിയാ​തെ വരുന്നോ?

ഗിയർ മാറു​മ്പോൾ ഏതെങ്കി​ലും ഗിയറിൽനി​ന്നു പരുക്കൻ ശബ്ദം കേൾക്കു​ന്നു​വോ?

ഈ ചോദ്യ​ങ്ങ​ളി​ലേ​തി​നെ​ങ്കി​ലും ഉവ്വ്‌ എന്ന ഉത്തരമു​ണ്ടെ​ങ്കിൽ, ഗിയർ സംവി​ധാ​ന​ത്തി​നു നന്നാക്കൽ ആവശ്യ​മാ​യി വന്നേക്കാം.

ബ്രേക്കു​ക​ളും വാഹന​ത്തി​ന്റെ മുകൾഭാ​ഗം ആക്‌സ​ലിൽ താങ്ങി​നിർത്തുന്ന സംവി​ധാ​ന​വും:

നിങ്ങൾ ഓടി​ക്കു​മ്പോ​ഴോ ബ്രേക്കു ചെയ്യു​മ്പോ​ഴോ കാർ ഒരു വശത്തേക്കു വലിയു​ന്നു​വോ?

ചില വേഗത​ക​ളിൽ ഓടി​ക്കു​മ്പോ​ഴോ ബ്രേക്കു ചെയ്യു​മ്പോ​ഴോ കാറിനു കമ്പനമു​ണ്ടാ​കു​ന്നു​വോ?

നിങ്ങൾ ബ്രേക്കു ചെയ്യു​മ്പോ​ഴോ തിരി​ക്കു​മ്പോ​ഴോ ബംബുകൾ കടക്കു​മ്പോ​ഴോ ശബ്ദങ്ങൾ ഉണ്ടോ?

ഈ ചോദ്യ​ങ്ങ​ളി​ലേ​തി​നെ​ങ്കി​ലും ഉവ്വ്‌ എന്ന ഉത്തരമു​ണ്ടെ​ങ്കിൽ കാറിന്റെ ബ്രേക്കി​നോ താങ്ങി​നിർത്തൽ സംവി​ധാ​ന​ത്തി​നോ നന്നാക്കൽ ആവശ്യ​മാ​യി​വ​ന്നേ​ക്കാം.

• നന്നാക്കൽ ആവശ്യ​മായ മറ്റുഭാ​ഗങ്ങൾ നോക്കുക. കാറിന്റെ അകത്തും പുറത്തും അടിയി​ലും നോക്കാൻ നിങ്ങളെ അനുവ​ദി​ക്കുന്ന തരത്തി​ലുള്ള വസ്‌ത്രങ്ങൾ ധരിക്കുക.

• ബോഡി​യിൽ തുരു​മ്പു​ണ്ടോ എന്നു പരി​ശോ​ധി​ക്കുക. അതുള്ള കാറുകൾ ഒഴിവാ​ക്കുക. പുതിയ കാറു​ക​ളെ​ല്ലാം​തന്നെ “ഏകബോ​ഡി” നിർമി​തി​യാണ്‌. ബോഡി​യു​ടെ ഭാഗങ്ങൾ ഘടനാ​പ​ര​മായ ബലത്തി​നാ​യി അനേക സ്ഥലങ്ങളിൽ ഉപകരി​ക്കു​ന്നു. ഈ ഭാഗങ്ങ​ളിൽ തുരു​മ്പു​ണ്ടെ​ങ്കിൽ സാധാ​ര​ണ​മാ​യി അവ പൂർണ​മാ​യും നന്നാക്കി​യെ​ടു​ക്കാൻ കഴിയാ​ത്തത്ര ചെലവി​നി​ട​വ​രു​ത്തും. ലോഹ​ച​ട്ട​ങ്ങ​ളി​ലെ തുരുമ്പു ബാഹ്യ​മാ​യി​രി​ക്കാം, എന്നാൽ സാധാ​ര​ണ​മാ​യി അതു പ്രധാ​ന​പ്പെട്ട ഭാഗങ്ങ​ളി​ലും തുരു​മ്പു​ണ്ടെ​ന്നു​ള്ള​തി​ന്റെ അടയാ​ള​മാണ്‌. തുരു​മ്പു​ണ്ടോ​യെ​ന്ന​റി​യാൻ കാറിന്റെ അടിയിൽ നോക്കുക. കാർ പുതു​താ​യി പെയിൻറു ചെയ്‌തി​ട്ടു​ണ്ടെ​ങ്കിൽ ശ്രദ്ധി​ക്കുക, കാർ വെള്ളതേച്ച ശവക്കല്ല​റ​യാ​യി​രു​ന്നേ​ക്കാം.

