യുവജ​നങ്ങൾ ചോദി​ക്കു​ന്നു. . .

എന്റെ മാതാ​പി​താ​ക്കൾ അപര്യാ​പ്‌ത​രാ​കു​ന്നെ​ങ്കി​ലോ?

“എന്റെ പിതാവ്‌ പത്തു വർഷമാ​യി ഒരു ക്രിസ്‌ത്യാ​നി​യാണ്‌. പക്ഷേ അദ്ദേഹം നിഷ്‌ക്രി​യ​നാണ്‌. അദ്ദേഹം ബൈബിൾ പഠിക്കു​ന്നില്ല, മീറ്റി​ങ്ങു​ക​ളിൽ ക്രമമാ​യി പങ്കെടു​ക്കു​ന്നു​മില്ല. അദ്ദേഹം സഭയിലെ ക്രിസ്‌തീയ സഹോ​ദ​ര​ങ്ങളെ നിരന്തരം വിമർശി​ക്കു​ന്നു. വർഗങ്ങളെ സംബന്ധി​ച്ചും മറ്റു പല പല സംഗതി​കളെ സംബന്ധി​ച്ചും അദ്ദേഹ​ത്തിന്‌ ലൗകിക കാഴ്‌ച​പ്പാ​ടാ​ണു​ള്ളത്‌. വളരെ​യ​ധി​കം അപര്യാ​പ്‌ത​തകൾ ഉള്ളയാ​ളാ​യി ഞാൻ അദ്ദേഹത്തെ കരുതു​ന്നു.”—ഒരു കൗമാ​ര​പ്രാ​യ​ക്കാ​രി.

മാതാ​പി​താ​ക്ക​ളാ​രും പൂർണരല്ല. “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു” എന്ന്‌ ബൈബിൾ പറയുന്നു. (റോമർ 3:23) എന്നാൽ ഒരാളു​ടെ മാതാ​വോ പിതാ​വോ പൊതു​ജ​ന​സ​മക്ഷേ ഒരു മാതൃകാ ക്രിസ്‌ത്യാ​നി​യു​ടെ ഭാഗം അഭിന​യി​ക്കു​ക​യും രഹസ്യ​ജീ​വി​ത​ത്തിൽ വൃത്തി​കെട്ട രീതി​യിൽ മാറു​ക​യും ചെയ്യു​മ്പോൾ അത്‌ തികച്ചും വ്യത്യ​സ്‌ത​മായ ഒരു കാര്യ​മാണ്‌. “മറ്റുള്ള​വ​രു​ടെ മുമ്പിൽ എന്റെ പിതാവ്‌ നല്ല വ്യക്തി​യാണ്‌. എന്നാൽ അവരുടെ കൺമറ​യത്ത്‌ അദ്ദേഹം വ്യത്യ​സ്‌ത​നാണ്‌—ദ്രോഹി! ഞാനെന്തു ചെയ്‌താ​ലും അദ്ദേഹം വിമർശി​ക്കും, ഞങ്ങളുടെ കുടും​ബ​ത്തി​ലുള്ള എല്ലാവ​രെ​യും അദ്ദേഹം വിഷമി​പ്പി​ക്കു​ന്നു. ജീവി​ത​ത്തിൽ മേലാൽ സന്തോഷം അനുഭ​വി​ക്കാൻ കഴിയാത്ത അളവോ​ളം എത്തി​ച്ചേർന്നി​രി​ക്കു​ക​യാ​ണു ഞാനി​പ്പോൾ. എനിക്ക്‌ അദ്ദേഹ​ത്തോട്‌ ഒന്നു മാത്രമേ തോന്നു​ന്നു​ള്ളു, വിദ്വേ​ഷം.”

രഹസ്യ​ജീ​വി​ത​ത്തിൽ വിവിധ തരത്തി​ലുള്ള ദുഷ്‌പെ​രു​മാ​റ്റങ്ങൾ അനുഭ​വി​ക്കുന്ന യുവാ​ക്കൾക്കി​ട​യിൽ കോപ​വും വിദ്വേ​ഷ​വും പ്രത്യേ​കിച്ച്‌ തീവ്ര​മാ​യി​രി​ക്കും. ഒരു രഹസ്യ മദ്യപാ​നി​യായ തന്റെ പിതാ​വിൽനി​ന്ന​നു​ഭ​വിച്ച “അക്രമം, നിന്ദാ​പൂർവ​ക​മായ വാക്കുകൾ, എല്ലാ തരത്തി​ലു​മുള്ള ദുഷ്‌പെ​രു​മാ​റ്റം” എന്നിവ​യെ​ക്കു​റിച്ച്‌ മേരി എന്നു പേരുള്ള ഒരു സ്‌ത്രീ എഴുതു​ന്നു. “ഞങ്ങൾക്ക്‌ എത്ര നല്ല പിതാ​വാ​ണു​ള്ള​തെ​ന്നും ഞങ്ങൾ എത്ര അനുഗൃ​ഹീ​ത​രാ​ണെ​ന്നും ആളുകൾ ഞങ്ങൾ കുട്ടി​ക​ളോ​ടു വന്നു പറയു​മാ​യി​രു​ന്നു,” അവൾ കയ്‌പോ​ടെ ഓർമി​ക്കു​ന്നു.

എല്ലാരൂ​പ​ത്തി​ലു​ള്ള കപടഭ​ക്തി​യെ​യും ബൈബിൾ കുറ്റം വിധി​ക്കു​ന്നു. (യാക്കോബ്‌ 3:17) ദൈവ​ത്തി​ന്റെ ആരാധ​ക​രു​ടെ ഇടയിൽപ്പോ​ലും കുറെ “കപടക്കാ”ർ ഉണ്ടായി​രി​ക്കു​മെന്ന്‌ അത്‌ മുന്നറി​യി​പ്പു നൽകുന്നു. (സങ്കീർത്തനം 26:4; താരത​മ്യം ചെയ്യുക: യൂദാ 4.) എന്നാൽ, കപടനാ​ട്യം കാണി​ക്കു​ന്നത്‌ നിങ്ങൾ സ്‌നേ​ഹി​ക്കു​ക​യും ആദരി​ക്കു​ക​യും ചെയ്യേ​ണ്ടി​യി​രി​ക്കുന്ന നിങ്ങളു​ടെ മാതാ​വോ പിതാ​വോ ആകു​മ്പോൾ ഈ അറിവ്‌ കാര്യ​ങ്ങളെ എളുപ്പ​മാ​ക്കി​ത്തീർക്കി​ല്ലാ​യി​രി​ക്കാം. പരസ്‌പ​ര​വി​രു​ദ്ധ​മായ വികാ​രങ്ങൾ നിമിത്തം ചില യുവാക്കൾ വീർപ്പു​മു​ട്ടു​ന്നു. “എനിക്കു സഹായം വേണം,” ഒരു പെൺകു​ട്ടി വിലപി​ക്കു​ന്നു. “‘നിന്റെ പിതാ​വി​നെ ബഹുമാ​നിക്ക’ എന്നു ബൈബിൾ പറയുന്നു. പക്ഷേ എനിക്ക​തി​നാ​വില്ല.”

അവരെ ബഹുമാ​നി​ക്കു​ന്ന​തി​ന്റെ യഥാർഥ അർഥം

തങ്ങളുടെ മാതാ​പി​താ​ക്കൾ ബഹുമാ​ന​ത്തിന്‌ അർഹര​ല്ലെന്നു വിചാ​രി​ക്കുന്ന യുവജ​ന​ങ്ങൾക്ക്‌ ‘രക്ഷപ്പെ​ടാൻ’ മാതാ​പി​താ​ക്കളെ ബഹുമാ​നിക്ക എന്ന ബൈബിൾ കൽപ്പന​യിൽ ‘പഴുത്‌’ ഒന്നുമി​ല്ലെ​ന്നു​ള്ളത്‌ സത്യമാണ്‌. (എഫെസ്യർ 6:1, 2) എന്നിരു​ന്നാ​ലും, ഒരു പിതാ​വി​നെ ബഹുമാ​നി​ക്കു​ന്നു​വെന്നു കരുതി നിങ്ങൾ അദ്ദേഹ​ത്തി​ന്റെ ജീവി​ത​രീ​തി അംഗീ​ക​രി​ക്കു​ന്നു​വെ​ന്നോ അദ്ദേഹം നിങ്ങ​ളോട്‌ ഇടപെ​ടുന്ന വിധത്തിൽ നിങ്ങൾ സന്തുഷ്ട​നാ​ണെ​ന്നോ അത്‌ അവശ്യം അർഥമാ​ക്കു​ന്നില്ല.a ബൈബി​ളിൽ “ബഹുമാന”ത്തിന്‌ കേവലം അർഹത​പ്പെട്ട അധികാ​ര​ത്തി​ന്റെ തിരി​ച്ച​റി​യൽ എന്ന്‌ അർഥമുണ്ട്‌.