• അപകട​ത്തി​ന്റേ​തായ കേടു​പാ​ടു​ക​ളു​ണ്ടോ എന്നു നോക്കുക. ബോണ​റ്റി​ന്റെ അടിയി​ലും ഡിക്കി​യി​ലും അപകട​ത്തി​ന്റെ കേടു​പാ​ടു​കൾ മറഞ്ഞി​രി​ക്കു​ന്നു​ണ്ടോ എന്നു പരി​ശോ​ധി​ക്കുക. വാതി​ലു​ക​ളും ബോണ​റ്റും ഡിക്കി​യും ചേർച്ച​യി​ലാ​ണോ? വാതിൽ വന്ന്‌ അടയുന്ന പൊഴി​കൾ പോ​ലെ​യുള്ള പെയിൻറ്‌ ആവശ്യ​മി​ല്ലാത്ത സ്ഥലങ്ങളി​ലേക്കു പെയിൻറ്‌ പരന്നതി​ന്റെ അടയാ​ള​ങ്ങ​ളു​ണ്ടോ? ഡിക്കി​യി​ലോ കാർപ്പെ​റ്റിട്ട ഭാഗങ്ങ​ളി​ലോ ദ്വാര​ങ്ങ​ളു​ണ്ടോ? ഈ ദ്വാരങ്ങൾ തുരു​മ്പി​നു കാരണ​മാ​കാം.

• എൻജിൻ ഓയിൽ പരി​ശോ​ധി​ക്കുക. ഓയി​ലിൽ മുക്കി​യി​ടാ​റുള്ള അളവു​കോൽ നോക്കുക. ഓയി​ലി​ന്റെ അളവു കുറവാ​ണോ? അത്‌ ഓയിൽ അമിത​മാ​യി ഉപയോ​ഗി​ക്കു​ന്ന​തി​ന്റെ​യോ ചോർച്ച​യു​ടെ​യോ ഫലമാ​യി​രി​ക്കാം. ഓയിൽ വളരെ വൃത്തി​കെ​ട്ട​തോ കറുത്ത​തോ ആണോ? അതിനു കട്ടി പിടി​ച്ചി​ട്ടു​ണ്ടോ? വാൽവി​ന്റെ മൂടി​ക​ളു​ടെ​ചു​റ്റും ഓയിൽ നനവിന്റെ ലക്ഷണങ്ങ​ളു​ണ്ടോ​യെന്നു നോക്കുക. കാറിൽ കയറി ഇഗ്‌നീ​ഷൻ സ്വിച്ച്‌ ഓൺ ചെയ്യുക; എന്നാൽ കാർ സ്റ്റാർട്ടു ചെയ്യരുത്‌. താഴ്‌ന്ന-ഓയിൽ-മർദ മുന്നറി​യി​പ്പി​ന്റെ ലൈറ്റ്‌ തെളി​യു​ന്നു​വോ? കാറിൽ ഒരു ഓയിൽ മർദമാ​പി​നി സജ്ജീക​രി​ച്ചി​ട്ടു​ണ്ടെ​ങ്കിൽ അതു പൂജ്യം എന്നു കാണി​ക്കണം. ഇപ്പോൾ എൻജിൻ സ്റ്റാർട്ടു ചെയ്യുക, എൻജിൻ ഒരു താഴ്‌ന്ന വേഗത​യിൽ പ്രവർത്തി​ക്കട്ടെ. ഓയിൽ മർദ ലൈറ്റ്‌ അണയാൻ എത്രസ​മയം എടുക്കു​ന്നു​വെന്നു ശ്രദ്ധി​ക്കുക, അല്ലെങ്കിൽ സാധാരണ എൻജിൻ മർദം രേഖ​പ്പെ​ടു​ത്താൻ എത്രസ​മയം എടുക്കു​ന്നു​വെന്നു നോക്കുക. ലൈറ്റ്‌ അണയു​ന്ന​തി​നോ മാപിനി സാധാരണ മർദം രേഖ​പ്പെ​ടു​ത്തു​ന്ന​തി​നോ ചുരു​ക്കം​ചില സെക്കണ്ടു​ക​ളി​ല​ധി​കം എടുക്കു​ന്നെ​ങ്കിൽ അത്‌ എൻജിന്റെ ഗണ്യമായ തേയ്‌മാ​ന​ത്തി​ന്റെ സൂചന​യാ​യി​രു​ന്നേ​ക്കാം. ഐക്യ​നാ​ടു​ക​ളി​ലെ ചില പുതിയ കാറു​ക​ളിൽ, എൻജിൻ പ്രവർത്തി​പ്പി​ക്കാ​തെ താക്കോൽ തിരി​ക്കു​മ്പോൾ “എൻജിൻ പരി​ശോ​ധി​ക്കുക” എന്ന ലൈറ്റോ “പെട്ടെന്ന്‌ എൻജിൻ സർവീസ്‌ ചെയ്യുക” എന്ന ലൈറ്റോ തെളി​യണം. എൻജിൻ പ്രവർത്തി​ക്കു​മ്പോൾ ലൈറ്റ്‌ അണയണം. എൻജിൻ പ്രവർത്തി​ക്കു​മ്പോൾ ലൈറ്റ്‌ കത്തി​ക്കൊ​ണ്ടി​രി​ക്കു​ന്നു​വെ​ങ്കിൽ അത്‌ എൻജിനു പ്രശ്‌ന​മു​ള്ള​താ​യി സൂചി​പ്പി​ക്കു​ന്നു. തകരാറ്‌ ഒരുപക്ഷേ എയർ ഫിൽട്ടർ സംവി​ധാ​ന​ത്തി​നോ ഇന്ധന വിതരണ സംവി​ധാ​ന​ത്തി​നോ ആയിരി​ക്കാം.