ഉദാഹ​ര​ണ​ത്തിന്‌, ക്രിസ്‌ത്യാ​നി​കൾ “രാജാ​വി​നെ ബഹുമാ​നി”ക്കണമെന്ന്‌ അപ്പോ​സ്‌ത​ല​നായ പത്രോസ്‌ എഴുതി. (1 പത്രൊസ്‌ 2:17) പലപ്പോ​ഴും രാജാ​ക്കൻമാർ അപ്രി​യ​രായ വ്യക്തി​ക​ളാ​ണെന്ന്‌ പത്രോസ്‌ നേരി​ട്ട​റി​ഞ്ഞി​രു​ന്നു. ഉദാഹ​ര​ണ​ത്തിന്‌, ഹെരോദ്‌ അഗ്രിപ്പാ ഒന്നാമൻ രാജാവ്‌ ധൂർത്ത​നും വീണ്ടു​വി​ചാ​ര​മി​ല്ലാ​ത്ത​വ​നു​മായ മനുഷ്യ​നാ​യി​രു​ന്നു. പാലസ്‌തീ​നി​ന്റെ രാജാ​വാ​യി റോം അദ്ദേഹത്തെ നിയമി​ച്ച​ശേഷം അദ്ദേഹം ക്രിസ്‌ത്യാ​നി​കൾക്കു​നേരെ പീഡനം അഴിച്ചു​വി​ട്ടു. “യോഹ​ന്നാ​ന്റെ സഹോ​ദ​ര​നായ യാക്കോ​ബി​നെ അവൻ വാൾകൊ​ണ്ടു കൊന്നു. അതു യഹൂദൻമാർക്കു പ്രസാ​ദ​മാ​യി എന്നു കണ്ടു അവൻ പത്രൊ​സി​നെ​യും പിടിച്ചു.” (പ്രവൃ​ത്തി​കൾ 12:1-3) എന്നിട്ടും, പത്രോസ്‌ മത്സരത്തെ പ്രോ​ത്സാ​ഹി​പ്പി​ച്ചില്ല. പകരം, അദ്ദേഹം രാജാ​ക്കൻമാ​രോ​ടുള്ള അനുസ​ര​ണത്തെ പ്രോ​ത്സാ​ഹി​പ്പി​ച്ചു, നല്ല കാരണ​ത്തോ​ടെ തന്നെ. ലൗകിക അധികാ​രി​കളെ അനുസ​രി​ക്ക​ണ​മെ​ന്നു​ള്ളത്‌ യഹോ​വ​യു​ടെ ഹിതമാണ്‌. പത്രോ​സി​ന്റെ നാളിലെ ചില രാജാ​ക്കൻമാർക്ക്‌ പൂർണ ശക്തിയും അധികാ​ര​വും ഉണ്ടായി​രു​ന്നു. ശലോ​മോൻ ഇപ്രകാ​രം പറഞ്ഞു: “അവൻ തനിക്കു ഇഷ്ടമു​ള്ള​തൊ​ക്കെ​യും ചെയ്യു​മ​ല്ലോ. രാജക​ല്‌പന ബലമു​ള്ളതു; നീ എന്തു ചെയ്യുന്നു എന്നു അവനോ​ടു ആർ ചോദി​ക്കും?”—സഭാ​പ്ര​സം​ഗി 8:3, 4.

സമാന​മാ​യി, നിങ്ങളു​ടെ പിതാ​വും—അദ്ദേഹ​ത്തി​ന്റെ കുറവു​കൾ എന്തുത​ന്നെ​യാ​യി​രു​ന്നാ​ലും—അധികാ​ര​സ്ഥാ​ന​ത്താണ്‌. അദ്ദേഹ​ത്തിന്‌ നിങ്ങളു​ടെ ജീവി​ത​ത്തി​ന്റെ​മേൽ ഗണ്യമായ സ്വാധീ​ന​മുണ്ട്‌. അതു​കൊണ്ട്‌, അദ്ദേഹ​ത്തോ​ടു മത്സരി​ക്കു​ന്ന​തോ പുച്ഛ​ത്തോ​ടെ ഇടപെ​ടു​ന്ന​തോ കേവലം ജ്ഞാനപൂർവ​ക​മായ നടപടി​യല്ല. അങ്ങനെ ചെയ്യു​ന്നത്‌ നിങ്ങളു​ടെ ജീവി​തത്തെ കൂടുതൽ വിഷമ​ക​ര​മാ​ക്കി​ത്തീർക്കു​മെന്നു മാത്രമല്ല, ദൈവ​പ്രീ​തി നിങ്ങൾക്ക്‌ നഷ്ടമാ​കു​ന്ന​തിന്‌ അത്‌ ഇടയാ​ക്കു​ക​യും ചെയ്യും. (താരത​മ്യം ചെയ്യുക: സദൃശ​വാ​ക്യ​ങ്ങൾ 30:17; സഭാ​പ്ര​സം​ഗി 10:4.) അതേസ​മയം, സാധ്യ​മാ​കു​ന്നി​ട​ത്തോ​ളം സഹകരി​ക്കു​ന്നത്‌ നിങ്ങളു​ടെ പിതാ​വു​മാ​യുള്ള ബന്ധത്തിൽ സമാധാ​ന​ത്തി​ന്റെ​യും ശാന്തത​യു​ടെ​യും കുറച്ചു തോന്ന​ലെ​ങ്കി​ലും നിലനിർത്താൻ നിങ്ങളെ സഹായി​ച്ചേ​ക്കാം.—കൊ​ലൊ​സ്സ്യർ 3:20.