• ഓട്ടോ​മാ​റ്റിക്‌ ഗിയർ ഓയിൽ പരി​ശോ​ധി​ക്കുക. അതു കുറവാ​ണോ അതോ വല്ലാതെ ചൂടു​പി​ടിച്ച്‌ ഇരുണ്ടു പോയോ? ഗിയർ സംവി​ധാ​ന​ത്തി​നു കീഴെ ചോർച്ച​യു​ണ്ടോ എന്നു നോക്കുക. ഈ അവസ്ഥകൾ ഗിയർ സംവി​ധാ​ന​ത്തോ​ടു ബന്ധപ്പെട്ട അധിക​പ്പ​ണി​യു​ടെ ആവശ്യത്തെ ചൂണ്ടി​ക്കാ​ണി​ച്ചേ​ക്കാം. കാറിനു മുൻചക്ര ഡ്രൈ​വിങ്‌ സംവി​ധാ​ന​മാ​ണു​ള്ള​തെ​ങ്കിൽ, ടോർക്കും ചക്രങ്ങ​ളും തമ്മിൽ ബന്ധിപ്പി​ക്കുന്ന സ്ഥിര പ്രവേഗ ജോയിൻറു​കളെ സംരക്ഷി​ക്കുന്ന റബർ ആവരണങ്ങൾ കീറി​പ്പോ​യി​ട്ടു​ണ്ടോ​യെന്ന്‌ അടിയിൽ നോക്കുക. ഉണ്ടെങ്കിൽ, ഗ്രീസ്‌ പുറ​ത്തേക്കു തെറി​ക്കു​ക​യും അതു ജോയിൻറു​ക​ളു​ടെ പെട്ടന്നുള്ള കേടു​പാ​ടി​നു കാരണ​മാ​കു​ക​യും ചെയ്യാം. അതു മാറ്റി​വെ​ക്കുക വളരെ ചെല​വേ​റിയ പണിയാണ്‌.

• നാലു ചക്രങ്ങ​ളും പരി​ശോ​ധി​ക്കുക. അവ വല്ലാതെ തേഞ്ഞി​ട്ടു​ണ്ടെ​ങ്കിൽ അവ മാറ്റേണ്ട ആവശ്യ​വും മുൻകൂ​ട്ടി​ക്കാ​ണുക. ടയർ ട്രെഡ്‌ സാധാ​ര​ണ​മ​ല്ലാത്ത വിധം തേഞ്ഞു​പോ​യി​ട്ടു​ണ്ടെ​ങ്കിൽ, ഭാഗങ്ങൾ നന്നായി ക്രമ​പ്പെ​ടു​ത്തേ​ണ്ട​തി​ന്റെ​യോ സ്റ്റിയറിങ്‌ ഭാഗങ്ങൾ മാറ്റി​വെ​ക്കേ​ണ്ട​തി​ന്റെ​യോ ആവശ്യം വന്നേക്കാം.

• പവർ സ്റ്റിയറിങ്‌ പരി​ശോ​ധി​ക്കുക. ദ്രവം കറുത്ത നിറമു​ള്ള​താ​യോ കുറഞ്ഞ​താ​യോ കാണു​ന്നു​വോ? കാർ സ്റ്റാർട്ടു ചെയ്‌തു സ്റ്റിയറിങ്‌ വീൽ ഒരു വശത്തു​നി​ന്നു മറു വശത്തേക്കു ഒട്ടേറെ പ്രാവ​ശ്യം തിരി​ക്കുക. വലത്തോ​ട്ടോ ഇടത്തോ​ട്ടോ തുല്യ​ബ​ല​ത്തിൽ തിരി​ക്കാൻ കഴിയണം. നിങ്ങൾ സ്റ്റിയറിങ്‌ വീൽ തിരി​ക്കു​മ്പോൾ പിടി​ച്ചു​വ​ലി​ക്കു​ന്ന​തു​പോ​ലുള്ള മുറുക്കം തോന്നു​ന്നു​വോ? പവർ സ്റ്റിയറിങ്‌ വീലിന്റെ പ്രവർത്തനം തികച്ചും നിശബ്ദ​മാ​യി​രി​ക്കണം. അതിന്റെ പ്രവർത്ത​ന​ത്തി​നു തകരാറു നേരി​ട്ടാൽ കേടു​പോ​ക്കാൻ വലിയ ചെല​വൊ​ടു​ക്കേ​ണ്ടി​വ​രും.

• മറ്റു പരി​ശോ​ധ​നകൾ.

ബെൽറ്റു​ക​ളു​ടെ​യും ഹോസു​ക​ളു​ടെ​യും അവസ്ഥ പരി​ശോ​ധി​ക്കുക.

പാർക്കിങ്‌ ബ്രേക്കി​ന്റെ പ്രവർത്തനം കയറ്റത്തിൽവെച്ചു പരി​ശോ​ധി​ക്കുക.

ബ്രേക്ക്‌ പെഡലി​നു സാധാ​ര​ണ​യിൽ കവിഞ്ഞ തേയ്‌മാ​ന​മു​ണ്ടോ​യെന്നു പരി​ശോ​ധി​ക്കുക.

നിർഗമന സംവി​ധാ​ന​ത്തി​ന്റെ അവസ്ഥ പരി​ശോ​ധി​ക്കുക. അത്‌ ഒച്ചയു​ണ്ടാ​ക്കു​ന്നു​ണ്ടോ? അത്‌ അയഞ്ഞതാ​ണോ?

ആഘാത പ്രതി​രോധ സംവി​ധാ​ന​വും (ഷോക്ക്‌ അബ്‌സോർബർ) സ്‌പ്രിം​ഗു​ക​ളും പരി​ശോ​ധി​ക്കുക. കാർ താഴേക്കു പതിഞ്ഞി​രി​ക്കു​ന്നു​വോ, അല്ലെങ്കിൽ നിങ്ങൾ ഓരോ മൂലയും ഒന്നിനു പുറകെ ഒന്നായി താഴേ​ക്ക​മർത്തു​മ്പോൾ അതു മൂന്നി​ല​ധി​കം പ്രാവ​ശ്യം മുകളി​ലേക്കു പൊന്തു​ന്നു​ണ്ടോ?