ദേഷ്യ​ത്തോ​ടും വെറു​പ്പോ​ടും കൂടെ​യുള്ള ഇടപെടൽ

എങ്കിലും നിങ്ങളെ വ്രണ​പ്പെ​ടു​ത്തു​ക​യും നിരാ​ശ​പ്പെ​ടു​ത്തു​ക​യും ചെയ്‌ത ഒരാ​ളോട്‌ നിങ്ങൾക്കെ​ങ്ങനെ ആദര​വോ​ടെ ഇടപെ​ടാൻ കഴിയും? ഇത്‌ എളുപ്പ​മുള്ള കാര്യമല്ല. എന്നാൽ അദ്ദേഹ​ത്തി​ന്റെ തെറ്റു​ക​ളെ​യും കുറവു​ക​ളെ​യും കുറിച്ച്‌ എപ്പോ​ഴും ചിന്തി​ച്ചു​കൊ​ണ്ടി​രി​ക്കു​ന്നത്‌ നിങ്ങളു​ടെ വിദ്വേ​ഷത്തെ വളർത്തു​കയേ ഉള്ളൂ. അതോ പിതാ​വി​ലുള്ള ഏതെങ്കി​ലും നല്ല ഗുണങ്ങളെ അർഹമായ രീതി​യിൽ പ്രശം​സി​ച്ചു​കൊണ്ട്‌ നിങ്ങൾ നിങ്ങളു​ടെ പിതാ​വി​നെ​പ്പറ്റി കൂടുതൽ ക്രിയാ​ത്മ​ക​മാ​യി ചിന്തി​ക്കേ​ണ്ട​തു​ണ്ടാ​യി​രി​ക്കു​മോ?

സദൃശ​വാ​ക്യ​ങ്ങൾ 19:11, (NW) പറയു​ന്നതു ശ്രദ്ധി​ക്കുക: “ഒരു മമനു​ഷ്യ​ന്റെ ഉൾക്കാഴ്‌ച തീർച്ച​യാ​യും അവന്റെ കോപത്തെ ശമിപ്പി​ക്കു​ന്നു.” നിങ്ങളു​ടെ പിതാ​വി​നെ മനസ്സി​ലാ​ക്കാൻ ശ്രമി​ക്കു​ന്നത്‌ കാര്യങ്ങൾ സംബന്ധിച്ച്‌ ഒരു പുതിയ വീക്ഷണ​ഗതി നിങ്ങൾക്ക്‌ പ്രദാ​നം​ചെ​യ്‌തേ​ക്കാം. അദ്ദേഹം യഥാർഥ​ത്തിൽ ദുഷ്ടമാ​യി പെരു​മാ​റു​ക​യാ​ണോ? അതോ അദ്ദേഹം കേവലം ക്ഷീണി​ത​നോ നിരാ​ശ​നോ സഹായം ആവശ്യ​മു​ള്ള​വ​നോ ആണോ? അദ്ദേഹ​ത്തി​ന്റെ സ്വഭാവം രോഗ​ത്തി​ന്റെ​യോ നിരാ​ശ​യു​ടെ​യോ ഏകാന്ത​ത​യു​ടെ​യോ ജോലി സമ്മർദ​ത്തി​ന്റെ​യോ പരിണ​ത​ഫ​ല​മാ​ണോ? ആണെങ്കിൽ ഈ പ്രശ്‌നങ്ങൾ മനസ്സി​ലാ​ക്കു​ന്നത്‌ നിങ്ങളു​ടെ പിതാ​വി​നോ​ടു കൂടുതൽ അനുക​മ്പ​യും ഒരുപക്ഷേ കോപ​ക്കു​റ​വും അനുഭ​വ​പ്പെ​ടാൻ നിങ്ങളെ സഹായി​ക്കും.