ഒരു എയർക​ണ്ടീ​ഷനർ ഉണ്ടെങ്കിൽ, അതു നന്നായി പ്രവർത്തി​ക്കു​ന്നു​വോ?

ലൈറ്റു​ക​ളും വൈപ്പ​റു​ക​ളും ഹോണും സീറ്റ്‌ ബെൽറ്റു​ക​ളും ജനലു​ക​ളും പ്രവർത്ത​ന​ക്ഷ​മ​മാ​ണോ?

ഒരു ട്രെയി​ലർ കെട്ടി​വ​ലി​ച്ച​തി​ന്റെ മറഞ്ഞി​രി​ക്കുന്ന അടയാ​ളങ്ങൾ വല്ലതു​മു​ണ്ടോ എന്നറി​യാൻ വാഹന​ത്തി​ന്റെ അടിയിൽ പിൻഭാ​ഗം പരി​ശോ​ധി​ക്കുക. അങ്ങനെ​യു​ണ്ടെ​ങ്കിൽ, ജാഗ്ര​ത​യു​ള്ള​വ​രാ​യി​രി​ക്കാൻ ശുപാർശ ചെയ്യുന്നു. അങ്ങനെ​യുള്ള കെട്ടി​വ​ലി​ക്കൽ ഗിയർ സംവി​ധാ​നത്തെ അമിത​മാ​യി ആയാസ​പ്പെ​ടു​ത്തി​യി​രി​ക്കാം.

ഈ ലേഖന​ത്തിൽ സൂചി​പ്പി​ച്ചി​രി​ക്കുന്ന ഏതെങ്കി​ലും പരി​ശോ​ധ​ന​ക​ളെ​ക്കു​റി​ച്ചു നിങ്ങൾക്കു തീർച്ച​യി​ല്ലെ​ങ്കിൽ, കാർ വാങ്ങു​ന്ന​തി​നു മുമ്പ്‌ ഒരു പരിച​യ​സ​മ്പ​ന്ന​നായ മെക്കാ​നി​ക്കി​ന്റെ വിലയി​രു​ത്ത​ലു​കൾ തേടു​ന്നതു ജ്ഞാനപൂർവ​ക​മാ​യി​രി​ക്കാം. കാർ നോക്കി​ക്കാ​ണു​ന്ന​തി​നും താഴെ​പ്പ​റ​യു​ന്ന​വ​യു​ടെ ഒരു പട്ടിക തയ്യാറാ​ക്കു​ന്ന​തി​നും അദ്ദേഹ​ത്തോ​ടു പറയുക.

1. കാറിന്‌ ഉടൻ നടത്തേണ്ട അറ്റകു​റ്റ​പ്പണി എന്തൊക്കെ; പാർട്‌സു​ക​ളു​ടെ​യും റിപ്പെയർ പണിയു​ടെ​യും ചെലവ്‌ എത്രമാ​ത്രം.

2. കാറിന്‌ അടുത്ത വർഷം ആവശ്യ​മാ​യി വന്നേക്കാ​വുന്ന റിപ്പെയർ എന്തെല്ലാം; പാർട്‌സു​ക​ളു​ടെ​യും പണിയു​ടെ​യും ചെലവ്‌ എത്രമാ​ത്രം.

ഒരു പരിച​യ​സ​മ്പ​ന്ന​നായ മെക്കാ​നിക്ക്‌ ഈ പരി​ശോ​ധ​ന​യ്‌ക്ക്‌ ഒരു മണിക്കൂ​റിൽക്കു​റവേ എടുക്കു​ക​യു​ള്ളൂ. ആ ഒരു മണിക്കൂർ സമയത്തെ തൊഴിൽക്കൂ​ലി നിങ്ങൾ കൊടു​ക്കേ​ണ്ടി​വ​ന്നേ​ക്കാം, പക്ഷേ ആവശ്യ​മാ​യി​രി​ക്കുന്ന നന്നാക്ക​ലി​നു വേണ്ടി​വ​രുന്ന അറിയ​പ്പെ​ടാത്ത ചെലവു​ക​ളു​മാ​യി താരത​മ്യം ചെയ്യു​മ്പോൾ അതു ചെറു​താണ്‌. അടുത്ത​കാ​ലത്തു കാറിന്‌ എന്തൊക്കെ പണികൾ ചെയ്‌തി​ട്ടു​ണ്ടെന്നു വിൽപ്പ​ന​ക്കാ​ര​നോ​ടു ചോദി​ച്ചു മനസ്സി​ലാ​ക്കുക. കേടു​പോ​ക്കിയ രേഖകൾ കാണാൻ ആവശ്യ​പ്പെ​ടുക. ഓയി​ലും ഓയിൽ അരിപ്പ​യും ക്രമമാ​യി മാറ്റി​യി​രു​ന്നോ? ഓട്ടോ​മാ​റ്റിക്‌ ഗിയർ സംവി​ധാ​നം എന്നെങ്കി​ലും കേടു​പോ​ക്കി​യി​ട്ടു​ണ്ടോ? ഒടുവിൽ കാറിനു പണികൾ ചെയ്‌തത്‌ എപ്പോ​ഴാ​യി​രു​ന്നു? ഒരു നല്ല കാർ നന്നായി സംരക്ഷി​ക്ക​പ്പെ​ടു​ന്ന​തും ധാരാളം പണികൾ ആവശ്യ​മി​ല്ലാ​ത്ത​തു​മായ ഒന്നാ​ണെന്ന്‌ ഓർമി​ക്കുക.

ആദ്യം ഇരുന്നു ചെലവു കണക്കു​കൂ​ട്ടുക—കാറി​നെ​ക്കു​റി​ച്ചുള്ള മുഴു വിവര​ങ്ങ​ളും സമാഹ​രി​ച്ച​ശേഷം. എന്നിട്ട്‌, കാറു തക്ക മൂല്യ​മു​ള്ള​താ​ണോ എന്നും വാങ്ങാ​നുള്ള വില മാത്രമല്ല മറ്റു ചെലവു​ക​ളും താങ്ങാ​നാ​വ​ശ്യ​മായ പണം നിങ്ങൾ ബജറ്റിൽ വകകൊ​ള്ളി​ച്ചി​ട്ടു​ണ്ടോ എന്നും തീരു​മാ​നി​ക്കുക.—ഒരു ഓട്ടോ ടെക്‌നീ​ഷ്യൻ സംഭാവന ചെയ്‌ത​പ്ര​കാ​രം.

[16, 17 പേജു​ക​ളി​ലെ ചിത്രങ്ങൾ]

നിങ്ങൾ വാങ്ങുന്ന ഉപയോ​ഗിച്ച കാർ നല്ലതാ​ണെന്നു നിങ്ങൾക്ക്‌ ഉറപ്പാ​ക്കാൻ കഴിയു​ന്ന​തെ​ങ്ങനെ? നിങ്ങൾ പരിഗ​ണി​ക്കേണ്ട പല കാര്യ​ങ്ങ​ളിൽ ചിലതാണ്‌ ഇവിടെ ചിത്രീ​ക​രി​ച്ചി​രി​ക്കു​ന്നത്‌

നിങ്ങൾ വാങ്ങു​ന്ന​തി​നു​മുമ്പ്‌ കാർ പരി​ശോ​ധി​ക്കാൻ ഒരു ഓട്ടോ ടെക്‌നീ​ഷ്യ​നെ ഏർപ്പെ​ടു​ത്തു​ക

ഓയിലും ഓയിൽ അരിപ്പ​യും ക്രമമാ​യി മാറ്റാ​റു​ണ്ടാ​യി​രു​ന്നോ?

അപകട​ത്തി​ന്റെ കേടു​പാ​ടു​ക​ളു​ണ്ടോ​യെന്നു നോക്കുക. വാതി​ലു​ക​ളും ബോണ​റ്റും ഉൾഭാ​ഗ​വും നല്ലതാ​ണോ?

അസാധാരണമായ ടയർ തേയ്‌മാ​നം ഭാഗങ്ങൾ തമ്മിലുള്ള പൊരു​ത്ത​ക്കേ​ടി​ന്റെ​യോ സ്റ്റിയറിങ്‌ തകരാ​റി​ന്റെ​യോ സൂചന​യാ​കാം