സംഗതി​യെ​ന്താ​യാ​ലും, ഇത്‌ നിങ്ങളു​ടെ വികാ​ര​ങ്ങ​ളെ​ക്കു​റിച്ച്‌ ആരോ​ടെ​ങ്കി​ലും സംസാ​രി​ക്കു​ന്ന​തി​നു സഹായി​ക്കു​ന്നു. (സദൃശ​വാ​ക്യ​ങ്ങൾ 12:25) “എന്റെ പിതാവ്‌ മദ്യപാ​നി​യാ​യി​രു​ന്നു. എനിക്ക്‌ എങ്ങനെ അനുഭ​വ​പ്പെ​ട്ടു​വെന്ന്‌ എന്റെ മാതാ​പി​താ​ക്ക​ളോ​ടു പറയാൻ കഴിഞ്ഞില്ല. അതു​കൊണ്ട്‌ ഞാനെ​ല്ലാം എന്റെ ഉള്ളി​ലൊ​തു​ക്കി,” ഒരു പെൺകു​ട്ടി അനുസ്‌മ​രി​ക്കു​ന്നു. എന്നാൽ, നിങ്ങൾ ഒറ്റയ്‌ക്ക്‌ കഷ്ടപ്പെ​ടേ​ണ്ട​തില്ല. മാതാ​പി​താ​ക്കൾക്കു പകരമാ​കു​ക​യി​ല്ലെ​ങ്കി​ലും ക്രിസ്‌തീയ സഭയിലെ പക്വത​യുള്ള ക്രിസ്‌ത്യാ​നി​കൾക്ക്‌ കുടും​ബ​ത്തി​ലെ കരുത​ലി​ല്ലായ്‌മ എന്ന വിടവ്‌ വളരെ​യ​ധി​കം നികത്താ​നാ​വും. (താരത​മ്യം ചെയ്യുക: മർക്കൊസ്‌ 10:30.) സദൃശ​വാ​ക്യ​ങ്ങൾ 17:17 ഇപ്രകാ​രം പറയുന്നു: “സുഹൃ​ത്തു​ക്കൾ എല്ലായ്‌പോ​ഴും സ്‌നേഹം പ്രകടി​പ്പി​ക്കു​ന്നു. പ്രശ്‌നങ്ങൾ പങ്കുവ​യ്‌ക്കാ​ന​ല്ലെ​ങ്കിൽപ്പി​ന്നെ സഹോ​ദ​രങ്ങൾ എന്തിനാണ്‌?”—റ്റുഡേ​യ്‌സ്‌ ഇംഗ്ലീഷ്‌ വേർഷൻ.

‘എനിക്ക്‌ അദ്ദേഹത്തെ മാറ്റാൻ കഴിയും’

വഴി​തെ​റ്റിയ ഉത്തരവാ​ദി​ത്വ​ബോ​ധം നിമിത്തം ചില യുവാക്കൾ വൈകാ​രി​ക​മാ​യി കഷ്ടപ്പെ​ടു​ന്നു. തന്നെക്കു​റി​ച്ചും കൂടപ്പി​റ​പ്പു​ക​ളെ​ക്കു​റി​ച്ചും മേരി ഇപ്രകാ​രം പറയുന്നു: “എന്റെ പിതാ​വി​ന്റെ മദ്യപാ​ന​പ്ര​ശ്‌നം ആരെങ്കി​ലും കണ്ടുപി​ടി​ക്കു​മോ​യെ​ന്നുള്ള ഭയത്തി​ലാ​യി​രു​ന്നു ഞങ്ങളുടെ ജീവിതം.” മറ്റുചി​ല​രാ​ണെ​ങ്കിൽ തങ്ങളുടെ ദുഷ്‌കർമി​ക​ളായ മാതാ​പി​താ​ക്ക​ളു​ടെ സ്വഭാവം മാറ്റാൻ വൃഥാ ശ്രമങ്ങൾ നടത്തി തളരുന്നു.

നിങ്ങളു​ടെ പിതാ​വി​നെ നിങ്ങൾ സ്‌നേ​ഹി​ക്കു​ക​യും കരുതു​ക​യും ചെയ്യു​ന്നി​ട​ത്തോ​ളം അദ്ദേഹ​ത്തി​ന്റെ കുറവു​കൾക്കു​വേണ്ടി നിങ്ങളെ ആരും കുറ്റ​പ്പെ​ടു​ത്തു​ക​യില്ല. ദൈവ​ത്തി​ന്റെ മുമ്പാകെ അദ്ദേഹം ഉത്തരവാ​ദി​ത്വം സംബന്ധിച്ച്‌ ‘തന്റെ സ്വന്ത ചുമടു ചുമക്കു​ന്നു.’ (താരത​മ്യം ചെയ്യുക: ഗലാത്യർ 6:5; യാക്കോബ്‌ 5:14.) നിങ്ങളു​ടെ പിതാ​വി​ന്റെ​യോ മാതാ​വി​ന്റെ​യോ സ്വഭാവം നിരീ​ക്ഷി​ക്കു​ക​യോ നിയ​ന്ത്രി​ക്കു​ക​യോ ചെയ്യുക എന്നത്‌ നിങ്ങളു​ടെ ഉത്തരവാ​ദി​ത്വ​മല്ല. അടിക്കടി കുറ്റ​പ്പെ​ടു​ത്തു​ക​യോ പരുഷ​മാ​യി നിന്ദി​ക്കു​ക​യോ ചെയ്യു​ന്നതു നിങ്ങളു​ടെ പിതാ​വി​നെ വിഷമി​പ്പി​ക്കു​കയേ ഉള്ളൂ.

നിങ്ങൾക്ക്‌ ഒന്നും ചെയ്യാൻ കഴിക​യി​ല്ലെന്ന്‌ ഇതിനർഥ​മില്ല. നിങ്ങളു​ടെ പിതാ​വി​ന്റെ മനസ്സു മാറണ​മേ​യെന്ന്‌ നിങ്ങൾക്ക്‌ “ഇടവി​ടാ​തെ പ്രാർത്ഥി​ക്കാൻ” കഴിയും. (1 തെസ്സ​ലൊ​നീ​ക്യർ 5:17) അദ്ദേഹ​ത്തോ​ടുള്ള നിങ്ങളു​ടെ സ്‌നേഹം നിരന്തരം പ്രകടി​പ്പി​ക്കു​ന്ന​തും ഉചിത​മാ​യി​രി​ക്കു​മ്പോൾ ആത്മാർഥ​മാ​യി പ്രശം​സി​ക്കു​ന്ന​തും അദ്ദേഹ​ത്തി​ന്റെ മനോ​ഭാ​വം മയപ്പെ​ടു​ത്താൻ സഹായി​ക്കും. ഇതിന​പ്പു​റം, കഴിവ​തും സഹിക്കുക എന്നല്ലാതെ മറ്റൊരു പോം​വ​ഴി​യി​ല്ലാ​യി​രി​ക്കാം.b

തീർച്ച​യാ​യും, നിങ്ങളും നിങ്ങളു​ടെ പിതാ​വും ക്രിസ്‌ത്യാ​നി​കൾ ആയിരി​ക്ക​യും പിതാവ്‌ മദ്യദു​രു​പ​യോ​ഗ​മോ കോപാ​ക്ര​മ​ണ​മോ പോ​ലെ​യുള്ള ഗുരു​ത​ര​മായ തെറ്റിൽ ഏർപ്പെ​ടു​ക​യും ചെയ്യു​ന്നെ​ങ്കിൽ കാര്യങ്ങൾ ഉറപ്പാ​യും സഭാമൂ​പ്പൻമാ​രു​മാ​യി ചർച്ച ചെയ്യാ​നുള്ള കടപ്പാട്‌ സ്വാഭാ​വി​ക​മാ​യും നിങ്ങൾക്ക്‌ തോന്നും. (യാക്കോബ്‌ 5:14) ഇത്‌ വിശ്വ​സ്‌ത​ത​യി​ല്ലാ​യ്‌മ​യു​ടെ ഒരു പ്രവൃ​ത്തി​യല്ല. എന്നാൽ നിങ്ങളു​ടെ പിതാ​വിന്‌ തികച്ചും ആവശ്യ​മുള്ള സഹായം അദ്ദേഹ​ത്തി​നു കിട്ടു​ന്നു​വെന്ന്‌ ഉറപ്പാ​ക്കു​ന്ന​തി​നുള്ള സ്‌നേ​ഹ​പൂർവ​ക​മായ ഒരു ശ്രമമാ​യി​രി​ക്കും ഇത്‌. ചില മാതാ​പി​താ​ക്കൾ ഏതു തെറ്റും കോപ​ത്തോ​ടെ നിരസി​ക്കു​ക​യും രഹസ്യ​മാ​യി പ്രതി​കാ​രം നടത്തു​ക​യും ചെയ്‌തി​ട്ടു​ണ്ടെ​ന്നു​ള്ളത്‌ സത്യമാണ്‌. എന്നാൽ യഹോവ തങ്ങളുടെ ധൈര്യ​പൂർവ​ക​മായ ഗതിയെ അംഗീ​ക​രി​ക്കു​ന്നു​വെ​ന്നും അവൻ തന്റെ തക്കസമ​യത്ത്‌ സത്യം വെളി​ച്ചത്തു കൊണ്ടു​വ​രു​മെ​ന്നും ഇക്കാര്യ​ത്തിൽ “നീതി​നി​മി​ത്തം കഷ്ടം സഹി”ക്കുന്ന യുവാ​ക്കൾക്ക്‌ ഉറപ്പു​ണ്ടാ​യി​രി​ക്കാൻ കഴിയും.—1 പത്രൊസ്‌ 3:14; 1 തിമൊ​ഥെ​യൊസ്‌ 5:24, 25.

നിങ്ങളു​ടെ സ്വരക്ഷ​യ്‌ക്കാ​യി പ്രവർത്തി​ക്കൽ

ശലോ​മോൻ ഇപ്രകാ​രം പറഞ്ഞു: “മർദ്ദനം തീർച്ച​യാ​യും വിജ്ഞാ​നി​യെ ഭോഷ​നാ​ക്കു​ന്നു.” (സഭാ​പ്ര​ഭാ​ഷകൻ 7:7, ഓശാന ബൈബിൾ) ദുഃഖ​ക​ര​മെ​ന്നു​പ​റ​യട്ടെ, ചില യുവജ​നങ്ങൾ തങ്ങളുടെ മാതാ​പി​താ​ക്ക​ളു​ടെ മോശ​മായ മാതൃ​ക​യാൽ കയ്‌പു​നി​റ​ഞ്ഞ​വ​രാ​യി​ത്തീ​രു​ക​യും അവർ തന്നെ ദുഷിച്ച പെരു​മാ​റ്റം തുടങ്ങു​ക​യും ചെയ്‌തി​ട്ടുണ്ട്‌. ചിലരാ​ണെ​ങ്കിൽ ദൈവ​ത്തോ​ടു​തന്നെ കോപാ​കു​ല​രാ​യി​ത്തീർന്നിട്ട്‌ ക്രിസ്‌തീയ വഴി വിട്ടു​പോ​കാൻ ഇടവന്നി​ട്ടു​പോ​ലു​മുണ്ട്‌! (സദൃശ​വാ​ക്യ​ങ്ങൾ 19:3) ബൈബിൾ ഇപ്രകാ​രം മുന്നറി​യി​പ്പു നൽകുന്നു: “കോപം നിന്നെ വിദ്വേ​ഷ​പൂർവ​ക​മായ [പ്രവർത്ത​ന​ങ്ങൾക്ക്‌] വശീക​രി​ക്കാ​തി​രി​ക്കാൻ സൂക്ഷി​ക്കുക . . . ദ്രോ​ഹ​പ്ര​വൃ​ത്തി​ക​ളി​ലേക്കു തിരി​യാ​തി​രി​ക്കാൻ നിന്നെ​ത്തന്നെ സൂക്ഷി​ച്ചു​കൊൾക.”—ഇയ്യോബ്‌ 36:18-21, NW.

ദൈവ​വു​മാ​യു​ള്ള നിങ്ങളു​ടെ പിതാ​വി​ന്റെ നിലപാ​ടു സംബന്ധിച്ച്‌ അമിത​മാ​യി ഉത്‌ക​ണ്‌ഠ​പ്പെ​ടു​ന്ന​തി​നു പകരം നിങ്ങൾ “ഭയത്തോ​ടും വിറയ​ലോ​ടും കൂടെ നിങ്ങളു​ടെ രക്ഷെക്കാ​യി പ്രവർത്തി”ക്കേണ്ടതുണ്ട്‌. (ഫിലി​പ്പി​യർ 2:12) പുരാതന നാളു​ക​ളിൽ, ഹിസ്‌കി​യാവ്‌ എന്നു പേരുള്ള ഒരു യുവ രാജകു​മാ​രൻ സമാന​മായ സാഹച​ര്യ​ങ്ങ​ളിൽ അങ്ങനെ ചെയ്‌തു. അവന്റെ പിതാ​വായ ആഹാസ്‌ രാജാവ്‌ യഹോ​വ​യു​ടെ ഒരു ആരാധ​ക​നെന്ന്‌ അവകാ​ശ​പ്പെട്ടു. (യെശയ്യാ​വു 7:10-12) എന്നാൽ, തന്റെ സ്വന്തം പുത്രൻമാ​രിൽ ഒരാളെ മനുഷ്യ​ബലി നടത്തുക പോലും ചെയ്‌ത അദ്ദേഹം യഥാർഥ​ത്തിൽ പുറജാ​തി ദൈവ​ങ്ങ​ളു​ടെ ഒരു ആരാധ​ക​നാ​യി​രു​ന്നു! (2 രാജാ​ക്കൻമാർ 16:1-4) നിലനി​ന്നി​രുന്ന ഈ വിശ്വാ​സ​ത്യാ​ഗം യുവ ഹിസ്‌കി​യാ​വിന്‌ എത്ര വ്യസന​ക​ര​മാ​യി​രു​ന്നി​രി​ക്കു​മെന്നു സങ്കൽപ്പി​ക്കുക! ഈ യുവ രാജകു​മാ​ര​നാൽ എഴുത​പ്പെ​ട്ട​തെന്ന്‌ ചിലർ വിശ്വ​സി​ക്കുന്ന സങ്കീർത്തനം 119:28 ഇപ്രകാ​രം പറയുന്നു: “എന്റെ പ്രാണൻ വിഷാ​ദം​കൊ​ണ്ടു ഉരുകു​ന്നു; നിന്റെ വചന​പ്ര​കാ​രം എന്നെ നിവിർത്തേ​ണമേ.”

യഹോവ അതുതന്നെ ചെയ്‌തു! ഹിസ്‌കി​യാവ്‌ പ്രാർഥ​ന​യി​ലും ദൈവ​വ​ച​ന​ത്തി​ന്റെ പഠനത്തി​ലും മുഴു​കി​യി​രു​ന്ന​പ്പോൾ, സാഹച​ര്യ​ങ്ങൾ അങ്ങനെ​യാ​യി​രു​ന്നി​ട്ടും അവന്റെ ആത്മീയത വളർച്ച​പ്രാ​പി​ച്ചു. (സങ്കീർത്തനം 119:97) അവൻ തന്റെ സഹവാ​സങ്ങൾ ശ്രദ്ധാ​പൂർവം കാത്തു​സൂ​ക്ഷി​ക്കു​ക​യും ചെയ്‌തു. (സങ്കീർത്തനം 119:63) ഫലമോ? തന്റെ കപടനാ​ട്യ​ക്കാ​ര​നായ പിതാ​വി​ന്റെ ദുഃഖ​ക​ര​മായ മാതൃ​ക​യു​ണ്ടാ​യി​രു​ന്നി​ട്ടും ഹിസ്‌കി​യാവ്‌ “യഹോ​വ​യോ​ടു ചേർന്നി​രു​ന്നു.” (2 രാജാ​ക്ക​ന്മാർ 18:6) അതിനു നിങ്ങൾക്കും കഴിയും! നിങ്ങളു​ടെ മാതാ​വോ പിതാ​വോ കപടമാ​യി പെരു​മാ​റു​ക​യാ​യി​രി​ക്കാം, പക്ഷേ നിങ്ങൾ അവരുടെ മാതൃക പകർത്തേണ്ട ആവശ്യ​മില്ല. യഹോ​വ​യോ​ടു ചേർന്നു​ത​ന്നെ​യി​രി​ക്കുക. ഒരുപക്ഷേ നിങ്ങളു​ടെ വിശ്വ​സ്‌ത​ത​യു​ടെ മികച്ച മാതൃക മാറ്റം വരുത്താൻ എന്നെങ്കി​ലു​മൊ​രി​ക്കൽ നിങ്ങളു​ടെ പിതാ​വി​നെ പ്രേരി​പ്പി​ച്ചേ​ക്കാം.

[അടിക്കു​റി​പ്പു​കൾ]

[25-ാം പേജിലെ ചിത്രങ്ങൾ]

നിങ്ങളുടെ പിതാവ്‌ തെറ്റു​ചെ​യ്യു​ന്നെ​ങ്കിൽ നിങ്ങൾ അങ്ങനെ ചെയ്യേ​ണ്ട​തി​ല്ല